23 Ik. leaf 392

Orowa, Pauros anak ne nei uwekari orun oshikkurukote wa ene itak-hi :— Iriwak utara, tanto pakno kuani anak ne Kamui tek-samata pirika keutura kon no an wa an ruwe ne.

Orowa, Pawros anakne ne uekari orun osikkurkote wa ene itak hi :— Irwak utar, tanto pakno kuani anakne Kamuy tek-sama ta pirka kewtura kor no an wa an ruwe ne.

ατενισας δε ο παυλος τω συνεδριω ειπεν ανδρες αδελφοι εγω παση συνειδησει αγαθη πεπολιτευμαι τω θεω αχρι ταυτης της ημερας

And Paul, looking stedfastly on the council, said, Brethren, I have lived before God in all good conscience until this day.

Orowa, Kamui kora kenru iyotta pase esapane guru ne Ananias anak ne shinuma koro paro kokik kuni ne samaketa roshki utara kashpaotte nisa ruwe ne.

Orowa, Kamuy kor kenru iyotta pase esapane kur ne Ananias anakne sinuma kor paro kokik kuni ne samake ta roski utar kaspaotte nisa ruwe ne.

ο δε αρχιερευς ανανιας επεταξεν τοις παρεστωσιν αυτω τυπτειν αυτου το στομα

And the high priest Ananias commanded them that stood by him to smite him on the mouth.

Awa, otta Pauros ene itak-hi :— Aretaraka tumama, Kamui anak ne e shirikik kusu ne: tuitak ani en koipishi gusu e a wa, nei tuitak ehaita wa a en shirikik kuni e ikashpaotte ruwe he an?

Awa, or ta Pawros ene itak hi :— A=retarka tumama, Kamuy anakne e sirkik kusu ne: tuytak ani en koypisi kusu e a wa, ne tuytak ehayta wa a en=sirkik kuni e ikaspaotte ruwe he an?

τοτε ο παυλος προς αυτον ειπεν τυπτειν σε μελλει ο θεος τοιχε κεκονιαμενε και συ καθη κρινων με κατα τον νομον και παρανομων κελευεις με τυπτεσθαι

Then said Paul unto him, God shall smite thee, thou whited wall: and sittest thou to judge me according to the law, and commandest me to be smitten contrary to the law?

Orowa, samaketa roshki wa okai utara ene itak-hi :— Kamui kora kenru iyotta pase esapane guru e oitakushi ya?

Orowa, samake ta roski wa okay utar ene itak hi :— Kamuy kor kenru iyotta pase esapane kur e oytakusi ya?

οι δε παρεστωτες ειπαν τον αρχιερεα του θεου λοιδορεις

And they that stood by said, Revilest thou God’s high priest?

Pauros ene itak-hi :— Iriwak utara, shinuma anak ne Kamui kora kenru iyotta pase esapane guru ne sekoro ku eramushkari: awa, e koro utara esapane guru gusu iteki wenbe ye yan, ari ani itak chieshinnuye wa an ruwe ne gusu ne na, ari itak.

Pawros ene itak hi :— Irwak utar, sinuma anakne Kamuy kor kenru iyotta pase esapane kur ne sekor ku=eramuskari: awa, e=kor utar esapane kur kusu iteki wenpe ye yan, ari ani itak ciesinnuye wa an ruwe ne kusu ne na, ari itak.

εφη τε ο παυλος ουκ ηδειν αδελφοι οτι εστιν αρχιερευς γεγραπται γαρ οτι αρχοντα του λαου σου ουκ ερεις κακως

And Paul said, I wist not, brethren, that he was high priest: for it is written, Thou shalt not speak evil of a ruler of thy people.

Koroka, nei utara tumugeta an sereke utara anak ne Saddokai un utara ne, orowa, sereke utara anak ne Parisee un utara ne sekoro Pauros eraman chiki, nei uwekari tumuge wa hawe ashte hine ene itak-hi :— Iriwak utara, Kuani anak ne Parisee un guru ne, Parisee un utara koro santek ku ne: rai-i orowa no hetopo-shiknu kuni chipachipa ambe gusu a en koipishi an na, ari itak.

