9 Ik. leaf 347

Koroka, Sauros anak ne Utarapa koro koikara utara gusu sakayo newa iraye hawe ashte wa okai rapoketa, Kamui kora kenru iyotta poro esapane guru otta oman hine Damaskos kotan ta okai uwekarapa chisei orun arapa wa,

Korka, Sawros anakne Utarpa kor koykar utar kusu sakayo newa iraye hawe aste wa okay rapoketa, Kamuy kor kenru iyotta poro esapane kur or ta oman hine Damaskos kotan ta okay uekarpa cise orun arpa wa,

ο δε σαυλος ετι εμπνεων απειλης και φονου εις τους μαθητας του κυριου προσελθων τω αρχιερει

But Saul, yet breathing threatening and slaughter against the disciples of the Lord, went unto the high priest,

toada nei Ruhu koro ainu ne yakka shiwentep ne yakka anukara chiki, tupetupe wa Yerusarem kotan otta tekepashte kuni kambi koramkon nisa ruwe ne na.

toata ne Ruhu kor aynu ne yakka siwentep ne yakka a=nukar ciki, tupetupe wa Yerusarem kotan or ta tekepaste kuni kampi koramkor nisa ruwe ne na.

ητησατο παρ αυτου επιστολας εις δαμασκον προς τας συναγωγας οπως εαν τινας ευρη της οδου οντας ανδρας τε και γυναικας δεδεμενους αγαγη εις ιερουσαλημ

and asked of him letters to Damascus unto the synagogues, that if he found any that were of the Way, whether men or women, he might bring them bound to Jerusalem.

Awa, shinuma payekai rapoketa Damaskos kotan ta karange no ek: aige, ekushkonna kando orowa no pekere an we, shinuma okari atte nisa ruwe ne;

Awa, sinuma payekay rapoketa Damaskos kotan ta karankeno ek: ayke, ekuskonna kanto oro wano peker an we, sinuma okari atte nisa ruwe ne;

εν δε τω πορευεσθαι εγενετο αυτον εγγιζειν τη δαμασκω εξαιφνης τε αυτον περιηστραψεν φως εκ του ουρανου

And as he journeyed, it came to pass that he drew nigh unto Damascus: and suddenly there shone round about him a light out of heaven:

orowa, shinuma shirikata hachiri, aige, orota ene ye hawe anu-hi :— Sauros, Sauros, nep gusu eani en keshke ruwe he an?

orowa, sinuma sirka ta hacir, ayke, oro ta ene ye hawe anu hi :— Sawros, Sawros, nep kusu eani en=keske ruwe he an?

και πεσων επι την γην ηκουσεν φωνην λεγουσαν αυτω σαουλ σαουλ τι με διωκεις

and he fell upon the earth, and heard a voice saying unto him, Saul, Saul, why persecutest thou me?

Orowa, Shinuma ene itak-hi :— Utarapa, Aokai nen ne ya?

Orowa, Sinuma ene itak hi :— Utarpa, Aokay nen ne ya?

ειπεν δε τις ει κυριε ο δε εγω ειμι ιησους ον συ διωκεις

And he said, Who art thou, Lord? And he [said], I am Jesus whom thou persecutest:

Shinuma ene ese-hi :— E keshke Yesu Ku ne ruwe: koroka, hopuni wa machiya otta ahun, aige, nekon a e iki kuni okaibe anure kusu ne na.

Sinuma ene ese hi :— E keske Yesu Ku ne ruwe: korka, hopuni wa maciya or ta ahun, ayke, nekona e iki kuni okaype a=nure kusu ne na.

αλλα αναστηθι και εισελθε εις την πολιν και λαληθησεται σοι ο τι σε δει ποιειν

but rise, and enter into the city, and it shall be told thee what thou must do.

Orowa, tura no payekai utara anak ne nepi ye shomoki no roshki, awa, nei itak hawe nu, koroka, nen ne yakka shomo nukan nisa ruwe ne na.

Orowa, turano payekay utar anakne nep ye somo ki no roski, awa, ne itak hawe nu, korka, nen ne yakka somo nukar nisa ruwe ne na.

οι δε ανδρες οι συνοδευοντες αυτω ιστηκεισαν ειστηκεισαν ενεοι ακουοντες μεν της φωνης μηδενα δε θεωρουντες

And the men that journeyed with him stood speechless, hearing the voice, but beholding no man.

