Synopsis
Mattaios 9.1-8 §70I
1 Orowa, Shinuma chip otta ahun; aige, atui tomotuye wa koro kotan orota ek nisa ruwe ne.
Orowa, Sinuma cip or ta ahun; ayke, atuy tomotuye wa kor kotan oro ta ek nisa ruwe ne.
2 Awa, utara anak ne hotke wa an tusushke tashum ki shine ainu Shinuma otta sei wa araki ruwe ne: orowa, Yesu nei utara koro eishokor-i nukara koro tusushke tashum ki guru otta ene itak-hi :— Poho, keutum ritetkere yan, e koro chikokatpak atusare ruwe ne gusu ne na.
Awa, utar anakne hotke wa an tususke tasum ki sine aynu Sinuma or ta sey wa arki ruwe ne: orowa, Yesu ne utar kor eysokor hi nukar kor tususke tasum ki kur or ta ene itak hi :— Poho, kewtum ritetkere yan, e=kor ci=kokatpak atusare ruwe ne kusu ne na.
3 Orowa, kambi-nuye utara tumugeta okai utara anak ne koro keutum ta, tan guru Kamui koatcha ruwe ne, ari itak.
Orowa, kampi-nuye utar tumke ta okay utar anakne kor kewtum ta, tan kur Kamuy koatca ruwe ne, ari itak.
4 Yesu nei utara yainu-hi eramu an wa ene itak-hi :— Hemanda gusu echi utara keutumu ta wen no echi yaikoshiramse ya?
Yesu ne utar yaynu hi eramuan wa ene itak hi :— Hemanta kusu eci utar kewtumu ta wenno eci yaykosiramse ya?
5 E koro chikokatpak atusare wa an sekoro itak ye, newa, e hopuni wa apkash, sekoro itak ye-hi anak ne, inambe ye katu isaika itak ne ruwe he an?
E=kor ci=kokatpak atusare wa an sekor itak ye, newa, e hopuni wa apkas, sekor itak ye hi anakne, inanpe ye katu isayka itak ne ruwe he an?
6 Koroka, Ainu Poho shiri kata an wa chikokatpak tusare mondum koro wa an ani ambe echi eramu an kuni gusu (tusushke tashum ki guru otta ene itak-hi:—) e hopuni hine e koro shotki chupu wa e uni un hoshipi, sekoro itak.
Korka, Aynu Poho siri kata an wa ci=kokatpak tusare montum kor wa an ani anpe eci=eramu an kuni kusu (tususke tasum ki kur or ta ene itak hi:—) e hopuni hine e=kor sotki cupu wa e uni un hosipi, sekor itak.
7 Orowa, nei guru hopuni wa koro chisei orun arapa nisa ruwe ne.
Orowa, ne kur hopuni wa kor cise orun arpa nisa ruwe ne.
8 Koroka, inne utara tap ambe nukara chiki ishitoma shiriki, orowa, tap korachi an mondum ainu otta koropare Kamui ko-oripak nisa ruwe ne na.
Korka, inne utar tapanpe nukar ciki isitoma siriki, orowa, tap koraci an montum aynu or ta korpare Kamuy ko-oripak nisa ruwe ne na.
Markos 2.1-12 §20I
1 Nei toho okaketa shui Shinuma Kapernaum machiya otta ahun chiki, Shinuma anak ne chisei ta an sekoro orushpe assuru aashte nisa ruwe ne.
Ne toho okake ta suy Sinuma Kapernaum maciya or ta ahun ciki, Sinuma anakne cise ta an sekor oruspe assuru a=aste nisa ruwe ne.
2 Awa, inne utara uwekarapa, naa chisei ahup eaikap pakno, apa samake katap okai eaikap pakno shiri-eshik ruwe ne: orowa, Shinuma nei utara otta itak ye nisa ruwe ne.
Awa, inne utar uekarpa, naa cise ahup eaykap pakno, apa samake katap okay eaykap pakno siri-esik ruwe ne: orowa, Sinuma ne utar or ta itak ye nisa ruwe ne.
