21 Ik. ページ 385

Orowa, nei utara akohoppa wa kaya roshki okere chiki, kuwanno atuitomotuye wa Kos kotan ta koshirepa ash nisa ruwe ne, orowa, nei shimge toho ta Rodos kotan ta araki, orowa, nei wano Patara kotan orota araki ash ruwe ne:

Orowa, ne utar a=kohoppa wa kaya roski okere ciki, kuwanno atuytomotuye wa Kos kotan ta kosirepa as nisa ruwe ne, orowa, ne simke toho ta Rodos kotan ta arki, orowa, ne wano Patara kotan oro ta arki as ruwe ne:

ως δε εγενετο αναχθηναι ημας αποσπασθεντας απ αυτων ευθυδρομησαντες ηλθομεν εις την κω τη δε εξης εις την ροδον κακειθεν εις παταρα

わたしたちは人々に別れを告げて船出し、コス島に直航した。翌日ロドス島に着き、そこからパタラに渡り、

orowa, Poinike moshiri oro peka oman kuni chip anukara chiki, chip o wa atuitomotuye nisa ruwe ne.

orowa, Poynike mosir oro peka oman kuni cip a=nukar ciki, cip o wa atuytomotuye nisa ruwe ne.

και ευροντες πλοιον διαπερων εις φοινικην επιβαντες ανηχθημεν

フェニキアに行く船を見つけたので、それに乗って出発した。

Orowa, Kupros kotan anukara pakno ne chiki, nei harikitek sam akush hine Siria kotan ta paye wa Turos kotan ta yan nisa ruwe ne: nei kotan anak nei chip oma shikehe iyapte kuni ushi ne ruwe ne gusu ne na.

Orowa, Kupros kotan a=nukar pakno ne ciki, ne harkitek sam akus hine Siria kotan ta paye wa Turos kotan ta yan nisa ruwe ne: ne kotan anakne cip oma sikehe i=yapte kuni usi ne ruwe ne kusu ne na.

αναφαναντες δε την κυπρον και καταλιποντες αυτην ευωνυμον επλεομεν εις συριαν και κατηλθομεν εις τυρον εκεισε γαρ το πλοιον ην αποφορτιζομενον τον γομον

やがてキプロス島が見えてきたが、それを左にして通り過ぎ、シリア州に向かって船旅を続けてティルスの港に着いた。ここで船は、荷物を陸揚げすることになっていたのである。

Orowa, koikara utara anukara yakun, arawan toho ta nei kotan ta reushi ash: awa, Ashkanne Ramat ankushkerai Pauros anak ne iteki Yerusarem kotan ta oman kuni ne nei koikara utara itak nisa ruwe ne.

Orowa, koykar utar a=nukar yakun, arwan toho ta ne kotan ta rewsi as: awa, Askanne Ramat an kuskeray Pawros anakne iteki Yerusarem kotan ta oman kuni ne ne koykar utar itak nisa ruwe ne.

ανευροντες δε τους μαθητας επεμειναμεν αυτου ημερας επτα οιτινες τω παυλω ελεγον δια του πνευματος μη επιβαινειν εις ιεροσολυμα

わたしたちは弟子たちを探し出して、そこに七日間泊まった。彼らは“霊”に動かされ、エルサレムへ行かないようにと、パウロに繰り返して言った。

Orowa, nei toho auweomare chiki, chi hopumba ash wa payekai nisa; aige, nei utara obitta, koro machi newa poho utara tura, nei machiya soyumba wa akohoppa pakno un rura: awa, atui-sam kata kokkaerok hine inonno-itak ash,

Orowa, ne toho a=ueomare ciki, ci hopunpa as wa payekay nisa; ayke, ne utar opitta, kor maci newa poho utar tura, ne maciya soyunpa wa a=kohoppa pakno un rura: awa, atuy-sam kata kokkaerok hine inonno-itak as,

οτε δε εγενετο εξαρτισαι ημας ημας εξαρτισαι τας ημερας εξελθοντες επορευομεθα προπεμποντων ημας παντων συν γυναιξιν και τεκνοις εως εξω της πολεως και θεντες τα γονατα επι τον αιγιαλον προσευξαμενοι

