13 Ik. leaf 359

Orowa, Antiok kotan ta an karisia ta uweingara utara newa epakashnu utara okai, Barnabas newa Niger ari an ambe ani aye Simeon okai, Kurenai un Roukios newa Tetrakes Herod koro tura iresu akihi newa Sauros okai ruwe ne.

Orowa, Antiok kotan ta an karisia ta ueinkar utar newa epakasnu utar okay, Barnabas newa Niger ari an anpe ani a=ye Simeon okay, Kurenai un Rowkios newa Tetrakes Herod kor tura iresu akihi newa Sawros okay ruwe ne.

ησαν δε εν αντιοχεια κατα την ουσαν εκκλησιαν προφηται και διδασκαλοι ο τε βαρναβας και συμεων ο καλουμενος νιγερ και λουκιος ο κυρηναιος μαναην τε ηρωδου του τετρααρχου συντροφος και σαυλος

Now there were at Antioch, in the church that was [there], prophets and teachers, Barnabas, and Symeon that was called Niger, and Lucius of Cyrene, and Manaen the foster-brother of Herod the tetrarch, and Saul.

Awa, nei utara Utarapa otta yaishieiwangere wa shomo ramnu ki rapoketa, Ashkanne Ramat ene itak-hi :— Gusu Ku hotuyekara wa tak moni otta Barnabas newa Sauros shinnai no ande yan, ari itak.

Awa, ne utar Utarpa or ta yaysieywankere wa somo ramnu ki rapoketa, Askanne Ramat ene itak hi :— Kusu Ku=hotuyekar wa tak moni or ta Barnabas newa Sawros sinnayno ante yan, ari itak.

λειτουργουντων δε αυτων τω κυριω και νηστευοντων ειπεν το πνευμα το αγιον αφορισατε δη μοι τον βαρναβαν και σαυλον εις το εργον ο προσκεκλημαι αυτους

And as they ministered to the Lord, and fasted, the Holy Ghost said, Separate me Barnabas and Saul for the work whereunto I have called them.

Tata otta nei utara shomo ramnu hene ki, inonno-itak hene ki, kata koro teke ande ki hene okere chiki payere nisa ruwe ne.

Tata or ta ne utar somo ramnu hene ki, inonno-itak hene ki, kata kor teke ante ki hene okere ciki payere nisa ruwe ne.

τοτε νηστευσαντες και προσευξαμενοι και επιθεντες τας χειρας αυτοις απελυσαν

Then, when they had fasted and prayed and laid their hands on them, they sent them away.

Tambe gusu, nei utara Ashkanne Ramat ani apayere okere chiki Sereukeia kotan orun sap; orowa, nei i wano Kupros orun atuitomotuye nisa ruwe ne.

Tanpe kusu, ne utar Askanne Ramat ani a=payere okere ciki Serewkeya kotan orun sap; orowa, ne i wano Kupros orun atuytomotuye nisa ruwe ne.

αυτοι μεν ουν εκπεμφθεντες υπο του αγιου πνευματος κατηλθον εις σελευκιαν σελευκειαν εκειθεν τε απεπλευσαν εις κυπρον

So they, being sent forth by the Holy Ghost, went down to Seleucia; and from thence they sailed to Cyprus.

Aige, Saramis kotan ta okai rapoketa, Yudea un utara koro uwekari chisei ta Kamui itak eupaskuma nisa: auitek guru ne gusu Yoannes ne yakka tura no an na.

Ayke, Saramis kotan ta okay rapoketa, Yudea un utar kor uekari cise ta Kamuy itak ewpaskuma nisa: awitek kur ne kusu Yoannes ne yakka turano an na.

και γενομενοι εν σαλαμινι κατηγγελλον τον λογον του θεου εν ταις συναγωγαις των ιουδαιων ειχον δε και ιωαννην υπηρετην

And when they were at Salamis, they proclaimed the word of God in the synagogues of the Jews: and they had also John as their attendant.

Orowa, nei repun-moshiri ebitta akush wa Papos kotan ta shirepa chiki, shine pawetok koro guru, shunge-uweingara guru, Yudea un guru, Bar-yesu ari an reihei koro guru nukan nisa ruwe ne;

Orowa, ne repun-mosir epitta akus wa Papos kotan ta sirepa ciki, sine pawetok kor kur, sunke-ueinkar kur, Yudea un kur, Bar-yesu ari an rehe kor kur nukar nisa ruwe ne;

διελθοντες δε ολην την νησον αχρι παφου ευρον ανδρα τινα μαγον ψευδοπροφητην ιουδαιον ω ονομα βαριησους βαριησου

And when they had gone through the whole island unto Paphos, they found a certain sorcerer, a false prophet, a Jew, whose name was Bar-Jesus;

nei guru anak ne eramush guru ne Sergios Pauros ari an reihei koro nei moshiri epungine guru tura no an ruwe ne. Shinuma Kamui itak nu tuni gusu Barnabas newa Sauros shihekote hotuyekara.

ne kur anakne eramus kur ne Sergios Pawros ari an rehe kor ne mosir epunkine kur turano an ruwe ne. Sinuma Kamuy itak nu tun kusu Barnabas newa Sawros sihekote hotuyekar.