3 Orowa, ine ainu shine tusushke tashum ki guru ani wa araki utara okai, awa, atura wa araki.
Orowa, ine aynu sine tususke tasum ki kur ani wa arki utar okay, awa, a=tura wa arki.
4 Aige, inne utara okai gusu ko-ehange no araki eaikap chiki, Shinuma an chisei kitai maka nisa ruwe re: nei ambe yaspa aokere yakun tusushke tashum ki guru kata hotke wa an atarabe range nisa ruwe ne.
Ayke, inne utar okay kusu ko-ehanke no arki eaykap ciki, Sinuma an cise kitay maka nisa ruwe re: ne anpe yaspa a=okere yakun tususke tasum ki kur kata hotke wa an a=tarap ranke nisa ruwe ne.
5 Orowa, Yesu nei utara koro eishokor i nukara wa tusushke tashum ki guru otta — Poho, e koro katpak atusare wa an ruwe ne; ari itak.
Orowa, Yesu ne utar kor eysokor i nukar wa tususke tasum ki kur or ta — Poho, e=kor katpak atusare wa an ruwe ne; ari itak.
6 Koroka, nei ushiketa rok wa okai kambi-nuye u ara tumugeta keutum ta upaore, aige, —
Korka, ne uske ta rok wa okay kampi-nuye u ar tumke ta kewtum ta upaore, ayke, —
7 Tan guru hemanda gusu nei no itak ya? Kamui koatcha ruwe ne: Shinen moshima, Kamui moshima katpak tusare eashkaibe nen ne ruwe? ari iki ruwe ne.
Tan kur hemanta kusunéno itak ya? Kamuy koatca ruwe ne: Sinen mosma, Kamuy mosma katpak tusare easkay pe nen ne ruwe? ari iki ruwe ne.
8 Koro ramat ani nani Yesu anak ne shinuma utara keutum oshiketa nei no okaibe upaore katu eramʼan koro, orota ene itak-hi: Hemanda gusu echi keutum ta tap okaibe echi upaore ya?
Kor ramat ani nani Yesu anakne sinuma utar kewtum oske ta néno okaype upaore katu eraman kor, oro ta ene itak hi: Hemanta kusu eci=kewtum ta tap okaype eci=upaore ya?
9 Tusushke tashum ki guru otta e koro katpak atusare wa an sekoro itak ye newa hopuni wa atarape ani wa apkash yan, sekoro itak ye anak ne, inambe ye itak katu isaika itak ne ruwe he an?
Tususke tasum ki kur or ta e=kor katpak atusare wa an sekor itak ye newa hopuni wa a=tarap ani wa apkas yan, sekor itak ye anakne, inanpe ye itak katu isayka itak ne ruwe he an?
10 Koroka, Ainu Poho shiri kata an wa katpak tusare mondum koro wa an ari ambe echi eramu an kuni gusu
Korka, Aynu Poho siri kata an wa katpak tusare montum kor wa an ari anpe eci=eramu an kuni kusu
11 (tusushke tashum ki guru otta ene itak-hi) e otta Ku ye, hopuni wa koro atarape ani wa e uni un oman yan, ari itak.
(tususke tasum ki kur or ta ene itak hi) e or ta Ku=ye, hopuni wa kor a=tarap ani wa e uni un oman yan, ari itak.
12 Orowa, nei guru hopuni hine nani atarape koro wa obitta no okai utara kotchaketa soine nisa ruwe ne; okai utara obitta oyamokte, orowa, Kamui ko oripak wa ene itak-hi :— Tambe nei no tane pakno naa shomo chi nukara ash nisa ruwe ne na, ari itak.
Orowa, ne kur hopuni hine nani a=tarap kor wa opittano okay utar kotcake ta soyne nisa ruwe ne; okay utar opitta oyamokte, orowa, Kamuy ko oripak wa ene itak hi :— Tanpe néno tane pakno naa somo ci nukar as nisa ruwe ne na, ari itak.
Roukos 5.18-26 §37I
18 Orowa no, utara anak ne shotki kata hotke wa an tusushke tashum ki guru shinen ani wa araki hine kotchaketa ande kuni gusu chisei otta ahunge rusui ruwe ne.
