20 Ik. leaf 382

Orowa, nei sakayo chakkosanu yakun, Pauros anak ne koikara utara araki kuni teshkara wa onishnishi okere chiki, uwetutkopak hine Makedonia moshiri ta oman kuni hopuni nisa ruwe ne.

Orowa, ne sakayo cakkosanu yakun, Pawros anakne koykar utar arki kuni teskar wa onisnisi okere ciki, uwetutkopak hine Makedonia mosir ta oman kuni hopuni nisa ruwe ne.

μετα δε το παυσασθαι τον θορυβον μεταπεμψαμενος ο παυλος τους μαθητας και παρακαλεσας ασπασαμενος εξηλθεν πορευεσθαι εις μακεδονιαν

And after the uproar was ceased, Paul having sent for the disciples and exhorted them, took leave of them, and departed for to go into Macedonia.

Awa, nei pishkanike an kotan akush wa poron no onishnishi okere chiki, Kirisia moshiri ta ek.

Awa, ne piskanike an kotan akus wa poronno onisnisi okere ciki, Kirisia mosir ta ek.

διελθων δε τα μερη εκεινα και παρακαλεσας αυτους λογω πολλω ηλθεν εις την ελλαδα

And when he had gone through those parts, and had given them much exhortation, he came into Greece.

Orowa, shinuma anak ne nei kotan ta re chup riya chiki, samata, shinuma epokba gusu Yudea un utara anak ne esanniyo yakun, tane Siria moshiri oro peka atuitomotuye ehange gusu Makedonia akush wa boshipi kuni esanniyo nisa ruwe ne.

Orowa, sinuma anakne ne kotan ta re cup riya ciki, sama ta, sinuma epokpa kusu Yudea un utar anakne esanniyo yakun, tane Siria mosir oro peka atuytomotuye ehanke kusu Makedonia akus wa posipi kuni esanniyo nisa ruwe ne.

ποιησας τε μηνας τρεις γενομενης επιβουλης αυτω υπο των ιουδαιων μελλοντι αναγεσθαι εις την συριαν εγενετο γνωμης του υποστρεφειν δια μακεδονιας

And when he had spent three months [there], and a plot was laid against him by the Jews, as he was about to set sail for Syria, he determined to return through Macedonia.

Aige, Asia pakno itura utara okai Berea kotan un Pirus poho Sopater an; Tessaronike kotan un Aristarkos newa Sekoundos okai; Derbaios kotan un Gaios an, Timoteos an ruwe ne; samata, Asia moshirʼun utara Tikikos newa Tropimos okai ruwe ne.

Ayke, Asia pakno itura utar okay Berea kotan un Pirus poho Sopater an; Tessaronike kotan un Aristarkos newa Sekoundos okay; Derbayos kotan un Gayos an, Timoteos an ruwe ne; sama ta, Asia mosir un utar Tikikos newa Tropimos okay ruwe ne.

συνειπετο δε αυτω σωπατρος πυρρου βεροιαιος θεσσαλονικεων δε αρισταρχος και σεκουνδος και γαιος δερβαιος και τιμοθεος ασιανοι δε τυχικος και τροφιμος

And there accompanied him as far as Asia Sopater of Beroea, [the son ]of Pyrrhus; and of the Thessalonians, Aristarchus and Secundus; and Gaius of Derbe, and Timothy; and of Asia, Tychicus and Trophimus.

Koroka, tan utara anak ne hoshiki no paye wa Troas kotan ta untere wa okai shiriki.

Korka, tan utar anakne hoskino paye wa Troas kotan ta untere wa okay siriki.

ουτοι δε προσελθοντες προελθοντες εμενον ημας εν τρωαδι

But these had gone before, and were waiting for us at Troas.

Orowa, pandane sak pan toho okake an koro chi utara anak ne Piripoi kotan wano atuitomotuye wa ashikne rereko toho ta Troas kotan ta okai nei utara orota akoshirepa; aige, nei kotan ta arawan rereko uturuta riya nisa ruwe ne.