Korka, ne utar tumke ta an serke utar anakne Saddokay un utar ne, orowa, serke utar anakne Parisee un utar ne sekor Pawros eraman ciki, ne uekari tumuke wa hawe aste hine ene itak hi :— Irwak utar, Kuani anakne Parisee un kur ne, Parisee un utar kor santek ku ne: ray hi oro wano hetopo-siknu kuni cipacipa anpe kusu a en koypisi an na, ari itak.

γνους δε ο παυλος οτι το εν μερος εστιν σαδδουκαιων το δε ετερον φαρισαιων εκραζεν εν τω συνεδριω ανδρες αδελφοι εγω φαρισαιος ειμι υιος φαρισαιων περι ελπιδος και αναστασεως νεκρων [εγω] κρινομαι

But when Paul perceived that the one part were Sadducees, and the other Pharisees, he cried out in the council, Brethren, I am a Pharisee, a son of Pharisees: touching the hope and resurrection of the dead I am called in question.

Orowa, nei no itak okere chiki, Parisee un utara newa Saddokai un utara tumta sakayo hopuni: aige, nei uwekari eukopi an na.

Orowa, néno itak okere ciki, Parisee un utar newa Saddokay un utar tum ta sakayo hopuni: ayke, ne uekari ewkopi an na.

τουτο δε αυτου λαλουντος ειποντος εγενετο στασις των φαρισαιων και σαδδουκαιων και εσχισθη το πληθος

And when he had so said, there arose a dissension between the Pharisees and Sadducees: and the assembly was divided.

Inambe gusu ne yakun, hetopo-shiknu ambe isam, Kamui hauturumbe isam, ramat isam, ari Saddokai un utara itak: koroka, tap okaibe an ruwe ne sekoro Parisee un utara ye ruwe ne gusu ne na.

Inanpe kusu ne yakun, hetopo-siknu anpe isam, Kamuy hawturunpe isam, ramat isam, ari Saddokay un utar itak: korka, tap okaype an ruwe ne sekor Parisee un utar ye ruwe ne kusu ne na.

σαδδουκαιοι μεν γαρ λεγουσιν μη ειναι αναστασιν μητε αγγελον μητε πνευμα φαρισαιοι δε ομολογουσιν τα αμφοτερα

For the Sadducees say that there is no resurrection, neither angel, nor spirit: but the Pharisees confess both.

Orowa, poro pashrototke bopuni: awa, Kambi-nuye utara newa Parisee un utara an sereke roshki kane ukoiki wa ene itak-hi :— Tan guru gusu wenbe shomo chi nukara: koroka, ramat hene, Kamui hauturumbe hene, shinuma otta itak a chiki nekon a ambe ne ya?

Orowa, poro pasrototke pop un: awa, Kampi-nuye utar newa Parisee un utar an serke roski kane ukoyki wa ene itak hi :— Tan kur kusu wenpe somo ci nukar: korka, ramat hene, Kamuy hawturunpe hene, sinuma or ta itak a ciki nekona anpe ne ya?

εγενετο δε κραυγη μεγαλη και ανασταντες τινες των γραμματεων του μερους των φαρισαιων διεμαχοντο λεγοντες ουδεν κακον ευρισκομεν εν τω ανθρωπω τουτω ει δε πνευμα ελαλησεν αυτω η αγγελος

And there arose a great clamour: and some of the scribes of the Pharisees’ part stood up, and strove, saying, We find no evil in this man: and what if a spirit hath spoken to him, or an angel?

Orowa, poro sakayo bopuni chiki nei tumi-koro guru ikiri esapane guru anak ne nei utara gusu Pauros humihi apetpa kuni eishitoma gusu, tumi-koro utara rap wa nei utara tumuge wano shinuma uk wa chashi orota ahunde kuni kashpaotte nisa ruwe ne.