ος ην συν τω ανθυπατω σεργιω παυλω ανδρι συνετω ουτος προσκαλεσαμενος βαρναβαν και σαυλον επεζητησεν ακουσαι τον λογον του θεου

which was with the proconsul, Sergius Paulus, a man of understanding. The same called unto him Barnabas and Saul, and sought to hear the word of God.

Koroka, nei pawetok koro guru ne Erumas anak ne (nei guru reihei ikkeu anak ne ene ani ne) nei utara shisamchashnure hine moshiri epungine guru nei eishokor-i wano ehaitare kuni hunara ruwe ne.

Korka, ne pawetok kor kur ne Erumas anakne (ne kur rehe ikkew anakne ene ani ne) ne utar sisamcasnure hine mosir epunkine kur ne eysokor hi wano ehaytare kuni hunara ruwe ne.

ανθιστατο δε αυτοις ελυμας ο μαγος ουτως γαρ μεθερμηνευεται το ονομα αυτου ζητων διαστρεψαι τον ανθυπατον απο της πιστεως

But Elymas the sorcerer (for so is his name by interpretation) withstood them, seeking to turn aside the proconsul from the faith.

Koroka, Pauros ari an reihei ani aye Sauros anak ne Ashkanne Ramat ani aeshik wa, shinuma orun shikkurukote wa ene itak-hi :—

Korka, Pawros ari an rehe ani a=ye Sawros anakne Askanne Ramat ani a=esik wa, sinuma orun sikkurukote wa ene itak hi :—

σαυλος δε ο και παυλος πλησθεις πνευματος αγιου ατενισας εις αυτον

But Saul, who is also [called ]Paul, filled with the Holy Ghost, fastened his eyes on him,

Obitta no okai irarape newa obitta no okai wenbe newa ani aeshik, nitne kamui koro poho, obitta no okai oupeka ambe epokba guru, Utarapa koro oupeka ruhu ohaitare kuni ambe shomo e okere kusu ne ya?

Opittano okay irara p newa opittano okay wenpe newa ani a=esik, nitne kamuy kor poho, opittano okay owpeka anpe epokpa kur, Utarpa kor owpeka ruhu ohaytare kuni anpe somo e okere kusu ne ya?

ειπεν ω πληρης παντος δολου και πασης ραδιουργιας υιε διαβολου εχθρε πασης δικαιοσυνης ου παυση διαστρεφων τας οδους του [του] κυριου τας ευθειας

and said, O full of all guile and all villany, thou son of the devil, thou enemy of all righteousness, wilt thou not cease to pervert the right ways of the Lord?

Orowa, tane, ingarʼan, Utarapa teke e kata an, aige, e shiknak wa pakihi uturu pakno tokap chup shomo e nukara kusu ne na, ari itak. Orowa nani shinuma otta urara nepkoro kunne-i an; aige, nenka teke ani tura guru hunara gusu apkash nisa ruwe ne.

Orowa, tane, inkar=an, Utarpa teke e kata an, ayke, e siknak wa pakihi uturu pakno tokap cup somo e nukar kusu ne na, ari itak. Orowa nani sinuma or ta urar nepkor kunne hi an; ayke, nen ka teke ani tura kur hunara kusu apkas nisa ruwe ne.

και νυν ιδου χειρ κυριου επι σε και εση τυφλος μη βλεπων τον ηλιον αχρι καιρου παραχρημα δε τε επεσεν επ αυτον αχλυς και σκοτος και περιαγων εζητει χειραγωγους

And now, behold, the hand of the Lord is upon thee, and thou shalt be blind, not seeing the sun for a season. And immediately there fell on him a mist and a darkness; and he went about seeking some to lead him by the hand.

Tata otta, nei moshiri epungine guru tap iki ikip nukara chiki, eishokoro, Utarapa epakashi gusu iyokunnure shiriki an ruwe ne gusu ne na.

Tata or ta, ne mosir epunkine kur tap iki iki p nukar ciki, eysokor, Utarpa epakasi kusu iyokunnure siriki an ruwe ne kusu ne na.