Orowa, pantane sak pan toho okake an kor ci utar anakne Piripoy kotan wano atuytomotuye wa asikne rerko toho ta Troas kotan ta okay ne utar oro ta a=kosirepa; ayke, ne kotan ta arwan rerko utur ta riya nisa ruwe ne.

ημεις δε εξεπλευσαμεν μετα τας ημερας των αζυμων απο φιλιππων και ηλθομεν προς αυτους εις την τρωαδα αχρι ημερων πεντε ου οπου διετριψαμεν ημερας επτα

And we sailed away from Philippi after the days of unleavened bread, and came unto them to Troas in five days; where we tarried seven days.

Orowa, nei mawari atpake an toho ta pantak meshpa kuni ne uwekarapa wa okai ita, Pauros anak ne nei shimge toho ta oyake un arapa kuni esanniyo okere gusu, utara tura eukoyupekere ki koro an, awa, an noshike pakno itak ki nisa ruwe ne.

Orowa, ne mawari atpake an toho ta pantak mespa kuni ne uekarpa wa okay hi ta, Pawros anakne ne simke toho ta oyake un arpa kuni esanniyo okere kusu, utar tura ewkoyupekere ki kor an, awa, an noske pakno itak ki nisa ruwe ne.

εν δε τη μια των σαββατων συνηγμενων ημων κλασαι αρτον ο παυλος διελεγετο αυτοις μελλων εξιεναι τη επαυριον παρετεινεν τε τον λογον μεχρι μεσονυκτιου

And upon the first day of the week, when we were gathered together to break bread, Paul discoursed with them, intending to depart on the morrow; and prolonged his speech until midnight.

Otta uwekarapa wa okai rikta an tumbu ta abe o ratchako poron no okai ruwe ne.

Or ta uekarpa wa okay rik ta an tumpu ta ape o ratcako poronno okay ruwe ne.

ησαν δε λαμπαδες ικαναι εν τω υπερωω ου ημεν συνηγμενοι

And there were many lights in the upper chamber, where we were gathered together.

Orowa, puyara otta Eutikos ari an reihei ani areikore shine upen ainu mokon-noye wa a kane an; awa, Pauros naa ohon no eukoyupekere iki, aine, nei guru mokon-noye gusu re ikinne an choroka wano herashi hachiri, aige, rai an no aani nisa.

Orowa, puyar or ta Ewtikos ari an rehe ani a=rékore sine upen aynu mokon-noye wa a kane an; awa, Pawros naa ohor no ewkoyupekere iki, ayne, ne kur mokon-noye kusu re ikinne an corka wano herasi hacir, ayke, ray an no an nisa.

καθεζομενος δε τις νεανιας ονοματι ευτυχος επι της θυριδος καταφερομενος υπνω βαθει διαλεγομενου του παυλου επι πλειον κατενεχθεις απο του υπνου επεσεν απο του τριστεγου κατω και ηρθη νεκρος

And there sat in the window a certain young man named Eutychus, borne down with deep sleep; and as Paul discoursed yet longer, being borne down by his sleep he fell down from the third story, and was taken up dead.

Orowa, Pauros ran wa nei guru kashi-kamu hine otekomare wa ene itak-hi :— Ika sakayo iki; shinuma shiknu wa an ruwe ne gusu ne na.

Orowa, Pawros ran wa ne kurkasi-kamu hine otekomare wa ene itak hi :— Ika sakayo iki; sinuma siknu wa an ruwe ne kusu ne na.

καταβας δε ο παυλος επεπεσεν αυτω και συμπεριλαβων ειπεν μη θορυβεισθε η γαρ ψυχη αυτου εν αυτω εστιν

And Paul went down, and fell on him, and embracing him said, Make ye no ado; for his life is in him.