Orowa, poro sakayo pop un ciki ne tumi-kor kur ikiri esapane kur anakne ne utar kusu Pawros humihi a=petpa kuni e=ysitoma kusu, tumi-kor utar rap wa ne utar tumuke wano sinuma uk wa casi oro ta ahunte kuni kaspaotte nisa ruwe ne.

πολλης δε γινομενης στασεως φοβηθεις ο χιλιαρχος μη διασπασθη ο παυλος υπ αυτων εκελευσεν το στρατευμα καταβαν αρπασαι αυτον εκ μεσου αυτων αγειν τε εις την παρεμβολην

And when there arose a great dissension, the chief captain, fearing lest Paul should be torn in pieces by them, commanded the soldiers to go down and take him by force from among them, and bring him into the castle.

Nei eoya anchikara ta Utarapa anak ne shinuma samaketa ash kane ene itak-hi :— Ramu-ritetke yan: eani anak ne Yerusarem kotan ta en gusu paweteshu ki nisa ruwe ne korachi, Roma kotan ta ne yakka paweteshu e ki kusu ne ap ruwe ne na.

Ne e=oya ancikar ta Utarpa anakne sinuma samake ta as kane ene itak hi :— Ramu-ritetke yan: eani anakne Yerusarem kotan ta en kusu pawetesu ki nisa ruwe ne koraci, Roma kotan ta ne yakka pawetesu e ki kusu ne ap ruwe ne na.

τη δε επιουση νυκτι επιστας αυτω ο κυριος ειπεν θαρσει ως γαρ διεμαρτυρω τα περι εμου εις ιερουσαλημ ουτως σε δει και εις ρωμην μαρτυρησαι

And the night following the Lord stood by him, and said, Be of good cheer: for as thou hast testified concerning me at Jerusalem, so must thou bear witness also at Rome.

Orowa tokap ne ko anak ne Yudea un utara uwekarapa hine iyoitakushi ambe aki korachi ukoramkoro wa Pauros raige pakno ibe hemhem iku hemhem shomo ki kusu ne, ari oshitchiu wa ye nisa ruwe ne.

Orowa tokap ne ko anakne Yudea un utar uekarpa hine iyoytakus anpe aki koraci ukoramkor wa Pawros rayke pakno ipe hemhem iku hemhem somo ki kusu ne, ari ositciw wa ye nisa ruwe ne.

γενομενης δε ημερας ποιησαντες συστροφην οι ιουδαιοι ανεθεματισαν εαυτους λεγοντες μητε φαγειν μητε πειν πιειν εως ου αποκτεινωσιν τον παυλον

And when it was day, the Jews banded together, and bound themselves under a curse, saying that they would neither eat nor drink till they had killed Paul.

Awa, tap ambe oshke utara anak ne tu hotne niu ikashima ne ruwe ne.

Awa, tapanpe oske utar anakne tu hotne niw ikasma ne ruwe ne.

ησαν δε πλειους τεσσερακοντα οι ταυτην την συνωμοσιαν ποιησαμενοι

And they were more than forty which made this conspiracy.

Aige, nei utara anak ne Kamui kora kenru iyotta pase esapane utara newa ekashi utara otta araki wa ene itak-hi :— Chi utara anak ne yaikota, gusu poro iyoitakushi ki wa Pauros raige shomoki pakno nep ne yakka shomo sapke kuni oshitchiu okere.

Ayke, ne utar anakne Kamuy kor kenru iyotta pase esapane utar newa ekasi utar or ta arki wa ene itak hi :— Ci utar anakne yaykota, kusu poro iyoytakus ki wa Pawros rayke somo ki pakno nep ne yakka somo sapke kuni ositciw okere.

οιτινες προσελθοντες τοις αρχιερευσιν και τοις πρεσβυτεροις ειπαν αναθεματι ανεθεματισαμεν εαυτους μηδενος γευσασθαι εως ου αποκτεινωμεν τον παυλον

And they came to the chief priests and the elders, and said, We have bound ourselves under a great curse, to taste nothing until we have killed Paul.

