8 Ik. leaf 343

Orowa, Sauros anak ne shinuma araige kuni-hi ramuoshma wa an ruwe ne. Orowa, nei toho ta Yerusarem kotan ta an karisia epeka yupke epokba arabe hopuni; awa, apostoro utara shomo ne wa okai utara anak obitta Yudea kotan shikapneka no shitchari nisa ruwe ne.

Orowa, Sawros anakne sinuma arayke kuni hi ramuosma wa an ruwe ne. Orowa, ne toho ta Yerusarem kotan ta an karisia epeka yupke epokpa a=rap hopuni; awa, apostoro utar somo ne wa okay utar anak opitta Yudea kotan sikapneka no sitcari nisa ruwe ne.

σαυλος δε ην συνευδοκων τη αναιρεσει αυτου εγενετο δε εν εκεινη τη ημερα διωγμος μεγας επι την εκκλησιαν την εν ιεροσολυμοις παντες [δε] δε διεσπαρησαν κατα τας χωρας της ιουδαιας και σαμαριας σαμαρειας πλην των αποστολων

And Saul was consenting unto his death. And there arose on that day a great persecution against the church which was in Jerusalem; and they were all scattered abroad throughout the regions of Judaea and Samaria, except the apostles.

Aige, aainukoro utara anak ne Stepanos iyurui orota omare, orowa, shinuma gusu poron no raichishkan nisa ruwe ne.

Ayke, aynukor utar anakne Stepanos iyuruy oro ta omare, orowa, sinuma kusu poronno rayciskar nisa ruwe ne.

συνεκομισαν δε τον στεφανον ανδρες ευλαβεις και εποιησαν κοπετον μεγαν επ αυτω

And devout men buried Stephen, and made great lamentation over him.

Koroka, Pauros anak ne karisia kowende, aige, chisei pishno orun ahun wa okkai ainu ne yakka matne ainu ne yakka nimba hine upakashnu chisei ta ahunde nisa ruwe ne.

Korka, Pawros anakne karisia kowente, ayke, cise pisno orun ahun wa okkay aynu ne yakka matne aynu ne yakka ninpa hine upakasnu cise ta ahunte nisa ruwe ne.

σαυλος δε ελυμαινετο την εκκλησιαν κατα τους οικους εισπορευομενος συρων τε ανδρας και γυναικας παρεδιδου εις φυλακην

But Saul laid waste the church, entering into every house, and haling men and women committed them to prison.

Tambe gusu, shitchari wa okai utara anak ne payekai wa itak eupaskuma nisa ruwe ne. Orowa,

Tanpe kusu, sitcari wa okay utar anakne payekay wa itak ewpaskuma nisa ruwe ne. Orowa,

οι μεν ουν διασπαρεντες διηλθον ευαγγελιζομενοι τον λογον

They therefore that were scattered abroad went about preaching the word.

Piripos anak ne Samaria machiya ta san wa orota Kiristo eupaskuma.

Piripos anakne Samaria maciya ta san wa oro ta Kiristo ewpaskuma.

φιλιππος δε κατελθων εις την [την] πολιν της σαμαριας σαμαρειας εκηρυσσεν αυτοις τον χριστον

And Philip went down to the city of Samaria, and proclaimed unto them the Christ.

Aige, topaha utara inu wa aki shirosh nukara chiki, shine ikinne Piripos ye orushpe orun ikokanu nisa ruwe ne.

Ayke, topaha utar inu wa aki siros nukar ciki, sine ikinne Piripos ye oruspe orun ikokanu nisa ruwe ne.

προσειχον δε οι οχλοι τοις λεγομενοις υπο του φιλιππου ομοθυμαδον εν τω ακουειν αυτους και βλεπειν τα σημεια α εποιει

And the multitudes gave heed with one accord unto the things that were spoken by Philip, when they heard, and saw the signs which he did.

Inambe gusu ne yakun, rui hawe ani hawe ash ichakkere ramat inne utara orowa no oaship: orowa, tusushke tashum eshiyeyeba utara hene, hera utara hene, inne no aiwangere nisa ruwe ne.

Inanpe kusu ne yakun, ruy hawe ani hawe as icakkere ramat inne utar oro wano oasi p: orowa, tususke tasum esiyeyepa utar hene, her utar hene, inne no aywankere nisa ruwe ne.