Orowano, utar anakne sotki kata hotke wa an tususke tasum ki kur sinen ani wa arki hine kotcake ta ante kuni kusu cise or ta ahunke rusuy ruwe ne.
19 Koroka, utara inne wa otta ahunge kuni ushike nukara shomoki gusu chisei kitaigeta hemesu wa atarape kata hotke wa an gusu rik orowa no Yesu kotchaketa range nisa ruwe ne.
Korka, utar inne wa or ta ahunke kuni usike nukar somo ki kusu cise kitayke ta hemesu wa a=tarap kata hotke wa an kusu rik oro wano Yesu kotcake ta ranke nisa ruwe ne.
20 Orowa koro eishokor-i Shinuma nukara chiki — Ainu, e koro chikokatpak atusare wa an na — ari itak.
Orowa kor eysokor hi Sinuma nukar ciki — Aynu, e=kor ci=kokatpak atusare wa an na — ari itak.
21 Tata otta, Parisee un utara newa kambi-nuye utara upaore heashi wa ene itak-hi :— Tan Kamui koatchap ye guru nen ne ya? Kamui moshima anak chikokatpak tusare eashkaibe inan guru ne ruwe he an? ani itak.
Tata or ta, Parisee un utar newa kampi-nuye utar upaore heasi wa ene itak hi :— Tan Kamuy koatcap ye kur nen ne ya? Kamuy mosma anak ci=kokatpak tusare easkay pe inan kur ne ruwe he an? ani itak.
22 Koroka, Yesu nei upaore ambe eramʼan wa orota ese wa ene itak-hi :— Nep gusu echi utara keutum ta upaore ki ya?
Korka, Yesu ne upaore anpe eraman wa oro ta ese wa ene itak hi :— Nep kusu eci utar kewtum ta upaore ki ya?
23 E koro chikokatpak atusare wa an sekorʼan itak ye newa e hopuni wa apkash yan sekorʼan itak ani ye ambe anak ne inambe ye katu isaika ruwe he an?
E=kor ci=kokatpak atusare wa an sekor an itak ye newa e hopuni wa apkas yan sekor an itak ani ye anpe anakne inanpe ye katu isayka ruwe he an?
24 Koroka, Ainu Poho shiri kata an wa chikokatpak tusare mondum koro wa an ani an ambe echi eramʼan kuni gusu (tusushke tashum ki guru otta ene itak-hi) — E otta Ku ye, hopuni wa koro atarape ani hine e uni un oman yan, ari itak.
Korka, Aynu Poho siri kata an wa ci=kokatpak tusare montum kor wa an ani an anpe eci=eraman kuni kusu (tususke tasum ki kur or ta ene itak hi) — E or ta Ku=ye, hopuni wa kor a=tarap ani hine e uni un oman yan, ari itak.
25 Tata otta nei guru anak ne nani utara kotchaketa hopuni wa kata hotke an ap ani wa Kamui ko-oripak hine koro uni ta oman nisa ruwe ne.
Tata or ta ne kur anakne nani utar kotcake ta hopuni wa kata hotke an ap ani wa Kamuy ko-oripak hine kor uni ta oman nisa ruwe ne.
26 Orowa no, nei utara obitta shi no enushkari wa Kamui ko-oripak ruwe ne; samata, earikinne ishitoma hine :— Tanto aehomatup chi nukan nisa ruwe ne na, ari itak.
Orowano, ne utar opitta sino enuskari wa Kamuy ko-oripak ruwe ne; sama ta, earikinne isitoma hine :— Tanto aehomatup ci nukar nisa ruwe ne na, ari itak.
Yoannes 5.1-10 §38I
1 Tap okaketa Yudea un guru koro marapto an; awa, Yesu anak ne Yerusarem kotan ta hemesu nisa ruwe ne.
Tap okake ta Yudea un kur kor marapto an; awa, Yesu anakne Yerusarem kotan ta hemesu nisa ruwe ne.
2 Yerusarem kotan ta hitsuji chikoikip apa samta ashikne ikushpe koro shine to an, nei ambe anak ne Hebrai an itak ani aye chiki Betesda ani aporosep ne ruwe ne.
