16 Ik. leaf 369

Orowa, shinuma Derbe newa Rustra kotan otta ne yakka ek nisa: aige, ingarʼan, eishokoro shiriki an shine Yudea un shiwentep koro okkai poho Timoteos ari an reihei koro koikara guru an, korota, koro michi anak ne Herenes un guru ne ruwe ne na.

Orowa, sinuma Derbe newa Rustra kotan or ta ne yakka ek nisa: ayke, inkar=an, eysokor siriki an sine Yudea un siwentep kor okkay poho Timoteos ari an rehe kor koykar kur an, koro ta, kor mici anakne Herenes un kur ne ruwe ne na.

κατηντησεν δε και [και] εις δερβην και εις λυστραν και ιδου μαθητης τις ην εκει ονοματι τιμοθεος υιος γυναικος ιουδαιας πιστης πατρος δε ελληνος

And he came also to Derbe and to Lystra: and behold, a certain disciple was there, named Timothy, the son of a Jewess which believed; but his father was a Greek.

Nei guru anak ne Rustra newa Ikoniom kotan ta okai iriwak utara tumta pirika assuru akore guru ne ruwe ne.

Ne kur anakne Rustra newa Ikoniom kotan ta okay irwak utar tum ta pirka assuru a=kore kur ne ruwe ne.

ος εμαρτυρειτο υπο των εν λυστροις και ικονιω αδελφων

The same was well reported of by the brethren that were at Lystra and Iconium.

Pauros anak ne shinuma itura rusui: aige, nei kotan ta okai Yudea un utara gusu shinuma uk wa okarituye buri kire nisa: koro michi anak ne Herenes un guru ne sekoro obitta no okai utara eraman nisa ruwe ne gusu ne na.

Pawros anakne sinuma itura rusuy: ayke, ne kotan ta okay Yudea un utar kusu sinuma uk wa okarituye puri kire nisa: kor mici anakne Herenes un kur ne sekor opittano okay utar eraman nisa ruwe ne kusu ne na.

τουτον ηθελησεν ο παυλος συν αυτω εξελθειν και λαβων περιετεμεν αυτον δια τους ιουδαιους τους οντας εν τοις τοποις εκεινοις ηδεισαν γαρ απαντες οτι ελλην ο πατηρ αυτου υπηρχεν

Him would Paul have to go forth with him; and he took and circumcised him because of the Jews that were in those parts: for they all knew that his father was a Greek.

Orowa, okai machiya akush wa paye rapoketa, apostoro utara newa Yerusarem kotan ta okai puresbuteros utara esanniyo ipawetenge ashikkashimare kuni ne otta koropare nisa ruwe ne.

Orowa, okay maciya akus wa paye rapoketa, apostoro utar newa Yerusarem kotan ta okay puresputeros utar esanniyo ipawetenke a=sikkasmare kuni ne or ta korpare nisa ruwe ne.

ως δε διεπορευοντο τας πολεις παρεδιδοσαν αυτοις φυλασσειν τα δογματα τα κεκριμενα υπο των αποστολων και πρεσβυτερων των εν ιεροσολυμοις

And as they went on their way through the cities, they delivered them the decrees for to keep, which had been ordained of the apostles and elders that were at Jerusalem.

Tambe gusu, karisia un utara anak ne eishokor-i gusu atumashnure, aige, to pishno auinnere nisa ruwe ne na.

Tanpe kusu, karisia un utar anakne eysokor hi kusu atumasnure, ayke, to pisno awinnere nisa ruwe ne na.

αι μεν ουν εκκλησιαι εστερεουντο τη πιστει και επερισσευον τω αριθμω καθ ημεραν

So the churches were strengthened in the faith, and increased in number daily.

