23 Ik. ページ 392

Orowa, Pauros anak ne nei uwekari orun oshikkurukote wa ene itak-hi :— Iriwak utara, tanto pakno kuani anak ne Kamui tek-samata pirika keutura kon no an wa an ruwe ne.

Orowa, Pawros anakne ne uekari orun osikkurkote wa ene itak hi :— Irwak utar, tanto pakno kuani anakne Kamuy tek-sama ta pirka kewtura kor no an wa an ruwe ne.

ατενισας δε ο παυλος τω συνεδριω ειπεν ανδρες αδελφοι εγω παση συνειδησει αγαθη πεπολιτευμαι τω θεω αχρι ταυτης της ημερας

そこで、パウロは最高法院の議員たちを見つめて言った。「兄弟たち、わたしは今日に至るまで、あくまでも良心に従って神の前で生きてきました。」

Orowa, Kamui kora kenru iyotta pase esapane guru ne Ananias anak ne shinuma koro paro kokik kuni ne samaketa roshki utara kashpaotte nisa ruwe ne.

Orowa, Kamuy kor kenru iyotta pase esapane kur ne Ananias anakne sinuma kor paro kokik kuni ne samake ta roski utar kaspaotte nisa ruwe ne.

ο δε αρχιερευς ανανιας επεταξεν τοις παρεστωσιν αυτω τυπτειν αυτου το στομα

すると、大祭司アナニアは、パウロの近くに立っていた者たちに、彼の口を打つように命じた。

Awa, otta Pauros ene itak-hi :— Aretaraka tumama, Kamui anak ne e shirikik kusu ne: tuitak ani en koipishi gusu e a wa, nei tuitak ehaita wa a en shirikik kuni e ikashpaotte ruwe he an?

Awa, or ta Pawros ene itak hi :— A=retarka tumama, Kamuy anakne e sirkik kusu ne: tuytak ani en koypisi kusu e a wa, ne tuytak ehayta wa a en=sirkik kuni e ikaspaotte ruwe he an?

τοτε ο παυλος προς αυτον ειπεν τυπτειν σε μελλει ο θεος τοιχε κεκονιαμενε και συ καθη κρινων με κατα τον νομον και παρανομων κελευεις με τυπτεσθαι

パウロは大祭司に向かって言った。「白く塗った壁よ、神があなたをお打ちになる。あなたは、律法に従ってわたしを裁くためにそこに座っていながら、律法に背いて、わたしを打て、と命令するのですか。」

Orowa, samaketa roshki wa okai utara ene itak-hi :— Kamui kora kenru iyotta pase esapane guru e oitakushi ya?

Orowa, samake ta roski wa okay utar ene itak hi :— Kamuy kor kenru iyotta pase esapane kur e oytakusi ya?

οι δε παρεστωτες ειπαν τον αρχιερεα του θεου λοιδορεις

近くに立っていた者たちが、「神の大祭司をののしる気か」と言った。

Pauros ene itak-hi :— Iriwak utara, shinuma anak ne Kamui kora kenru iyotta pase esapane guru ne sekoro ku eramushkari: awa, e koro utara esapane guru gusu iteki wenbe ye yan, ari ani itak chieshinnuye wa an ruwe ne gusu ne na, ari itak.

Pawros ene itak hi :— Irwak utar, sinuma anakne Kamuy kor kenru iyotta pase esapane kur ne sekor ku=eramuskari: awa, e=kor utar esapane kur kusu iteki wenpe ye yan, ari ani itak ciesinnuye wa an ruwe ne kusu ne na, ari itak.

εφη τε ο παυλος ουκ ηδειν αδελφοι οτι εστιν αρχιερευς γεγραπται γαρ οτι αρχοντα του λαου σου ουκ ερεις κακως

パウロは言った。「兄弟たち、その人が大祭司だとは知りませんでした。確かに『あなたの民の指導者を悪く言うな』と書かれています。」

Koroka, nei utara tumugeta an sereke utara anak ne Saddokai un utara ne, orowa, sereke utara anak ne Parisee un utara ne sekoro Pauros eraman chiki, nei uwekari tumuge wa hawe ashte hine ene itak-hi :— Iriwak utara, Kuani anak ne Parisee un guru ne, Parisee un utara koro santek ku ne: rai-i orowa no hetopo-shiknu kuni chipachipa ambe gusu a en koipishi an na, ari itak.