τοτε ιδων ο ανθυπατος το γεγονος επιστευσεν εκπληττομενος εκπλησσομενος επι τη διδαχη του κυριου

Then the proconsul, when he saw what was done, believed, being astonished at the teaching of the Lord.

Orowa, Pauros anak ne tura no okai utara tura Papos wano atuitomotuye hine Pampuria moshiri ta an Perga kotan ta araki: aige, Yoannes anak ne nei utara wano oman wa Yerusarem kotan ta hoshipi.

Orowa, Pawros anakne turano okay utar tura Papos wano atuytomotuye hine Panpuria mosir ta an Perga kotan ta arki: ayke, Yoannes anakne ne utar wano oman wa Yerusarem kotan ta hosipi.

αναχθεντες δε απο της παφου οι περι παυλον ηλθον εις περγην της παμφυλιας ιωαννης δε αποχωρησας απ αυτων υπεστρεψεν εις ιεροσολυμα

Now Paul and his company set sail from Paphos, and came to Perga in Pamphylia: and John departed from them and returned to Jerusalem.

Koroka, nei utara anak ne Perga shirikush wa Pisidia moshiri ta an Antiok kotan ta araki; awa, shini toho ta uwekari chisei ta ahup wa rok nisa ruwe ne.

Korka, ne utar anakne Perga sirikus wa Pisidia mosir ta an Antiok kotan ta arki; awa, sini toho ta uekari cise ta ahup wa rok nisa ruwe ne.

αυτοι δε διελθοντες απο της περγης παρεγενοντο εις αντιοχειαν την πισιδιαν και ελθοντες εισελθοντες εις την συναγωγην τη ημερα των σαββατων εκαθισαν

But they, passing through from Perga, came to Antioch of Pisidia; and they went into the synagogue on the sabbath day, and sat down.

Orowa, tuitak newa uweingarape oroaoitak okere chiki, uwekari chisei esapane utara anak ne otta teshkara wa ene itak-hi :— Iriwak utara, utara gusu onishnishi itak an chiki, ye wa ikore yan, ari itak.

Orowa, tuytak newa uweinkarape oroaoytak okere ciki, uekari cise esapane utar anakne or ta teskar wa ene itak hi :— Irwak utar, utar kusu onisnisi itak an ciki, ye wa ikore yan, ari itak.

μετα δε την αναγνωσιν του νομου και των προφητων απεστειλαν οι αρχισυναγωγοι προς αυτους λεγοντες ανδρες αδελφοι ει τις εστιν εν υμιν λογος παρακλησεως προς τον λαον λεγετε

And after the reading of the law and the prophets the rulers of the synagogue sent unto them, saying, Brethren, if ye have any word of exhortation for the people, say on.

Orowa, Pauros ash wa kotekeparuparu wa ene itak-hi:— Israeru un utara newa Kamui kooripak utara nu yan.

Orowa, Pawros as wa kotekparparu wa ene itak hi:— Israeru un utar newa Kamuy kooripak utar nu yan.

αναστας δε παυλος και κατασεισας τη χειρι ειπεν ανδρες ισραηλιται και οι φοβουμενοι τον θεον ακουσατε

And Paul stood up, and beckoning with the hand said, Men of Israel, and ye that fear God, hearken.

Tan Israeru un utara koro Kamui anak ne chikoro ekashi numge nisa, aine, Echipt moshiri ta riya rapoketa utara pasere, orowa, ri amunin ani nei moshiri wano tura nisa ruwe ne.

Tan Israeru un utar kor Kamuy anakne ci=kor ekasi numke nisa, ayne, Ecipt mosir ta riya rapoketa utar pasere, orowa, ri amunin ani ne mosir wano tura nisa ruwe ne.

ο θεος του λαου τουτου ισραηλ εξελεξατο τους πατερας ημων και τον λαον υψωσεν εν τη παροικια εν γη αιγυπτου και μετα βραχιονος υψηλου εξηγαγεν αυτους εξ αυτης

The God of this people Israel chose our fathers, and exalted the people when they sojourned in the land of Egypt, and with a high arm led he them forth out of it.

Orowa, tu hotne pa uturuta nei nup otta koshiratki.

Orowa, tu hotne pa utur ta ne nup or ta kosiratki.

και ως τεσσερακονταετη χρονον ετροποφορησεν αυτους εν τη ερημω

And for about the time of forty years suffered he their manners in the wilderness.

