Koroka, Ananias ari an reihei koro an guru anak ne koro machi Sappeira tura ukosanniyo wa, korope eiyok,
Korka, Ananias ari an rehe kor an kur anakne kor maci Sappeyra tura ukosanniyo wa, kor pe eiyok,
ανηρ δε τις ανανιας ονοματι συν σαπφειρη σαπφιρη τη γυναικι αυτου επωλησεν κτημα
ところが、アナニアという男は、妻のサフィラと相談して土地を売り、
aige, oro emko anire, koro machi ne yakka nei ambe eraman, awa, an emko koro wa ek hine Apostoro kotʼchikiri samta ande nisa ruwe ne.
ayke, oro emko anire, kor maci ne yakka ne anpe eraman, awa, an emko kor wa ek hine Apostoro kot cikiri sam ta ante nisa ruwe ne.
και ενοσφισατο απο της τιμης συνειδυιης και της γυναικος και ενεγκας μερος τι παρα τους ποδας των αποστολων εθηκεν
妻も承知のうえで、代金をごまかし、その一部を持って来て使徒たちの足もとに置いた。
Koroka, Petros ene itak-hi :— Ananias, Ashkanne Ramat otta koshunge wa nei toi oro emkoho anire kuni ne nep gusu Satan anak ne e koro sambe shiktere nisa ruwe he an? nei ambe an ita anak ne eani yaikota korope shomo ne ya?
Korka, Petros ene itak hi :— Ananias, Askanne Ramat or ta kosunke wa ne toy oro emkoho anire kuni ne nep kusu Satan anakne e=kor sanpe siktere nisa ruwe he an? ne anpe an hi ta anakne eani yaykota kor pe somo ne ya?
ειπεν δε ο πετρος ανανια δια τι επληρωσεν ο σατανας την καρδιαν σου ψευσασθαι σε το πνευμα το αγιον και νοσφισασθαι απο της τιμης του χωριου
すると、ペトロは言った。「アナニア、なぜ、あなたはサタンに心を奪われ、聖霊を欺いて、土地の代金をごまかしたのか。
Samata, aeiyok okaketa e koro kiroro ta an shomo ne ruwe he an? Hemanda gusu tap ambe e koro keutura ta e esanniyo ya? Ainu eun shomo e shunge koroka, Kamui otta e ko-shunge nisa ruwe ne.
Sama ta, a=eiyok okake ta e=kor kiroro ta an somo ne ruwe he an? Hemanta kusu tapanpe e=kor kewtura ta e esanniyo ya? Aynu eun somo e sunke korka, Kamuy or ta e ko-sunke nisa ruwe ne.
ουχι μενον σοι εμενεν και πραθεν εν τη ση εξουσια υπηρχεν τι οτι εθου εν τη καρδια σου το πραγμα τουτο ουκ εψευσω ανθρωποις αλλα τω θεω
売らないでおけば、あなたのものだったし、また、売っても、その代金は自分の思いどおりになったのではないか。どうして、こんなことをする気になったのか。あなたは人間を欺いたのではなく、神を欺いたのだ。」
Orowa, Ananias anak ne nei itak nu chiki hachiri hine ramat arapare nisa: aine, obitta no okai nei orushpe nu utara shiri ishitoma nisa ruwe ne.
Orowa, Ananias anakne ne itak nu ciki hacir hine ramat arpare nisa: ayne, opittano okay ne oruspe nu utar siri isitoma nisa ruwe ne.
ακουων δε ο ανανιας τους λογους τουτους πεσων εξεψυξεν και εγενετο φοβος μεγας επι παντας τους ακουοντας
この言葉を聞くと、アナニアは倒れて息が絶えた。そのことを耳にした人々は皆、非常に恐れた。
Orowa, upen utara hopumba wa shinuma kokarakari hine ani wa iyurui otta omare nisa ruwe ne.
Orowa, upen utar hopunpa wa sinuma kokarkari hine ani wa iyuruy or ta omare nisa ruwe ne.