しかし、滞在期間が過ぎたとき、わたしたちはそこを去って旅を続けることにした。彼らは皆、妻や子供を連れて、町外れまで見送りに来てくれた。そして、共に浜辺にひざまずいて祈り、

orowa, utashpa uwetutkopak nisa ruwe ne na; orowa, chi utara anak ne chip o, koroka, nei utara anak kanna shui koro uni un hoshippa nisa ruwe ne.

orowa, utaspa uwetutkopak nisa ruwe ne na; orowa, ci utar anakne cip o, korka, ne utar anak kanna suy kor uni un hosippa nisa ruwe ne.

απησπασαμεθα αλληλους και ενεβημεν ανεβημεν εις το πλοιον εκεινοι δε υπεστρεψαν εις τα ιδια

互いに別れの挨拶を交わし、わたしたちは船に乗り込み、彼らは自分の家に戻って行った。

Orowa, Turos kotan wano atuitomotuye okere chiki Ptoremais kotan koshirepa; awa, iriwak utara korangarap yakun, shine to tura no reushi.

Orowa, Turos kotan wano atuytomotuye okere ciki Ptoremais kotan kosirepa; awa, irwak utar korankarap yakun, sine to turano rewsi.

ημεις δε τον πλουν διανυσαντες απο τυρου κατηντησαμεν εις πτολεμαιδα και ασπασαμενοι τους αδελφους εμειναμεν ημεραν μιαν παρ αυτοις

わたしたちは、ティルスから航海を続けてプトレマイスに着き、兄弟たちに挨拶して、彼らのところで一日を過ごした。

Orowa, nei shimge toho ta paye ash wa Kaisarea kotan ta araki: aige, nei arawa niu tumuge un shinen ne pirika shongo eupaskuma guru Piripos kot chisei ta ahup wa tura no riya nisa ruwe ne.

Orowa, ne simke toho ta paye as wa Kaysarea kotan ta arki: ayke, ne a=raw niw tumuke un sinen ne pirka sonko ewpaskuma kur Piripos kot cise ta ahup wa turano riya nisa ruwe ne.

τη δε επαυριον εξελθοντες ηλθαμεν ηλθομεν εις καισαριαν καισαρειαν και εισελθοντες εις τον οικον φιλιππου του ευαγγελιστου οντος εκ των επτα εμειναμεν παρ αυτω

翌日そこをたってカイサリアに赴き、例の七人の一人である福音宣教者フィリポの家に行き、そこに泊まった。

Tan guru otta uweingara ki hoku sak matne po inen okai.

Tan kur or ta ueinkar ki hoku sak matnepo inen okay.

τουτω δε ησαν θυγατερες τεσσαρες παρθενοι προφητευουσαι

この人には預言をする四人の未婚の娘がいた。

Orowa, inne toho uturu nei ita riya ash wa okai ita, Agabos ari an reihei koro shine uweingara guru Yudea moshiri wano san wa ek nisa.

Orowa, inne toho uturu ne hi ta riya as wa okay hi ta, Agabos ari an rehe kor sine ueinkar kur Yudea mosir wano san wa ek nisa.

επιμενοντων δε ημερας πλειους κατηλθεν τις απο της ιουδαιας προφητης ονοματι αγαβος

幾日か滞在していたとき、ユダヤからアガボという預言する者が下って来た。

Awa, shinuma un orun ek hine Pauros koro kut uk wa yaikota koro chikiri newa teke kane tupetupe, aige, ene hawe oka-hi :— Ashkanne Ramat ene itak-hi :— Yerusarem kotan ta okai Yudea un utara anak ne tap korachi tan kut koro guru tupetupe wa Oya utara koro teke otta ekoshi kusu ne na, ari itak.

Awa, sinuma un orun ek hine Pawros kor kut uk wa yaykota kor cikiri newa teke kane tupetupe, ayke, ene haweoka hi :— Askanne Ramat ene itak hi :— Yerusarem kotan ta okay Yudea un utar anakne tap koraci tan kut kor kur tupetupe wa Oya utar kor teke or ta ekosi kusu ne na, ari itak.