Okaketa, shiri wano Sauros anak ne hopuni; aine, koro shiki amaka chiki, nep ne yakka nukara eaikap ruwe ne; awa, utara shinuma koro teke ani hine paye wa Damaskos kotan orota tura nisa ruwe ne.

Okake ta, siri wano Sawros anakne hopuni; ayne, kor siki a=mak ciki, nep ne yakka nukar eaykap ruwe ne; awa, utar sinuma kor teke ani hine paye wa Damaskos kotan oro ta tura nisa ruwe ne.

ηγερθη δε σαυλος απο της γης ανεωγμενων δε των οφθαλμων αυτου ουδεν εβλεπεν χειραγωγουντες δε αυτον εισηγαγον εις δαμασκον

And Saul arose from the earth; and when his eyes were opened, he saw nothing; and they led him by the hand, and brought him into Damascus.

Orowa, shinuma rereko ta ibe shomoki iku shomoki no shiknak wa an ruwe ne.

Orowa, sinuma rerko ta ipe somo ki iku somo ki no siknak wa an ruwe ne.

και ην ημερας τρεις μη βλεπων και ουκ εφαγεν ουδε επιεν

And he was three days without sight, and did neither eat nor drink.

Orowa, Damaskos kotan ta Ananias ani areikore shine koikara guru an; awa, shinuma otta anukarabe ani Utarapa ene itak-hi :— Ananias; orota shinuma ene itak-hi :— Utarapa, ingara, kuani ne.

Orowa, Damaskos kotan ta Ananias ani a=rékore sine koykar kur an; awa, sinuma or ta anukarape ani Utarpa ene itak hi :— Ananias; oro ta sinuma ene itak hi :— Utarpa, inkar, kuani ne.

ην δε τις μαθητης εν δαμασκω ονοματι ανανιας και ειπεν προς αυτον εν οραματι ο κυριος ανανια ο δε ειπεν ιδου εγω κυριε

Now there was a certain disciple at Damascus, named Ananias; and the Lord said unto him in a vision, Ananias. And he said, Behold, I [am here], Lord.

Shinuma orota Utarapa ene hawe oka-hi :— E hopuni wa Kuwanno ari aye ru otta oman wa Youdas kot chisei ta Tarsus un guru Sauros ari areikore ainu gusu uwepekennu yan;

Sinuma oro ta Utarpa ene haweoka hi :— E hopuni wa Kuwanno ari a=ye ru or ta oman wa Yowdas kot cise ta Tarsus un kur Sawros ari a=rékore aynu kusu uwepekennu yan;

ο δε κυριος προς αυτον αναστα αναστας πορευθητι επι την ρυμην την καλουμενην ευθειαν και ζητησον εν οικια ιουδα σαυλον ονοματι ταρσεα ιδου γαρ προσευχεται

And the Lord [said ]unto him, Arise, and go to the street which is called Straight, and inquire in the house of Judas for one named Saul, a man of Tarsus: for behold, he prayeth;

ingara, shinuma inonno-itak ki korʼan; samata, Ananias ani an reihei koro ainu nei chisei otta ahun wa shinuma ingare kuni ne kashiketa tekehe ande-hi nukan nisa ruwe ne.

inkar, sinuma inonno-itak ki kor an; sama ta, Ananias ani an rehe kor aynu ne cise or ta ahun wa sinuma inkar kuni ne kasike ta tekehe ante hi nukar nisa ruwe ne.

και ειδεν ανδρα [εν οραματι] ανανιαν ονοματι εισελθοντα και επιθεντα αυτω [τας] χειρας οπως αναβλεψη

and he hath seen a man named Ananias coming in, and laying his hands on him, that he might receive his sight.

Koroka, Ananias ene ese-hi :— Utarapa, inne utara orowa no tan guru gusu an orushpe ku nu, awa, shinuma Yerusarem kotan otta E koro ashkanne utara wen no kara ambe ku nu okere:

Korka, Ananias ene ese hi :— Utarpa, inne utar oro wano tan kur kusu an oruspe ku=nu, awa, sinuma Yerusarem kotan or ta E=kor askanne utar wenno kar anpe ku=nu okere:

απεκριθη δε ανανιας κυριε ηκουσα απο πολλων περι του ανδρος τουτου οσα κακα τοις αγιοις σου εποιησεν εν ιερουσαλημ

But Ananias answered, Lord, I have heard from many of this man, how much evil he did to thy saints at Jerusalem:

orowa, obitta no okai E kon reihei ko-nishuk utara tupetupe kuni mondum Kamui kora kenru poro esapane utara orowa no akore na.

orowa, opittano okay E=kor rehe ko-nisuk utar tupetupe kuni montum Kamuy kor kenru poro esapane utar oro wano a=kore na.