ανασταντες δε οι νεωτεροι συνεστειλαν αυτον και εξενεγκαντες εθαψαν
若者たちが立ち上がって死体を包み、運び出して葬った。
Orowa, re ichi ji kan paki okaketa, koro machi anak ne nei orushpe erampeutek no ahun nisa ruwe ne.
Orowa, re ici ji kan paki okake ta, kor maci anakne ne oruspe eranpewtek no ahun nisa ruwe ne.
εγενετο δε ως ωρων τριων διαστημα και η γυνη αυτου μη ειδυια το γεγονος εισηλθεν
それから三時間ほどたって、アナニアの妻がこの出来事を知らずに入って来た。
Awa, orota Petros ese wa ene itak-hi :— Nei oro gusu nei a toi echi eiyok nisa ruwe he an? Ruwe un, nei oro gusu eiyok nisa ruwe ne na, ari nei shiwentep itak.
Awa, oro ta Petros ese wa ene itak hi :— Ne oro kusu ne a toy eci=eiyok nisa ruwe he an? Ruwe un, ne oro kusu eiyok nisa ruwe ne na, ari ne siwentep itak.
απεκριθη δε προς αυτην πετρος ειπε μοι ει τοσουτου το χωριον απεδοσθε η δε ειπεν ναι τοσουτου
ペトロは彼女に話しかけた。「あなたたちは、あの土地をこれこれの値段で売ったのか。言いなさい。」彼女は、「はい、その値段です」と言った。
Koroka, orota Petros ene itak-hi :— Hemanda gusu echi utara anak ne Utarapa Ramat koramnukara kuni utura ukoramkon nisa ruwe he an? Ingarʼan, e koro hoku iyurui orota omare utara kotʼchikiri anak ne apa samaketa okai, aine, e ani wa soyumba kusu ne na, ari itak.
Korka, oro ta Petros ene itak hi :— Hemanta kusu eci utar anakne Utarpa Ramat koramnukar kuni utura ukoramkor nisa ruwe he an? Inkar=an, e=kor hoku iyuruy oro ta omare utar kot cikiri anakne apa samake ta okay, ayne, e ani wa soyunpa kusu ne na, ari itak.
ο δε πετρος προς αυτην τι οτι συνεφωνηθη υμιν πειρασαι το πνευμα κυριου ιδου οι ποδες των θαψαντων τον ανδρα σου επι τη θυρα και εξοισουσιν σε
ペトロは言った。「二人で示し合わせて、主の霊を試すとは、何としたことか。見なさい。あなたの夫を葬りに行った人たちが、もう入り口まで来ている。今度はあなたを担ぎ出すだろう。」
Orowa, nani nei shiwentep anak ne shinuma kotʼchikiri samta hachiri wa ramat arapare nisa: aige, nei upen utara ahup wa shinuma rai shiri an sekoro nukara chiki, ani wa koro hoku samaketa iyurui otta omare nisa ruwe ne.
Orowa, nani ne siwentep anakne sinuma kot cikiri sam ta hacir wa ramat arpare nisa: ayke, ne upen utar ahup wa sinuma ray siri an sekor nukar ciki, ani wa kor hoku samake ta iyuruy or ta omare nisa ruwe ne.
επεσεν δε παραχρημα προς τους ποδας αυτου και εξεψυξεν εισελθοντες δε οι νεανισκοι ευρον αυτην νεκραν και εξενεγκαντες εθαψαν προς τον ανδρα αυτης
すると、彼女はたちまちペトロの足もとに倒れ、息が絶えた。青年たちは入って来て、彼女の死んでいるのを見ると、運び出し、夫のそばに葬った。
Orowa, ramne karisia kata ne yakka, tap orushpe nu obitta no okai utara kata ne yakka, poro ishitoma-hi hetuku nisa ruwe ne na.
Orowa, ramne karisia kata ne yakka, tap oruspe nu opittano okay utar kata ne yakka, poro isitoma hi hetuku nisa ruwe ne na.