Orowa, shinuma hemesu wa pantak meshpa hine ibe, orowa, ohonno no, peken-nisat pakno, itak okere chiki, oman nisa ruwe ne.

Orowa, sinuma hemesu wa pantak mespa hine ipe, orowa, ohonno no, peken-nisat pakno, itak okere ciki, oman nisa ruwe ne.

αναβας δε [και] και κλασας τον αρτον και γευσαμενος εφ ικανον τε ομιλησας αχρι αυγης ουτως εξηλθεν

And when he was gone up, and had broken the bread, and eaten, and had talked with them a long while, even till break of day, so he departed.

Orowa, shiknu an no nei heikachi ani hine shomo saure no aomaoma ruwe ne.

Orowa, siknu an no ne hekaci ani hine somo sawreno a=omaoma ruwe ne.

ηγαγον δε τον παιδα ζωντα και παρεκληθησαν ου μετριως

And they brought the lad alive, and were not a little comforted.

Koroka, chi utara anak ne hoshiki no chip otta paye wa Assos kotan ta arapa kuni ne atuitomotuye, nei kotan ta Pauros ore kuni aramu, nei no shinuma esanniyo, aige, shinuma yaikota ya oro peka oman kuni ramu nisa ruwe ne gusu ne na.

Korka, ci utar anakne hoskino cip or ta paye wa Assos kotan ta arpa kuni ne atuytomotuye, ne kotan ta Pawros ore kuni a=ramu, néno sinuma esanniyo, ayke, sinuma yaykota ya oro peka oman kuni ramu nisa ruwe ne kusu ne na.

ημεις δε προελθοντες επι το πλοιον ανηχθημεν επι την ασσον εκειθεν μελλοντες αναλαμβανειν τον παυλον ουτως γαρ διατεταγμενος ην μελλων αυτος πεζευειν

But we, going before to the ship, set sail for Assos, there intending to take in Paul: for so had he appointed, intending himself to go by land.

Awa, Assos kotan ta shinuma un etunangara chiki, chip aore wa Mitirene kotan ta araki.

Awa, Assos kotan ta sinuma un etunankar ciki, cip a=or wa Mitirene kotan ta arki.

ως δε συνεβαλλεν ημιν εις την ασσον αναλαβοντες αυτον ηλθομεν εις μιτυληνην

And when he met us at Assos, we took him in, and came to Mitylene.

Orowa, nei kotan wano atuitomotuye koro, nei shimge toho ta Kios kotan samake un araki; shui, nei shimge toho ta Sauros kotan ta araki; orowa, nei shimge toho ta Miretos kotan ta koshirepa ash nisa ruwe ne na.

Orowa, ne kotan wano atuytomotuye kor, ne simke toho ta Kios kotan samake un arki; suy, ne simke toho ta Sawros kotan ta arki; orowa, ne simke toho ta Miretos kotan ta kosirepa as nisa ruwe ne na.

κακειθεν αποπλευσαντες τη επιουση κατηντησαμεν αντικρυς χιου τη δε ετερα παρεβαλομεν εις σαμον τη δε εχομενη ηλθομεν εις μιλητον

And sailing from thence, we came the following day over against Chios; and the next day we touched at Samos; and the day after we came to Miletus.

Pauros anak ne Asia moshiri ta reushi kuni ramu gusu Epesos kotan samake peka atuitomotuye kuni esanniyo nisa ruwe ne; inambe gusu ne yakun, shinuma eashkai chiki, Pentecoste toho ta Yerusarem kotan ta an kuni yaitunashka shiriki okai nisa ruwe ne gusu ne na.

Pawros anakne Asia mosir ta rewsi kuni ramu kusu Epesos kotan samake peka atuytomotuye kuni esanniyo nisa ruwe ne; inanpe kusu ne yakun, sinuma easkay ciki, Pentecoste toho ta Yerusarem kotan ta an kuni yaytunaska siriki okay nisa ruwe ne kusu ne na.