και ωδε εχει εξουσιαν παρα των αρχιερεων δησαι παντας τους επικαλουμενους το ονομα σου

and here he hath authority from the chief priests to bind all that call upon thy name.

Koroka, orota Utarapa ene itak-hi :— E oman yan, shinuma anak ne oya-moshirʼun utara tek-samata hene, moshiri shikkashima utara tek-samata hene, Israeru un utara tek-samata hene, Ku reihei ani kuni anumge wa an ap ne ruwe ne gusu ne na:

Korka, oro ta Utarpa ene itak hi :— E oman yan, sinuma anakne oya-mosir un utar tek-sama ta hene, mosir sikkasima utar tek-sama ta hene, Israeru un utar tek-sama ta hene, Ku=rehe ani kuni a=numke wa an ap ne ruwe ne kusu ne na:

ειπεν δε προς αυτον ο κυριος πορευου οτι σκευος εκλογης εστιν μοι ουτος του βαστασαι το ονομα μου ενωπιον [των] εθνων τε και βασιλεων υιων τε ισραηλ

But the Lord said unto him, Go thy way: for he is a chosen vessel unto me, to bear my name before the Gentiles and kings, and the children of Israel:

orowa, Ku rengap gusu shinuma inan otaibe gusu ramuashitnere kusu ne ya ku nukare kusu ne na.

orowa, Ku=renkap kusu sinuma inan otaype kusu ramuasitnere kusu ne ya ku=nukare kusu ne na.

εγω γαρ υποδειξω αυτω οσα δει αυτον υπερ του ονοματος μου παθειν

for I will shew him how many things he must suffer for my name’s sake.

Orowa, Ananias oman wa nei chisei otta ahun; aige, shinuma kata teke ande wa ene itak-hi :— Ku iriwak ne Sauros, eani ek ru hontomota e otta yainukare Utarapa ne Yesu anak ne aokai ingare kuni gusu, samata Ashkanne Ramat ani E aeshikte kuni gusu en teshkan nisa ruwe ne.

Orowa, Ananias oman wa ne cise or ta ahun; ayke, sinuma kata teke ante wa ene itak hi :— Ku=irwak ne Sawros, eani ek ru hontom ta e or ta yaynukare Utarpa ne Yesu anakne aokay inkar kuni kusu, sama ta Askanne Ramat ani E a=esikte kuni kusu en=teskar nisa ruwe ne.

απηλθεν δε ανανιας και εισηλθεν εις την οικιαν και επιθεις επ αυτον τας χειρας ειπεν σαουλ αδελφε ο κυριος απεσταλκεν με ιησους ο οφθεις σοι εν τη οδω η ηρχου οπως αναβλεψης και πλησθης πνευματος αγιου

And Ananias departed, and entered into the house; and laying his hands on him said, Brother Saul, the Lord, [even ]Jesus, who appeared unto thee in the way which thou camest, hath sent me, that thou mayest receive thy sight, and be filled with the Holy Ghost.

Orowa, nani shinuma koro shiki wano ramram nepkoro okaibe rapapse nisa ruwe ne, awa, ingan nisa ruwe ne; orowa, shinuma hopuni wa baptisma akore; okaketa aep ibe wa atumashnure nisa ruwe ne na.

Orowa, nani sinuma kor siki wano ramram nepkor okaype rapapse nisa ruwe ne, awa, inkar nisa ruwe ne; orowa, sinuma hopuni wa paptisma a=kore; okake ta aep ipe wa atumasnure nisa ruwe ne na.

και ευθεως απεπεσαν αυτου απο των οφθαλμων ως λεπιδες ανεβλεψεν τε και αναστας εβαπτισθη

And straightway there fell from his eyes as it were scales, and he received his sight; and he arose and was baptized;

Orowa, shinuma Damaskos kotan ta okai koikara utara tura no an toho pakno an ruwe ne.

