Iriwak utara newa ekashi utara, tane echi otta ku ki yaikikkara itak nu wa en kore yan.
Irwak utar newa ekasi utar, tane eci or ta ku=ki yaykikkar itak nu wa en=kore yan.
ανδρες αδελφοι και πατερες ακουσατε μου της προς υμας νυνι απολογιας
「兄弟であり父である皆さん、これから申し上げる弁明を聞いてください。」
Orowa, shinuma anak ne Hebrai un itak ani ye shiri utara nu chiki naa mo no okai ruwe ne: awa, shinuma ene hawe ani :—
Orowa, sinuma anakne Hebray un itak ani ye siri utar nu ciki naa mo no okay ruwe ne: awa, sinuma ene hawe ani :—
ακουσαντες δε οτι τη εβραιδι διαλεκτω προσεφωνει αυτοις μαλλον παρεσχον ησυχιαν και φησιν
パウロがヘブライ語で話すのを聞いて、人々はますます静かになった。パウロは言った。
Kuani anak ne Yudea un guru ku ne, Kirikia moshiri un Tarsus machiya ta ashikore, koroka, tan kotan ta an Kamarieru chikiri samata a en shukup an, awa, chikoro ekashi tuitak gusu oupeka no a en epakashnu an, aige, tanto obitta no echi utara
Kuani anakne Yudea un kur ku ne, Kirikia mosir un Tarsus maciya ta a=sikore, korka, tan kotan ta an Kamarieru cikiri sama ta a en=sukup an, awa, ci=kor ekasi tuytak kusu owpekano a en=epakasnu an, ayke, tanto opittano eci utar
εγω ειμι ανηρ ιουδαιος γεγεννημενος εν ταρσω της κιλικιας ανατεθραμμενος δε εν τη πολει ταυτη παρα τους ποδας γαμαλιηλ πεπαιδευμενος κατα ακριβειαν του πατρωου νομου ζηλωτης υπαρχων του θεου καθως παντες υμεις εστε σημερον
「わたしは、キリキア州のタルソスで生まれたユダヤ人です。そして、この都で育ち、ガマリエルのもとで先祖の律法について厳しい教育を受け、今日の皆さんと同じように、熱心に神に仕えていました。
korachi kuani ne yakka Kamui gusu eyaitunnap ku ki nisa ruwe ne: aine, rai pakno tan Ruhu ku epokba wa okkai ainu ne yakka matne ainu ne yakka tupetupe hine ipakashnu chisei ta aahupte kuni ne ekoshi nisa ruwe ne.
koraci kuani ne yakka Kamuy kusu eyaytunnap ku=ki nisa ruwe ne: ayne, ray pakno tan Ruhu ku epokpa wa okkay aynu ne yakka matne aynu ne yakka tupetupe hine ipakasnu cise ta a=ahupte kuni ne ekosi nisa ruwe ne.
ος ταυτην την οδον εδιωξα αχρι θανατου δεσμευων και παραδιδους εις φυλακας ανδρας τε και γυναικας
わたしはこの道を迫害し、男女を問わず縛り上げて獄に投じ、殺すことさえしたのです。
Kamui kora kenru esapane guru ne yakka obitta no okai ekashi ikiri tura en gusu nei no paweteshu ki: nei utara orowa no iriwak utara orun kambi ku koro, awa, Damaskos kotan ta okai utara atupetupere wa apanakte kuni ne Yerusarem kotan ta ku tura kuni ne nei kotan orun ku payekai shiriki okai nisa ruwe ne.
Kamuy kor kenru esapane kur ne yakka opittano okay ekasi ikiri tura en kusunéno pawetesu ki: ne utar oro wano irwak utar orun kampi ku=kor, awa, Damaskos kotan ta okay utar atupetupere wa a=panakte kuni ne Yerusarem kotan ta ku tura kuni ne ne kotan orun ku=payekay siriki okay nisa ruwe ne.