Orowa, Kanaan moshiri ta arawan uirup isamka okere chiki, iwan pa ikashima tu hotne pa newa tu shine wan hotne pa uturuta, eikeshkorope ne gusu nei moshiri koropare nisa ruwe ne:

Orowa, Kanaan mosir ta arwan uyrup isamka okere ciki, iwan pa ikasma tu hotne pa newa tu sine wan hotne pa utur ta, eykeskorope ne kusu ne mosir korpare nisa ruwe ne:

και καθελων εθνη επτα εν γη χανααν κατεκληρονομησεν την γην αυτων

And when he had destroyed seven nations in the land of Canaan, he gave [them ]their land for an inheritance, for about four hundred and fifty years:

orowa, tap okaibe okaketa uweingara guru ne Samueru pakno koipishi utara akore.

orowa, tap okaype okake ta ueinkar kur ne Samueru pakno koypisi utar a=kore.

ως ετεσιν τετρακοσιοις και πεντηκοντα και μετα ταυτα εδωκεν κριτας εως σαμουηλ [του] προφητου

and after these things he gave [them ]judges until Samuel the prophet.

Shui, okaketa, nei utara anak ne Moshiri Shikkashima kuni guru koramkoro: aige, Kamui tu hotne pa uturu, Benyamin ikiri ta an guru ne Kish koro poho Sauros koropare nisa.

Suy, okake ta, ne utar anakne Mosir Sikkasima kuni kur koramkor: ayke, Kamuy tu hotne pa uturu, Benyamin ikiri ta an kur ne Kis kor poho Sawros korpare nisa.

κακειθεν ητησαντο βασιλεα και εδωκεν αυτοις ο θεος τον σαουλ υιον κεις κις ανδρα εκ φυλης βενιαμειν βενιαμιν ετη τεσσερακοντα

And afterward they asked for a king: and God gave unto them Saul the son of Kish, a man of the tribe of Benjamin, for the space of forty years.

Orowa, Kamui shinuma oyakta ande chiki, nei utara shikkashima kuni ne Dabid hopunire; shinuma gusu Kamui paweteshu ne yakka ki wa ene itak-hi :— obitta no okai Ku irenga ki, Ku keutum kopakeat guru ne Yessai koro poho Dabid Ku pa nisa, ari itak.

Orowa, Kamuy sinuma oyak ta ante ciki, ne utar sikkasima kuni ne Dabid hopunire; sinuma kusu Kamuy pawetesu ne yakka ki wa ene itak hi :— opittano okay Ku=irenka ki, Ku=kewtum kopakeat kur ne Yessay kor poho Dabid Ku=pa nisa, ari itak.

και μεταστησας αυτον ηγειρεν τον δαυιδ αυτοις εις βασιλεα ω και ειπεν μαρτυρησας ευρον δαυιδ τον του ιεσσαι [ανδρα] ανδρα κατα την καρδιαν μου ος ποιησει παντα τα θεληματα μου

And when he had removed him, he raised up David to be their king; to whom also he bare witness, and said, I have found David the son of Jesse, a man after my heart, who shall do all my will.

Tan guru koro santek otta aeuitaknup an korachi Israeru un utara gusu Kamui anak ne Yesu ari an reihei koro Kashiobiukip sange nisa;

Tan kur kor santek or ta aewitaknup an koraci Israeru un utar kusu Kamuy anakne Yesu ari an rehe kor Kashiobiukip sanke nisa;

τουτου ο θεος απο του σπερματος κατ επαγγελιαν ηγαγεν τω ισραηλ σωτηρα ιησουν

Of this man’s seed hath God according to promise brought unto Israel a Saviour, Jesus;

hoshiki no Shinuma ek etokota Yoannes anak ne obitta no okai Israeru un utara otta yaikokatpak kuni baptisma eupaskuma nisa ruwe ne.

hoskino Sinuma ek etoko ta Yoannes anakne opittano okay Israeru un utar or ta yaykokatpak kuni paptisma ewpaskuma nisa ruwe ne.

προκηρυξαντος ιωαννου προ προσωπου της εισοδου αυτου βαπτισμα μετανοιας παντι τω λαω ισραηλ

when John had first preached before his coming the baptism of repentance to all the people of Israel.

Orowa, Yoannes anak yaikota ki kuni ambe ki rapoketa, ene itak-hi :— Hunna ku ne ya ari echi yainu ya? Kuani anak Shinuma shomo ku ne. Koroka, ingarʼan, en osh ek guru an, Shinuma koro chikiri eush keire pita kuni katap ku eoripak an na, ari itak.

Orowa, Yoannes anak yaykota ki kuni anpe ki rapoketa, ene itak hi :— Hunna ku ne ya ari eci=yaynu ya? Kuani anak Sinuma somo ku ne. Korka, inkar=an, en=os ek kur an, Sinuma kor cikiri eus ker pita kuni katap ku=eoripak an na, ari itak.