Yerusarem kotan ta hitsuji cikoykip apa sam ta asikne ikuspe kor sine to an, ne anpe anakne Hebray an itak ani a=ye ciki Betesda ani aporosep ne ruwe ne.
3 Inne tashum ki utara, shiknak utara, hera utara, shipeshte utara tan ushiketa hotke wa okai nisa ruwe ne na.
Inne tasum ki utar, siknak utar, her utar, sipeste utar tan uske ta hotke wa okay nisa ruwe ne na.
4 Nei ita tupesan pa ikashima wan e tu hotne pa uturu tum-sak wa an guru an.
Ne hi ta tupesan pa ikasma wan e tu hotne pa uturu tum-sak wa an kur an.
5 Awa, Yesu anak ne shinuma hotke wa an shiri nukara chiki, samata, tane ohon no an shiri eraman koro, otta ene itak-hi :— Eani atumashnure rusui ruwe? ari itak.
Awa, Yesu anakne sinuma hotke wa an siri nukar ciki, sama ta, tane ohor no an siri eraman kor, or ta ene itak hi :— Eani atumasnure rusuy ruwe? ari itak.
6 Otta tashum ki guru ese wa ene itak-hi :— Nishpa, wakka amoimoyegere ita anak ne to oshiketa en omare kuni guru ku sak ruwe ne: koroka, kuani ku ek rapoketa en hoshiki no moshima an guru san ruwe ne.
Or ta tasum ki kur ese wa ene itak hi :— Nispa, wakka amoymoyekere hi ta anakne to oske ta en=omare kuni kur ku=sak ruwe ne: korka, kuani ku=ek rapoketa en=hoski no mosma an kur san ruwe ne.
7 Orota Yesu ene itak-hi :— Hopuni wa e koro atarape ani hine apkash yan, ari itak.
Oro ta Yesu ene itak hi :— Hopuni wa e=kor a=tarap ani hine apkas yan, ari itak.
8 Orowa, nani nei guru atumashnure wa koro atarape ani wa apkash nisa ruwe ne na.
Orowa, nani ne kur atumasnure wa kor a=tarap ani wa apkas nisa ruwe ne na.
9 Nei toho anak Shini toho ne ruwe ne. Tambe gusu, Yudea un utara anak ne aiwangere guru otta :— Shini toho ne ruwe ne, e koro atarape ani katu anak ne ikashpaotte oterekep ne ruwe ne.
Ne toho anak Sini toho ne ruwe ne. Tanpe kusu, Yudea un utar anakne aywankere kur or ta :— Sini toho ne ruwe ne, e=kor a=tarap ani katu anakne ikaspaotte oterekep ne ruwe ne.
10 Koroka, nei utara orota Shinuma ene ese-hi :— En tumashnure guru anak ne, nei guru anak, e koro atarape ani wa apkash yan, ani an itak ani en orun ye nisa ruwe ne, ari itak ruwe ne.
Korka, ne utar oro ta Sinuma ene ese hi :— En tumasnure kur anakne, ne kur anak, e=kor a=tarap ani wa apkas yan, ani an itak ani en=orun ye nisa ruwe ne, ari itak ruwe ne.
Yoannes 5.11-23A §39X
11 Ani wa apkash ani an itak ani e otta ye guru anak ne inan guru ne ainu ne ruwe he an?
Ani wa apkas ani an itak ani e or ta ye kur anakne inan kur ne aynu ne ruwe he an?
12 Koroka, nei aiwangere guru anak ne nen ne ruwe he an sekoro eramushkare, nei ushiketa inne utara okai wa Yesu yaikota yaieshishire nisa ruwe ne gusu ne na.
Korka, ne aywankere kur anakne nen ne ruwe he an sekor eramuskare, ne uske ta inne utar okay wa Yesu yaykota yayesisire nisa ruwe ne kusu ne na.