Orowa, nei utara purigia newa Garatia kotan kush, Asia moshiri ta itak nure kuni Ashkanne Ramat orowa no ahattoki nisa ruwe ne gusu ne na;

Orowa, ne utar purikia newa Garatia kotan kus, Asia mosir ta itak nure kuni Askanne Ramat oro wano ahattoki nisa ruwe ne kusu ne na;

διηλθον δε την φρυγιαν και γαλατικην χωραν κωλυθεντες υπο του αγιου πνευματος λαλησαι τον λογον εν τη ασια

And they went through the region of Phrygia and Galatia, having been forbidden of the Holy Ghost to speak the word in Asia;

aige, Musia kotan ehange no araki chiki, Bitunia kotan orun paye kuni aramu nisa; awa, Yesu kon Ramat ramuoshma shomoki nisa ruwe ne;

ayke, Musia kotan ehanke no arki ciki, Bitunia kotan orun paye kuni a=ramu nisa; awa, Yesu kor Ramat ramuosma somo ki nisa ruwe ne;

ελθοντες δε κατα την μυσιαν επειραζον εις την βιθυνιαν πορευθηναι και ουκ ειασεν αυτους το πνευμα ιησου

and when they were come over against Mysia, they assayed to go into Bithynia; and the Spirit of Jesus suffered them not;

aine, Musia akush chiki Troas kotan ta sap.

ayne, Musia akus ciki Troas kotan ta sap.

παρελθοντες δε την μυσιαν κατεβησαν εις τρωαδα

and passing by Mysia, they came down to Troas.

Orowa, an noshketa Pauros otta anukarape an; Makedonia moshirʼun guru shinen ash hine orun koramkoro shiriki an wa un kaobiuki wa un kore, ari an itak ani itak nisa.

Orowa, an noske ta Pawros or ta anukarape an; Makedonia mosir un kur sinen as hine orun koramkor siriki an wa un kaopiwki wa un kore, ari an itak ani itak nisa.

και οραμα δια [της] νυκτος τω παυλω ωφθη ανηρ μακεδων τις ην εστως και παρακαλων αυτον και λεγων διαβας εις μακεδονιαν βοηθησον ημιν

And a vision appeared to Paul in the night; There was a man of Macedonia standing, beseeching him, and saying, Come over into Macedonia, and help us.

Aige, shinuma tan anukarape nukara chiki, nani chi utara Makedonia moshiri ta paye ash kuni hunara, nei utara otta pirika shongo eupaskuma kuni ne Kamui un nishuk sekoro esanniyo ash nisa ruwe ne gusu ne na.

Ayke, sinuma tan anukarape nukar ciki, nani ci utar Makedonia mosir ta paye as kuni hunara, ne utar or ta pirka sonko ewpaskuma kuni ne Kamuy un nisuk sekor esanniyo as nisa ruwe ne kusu ne na.

ως δε το οραμα ειδεν ευθεως εζητησαμεν εξελθειν εις μακεδονιαν συμβιβαζοντες οτι προσκεκληται ημας ο θεος ευαγγελισασθαι αυτους

And when he had seen the vision, straightway we sought to go forth into Macedonia, concluding that God had called us for to preach the gospel unto them.

Tambe gusu, kaya rire wa kuwanno atui-tomotuye hine Samotrake kotan ta ek, orowa, nei shimge tobo ta Neaporis kotan ta shirepa; orowa, nei i wano Piripoi kotan ta ek,

Tanpe kusu, kaya rir wa kuwanno atuy-tomotuye hine Samotrake kotan ta ek, orowa, ne simke topo ta Neaporis kotan ta sirepa; orowa, ne i wano Piripoy kotan ta ek,

αναχθεντες ουν δε απο τρωαδος ευθυδρομησαμεν εις σαμοθρακην τη δε επιουση εις νεαν πολιν

Setting sail therefore from Troas, we made a straight course to Samothrace, and the day following to Neapolis;

nei arabe anak Makedonia moshiri ta an machiya ne, nei kotan un atpake an ushi ne, aatupte utara korobe ne ruwe ne: aige, an toho uturu nei machiya ta riya ash nisa ruwe ne na.

ne a=rap anak Makedonia mosir ta an maciya ne, ne kotan un atpake an usi ne, a=tupte utar kor pe ne ruwe ne: ayke, an toho uturu ne maciya ta riya as nisa ruwe ne na.

κακειθεν εις φιλιππους ητις εστιν πρωτη της μεριδος πρωτης μεριδος της μακεδονιας πολις κολωνια ημεν δε εν ταυτη τη πολει διατριβοντες ημερας τινας

and from thence to Philippi, which is a city of Macedonia, the first of the district, a [Roman ]colony: and we were in this city tarrying certain days.