ως και ο αρχιερευς μαρτυρει μοι και παν το πρεσβυτεριον παρ ων και επιστολας δεξαμενος προς τους αδελφους εις δαμασκον επορευομην αξων και τους εκεισε οντας δεδεμενους εις ιερουσαλημ ινα τιμωρηθωσιν
このことについては、大祭司も長老会全体も、わたしのために証言してくれます。実は、この人たちからダマスコにいる同志にあてた手紙までもらい、その地にいる者たちを縛り上げ、エルサレムへ連行して処罰するために出かけて行ったのです。」
Aige, payekai shiri an wa, to noshike pakita, Damaskos kotan ta koehange no ek chiki, ekushkonna kando orowa no en okari ta poro nupeki at nisa ruwe ne.
Ayke, payekay siri an wa, to noske pakita, Damaskos kotan ta koehanke no ek ciki, ekuskonna kanto oro wano en=okari ta poro nupeki at nisa ruwe ne.
εγενετο δε μοι πορευομενω και εγγιζοντι τη δαμασκω περι μεσημβριαν εξαιφνης εκ του ουρανου περιαστραψαι φως ικανον περι εμε
「旅を続けてダマスコに近づいたときのこと、真昼ごろ、突然、天から強い光がわたしの周りを照らしました。
Orowa, shiri kata ku bachiri, aige, en orun ene itak ki hawe ku nu :— Sauros, Sauros, hemanda gusu eani anak ne en epokba ruwe he an? ari itak.
Orowa, siri kata ku paciri, ayke, en=orun ene itak ki hawe ku=nu :— Sawros, Sawros, hemanta kusu eani anakne en epokpa ruwe he an? ari itak.
επεσα τε εις το εδαφος και ηκουσα φωνης λεγουσης μοι σαουλ σαουλ τι με διωκεις
わたしは地面に倒れ、『サウル、サウル、なぜ、わたしを迫害するのか』と言う声を聞いたのです。
Awa, ene ku ese-hi :— Utarapa, Aokai anak ne hunna ne ruwe he an? En orota Shinuma ene itak-hi :— E epokba Nazaret kotan un Yesu Ku ne ruwe ne, ari itak.
Awa, ene ku=ese hi :— Utarpa, Aokay anakne hunna ne ruwe he an? En oro ta Sinuma ene itak hi :— E epokpa Nazaret kotan un Yesu Ku ne ruwe ne, ari itak.
εγω δε απεκριθην τις ει κυριε ειπεν τε προς εμε με εγω ειμι ιησους ο ναζωραιος ον συ διωκεις
『主よ、あなたはどなたですか』と尋ねると、『わたしは、あなたが迫害しているナザレのイエスである』と答えがありました。
Orowa, en tura no okai utara anak ne nei nupeki nukara poka ki nisa ruwe ne a koroka en orun ye hawe seenne nu nisa ruwe ne.
Orowa, en turano okay utar anakne ne nupeki nukar poka ki nisa ruwe ne a korka en=orun ye hawe seenne nu nisa ruwe ne.
οι δε συν εμοι οντες το μεν φως εθεασαντο την δε φωνην ουκ ηκουσαν του λαλουντος μοι
一緒にいた人々は、その光は見たのですが、わたしに話しかけた方の声は聞きませんでした。
Orowa, Utarapa, hemanda ku ki yak pirika ya, ani ku itak. Utarapa en orun ene hawe oka-hi :— Hopuni wa Damaskos kotan ta oman yan; yakun, nep ne yakka e ki kuni aesanniyop anak ne e orun anure tusu ne na, ari itak.
Orowa, Utarpa, hemanta ku=ki yak pirka ya, ani ku=itak. Utarpa en=orun ene haweoka hi :— Hopuni wa Damaskos kotan ta oman yan; yakun, nep ne yakka e ki kuni aesanniyop anakne e orun a=nure tusu ne na, ari itak.
ειπον δε τι ποιησω κυριε ο δε κυριος ειπεν προς με αναστας πορευου εις δαμασκον κακει σοι λαληθησεται περι παντων ων τετακται σοι ποιησαι
『主よ、どうしたらよいでしょうか』と申しますと、主は、『立ち上がってダマスコへ行け。しなければならないことは、すべてそこで知らされる』と言われました。
Orowa nei nupeki arakuru gusu ingara eaikap chiki en tura no okai utara ku teke ani hine Damaskos kotan ta ku ek nisa ruwe ne.