και ελθων προς ημας και αρας την ζωνην του παυλου δησας εαυτου τους ποδας και τας χειρας ειπεν ταδε λεγει το πνευμα το αγιον τον ανδρα ου εστιν η ζωνη αυτη ουτως δησουσιν εν ιερουσαλημ οι ιουδαιοι και παραδωσουσιν εις χειρας εθνων

そして、わたしたちのところに来て、パウロの帯を取り、それで自分の手足を縛って言った。「聖霊がこうお告げになっている。『エルサレムでユダヤ人は、この帯の持ち主をこのように縛って異邦人の手に引き渡す。』」

Orowa, tap orushpe chi nu chiki, chi utara ne yakka nei kotan ta okai utara ne yakka, shinuma iteki Yerusarem kotan ta oman kuni onishnishi nisa ruwe ne.

Orowa, tap oruspe ci nu ciki, ci utar ne yakka ne kotan ta okay utar ne yakka, sinuma iteki Yerusarem kotan ta oman kuni onisnisi nisa ruwe ne.

ως δε ηκουσαμεν ταυτα παρεκαλουμεν ημεις τε και οι εντοπιοι του μη αναβαινειν αυτον εις ιερουσαλημ

わたしたちはこれを聞き、土地の人と一緒になって、エルサレムへは上らないようにと、パウロにしきりに頼んだ。

Tata otta Pauros ene ese-hi :— Hemanda gusu echi chish wa ku sambe iuninkare ya? Kuani anak ne ouse atupetupe kuni patek shomo ne, koroka, Yerusarem kotan ta Utarapa ne Yesu kon reihei gusu rai kuni yak pirika ruwe ne, ari itak.

Tata or ta Pawros ene ese hi :— Hemanta kusu eci=cis wa ku=sanpe iwninkare ya? Kuani anakne owse a=tupetupe kuni patek somo ne, korka, Yerusarem kotan ta Utarpa ne Yesu kor rehe kusu ray kuni yak pirka ruwe ne, ari itak.

τοτε απεκριθη [ο] ο παυλος τι ποιειτε κλαιοντες και συνθρυπτοντες μου την καρδιαν εγω γαρ ου μονον δεθηναι αλλα και αποθανειν εις ιερουσαλημ ετοιμως εχω υπερ του ονοματος του κυριου ιησου

そのとき、パウロは答えた。「泣いたり、わたしの心をくじいたり、いったいこれはどういうことですか。主イエスの名のためならば、エルサレムで縛られることばかりか死ぬことさえも、わたしは覚悟しているのです。」

Orowa, shinuma shomo nu gusu chi utara mo no okai wa :— Utarapa irenga korachi aki na, ari chi ye nisa ruwe ne.

Orowa, sinuma somo nu kusu ci utar mo no okay wa :— Utarpa irenka koraci aki na, ari ci ye nisa ruwe ne.

μη πειθομενου δε αυτου ησυχασαμεν ειποντες του κυριου το θελημα γινεσθω

パウロがわたしたちの勧めを聞き入れようとしないので、わたしたちは、「主の御心が行われますように」と言って、口をつぐんだ。

Tap okaketa chi utara anak ne koro shike shuppakara wa Yerusarem kotan orun hemeshpa nisa ruwe ne.

Tap okake ta ci utar anakne kor sike suppakar wa Yerusarem kotan orun hemespa nisa ruwe ne.

μετα δε τας ημερας ταυτας επισκευασαμενοι ανεβαινομεν εις ιεροσολυμα

数日たって、わたしたちは旅の準備をしてエルサレムに上った。

Orowa, Kaisarea kotan wano okai koikara utara un tura no paye, awa, otta echi reushi ash kuni arotunashi wano an koikara guru ne Kuprios kotan un Mnason atura nisa ruwe ne na.

Orowa, Kaysarea kotan wano okay koykar utar un turano paye, awa, or ta eci=rewsi as kuni arotunasi wano an koykar kur ne Kuprios kotan un Mnason a=tura nisa ruwe ne na.