Tambe gusu, aokai anak ne naa tomte no shinuma gusu orushpe esanniyo kuni noine korachi, nei guru arange kuni ne ukoramkoro utara tura nei tumi-koro utara esapane guru otta kashpaotte wa un kore: aige, shinuma karange no ek chiki chi utara anak ne raige kuni etere ruwe ne kusu ne na, ari itak.

Tanpe kusu, aokay anakne naa tomteno sinuma kusu oruspe esanniyo kuni noyne koraci, ne kur a=ranke kuni ne ukoramkor utar tura ne tumi-kor utar esapane kur or ta kaspaotte wa un kore: ayke, sinuma karankeno ek ciki ci utar anakne rayke kuni e=tere ruwe ne kusu ne na, ari itak.

νυν ουν υμεις εμφανισατε τω χιλιαρχω συν τω συνεδριω οπως καταγαγη αυτον εις υμας ως μελλοντας διαγινωσκειν ακριβεστερον τα περι αυτου ημεις δε προ του εγγισαι αυτον ετοιμοι εσμεν του ανελειν αυτον

Now therefore do ye with the council signify to the chief captain that he bring him down unto you, as though ye would judge of his case more exactly: and we, or ever he come near, are ready to slay him.

Koroka, Pauros koro saha koro poho anak ne nei utara numne an ambe inu chiki shinuma nei chashi otta ahun wa Pauros nure nisa ruwe ne.

Korka, Pawros kor saha kor poho anakne ne utar numne an anpe inu ciki sinuma ne casi or ta ahun wa Pawros nure nisa ruwe ne.

ακουσας δε ο υιος της αδελφης παυλου την ενεδραν παραγενομενος και εισελθων εις την παρεμβολην απηγγειλεν τω παυλω

But Paul’s sister’s son heard of their lying in wait, and he came and entered into the castle, and told Paul.

Orowa, Pauros anak ne Ashikne hotne tumi-koro utara esapane guru shinen hotuyekara wa otta ene itak-hi :— Tan upen guru tumi-koro guru ikiri esapane guru otta tura yan: anure kuni orushpe an ruwe ne gusu ne na.

Orowa, Pawros anakne Asikne hotne tumi-kor utar esapane kur sinen hotuyekar wa or ta ene itak hi :— Tan upen kur tumi-kor kur ikiri esapane kur or ta tura yan: a=nure kuni oruspe an ruwe ne kusu ne na.

προσκαλεσαμενος δε ο παυλος ενα των εκατονταρχων εφη τον νεανιαν τουτον απαγε απαγαγε προς τον χιλιαρχον εχει γαρ απαγγειλαι τι αυτω

And Paul called unto him one of the centurions, and said, Bring this young man unto the chief captain: for he hath something to tell him.

Tambe gusu shinuma nei guru ani wa tumi-koro guru ikiri esapane guru otta tura hine ene itak-hi :— Apakashnu wa an Pauros anak ne yai orota en hotuyekara wa e orun nep ka ye kuni orushpe koro tan upen guru e otta ku tura kuni ye nisa ruwe ne,

Tanpe kusu sinuma ne kur ani wa tumi-kor kur ikiri esapane kur or ta tura hine ene itak hi :— A=pakasnu wa an Pawros anakne yay oro ta en=hotuyekar wa e orun nep ka ye kuni oruspe kor tan upen kur e or ta ku tura kuni ye nisa ruwe ne,

ο μεν ουν παραλαβων αυτον ηγαγεν προς τον χιλιαρχον και φησιν ο δεσμιος παυλος προσκαλεσαμενος με ηρωτησεν τουτον τον νεανιαν νεανισκον αγαγειν προς σε εχοντα τι λαλησαι σοι

So he took him, and brought him to the chief captain, and saith, Paul the prisoner called me unto him, and asked me to bring this young man unto thee, who hath something to say to thee.

ari itak, orowa, nei tumi-koro guru ikiri esapane guru anak ne nei guru teke ani, aige, oyakta tura hine arorokishne no — Nekon a en nure kuni orushpe e koro ya? ari uwepekennu.

ari itak, orowa, ne tumi-kor kur ikiri esapane kur anakne ne kur teke ani, ayke, oyak ta tura hine arorkisneno — Nekona en=nure kuni oruspe e=kor ya? ari uwepekennu.