κεκρικει γαρ ο παυλος παραπλευσαι την εφεσον οπως μη γενηται αυτω χρονοτριβησαι εν τη ασια εσπευδεν γαρ ει δυνατον ειη αυτω την ημεραν της πεντηκοστης γενεσθαι εις ιεροσολυμα

For Paul had determined to sail past Ephesus, that he might not have to spend time in Asia; for he was hastening, if it were possible for him, to be at Jerusalem the day of Pentecost.

Orowa, Miretos orowa no Epesos orun shinuma teshkara wa orota nei karisia un ekashi utara tak nisa ruwe ne.

Orowa, Miretos oro wano Epesos orun sinuma teskar wa oro ta ne karisia un ekasi utar tak nisa ruwe ne.

απο δε της μιλητου πεμψας εις εφεσον μετεκαλεσατο τους πρεσβυτερους της εκκλησιας

And from Miletus he sent to Ephesus, and called to him the elders of the church.

Awa, araki chiki, orota ene itak-hi :— Asia moshiri ta ku ek atpake an toho wano nekon a ku iki wa ramma kane echi tura no ku an hine, shiri keutum yaieoripakka hene ki,

Awa, arki ciki, oro ta ene itak hi :— Asia mosir ta ku=ek atpake an toho wano nekona ku=iki wa ramma kane eci turano ku=an hine, siri kewtum yayeoripakka hene ki,

ως δε παρεγενοντο προς αυτον ειπεν αυτοις υμεις επιστασθε απο πρωτης ημερας αφ ης επεβην εις την ασιαν πως μεθ υμων τον παντα χρονον εγενομην

And when they were come to him, he said unto them, Ye yourselves know, from the first day that I set foot in Asia, after what manner I was with you all the time,

nupe yaikorange hene ki, Yudea un utara en gusu oshke esanniyo an gusu a en koramnukara ambe hene an wa Utarapa otta yaikushieiwangere a i echi utara yaikota echi eraman ruwe ne;

nupe yaykoranke hene ki, Yudea un utar en kusu oske esanniyo an kusu a en=koramnukar anpe hene an wa Utarpa or ta yaykusieywankere a i eci utar yaykota eci=eraman ruwe ne;

δουλευων τω κυριω μετα πασης ταπεινοφροσυνης και δακρυων και πειρασμων των συμβαντων μοι εν ταις επιβουλαις των ιουδαιων

serving the Lord with all lowliness of mind, and with tears, and with trials which befell me by the plots of the Jews:

nep ne yakka echi pirikare kuni ambe nure guru shomo ku eshishi, anu no echi epakashnu, chisei pishno ta Yudea un utara otta hene Herenes un utara otta hene,

nep ne yakka eci=pirkare kuni anpe nure kur somo ku=esisi, anu no eci=epakasnu, cise pisno ta Yudea un utar or ta hene Herenes un utar or ta hene,

ως ουδεν υπεστειλαμην των συμφεροντων του μη αναγγειλαι υμιν και διδαξαι υμας δημοσια και κατ οικους

how that I shrank not from declaring unto you anything that was profitable, and teaching you publicly, and from house to house,

Kamui gusu yaikokatpak, Utarapa ne Yesu Kiristo gusu eishokor-i atte kuni paweteshu ku ki nisa ruwe ne.

Kamuy kusu yaykokatpak, Utarpa ne Yesu Kiristo kusu eysokor hi atte kuni pawetesu ku=ki nisa ruwe ne.

διαμαρτυρομενος ιουδαιοις τε και ελλησιν την εις θεον μετανοιαν και πιστιν εις τον κυριον ημων ιησουν

testifying both to Jews and to Greeks repentance toward God, and faith toward our Lord Jesus Christ.