συνηλθον δε και των μαθητων απο καισαριας καισαρειας συν ημιν αγοντες παρ ω ξενισθωμεν μνασωνι τινι κυπριω αρχαιω μαθητη

カイサリアの弟子たちも数人同行して、わたしたちがムナソンという人の家に泊まれるように案内してくれた。ムナソンは、キプロス島の出身で、ずっと以前から弟子であった。

Orowa, Yerusarem kotan ta akoshirepa chiki, iriwak utara nupetne no un uk nisa ruwe ne.

Orowa, Yerusarem kotan ta a=kosirepa ciki, irwak utar nupetne no un uk nisa ruwe ne.

γενομενων δε ημων εις ιεροσολυμα ασμενως απεδεξαντο ημας οι αδελφοι

わたしたちがエルサレムに着くと、兄弟たちは喜んで迎えてくれた。

Awa, nei shimge toho ta Pauros anak ne un tura no Yakob orota arapa, ekashi utara obitta okai wa okai ruwe ne.

Awa, ne simke toho ta Pawros anakne un turano Yakob oro ta arpa, ekasi utar opitta okay wa okay ruwe ne.

τη δε επιουση εισηει ο παυλος συν ημιν προς ιακωβον παντες τε παρεγενοντο οι πρεσβυτεροι

翌日、パウロはわたしたちを連れてヤコブを訪ねたが、そこには長老が皆集まっていた。

Orowa, shinuma koerangarap okere yakun, koro yaishieiwangere-hi ani Oya utara tumta Kamui iki ikip pishno pishno nure nisa ruwe ne.

Orowa, sinuma koerankarap okere yakun, kor yaysieywankere hi ani Oya utar tum ta Kamuy iki iki p pisno pisno nure nisa ruwe ne.

και ασπασαμενος αυτους εξηγειτο καθ εν εκαστον ων εποιησεν ο θεος εν τοις εθνεσιν δια της διακονιας αυτου

パウロは挨拶を済ませてから、自分の奉仕を通して神が異邦人の間で行われたことを、詳しく説明した。

Aige nei utara nu chiki Kamui ramye; aine, shinuma otta ene itak-hi :— Ayupnishpakehe, Yudea un utara tumugeta eishokoro okere utara hemanda inne no okai shiri e nukara; orosama, nei utara anak ne obitta tuitak gusu eyaitunnap ki shiri okai:

Ayke ne utar nu ciki Kamuy ramye; ayne, sinuma or ta ene itak hi :— Ayupnispakehe, Yudea un utar tumke ta eysokor okere utar hemanta inne no okay siri e nukar; orosama, ne utar anakne opitta tuytak kusu eyaytunnap ki siri okay:

οι δε ακουσαντες εδοξαζον τον θεον ειπαν ειπον τε αυτω θεωρεις αδελφε ποσαι μυριαδες εισιν εν τοις ιουδαιοις των πεπιστευκοτων και παντες ζηλωται του νομου υπαρχουσιν

これを聞いて、人々は皆神を賛美し、パウロに言った。「兄弟よ、ご存じのように、幾万人ものユダヤ人が信者になって、皆熱心に律法を守っています。

awa, aokai gusu anak ne Oya utara tumugeta obitta no okai Yudea un utara koro poho shomo okarituye buri akire hene ki, kotan buri nei no ne yakka shomo ki hine Mose emaka kuni ne e epakashnu ruwe ne, sekoro nei utara otta aye nisa ruwe ne.

awa, aokay kusu anakne Oya utar tumke ta opittano okay Yudea un utar kor poho somo okarituye puri a=kir hene ki, kotan puri néno ne yakka somo ki hine Mose emaka kuni ne e epakasnu ruwe ne, sekor ne utar or ta a=ye nisa ruwe ne.

κατηχηθησαν δε περι σου οτι αποστασιαν διδασκεις απο μωυσεως τους κατα τα εθνη παντας ιουδαιους λεγων μη περιτεμνειν αυτους τα τεκνα μηδε τοις εθεσιν περιπατειν

この人たちがあなたについて聞かされているところによると、あなたは異邦人の間にいる全ユダヤ人に対して、『子供に割礼を施すな。慣習に従うな』と言って、モーセから離れるように教えているとのことです。

Yakun, nekon a ambe ne ya? Aokai ek wa an shiri nei utara son no nu kusu ne.