Orowa, shini tobo ta nei machiya apa osoine ash wa inonno-itak kuni gusu an ari ayainu pet samta an ushike orun paye ash nisa ruwe ne; aige, rok ash hine uwekarapa wa okai shiwentep utara otta itak nisa ruwe ne.

Orowa, sini topo ta ne maciya apa osoyne as wa inonno-itak kuni kusu an ari a=yaynu pet sam ta an usike orun paye as nisa ruwe ne; ayke, rok as hine uekarpa wa okay siwentep utar or ta itak nisa ruwe ne.

τη τε ημερα των σαββατων εξηλθομεν εξω της πυλης παρα ποταμον ου ενομιζομεν προσευχην ειναι και καθισαντες ελαλουμεν ταις συνελθουσαις γυναιξιν

And on the sabbath day we went forth without the gate by a river side, where we supposed there was a place of prayer; and we sat down, and spake unto the women which were come together.

Orowa, murasaki senkaki ehok Tuateira moshiri ta an machiya un Rudia ari an reihei koro shiwentep an, shinuma anak ne Kamui koongami guru ne, aine, un orun nu nisa ruwe ne na: nei shiwentep Pauros ye itak gusu ikokanu kuni ne Utarapa anak nei sambe maka nisa ruwe ne.

Orowa, murasaki senkaki e=hok Tuateyra mosir ta an maciya un Rudia ari an rehe kor siwentep an, sinuma anakne Kamuy koonkami kur ne, ayne, un orun nu nisa ruwe ne na: ne siwentep Pawros ye itak kusu ikokanu kuni ne Utarpa anakne sanpe maka nisa ruwe ne.

και τις γυνη ονοματι λυδια πορφυροπωλις πολεως θυατειρων σεβομενη τον θεον ηκουεν ης ο κυριος διηνοιξεν την καρδιαν προσεχειν τοις λαλουμενοις υπο του παυλου

And a certain woman named Lydia, a seller of purple, of the city of Thyatira, one that worshipped God, heard us: whose heart the Lord opened, to give heed unto the things which were spoken by Paul.

Orowa, shinuma anak ne koro chisei un utara tura baptisma akore okere chiki, un koramkoro wa ene itak-hi :— Kuani anak ne Utarapa gusu ikipniukesh guru ku ne ari echi esanniyo chiki, ku kot chisei ta ahup hine riya wa en kore ani itak. Orowa, shinuma shiyuppa no nei no ki nisa ruwe ne.

Orowa, sinuma anakne kor cise un utar tura paptisma a=kore okere ciki, un koramkor wa ene itak hi :— Kuani anakne Utarpa kusu ikipniwkes kur ku ne ari eci=esanniyo ciki, ku=kot cise ta ahup hine riya wa en=kore ani itak. Orowa, sinuma siyuppa no néno ki nisa ruwe ne.

ως δε εβαπτισθη και ο οικος αυτης παρεκαλεσεν λεγουσα ει κεκρικατε με πιστην τω κυριω ειναι εισελθοντες εις τον οικον μου μενετε και παρεβιασατο ημας

And when she was baptized, and her household, she besought us, saying, If ye have judged me to be faithful to the Lord, come into my house, and abide [there]. And she constrained us.

Orowa, inonno-itak ki kuni ushike orun paye ash ita anak ne, tusu ki wa gusu kon nishpa utara poron no epirikare pon itak ki ramat shikatkare shine matkachi un etunangara nisa ruwe ne.

Orowa, inonno-itak ki kuni usike orun paye as hi ta anakne, tusu ki wa kusu kor nispa utar poronno e=pirkare pon itak ki ramat sikatkare sine matkaci un etunankar nisa ruwe ne.

εγενετο δε πορευομενων ημων εις την προσευχην παιδισκην τινα εχουσαν πνευμα πυθωνα υπαντησαι ημιν ητις εργασιαν πολλην παρειχεν τοις κυριοις αυτης μαντευομενη

And it came to pass, as we were going to the place of prayer, that a certain maid having a spirit of divination met us, which brought her masters much gain by soothsaying.