Orowa ne nupeki a=rakur kusu inkar eaykap ciki en turano okay utar ku=teke ani hine Damaskos kotan ta ku=ek nisa ruwe ne.
ως δε ουκ ενεβλεπον απο της δοξης του φωτος εκεινου χειραγωγουμενος υπο των συνοντων μοι ηλθον εις δαμασκον
わたしは、その光の輝きのために目が見えなくなっていましたので、一緒にいた人たちに手を引かれて、ダマスコに入りました。
Orowa, nei kotan ta oshiroma obitta no okai Yudea un utara orowa no akopaweteshu ki, tuitak gusu aainukoro Ananias ari an reihei ani areikore shine ainu anak ne en orota ek,
Orowa, ne kotan ta osiroma opittano okay Yudea un utar oro wano akopawetesu ki, tuytak kusu aynukor Ananias ari an rehe ani a=rékore sine aynu anakne en oro ta ek,
ανανιας δε τις ανηρ ευλαβης κατα τον νομον μαρτυρουμενος υπο παντων των κατοικουντων ιουδαιων
ダマスコにはアナニアという人がいました。律法に従って生活する信仰深い人で、そこに住んでいるすべてのユダヤ人の中で評判の良い人でした。
aige, en samaketa ash hine: ku iriwak ne Sauros, ingara kuni mondum akore na, ari itak. Awa, nei epakihigeta ku ingara wa shinuma ku nukan nisa ruwe ne.
ayke, en=samake ta as hine: ku=irwak ne Sawros, inkar kuni montum a=kore na, ari itak. Awa, ne epakihiketa ku=inkar wa sinuma ku=nukar nisa ruwe ne.
ελθων προς εμε με και επιστας ειπεν μοι σαουλ αδελφε αναβλεψον καγω αυτη τη ωρα ανεβλεψα εις αυτον
この人がわたしのところに来て、そばに立ってこう言いました。『兄弟サウル、元どおり見えるようになりなさい。』するとそのとき、わたしはその人が見えるようになったのです。
Orowa, shinuma ene itak-hi :— Chikoro ekashi koro Kamui anak ne koro irenga e eraman hemhem ki, nei oupeka ambe nukara hemhem ki, koro paro wano itak hawe nu hemhem a ki kuni ne esanniyo nisa ruwe ne.
Orowa, sinuma ene itak hi :— Ci=kor ekasi kor Kamuy anakne kor irenka e eraman hemhem ki, ne owpeka anpe nukar hemhem ki, kor paro wano itak hawe nu hemhem a ki kuni ne esanniyo nisa ruwe ne.
ο δε ειπεν ο θεος των πατερων ημων προεχειρισατο σε γνωναι το θελημα αυτου και ιδειν τον δικαιον και ακουσαι φωνην εκ του στοματος αυτου
アナニアは言いました。『わたしたちの先祖の神が、あなたをお選びになった。それは、御心を悟らせ、あの正しい方に会わせて、その口からの声を聞かせるためです。
Shinuma gusu obitta no okai utara orun e nukara hemhem ti nu hemhem ki orushpe epaweteshu ki kusu ne gusu ne na.
Sinuma kusu opittano okay utar orun e nukar hemhem ti nu hemhem ki oruspe epawetesu ki kusu ne kusu ne na.
οτι εση μαρτυς αυτω προς παντας ανθρωπους ων εωρακας και ηκουσας
あなたは、見聞きしたことについて、すべての人に対してその方の証人となる者だからです。
Aige, tane hemanda e ehuye ya? Hopuni wa baptisma akore hine Shinuma reihei konishuk, orowa, chikokatpak furaye wa isamka yan, ari itak.
Ayke, tane hemanta e ehuy ya? Hopuni wa paptisma a=kore hine Sinuma rehe konisuk, orowa, ci=kokatpak huraye wa isamka yan, ari itak.