13 Tap okaketa nei guru Kamui kora kenru ta an shiri Yesu nukara, aige, orota ene itak-hi :— Ingarʼan, eani anak ne atumashnure wa an: iteki shui katpak koro, ikineipeka naa kasu no wenbe e otta an na, ari itak.
Tap okake ta ne kur Kamuy kor kenru ta an siri Yesu nukar, ayke, oro ta ene itak hi :— Inkar=an, eani anakne atumasnure wa an: iteki suy katpak kor, ikineypeka naa kasuno wenpe e or ta an na, ari itak.
14 Orowa, nei ainu oman wa shinuma tumashnure guru anak ne Yesu ne ruwe ne sekoro Yudea un utara otta nure nisa ruwe ne.
Orowa, ne aynu oman wa sinuma tumasnure kur anakne Yesu ne ruwe ne sekor Yudea un utar or ta nure nisa ruwe ne.
15 Aige, tan ikkewe gusu, Shini toho ta tap okaibe kara gusu, Yudea un utara Yesu keshke shiri an nisa ruwe ne.
Ayke, tan ikkewe kusu, Sini toho ta tap okaype kar kusu, Yudea un utar Yesu keske siri an nisa ruwe ne.
16 Koroka nei utara otta Yesu ene ese-hi :— Tane pakno Ku Michi iki, Kuani ka iki ruwe ne, ari itak ruwe ne.
Korka ne utar or ta Yesu ene ese hi :— Tane pakno Ku Mici iki, Kuani ka iki ruwe ne, ari itak ruwe ne.
17 Tambe gusu, tan ikkewehe an gusu Yudea un utara naa Shinuma raige kuni hunara korʼan ruwe ne, inambe gusu ne yakun, Shinuma anak ne ouse Shini toho otereke patek shomo ne, koroka, yaikota koro Michi ani Kamui porose wa Kamui uweupak no yaikota yaikan nisa ruwe ne gusu ne na.
Tanpe kusu, tan ikkewehe an kusu Yudea un utar naa Sinuma rayke kuni hunara kor an ruwe ne, inanpe kusu ne yakun, Sinuma anakne owse Sini toho oterke patek somo ne, korka, yaykota kor Mici ani Kamuy porse wa Kamuy uwewpak no yaykota yaykar nisa ruwe ne kusu ne na.
18 Tambe gusu, nei utara otta Yesu ese wa ene itak-hi :— Son no son no echi otta Ku ye, Poho anak ne nukara shiri Michi karabe moshima nep ne yakka yaikota kara eaikap: orowa, nep ne yakka Shinuma karabe tap okaibe Poho ne yakka nei no kan ruwe ne.
Tanpe kusu, ne utar or ta Yesu ese wa ene itak hi :— Sonno sonno eci or ta Ku=ye, Poho anakne nukar siri Mici kar pe mosma nep ne yakka yaykota kar eaykap: orowa, nep ne yakka Sinuma kar pe tap okaype Poho ne yakka néno kan ruwe ne.
19 Inambe gusu ne yakun, Michi anak ne Poho omap wa nep ne yakka yaikota karabe Shinuma otta nukare: samata, echi utara enushkari kuni ne tap okaibe naa kasu no porobe Shinuma otta nukare kusu ne.
Inanpe kusu ne yakun, Mici anakne Poho omap wa nep ne yakka yaykota kar pe Sinuma or ta nukare: sama ta, eci utar enuskari kuni ne tap okaype naa kasuno poro p Sinuma or ta nukare kusu ne.
20 Michi anak ne rai guru hetopo-hoshipire wa shiknure korachi, Poho ne yakka yaikota rengaine shiknure ruwe ne.
Mici anakne raykur hetopo-hosipire wa siknure koraci, Poho ne yakka yaykota renkayne siknure ruwe ne.
21 Michi anak ne nen ne yakka koipishi shomoki, koroka, obitta no okai koipishi mondum Poho otta kore nisa ruwe ne;
Mici anakne nen ne yakka koypisi somo ki, korka, opittano okay koypisi montum Poho or ta kore nisa ruwe ne;
22 nen ne yakka Michi ko-oripak nei no Poho ko-oripak kuni gusu ne na. Poho ko-oripak shomoki gurʼanak ne Shinuma omande Michi otta ne yakka shomo ko-oripak ruwe ne.
nen ne yakka Mici ko-oripak néno Poho ko-oripak kuni kusu ne na. Poho ko-oripak somo ki kur anakne Sinuma omante Mici or ta ne yakka somo ko-oripak ruwe ne.