Awa, shinuma anak ne Pauros newa un oshi ek wa hawe ashte hine ene itak-hi :— Tan utara anak ne Iyotta Rikun Kamui koro usshiune utara ne, echi utara gusu kashichiobiuki kuni ruhu assuru ashte utara ne ruwe

Awa, sinuma anakne Pawros newa un osi ek wa hawe aste hine ene itak hi :— Tan utar anakne Iyotta Rikun Kamuy kor ussiw ne utar ne, eci utar kusu kasiciopiwki kuni ruhu assuru aste utar ne ruwe

αυτη κατακολουθουσα [τω] τω παυλω και ημιν εκραζεν λεγουσα ουτοι οι ανθρωποι δουλοι του θεου του υψιστου εισιν οιτινες καταγγελλουσιν υμιν οδον σωτηριας

The same following after Paul and us cried out, saying, These men are servants of the Most High God, which proclaim unto you the way of salvation.

ne, ari itak. Inne toho uturuta shinuma nei no ki nisa ruwe ne. Koroka, Pauros anak ne shi no yairamkoiki wa gusu hosari hine nei ramat otta ene itak-hi :— Yesu Kiristo kon reihei ankushkerai nei guru orowa no oashin kuni e kashpaotte ash na, ari itak. Aige, nei pakihigeta nei ambe oashin nisa ruwe ne.

ne, ari itak. Inne toho utur ta sinuma néno ki nisa ruwe ne. Korka, Pawros anakne sino yayramkoyki wa kusu hosari hine ne ramat or ta ene itak hi :— Yesu Kiristo kor rehe an kuskeray ne kur oro wano oasin kuni e kaspaotte as na, ari itak. Ayke, ne pakihiketa ne anpe oasin nisa ruwe ne.

τουτο δε εποιει επι πολλας ημερας διαπονηθεις δε παυλος και επιστρεψας τω πνευματι ειπεν παραγγελλω σοι εν ονοματι ιησου χριστου εξελθειν απ αυτης και εξηλθεν αυτη τη ωρα

And this she did for many days. But Paul, being sore troubled, turned and said to the spirit, I charge thee in the name of Jesus Christ to come out of her. And it came out that very hour.

Orowa, ani aeyaiepirikare kunip anak ne oashin wa isam ari an ambe nei shiwentep kon nishpa utara nukara chiki, Pauros newa Siras kishima hine eiyok ushike ta okai esapane utara orun nimba,

Orowa, ani aeyayepirikare kunip anakne oasin wa isam ari an anpe ne siwentep kor nispa utar nukar ciki, Pawros newa Siras kisma hine eiyok usike ta okay esapane utar orun ninpa,

ιδοντες δε οι κυριοι αυτης οτι εξηλθεν η ελπις της εργασιας αυτων επιλαβομενοι τον παυλον και τον σιλαν ειλκυσαν εις την αγοραν επι τους αρχοντας

But when her masters saw that the hope of their gain was gone, they laid hold on Paul and Silas, and dragged them into the marketplace before the rulers,

aige, tono utara otta itura yakne ene itak-hi :— Tan utara anak ne Yudea un utara ne, awa, shi no akoro machiya chiukopoyere ruwe ne;

ayke, tono utar or ta itura yakne ene itak hi :— Tan utar anakne Yudea un utar ne, awa, sino a=kor maciya ciwkopoyere ruwe ne;

και προσαγαγοντες αυτους τοις στρατηγοις ειπαν ουτοι οι ανθρωποι εκταρασσουσιν ημων την πολιν ιουδαιοι υπαρχοντες

and when they had brought them unto the magistrates, they said, These men, being Jews, do exceedingly trouble our city,

samata, Roma un utara chi ne, aine, uk hene shikkashima hene ki kuni hatto an buri ashte ruwe ne, sekoro itak.

sama ta, Roma un utar ci ne, ayne, uk hene sikkasima hene ki kuni hatto an puri aste ruwe ne, sekor itak.

και καταγγελλουσιν εθη α ουκ εξεστιν ημιν παραδεχεσθαι ουδε ποιειν ρωμαιοις ουσιν

and set forth customs which it is not lawful for us to receive, or to observe, being Romans.

Orowa, inne utara hopumba wa nei utara kopiuki: aige, tono utara imipihi asoshpa wa shirikik kuwa ani akokik kuni kashpaotte nisa ruwe ne.

Orowa, inne utar hopunpa wa ne utar kopiwki: ayke, tono utar i=mipihi a=sospa wa sirkik kuwa ani akokik kuni kaspaotte nisa ruwe ne.

