Orowa, Aporos anak ne Korintos kotan ta an rapoketa, Pauros pena un kotan kush wa Epesos kotan ta ek,
Orowa, Aporos anakne Korintos kotan ta an rapoketa, Pawros pena un kotan kus wa Epesos kotan ta ek,
εγενετο δε εν τω τον απολλω ειναι εν κορινθω παυλον διελθοντα τα ανωτερικα μερη ελθειν κατελθειν εις εφεσον και ευρειν τινας μαθητας
And it came to pass, that, while Apollos was at Corinth, Paul having passed through the upper country came to Ephesus, and found certain disciples:
aine, okai koikara utara nukara: orowa, orota shinuma ene itak-hi :— Echi eishokoro ki ita anak ne Ashkanne Ramat akore nisa ruwe he an? orota nei utara ene itak-hi :— Shomo, Ashkanne Ramat an a-i seenne chi nu ap, sekoro itak.
ayne, okay koykar utar nukar: orowa, oro ta sinuma ene itak hi :— Eci=eysokor ki hi ta anakne Askanne Ramat a=kore nisa ruwe he an? oro ta ne utar ene itak hi :— Somo, Askanne Ramat an a hi seenne ci nu ap, sekor itak.
ειπεν τε προς αυτους ει πνευμα αγιον ελαβετε πιστευσαντες οι δε προς αυτον αλλ ουδ ει πνευμα αγιον εστιν ηκουσαμεν
and he said unto them, Did ye receive the Holy Ghost when ye believed? And they [said ]unto him, Nay, we did not so much as hear whether the Holy Ghost was [given].
Yakun, nepi orota echi baptisma akore an a? Yoannes kore baptisma orota akore na, ari itak.
Yakun, nep oro ta eci paptisma a=kore an a? Yoannes kore paptisma oro ta a=kore na, ari itak.
ειπεν τε εις τι ουν εβαπτισθητε οι δε ειπαν εις το ιωαννου βαπτισμα
And he said, Into what then were ye baptized? And they said, Into John’s baptism.
Orowa, Pauros ene itak-hi :— Yoannes anak ne yaikokatpak gusu an baptisma kore, aige, i oshi ek guru nei ambe anak, Yesu ne ruwe ne, eishokoro kuni ne utara otta ye nisa ruwe ne.
Orowa, Pawros ene itak hi :— Yoannes anakne yaykokatpak kusu an paptisma kore, ayke, i osi ek kur ne anpe anak, Yesu ne ruwe ne, eysokor kuni ne utar or ta ye nisa ruwe ne.
ειπεν δε παυλος ιωαννης εβαπτισεν βαπτισμα μετανοιας τω λαω λεγων εις τον ερχομενον μετ αυτον ινα πιστευσωσιν τουτ εστιν εις τον ιησουν
And Paul said, John baptized with the baptism of repentance, saying unto the people, that they should believe on him which should come after him, that is, on Jesus.
Orowa, nei utara anak ne tap orushpe nu chiki, Utarapa ne Yesu kon reihei otta baptisma akore nisa ruwe ne.
Orowa, ne utar anakne tap oruspe nu ciki, Utarpa ne Yesu kor rehe or ta paptisma a=kore nisa ruwe ne.
ακουσαντες δε εβαπτισθησαν εις το ονομα του κυριου ιησου
And when they heard this, they were baptized into the name of the Lord Jesus.
Awa, nei kata Pauros anak ne tekehe ande yakun, Ashkanne Ramat nei utara kashiketa ek, aige, usa an itak ani ye hemhem ki, uweingara hemhem ki nisa ruwe ne.
Awa, ne kata Pawros anakne tekehe ante yakun, Askanne Ramat ne utar kasike ta ek, ayke, usa an itak ani ye hemhem ki, ueinkar hemhem ki nisa ruwe ne.
και επιθεντος αυτοις του παυλου [τας] χειρας ηλθεν το πνευμα το αγιον επ αυτους ελαλουν τε γλωσσαις και επροφητευον
And when Paul had laid his hands upon them, the Holy Ghost came on them; and they spake with tongues, and prophesied.
Nei utara pishki-hi anak ne tun ikashima wa niu ehange ruwe ne na.