επιλαβομενος δε της χειρος αυτου ο χιλιαρχος και αναχωρησας κατ ιδιαν επυνθανετο τι εστιν ο εχεις απαγγειλαι μοι

And the chief captain took him by the hand, and going aside asked him privately, What is that thou hast to tell me?

Orota shinuma ene itak-hi :— Aokai anak ne naa tomte no shinuma gusu nu rusui kuni noine korachi an wa nishatta Pauros uko-ramkor-i otta atura gusu Yudea un utara e koramkoro kuni ukosanniyo okere.

Oro ta sinuma ene itak hi :— Aokay anakne naa tomteno sinuma kusu nu rusuy kuni noyne koraci an wa nisatta Pawros uko-ramkor hi or ta a=tura kusu Yudea un utar e koramkor kuni ukosanniyo okere.

ειπεν δε οτι οι ιουδαιοι συνεθεντο του ερωτησαι σε οπως αυριον τον παυλον καταγαγης εις το συνεδριον ως μελλων μελλον τι ακριβεστερον πυνθανεσθαι περι αυτου

And he said, The Jews have agreed to ask thee to bring down Paul tomorrow unto the council, as though thou wouldest inquire somewhat more exactly concerning him.

Tambe gusu, iteki ramu-oshma yan: inambe gusu ne yakun, yaikota gusu poro iyoitakushi ki wa shinuma raige shomoki pakno nep ne yakka shomo ibe hemhem ki shomo iku hemhem ki kuni oshitchiu okere tu hotne niu ikashima shinuma gusu numne an utara okai ruwe ne: aige, tane nei utara anak ne e ramuoshma kuni ambe echipachipa hine etokooiki wa okai ruwe ne, ari itak.

Tanpe kusu, iteki ramu-osma yan: inanpe kusu ne yakun, yaykota kusu poro iyoytakus ki wa sinuma rayke somo ki pakno nep ne yakka somo ipe hemhem ki somo iku hemhem ki kuni ositciw okere tu hotne niw ikasma sinuma kusu numne an utar okay ruwe ne: ayke, tane ne utar anakne e ramuosma kuni anpe ecipacipa hine etokooyki wa okay ruwe ne, ari itak.

συ ουν μη πεισθης αυτοις ενεδρευουσιν γαρ αυτον εξ αυτων ανδρες πλειους τεσσερακοντα οιτινες ανεθεματισαν εαυτους μητε φαγειν μητε πειν πιειν εως ου ανελωσιν αυτον και νυν εισιν ετοιμοι προσδεχομενοι την απο σου επαγγελιαν

Do not thou therefore yield unto them: for there lie in wait for him of them more than forty men, which have bound themselves under a curse, neither to eat nor to drink till they have slain him: and now are they ready, looking for the promise from thee.

Tambe gusu, tumi-koro guru ikiri esapane guru anak ne nei upen guru omande, aige, tap orushpe e en eramande ambe iteki nenka nure yan ari kashpaotte nisa ruwe ne.

Tanpe kusu, tumi-kor kur ikiri esapane kur anakne ne upen kur omante, ayke, tap oruspe e en=eramante anpe iteki nen ka nure yan ari kaspaotte nisa ruwe ne.

ο μεν ουν χιλιαρχος απελυσεν τον νεανισκον παραγγειλας μηδενι εκλαλησαι οτι ταυτα ενεφανισας προς εμε με

So the chief captain let the young man go, charging him, Tell no man that thou hast signified these things to me.