και συνεπεστη ο οχλος κατ αυτων και οι στρατηγοι περιρηξαντες αυτων τα ιματια εκελευον ραβδιζειν

And the multitude rose up together against them: and the magistrates rent their garments off them, and commanded to beat them with rods.

Orowa, poron no akoshirikik okere chiki, upakashnu chisei ta iyahupte, aige, nei chisei pungi anak ne irammakaka shikkashima kuni kashpaotte nisa ruwe ne na:

Orowa, poronno akosirikik okere ciki, upakasnu cise ta iyahupte, ayke, ne cise punki anakne irammakaka sikkasima kuni kaspaotte nisa ruwe ne na:

πολλας δε τε επιθεντες αυτοις πληγας εβαλον εις φυλακην παραγγειλαντες τω δεσμοφυλακι ασφαλως τηρειν αυτους

And when they had laid many stripes upon them, they cast them into prison, charging the jailor to keep them safely:

awa, nei no akashpaotte gusu upakashnu chisei onnaige an tumbu ta ahupte hine koro chikiri chikuni otta irammakaka kote nisa ruwe ne.

awa, néno a=kaspaotte kusu upakasnu cise onnayke an tumpu ta ahupte hine kor cikiri cikuni or ta irammakaka kote nisa ruwe ne.

ος παραγγελιαν τοιαυτην λαβων εβαλεν αυτους εις την εσωτεραν φυλακην και τους ποδας ησφαλισατο αυτων εις το ξυλον

who, having received such a charge, cast them into the inner prison, and made their feet fast in the stocks.

Koroka, an noshike paketa Pauros newa Siras anak ne Kamui otta inonno-itak hemhem ki shinotcha-ibehe shinotcha hemhem ki shiriki wa okai an, awa, okai apakashnu utara nei ambe inu korʼan;

Korka, an noske pak ta Pawros newa Siras anakne Kamuy or ta inonno-itak hemhem ki sinotca-ipehe sinotca hemhem ki siriki wa okay an, awa, okay a=pakasnu utar ne anpe inu kor an;

κατα δε το μεσονυκτιον παυλος και σιλας προσευχομενοι υμνουν τον θεον επηκροωντο δε αυτων οι δεσμιοι

But about midnight Paul and Silas were praying and singing hymns unto God, and the prisoners were listening to them;

aige, ekushkonna poro shirishimoye an, nei upakashnu chisei asamaha amoimoigere pakno an ruwe ne: orowa, nani apa-ushta obitta makke; samata, obitta no okai utara koro atupepeok-tep apita nisa ruwe ne.

ayke, ekuskonna poro sirsimoye an, ne upakasnu cise asamaha amoymoykere pakno an ruwe ne: orowa, nani apa-us ta opitta makke; sama ta, opittano okay utar kor atupepeok-tep a=pita nisa ruwe ne.

αφνω δε σεισμος εγενετο μεγας ωστε σαλευθηναι τα θεμελια του δεσμωτηριου ηνεωχθησαν δε [παραχρημα] παραχρημα αι θυραι πασαι και παντων τα δεσμα ανεθη

and suddenly there was a great earthquake, so that the foundations of the prison-house were shaken: and immediately all the doors were opened; and every one’s bands were loosed.

Orowa, upakashnu chisei pungi anak ne amososo wa an wa upakashnu chisei apaushta makke wa an shiri nukara chiki, apakashnu utara kira wa isam kuni ramu gusu, koro rangetam etaye hine yairaige etokooiki ruwe ne.

Orowa, upakasnu cise punki anakne a=mososo wa an wa upakasnu cise apausta makke wa an siri nukar ciki, a=pakasnu utar kira wa isam kuni ramu kusu, kor ranke tam etaye hine yayrayke etokooyki ruwe ne.

εξυπνος δε γενομενος ο δεσμοφυλαξ και ιδων ανεωγμενας τας θυρας της φυλακης σπασαμενος την [την] μαχαιραν ημελλεν εαυτον αναιρειν νομιζων εκπεφευγεναι τους δεσμιους

And the jailor being roused out of sleep, and seeing the prison doors open, drew his sword, and was about to kill himself, supposing that the prisoners had escaped.