23 Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.
Sonno sonno eci or ta Ku=ye, Ku=itak nu wa En omantep eysokor kur anakne ramma okere somo ki inotu kor, orowa, akoypisi somo ki, korka, ray hi oro wano paye wa inotu or ta ahun nisa ruwe ne.
Markos 9.37B §96I
37 Nen ne yakka Ku reihei rengap gusu tap korachi an pon guru uk gurʼanak ne En uk ruwe ne: orowa, nen ne yakka En uk gurʼanak ne En uk shomoki koroka En omandep uk ruwe ne, ari itak.
Nen ne yakka Ku=rehe renkap kusu tap koraci an pon kur uk kur anakne En=uk ruwe ne: orowa, nen ne yakka En=uk kur anakne En=uk somo ki korka En omantep uk ruwe ne, ari itak.
Roukos 10.16 §116I
16 Hedes pakno e range an kusu ne na. Echi nu guru anak ne En nu ruwe ne; orowa, echi emaka gurʼanak En emaka ruwe ne; orowa; En emaka guru anak ne En omande guru ne yakka emaka ruwe ne na.
Hedes pakno e ranke an kusu ne na. Eci=nu kur anakne En=nu ruwe ne; orowa, eci=emaka kur anak En=emaka ruwe ne; orowa; En=emaka kur anakne En=omante kur ne yakka emaka ruwe ne na.
Yoannes 5.23B §40I
23 Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.
Sonno sonno eci or ta Ku=ye, Ku=itak nu wa En omantep eysokor kur anakne ramma okere somo ki inotu kor, orowa, akoypisi somo ki, korka, ray hi oro wano paye wa inotu or ta ahun nisa ruwe ne.
Yoannes 5.24-30A §41X
24 Son no son no echi otta Ku ye :— Rai guru anak ne Kamui Poho hawe nu, orowa, un utara shiknu kusu ne pakihi ek, tane nei pakihi an ruwe ne.
Sonno sonno eci or ta Ku=ye :— Raykur anakne Kamuy Poho hawe nu, orowa, un utar siknu kusu ne pakihi ek, tane ne pakihi an ruwe ne.
25 Inambe gusu ne yakun, Michi anak ne yaikota yaioshiketa inotu koro korachi, tambe nei no Poho ne yakka yaikota yaioshiketa inotu koro kuni otta Shinuma kore nisa ruwe ne:
Inanpe kusu ne yakun, Mici anakne yaykota yayosiketa inotu kor koraci, tanpe néno Poho ne yakka yaykota yayosiketa inotu kor kuni or ta Sinuma kore nisa ruwe ne:
26 samata, Shinuma anak ne Poho otta koipishi ki kuni mondum kore nisa ruwe ne, Shinuma anak Ainu Poho ne ruwe ne gusu ne na.
sama ta, Sinuma anakne Poho or ta koypisi ki kuni montum kore nisa ruwe ne, Sinuma anak Aynu Poho ne ruwe ne kusu ne na.
27 Tambe gusu iteki enushkari: inambe gusu ne yakun, iyurui oshiketa okai utara obitta Shinuma koro hawe nu wa soyumba pakihi ek ruwe ne gusu ne na; pirikap ki utara anak ne inotu otta hetopo-shiknu;
Tanpe kusu iteki enuskari: inanpe kusu ne yakun, iyuruy oske ta okay utar opitta Sinuma kor hawe nu wa soyunpa pakihi ek ruwe ne kusu ne na; pirka p ki utar anakne inotu or ta hetopo-siknu;
28 wenbe ikichi utara anak koipishi otta hetopo-shiknu kusu ne na.
wenpe ikici utar anak koypisi or ta hetopo-siknu kusu ne na.