και εγενετο φοβος μεγας εφ ολην την εκκλησιαν και επι παντας τους ακουοντας ταυτα
教会全体とこれを聞いた人は皆、非常に恐れた。
Orowa, Apostoro koro teke ani inne no okai shiroshi newa iyokunnurep anak ne utara tumugeta aki nisa ruwe ne; aige, nei utara obitta shineatki no Soromon koro shem otta okai nisa ruwe ne.
Orowa, Apostoro kor teke ani inne no okay sirosi newa iyokunnurep anakne utar tumke ta aki nisa ruwe ne; ayke, ne utar opitta sineatki no Soromon kor sem or ta okay nisa ruwe ne.
δια δε των χειρων των αποστολων εγινετο σημεια και τερατα πολλα εν τω λαω και ησαν ομοθυμαδον παντες απαντες εν τη στοα σολομωντος
使徒たちの手によって、多くのしるしと不思議な業とが民衆の間で行われた。一同は心を一つにしてソロモンの回廊に集まっていたが、
Koroka, moshima okai utara anak nei utara tura no okai kuni niukesh: yakka,
Korka, mosma okay utar anakne utar turano okay kuni niwkes: yakka,
των δε λοιπων ουδεις ετολμα κολλασθαι αυτοις αλλ εμεγαλυνεν αυτους ο λαος
ほかの者はだれ一人、あえて仲間に加わろうとはしなかった。しかし、民衆は彼らを称賛していた。
utara anak ne nei utara pasere; orowa, naa naa eishokoro ki utara, inne no okai ainu ne yakka shiwentep ne yakka Utarapa otta ako-okaire nisa ruwe ne;
utar anakne ne utar pasere; orowa, naa naa eysokor ki utar, inne no okay aynu ne yakka siwentep ne yakka Utarpa or ta ako-okayre nisa ruwe ne;
μαλλον δε προσετιθεντο πιστευοντες τω κυριω πληθη ανδρων τε και γυναικων
そして、多くの男女が主を信じ、その数はますます増えていった。
utara anak ne machiya ruhu otta tashum ki utara sei wa shotki kata hene atarape kata hene hotkere pakno ne, tambe anak Petros shirikush chiki koro kuruhi poka nei utara tumuge un utara kashke-kamu kuni ne akarape ne ruwe ne.
utar anakne maciya ruhu or ta tasum ki utar sey wa sotki kata hene a=tarap kata hene hotkere pakno ne, tanpe anak Petros sirikus ciki kor kuruhi poka ne utar tumuke un utar kaske-kamu kuni ne a=karpe ne ruwe ne.
ωστε και εις τας πλατειας εκφερειν τους ασθενεις και τιθεναι επι κλιναριων και κραβαττων ινα ερχομενου πετρου καν η σκια επισκιασει επισκιαση τινι αυτων
人々は病人を大通りに運び出し、担架や床に寝かせた。ペトロが通りかかるとき、せめてその影だけでも病人のだれかにかかるようにした。
Samata shui, Yerusarem okari an machiya orowa no ne yakka inne utara anak ne tashum ki utara newa ichakkere ramat ashikatkare utara newa sei wa araki: awa, pishno aiwangere nisa ruwe ne na.
Sama ta suy, Yerusarem okari an maciya oro wano ne yakka inne utar anakne tasum ki utar newa icakkere ramat asikatkare utar newa sey wa arki: awa, pisno aywankere nisa ruwe ne na.