Korka, ne utar tumke ta an serke utar anakne Saddokay un utar ne, orowa, serke utar anakne Parisee un utar ne sekor Pawros eraman ciki, ne uekari tumuke wa hawe aste hine ene itak hi :— Irwak utar, Kuani anakne Parisee un kur ne, Parisee un utar kor santek ku ne: ray hi oro wano hetopo-siknu kuni cipacipa anpe kusu a en koypisi an na, ari itak.

γνους δε ο παυλος οτι το εν μερος εστιν σαδδουκαιων το δε ετερον φαρισαιων εκραζεν εν τω συνεδριω ανδρες αδελφοι εγω φαρισαιος ειμι υιος φαρισαιων περι ελπιδος και αναστασεως νεκρων [εγω] κρινομαι

パウロは、議員の一部がサドカイ派、一部がファリサイ派であることを知って、議場で声を高めて言った。「兄弟たち、わたしは生まれながらのファリサイ派です。死者が復活するという望みを抱いていることで、わたしは裁判にかけられているのです。」

Orowa, nei no itak okere chiki, Parisee un utara newa Saddokai un utara tumta sakayo hopuni: aige, nei uwekari eukopi an na.

Orowa, néno itak okere ciki, Parisee un utar newa Saddokay un utar tum ta sakayo hopuni: ayke, ne uekari ewkopi an na.

τουτο δε αυτου λαλουντος ειποντος εγενετο στασις των φαρισαιων και σαδδουκαιων και εσχισθη το πληθος

パウロがこう言ったので、ファリサイ派とサドカイ派との間に論争が生じ、最高法院は分裂した。

Inambe gusu ne yakun, hetopo-shiknu ambe isam, Kamui hauturumbe isam, ramat isam, ari Saddokai un utara itak: koroka, tap okaibe an ruwe ne sekoro Parisee un utara ye ruwe ne gusu ne na.

Inanpe kusu ne yakun, hetopo-siknu anpe isam, Kamuy hawturunpe isam, ramat isam, ari Saddokay un utar itak: korka, tap okaype an ruwe ne sekor Parisee un utar ye ruwe ne kusu ne na.

σαδδουκαιοι μεν γαρ λεγουσιν μη ειναι αναστασιν μητε αγγελον μητε πνευμα φαρισαιοι δε ομολογουσιν τα αμφοτερα

サドカイ派は復活も天使も霊もないと言い、ファリサイ派はこのいずれをも認めているからである。

Orowa, poro pashrototke bopuni: awa, Kambi-nuye utara newa Parisee un utara an sereke roshki kane ukoiki wa ene itak-hi :— Tan guru gusu wenbe shomo chi nukara: koroka, ramat hene, Kamui hauturumbe hene, shinuma otta itak a chiki nekon a ambe ne ya?

Orowa, poro pasrototke pop un: awa, Kampi-nuye utar newa Parisee un utar an serke roski kane ukoyki wa ene itak hi :— Tan kur kusu wenpe somo ci nukar: korka, ramat hene, Kamuy hawturunpe hene, sinuma or ta itak a ciki nekona anpe ne ya?

εγενετο δε κραυγη μεγαλη και ανασταντες τινες των γραμματεων του μερους των φαρισαιων διεμαχοντο λεγοντες ουδεν κακον ευρισκομεν εν τω ανθρωπω τουτω ει δε πνευμα ελαλησεν αυτω η αγγελος

そこで、騒ぎは大きくなった。ファリサイ派の数人の律法学者が立ち上がって激しく論じ、「この人には何の悪い点も見いだせない。霊か天使かが彼に話しかけたのだろうか」と言った。

Orowa, poro sakayo bopuni chiki nei tumi-koro guru ikiri esapane guru anak ne nei utara gusu Pauros humihi apetpa kuni eishitoma gusu, tumi-koro utara rap wa nei utara tumuge wano shinuma uk wa chashi orota ahunde kuni kashpaotte nisa ruwe ne.