πολλοι γαρ των εχοντων πνευματα ακαθαρτα βοωντα φωνη μεγαλη εξηρχοντο πολλοι δε παραλελυμενοι και χωλοι εθεραπευθησαν

For [from ]many of those which had unclean spirits, they came out, crying with a loud voice: and many that were palsied, and that were lame, were healed.

Awa, nei machiya ta poro yaikopuntek-hi an ruwe ne na.

Awa, ne maciya ta poro yaykopuntek hi an ruwe ne na.

εγενετο δε πολλη χαρα εν τη πολει εκεινη

And there was much joy in that city.

Koroka, Simon ari an reihei koro shine ainu an, shinuma anak ne teeda nei machiya ta pon-itak ki wa Samaria un uirup eoyamoktere, aige, yaikota anak nenka pase gun ne sekoro ye ruwe ne:

Korka, Simon ari an rehe kor sine aynu an, sinuma anakne teeta ne maciya ta pon-itak ki wa Samaria un uyrup eoyamoktere, ayke, yaykota anak nen ka pase kunne sekor ye ruwe ne:

ανηρ δε τις ονοματι σιμων προυπηρχεν εν τη πολει μαγευων και εξιστανων το εθνος της σαμαριας σαμαρειας λεγων ειναι τινα εαυτον μεγαν

But there was a certain man, Simon by name, which beforetime in the city used sorcery, and amazed the people of Samaria, giving out that himself was some great one:

utara obitta pon guru wano poro guru pakno shinuma orun ikokanu wa ene itak-hi :— Tan ainu anak ne Pase ari aye Kamui koro kirorope ne ruwe ne, ani itak.

utar opitta pon kur wano poro kur pakno sinuma orun ikokanu wa ene itak hi :— Tan aynu anakne Pase ari a=ye Kamuy kor kirorope ne ruwe ne, ani itak.

ω προσειχον παντες απο μικρου εως μεγαλου λεγοντες ουτος εστιν η δυναμις του θεου η καλουμενη μεγαλη

to whom they all gave heed, from the least to the greatest, saying, This man is that power of God which is called Great.

Orowa, shinuma ohon no uturuta koro pon-itak ani utara eoyamoktere gusu orun ikokanu nisa ruwe ne.

Orowa, sinuma ohor no utur ta kor pon-itak ani utar eoyamoktere kusu orun ikokanu nisa ruwe ne.

προσειχον δε αυτω δια το ικανω χρονω ταις μαγειαις εξεστακεναι αυτους

And they gave heed to him, because that of long time he had amazed them with his sorceries.

Koroka, nei utara anak ne Piripos eupaskuma Kamui moshiri gusu an pirika shongo hera hem, Yesu Kiristo kon reihei hemhem eishokoro chiki, ainu ne yakka shiwentep ne yakka baptisma akore nisa.

Korka, ne utar anakne Piripos ewpaskuma Kamuy mosir kusu an pirka sonko her hem, Yesu Kiristo kor rehe hemhem eysokor ciki, aynu ne yakka siwentep ne yakka paptisma a=kore nisa.

οτε δε επιστευσαν τω φιλιππω ευαγγελιζομενω περι της βασιλειας του θεου και του ονοματος ιησου χριστου εβαπτιζοντο ανδρες τε και γυναικες

But when they believed Philip preaching good tidings concerning the kingdom of God and the name of Jesus Christ, they were baptized, both men and women.

Orowa, Simon yaikota ne yakka eishokoro: aige, baptisma akore chiki, ramma-kane Piripos tura no an; orowa, shirosh newa poro kirorope aki-hi nukara hine eoyamokte nisa ruwe ne na.

Orowa, Simon yaykota ne yakka eysokor: ayke, paptisma a=kore ciki, ramma-kane Piripos turano an; orowa, siros newa poro kirorope akihi nukar hine e=oyamokte nisa ruwe ne na.

ο δε σιμων και αυτος επιστευσεν και βαπτισθεις ην προσκαρτερων τω φιλιππω θεωρων τε σημεια και δυναμεις μεγαλας γινομενας εξιστατο

And Simon also himself believed: and being baptized, he continued with Philip; and beholding signs and great miracles wrought, he was amazed.