Orowa, sinuma Damaskos kotan ta okay koykar utar turano an toho pakno an ruwe ne.

και λαβων τροφην ενισχυθη ενισχυσεν εγενετο δε μετα των εν δαμασκω μαθητων ημερας τινας

and he took food and was strengthened. And he was certain days with the disciples which were at Damascus.

Orowa, nani Uwekarapa chisei ta, Yesu anak ne Kamui Poho ne ari an ambe ani eupaskuma nisa ruwe ne.

Orowa, nani Uekarpa cise ta, Yesu anakne Kamuy Poho ne ari an anpe ani ewpaskuma nisa ruwe ne.

και ευθεως εν ταις συναγωγαις εκηρυσσεν τον ιησουν οτι ουτος εστιν ο υιος του θεου

And straightway in the synagogues he proclaimed Jesus, that he is the Son of God.

Awa, obitta no okai nu utara anak ne oyamokte hine ene itak-hi :— Tan guru anak ne Yerusarem kotan ta okai tan reihei ko-nishuk utara toiko-wende guru shomo ne ruwe he an? Orowa, shinuma teda ek ikkeu anak ne nei utara tupetupe wa Kamui kora kenru poro esapane guru otta rura kuni ambe ne.

Awa, opittano okay nu utar anakne oyamokte hine ene itak hi :— Tan kur anakne Yerusarem kotan ta okay tan rehe ko-nisuk utar toyko-wente kur somo ne ruwe he an? Orowa, sinuma teta ek ikkew anakne ne utar tupetupe wa Kamuy kor kenru poro esapane kur or ta rura kuni anpe ne.

εξισταντο δε παντες οι ακουοντες και ελεγον ουχ ουτος εστιν ο πορθησας εν εις ιερουσαλημ τους επικαλουμενους το ονομα τουτο και ωδε εις τουτο εληλυθει ινα δεδεμενους αυτους αγαγη επι τους αρχιερεις

And all that heard him were amazed, and said, Is not this he that in Jerusalem made havock of them which called on this name? and he had come hither for this intent, that he might bring them bound before the chief priests.

Koroka, Sauros anak ne naa naa atumashnure wa tambe anak ne Kiristo ne sekorʼambe sonnere ki wa Damaskos kotan ta okai Yudea un utara sambekokurusere nisa ruwe ne na.

Korka, Sawros anakne naa naa atumasnure wa tanpe anakne Kiristo ne sekor anpe sonnere ki wa Damaskos kotan ta okay Yudea un utar sanpekokurusere nisa ruwe ne na.

σαυλος δε μαλλον ενεδυναμουτο και συνεχυννεν [τους] ιουδαιους τους κατοικουντας εν δαμασκω συμβιβαζων οτι ουτος εστιν ο χριστος

But Saul increased the more in strength, and confounded the Jews which dwelt at Damascus, proving that this is the Christ.

Orowa, inne toho aokere chiki Yudea un utara shinuma raige kuni ukoramkon nisa.

Orowa, inne toho a=okere ciki Yudea un utar sinuma rayke kuni ukoramkor nisa.

ως δε επληρουντο ημεραι ικαναι συνεβουλευσαντο οι ιουδαιοι ανελειν αυτον

And when many days were fulfilled, the Jews took counsel together to kill him:

Koroka, nei oshke arabe anak ne Sauros otta anu. Orowa, Shinuma raige kuni ne tokap hene an hene nei utara ahun-apa pungine nisa:

Korka, ne oske a=rap anakne Sawros or ta anu. Orowa, Sinuma rayke kuni ne tokap hene an hene ne utar ahun-apa punkine nisa:

εγνωσθη δε τω σαυλω η επιβουλη αυτων παρετηρουντο δε και τας πυλας ημερας τε και νυκτος οπως αυτον ανελωσιν

but their plot became known to Saul. And they watched the gates also day and night that they might kill him:

koroka, koro koikara utara anak ne anchikarata shinuma uk wa chashi tumama kari range, totta saranip oshiketa range nisa ruwe ne.

korka, kor koykar utar anakne ancikar ta sinuma uk wa casi tumama kari ranke, totta saranip oske ta ranke nisa ruwe ne.