Orowa, tane ingarʼan, ramat atupetupe wa Yerusarem orun ku arapa, aige, nei ita nekon a orushpe en gusu hetuku kusu ne ya ku erampeutek:

Orowa, tane inkar=an, ramat a=tupetupe wa Yerusarem orun ku=arpa, ayke, ne hi ta nekona oruspe en kusu hetuku kusu ne ya ku=eranpewtek:

και νυν ιδου δεδεμενος εγω τω πνευματι πορευομαι εις ιερουσαλημ τα εν αυτη συναντησοντα εμοι μοι μη ειδως

And now, behold, I go bound in the spirit unto Jerusalem, not knowing the things that shall befall me there:

ouse, pishno an machiya ta Ashkanne Ramat en gusu paweteshu ki wa atupepeoktep newa aeramchuptekbe en tere shiriki ari itak ruwe ne.

owse, pisno an maciya ta Askanne Ramat en kusu pawetesu ki wa atupepeoktep newa aeramcuptekpe en=tere siriki ari itak ruwe ne.

πλην οτι το πνευμα το αγιον κατα πολιν διαμαρτυρεται μοι λεγον οτι δεσμα και θλιψεις με μενουσιν

save that the Holy Ghost testifieth unto me in every city, saying that bonds and afflictions abide me.

Koroka, ku inotu anak ne en gusu aoshkorobe ne sekoro ku esanniyo shomoki, aine, ku iki kuni ushike ku okere hemhem ki, Kamui irenga gusu an pirika shongo epaweteshu kuni ari an Utarapa ne Yesu orowa no a en kore yaishieiwangere-hi hemhem ku ki kuni an ap ne ruwe ne.

Korka, ku=inotu anakne en kusu aoskorope ne sekor ku=esanniyo somo ki, ayne, ku=iki kuni usike ku okere hemhem ki, Kamuy irenka kusu an pirka sonko epawetesu kuni ari an Utarpa ne Yesu oro wano a en=kore yaysieywankere hi hemhem ku=ki kuni an ap ne ruwe ne.

αλλ ουδενος λογου ποιουμαι την ψυχην τιμιαν εμαυτω ως τελειωσω τελειωσαι τον δρομον μου και την διακονιαν ην ελαβον παρα του κυριου ιησου διαμαρτυρασθαι το ευαγγελιον της χαριτος του θεου

But I hold not my life of any account, as dear unto myself, so that I may accomplish my course, and the ministry which I received from the Lord Jesus, to testify the gospel of the grace of God.

Orowa, tane ingarʼan, tumuge un ku apkash wa nei moshiri eupaskuma obitta no okai echi utara anak ne tewa no poka ku nanuhu shomo echi nukara kusu ne sekoro ku eraman.

Orowa, tane inkar=an, tumuke un ku=apkas wa ne mosir ewpaskuma opittano okay eci utar anakne tewano poka ku=nanuhu somo eci=nukar kusu ne sekor ku=eraman.

και νυν ιδου εγω οιδα οτι ουκετι οψεσθε το προσωπον μου υμεις παντες εν οις διηλθον κηρυσσων την βασιλειαν

And now, behold, I know that ye all, among whom I went about preaching the kingdom, shall see my face no more.

Tambe gusu, obitta no okai utara koro kem gusu turusakbe ku ne ruwe ne ari an ambe ani echi

Tanpe kusu, opittano okay utar kor kem kusu turusakpe ku ne ruwe ne ari an anpe ani eci

διοτι μαρτυρομαι υμιν εν τη σημερον ημερα οτι καθαρος ειμι απο του αιματος παντων

Wherefore I testify unto you this day, that I am pure from the blood of all men.

kotchaketa tan an to paweteshu ku ki na. Inambe gusu ne yakun, Kamui esanniyop obitta no echi nure

kotcake ta tan an to pawetesu ku=ki na. Inanpe kusu ne yakun, Kamuy esanniyop opittano eci=nure