29 Kuani anak ne yaikota nep ne yakka ki eaikap: Ku nu korachi ku koipishi ruwe ne: Ku koipishi-i anak ne oupeka ambe ne ruwe ne; Kuani yaikota koro irenga hunara shomoki, En omandep koro irenga Ku hunara ruwe ne gusu ne na.
Kuani anakne yaykota nep ne yakka ki eaykap: Ku=nu koraci ku koypisi ruwe ne: Ku koypisi hi anakne owpeka anpe ne ruwe ne; Kuani yaykota kor irenka hunara somo ki, En omantep kor irenka Ku=hunara ruwe ne kusu ne na.
30 Kuani anak ne yaikota gusu paweteshu ki chiki, Ku ki paweteshu ambe anak sonep shomo ne.
Kuani anakne yaykota kusu pawetesu ki ciki, Ku=ki pawetesu anpe anak sonep somo ne.
Mattaios 26.39C §295I
39 Orowa, Shinuma pon no hoshiki no oman wa nanuhu koshirikata pakno hachiri wa inonno-itak hine ene itak-hi :— Aa Ku Michi, aeashkaibe ne yak anak ne, tan itangi En orowa no shimaka aoraye kuni ne ki wa En kore: koroka, Ku rengai ne korachi shomo ne, E rengai ne korachi ki wa En kore, ari itak.
Orowa, Sinuma ponno hoskino oman wa nanuhu kosirikata pakno hacir wa inonno-itak hine ene itak hi :— Aa Ku Mici, aeaskaype ne yakanak ne, tan itanki En=oro wano simaka a=oraye kuni ne ki wa En=kore: korka, Ku renkayne koraci somo ne, E renkayne koraci ki wa En=kore, ari itak.
Markos 14.36C §176I
36 Awa, ene itak-hi :— Abba, Michihi, Aokai ki eaikapbe nep ne yakka isama: tan itangi En orowa no uk wa En kore; koroka, Ku rengaine korachi shomo ne, E rengaine nei no ki wa En kore, ari itak.
Awa, ene itak hi :— Appa, Micihi, Aokay ki eaykap pe nep ne yakka isam: tan itanki En=oro wano uk wa En=kore; korka, Ku=renkayne koraci somo ne, E renkayne néno ki wa En=kore, ari itak.
Roukos 22.42 §282I
42 Michi, Aokai ramuoshma yakun, tan itangi En orowa no oyakta ande wa En kore: koroka, Ku rengaine gusu shomo ne wa E rengaine ki wa en kore, ari itak.
Mici, Aokay ramuosma yakun, tan itanki En=oro wano oyak ta ante wa En=kore: korka, Ku=renkayne kusu somo ne wa E renkayne ki wa en=kore, ari itak.
Yoannes 5.30B §42I
30 Kuani anak ne yaikota gusu paweteshu ki chiki, Ku ki paweteshu ambe anak sonep shomo ne.
Kuani anakne yaykota kusu pawetesu ki ciki, Ku=ki pawetesu anpe anak sonep somo ne.
Yoannes 5.31-37A §43X
31 En gusu paweteshu ki moshimap an; En gusu Shinuma ki paweteshu-i anak ne son no an paweteshurambe ne ruwe ne sekoro Ku eraman.
En kusu pawetesu ki mosma p an; En kusu Sinuma ki pawetesu hi anakne sonno an pawetesuranpe ne ruwe ne sekor Ku=eraman.
32 Echi utara anak ne Yoannes orota teshkara, awa, shinuma son no ambe gusu paweteshu ki nisa ruwe ne.
Eci utar anakne Yoannes oro ta teskar, awa, sinuma sonno anpe kusu pawetesu ki nisa ruwe ne.
33 Koroka, Kuani anak ne ainu ki paweteshu Ku goro shomoki: yakka, echi utara kashi-a-obiuki kuni ne tap okaibe Ku ye ruwe ne.
Korka, Kuani anakne aynu ki pawetesu Ku=kor somo ki: yakka, eci utar kasi-a-opiwki kuni ne tap okaype Ku=ye ruwe ne.