λαβοντες δε οι μαθηται αυτου νυκτος δια του τειχους καθηκαν αυτον χαλασαντες εν σφυριδι σπυριδι

but his disciples took him by night, and let him down through the wall, lowering him in a basket.

Orowa shinuma anak ne Yerusarem kotan ta ek chiki, koikara utara otta yaikotukka kuni aramu: awa, utara obitta shinuma koishitoma, koikara guru ne kuni eumbipka ruwe ne gusu ne na.

Orowa sinuma anakne Yerusarem kotan ta ek ciki, koykar utar or ta yaykotukka kuni a=ramu: awa, utar opitta sinuma koysitoma, koykar kur ne kuni eunpipka ruwe ne kusu ne na.

παραγενομενος δε εις ιερουσαλημ επειραζεν κολλασθαι τοις μαθηταις και παντες εφοβουντο αυτον μη πιστευοντες οτι εστιν μαθητης

And when he was come to Jerusalem, he assayed to join himself to the disciples: and they were all afraid of him, not believing that he was a disciple.

Koroka, Barnabas anak ne shinuma uk wa Apostoro utara orun tura, aige, ru hontomota Utarapa nukara hemhem ki, otta koitak hemhem ki, samata, rametokkon no Damaskos kotan ta Yesu reihei gusu ye ambe hemhem nei utara otta nure nisa ruwe ne.

Korka, Barnabas anakne sinuma uk wa Apostoro utar orun tura, ayke, ru hontom ta Utarpa nukar hemhem ki, or ta koytak hemhem ki, sama ta, rametokkor no Damaskos kotan ta Yesu rehe kusu ye anpe hemhem ne utar or ta nure nisa ruwe ne.

βαρναβας δε επιλαβομενος αυτον ηγαγεν προς τους αποστολους και διηγησατο αυτοις πως εν τη οδω ειδεν τον κυριον και οτι ελαλησεν αυτω και πως εν δαμασκω επαρρησιασατο εν τω ονοματι του ιησου

But Barnabas took him, and brought him to the apostles, and declared unto them how he had seen the Lord in the way, and that he had spoken to him, and how at Damascus he had preached boldly in the name of Jesus.

Orowa, shinuma anak ne Yerusarem kotan ta an wa nei utara tura ahun-shiri soyun-shiri an wa rametokkon no Utarapa reihei gusu ye shiriki:

Orowa, sinuma anakne Yerusarem kotan ta an wa ne utar tura ahun-siri soyun-siri an wa rametokkor no Utarpa rehe kusu ye siriki:

και ην μετ αυτων εισπορευομενος και εκπορευομενος εις ιερουσαλημ παρρησιαζομενος εν τω ονοματι του κυριου

And he was with them going in and going out at Jerusalem,

aige, shinuma Herenes un utara tura wa upahunara; koroka, nei utara anak ne shinuma raige kuni hunara nisa ruwe ne.

ayke, sinuma Herenes un utar tura wa upahunara; korka, ne utar anakne sinuma rayke kuni hunara nisa ruwe ne.

ελαλει τε και συνεζητει προς τους ελληνιστας οι δε επεχειρουν ανελειν αυτον

preaching boldly in the name of the Lord: and he spake and disputed against the Grecian Jews; but they went about to kill him.

Orowa, iriwak utara nei ambe nu chiki, Kaisaria kotan ta itura wa Tarsos orun omande nisa ruwe ne.

Orowa, irwak utar ne anpe nu ciki, Kaysaria kotan ta itura wa Tarsos orun omante nisa ruwe ne.

επιγνοντες δε οι αδελφοι κατηγαγον αυτον εις καισαριαν καισαρειαν και εξαπεστειλαν αυτον εις ταρσον

And when the brethren knew it, they brought him down to Caesarea, and sent him forth to Tarsus.

Orowa, Yudea ebitta newa Gariraya newa Samaria un karisia anak ne itomo an, awa, aashte nisa; aige, Utarapa koishitoma wa Ashkanne Ramat ani aomaoma wa apkash hine ainnere nisa ruwe ne na.

Orowa, Yudea epitta newa Gariraya newa Samaria un karisia anakne i=tom an, awa, a=aste nisa; ayke, Utarpa koysitoma wa Askanne Ramat ani a=omaoma wa apkas hine ainnere nisa ruwe ne na.