Ne utar piski hi anakne tun ikasma wa niw ehanke ruwe ne na.
ησαν δε οι παντες ανδρες ωσει δωδεκα
And they were in all about twelve men.
Orowa, shinuma anak ne uwekarapa chisei ta ahun, aige, re chup uturuta rametokkon no itak ki, awa, paekoiki hine Kamui moshiri gusu an orushpe gusu onishnishi nisa ruwe ne.
Orowa, sinuma anakne uekarpa cise ta ahun, ayke, re cup utur ta rametokkor no itak ki, awa, paekoyki hine Kamuy mosir kusu an oruspe kusu onisnisi nisa ruwe ne.
εισελθων δε εις την συναγωγην επαρρησιαζετο επι μηνας τρεις διαλεγομενος και πειθων [τα] περι της βασιλειας του θεου
And he entered into the synagogue, and spake boldly for the space of three months, reasoning and persuading [as to ]the things concerning the kingdom of God.
Koroka, sereke an utara anak ne keutum nishte wa itakkashi hine topaha kotchaketa nei Ruhu gusu wen no ye koro okai chiki, shinuma nei utara wano oman, aige, koikara utara shinnai no are, orowa, to pishno Tirannos koro epakashnu ushita paekoiki nisa ruwe ne na.
Korka, serke an utar anakne kewtum niste wa itakkasi hine topaha kotcake ta ne Ruhu kusu wenno ye kor okay ciki, sinuma ne utar wano oman, ayke, koykar utar sinnayno are, orowa, to pisno Tirannos kor epakasnu usi ta paekoyki nisa ruwe ne na.
ως δε τινες εσκληρυνοντο και ηπειθουν κακολογουντες την οδον ενωπιον του πληθους αποστας απ αυτων αφωρισεν τους μαθητας καθ ημεραν διαλεγομενος εν τη σχολη τυραννου
But when some were hardened and disobedient, speaking evil of the Way before the multitude, he departed from them, and separated the disciples, reasoning daily in the school of Tyrannus.
Tambe anak ne tu pa uturuta akip ne; tambe gusu, Asia moshiri ta oshiroma utara obitta Yudea un utara hene, Herenes un utara hene, Utarapa itak nu nisa ruwe ne.
Tanpe anakne tu pa utur ta a=kip ne; tanpe kusu, Asia mosir ta osiroma utar opitta Yudea un utar hene, Herenes un utar hene, Utarpa itak nu nisa ruwe ne.
τουτο δε εγενετο επι ετη δυο ωστε παντας τους κατοικουντας την ασιαν ακουσαι τον λογον του κυριου ιουδαιους τε και ελληνας
And this continued for the space of two years; so that all they which dwelt in Asia heard the word of the Lord, both Jews and Greeks.
Orowa, Kamui anak ne Pauros teke ani makangane an kiroro an ikip ki nisa:
Orowa, Kamuy anakne Pawros teke ani makankane an kiroro an iki p ki nisa:
δυναμεις τε ου τας τυχουσας ο θεος εποιει δια των χειρων παυλου
And God wrought special miracles by the hands of Paul:
shinuma orowa no pon senkaki hene, maitari hene, shiyeyepa utara orota aomande, yakne, tashum isam hemhem ki, wen ramat oashin hemhem ki pakno ne ruwe ne.
sinuma oro wano pon senkaki hene, maytari hene, siyeyepa utar oro ta a=omante, yakne, tasum isam hemhem ki, wen ramat oasin hemhem ki pakno ne ruwe ne.
ωστε και επι τους ασθενουντας αποφερεσθαι απο του χρωτος αυτου σουδαρια η σιμικινθια και απαλλασσεσθαι απ αυτων τας νοσους τα τε πνευματα τα πονηρα εκπορευεσθαι
insomuch that unto the sick were carried away from his body handkerchiefs or aprons, and the diseases departed from them, and the evil spirits went out.
Koroka, okai keshirikari wa pon-itak-ki Yudea un utara ne yakka, wen ramat shikatkare utara kashi Utarapa ne Yesu reihei konishuk wa ene itak-hi :— Pauros eupaskuma Yesu ani kuani e ikashpaotte ash na, ari itak.