συνηρχετο δε και το πληθος των περιξ πολεων ιερουσαλημ φεροντες ασθενεις και οχλουμενους υπο πνευματων ακαθαρτων οιτινες εθεραπευοντο απαντες
また、エルサレム付近の町からも、群衆が病人や汚れた霊に悩まされている人々を連れて集まって来たが、一人残らずいやしてもらった。
Koroka, Kamui kora kenru iyotta esapane guru anak ne tura no okai utara obitta tura hopuni (nei
Korka, Kamuy kor kenru iyotta esapane kur anakne turano okay utar opitta tura hopuni (ne
αναστας δε ο αρχιερευς και παντες οι συν αυτω η ουσα αιρεσις των σαδδουκαιων επλησθησαν ζηλου
そこで、大祭司とその仲間のサドカイ派の人々は皆立ち上がり、ねたみに燃えて、
utara anak ne Saddokai un utara ne), awa, ikoitupa aeshik koro, teke ani Apostoro utara kishima hine utara gusu an ipakashnu chisei ta ahupte nisa ruwe ne.
utar anakne Saddokay un utar ne), awa, ikoytupa a=esik kor, teke ani Apostoro utar kisma hine utar kusu an ipakasnu cise ta ahupte nisa ruwe ne.
και επεβαλον τας χειρας επι τους αποστολους και εθεντο αυτους εν τηρησει δημοσια
使徒たちを捕らえて公の牢に入れた。
Koroka, Utarapa uitekbe anchikara ta ipakashnu chisei koro apa maka wa nei utara soyumbare hine ene itak-hi :—
Korka, Utarpa uytekpe ancikar ta ipakasnu cise kor apa maka wa ne utar soyunpare hine ene itak hi :—
αγγελος δε κυριου δια νυκτος ηνοιξεν ανοιξας τας θυρας της φυλακης εξαγαγων τε αυτους ειπεν
ところが、夜中に主の天使が牢の戸を開け、彼らを外に連れ出し、
Echi paye wa Kamui kora kenru ta roshki hine tan Inotu gusu an obitta no okai itak utara otta ye yan, ari itak.
Eci=paye wa Kamuy kor kenru ta roski hine tan Inotu kusu an opittano okay itak utar or ta ye yan, ari itak.
πορευεσθε και σταθεντες λαλειτε εν τω ιερω τω λαω παντα τα ρηματα της ζωης ταυτης
「行って神殿の境内に立ち、この命の言葉を残らず民衆に告げなさい」と言った。
Orowa, nei utara tap ambe nu chiki, kunne-nisat pakita Kamui kora kenru ta ahup wa epakashnu nisa ruwe ne. Koroka, Kamui kora kenru iyotta pase esapane guru anak ne tura no okai utara tura ek, aige, ukoramkoro kuni utara newa Israeru un utara koro tono utara uwekarapare, awa, nei utara atak gusu ipakashnu chisei ta teshkara nisa ruwe ne.
Orowa, ne utar tapanpe nu ciki, kunne-nisat pakita Kamuy kor kenru ta ahup wa epakasnu nisa ruwe ne. Korka, Kamuy kor kenru iyotta pase esapane kur anakne turano okay utar tura ek, ayke, ukoramkor kuni utar newa Israeru un utar kor tono utar uwekarpare, awa, ne utar a=tak kusu ipakasnu cise ta teskar nisa ruwe ne.
ακουσαντες δε εισηλθον υπο τον ορθρον εις το ιερον και εδιδασκον παραγενομενος δε ο αρχιερευς και οι συν αυτω συνεκαλεσαν το συνεδριον και πασαν την γερουσιαν των υιων ισραηλ και απεστειλαν εις το δεσμωτηριον αχθηναι αυτους
これを聞いた使徒たちは、夜明けごろ境内に入って教え始めた。一方、大祭司とその仲間が集まり、最高法院、すなわちイスラエルの子らの長老会全体を召集し、使徒たちを引き出すために、人を牢に差し向けた。
Koroka, auitek utara araki chiki, nei utara ipakashnu chisei ta isam shiri nukara; aige, hoshippa wa orushpe nure hene ene itak-hi :—
Korka, awitek utar arki ciki, ne utar ipakasnu cise ta isam siri nukar; ayke, hosippa wa oruspe nure hene ene itak hi :—
οι δε παραγενομενοι υπηρεται ουχ ευρον αυτους εν τη φυλακη αναστρεψαντες δε απηγγειλαν
下役たちが行ってみると、使徒たちは牢にいなかった。彼らは戻って来て報告した。
Son no newa nei ipakashnu chisei aseshke wa an shiri chi nukara, samata, nei apa samta pungi utara okai an: koroka, apa maka ash chiki, nen ne yakka isam ruwe ne na, ari itak.