Samata, ashikne hotne tumi-koro utara esapane utara tun hotuyekara wa otta ene itak-hi :— Anchikara re pakihi an ita Kaisaria kotan pakno paye kuni shine wan hotne tumi-koro utara, umma o utara re hot ikashima wa niu, ibe-op ani utara shine wan hotne utara etokooiki yan:

Sama ta, asikne hotne tumi-kor utar esapane utar tun hotuyekar wa or ta ene itak hi :— Ancikar re pakihi an hi ta Kaysaria kotan pakno paye kuni sine wan hotne tumi-kor utar, umma o utar re hot ikasma wa niw, ipe-op ani utar sine wan hotne utar etokooyki yan:

και προσκαλεσαμενος τινας δυο δυο [τινας] των εκατονταρχων ειπεν ετοιμασατε στρατιωτας διακοσιους οπως πορευθωσιν εως καισαριας καισαρειας και ιππεις εβδομηκοντα και δεξιολαβους διακοσιους απο τριτης ωρας της νυκτος

And he called unto him two of the centurions, and said, Make ready two hundred soldiers to go as far as Caesarea, and horsemen threescore and ten, and spearmen two hundred, at the third hour of the night:

orowa, Pauros o kuni chikoikip etokooiki wa sapane guru ne Ferik orun tura kuni ye.

orowa, Pawros o kuni cikoykip etokooyki wa sapanekur ne Ferik orun tura kuni ye.

κτηνη τε παραστησαι ινα επιβιβασαντες τον παυλον διασωσωσιν προς φηλικα τον ηγεμονα

and [he bade them ]provide beasts, that they might set Paul thereon, and bring him safe unto Felix the governor.

Samata, shinuma kambi nuye ambe ene ambe ne :—

Sama ta, sinuma kampi nuye anpe ene anpe ne :—

γραψας επιστολην εχουσαν τον τυπον τουτον

And he wrote a letter after this form:

Kraudios Rusias iyotta aeoripak an sapane guru Ferik korangarap an na.

Krawdios Rusias iyotta a=eoripak an sapanekur Ferik korankarap an na.

κλαυδιος λυσιας τω κρατιστω ηγεμονι φηλικι χαιρειν

Claudius Lysias unto the most excellent governor Felix, greeting.

Tan ainu anak ne Yudea un utara orowa no ashikkashima wa araige ange shiriki an wa an, awa, shinuma anak Roma un guru ne ari ku eraman chiki, tumi-koro utara ku tura wa nei utara orun oman hine shinuma ku kashiobiuki nisa ruwe ne.

Tan aynu anakne Yudea un utar oro wano a=sikkasma wa arayke anke siriki an wa an, awa, sinuma anak Roma un kur ne ari ku=eraman ciki, tumi-kor utar ku tura wa ne utar orun oman hine sinuma ku=kasiopiwki nisa ruwe ne.

τον ανδρα τουτον συλλημφθεντα υπο των ιουδαιων και μελλοντα αναιρεισθαι υπ αυτων επιστας συν τω στρατευματι εξειλαμην μαθων οτι ρωμαιος εστιν

This man was seized by the Jews, and was about to be slain of them, when I came upon them with the soldiers, and rescued him, having learned that he was a Roman.

Aige, nekon a ikkewehe an gusu shinuma aeiyonnupba ambe ku eraman rusui gusu nei utara koro ukoramkor-i otta ku tura nisa ruwe ne, aine,

Ayke, nekona ikkewehe an kusu sinuma a=eiyonnuppa anpe ku=eraman rusuy kusu ne utar kor ukoramkor hi or ta ku tura nisa ruwe ne, ayne,

βουλομενος τε επιγνωναι την αιτιαν δι ην ενεκαλουν αυτω [κατηγαγον εις το συνεδριον αυτων] κατηγαγον εις το συνεδριον αυτων

And desiring to know the cause wherefore they accused him, I brought him down unto their council:

nei utara koro tuitak gusu an upahunara ambe gusu aeiyonnupba ruwe ne ari an ambe ku nukara, koroka, araige kuni gusu an ika gusu bene aetupetupe kuni gusu an ika gusu hene aeiyonnupba kunip isama.

ne utar kor tuytak kusu an upahunara anpe kusu a=eiyonnuppa ruwe ne ari an anpe ku=nukar, korka, arayke kuni kusu an ika kusu pene aetupetupe kuni kusu an ika kusu hene a=eiyonnuppa kunip isam.