και νυν τι μελλεις αναστας βαπτισαι και απολουσαι τας αμαρτιας σου επικαλεσαμενος το ονομα αυτου
今、何をためらっているのです。立ち上がりなさい。その方の名を唱え、洗礼を受けて罪を洗い清めなさい。』」
Orowa, kuani Yerusarem kotan ta ku hoshipi wa Kamui kora kenru ta inonno-itak ku ki rapoketa ku kurukokonna shiknatara, aige, en orun Shinuma ene ye-hi ku nukara :—
Orowa, kuani Yerusarem kotan ta ku=hosipi wa Kamuy kor kenru ta inonno-itak ku=ki rapoketa ku kurukokonna siknatara, ayke, en=orun Sinuma ene ye hi ku=nukar :—
εγενετο δε μοι υποστρεψαντι εις ιερουσαλημ και προσευχομενου μου εν τω ιερω γενεσθαι με εν εκστασει
「さて、わたしはエルサレムに帰って来て、神殿で祈っていたとき、我を忘れた状態になり、
Tunasbino ran wa Yerusarem kotan wano oman yan, inambe gusu ne yakun, En gusu e ye paweteshu arabe nei utara shomo uk kusu ne ruwe ne gusu ne na.
tunaspino ran wa Yerusarem kotan wano oman yan, inanpe kusu ne yakun, En kusu e ye pawetesu a=rap ne utar somo uk kusu ne ruwe ne kusu ne na.
και ιδειν αυτον λεγοντα μοι σπευσον και εξελθε εν ταχει εξ ιερουσαλημ διοτι ου παραδεξονται σου μαρτυριαν περι εμου
主にお会いしたのです。主は言われました。『急げ。すぐエルサレムから出て行け。わたしについてあなたが証しすることを、人々が受け入れないからである。』
Orowa, ene ku itak-hi :— Utarapa, obitta no okai uwekarapa chisei ta E koeishokoro utara ipakashnu chisei ta ku ahupte hemhem ki shirikik hemhem ki nisa ruwe ne ari an ambe nei utara yaikota eraman:
Orowa, ene ku=itak hi :— Utarpa, opittano okay uekarpa cise ta E koeysokor utar ipakasnu cise ta ku=ahupte hemhem ki sirkik hemhem ki nisa ruwe ne ari an anpe ne utar yaykota eraman:
καγω ειπον κυριε αυτοι επιστανται οτι εγω ημην φυλακιζων και δερων κατα τας συναγωγας τους πιστευοντας επι σε
わたしは申しました。『主よ、わたしが会堂から会堂へと回って、あなたを信じる者を投獄したり、鞭で打ちたたいたりしていたことを、この人々は知っています。
orowa, Aokai gusu paweteshu ki guru ne Stepanos koro kem aechikiki ita, kuani ne yakka nei samaketa ash wa ramuoshma, samata, shinuma raige utara koro raipi ku shikkashima nisa ruwe ne na, sekoro ku itak.
orowa, Aokay kusu pawetesu ki kur ne Stepanos kor kem a=ecikki hi ta, kuani ne yakka ne samake ta as wa ramuosma, sama ta, sinuma rayke utar kor raypi ku=sikkasima nisa ruwe ne na, sekor ku=itak.
και οτε εξεχυννετο το αιμα στεφανου του μαρτυρος σου και αυτος ημην εφεστως και συνευδοκων και φυλασσων τα ιματια των αναιρουντων αυτον
また、あなたの証人ステファノの血が流されたとき、わたしもその場にいてそれに賛成し、彼を殺す者たちの上着の番もしたのです。』
En otta Shinuma ene itak-hi :— E oman: tewa no ehangeko no an Oya utara orun e arapare ash kusu ne na.
En or ta Sinuma ene itak hi :— E oman: tewano e=hankeko no an Oya utar orun e arpare as kusu ne na.
και ειπεν προς με πορευου οτι εγω εις εθνη μακραν εξαποστελω σε
すると、主は言われました。『行け。わたしがあなたを遠く異邦人のために遣わすのだ。』」
Tapan itak pakno nei utara ikokanu ruwe ne; orowa no hawe ashte wa ene itak-hi :— Tap okaibe iki ambe moshiri wano oyakta omande: nei guru shiknu kuni gusu an ambe shomo ne ruwe ne gusu ne na.