Yakun, nekona anpe ne ya? Aokay ek wa an siri ne utar sonno nu kusu ne.

τι ουν εστιν παντως ακουσονται οτι εληλυθας

いったい、どうしたらよいでしょうか。彼らはあなたの来られたことをきっと耳にします。

Tambe gusu tap e orun chi ye arabe ki wa un kore yan:

Tanpe kusu tap e orun ci ye a=rap ki wa un kore yan:

τουτο ουν ποιησον ο σοι λεγομεν εισιν ημιν ανδρες τεσσαρες ευχην εχοντες αφ εφ εαυτων

だから、わたしたちの言うとおりにしてください。わたしたちの中に誓願を立てた者が四人います。

un otta euitaknup ki ine ainu okai; nei utara uk wa tura no yaiturusakte, orowa, koro sapaha amemke kuni ne; gusu ataye sange yan: yak anakne aokai gusu aye orushpe otta sonep isam ruwe ne sekoro obitta no okai utara eraman nangon na; koroka, aokai yaikota tuitak shikkashima wa oupeka no apkash shiri aeraman nangon na.

un or ta ewitaknup ki ine aynu okay; ne utar uk wa turano yayturusakte, orowa, kor sapaha a=memke kuni ne; kusu ataye sanke yan: yak anakne aokay kusu a=ye oruspe or ta sonep isam ruwe ne sekor opittano okay utar eraman nankor na; korka, aokay yaykota tuytak sikkasima wa owpekano apkas siri aeraman nankor na.

τουτους παραλαβων αγνισθητι συν αυτοις και δαπανησον επ αυτοις ινα ξυρησονται την κεφαλην και γνωσονται παντες οτι ων κατηχηνται περι σου ουδεν εστιν αλλα στοιχεις και αυτος φυλασσων τον νομον

この人たちを連れて行って一緒に身を清めてもらい、彼らのために頭をそる費用を出してください。そうすれば、あなたについて聞かされていることが根も葉もなく、あなたは律法を守って正しく生活している、ということがみんなに分かります。

Koroka, eishokoro Oya utara gusu chi nuye okere; nei utara anak ne potoki otta ayangep gusu hemhem, kem gusu hemhem, rekuchi anumbap gusu hemhem, hoiyop gusu hemhem yaishikkashima kunip ne aesanniyo ruwe ne, ari itak.

Korka, eysokor Oya utar kusu ci nuye okere; ne utar anakne potoki or ta ayankep kusu hemhem, kem kusu hemhem, rekuci anunpap kusu hemhem, hoiyop kusu hemhem yaysikkasma kunip ne a=esanniyo ruwe ne, ari itak.

περι δε των πεπιστευκοτων εθνων ημεις απεστειλαμεν επεστειλαμεν κριναντες φυλασσεσθαι αυτους το τε ειδωλοθυτον και αιμα και πνικτον και πορνειαν

また、異邦人で信者になった人たちについては、わたしたちは既に手紙を書き送りました。それは、偶像に献げた肉と、血と、絞め殺した動物の肉とを口にしないように、また、みだらな行いを避けるようにという決定です。」

Tata otta Pauros anak ne nei shimge toho ta nei utara uk wa tura no yaituru-sakte hine Kamui kora kenru ta ahun, aige, nei utara pishno gusu ayange kunip ayange pakno turu-sakte kuni toho uweomare-hi ashte shiriki.

Tata or ta Pawros anakne ne simke toho ta ne utar uk wa turano yayturu-sakte hine Kamuy kor kenru ta ahun, ayke, ne utar pisno kusu a=yanke kunip a=yanke pakno tur-sakte kuni toho ueomare hi aste siriki.