Orowa, Yerusarem kotan ta okai Apostoro utara anak ne Samaria kotan Kamui itak akore ruwe ne sekorʼan orushpe nu chiki, orota Petros newa Yoannes payere nisa ruwe ne:

Orowa, Yerusarem kotan ta okay Apostoro utar anakne Samaria kotan Kamuy itak a=kore ruwe ne sekor an oruspe nu ciki, oro ta Petros newa Yoannes payere nisa ruwe ne:

ακουσαντες δε οι εν ιεροσολυμοις αποστολοι οτι δεδεκται η σαμαρια σαμαρεια τον λογον του θεου απεστειλαν προς αυτους πετρον και ιωαννην

Now when the apostles which were at Jerusalem heard that Samaria had received the word of God, they sent unto them Peter and John:

awa, shinuma utara sap okere yakun, Ashkanne Ramat akoropare kuni gusu inonno-itak ki nisa:

awa, sinuma utar sap okere yakun, Askanne Ramat a=korpare kuni kusu inonno-itak ki nisa:

οιτινες καταβαντες προσηυξαντο περι αυτων οπως λαβωσιν πνευμα αγιον

who, when they were come down, prayed for them, that they might receive the Holy Ghost:

inambe gusu ne yakun, nei utara kata Ashkanne Ramat naa shomo ran: ouse Utarapa ne Yesu reihei otta baptisma akore na.

inanpe kusu ne yakun, ne utar kata Askanne Ramat naa somo ran: owse Utarpa ne Yesu rehe or ta paptisma a=kore na.

ουδεπω γαρ ην επ ουδενι αυτων επιπεπτωκος μονον δε βεβαπτισμενοι υπηρχον εις το ονομα του κυριου ιησου

for as yet he was fallen upon none of them: only they had been baptized into the name of the Lord Jesus.

Orowa no, nei utara kata teke ande, aige, Ashkanne Ramat akore nisa ruwe ne na.

Orowano, ne utar kata teke ante, ayke, Askanne Ramat a=kore nisa ruwe ne na.

τοτε επετιθεσαν τας χειρας επ αυτους και ελαμβανον πνευμα αγιον

Then laid they their hands on them, and they received the Holy Ghost.

Orowa, Apostoro tekehe aande gusu Ashkanne Ramat akore ruwe ne sekoro Simon nukara chiki, ichen kore kuni ki wa ene itak-hi :—

Orowa, Apostoro tekehe a=ante kusu Askanne Ramat a=kore ruwe ne sekor Simon nukar ciki, icen kore kuni ki wa ene itak hi :—

ιδων δε ο σιμων οτι δια της επιθεσεως των χειρων των αποστολων διδοται το πνευμα προσηνεγκεν αυτοις χρηματα

Now when Simon saw that through the laying on of the apostles’ hands the Holy Ghost was given, he offered them money,

Nen nen ne yakka kata teke ku ande chiki, Ashkanne Ramat akore kuni ne en orun ne yakka tap an kiroro en kore, ari itak.

Nen nen ne yakka kata teke ku=ante ciki, Askanne Ramat a=kore kuni ne en=orun ne yakka tapan kiroro en=kore, ari itak.

λεγων δοτε καμοι την εξουσιαν ταυτην ινα ω εαν επιθω τας χειρας λαμβανη πνευμα αγιον

saying, Give me also this power, that on whomsoever I lay my hands, he may receive the Holy Ghost.

Koroka, shinuma orota Petros ene itak-hi :— E koro shirokani eani tura no munin na, eani anak ne ichen ari Kamui korarape hok eashkai ani an arabe ani e yainu nisa ruwe ne gusu ne na.

Korka, sinuma oro ta Petros ene itak hi :— E=kor sirokani eani turano munin na, eani anakne icen ari Kamuy korarape hok easkay ani an a=rap ani e yaynu nisa ruwe ne kusu ne na.

πετρος δε ειπεν προς αυτον το αργυριον σου συν σοι ειη εις απωλειαν οτι την δωρεαν του θεου ενομισας δια χρηματων κτασθαι

But Peter said unto him, Thy silver perish with thee, because thou hast thought to obtain the gift of God with money.

Tan orushpe gusu eani anak ne irenga newa moni isam, e koro sambe Kamui tek-samata oupeka shomo ne ruwe ne gusu ne na.

Tan oruspe kusu eani anakne irenka newa moni isam, e=kor sanpe Kamuy tek-sama ta owpeka somo ne ruwe ne kusu ne na.

ουκ εστιν σοι μερις ουδε κληρος εν τω λογω τουτω η γαρ καρδια σου ουκ εστιν ευθεια εναντι του θεου

Thou hast neither part nor lot in this matter: for thy heart is not right before God.