Tapan itak pakno ne utar ikokanu ruwe ne; orowano hawe aste wa ene itak hi :— Tap okaype iki anpe mosir wano oyak ta omante: ne kur siknu kuni kusu an anpe somo ne ruwe ne kusu ne na.
ηκουον δε αυτου αχρι τουτου του λογου και επηραν την φωνην αυτων λεγοντες αιρε απο της γης τον τοιουτον ου γαρ καθηκεν αυτον ζην
パウロの話をここまで聞いた人々は、声を張り上げて言った。「こんな男は、地上から除いてしまえ。生かしてはおけない。」
Orowa, nei utara hawe ashte hemhem ki, koro raipi shiraraye hemhem ki, koponchi herikash-parure hemhem ki gusu,
Orowa, ne utar hawe aste hemhem ki, kor raypi siraraye hemhem ki, koponci herikas-parur hemhem ki kusu,
κραυγαζοντων τε αυτων και ριπτουντων τα ιματια και κονιορτον βαλλοντων εις τον αερα
彼らがわめき立てて上着を投げつけ、砂埃を空中にまき散らすほどだったので、
nei tumi-koro utara ikiri esapane guru anak ne shinuma chashi otta ahunde kuni ne kashpaotte nisa ruwe ne; samata, hemanda gusu nei utara anak ne shinuma orun hawe ashte ruwe he an eraman kuni ne, akoshirikik wa koipishi kuni ye nisa ruwe ne.
ne tumi-kor utar ikiri esapane kur anakne sinuma casi or ta ahunte kuni ne kaspaotte nisa ruwe ne; sama ta, hemanta kusu ne utar anakne sinuma orun hawe aste ruwe he an eraman kuni ne, akosirikik wa koypisi kuni ye nisa ruwe ne.
εκελευσεν ο χιλιαρχος εισαγεσθαι αυτον εις την παρεμβολην ειπας μαστιξιν ανεταζεσθαι αυτον ινα επιγνω δι ην αιτιαν ουτως επεφωνουν αυτω
千人隊長はパウロを兵営に入れるように命じ、人々がどうしてこれほどパウロに対してわめき立てるのかを知るため、鞭で打ちたたいて調べるようにと言った。
Orowa, nei utara at ani shinuma kote yakun, Pauros anak ne nei samaketa ash shine ashikne hotne tumi-koro utara esapane guru otta ene itak-hi :— Akokatpakte shomo ne an Roma un guru shirikik arabe anak ne tuitak nei no an ambe ne ruwe he an?
Orowa, ne utar at ani sinuma kote yakun, Pawros anakne ne samake ta as sine asikne hotne tumi-kor utar esapane kur or ta ene itak hi :— Akokatpakte somo ne an Roma un kur sirkik a=rap anakne tuytak néno an anpe ne ruwe he an?
ως δε προετειναν αυτον τοις ιμασιν ειπεν προς τον εστωτα εκατονταρχον ο παυλος ει ανθρωπον ρωμαιον και ακατακριτον εξεστιν υμιν μαστιζειν
パウロを鞭で打つため、その両手を広げて縛ると、パウロはそばに立っていた百人隊長に言った。「ローマ帝国の市民権を持つ者を、裁判にかけずに鞭で打ってもよいのですか。」
Nei ashikne hotne tumi-koro utara esapane guru tap itak nu chiki, shinuma nei tumi-koro utara ikiri esapane guru otta oman hine nure wa ene itak-hi :— Nekon a e iki etokush ruwe he an? Tan guru anak ne Roma un guru ne ruwe ne gusu ne na.
Ne asikne hotne tumi-kor utar esapane kur tap itak nu ciki, sinuma ne tumi-kor utar ikiri esapane kur or ta oman hine nure wa ene itak hi :— Nekona e iki etokus ruwe he an? Tan kur anakne Roma un kur ne ruwe ne kusu ne na.
ακουσας δε ο εκατονταρχης προσελθων τω χιλιαρχω απηγγειλεν λεγων τι μελλεις ποιειν ο γαρ ανθρωπος ουτος ρωμαιος εστιν
これを聞いた百人隊長は、千人隊長のところへ行って報告した。「どうなさいますか。あの男はローマ帝国の市民です。」
Orowa, tumi-koro utara ikiri esapane guru ek wa, — Aokai anak ne Roma un guru e ne ruwe he an? en nure wa en kore yan, ari Pauros otta itak. Orowa, Ruwe un, ani shinuma ye.