η μεν ουν εκκλησια καθ ολης της ιουδαιας και γαλιλαιας και σαμαριας σαμαρειας ειχεν ειρηνην οικοδομουμενη και πορευομενη τω φοβω του κυριου και τη παρακλησει του αγιου πνευματος επληθυνετο

So the church throughout all Judaea and Galilee and Samaria had peace, being edified; and, walking in the fear of the Lord and in the comfort of the Holy Ghost, was multiplied.

Orowa, Petros anak ne obitta no okai ushike kush wa oman ita, Ridda kotan ta oshiroma ashkanne utara orota ne yakka san nisa ruwe ne.

Orowa, Petros anakne opittano okay usike kus wa oman hi ta, Ritta kotan ta osiroma askanne utar oro ta ne yakka san nisa ruwe ne.

εγενετο δε πετρον διερχομενον δια παντων κατελθειν και προς τους αγιους τους κατοικουντας λυδδα

And it came to pass, as Peter went throughout all parts, he came down also to the saints which dwelt at Lydda.

Awa, tupesan pa ututta koro shotki kata hotke Aineas ari an reihei areikore an ainu apa nisa ruwe ne; nei guru anak tusushke shiyeye etashum wa an na.

Awa, tupesan pa ututta kor sotki kata hotke Ayneas ari an rehe a=rékore an aynu apa nisa ruwe ne; ne kur anak tususke siyeye e=tasum wa an na.

ευρεν δε εκει ανθρωπον τινα ονοματι αινεαν εξ ετων οκτω κατακειμενον επι κραβαττου ος ην παραλελυμενος

And there he found a certain man named AEneas, which had kept his bed eight years; for he was palsied.

Orowa, shinuma orota Petros ene itak-hi :— Yesu Kiristo e iwangere na: hopuni wa shotki chupu, ari itak.

Orowa, sinuma oro ta Petros ene itak hi :— Yesu Kiristo e iwankere na: hopuni wa sotki cupu, ari itak.

και ειπεν αυτω ο πετρος αινεα ιαται σε ιησους χριστος αναστηθι και στρωσον σεαυτω και ευθεως ανεστη

And Peter said unto him, AEneas, Jesus Christ healeth thee: arise, and make thy bed. And straightway he arose.

Orowa, nani shinuma hopuni nisa ruwe ne. Orowa, Ridda newa Sharon kotan ta oshiroma utara obitta nei guru nukara, aige, Utarapa orun hosari nisa ruwe ne.

Orowa, nani sinuma hopuni nisa ruwe ne. Orowa, Ritta newa Saron kotan ta osiroma utar opitta ne kur nukar, ayke, Utarpa orun hosari nisa ruwe ne.

και ειδαν αυτον παντες οι κατοικουντες λυδδα και τον σαρωνα οιτινες επεστρεψαν επι τον κυριον

And all that dwelt at Lydda and in Sharon saw him, and they turned to the Lord.

Orowa, Yoppa kotan ta Tabita ari an reihei koro koikara shiwentep an, nei arabe eepakita yakun, Dorkas ne ruwe ne: nei shiwentep anak ne pirika ikip poron no ki, orowa, eungeraitep kore gunʼne.

Orowa, Yoppa kotan ta Tabita ari an rehe kor koykar siwentep an, ne a=rap eepakita yakun, Dorkas ne ruwe ne: ne siwentep anakne pirka iki p poronno ki, orowa, eunkeraytep kore kunne.

εν ιοππη δε τις ην μαθητρια ονοματι ταβειθα ταβιθα η διερμηνευομενη λεγεται δορκας αυτη ην πληρης εργων αγαθων και ελεημοσυνων ων εποιει

Now there was at Joppa a certain disciple named Tabitha, which by interpretation is called Dorcas: this woman was full of good works and almsdeeds which she did.

Awa, nei ita shinuma turasak wa rai; orowa, afuraye chiki rikta an tumbu ta aande nisa ruwe ne.

Awa, ne hi ta sinuma tursak wa ray; orowa, a=huraye ciki rik ta an tumpu ta a=ante nisa ruwe ne.

εγενετο δε εν ταις ημεραις εκειναις ασθενησασαν αυτην αποθανειν λουσαντες δε εθηκαν [αυτην] εν υπερωω

And it came to pass in those days, that she fell sick, and died: and when they had washed her, they laid her in an upper chamber.