ως δε επληρου ιωαννης τον δρομον ελεγεν τι εμε υπονοειτε ειναι ουκ ειμι εγω αλλ ιδου ερχεται μετ εμε ου ουκ ειμι αξιος το υποδημα των ποδων λυσαι

And as John was fulfilling his course, he said, What suppose ye that I am? I am not [he]. But behold, there cometh one after me, the shoes of whose feet I am not worthy to unloose.

Iriwak utara, Abraham sanike utara, samata, echi tumugeta Kamui koishitoma utara, tan kashiobiuki gusu an itak anak ne un otta asange wa an ruwe ne.

Irwak utar, Abraham sanike utar, sama ta, eci=tumke ta Kamuy koysitoma utar, tan kasiopiwki kusu an itak anakne un or ta a=sanke wa an ruwe ne.

ανδρες αδελφοι υιοι γενους αβρααμ και οι εν υμιν φοβουμενοι τον θεον ημιν ο λογος της σωτηριας ταυτης εξαπεσταλη

Brethren, children of the stock of Abraham, and those among you that fear God, to us is the word of this salvation sent forth.

Inambe gusu ne yakun, Yerusarem un utara newa koro sapane utara anak ne Shinuma hemhem, Kamui to kesto range aoro-oitak wa an uweingara utara koro hau hemhem, erampeutek wa Shinuma koipishi hine katpakte gusu nei ambe uweomare nisa ruwe ne.

Inanpe kusu ne yakun, Yerusarem un utar newa kor sapane utar anakne Sinuma hemhem, Kamuy to kesto ranke a=or-oytak wa an ueinkar utar kor haw hemhem, eranpewtek wa Sinuma koypisi hine katpakte kusu ne anpe ueomare nisa ruwe ne.

οι γαρ κατοικουντες εν ιερουσαλημ και οι αρχοντες αυτων τουτον αγνοησαντες και τας φωνας των προφητων τας κατα παν σαββατον αναγινωσκομενας κριναντες επληρωσαν

For they that dwell in Jerusalem, and their rulers, because they knew him not, nor the voices of the prophets which are read every sabbath, fulfilled [them ]by condemning [him].

Orowa, raige kuni ikkewehe anukara shomoki yakka nei utara anak ne Shinuma araige kuni gusu Pirato otta koramkon nisa ruwe ne.

Orowa, rayke kuni ikkewehe a=nukar somo ki yakka ne utar anakne Sinuma arayke kuni kusu Pirato or ta koramkor nisa ruwe ne.

και μηδεμιαν αιτιαν θανατου ευροντες ητησαντο πιλατον αναιρεθηναι αυτον

And though they found no cause of death [in him], yet asked they of Pilate that he should be slain.

Orosama, Shinuma gusu chieshinnuye we an obitta no okaibe uweomare chiki, nei chikuni orowa no Shinuma range hine iyurui otta ande nisa ruwe ne.

Orosama, Sinuma kusu ciesinnuye we an opittano okaype ueomare ciki, ne cikuni oro wano Sinuma ranke hine iyuruy or ta ante nisa ruwe ne.

ως δε ετελεσαν παντα τα περι αυτου γεγραμμενα καθελοντες απο του ξυλου εθηκαν εις μνημειον

And when they had fulfilled all things that were written of him, they took him down from the tree, and laid him in a tomb.

Koroka, Kamui anak ne rai-i orowa no Shinuma hetopo-shiknure:

Korka, Kamuy anakne ray hi oro wano Sinuma hetopo-siknure:

ο δε θεος ηγειρεν αυτον εκ νεκρων

But God raised him from the dead:

orowa, Gariraya orowa no Yerusarem pakno Shinuma tura no araki utara otta inne tobo uturuta anukara, tane nei utara anak ne Shinuma gusu utara otta paweteshu ki utara ne ruwe ne.

orowa, Gariraya oro wano Yerusarem pakno Sinuma turano arki utar or ta inne topo utur ta a=nukar, tane ne utar anakne Sinuma kusu utar or ta pawetesu ki utar ne ruwe ne.

ος ωφθη επι ημερας πλειους τοις συναναβασιν αυτω απο της γαλιλαιας εις ιερουσαλημ οιτινες [νυν] εισιν μαρτυρες αυτου προς τον λαον

and he was seen for many days of them that came up with him from Galilee to Jerusalem, who are now his witnesses unto the people.