Orowa, tumi-kor utar ikiri esapane kur ek wa, — Aokay anakne Roma un kur e ne ruwe he an? en=nure wa en=kore yan, ari Pawros or ta itak. Orowa, Ruwe un, ani sinuma ye.
προσελθων δε ο χιλιαρχος ειπεν αυτω λεγε μοι συ ρωμαιος ει ο δε εφη ναι
千人隊長はパウロのところへ来て言った。「あなたはローマ帝国の市民なのか。わたしに言いなさい。」パウロは、「そうです」と言った。
Orowa, nei sapane guru ene itak-hi :— poro ataye ku sange nei no an kuni ambe ku hok nisa ruwe ne, ari itak. Koroka, nei no ku hekatu nisa ruwe ne, ani Pauros ye ruwe ne.
Orowa, ne sapanekur ene itak hi :— poro ataye ku=sanke néno an kuni anpe ku=hok nisa ruwe ne, ari itak. Korka, néno ku=hekatu nisa ruwe ne, ani Pawros ye ruwe ne.
απεκριθη δε ο χιλιαρχος εγω πολλου κεφαλαιου την πολιτειαν ταυτην εκτησαμην ο δε παυλος εφη εγω δε και γεγεννημαι
千人隊長が、「わたしは、多額の金を出してこの市民権を得たのだ」と言うと、パウロは、「わたしは生まれながらローマ帝国の市民です」と言った。
Tata otta shinuma koipishi kusu ne a utara anak ne nani oyakta paye: orowa, shinuma Roma un guru ne sekoro eraman hene ki gusu, samata, tupetupe nisa ruwe ne gusu, nei tumi-koro utara ikiri esapane guru anak ne ishitoma nisa ruwe ne na.
Tata or ta sinuma koypisi kusu ne a utar anakne nani oyak ta paye: orowa, sinuma Roma un kur ne sekor eraman hene ki kusu, sama ta, tupetupe nisa ruwe ne kusu, ne tumi-kor utar ikiri esapane kur anakne isitoma nisa ruwe ne na.
ευθεως ουν απεστησαν απ αυτου οι μελλοντες αυτον ανεταζειν και ο χιλιαρχος δε εφοβηθη επιγνους οτι ρωμαιος εστιν και οτι αυτον ην δεδεκως
そこで、パウロを取り調べようとしていた者たちは、直ちに手を引き、千人隊長もパウロがローマ帝国の市民であること、そして、彼を縛ってしまったことを知って恐ろしくなった。
Koroka, nei shimge tobo ta, Yudea un utara orowa no aeiyonnupba kuni son no ikkewehe eraman rusui gusu, nei sapane guru shinuma pita nisa ruwe ne; orowa, Kamui kora kenru esapane utara newa obitta no okai ikoramkoro utara uwekarapa kuni ne kashpaotte, aige, Pauros sange wa nei utara kotchaketa ande nisa ruwe ne na.
Korka, ne simke topo ta, Yudea un utar oro wano a=eiyonnuppa kuni sonno ikkewehe eraman rusuy kusu, ne sapanekur sinuma pita nisa ruwe ne; orowa, Kamuy kor kenru esapane utar newa opittano okay i=koramkor utar uekarpa kuni ne kaspaotte, ayke, Pawros sanke wa ne utar kotcake ta ante nisa ruwe ne na.
τη δε επαυριον βουλομενος γνωναι το ασφαλες το τι κατηγορειται υπο των ιουδαιων ελυσεν αυτον και εκελευσεν συνελθειν τους αρχιερεις και παν το συνεδριον και καταγαγων τον παυλον εστησεν εις αυτους
翌日、千人隊長は、なぜパウロがユダヤ人から訴えられているのか、確かなことを知りたいと思い、彼の鎖を外した。そして、祭司長たちと最高法院全体の召集を命じ、パウロを連れ出して彼らの前に立たせた。