Orowa, poro sakayo pop un ciki ne tumi-kor kur ikiri esapane kur anakne ne utar kusu Pawros humihi a=petpa kuni e=ysitoma kusu, tumi-kor utar rap wa ne utar tumuke wano sinuma uk wa casi oro ta ahunte kuni kaspaotte nisa ruwe ne.

πολλης δε γινομενης στασεως φοβηθεις ο χιλιαρχος μη διασπασθη ο παυλος υπ αυτων εκελευσεν το στρατευμα καταβαν αρπασαι αυτον εκ μεσου αυτων αγειν τε εις την παρεμβολην

こうして、論争が激しくなったので、千人隊長は、パウロが彼らに引き裂かれてしまうのではないかと心配し、兵士たちに、下りていって人々の中からパウロを力ずくで助け出し、兵営に連れて行くように命じた。

Nei eoya anchikara ta Utarapa anak ne shinuma samaketa ash kane ene itak-hi :— Ramu-ritetke yan: eani anak ne Yerusarem kotan ta en gusu paweteshu ki nisa ruwe ne korachi, Roma kotan ta ne yakka paweteshu e ki kusu ne ap ruwe ne na.

Ne e=oya ancikar ta Utarpa anakne sinuma samake ta as kane ene itak hi :— Ramu-ritetke yan: eani anakne Yerusarem kotan ta en kusu pawetesu ki nisa ruwe ne koraci, Roma kotan ta ne yakka pawetesu e ki kusu ne ap ruwe ne na.

τη δε επιουση νυκτι επιστας αυτω ο κυριος ειπεν θαρσει ως γαρ διεμαρτυρω τα περι εμου εις ιερουσαλημ ουτως σε δει και εις ρωμην μαρτυρησαι

その夜、主はパウロのそばに立って言われた。「勇気を出せ。エルサレムでわたしのことを力強く証ししたように、ローマでも証しをしなければならない。」

Orowa tokap ne ko anak ne Yudea un utara uwekarapa hine iyoitakushi ambe aki korachi ukoramkoro wa Pauros raige pakno ibe hemhem iku hemhem shomo ki kusu ne, ari oshitchiu wa ye nisa ruwe ne.

Orowa tokap ne ko anakne Yudea un utar uekarpa hine iyoytakus anpe aki koraci ukoramkor wa Pawros rayke pakno ipe hemhem iku hemhem somo ki kusu ne, ari ositciw wa ye nisa ruwe ne.

γενομενης δε ημερας ποιησαντες συστροφην οι ιουδαιοι ανεθεματισαν εαυτους λεγοντες μητε φαγειν μητε πειν πιειν εως ου αποκτεινωσιν τον παυλον

夜が明けると、ユダヤ人たちは陰謀をたくらみ、パウロを殺すまでは飲み食いしないという誓いを立てた。

Awa, tap ambe oshke utara anak ne tu hotne niu ikashima ne ruwe ne.

Awa, tapanpe oske utar anakne tu hotne niw ikasma ne ruwe ne.

ησαν δε πλειους τεσσερακοντα οι ταυτην την συνωμοσιαν ποιησαμενοι

このたくらみに加わった者は、四十人以上もいた。

Aige, nei utara anak ne Kamui kora kenru iyotta pase esapane utara newa ekashi utara otta araki wa ene itak-hi :— Chi utara anak ne yaikota, gusu poro iyoitakushi ki wa Pauros raige shomoki pakno nep ne yakka shomo sapke kuni oshitchiu okere.

Ayke, ne utar anakne Kamuy kor kenru iyotta pase esapane utar newa ekasi utar or ta arki wa ene itak hi :— Ci utar anakne yaykota, kusu poro iyoytakus ki wa Pawros rayke somo ki pakno nep ne yakka somo sapke kuni ositciw okere.

οιτινες προσελθοντες τοις αρχιερευσιν και τοις πρεσβυτεροις ειπαν αναθεματι ανεθεματισαμεν εαυτους μηδενος γευσασθαι εως ου αποκτεινωμεν τον παυλον

彼らは、祭司長たちや長老たちのところへ行って、こう言った。「わたしたちは、パウロを殺すまでは何も食べないと、固く誓いました。

Tambe gusu, aokai anak ne naa tomte no shinuma gusu orushpe esanniyo kuni noine korachi, nei guru arange kuni ne ukoramkoro utara tura nei tumi-koro utara esapane guru otta kashpaotte wa un kore: aige, shinuma karange no ek chiki chi utara anak ne raige kuni etere ruwe ne kusu ne na, ari itak.