Tambe gusu, tan e ki wenburi gusu yaikokatpak yan, orowa, Utarapa orun koramkoro, yak anak ne e keutum ta e esanniyo yainu-hi atusare kusu ne nangon na.

Tanpe kusu, tane ki wenpuri kusu yaykokatpak yan, orowa, Utarpa orun koramkor, yakanak ne e kewtum ta e esanniyo yaynu hi atusare kusu ne nankor na.

μετανοησον ουν απο της κακιας σου ταυτης και δεηθητι του κυριου ει αρα αφεθησεται σοι η επινοια της καρδιας σου

Repent therefore of this thy wickedness, and pray the Lord, if perhaps the thought of thy heart shall be forgiven thee.

Eani anak ne shiunin ninge ta an, wenbe ani atupetupe wa an ari an ambe ku nukara, ari itak.

Eani anakne siwnin ninke ta an, wenpe ani a=tupetupe wa an ari an anpe ku=nukar, ari itak.

εις γαρ χολην πικριας και συνδεσμον αδικιας ορω σε οντα

For I see that thou art in the gall of bitterness and in the bond of iniquity.

Orowa, Simon ese wa ene itak-hi :— Ika tan e ye okaibe en gusu ek kuni en gusu Utarapa koramkoro wa en kore, sekoro itak.

Orowa, Simon ese wa ene itak hi :— Ika tane ye okaype en kusu ek kuni en kusu Utarpa koramkor wa en=kore, sekor itak.

αποκριθεις δε ο σιμων ειπεν δεηθητε υμεις υπερ εμου προς τον κυριον οπως μηδεν επελθη επ εμε ων ειρηκατε

And Simon answered and said, Pray ye for me to the Lord, that none of the things which ye have spoken come upon me.

Tambe gusu, nei utara anak ne paweteshu ki wa Utarapa itak ye okere chiki, Yerusarem otta hekomba, aige, Samaria un utara koro inne okai kotan ta pirika shongo eupaskuma nisa ruwe ne.

Tanpe kusu, ne utar anakne pawetesu ki wa Utarpa itak ye okere ciki, Yerusarem or ta hekompa, ayke, Samaria un utar kor inne okay kotan ta pirka sonko ewpaskuma nisa ruwe ne.

οι μεν ουν διαμαρτυραμενοι και λαλησαντες τον λογον του κυριου υπεστρεφον εις ιεροσολυμα πολλας τε κωμας των σαμαρειτων σαμαριτων ευηγγελιζοντο

They therefore, when they had testified and spoken the word of the Lord, returned to Jerusalem, and preached the gospel to many villages of the Samaritans.

Koroka, Utarapa koro hauturumbe Piripos otta itak wa ene hawe oka-hi :— Hopuni wa to noshike ta Yerusarem wano Gaza orun paye an pikata peka orun oman, nei ushike anak nup ne.

Korka, Utarpa kor hawturunpe Piripos or ta itak wa ene haweoka hi :— Hopuni wa to noske ta Yerusarem wano Gaza orun paye an pikata peka orun oman, ne usike anak nup ne.

αγγελος δε κυριου ελαλησεν προς φιλιππον λεγων αναστηθι και πορευου κατα μεσημβριαν επι την οδον την καταβαινουσαν απο ιερουσαλημ εις γαζαν αυτη εστιν ερημος

But an angel of the Lord spake unto Philip, saying, Arise, and go toward the south unto the way that goeth down from Jerusalem unto Gaza: the same is desert.

Orowa, shinuma hopuni wa oman: aige, ingarʼan, Etiopia un utara esapane Kandake ani an reihei koro shiwentep pokta poro mondum akore Etiopia un shine ainu ne Eunokos an, nei ainu anak ne nei shiwentep koro ikoro obitta esapane guru ne, awa, shinuma ongami gusu Yerusarem otta ek nisa ruwe ne;

Orowa, sinuma hopuni wa oman: ayke, inkar=an, Etiopia un utar esapane Kandake ani an rehe kor siwentep pok ta poro montum a=kore Etiopia un sine aynu ne Eunokos an, ne aynu anakne ne siwentep kor i=kor opitta esapane kur ne, awa, sinuma onkami kusu Yerusarem or ta ek nisa ruwe ne;