τοτε ο παυλος παραλαβων τους ανδρας τη εχομενη ημερα συν αυτοις αγνισθεις εισηει εις το ιερον διαγγελλων την εκπληρωσιν των ημερων του αγνισμου εως ου προσηνεχθη υπερ ενος εκαστου αυτων η προσφορα

そこで、パウロはその四人を連れて行って、翌日一緒に清めの式を受けて神殿に入り、いつ清めの期間が終わって、それぞれのために供え物を献げることができるかを告げた。

Orowa, nei arawan toho tane auweomare ange shiriki chiki, Asia wano araki Yudea un utara anak ne shinuma Kamui kora kenru ta an-i nukara koro, inne utara obitta hopumbare wa tek-kokishimare hine ene hawe ashte-hi :—

Orowa, ne arwan toho tane a=ueomare anke siriki ciki, Asia wano arki Yudea un utar anakne sinuma Kamuy kor kenru ta an hi nukar kor, inne utar opitta hopunpare wa tek-kokisimare hine ene hawe aste hi :—

ως δε εμελλον αι επτα ημεραι συντελεισθαι οι απο της ασιας ιουδαιοι θεασαμενοι αυτον εν τω ιερω συνεχεον παντα τον οχλον και επεβαλαν επεβαλον επ αυτον τας χειρας

七日の期間が終わろうとしていたとき、アジア州から来たユダヤ人たちが神殿の境内でパウロを見つけ、全群衆を扇動して彼を捕らえ、

Israeru un okkai utara, kaobiuki wa un kore yan: utara gusu hemhem, tuitak gusu hemhem, tan ushike gusu hemhem epokba ambe obitta no okai utara epakashnu gurʼanak ne tan ainu ne: samata shui, tan kenru otta Herenes un utara ahunde wa tan ashkanne ushike turu-ushte nisa ruwe ne.

Israeru un okkay utar, kaopiwki wa un kore yan: utar kusu hemhem, tuytak kusu hemhem, tan usike kusu hemhem epokpa anpe opittano okay utar epakasnu kur anakne tan aynu ne: sama ta suy, tan kenru or ta Herenes un utar ahunte wa tan askanne usike tur-uste nisa ruwe ne.

κραζοντες ανδρες ισραηλιται βοηθειτε ουτος εστιν ο ανθρωπος ο κατα του λαου και του νομου και του τοπου τουτου παντας πανταχη διδασκων ετι τε και ελληνας εισηγαγεν εις το ιερον και κεκοινωκεν τον αγιον τοπον τουτον

こう叫んだ。「イスラエルの人たち、手伝ってくれ。この男は、民と律法とこの場所を無視することを、至るところでだれにでも教えている。その上、ギリシア人を境内に連れ込んで、この聖なる場所を汚してしまった。」

Inambe gusu ne yakun, nei machiya tumta Epesos kotan un guru ne Tropimos shinuma tura no an i anukara, awa, Pauros anak ne nei guru Kamui kora kenru ta ahunde kuni aramu nisa ruwe ne gusu ne na.

Inanpe kusu ne yakun, ne maciya tum ta Epesos kotan un kur ne Tropimos sinuma turano an i a=nukar, awa, Pawros anakne ne kur Kamuy kor kenru ta ahunte kuni a=ramu nisa ruwe ne kusu ne na.

ησαν γαρ προεωρακοτες τροφιμον τον εφεσιον εν τη πολει συν αυτω ον ενομιζον οτι εις το ιερον εισηγαγεν ο παυλος

彼らは、エフェソ出身のトロフィモが前に都でパウロと一緒にいたのを見かけたので、パウロが彼を境内に連れ込んだのだと思ったからである。

Orowa, nei machiya obitta aukopoye, awa, utara hoyuppa uwekarapa: aige, Pauros tek-kokishima hine Kamui kora kenru orowa no esoyun nimba: aine, nani apa aseshke nisa ruwe ne.

Orowa, ne maciya opitta a=wkopoye, awa, utar hoyuppa uekarpa: ayke, Pawros tek-kokisma hine Kamuy kor kenru oro wano esoyun ninpa: ayne, nani apa a=seske nisa ruwe ne.

εκινηθη τε η πολις ολη και εγενετο συνδρομη του λαου και επιλαβομενοι του παυλου ειλκον αυτον εξω του ιερου και ευθεως εκλεισθησαν αι θυραι

それで、都全体は大騒ぎになり、民衆は駆け寄って来て、パウロを捕らえ、境内から引きずり出した。そして、門はどれもすぐに閉ざされた。

Orowa, utara anak ne shinuma raige kuni hunara shiriki okai ita, Yerusarem kotan ebitta chiukopoye wa an sekorʼorushpe tumi-koro utara ikiri esapane guru otta anure nisa ruwe ne.