ου γαρ υπεστειλαμην του μη αναγγειλαι πασαν την βουλην του θεου υμιν

For I shrank not from declaring unto you the whole counsel of God.

kuni ambe shomo ku eshishi nisa ruwe ne. Yaikota gusu hemhem, Ashkanne Ramat echi epunginere topaha ebitta gusu hemhem yairamatte okai hine,

kuni anpe somo ku=esisi nisa ruwe ne. Yaykota kusu hemhem, Askanne Ramat eci=epunkinere topaha epitta kusu hemhem yayramatte okay hine,

προσεχετε εαυτοις και παντι τω ποιμνιω εν ω υμας το πνευμα το αγιον εθετο επισκοπους ποιμαινειν την εκκλησιαν του θεου ην περιεποιησατο δια του αιματος του ιδιου

Take heed unto yourselves, and to all the flock, in the which the Holy Ghost hath made you bishops, to feed the church of God, which he purchased with his own blood.

Shinuma yaikota koro kemihi ani auk Kamui karisia reshpa yan. Ku oman okaketa niwen horokeu echi tumta ahup wa topaha moshima no ande shomoki

Sinuma yaykota kor kemihi ani auk Kamuy karisia respa yan. Ku=oman okake ta niwen horkew eci=tum ta ahup wa topaha mosmano ante somo ki

εγω οιδα οτι εισελευσονται μετα την αφιξιν μου λυκοι βαρεις εις υμας μη φειδομενοι του ποιμνιου

I know that after my departing grievous wolves shall enter in among you, not sparing the flock;

kusu ne-hi ku eraman; shui, koikara utara tura wa shiren gusu ehaita ambe ye utara echi yaikota tumuge wa hopumba kusu ne.

kusu ne hi ku=eraman; suy, koykar utar tura wa siren kusu ehayta anpe ye utar eci=yaykota tumuke wa hopunpa kusu ne.

και εξ υμων [αυτων] αυτων αναστησονται ανδρες λαλουντες διεστραμμενα του αποσπαν τους μαθητας οπισω εαυτων αυτων

and from among your own selves shall men arise, speaking perverse things, to draw away the disciples after them.

Tambe gusu, shiruwe yan, orowa, re pa uturuta kuani nupe poka yaikorange iki hine kunne-to ta hene tokap-to ta hene yomne shomoki no echi pishno ku epakashnu nisa ruwe ne a ambe eshkarun yan.

Tanpe kusu, siruwe yan, orowa, re pa utur ta kuani nupe poka yaykoranke iki hine kunne-to ta hene tokap-to ta hene yomne somo ki no eci=pisno ku=epakasnu nisa ruwe ne a anpe eskarun yan.

διο γρηγορειτε μνημονευοντες οτι τριετιαν νυκτα και ημεραν ουκ επαυσαμην μετα δακρυων νουθετων ενα εκαστον

Wherefore watch ye, remembering that by the space of three years I ceased not to admonish every one night and day with tears.

Orowa, tane, Kamui otta hene Shinuma korʼirenga gusu an itak otta hene echi iko-ande ash ne, nei arabe anak ne echi roshkire hemhem ki, obitta no okai aashkannere utara tumugeta echi eikeshkore eashkaibe ne ruwe ne.

Orowa, tane, Kamuy or ta hene Sinuma kor irenka kusu an itak or ta hene eci=iko-ante as ne, ne a=rap anakne eci=roskire hemhem ki, opittano okay aaskannere utar tumke ta eci eykeskore easkay pe ne ruwe ne.

και τα νυν παρατιθεμαι υμας τω κυριω θεω και τω λογω της χαριτος αυτου τω δυναμενω οικοδομησαι και δουναι την κληρονομιαν εν τοις ηγιασμενοις πασιν

And now I commend you to God, and to the word of his grace, which is able to build [you ]up, and to give [you ]the inheritance among all them that are sanctified.