Korka, okay kesirikari wa pon-itak-ki Yudea un utar ne yakka, wen ramat sikatkare utar kasi Utarpa ne Yesu rehe konisuk wa ene itak hi :— Pawros ewpaskuma Yesu ani kuani e ikaspaotte as na, ari itak.
επεχειρησαν δε τινες και των περιερχομενων ιουδαιων εξορκιστων ονομαζειν επι τους εχοντας τα πνευματα τα πονηρα το ονομα του κυριου ιησου λεγοντες ορκιζω υμας τον ιησουν ον παυλος κηρυσσει
But certain also of the strolling Jews, exorcists, took upon them to name over them which had the evil spirits the name of the Lord Jesus, saying, I adjure you by Jesus whom Paul preacheth.
Orowa, Yudea un guru ne Kamui kora kenru esapane guru Skefa ari a reihei koro an guru koro arawan okkai poho nei no ki nisa ruwe ne.
Orowa, Yudea un kur ne Kamuy kor kenru esapane kur Skefa ari a rehe kor an kur kor arwan okkay poho néno ki nisa ruwe ne.
ησαν δε τινος σκευα ιουδαιου αρχιερεως επτα υιοι τουτο ποιουντες
And there were seven sons of one Sceva, a Jew, a chief priest, which did this.
Aige, wen ramat ese wa orota ene itak-hi :— Yesu ku eamkiri, Pauros ku eamkiri; koroka, echi utara inan utara echi ne ya?
Ayke, wen ramat ese wa oro ta ene itak hi :— Yesu ku=e=amkir, Pawros ku=e=amkir; korka, eci utar inan utar eci ne ya?
αποκριθεν δε το πνευμα το πονηρον ειπεν αυτοις τον [μεν] ιησουν γινωσκω και τον παυλον επισταμαι υμεις δε τινες εστε
And the evil spirit answered and said unto them, Jesus I know, and Paul I know; but who are ye?
Orowa, wen ramat shikatkare ainu anak ne nei utara kashike un tereke, aige, nei tun annokara wa aapkan nisa, aige, atusa hine piriao wa nei chisei wano kira nisa ruwe ne.
Orowa, wen ramat sikatkare aynu anakne ne utar kasike un terke, ayke, ne tun annokar wa aapkan nisa, ayke, atusa hine piriao wa ne cise wano kira nisa ruwe ne.
και εφαλομενος ο ανθρωπος επ αυτους εν ω ην το πνευμα το πονηρον κατακυριευσας αμφοτερων ισχυσεν κατ αυτων ωστε γυμνους και τετραυματισμενους εκφυγειν εκ του οικου εκεινου
And the man in whom the evil spirit was leaped on them, and mastered both of them, and prevailed against them, so that they fled out of that house naked and wounded.
Orowa, Epesos kotan ta okai Yudea un utara ne yakka Herenes un utara ne yakka tap orushpe nu; aige, obitta no okai utara ishitoma, orowa, Utarapa ne Yesu reihei anak ne apasere nisa ruwe ne.
Orowa, Epesos kotan ta okay Yudea un utar ne yakka Herenes un utar ne yakka tap oruspe nu; ayke, opittano okay utar isitoma, orowa, Utarpa ne Yesu rehe anakne a=pasere nisa ruwe ne.
τουτο δε εγενετο γνωστον πασιν ιουδαιοις τε και ελλησιν τοις κατοικουσιν την εφεσον και επεπεσεν φοβος επι παντας αυτους και εμεγαλυνετο το ονομα του κυριου ιησου
And this became known to all, both Jews and Greeks, that dwelt at Ephesus; and fear fell upon them all, and the name of the Lord Jesus was magnified.
Eishokoro okere utara poron no ne yakka araki, aige, eyaipushi hine koro iki ikip ye nisa ruwe ne.
Eysokor okere utar poronno ne yakka arki, ayke, eyaypusi hine kor iki iki p ye nisa ruwe ne.
πολλοι τε των πεπιστευκοτων ηρχοντο εξομολογουμενοι και αναγγελλοντες τας πραξεις αυτων
Many also of them that had believed came, confessing, and declaring their deeds.