Tanpe kusu, aokay anakne naa tomteno sinuma kusu oruspe esanniyo kuni noyne koraci, ne kur a=ranke kuni ne ukoramkor utar tura ne tumi-kor utar esapane kur or ta kaspaotte wa un kore: ayke, sinuma karankeno ek ciki ci utar anakne rayke kuni e=tere ruwe ne kusu ne na, ari itak.

νυν ουν υμεις εμφανισατε τω χιλιαρχω συν τω συνεδριω οπως καταγαγη αυτον εις υμας ως μελλοντας διαγινωσκειν ακριβεστερον τα περι αυτου ημεις δε προ του εγγισαι αυτον ετοιμοι εσμεν του ανελειν αυτον

ですから今、パウロについてもっと詳しく調べるという口実を設けて、彼をあなたがたのところへ連れて来るように、最高法院と組んで千人隊長に願い出てください。わたしたちは、彼がここへ来る前に殺してしまう手はずを整えています。」

Koroka, Pauros koro saha koro poho anak ne nei utara numne an ambe inu chiki shinuma nei chashi otta ahun wa Pauros nure nisa ruwe ne.

Korka, Pawros kor saha kor poho anakne ne utar numne an anpe inu ciki sinuma ne casi or ta ahun wa Pawros nure nisa ruwe ne.

ακουσας δε ο υιος της αδελφης παυλου την ενεδραν παραγενομενος και εισελθων εις την παρεμβολην απηγγειλεν τω παυλω

しかし、この陰謀をパウロの姉妹の子が聞き込み、兵営の中に入って来て、パウロに知らせた。

Orowa, Pauros anak ne Ashikne hotne tumi-koro utara esapane guru shinen hotuyekara wa otta ene itak-hi :— Tan upen guru tumi-koro guru ikiri esapane guru otta tura yan: anure kuni orushpe an ruwe ne gusu ne na.

Orowa, Pawros anakne Asikne hotne tumi-kor utar esapane kur sinen hotuyekar wa or ta ene itak hi :— Tan upen kur tumi-kor kur ikiri esapane kur or ta tura yan: a=nure kuni oruspe an ruwe ne kusu ne na.

προσκαλεσαμενος δε ο παυλος ενα των εκατονταρχων εφη τον νεανιαν τουτον απαγε απαγαγε προς τον χιλιαρχον εχει γαρ απαγγειλαι τι αυτω

それで、パウロは百人隊長の一人を呼んで言った。「この若者を千人隊長のところへ連れて行ってください。何か知らせることがあるそうです。」

Tambe gusu shinuma nei guru ani wa tumi-koro guru ikiri esapane guru otta tura hine ene itak-hi :— Apakashnu wa an Pauros anak ne yai orota en hotuyekara wa e orun nep ka ye kuni orushpe koro tan upen guru e otta ku tura kuni ye nisa ruwe ne,

Tanpe kusu sinuma ne kur ani wa tumi-kor kur ikiri esapane kur or ta tura hine ene itak hi :— A=pakasnu wa an Pawros anakne yay oro ta en=hotuyekar wa e orun nep ka ye kuni oruspe kor tan upen kur e or ta ku tura kuni ye nisa ruwe ne,

ο μεν ουν παραλαβων αυτον ηγαγεν προς τον χιλιαρχον και φησιν ο δεσμιος παυλος προσκαλεσαμενος με ηρωτησεν τουτον τον νεανιαν νεανισκον αγαγειν προς σε εχοντα τι λαλησαι σοι

そこで百人隊長は、若者を千人隊長のもとに連れて行き、こう言った。「囚人パウロがわたしを呼んで、この若者をこちらに連れて来るようにと頼みました。何か話したいことがあるそうです。」

ari itak, orowa, nei tumi-koro guru ikiri esapane guru anak ne nei guru teke ani, aige, oyakta tura hine arorokishne no — Nekon a en nure kuni orushpe e koro ya? ari uwepekennu.

ari itak, orowa, ne tumi-kor kur ikiri esapane kur anakne ne kur teke ani, ayke, oyak ta tura hine arorkisneno — Nekona en=nure kuni oruspe e=kor ya? ari uwepekennu.