Sonno newa ne ipakasnu cise a=seske wa an siri ci nukar, sama ta, ne apa sam ta punki utar okay an: korka, apa maka as ciki, nen ne yakka isam ruwe ne na, ari itak.
λεγοντες οτι το δεσμωτηριον ευρομεν κεκλεισμενον εν παση ασφαλεια και τους φυλακας εστωτας επι των θυρων ανοιξαντες δε εσω ουδενα ευρομεν
「牢にはしっかり鍵がかかっていたうえに、戸の前には番兵が立っていました。ところが、開けてみると、中にはだれもいませんでした。」
Kamui kora kenru epungine tono newa nei kenru esapane iyotta pase utara tap orushpe nu chiki, hunak wa hetuku an orushpe ne ya? sekorʼokaibe gusu shi no utumotne nisa ruwe ne.
Kamuy kor kenru epunkine tono newa ne kenru esapane iyotta pase utar tap oruspe nu ciki, hunak wa hetuku an oruspe ne ya? sekor okaype kusu sino utumotne nisa ruwe ne.
ως δε ηκουσαν τους λογους τουτους ο τε στρατηγος του ιερου και οι αρχιερεις διηπορουν περι αυτων τι αν γενοιτο τουτο
この報告を聞いた神殿守衛長と祭司長たちは、どうなることかと、使徒たちのことで思い惑った。
Awa, shine ainu ek wa orota ene nure-hi :— Ingarʼan, ipakashnu chisei ta echi ahupte utara anak ne Kamui kora kenru ta roshki wa utara epakashnu shiri okai ruwe ne, sekoro itak.
Awa, sine aynu ek wa oro ta ene nure hi :— Inkar=an, ipakasnu cise ta eci=ahupte utar anakne Kamuy kor kenru ta roski wa utar epakasnu siri okay ruwe ne, sekor itak.
παραγενομενος δε τις απηγγειλεν αυτοις οτι ιδου οι ανδρες ους εθεσθε εν τη φυλακη εισιν εν τω ιερω εστωτες και διδασκοντες τον λαον
そのとき、人が来て、「御覧ください。あなたがたが牢に入れた者たちが、境内にいて民衆に教えています」と告げた。
Tata otta Kamui kora kenru epungine pase nishpa anak ne tono utara tura arapa wa niwen shomoki no nei utara ani nisa; inambe gusu ne yakun, ikineipeka utara orowa no shuma ari apiyekara kuni aramu wa koishitoma wa okai ruwe ne gusu ne na.
Tata or ta Kamuy kor kenru epunkine pase nispa anakne tono utar tura arpa wa niwen somo ki no ne utar ani nisa; inanpe kusu ne yakun, ikineypeka utar oro wano suma ari a=piyekar kuni a=ramu wa koysitoma wa okay ruwe ne kusu ne na.
τοτε απελθων ο στρατηγος συν τοις υπηρεταις ηγεν αυτους ου μετα βιας εφοβουντο γαρ τον λαον μη λιθασθωσιν
そこで、守衛長は下役を率いて出て行き、使徒たちを引き立てて来た。しかし、民衆に石を投げつけられるのを恐れて、手荒なことはしなかった。
Orowa, atura wa okai yakun, nei ukoramkoro ki utara kotpokita roshkire nisa ruwe ne. Aige, Kamui kora kenru esapane iyotta pase guru anak ne nei utara otta uwepekennu wa ene itak-hi :—
Orowa, a=tura wa okay yakun, ne ukoramkor ki utar kotpokta roskire nisa ruwe ne. Ayke, Kamuy kor kenru esapane iyotta pase kur anakne ne utar or ta uwepekennu wa ene itak hi :—
αγαγοντες δε αυτους εστησαν εν τω συνεδριω και επηρωτησεν αυτους ο αρχιερευς
彼らが使徒たちを引いて来て最高法院の中に立たせると、大祭司が尋問した。
Tan reihei gusu iteki epakashnu kuni ne yupke no akashpaotte ash nisa: awa, ingarʼan, echi utara echi koro epakashi ani Yerusarem kotan shikte okere, aige, tan guru koro kem un kashi-omare kuni echi esanniyo koran ruwe ne, ari itak.