Koroka, Pauros anak ne rui hau ani hawe ashte wa ene itak-hi :— Iteki yaiewende yan: chi utara obitta teda okai ruwe ne gusu ne na, ari itak.

Korka, Pawros anakne ruy haw ani hawe aste wa ene itak hi :— Iteki yayewente yan: ci utar opitta teta okay ruwe ne kusu ne na, ari itak.

εφωνησεν δε παυλος μεγαλη φωνη μεγαλη φωνη [ο] παυλος λεγων μηδεν πραξης σεαυτω κακον απαντες γαρ εσμεν ενθαδε

But Paul cried with a loud voice, saying, Do thyself no harm: for we are all here.

Orowa, shinuma shune akoro wa ek kuni hawe ashte, aige, aotereke ahun wa

Orowa, sinuma sune a=kor wa ek kuni hawe aste, ayke, a=oterke ahun wa

αιτησας δε φωτα εισεπηδησεν και εντρομος γενομενος προσεπεσεν τω παυλω και [τω] σιλα

And he called for lights, and sprang in, and, trembling for fear, fell down before Paul and Silas,

ishitoma gusu kotususatki hine Pauros newa Siras kotpoketa shirikamu, orowa, nei utara soyumbare wa ene itak-hi :— Nishpa utara, kashiaobiuki kuni ne nekon a ku ki yak pirika ya?

isitoma kusu kotususatki hine Pawros newa Siras kotpokta sirkamu, orowa, ne utar soyunpare wa ene itak hi :— Nispa utar, kasiaopiwki kuni ne nekona ku=ki yak pirka ya?

και προαγαγων αυτους εξω εφη κυριοι τι με δει ποιειν ινα σωθω

And brought them out, and said, Sirs, what must I do to be saved?

Orowa, nei utara ene itak-hi :— Utarapa ne Yesu eishokoro yan, yakun e kashichiobiuki kusu ne, eani newa e koro uni un utara tura, ari itak.

Orowa, ne utar ene itak hi :— Utarpa ne Yesu eysokor yan, yakun e kasiciopiwki kusu ne, eani newa e=kor uni un utar tura, ari itak.

οι δε ειπαν πιστευσον επι τον κυριον ιησουν και σωθηση συ και ο οικος σου

And they said, Believe on the Lord Jesus, and thou shalt be saved, thou and thy house.

Orowa, shinuma newa koro uni ta obitta no okai utara orun nei utara anak ne Utarapa gusu an itak ye nisa ruwe ne.

Orowa, sinuma newa kor uni ta opittano okay utar orun ne utar anakne Utarpa kusu an itak ye nisa ruwe ne.

και ελαλησαν αυτω τον λογον του θεου κυριου συν πασιν τοις εν τη οικια αυτου

And they spake the word of the Lord unto him, with all that were in his house.

Aige, an noshke nei epakihigeta shinuma nei utara uk wa koro shirikik piri furaye; orowa, nani shinuma anak ne obitta no okai koro utara tura baptisma akore.

Ayke, an noske ne epakihiketa sinuma ne utar uk wa kor sirkik piri huraye; orowa, nani sinuma anakne opittano okay kor utar tura paptisma a=kore.

και παραλαβων αυτους εν εκεινη τη ωρα της νυκτος ελουσεν απο των πληγων και εβαπτισθη αυτος και οι αυτου απαντες παντες παραχρημα

And he took them the same hour of the night, and washed their stripes; and was baptized, he and all his, immediately.

Samata, koro chisei orun nei utara tura wa kotpoketa aep ande, orowa, Kamui eishokoro gusu, obitta no okai toro uni un utara tura shi no yainuchattek nisa ruwe ne.

Sama ta, kor cise orun ne utar tura wa kotpokta aep ante, orowa, Kamuy eysokor kusu, opittano okay tor uni un utar turasi no yaynucattek nisa ruwe ne.

αναγαγων τε αυτους εις τον οικον παρεθηκεν τραπεζαν και ηγαλλιασατο πανοικει πεπιστευκως τω θεω

And he brought them up into his house, and set meat before them, and rejoiced greatly, with all his house, having believed in God.

Koroka, tokap ne chiki tono utara anak ne uitek utara teshkara hine ene itakte-hi :— Nei utara honnere yan.