Aine, Ridda kotan anak ne Yoppa kotan ehange wa gusu, koikara utara anak ne Petros nei kotan ta an sekoro nu chiki, orota utara teshkara hine, tunashi no ek kuni koramkon nisa.

Ayne, Ritta kotan anakne Yoppa kotan ehanke wa kusu, koykar utar anakne Petros ne kotan ta an sekor nu ciki, oro ta utar teskar hine, tunasno ek kuni koramkor nisa.

εγγυς δε ουσης λυδδας τη ιοππη οι μαθηται ακουσαντες οτι πετρος εστιν εν αυτη απεστειλαν δυο ανδρας προς αυτον παρακαλουντες μη οκνησης διελθειν εως ημων

And as Lydda was nigh unto Joppa, the disciples, hearing that Peter was there, sent two men unto him, entreating him, Delay not to come on unto us.

Aige, Petros hopuni wa tura no arapa. Orowa, ek chiki, nei rikta an tumbu ta tura: awa, obitta no okai shiyompiyara shiwentep anak ne samaketa roshki wa chish, orowa, tura no an ita Dorkas kara aikushte anrip newa chimipi shinuma nukare.

Ayke, Petros hopuni wa turano arpa. Orowa, ek ciki, ne rik ta an tumpu ta tura: awa, opittano okay siyonpiyar siwentep anakne samake ta roski wa cis, orowa, turano an hi ta Dorkas kar aykuste anrip newa ci=mip sinuma nukare.

αναστας δε πετρος συνηλθεν αυτοις ον παραγενομενον ανηγαγον εις το υπερωον και παρεστησαν αυτω πασαι αι χηραι κλαιουσαι και επιδεικνυμεναι χιτωνας και ιματια οσα εποιει μετ αυτων ουσα η δορκας

And Peter arose and went with them. And when he was come, they brought him into the upper chamber: and all the widows stood by him weeping, and shewing the coats and garments which Dorcas made, while she was with them.

Koroka, Petros anak ne obitta no okai utara soyumbare chiki, kokkaea hine inonno-itak ki; orowa, nei kaisei orun hosari wa — Tabita, hopuni yan, ari itak.

Korka, Petros anakne opittano okay utar soyunpare ciki, kokkaea hine inonno-itak ki; orowa, ne kaysey orun hosari wa — Tabita, hopuni yan, ari itak.

εκβαλων δε εξω παντας ο πετρος και θεις τα γονατα προσηυξατο και επιστρεψας προς το σωμα ειπεν ταβειθα ταβιθα αναστηθι η δε ηνοιξεν τους οφθαλμους αυτης και ιδουσα τον πετρον ανεκαθισεν

But Peter put them all forth, and kneeled down, and prayed; and turning to the body, he said, Tabitha, arise. And she opened her eyes; and when she saw Peter, she sat up.

Orowa, teke koshishimare wa hopunire; aige, ashkanne utara newa shiyompiyara shiwentep hotuyepakara wa shiknu no koropare nisa ruwe ne.

Orowa, teke kosisimare wa hopunire; ayke, askanne utar newa siyonpiyar siwentep hotuyepakara wa siknu no korpare nisa ruwe ne.

δους δε αυτη χειρα ανεστησεν αυτην φωνησας δε τους αγιους και τας χηρας παρεστησεν αυτην ζωσαν

And he gave her his hand, and raised her up; and calling the saints and widows, he presented her alive.

Orowa, tap orushpe anak ne Yoppa shikapneka no anu; aine, inne utara Utarapa eishokon nisa ruwe ne.

Orowa, tap oruspe anakne Yoppa sikapneka no anu; ayne, inne utar Utarpa eysokor nisa ruwe ne.

γνωστον δε εγενετο καθ ολης της ιοππης και επιστευσαν πολλοι επι τον κυριον

And it became known throughout all Joppa: and many believed on the Lord.

Orowa, Petros anak ne ohonno Yoppa kotan ta an kepuru kara guru ne Simon chisei ta an nisa ruwe ne na.

Orowa, Petros anakne ohonno Yoppa kotan ta an kepur kar kur ne Simon cise ta an nisa ruwe ne na.

εγενετο δε ημερας ικανας μειναι εν ιοππη παρα τινι σιμωνι βυρσει

And it came to pass, that he abode many days in Joppa with one Simon a tanner.