Tan rehe kusu iteki epakasnu kuni ne yupke no a=kaspaotte as nisa: awa, inkar=an, eci utar eci=kor epakasi ani Yerusarem kotan sikte okere, ayke, tan kur kor kem un kasi-omare kuni eci=esanniyo koran ruwe ne, ari itak.
λεγων [ου] παραγγελια παρηγγειλαμεν υμιν μη διδασκειν επι τω ονοματι τουτω και ιδου πεπληρωκατε την ιερουσαλημ της διδαχης υμων και βουλεσθε επαγαγειν εφ ημας το αιμα του ανθρωπου τουτου
「あの名によって教えてはならないと、厳しく命じておいたではないか。それなのに、お前たちはエルサレム中に自分の教えを広め、あの男の血を流した責任を我々に負わせようとしている。」
Koroka, Petros newa Apostoro utara ese wa ene itak-hi :— Ainu utara orun koitaknu kuni ambe kasu no, Kamui orun koitaknu kunip chi ne ruwe ne.
Korka, Petros newa Apostoro utar ese wa ene itak hi :— Aynu utar orun koytaknu kuni anpe kasuno, Kamuy orun koytaknu kunip ci ne ruwe ne.
αποκριθεις δε πετρος και οι αποστολοι ειπαν πειθαρχειν δει θεω μαλλον η ανθρωποις
ペトロとほかの使徒たちは答えた。「人間に従うよりも、神に従わなくてはなりません。
Chikoro ekashi koro Kamui anak ne chikuni otta echi eokte wa raige Yesu hetopo-shiknure nisa ruwe ne.
Ci=kor ekasi kor Kamuy anakne cikuni or ta eci=eokte wa rayke Yesu hetopo-siknure nisa ruwe ne.
ο θεος των πατερων ημων ηγειρεν ιησουν ον υμεις διεχειρισασθε κρεμασαντες επι ξυλου
わたしたちの先祖の神は、あなたがたが木につけて殺したイエスを復活させられました。
Shinuma anak ne Sapane guru newa kashiobiukip ne kuni ne koro shimon tek sam un Kamui riknare nisa; nei ambe anak ne Israeru un utara ayaikokatpakte wa koro chikokatpak atusare kuni ne aki ruwe ne. Awa, chi
Sinuma anakne Sapanekur newa kasiopiwkip ne kuni ne kor simon teksam un Kamuy riknare nisa; ne anpe anakne Israeru un utar ayaykokatpakte wa kor ci=kokatpak atusare kuni ne aki ruwe ne. Awa, ci
τουτον ο θεος αρχηγον και σωτηρα υψωσεν τη δεξια αυτου [του] δουναι μετανοιαν τω ισραηλ και αφεσιν αμαρτιων
神はイスラエルを悔い改めさせ、その罪を赦すために、この方を導き手とし、救い主として、御自分の右に上げられました。
utara anak ne tap orushpe gusu paweteshu ki utara chi ne, samata, otta koitaknu utara eun Kamui koropare Ashkanne Ramat ne yakka ene ani ne ruwe ne na, ari itak.
utar anakne tap oruspe kusu pawetesu ki utar ci ne, sama ta, or ta koytaknu utar eun Kamuy korpare Askanne Ramat ne yakka ene ani ne ruwe ne na, ari itak.