Samata, pon-itak-ki buri ikichi shomo moyo no okai utara anak ne koro kambi-sosh uwekarapare wa obitta no okai utara kotchaketa uhuyeka nisa ruwe ne: orowa, nei kambi oro esanniyo chiki, go man shirokani pakno an oro an ambe ne, sekoro anukara.
Sama ta, pon-itak-ki puri ikici somo moyono okay utar anakne kor kampi-sos uwekarpare wa opittano okay utar kotcake ta uhuyeka nisa ruwe ne: orowa, ne kampi oro esanniyo ciki, ko man sirokani pakno an oro an anpe ne, sekor a=nukar.
ικανοι δε των τα περιεργα πραξαντων συνενεγκαντες τας βιβλους κατεκαιον ενωπιον παντων και συνεψηφισαν τας τιμας αυτων και ευρον αργυριου μυριαδας πεντε
And not a few of them that practised curious arts brought their books together, and burned them in the sight of all: and they counted the price of them, and found it fifty thousand pieces of silver.
Ta pakno kiroro an no Utarapa koro itak poro wa shipiraspa nisa ruwe ne na.
Ta pakno kiroro an no Utarpa kor itak poro wa sipiraspa nisa ruwe ne na.
ουτως κατα κρατος του κυριου ο λογος ηυξανεν και ισχυεν
So mightily grew the word of the Lord and prevailed.
Tap okai orushpe aokere chiki, Pauros anak ne Makedonia newa Akaia kotan ta kush okere yakun, Yerusarem kotan ta oman kuni keutum oshitchiu nisa ruwe ne, aige, nei kotan akush okaketa Roma kotan ne yakka tu nukara kusu ne ap, ari itak.
Tap okay oruspe a=okere ciki, Pawros anakne Makedonia newa Akaya kotan ta kus okere yakun, Yerusarem kotan ta oman kuni kewtum ositciw nisa ruwe ne, ayke, ne kotan akus okake ta Roma kotan ne yakka tu nukar kusu ne ap, ari itak.
ως δε επληρωθη ταυτα εθετο ο παυλος εν τω πνευματι διελθων την μακεδονιαν και αχαιαν πορευεσθαι εις ιεροσολυμα ειπων οτι μετα το γενεσθαι με εκει δει με και ρωμην ιδειν
Now after these things were ended, Paul purposed in the spirit, when he had passed through Macedonia and Achaia, to go to Jerusalem, saying, After I have been there, I must also see Rome.
Orowa, otta yaishieiwangere tu ainu ne Timoteos newa Erastos Makedonia kotan ta payere okere yakun, shinuma yaikota naa Asia moshiri ta an nisa ruwe ne.
Orowa, or ta yaysieywankere tu aynu ne Timoteos newa Erastos Makedonia kotan ta payere okere yakun, sinuma yaykota naa Asia mosir ta an nisa ruwe ne.
αποστειλας δε εις την μακεδονιαν δυο των διακονουντων αυτω τιμοθεον και εραστον αυτος επεσχεν χρονον εις την ασιαν
And having sent into Macedonia two of them that ministered unto him, Timothy and Erastus, he himself stayed in Asia for a while.
Tane an pakita nei Ruhu gusu shomo saure no an sakayo hopuni.
Tane an pakita ne Ruhu kusu somo sawreno an sakayo hopuni.
εγενετο δε κατα τον καιρον εκεινον ταραχος ουκ ολιγος περι της οδου
And about that time there arose no small stir concerning the Way.
Inambe gusu ne yakun, Artimis gusu shirokani pon chisei kara shirokani-kik guru ne Demetrios ari an reihei koro shine ainu anak ne,
Inanpe kusu ne yakun, Artimis kusu sirokani pon cise kar sirokani-kik kur ne Demetrios ari an rehe kor sine aynu anakne,
δημητριος γαρ τις ονοματι αργυροκοπος ποιων ναους [αργυρους] αργυρους αρτεμιδος παρειχετο τοις τεχνιταις ουκ ολιγην εργασιαν
For a certain man named Demetrius, a silversmith, which made silver shrines of Diana, brought no little business unto the craftsmen;
ponbe shomo ne an moni nei iki utara hetukure; shinuma anak ne nei no an moni gusu monraige utara uwekarapare wa ene itak-hi :— Nishpa utara tan moni an gusu chi utara anak ne yaioteknure ruwe ne, ari an ambe echi eraman.
ponpe somo ne an moni ne iki utar hetukure; sinuma anakne néno an moni kusu monrayke utar uwekarpare wa ene itak hi :— Nispa utar tan moni an kusu ci utar anakne yayoteknure ruwe ne, ari an anpe eci=eraman.