Korka, tokap ne ciki tono utar anakne uytek utar teskar hine ene itakte hi :— Ne utar honnere yan.

ημερας δε γενομενης απεστειλαν οι στρατηγοι τους ραβδουχους λεγοντες απολυσον τους ανθρωπους εκεινους

But when it was day, the magistrates sent the serjeants, saying, Let those men go.

Orowa, nei upakashnu chisei pungi anak ne nei itak Pauros nure wa ene itak-hi :— Echi utara ahonnere kuni tono utara teshkara shongo ek na: tambe gusu itomo an no soyumba wa en kore, ari itak.

Orowa, ne upakasnu cise punki anakne ne itak Pawros nure wa ene itak hi :— Eci utar a=honnere kuni tono utar teskar sonko ek na: tanpe kusu i=tom an no soyunpa wa en=kore, ari itak.

απηγγειλεν δε ο δεσμοφυλαξ τους λογους [τουτους] προς τον παυλον οτι απεσταλκαν οι στρατηγοι ινα απολυθητε νυν ουν εξελθοντες πορευεσθε εν ειρηνη

And the jailor reported the words to Paul, [saying], The magistrates have sent to let you go: now therefore come forth, and go in peace.

Koroka, orota Pauros ene itak-hi :— Roma kotan un utara chi ne, awa, nei utara anak ne un kokatpakte shomoki no anukan no un shirikik hemhem ki upakashnu chisei ta un ahupte hemhem ki nisa; aige, tane arorokishne no un soyumbare ruwe he an? shi an no shomo; koroka, nei utara yaikota araki hine un soyumbarero, ari itak.

Korka, oro ta Pawros ene itak hi :— Roma kotan un utar ci ne, awa, ne utar anakne un kokatpakte somo ki no a=nukar no un sirkik hemhem ki upakasnu cise ta un ahupte hemhem ki nisa; ayke, tane arorkisneno un soyunpare ruwe he an? si an no somo; korka, ne utar yaykota arki hine un soyunparero, ari itak.

ο δε παυλος εφη προς αυτους δειραντες ημας δημοσια ακατακριτους ανθρωπους ρωμαιους υπαρχοντας εβαλαν εις φυλακην και νυν λαθρα ημας εκβαλλουσιν ου γαρ αλλα ελθοντες αυτοι ημας εξαγαγετωσαν

But Paul said unto them, They have beaten us publicly, uncondemned, men that are Romans, and have cast us into prison; and do they now cast us out privily? nay verily; but let them come themselves and bring us out.

Orowa, auitek utara anak ne tono utara orun tap orushpe nure nisa: awa, Roma kotan un utara ne sekorʼambe nei utara inu chiki, ishitoma ruwe ne;

Orowa, awitek utar anakne tono utar orun tap oruspe nure nisa: awa, Roma kotan un utar ne sekor anpe ne utar inu ciki, isitoma ruwe ne;

απηγγειλαν δε τοις στρατηγοις οι ραβδουχοι τα ρηματα ταυτα εφοβηθησαν δε ακουσαντες οτι ρωμαιοι εισιν

And the serjeants reported these words unto the magistrates: and they feared, when they heard that they were Romans;

aige, araki wa koramkon nisa ruwe ne; orowa, soyumbare chiki nei kotan wano paye kuni onishnishi nisa ruwe ne.

ayke, arki wa koramkor nisa ruwe ne; orowa, soyunpare ciki ne kotan wano paye kuni onisnisi nisa ruwe ne.

και ελθοντες παρεκαλεσαν αυτους και εξαγαγοντες ηρωτων απελθειν απο της πολεως

and they came and besought them; and when they had brought them out, they asked them to go away from the city.

Orowa, upakashnu chisei wano soyumba chiki Rudia uni un ahup: aige, iriwak utara nukara yakun onishnishi wa paye nisa ruwe ne na.

Orowa, upakasnu cise wano soyunpa ciki Rudia uni un ahup: ayke, irwak utar nukar yakun onisnisi wa paye nisa ruwe ne na.

εξελθοντες δε απο της φυλακης εισηλθον προς την λυδιαν και ιδοντες παρεκαλεσαν τους αδελφους και εξηλθαν

And they went out of the prison, and entered into [the house of ]Lydia: and when they had seen the brethren, they comforted them, and departed.