Orowa, Kamui anak ne Yesu hetopo-shiknure gusu ekashi otta aki eitakamkire ambe chikoro po utara gusu Shinuma uweomare ruwe ne, sekorʼan pirika shongo echi nure ash na;

Orowa, Kamuy anakne Yesu hetopo-siknure kusu ekasi or ta aki eytakamkire anpe ci=kor po utar kusu Sinuma ueomare ruwe ne, sekor an pirka sonko eci=nure as na;

και ημεις υμας ευαγγελιζομεθα την προς τους πατερας επαγγελιαν γενομενην (13:33) οτι ταυτην ο θεος εκπεπληρωκεν τοις τεκνοις ημων [αυτων] ημιν αναστησας ιησουν

And we bring you good tidings of the promise made unto the fathers,

nei ambe anak tu ikinne no an iyohaiochish otta ka chieshinnuye wa an korachi ne :— Aokai anak ne Ku Poho E ne ruwe ne, tanto E hetukure ash na.

ne anpe anak tu ikinne no an iyohayocis or ta ka ciesinnuye wa an koraci ne :— Aokay anakne Ku Poho E ne ruwe ne, tanto E hetukure as na.

ως και εν τω ψαλμω γεγραπται τω δευτερω υιος μου ει συ εγω σημερον γεγεννηκα σε

how that God hath fulfilled the same unto our children, in that he raised up Jesus; as also it is written in the second psalm, Thou art my Son, this day have I begotten thee.

Orowa, tewa no poka, shui, muninbe otta shomo hoshipi kuni ne, Kamui rai-i orowa no Shinuma hetopo shiknure gusu tap korachi ye :— Kuani anak ne Dabid koro Ashkanne son no an ap E kore ash na, ari itak.

Orowa, tewano poka, suy, muninpe or ta somo hosipi kuni ne, Kamuy ray hi oro wano Sinuma hetopo siknure kusu tap koraci ye :— Kuani anakne Dabid kor Askanne sonno an ap E kore as na, ari itak.

οτι δε ανεστησεν αυτον εκ νεκρων μηκετι μελλοντα υποστρεφειν εις διαφθοραν ουτως ειρηκεν οτι δωσω υμιν τα οσια δαυιδ τα πιστα

And as concerning that he raised him up from the dead, now no more to return to corruption, he hath spoken on this wise, I will give you the holy and sure [blessings ]of David.

Inambe gusu ne yakun, moshima an ushiketa ka :— E koro Ashkannep munin kuni shomo E kore kusu ne, ani an itak ani ye ruwe ne gusu ne na.

Inanpe kusu ne yakun, mosma an uske ta ka :— E=kor Askannep munin kuni somo E kore kusu ne, ani an itak ani ye ruwe ne kusu ne na.

διοτι και εν ετερω λεγει ου δωσεις τον οσιον σου ιδειν διαφθοραν

Because he saith also in another [psalm], Thou wilt not give thy Holy One to see corruption.

Dabid anak ne Kamui sanniyo an korachi koro ainu ikiri otta yaishieiwangere okere okaketa, mokonnoye wa koro ekashi tura aande, orowa, muninbe nukan nisa ruwe ne:

Dabid anakne Kamuy sanniyo an koraci kor aynu ikiri or ta yaysieywankere okere okake ta, mokonnoye wa kor ekasi tura a=ante, orowa, muninpe nukar nisa ruwe ne:

δαυιδ μεν γαρ ιδια γενεα υπηρετησας τη του θεου βουλη εκοιμηθη και προσετεθη προς τους πατερας αυτου και ειδεν διαφθοραν

For David, after he had in his own generation served the counsel of God, fell on sleep, and was laid unto his fathers, and saw corruption:

koroka, Kamui hetopo shiknure guru anak ne muninbe shomo nukan nisa.

korka, Kamuy hetopo siknure kur anakne muninpe somo nukar nisa.

ον δε ο θεος ηγειρεν ουκ ειδεν διαφθοραν

but he whom God raised up saw no corruption.

Tambe gusu, iriwak utara, tambe onnere yan, tan guru gusu echi otta katpak tusare ambe eupaskuma aki ruwe ne: samata,

Tanpe kusu, irwak utar, tanpe onnere yan, tan kur kusu eci or ta katpak tusare anpe ewpaskuma aki ruwe ne: sama ta,

γνωστον ουν εστω υμιν ανδρες αδελφοι οτι δια τουτου υμιν αφεσις αμαρτιων καταγγελλεται

Be it known unto you therefore, brethren, that through this man is proclaimed unto you remission of sins:

Mose sange tuitak ani echi utara aoupekare eaikap obitta no okaibe gusu nen ne yakka eishokoro ki guru anak ne Shinuma ani aoupekare ruwe ne.

Mose sanke tuytak ani eci utar a=owpekare eaykap opittano okaype kusu nen ne yakka eysokor ki kur anakne Sinuma ani a=owpekare ruwe ne.