ους συναθροισας και τους περι τα τοιαυτα εργατας ειπεν ανδρες επιστασθε οτι εκ ταυτης της εργασιας η ευπορια ημιν εστιν
whom he gathered together, with the workmen of like occupation, and said, Sirs, ye know that by this business we have our wealth.
Shui, Epesos kotan ta patek shomo ne, koroka, yaani Asia moshirʼebitta tan Pauros anak ne — Tekehe ani akara okaibe Kamui shomo ne ari itak ani ye wa inne utara eishokoro hine hosarire ruwe ne ari an ambe echi nukara wa inu;
Suy, Epesos kotan ta patek somo ne, korka, yaani Asia mosir epitta tan Pawros anakne — Tekehe ani a=kar okaype Kamuy somo ne ari itak ani ye wa inne utar eysokor hine hosarire ruwe ne ari an anpe eci=nukar wa inu;
και θεωρειτε και ακουετε οτι ου μονον εφεσου αλλα σχεδον πασης της ασιας ο παυλος ουτος πεισας μετεστησεν ικανον οχλον λεγων οτι ουκ εισιν θεοι οι δια χειρων γινομενοι
And ye see and hear, that not alone at Ephesus, but almost throughout all Asia, this Paul hath persuaded and turned away much people, saying that they be no gods, which are made with hands:
orowa, chikoro moni awende ehange patek shomo ne; koroka, Asia newa ingi moshiri uirup ko-ongami nei pase matne kamui Artimis kora kenru ne yakka apange, samata, shinuma koro arakuru aisamka kuni ayaikikip no an ruwe ne na, sekoro itak.
orowa, ci=kor moni awente ehanke patek somo ne; korka, Asia newa inki mosir uyrup ko-onkami ne pase matne kamuy Artimis kor kenru ne yakka a=panke, sama ta, sinuma kor a=rakur a=ysamka kuni ayaykikip no an ruwe ne na, sekor itak.
ου μονον δε τουτο κινδυνευει ημιν το μερος εις απελεγμον ελθειν αλλα και το της μεγαλης θεας αρτεμιδος ιερον εις ουθεν λογισθηναι μελλειν τε και καθαιρεισθαι της μεγαλειοτητος αυτης ην ολη [η] η ασια και [η] η οικουμενη σεβεται
and not only is there danger that this our trade come into disrepute; but also that the temple of the great goddess Diana be made of no account, and that she should even be deposed from her magnificence, whom all Asia and the world worshippeth.
Orowa, nei utara tan itak nu chiki shi no irushka wa hawe ashte hine ene itak-hi :— Epesos un utara koro Artimis anak ne pase ambe ne, ari itak.
Orowa, ne utar tan itak nu ciki sino iruska wa hawe aste hine ene itak hi :— Epesos un utar kor Artimis anakne pase anpe ne, ari itak.
ακουσαντες δε και γενομενοι πληρεις θυμου εκραζον λεγοντες μεγαλη η αρτεμις εφεσιων
And when they heard this, they were filled with wrath, and cried out, saying, Great [is ]Diana of the Ephesians.
Awa, nei machiya anak ne sakayo aeshik: aige, nei utara anak ne Pauros tura payekai Makedonia kotan un Kaios newa Aristarkos kishima hine shine-ikinne shibai chisei orun awekatta.
Awa, ne maciya anakne sakayo a=esik: ayke, ne utar anakne Pawros tura payekay Makedonia kotan un Kayos newa Aristarkos kisma hine sine-ikinne sipay cise orun awekatta.
και επλησθη η πολις της συγχυσεως ωρμησαν τε ομοθυμαδον εις το θεατρον συναρπασαντες γαιον και αρισταρχον μακεδονας συνεκδημους παυλου
And the city was filled with the confusion: and they rushed with one accord into the theatre, having seized Gaius and Aristarchus, men of Macedonia, Paul’s companions in travel.