επιλαβομενος δε της χειρος αυτου ο χιλιαρχος και αναχωρησας κατ ιδιαν επυνθανετο τι εστιν ο εχεις απαγγειλαι μοι

千人隊長は、若者の手を取って人のいない所へ行き、「知らせたいこととは何か」と尋ねた。

Orota shinuma ene itak-hi :— Aokai anak ne naa tomte no shinuma gusu nu rusui kuni noine korachi an wa nishatta Pauros uko-ramkor-i otta atura gusu Yudea un utara e koramkoro kuni ukosanniyo okere.

Oro ta sinuma ene itak hi :— Aokay anakne naa tomteno sinuma kusu nu rusuy kuni noyne koraci an wa nisatta Pawros uko-ramkor hi or ta a=tura kusu Yudea un utar e koramkor kuni ukosanniyo okere.

ειπεν δε οτι οι ιουδαιοι συνεθεντο του ερωτησαι σε οπως αυριον τον παυλον καταγαγης εις το συνεδριον ως μελλων μελλον τι ακριβεστερον πυνθανεσθαι περι αυτου

若者は言った。「ユダヤ人たちは、パウロのことをもっと詳しく調べるという口実で、明日パウロを最高法院に連れて来るようにと、あなたに願い出ることに決めています。

Tambe gusu, iteki ramu-oshma yan: inambe gusu ne yakun, yaikota gusu poro iyoitakushi ki wa shinuma raige shomoki pakno nep ne yakka shomo ibe hemhem ki shomo iku hemhem ki kuni oshitchiu okere tu hotne niu ikashima shinuma gusu numne an utara okai ruwe ne: aige, tane nei utara anak ne e ramuoshma kuni ambe echipachipa hine etokooiki wa okai ruwe ne, ari itak.

Tanpe kusu, iteki ramu-osma yan: inanpe kusu ne yakun, yaykota kusu poro iyoytakus ki wa sinuma rayke somo ki pakno nep ne yakka somo ipe hemhem ki somo iku hemhem ki kuni ositciw okere tu hotne niw ikasma sinuma kusu numne an utar okay ruwe ne: ayke, tane ne utar anakne e ramuosma kuni anpe ecipacipa hine etokooyki wa okay ruwe ne, ari itak.

συ ουν μη πεισθης αυτοις ενεδρευουσιν γαρ αυτον εξ αυτων ανδρες πλειους τεσσερακοντα οιτινες ανεθεματισαν εαυτους μητε φαγειν μητε πειν πιειν εως ου ανελωσιν αυτον και νυν εισιν ετοιμοι προσδεχομενοι την απο σου επαγγελιαν

どうか、彼らの言いなりにならないでください。彼らのうち四十人以上が、パウロを殺すまでは飲み食いしないと誓い、陰謀をたくらんでいるのです。そして、今その手はずを整えて、御承諾を待っているのです。」

Tambe gusu, tumi-koro guru ikiri esapane guru anak ne nei upen guru omande, aige, tap orushpe e en eramande ambe iteki nenka nure yan ari kashpaotte nisa ruwe ne.

Tanpe kusu, tumi-kor kur ikiri esapane kur anakne ne upen kur omante, ayke, tap oruspe e en=eramante anpe iteki nen ka nure yan ari kaspaotte nisa ruwe ne.

ο μεν ουν χιλιαρχος απελυσεν τον νεανισκον παραγγειλας μηδενι εκλαλησαι οτι ταυτα ενεφανισας προς εμε με

そこで千人隊長は、「このことをわたしに知らせたとは、だれにも言うな」と命じて、若者を帰した。

Samata, ashikne hotne tumi-koro utara esapane utara tun hotuyekara wa otta ene itak-hi :— Anchikara re pakihi an ita Kaisaria kotan pakno paye kuni shine wan hotne tumi-koro utara, umma o utara re hot ikashima wa niu, ibe-op ani utara shine wan hotne utara etokooiki yan:

Sama ta, asikne hotne tumi-kor utar esapane utar tun hotuyekar wa or ta ene itak hi :— Ancikar re pakihi an hi ta Kaysaria kotan pakno paye kuni sine wan hotne tumi-kor utar, umma o utar re hot ikasma wa niw, ipe-op ani utar sine wan hotne utar etokooyki yan:

και προσκαλεσαμενος τινας δυο δυο [τινας] των εκατονταρχων ειπεν ετοιμασατε στρατιωτας διακοσιους οπως πορευθωσιν εως καισαριας καισαρειας και ιππεις εβδομηκοντα και δεξιολαβους διακοσιους απο τριτης ωρας της νυκτος

千人隊長は百人隊長二人を呼び、「今夜九時カイサリアへ出発できるように、歩兵二百名、騎兵七十名、補助兵二百名を準備せよ」と言った。

orowa, Pauros o kuni chikoikip etokooiki wa sapane guru ne Ferik orun tura kuni ye.

orowa, Pawros o kuni cikoykip etokooyki wa sapanekur ne Ferik orun tura kuni ye.

κτηνη τε παραστησαι ινα επιβιβασαντες τον παυλον διασωσωσιν προς φηλικα τον ηγεμονα

また、馬を用意し、パウロを乗せて、総督フェリクスのもとへ無事に護送するように命じ、

Samata, shinuma kambi nuye ambe ene ambe ne :—

Sama ta, sinuma kampi nuye anpe ene anpe ne :—

γραψας επιστολην εχουσαν τον τυπον τουτον

次のような内容の手紙を書いた。

Kraudios Rusias iyotta aeoripak an sapane guru Ferik korangarap an na.

Krawdios Rusias iyotta a=eoripak an sapanekur Ferik korankarap an na.

κλαυδιος λυσιας τω κρατιστω ηγεμονι φηλικι χαιρειν

「クラウディウス・リシアが総督フェリクス閣下に御挨拶申し上げます。

Tan ainu anak ne Yudea un utara orowa no ashikkashima wa araige ange shiriki an wa an, awa, shinuma anak Roma un guru ne ari ku eraman chiki, tumi-koro utara ku tura wa nei utara orun oman hine shinuma ku kashiobiuki nisa ruwe ne.

Tan aynu anakne Yudea un utar oro wano a=sikkasma wa arayke anke siriki an wa an, awa, sinuma anak Roma un kur ne ari ku=eraman ciki, tumi-kor utar ku tura wa ne utar orun oman hine sinuma ku=kasiopiwki nisa ruwe ne.

τον ανδρα τουτον συλλημφθεντα υπο των ιουδαιων και μελλοντα αναιρεισθαι υπ αυτων επιστας συν τω στρατευματι εξειλαμην μαθων οτι ρωμαιος εστιν

この者がユダヤ人に捕らえられ、殺されようとしていたのを、わたしは兵士たちを率いて救い出しました。ローマ帝国の市民権を持つ者であることが分かったからです。

Aige, nekon a ikkewehe an gusu shinuma aeiyonnupba ambe ku eraman rusui gusu nei utara koro ukoramkor-i otta ku tura nisa ruwe ne, aine,

Ayke, nekona ikkewehe an kusu sinuma a=eiyonnuppa anpe ku=eraman rusuy kusu ne utar kor ukoramkor hi or ta ku tura nisa ruwe ne, ayne,

βουλομενος τε επιγνωναι την αιτιαν δι ην ενεκαλουν αυτω [κατηγαγον εις το συνεδριον αυτων] κατηγαγον εις το συνεδριον αυτων

そして、告発されている理由を知ろうとして、最高法院に連行しました。

nei utara koro tuitak gusu an upahunara ambe gusu aeiyonnupba ruwe ne ari an ambe ku nukara, koroka, araige kuni gusu an ika gusu bene aetupetupe kuni gusu an ika gusu hene aeiyonnupba kunip isama.

ne utar kor tuytak kusu an upahunara anpe kusu a=eiyonnuppa ruwe ne ari an anpe ku=nukar, korka, arayke kuni kusu an ika kusu pene aetupetupe kuni kusu an ika kusu hene a=eiyonnuppa kunip isam.