και [και] απο παντων ων ουκ ηδυνηθητε εν νομω μωυσεως δικαιωθηναι (13:39) εν τουτω πας ο πιστευων δικαιουται

and by him every one that believeth is justified from all things, from which ye could not be justified by the law of Moses.

Tambe gusu, uweingara oina kambi kata anuye wa an ap ikineipeka echi otta ika ek kuni ne yaitubare yan :—

Tanpe kusu, ueinkar oyna kampi kata a=nuye wa an ap ikineypeka eci or ta ika ek kuni ne yaytupare yan :—

βλεπετε ουν μη επελθη το ειρημενον εν τοις προφηταις

Beware therefore, lest that come upon [you], which is spoken in the prophets;

Etunne ki utara; ingara hine iyokunnure wa isam yan; Inambe gusu ne yakun, echi okai toho ta shine ikip Ku ki, Nei iki ikip nen ka echi otta nure yakka, oara echi eishokoro shomoki kusu ne na.

Etunne ki utar; inkar hine iyokunnure wa isam yan; Inanpe kusu ne yakun, eci=okay toho ta sine iki p Ku=ki, Ne iki iki p nen ka eci or ta nure yakka, oar eci=eysokor somo ki kusu ne na.

ιδετε οι καταφρονηται και θαυμασατε και αφανισθητε οτι εργον εργαζομαι εγω εν ταις ημεραις υμων εργον ο ου μη πιστευσητε εαν τις εκδιηγηται υμιν

Behold, ye despisers, and wonder, and perish; For I work a work in your days, A work which ye shall in no wise believe, if one declare it unto you.

Orowa, nei utara soyumba chiki, nei okake an shini toho ta nei itak aye kuni koramkon nisa.

Orowa, ne utar soyunpa ciki, ne okake an sini toho ta ne itak a=ye kuni koramkor nisa.

εξιοντων δε αυτων παρεκαλουν εις το μεταξυ σαββατον λαληθηναι αυτοις τα ρηματα ταυτα

And as they went out, they besought that these words might be spoken to them the next sabbath.

Aige, uwekarapa utara paye wa isam chiki inne no okai Yudea un utara newa Yudea un utara koro epakashi eishokoro Kamui kooripak utara anak ne Pauros newa Barnabas oshi araki: awa, nei utara ramma Kamui irenga ta okai kuni onishnishi wa ye nisa ruwe ne na.

Ayke, uekarpa utar paye wa isam ciki inne no okay Yudea un utar newa Yudea un utar kor epakasi eysokor Kamuy kooripak utar anakne Pawros newa Barnabas osi arki: awa, ne utar ramma Kamuy irenka ta okay kuni onisnisi wa ye nisa ruwe ne na.

λυθεισης δε της συναγωγης ηκολουθησαν πολλοι των ιουδαιων και των σεβομενων προσηλυτων τω παυλω και τω βαρναβα οιτινες προσλαλουντες αυτοις επειθον αυτους προσμενειν τη χαριτι του θεου

Now when the synagogue broke up, many of the Jews and of the devout proselytes followed Paul and Barnabas: who, speaking to them, urged them to continue in the grace of God.

Orowa, nei okake an shine toho ta naanibungo machiya un utara obitta Kamui itak nu kuni gusu uwekarapa nisa.

Orowa, ne okake an sine toho ta naanipunko maciya un utar opitta Kamuy itak nu kuni kusu uekarpa nisa.

τω δε ερχομενω σαββατω σχεδον πασα η πολις συνηχθη ακουσαι τον λογον του θεου κυριου

And the next sabbath almost the whole city was gathered together to hear the word of God.

Koroka, Yudea un utara anak ne nei poro topaha nukara chiki, ikoitupa aeshik wa Pauros ye orushpe eutastasa hine koatcha nisa ruwe ne.

Korka, Yudea un utar anakne ne poro topaha nukar ciki, ikoytupa a=esik wa Pawros ye oruspe ewtastasa hine koatca nisa ruwe ne.

ιδοντες δε οι ιουδαιοι τους οχλους επλησθησαν ζηλου και αντελεγον τοις υπο παυλου λαλουμενοις βλασφημουντες

But when the Jews saw the multitudes, they were filled with jealousy, and contradicted the things which were spoken by Paul, and blasphemed.

Orowa, Pauros newa Barnabas anak ne rametokkon no ye wa ene itak-hi :— Iyotta hoshiki no Kamui itak echi orun anure kuni ambe anak aki kunip ne. Aige, echi utara anak ne nei ambe emaka wa otusashuishiri pakno an inotu uk kuni utara shomo echi ne sekoro esanniyo gusu, ingarʼan, Oya uirup orun chi paye ash na.