Orowa, Pauros anak ne nei chisei ta okai utara orun ahun kuni ramu chiki, koikara utara eham nisa ruwe ne.
Orowa, Pawros anakne ne cise ta okay utar orun ahun kuni ramu ciki, koykar utar eham nisa ruwe ne.
παυλου δε βουλομενου εισελθειν εις τον δημον ουκ ειων αυτον οι μαθηται
And when Paul was minded to enter in unto the people, the disciples suffered him not.
Orosama, katairotke wa okai Asia un esapane tono utara anak ne shinuma nei shibai chisei orun iteki yaiahunde kuni ne teshkara nisa ruwe ne.
Orosama, katayrotke wa okay Asia un esapane tono utar anakne sinuma ne sipay cise orun iteki yayahunte kuni ne teskar nisa ruwe ne.
τινες δε και των ασιαρχων οντες αυτω φιλοι πεμψαντες προς αυτον παρεκαλουν μη δουναι εαυτον εις το θεατρον
And certain also of the chief officers of Asia, being his friends, sent unto him, and besought him not to adventure himself into the theatre.
Tambe gusu, uwekarapa wa okai utara anak ne sambe-koturuse wa gusu tapne ye utara ka okai, uweshinnai no ye utara ka okai ruwe ne: orowa, poro sereke anak ne hemanda gusu uwekarapa ika erampeutek nisa ruwe ne na.
Tanpe kusu, uekarpa wa okay utar anakne sanpe-koturse wa kusu tapne ye utar ka okay, uwesinnay no ye utar ka okay ruwe ne: orowa, poro serke anakne hemanta kusu uekarpa ika eranpewtek nisa ruwe ne na.
αλλοι μεν ουν αλλο τι εκραζον ην γαρ η εκκλησια συγκεχυμενη και οι πλειους ουκ ηδεισαν τινος ενεκα συνεληλυθεισαν
Some therefore cried one thing, and some another: for the assembly was in confusion; and the more part knew not wherefore they were come together.
Orowa, Yudea un utara anak ne nei inne utara tumuge wano Areksandros turare wa sange nisa ruwe ne. Awa, Areksandros anak ne tek ani nishuk wa utara otta yaikikkara itak kuni ramu iki.
Orowa, Yudea un utar anakne ne inne utar tumuke wano Areksandros turare wa sanke nisa ruwe ne. Awa, Areksandros anakne tek ani nisuk wa utar or ta yaykikkar itak kuni ramu iki.
εκ δε του οχλου συνεβιβασαν αλεξανδρον προβαλοντων αυτον των ιουδαιων ο δε αλεξανδρος κατασεισας την χειρα ηθελεν απολογεισθαι τω δημω
And they brought Alexander out of the multitude, the Jews putting him forward. And Alexander beckoned with the hand, and would have made a defence unto the people.
A koroka, shinuma anak ne Yudea un guru ne kunak anukara yakun, nei utara obitta shine-ikinne shine ichi ji kan uturu pakno hawe ashte hine, — Epesos un utara koro Artimis anak ne pase arabe ne, ani itak.
A korka, sinuma anakne Yudea un kur ne kunak a=nukar yakun, ne utar opitta sine-ikinne sine ici ji kan uturu pakno hawe aste hine, — Epesos un utar kor Artimis anakne pase a=rap ne, ani itak.
επιγνοντες δε οτι ιουδαιος εστιν φωνη εγενετο μια εκ παντων ωσει ως επι ωρας δυο κραζοντων μεγαλη η αρτεμις εφεσιων
But when they perceived that he was a Jew, all with one voice about the space of two hours cried out, Great [is ]Diana of the Ephesians.
Orowa, nei machiya un shokikwan anak ne inne utara more okere chiti, ene itak-hi :— Epesos kotan un echi utara, — Tan Epesos machiya anak ne kando wa ran nei pase Artimis kora kenru shikkashima machiya ne sekorʼambe erampeutek guru inan guru ne ruwe he an?
Orowa, ne maciya un sokikwan anakne inne utar more okere citi, ene itak hi :— Epesos kotan un eci utar, — Tan Epesos maciya anakne kanto wa ran ne pase Artimis kor kenru sikkasima maciya ne sekor anpe eranpewtek kur inan kur ne ruwe he an?