και ημεις εσμεν μαρτυρες των ρηματων τουτων και το πνευμα το αγιον ο εδωκεν ο θεος τοις πειθαρχουσιν αυτω
わたしたちはこの事実の証人であり、また、神が御自分に従う人々にお与えになった聖霊も、このことを証ししておられます。」
Koroka, nei utara anak ne tambe nu chiki, sambe aotte gusu, ronnu kuni yainu nisa ruwe ne.
Korka, ne utar anakne tanpe nu ciki, sanpe a=otte kusu, ronnu kuni yaynu nisa ruwe ne.
οι δε ακουσαντες διεπριοντο και εβουλοντο ανελειν αυτους
これを聞いた者たちは激しく怒り、使徒たちを殺そうと考えた。
Koroka, nei ukoramkor-i ta Gamarieru ari an reihei koro shine Parisee un guru, tuitak epakashnu guru, obitta no okai utara orowa no aainukoro guru ash wa nei utara irukai gusu asoyumbare kuni kashpaotte nisa ruwe ne.
Korka, ne ukoramkor hi ta Gamarieru ari an rehe kor sine Parisee un kur, tuytak epakasnu kur, opittano okay utar oro wano aynukor kur as wa ne utar irukay kusu asoyunpare kuni kaspaotte nisa ruwe ne.
αναστας δε τις εν τω συνεδριω φαρισαιος ονοματι γαμαλιηλ νομοδιδασκαλος τιμιος παντι τω λαω εκελευσεν εξω βραχυ τους ανθρωπους ποιησαι
ところが、民衆全体から尊敬されている律法の教師で、ファリサイ派に属するガマリエルという人が、議場に立って、使徒たちをしばらく外に出すように命じ、
Aige, otta ene itak-hi :— Israeru un echi utara, nei utara gusu nekon a echi ikichi kuni orushpe yaikota yaikota yaitubare yan.
Ayke, or ta ene itak hi :— Israeru un eci utar, ne utar kusu nekona eci=ikici kuni oruspe yaykota yaykota yaytupare yan.
ειπεν τε προς αυτους ανδρες ισραηλιται προσεχετε εαυτοις επι τοις ανθρωποις τουτοις τι μελλετε πρασσειν
それから、議員たちにこう言った。「イスラエルの人たち、あの者たちの取り扱いは慎重にしなさい。
Inambe gusu ne yakun, tap etokota Teudas hopuni wa yaikota nenka ne sekoro ye; aige, ine ashikne hotne utara shinuma otta kotuk: awa, nei guru araige; orowa, shinuma koitaknu utara obitta shitchari wa isam ruwe ne.
Inanpe kusu ne yakun, tap etoko ta Tewdas hopuni wa yaykota nen ka ne sekor ye; ayke, ine asikne hotne utar sinuma or ta kotuk: awa, ne kur arayke; orowa, sinuma koytaknu utar opitta sitcari wa isam ruwe ne.
προ γαρ τουτων των ημερων ανεστη θευδας λεγων ειναι τινα εαυτον ω προσεκλιθη ανδρων αριθμος ως τετρακοσιων ος ανηρεθη και παντες οσοι επειθοντο αυτω διελυθησαν και εγενοντο εις ουδεν
以前にもテウダが、自分を何か偉い者のように言って立ち上がり、その数四百人くらいの男が彼に従ったことがあった。彼は殺され、従っていた者は皆散らされて、跡形もなくなった。
Tan guru okake, auwatori an toho ta, Gariraya un Youdas hopuni wa okai utara shiren: shinuma ne yakka aisamka; orowa, shinuma koitaknu utara obitta shitchari nisa ruwe ne.
Tan kur okake, auwatori an toho ta, Gariraya un Yowdas hopuni wa okay utar siren: sinuma ne yakka a=ysamka; orowa, sinuma koytaknu utar opitta sitcari nisa ruwe ne.