ον ευρον εγκαλουμενον περι ζητηματων του νομου αυτων μηδεν δε αξιον θανατου η δεσμων εχοντα εγκλημα

ところが、彼が告発されているのは、ユダヤ人の律法に関する問題であって、死刑や投獄に相当する理由はないことが分かりました。

Orowa, nei ainu gusu aoshkep an sekorʼambe a en nure chiki, nani e orun ku omande, samata, eiyonnupba utara e orun shinuma gusu an aieyonnupbap itak kuni ku ye nisa ruwe ne na.

Orowa, ne aynu kusu aoskep an sekor anpe a en=nure ciki, nani e orun ku=omante, sama ta, eiyonnuppa utar e orun sinuma kusu an ayeyonnuppap itak kuni ku=ye nisa ruwe ne na.

μηνυθεισης δε μοι επιβουλης εις τον ανδρα εσεσθαι εξαυτης επεμψα προς σε παραγγειλας και τοις κατηγοροις λεγειν [τα] προς αυτον επι σου

しかし、この者に対する陰謀があるという報告を受けましたので、直ちに閣下のもとに護送いたします。告発人たちには、この者に関する件を閣下に訴え出るようにと、命じておきました。」

Tambe gusu akashpaotte korachi nei tumi-koro utara anak ne Pauros uk hine anchikara ta Antipatris kotan pakno tura.

Tanpe kusu a=kaspaotte koraci ne tumi-kor utar anakne Pawros uk hine ancikar ta Antipatris kotan pakno tura.

οι μεν ουν στρατιωται κατα το διατεταγμενον αυτοις αναλαβοντες τον παυλον ηγαγον δια νυκτος εις την αντιπατριδα

さて、歩兵たちは、命令どおりにパウロを引き取って、夜のうちにアンティパトリスまで連れて行き、

Koroka, nei shimge tobo ta, umma o utara turare wa chashi otta hoshippa:

Korka, ne simke topo ta, umma o utar turare wa casi or ta hosippa:

τη δε επαυριον εασαντες τους ιππεις απερχεσθαι συν αυτω υπεστρεψαν εις την παρεμβολην

翌日、騎兵たちに護送を任せて兵営へ戻った。

aige, nei utara anak Kaisaria kotan ta koshirepa wa sapane guru otta nei kambi akore yakun, Pauros ne yakka shinuma kotchaketa aande nisa ruwe ne.

ayke, ne utar anak Kaysaria kotan ta kosirepa wa sapanekur or ta ne kampi a=kore yakun, Pawros ne yakka sinuma kotcake ta a=ante nisa ruwe ne.

οιτινες εισελθοντες εις την καισαριαν καισαρειαν και αναδοντες την επιστολην τω ηγεμονι παρεστησαν και τον παυλον αυτω

騎兵たちはカイサリアに到着すると、手紙を総督に届け、パウロを引き渡した。

Orowa, nei ambe orooitak chiki inan moshiri wano ek a guru ne ya uwepekennu;

Orowa, ne anpe oroytak ciki inan mosir wano ek a kur ne ya uwepekennu;

αναγνους δε και επερωτησας εκ ποιας επαρχειας εστιν και πυθομενος οτι απο κιλικιας

総督は手紙を読んでから、パウロがどの州の出身であるかを尋ね、キリキア州の出身だと分かると、

aige, Kirikia moshiri un guru ne sekoro eraman yakun, e eiyonnupba utara araki wa okai chiki aokai gusu an orushpe ku nu kusu ne na ari itak: orowa, Herod koro praitorion ta aahunde kuni kashpaotte nisa ruwe ne na.

ayke, Kirikia mosir un kur ne sekor eraman yakun, e eiyonnuppa utar arki wa okay ciki aokay kusu an oruspe ku=nu kusu ne na ari itak: orowa, Herod kor praytorion ta a=ahunte kuni kaspaotte nisa ruwe ne na.

διακουσομαι σου εφη οταν και οι κατηγοροι σου παραγενωνται κελευσας εν τω πραιτωριω του ηρωδου φυλασσεσθαι αυτον

「お前を告発する者たちが到着してから、尋問することにする」と言った。そして、ヘロデの官邸にパウロを留置しておくように命じた。