καταστειλας δε τον οχλον ο γραμματευς ο γραμματευς τον οχλον φησιν ανδρες εφεσιοι τις γαρ εστιν ανθρωπων ος ου γινωσκει την εφεσιων πολιν νεωκορον ουσαν της μεγαλης αρτεμιδος και του διοπετους
And when the townclerk had quieted the multitude, he saith, Ye men of Ephesus, what man is there who knoweth not how that the city of the Ephesians is temple-keeper of the great Diana, and of the [image ]which fell down from Jupiter?
Tambe gusu, tap orushpe aeutastasa eaikapbe ne wa gusu echi utara anak ne nep koetaraka iki shomoki no mo no okai kunip ne.
Tanpe kusu, tap oruspe a=ewtastasa eaykap pe ne wa kusu eci utar anakne nep koetaraka iki somo ki no mo no okay kunip ne.
αναντιρρητων ουν οντων τουτων δεον εστιν υμας κατεσταλμενους υπαρχειν και μηδεν προπετες πρασσειν
Seeing then that these things cannot be gainsaid, ye ought to be quiet, and to do nothing rash.
Inambe gusu ne yakun, Kamui kora kenru eikka hene ki shomoki, chikoro Kamui koatcha hene ki shomoki tan utara eteun echi tura wa araki nisa ruwe ne gusu ne na.
Inanpe kusu ne yakun, Kamuy kor kenru eikka hene ki somo ki, ci=kor Kamuy koatca hene ki somo ki tan utar eteun eci tura wa arki nisa ruwe ne kusu ne na.
ηγαγετε γαρ τους ανδρας τουτους ουτε ιεροσυλους ουτε βλασφημουντας την θεον ημων
For ye have brought [hither ]these men, which are neither robbers of temples nor blasphemers of our goddess.
Demetrios newa tura no ikichi utara anak ne nen ka gusu eiyonnupbe kunip an chiki, koipishi kuni chisei an, epungine utara ka okai, tambe gusu, uwe-eiyonnupbarero.
Demetrios newa turano ikici utar anakne nen ka kusu eiyonnuppe kunip an ciki, koypisi kuni cise an, epunkine utar ka okay, tanpe kusu, ue-eiyonnupparero.
ει μεν ουν δημητριος και οι συν αυτω τεχνιται εχουσιν προς τινα λογον αγοραιοι αγονται και ανθυπατοι εισιν εγκαλειτωσαν αλληλοις
If therefore Demetrius, and the craftsmen that are with him, have a matter against any man, the courts are open, and there are proconsuls: let them accuse one another.
Koroka, moshima okai orushpe gusu nepka echi hunara yak anak ne aeipawetenge an uwekari ta aesanniyo kusu ne na.
Korka, mosma okay oruspe kusu nep ka eci=hunara yakanak ne a=epawetenke an uekari ta a=esanniyo kusu ne na.
ει δε τι περαιτερω επιζητειτε εν τη εννομω εκκλησια επιλυθησεται
But if ye seek anything about other matters, it shall be settled in the regular assembly.
Inambe gusu ne yakun, son no newa ikkewe sak no an tan an to hetuku upaukoiki ambe chi utara anak ne ayaikikip no aeiyonnupba ange shiriki okai: aige, tap uwekarapa ambe gusu an ika ye eaikap kush tap ne shiriki. Orowa, shinuma tambe ye okere chiki nei uwekari payere nisa ruwe ne.
Inanpe kusu ne yakun, sonno newa ikkewe sak no an tan an to hetuku upawkoyki anpe ci utar anakne ayaykikip no a=eiyonnuppa anke siriki okay: ayke, tap uekarpa anpe kusu an ika ye eaykap kus tapne siriki. Orowa, sinuma tanpe ye okere ciki ne uekari payere nisa ruwe ne.
και γαρ κινδυνευομεν εγκαλεισθαι στασεως περι της σημερον μηδενος αιτιου υπαρχοντος περι ου ου [ου] δυνησομεθα αποδουναι λογον περι της συστροφης ταυτης
For indeed we are in danger to be accused concerning this day’s riot, there being no cause [for it]: and as touching it we shall not be able to give account of this concourse.