μετα τουτον ανεστη ιουδας ο γαλιλαιος εν ταις ημεραις της απογραφης και απεστησεν λαον οπισω αυτου κακεινος απωλετο και παντες οσοι επειθοντο αυτω διεσκορπισθησαν
その後、住民登録の時、ガリラヤのユダが立ち上がり、民衆を率いて反乱を起こしたが、彼も滅び、つき従った者も皆、ちりぢりにさせられた。
Orowa, tane echi otta ku ye, tan okai utara iteki ekottanu yan, moshima no okai yan: inambe gusu ne yakun, tan esanniyo hene, tan iki ikip hene ainu utara orowa no an ambe ne chiki, aisamka kusu ne:
Orowa, tane eci or ta ku=ye, tan okay utar iteki ekottanu yan, mosmano okay yan: inanpe kusu ne yakun, tan esanniyo hene, tan iki iki p hene aynu utar oro wano an anpe ne ciki, a=ysamka kusu ne:
και [τα] τα νυν λεγω υμιν αποστητε απο των ανθρωπων τουτων και αφετε αυτους οτι εαν η εξ ανθρωπων η βουλη αυτη η το εργον τουτο καταλυθησεται
そこで今、申し上げたい。あの者たちから手を引きなさい。ほうっておくがよい。あの計画や行動が人間から出たものなら、自滅するだろうし、
koroka, Kamui orowa no an ap ne yakun, echi utara anak ne nei utara isamka eaikap ruwe ne; ikineipeka echi utara Kamui epeka ukoiki kuni anukara kusu ne na, sekoro itak.
korka, Kamuy oro wano an ap ne yakun, eci utar anakne ne utar isamka eaykap ruwe ne; ikineypeka eci utar Kamuy epeka ukoyki kuni a=nukar kusu ne na, sekor itak.
ει δε εκ θεου εστιν ου δυνησεσθε καταλυσαι αυτους μηποτε και θεομαχοι ευρεθητε
神から出たものであれば、彼らを滅ぼすことはできない。もしかしたら、諸君は神に逆らう者となるかもしれないのだ。」一同はこの意見に従い、
Orowa, orota nei utara ramuoshma nisa: aige, Apostoro utara shihekote hotuyekara chiki, shirikik wa Yesu reihei gusu iteki ye kuni ikashpaotte, aine, honnere nisa ruwe ne.
Orowa, oro ta ne utar ramuosma nisa: ayke, Apostoro utar sihekote hotuyekar ciki, sirkik wa Yesu rehe kusu iteki ye kuni ikaspaotte, ayne, honnere nisa ruwe ne.
επεισθησαν δε αυτω και προσκαλεσαμενοι τους αποστολους δειραντες παρηγγειλαν μη λαλειν επι τω ονοματι του ιησου και απελυσαν
使徒たちを呼び入れて鞭で打ち、イエスの名によって話してはならないと命じたうえ、釈放した。
Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.
Tanpe kusu ne utar anakne ne ukoramkor usi wano paye, ayke, ne Rehe kusu a=koatca kuni a=esanniyo utar ne sekor a=ramepakari kusu yaykopuntek nisa ruwe ne.
οι μεν ουν επορευοντο χαιροντες απο προσωπου του συνεδριου οτι κατηξιωθησαν υπερ του ονοματος ατιμασθηναι
それで使徒たちは、イエスの名のために辱めを受けるほどの者にされたことを喜び、最高法院から出て行き、
Orowa no kesto Kamui kora kenru ta hene koro uni ta hene, yomne shomoki no Yesu anak ne Kiristo ne sekoro epakashnu hene ki eupaskuma hene ki nisa ruwe ne na.
Orowano kesto Kamuy kor kenru ta hene kor uni ta hene, yomne somo ki no Yesu anakne Kiristo ne sekor epakasnu hene ki ewpaskuma hene ki nisa ruwe ne na.
πασαν τε ημεραν εν τω ιερω και κατ οικον ουκ επαυοντο διδασκοντες και ευαγγελιζομενοι τον χριστον ιησουν
毎日、神殿の境内や家々で絶えず教え、メシア・イエスについて福音を告げ知らせていた。