και αναστας επορευθη και ιδου ανηρ αιθιοψ ευνουχος δυναστης κανδακης βασιλισσης αιθιοπων ος ην επι πασης της γαζης αυτης [ος] ος εληλυθει προσκυνησων εις ιερουσαλημ

And he arose and went: and behold, a man of Ethiopia, a eunuch of great authority under Candace, queen of the Ethiopians, who was over all her treasure, who had come to Jerusalem for to worship;

aige, nei guru anak ne koro nishinda otta a wa an wa hoshipi ita, Isaya uweingarape orooitak korʼan nisa ruwe ne.

ayke, ne kur anakne kor nisinta or ta a wa an wa hosipi hi ta, Isaya uweinkarape oroytak kor an nisa ruwe ne.

ην δε τε υποστρεφων και καθημενος επι του αρματος αυτου και ανεγινωσκεν τον προφητην ησαιαν

and he was returning and sitting in his chariot, and was reading the prophet Isaiah.

Orowa, Ramat anak ne Piripos otta-karange no arapa wa tan nishinda orun yaitura yan — ari itak.

Orowa, Ramat anakne Piripos or ta-karankeno arpa wa tan nisinta orun yaytura yan — ari itak.

ειπεν δε το πνευμα τω φιλιππω προσελθε και κολληθητι τω αρματι τουτω

And the Spirit said unto Philip, Go near, and join thyself to this chariot.

Orowa, Piripos hoyupu hine nei guru Isaya uweingarape orooitak shiri nu, aige, otta ene itak-hi :— Eshinuma ka e orooitak ambe eraman ruwe he an? ari itak.

Orowa, Piripos hoyupu hine ne kur Isaya uweinkarape oroytak siri nu, ayke, or ta ene itak hi :— Esinuma ka e oroytak anpe eraman ruwe he an? ari itak.

προσδραμων δε ο φιλιππος ηκουσεν αυτου αναγινωσκοντος ησαιαν τον προφητην και ειπεν αρα γε γινωσκεις α αναγινωσκεις

And Philip ran to him, and heard him reading Isaiah the prophet, and said, Understandest thou what thou readest?

Orota shinuma ene itak-hi :— En epakashnu guru isam chiki, nekon a ku eraman eashkai ya? ari itak. Orowa, Piripos nei nishinda o wa tura no rok kuni akoramkon nisa ruwe ne.

Oro ta sinuma ene itak hi :— En=epakasnu kur isam ciki, nekona ku=eraman easkay ya? ari itak. Orowa, Piripos ne nisinta o wa turano rok kuni a=koramkor nisa ruwe ne.

ο δε ειπεν πως γαρ αν δυναιμην εαν μη τις οδηγησει με παρεκαλεσεν τε τον φιλιππον αναβαντα καθισαι συν αυτω

And he said, How can I, except some one shall guide me? And he besought Philip to come up and sit with him.

Kamui kambi kata orooitak korʼan ushike anak ne tambe ne ruwe ne :— Araige kuni hitsuji korachi Shinuma atura nisa; Orowa, pon hitsuji anak ne ari amemke kuni notakop kotchaketa mo no an korachi, Tambe nei no Shinuma ne yakka koro paro shomo hasa nisa ruwe ne:

Kamuy kampi kata oroytak kor an usike anakne tanpe ne ruwe ne :— Arayke kuni hitsuji koraci Sinuma a=tura nisa; Orowa, pon hitsuji anakne ari a=memke kuni notakop kotcake ta mo no an koraci, Tanpe néno Sinuma ne yakka kor paro somo hasa nisa ruwe ne:

η δε περιοχη της γραφης ην ανεγινωσκεν ην αυτη ως προβατον επι σφαγην ηχθη και ως αμνος εναντιον του κειροντος κειραντος αυτον αφωνος ουτως ουκ ανοιγει το στομα αυτου

Now the place of the scripture which he was reading was this, He was led as a sheep to the slaughter; And as a lamb before his shearer is dumb, So he openeth not his mouth:

Shinuma aeyaieoripakkare wa an ita akore kuni aesanniyo-i auk: Shinuma ikiri hunna ye kusu ne ya? Shinuma korʼinotu moshiri wano auk ruwe ne gusu ne na.

Sinuma aeyayeoripakkare wa an hi ta a=kore kuni a=esanniyo hi auk: Sinuma ikiri hunna ye kusu ne ya? Sinuma kor inotu mosir wano auk ruwe ne kusu ne na.