Orowa, utar anakne sinuma rayke kuni hunara siriki okay hi ta, Yerusarem kotan epitta ci=wkopoye wa an sekor oruspe tumi-kor utar ikiri esapane kur or ta a=nure nisa ruwe ne.

ζητουντων τε αυτον αποκτειναι ανεβη φασις τω χιλιαρχω της σπειρης οτι ολη συγχυννεται ιερουσαλημ

彼らがパウロを殺そうとしていたとき、エルサレム中が混乱状態に陥っているという報告が、守備大隊の千人隊長のもとに届いた。

Aige, shinuma tumi-koro utara newa ashikne tumi-koro utara esapane utara tura wa nei utara orun hoyuppa wa rap: awa, nei utara anak ne tumi-koro utara ikiri esapane guru newa tumi-koro utara nukara chiki, Pauros shirikik kuni eyomne nisa ruwe ne.

Ayke, sinuma tumi-kor utar newa asikne tumi-kor utar esapane utar tura wa ne utar orun hoyuppa wa rap: awa, ne utar anakne tumi-kor utar ikiri esapane kur newa tumi-kor utar nukar ciki, Pawros sirkik kuni eyomne nisa ruwe ne.

ος εξαυτης παραλαβων στρατιωτας και εκατονταρχας κατεδραμεν επ αυτους οι δε ιδοντες τον χιλιαρχον και τους στρατιωτας επαυσαντο τυπτοντες τον παυλον

千人隊長は直ちに兵士と百人隊長を率いて、その場に駆けつけた。群衆は千人隊長と兵士を見ると、パウロを殴るのをやめた。

Tata otta tumi-koro utara ikiri esapane guru karange no ek wa shinuma kishima, aige, tu kani-shinkop ani atupetupe kuni ne ikashpaotte nisa ruwe ne; orowa, nekon a an ainu ne ya? hemanda iki guru ne ya? uwepekennu nisa ruwe ne.

Tata or ta tumi-kor utar ikiri esapane kur karankeno ek wa sinuma kisma, ayke, tu kani-sinkop ani a=tupetupe kuni ne ikaspaotte nisa ruwe ne; orowa, nekona an aynu ne ya? hemanta iki kur ne ya? uwepekennu nisa ruwe ne.

τοτε εγγισας ο χιλιαρχος επελαβετο αυτου και εκελευσεν δεθηναι αλυσεσιν δυσιν και επυνθανετο τις ειη και τι εστιν πεποιηκως

千人隊長は近寄ってパウロを捕らえ、二本の鎖で縛るように命じた。そして、パウロが何者であるのか、また、何をしたのかと尋ねた。

Awa, inne utara tumta tapne hawe okai utara ka okai, moshimap ye wa hawe okai utara ka okai: aige, nei sakayo son no ikkewe eraman ka eaikap chiki, chashi orota atura kuni ne kashpaotte nisa ruwe ne.

Awa, inne utar tum ta tapne hawe okay utar ka okay, mosma p ye wa hawe okay utar ka okay: ayke, ne sakayo sonno ikkewe eraman ka eaykap ciki, casi oro ta a=tura kuni ne kaspaotte nisa ruwe ne.

αλλοι δε αλλο τι επεφωνουν εν τω οχλω μη δυναμενου δε αυτου γνωναι το ασφαλες δια τον θορυβον εκελευσεν αγεσθαι αυτον εις την παρεμβολην

しかし、群衆はあれやこれやと叫び立てていた。千人隊長は、騒々しくて真相をつかむことができないので、パウロを兵営に連れて行くように命じた。

Orowa, shinuma nei shuma-nikara kata ek chiki, inne utara niwen wa gusu tumi-koro utara aeani nisa; inambe gusu ne yakun,

Orowa, sinuma ne suma-nikara kata ek ciki, inne utar niwen wa kusu tumi-kor utar a=eani nisa; inanpe kusu ne yakun,

οτε δε εγενετο επι τους αναβαθμους συνεβη βασταζεσθαι αυτον υπο των στρατιωτων δια την βιαν του οχλου

パウロが階段にさしかかったとき、群衆の暴行を避けるために、兵士たちは彼を担いで行かなければならなかった。

inne utara kashirari araki hine — Oyake un omande yan, ari hawe okai ruwe ne.

inne utar kasirari arki hine — Oyake un omante yan, ari hawe okay ruwe ne.