ον ευρον εγκαλουμενον περι ζητηματων του νομου αυτων μηδεν δε αξιον θανατου η δεσμων εχοντα εγκλημα

whom I found to be accused about questions of their law, but to have nothing laid to his charge worthy of death or of bonds.

Orowa, nei ainu gusu aoshkep an sekorʼambe a en nure chiki, nani e orun ku omande, samata, eiyonnupba utara e orun shinuma gusu an aieyonnupbap itak kuni ku ye nisa ruwe ne na.

Orowa, ne aynu kusu aoskep an sekor anpe a en=nure ciki, nani e orun ku=omante, sama ta, eiyonnuppa utar e orun sinuma kusu an ayeyonnuppap itak kuni ku=ye nisa ruwe ne na.

μηνυθεισης δε μοι επιβουλης εις τον ανδρα εσεσθαι εξαυτης επεμψα προς σε παραγγειλας και τοις κατηγοροις λεγειν [τα] προς αυτον επι σου

And when it was shewn to me that there would be a plot against the man, I sent him to thee forthwith, charging his accusers also to speak against him before thee.

Tambe gusu akashpaotte korachi nei tumi-koro utara anak ne Pauros uk hine anchikara ta Antipatris kotan pakno tura.

Tanpe kusu a=kaspaotte koraci ne tumi-kor utar anakne Pawros uk hine ancikar ta Antipatris kotan pakno tura.

οι μεν ουν στρατιωται κατα το διατεταγμενον αυτοις αναλαβοντες τον παυλον ηγαγον δια νυκτος εις την αντιπατριδα

So the soldiers, as it was commanded them, took Paul, and brought him by night to Antipatris.

Koroka, nei shimge tobo ta, umma o utara turare wa chashi otta hoshippa:

Korka, ne simke topo ta, umma o utar turare wa casi or ta hosippa:

τη δε επαυριον εασαντες τους ιππεις απερχεσθαι συν αυτω υπεστρεψαν εις την παρεμβολην

But on the morrow they left the horsemen to go with him, and returned to the castle:

aige, nei utara anak Kaisaria kotan ta koshirepa wa sapane guru otta nei kambi akore yakun, Pauros ne yakka shinuma kotchaketa aande nisa ruwe ne.

ayke, ne utar anak Kaysaria kotan ta kosirepa wa sapanekur or ta ne kampi a=kore yakun, Pawros ne yakka sinuma kotcake ta a=ante nisa ruwe ne.

οιτινες εισελθοντες εις την καισαριαν καισαρειαν και αναδοντες την επιστολην τω ηγεμονι παρεστησαν και τον παυλον αυτω

and they, when they came to Caesarea, and delivered the letter to the governor, presented Paul also before him.

Orowa, nei ambe orooitak chiki inan moshiri wano ek a guru ne ya uwepekennu;

Orowa, ne anpe oroytak ciki inan mosir wano ek a kur ne ya uwepekennu;

αναγνους δε και επερωτησας εκ ποιας επαρχειας εστιν και πυθομενος οτι απο κιλικιας

And when he had read it, he asked of what province he was; and when he understood that he was of Cilicia,

aige, Kirikia moshiri un guru ne sekoro eraman yakun, e eiyonnupba utara araki wa okai chiki aokai gusu an orushpe ku nu kusu ne na ari itak: orowa, Herod koro praitorion ta aahunde kuni kashpaotte nisa ruwe ne na.

ayke, Kirikia mosir un kur ne sekor eraman yakun, e eiyonnuppa utar arki wa okay ciki aokay kusu an oruspe ku=nu kusu ne na ari itak: orowa, Herod kor praytorion ta a=ahunte kuni kaspaotte nisa ruwe ne na.

διακουσομαι σου εφη οταν και οι κατηγοροι σου παραγενωνται κελευσας εν τω πραιτωριω του ηρωδου φυλασσεσθαι αυτον

I will hear thy cause, said he, when thine accusers also are come: and he commanded him to be kept in Herod’s palace.