εν τη ταπεινωσει [αυτου] η κρισις αυτου ηρθη την γενεαν αυτου τις διηγησεται οτι αιρεται απο της γης η ζωη αυτου

In his humiliation his judgment was taken away: His generation who shall declare? For his life is taken from the earth.

Orowa, nei Eunokos anak ne Piripos otta ese wa ene itak-hi :— Nekon a ka, inan guru gusu uweingara guru anak ne tap an itak ye ya? Yaikota gusu ne ya? moshima guru gusu ne ya? ari itak.

Orowa, ne Eunokos anakne Piripos or ta ese wa ene itak hi :— Nekona ka, inan kur kusu ueinkar kur anakne tapan itak ye ya? Yaykota kusu ne ya? mosma kur kusu ne ya? ari itak.

αποκριθεις δε ο ευνουχος τω φιλιππω ειπεν δεομαι σου περι τινος ο προφητης λεγει τουτο περι εαυτου η περι ετερου τινος

And the eunuch answered Philip, and said, I pray thee, of whom speaketh the prophet this? of himself, or of some other?

Orowa, Piripos anak ne paro maka hine tan Kamui kambi ani heashi wa, orota Yesu eupaskuma nisa ruwe ne.

Orowa, Piripos anakne paro maka hine tan Kamuy kampi ani heasi wa, oro ta Yesu ewpaskuma nisa ruwe ne.

ανοιξας δε ο φιλιππος το στομα αυτου και αρξαμενος απο της γραφης ταυτης ευηγγελισατο αυτω τον ιησουν

And Philip opened his mouth, and beginning from this scripture, preached unto him Jesus.

Payekai, aige, wakka an ushike orun araki; awa, nei Eunokos ene itak-hi :— Ingarʼan, teda wakka an; shomo baptisma a en kore kuni nep ahatto an a?

Payekay, ayke, wakka an usike orun arki; awa, ne Eunokos ene itak hi :— Inkar=an, teta wakka an; somo paptisma a en=kore kuni nep a=hatto an a?

ως δε επορευοντο κατα την οδον ηλθον επι τι υδωρ και φησιν ο ευνουχος ιδου υδωρ τι κωλυει με βαπτισθηναι

And as they went on the way, they came unto a certain water; and the eunuch saith, Behold, [here is ]water; what doth hinder me to be baptized?

Orowa, nei nishinda mo no ash kuni akashpaotte, aige, nei tun wakka oshiketa sap, Piripos ne yakka ne Eunokos ne yakka; awa, baptisma akore nisa.

Orowa, ne nisinta mo no as kuni a=kaspaotte, ayke, ne tun wakka oske ta sap, Piripos ne yakka ne Eunokos ne yakka; awa, paptisma a=kore nisa.

Orowa, nei wakka orowa no yap chiki, Utarapa Ramat Piripos uk wa isam; aige, tewa no nei Eunokos anak ne shomo shinuma nukara, orowa, yainuchattek wa paye nisa ruwe ne na.

Orowa, ne wakka oro wano yap ciki, Utarpa Ramat Piripos uk wa isam; ayke, tewano ne Eunokos anakne somo sinuma nukar, orowa, yaynucattek wa paye nisa ruwe ne na.

και εκελευσεν στηναι το αρμα και κατεβησαν αμφοτεροι εις το υδωρ ο τε φιλιππος και ο ευνουχος και εβαπτισεν αυτον

And he commanded the chariot to stand still: and they both went down into the water, both Philip and the eunuch; and he baptized him.

Koroka, Piripos anak ne Azotos kotan ta anukara: orowa, nei kotan akush chiki, Kaisaria kotan koshirepa pakno obitta no okai machiya otta pirika shongo eupaskuma nisa ruwe ne.

Korka, Piripos anakne Azotos kotan ta a=nukar: orowa, ne kotan akus ciki, Kaysaria kotan kosirepa pakno opittano okay maciya or ta pirka sonko ewpaskuma nisa ruwe ne.

οτε δε ανεβησαν εκ του υδατος πνευμα κυριου ηρπασεν τον φιλιππον και ουκ ειδεν αυτον ουκετι ο ευνουχος επορευετο γαρ την οδον αυτου χαιρων

And when they came up out of the water, the Spirit of the Lord caught away Philip; and the eunuch saw him no more, for he went on his way rejoicing.