Inan guru ne yakka koro shirokani hene, kongani hene, chimipi hene shomo ku eyaikoshipuinere ruwe ne.

Inan kur ne yakka kor sirokani hene, konkani hene, ci=mip hene somo ku eyaykosipuynere ruwe ne.

αργυριου η χρυσιου η ιματισμου ουδενος επεθυμησα

I coveted no man’s silver, or gold, or apparel.

Tan teke anak ne kuani yaikota gusu an eishiramne ambe gusu hene en tura no okai utara gusu hene iki nisa ruwe ne a ambe echi yaikota echi eraman ruwe ne.

Tan teke anakne kuani yaykota kusu an eysiramne anpe kusu hene en turano okay utar kusu hene iki nisa ruwe ne a anpe eci=yaykota eci=eraman ruwe ne.

αυτοι γινωσκετε οτι ταις χρειαις μου και τοις ουσιν μετ εμου υπηρετησαν αι χειρες αυται

Ye yourselves know that these hands ministered unto my necessities, and to them that were with me.

Nep ne yakka gusu kuani echi epakashnu nisa; nei no echi monraige wa turasak utara kaobiuki kunip echi ne, orowa, Utarapa ne Yesu Shinuma yaikota ye itak ahupkara kasu no kore katu anak naa anunuke ambe ne ruwe ne, sekorʼan ambe echi eshkarun kunip ne ruwe ne.

Nep ne yakka kusu kuani eci=epakasnu nisa; néno eci=monrayke wa tursak utar kaopiwki kunip eci ne, orowa, Utarpa ne Yesu Sinuma yaykota ye itak ahupkar kasuno kore katu anak naa a=nunuke anpe ne ruwe ne, sekor an anpe eci=eskarun kunip ne ruwe ne.

παντα υπεδειξα υμιν οτι ουτως κοπιωντας δει αντιλαμβανεσθαι των ασθενουντων μνημονευειν τε των λογων του κυριου ιησου οτι αυτος ειπεν μακαριον εστιν μαλλον διδοναι η λαμβανειν

In all things I gave you an example, how that so labouring ye ought to help the weak, and to remember the words of the Lord Jesus, how he himself said, It is more blessed to give than to receive.

Orowa, shinuma tapne ye okere chiki, kokkaea hine, obitta no okai utara tura inonno-itak ki nisa.

Orowa, sinuma tapne ye okere ciki, kokkaea hine, opittano okay utar tura inonno-itak ki nisa.

και ταυτα ειπων θεις τα γονατα αυτου συν πασιν αυτοις προσηυξατο

And when he had thus spoken, he kneeled down, and prayed with them all.

Aige, utara obitta poron no chish, awa, Pauros koro rekuchi kata hachiri hine chopsekan nisa ruwe ne;

Ayke, utar opitta poronno cis, awa, Pawros kor rekuci kata hacir hine copsekan nisa ruwe ne;

ικανος δε κλαυθμος εγενετο παντων και επιπεσοντες επι τον τραχηλον του παυλου κατεφιλουν αυτον

And they all wept sore, and fell on Paul’s neck, and kissed him,

aige, naa koro nanuhu shomo nukara kusu ne ari an itak ani shinuma ye itak gusu iyotta yairamhekonro ruwe ne. Orowa, chip oro pakno nei utara anak ne shinuma rura nisa ruwe ne.

ayke, naa kor nanuhu somo nukar kusu ne ari an itak ani sinuma ye itak kusu iyotta yayramhekonro ruwe ne. Orowa, cip oro pakno ne utar anakne sinuma rura nisa ruwe ne.

οδυνωμενοι μαλιστα επι τω λογω ω ειρηκει οτι ουκετι μελλουσιν το προσωπον αυτου θεωρειν προεπεμπον δε αυτον εις το πλοιον

Sorrowing most of all for the word which he had spoken, that they should behold his face no more. And they brought him on his way unto the ship.