ηκολουθει γαρ το πληθος του λαου κραζοντες αιρε αυτον

大勢の民衆が、「その男を殺してしまえ」と叫びながらついて来たからである。

Orowa, Pauros anak ne tane nei chashi otta aahunde ange chiki, shinuma nei tumi-koro utara ikiri esapane guru otta ene itak-hi :— E otta pon no ku ye yak pirika ya? Orota shinuma ene itak-hi :— Eani Herenes un itak ani itak eashkai ya?

Orowa, Pawros anakne tane ne casi or ta a=ahunte anke ciki, sinuma ne tumi-kor utar ikiri esapane kur or ta ene itak hi :— E or ta ponno ku=ye yak pirka ya? Oro ta sinuma ene itak hi :— Eani Herenes un itak ani itak easkay ya?

μελλων τε εισαγεσθαι εις την παρεμβολην ο παυλος λεγει τω χιλιαρχω ει εξεστιν μοι ειπειν τι προς σε ο δε εφη ελληνιστι γινωσκεις

パウロは兵営の中に連れて行かれそうになったとき、「ひと言お話ししてもよいでしょうか」と千人隊長に言った。すると、千人隊長が尋ねた。「ギリシア語が話せるのか。

Tan toho etokota esapane guru eokbare kuni ne utara chiukopoyere wa shi sen nin ne keweuk utara nup otta tura wa arapa nei Echipt moshirʼun guru shomo e ne ruwe he an? ari itak.

Tan toho etoko ta esapane kur e=okpare kuni ne utar ciwkopoyere wa si sen nin ne keweuk utar nup or ta tura wa arpa ne Ecipt mosir un kur somo e ne ruwe he an? ari itak.

ουκ αρα συ ει ο αιγυπτιος ο προ τουτων των ημερων αναστατωσας και εξαγαγων εις την ερημον τους τετρακισχιλιους ανδρας των σικαριων

それならお前は、最近反乱を起こし、四千人の暗殺者を引き連れて荒れ野へ行った、あのエジプト人ではないのか。」

Koroka, Pauros ene itak-hi :— Kuani anak ne Kirikia moshiri ta saure machiya shomo ne an Tarsus machiya un Yudea un guru ku ne ruwe ne: tan utara orun ku itak kuni e koramkoro ash na, ari itak.

Korka, Pawros ene itak hi :— Kuani anakne Kirikia mosir ta sawre maciya somo ne an Tarsus maciya un Yudea un kur ku ne ruwe ne: tan utar orun ku=itak kuni e koramkor as na, ari itak.

ειπεν δε ο παυλος εγω ανθρωπος μεν ειμι ιουδαιος ταρσευς της κιλικιας ουκ ασημου πολεως πολιτης δεομαι δε σου επιτρεψον μοι λαλησαι προς τον λαον

パウロは言った。「わたしは確かにユダヤ人です。キリキア州のれっきとした町、タルソスの市民です。どうか、この人たちに話をさせてください。」

Awa, ramuoshma yakun, Pauros nei shuma-nikara kashita ash wa utara orun tek-konishuk; orowa, utara shiri mo no okai chiki shinuma Hebrai un itak ani itak wa ene hawe oka-hi :—

Awa, ramuosma yakun, Pawros ne suma-nikara kasi ta as wa utar orun tek-konisuk; orowa, utar siri mo no okay ciki sinuma Hebray un itak ani itak wa ene haweoka hi :—

επιτρεψαντος δε αυτου ο παυλος εστως επι των αναβαθμων κατεσεισεν τη χειρι τω λαω πολλης δε σιγης γενομενης προσεφωνησεν τη εβραιδι διαλεκτω λεγων

千人隊長が許可したので、パウロは階段の上に立ち、民衆を手で制した。すっかり静かになったとき、パウロはヘブライ語で話し始めた。