Orowa, Pawros newa Barnabas anakne rametokkor no ye wa ene itak hi :— Iyotta hoskino Kamuy itak eci=orun a=nure kuni anpe anak aki kunip ne. Ayke, eci utar anakne ne anpe emaka wa otu sasuysir pakno an inotu uk kuni utar somo eci ne sekor esanniyo kusu, inkar=an, Oya uyrup orun ci paye as na.

παρρησιασαμενοι τε ο παυλος και ο βαρναβας ειπαν υμιν ην αναγκαιον πρωτον λαληθηναι τον λογον του θεου επειδη απωθεισθε αυτον και ουκ αξιους κρινετε εαυτους της αιωνιου ζωης ιδου στρεφομεθα εις τα εθνη

And Paul and Barnabas spake out boldly, and said, It was necessary that the word of God should first be spoken to you. Seeing ye thrust it from you, and judge yourselves unworthy of eternal life, lo, we turn to the Gentiles.

Inambe gusu ne yakun, Utarapa un kashpaotte wa ene itak-hi :— Oya uirup pekereka gusu Kuani e ashte ash, Moshiri-gesh pakno moshiri-pa pakno kashiobiuki ambe e ki kuni gusu ne na, ari itak.

Inanpe kusu ne yakun, Utarpa un kaspaotte wa ene itak hi :— Oya uyrup pekereka kusu Kuani e aste as, Mosir-kes pakno mosir-pa pakno kasiopiwki anpe e ki kuni kusu ne na, ari itak.

ουτως γαρ εντεταλται ημιν ο κυριος τεθεικα σε εις φως εθνων του ειναι σε εις σωτηριαν εως εσχατου της γης

For so hath the Lord commanded us, [saying], I have set thee for a light of the Gentiles, That thou shouldest be for salvation unto the uttermost part of the earth.

Orowa, Oya uirup tap ambe inu chiki, yaikopuntek, aige, Kamui itak pasere: orowa, otusashuishiri pakno an inotu gusu aatte utara anak ne eishokon nisa ruwe ne.

Orowa, Oya uyrup tapanpe inu ciki, yaykopuntek, ayke, Kamuy itak pasere: orowa, otu sasuysir pakno an inotu kusu aatte utar anakne eysokor nisa ruwe ne.

ακουοντα δε τα εθνη εχαιρον και εδοξαζον τον λογον του θεου κυριου και επιστευσαν οσοι ησαν τεταγμενοι εις ζωην αιωνιον

And as the Gentiles heard this, they were glad, and glorified the word of God: and as many as were ordained to eternal life believed.

Orowa, Utarapa itak anak ne obitta nei kotan shikapneka no shipiraspa nisa ruwe ne.

Orowa, Utarpa itak anakne opitta ne kotan sikapneka no sipiraspa nisa ruwe ne.

διεφερετο δε ο λογος του κυριου δι ολης της χωρας

And the word of the Lord was spread abroad throughout all the region.

Koroka, Yudea un utara anak ne nei machiya ta okai aoripak an aainukoro shiwentep utara newa esapane okkai utara onishnishi wa Pauros newa Barnabas nei kotan okeuba kuni epokbare nisa ruwe ne.

Korka, Yudea un utar anakne ne maciya ta okay a=oripak an aynukor siwentep utar newa esapane okkay utar onisnisi wa Pawros newa Barnabas ne kotan okewpa kuni epokpare nisa ruwe ne.

οι δε ιουδαιοι παρωτρυναν τας σεβομενας γυναικας τας ευσχημονας και τους πρωτους της πολεως και επηγειραν διωγμον επι τον παυλον και βαρναβαν και εξεβαλον αυτους απο των οριων αυτων

But the Jews urged on the devout women of honourable estate, and the chief men of the city, and stirred up a persecution against Paul and Barnabas, and cast them out of their borders.

Koroka, nei utara anak ne machiya un utara epeka chikiri ush koponchi tuituye wa, Ikoniom kotan ta araki.

Korka, ne utar anakne maciya un utar epeka cikiri us koponci tuytuye wa, Ikoniom kotan ta arki.

οι δε εκτιναξαμενοι τον κονιορτον των ποδων επ αυτους ηλθον εις ικονιον

But they shook off the dust of their feet against them, and came unto Iconium.

Orowa, koikara utara anak ne nupetne ambe newa Ashkanne Ramat ani aeshik nisa ruwe ne na.

Orowa, koykar utar anakne nupetne anpe newa Askanne Ramat ani a=esik nisa ruwe ne na.

οι τε μαθηται επληρουντο χαρας και πνευματος αγιου

And the disciples were filled with joy and with the Holy Ghost.