34 Shinuma anak ne paraparase nupeki atte ratchako ne: orowa, echi utara pon no uturuta nei pekere enupetne kuni konoburu nisa ruwe ne,
Sinuma anakne parparse nupeki atte ratcako ne: orowa, eci utar ponno utur ta ne peker enupetne kuni konopuru nisa ruwe ne,
35 Koroka, Ku goro paweteshu-i anak ne Yoannes kasu no pase ne: inambe gusu ne yakun, Kuani Ku kara okere kuni gusu En otta Ku Michi koropare ikip anak ne, tap Ku ki ikip anak, Michi En omande ruwe ne sekoro En gusu paweteshu ki ruwe ne gusu ne na.
Korka, Ku=kor pawetesu hi anakne Yoannes kasuno pase ne: inanpe kusu ne yakun, Kuani Ku=kar okere kuni kusu En or ta Ku Mici korpare iki p anakne, tap Ku=ki iki p anak, Mici En=omante ruwe ne sekor En kusu pawetesu ki ruwe ne kusu ne na.
36 Samata, En omande Michi anak Shinuma ka En gusu paweteshu ki nisa ruwe ne. Echi utara hembara ne yakka Shinuma koro hawe hene nu shomoki, koro katuhu hene nukara shomoki ruwe ne.
Sama ta, En=omante Mici anak Sinuma ka En kusu pawetesu ki nisa ruwe ne. Eci utar henpara ne yakka Sinuma kor hawe hene nu somo ki, kor katuhu hene nukar somo ki ruwe ne.
37 Orowa, Shinuma koro itak anak ne echi oshiketa okai shomo ne; Shinuma omandep echi eishokoro shomoki nisa ruwe ne gusu ne na.
Orowa, Sinuma kor itak anakne eci=oske ta okay somo ne; Sinuma omantep eci=eysokor somo ki nisa ruwe ne kusu ne na.
Mattaios 11.27B §112III
27 Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.
Nep ne yakka opitta Ku Mici oro wano A en=korpare nisa ruwe ne: orowa Mici mosma Poho eramuan kur sinen ka isam: sama ta Poho newa kor Mici or ta Poho nukare aynu mosma, Mici eramuan kur isam ruwe ne.
Roukos 10.22 §119III
22 Nep ne yakka Ku Michi wano a en koropare nisa ruwe ne; orowa, Poho anak ne nen ne ruwe he an sekoro eramʼan guru Michi moshima isam; samata, Michi anak ne nen ne ruwe he an sekoro eramʼan guru, Poho newa Poho ramuoshma wa otta eramʼande guru isam ruwe ne.
Nep ne yakka Ku Mici wano a en=korpare nisa ruwe ne; orowa, Poho anakne nen ne ruwe he an sekor eraman kur Mici mosma isam; sama ta, Mici anakne nen ne ruwe he an sekor eraman kur, Poho newa Poho ramuosma wa or ta eram ante kur isam ruwe ne.
Yoannes 5.37B §44III
37 Orowa, Shinuma koro itak anak ne echi oshiketa okai shomo ne; Shinuma omandep echi eishokoro shomoki nisa ruwe ne gusu ne na.
Orowa, Sinuma kor itak anakne eci=oske ta okay somo ne; Sinuma omantep eci=eysokor somo ki nisa ruwe ne kusu ne na.
Yoannes 5.38-47 §45X
38 Echi utara, anak ne Kamui kambi-sosh uwande ruwe ne, nei ambe gusu ramma okere shomoki inotu echi kon ruwe ne ani echi esanniyo ruwe ne gusu ne na: nei ambe anak ne En gusu paweteshu ki ambe ne;
Eci utar, anakne Kamuy kampi-sos uwante ruwe ne, ne anpe kusu ramma okere somo ki inotu eci=kor ruwe ne ani eci=esanniyo ruwe ne kusu ne na: ne anpe anakne En kusu pawetesu ki anpe ne;
39 orowa, inotu echi koro kuni gusu En orun echi araki shomoki ruwe ne.
orowa, inotu eci=kor kuni kusu En=orun eci=arki somo ki ruwe ne.
40 Kuani anak ne utara orowa no airamye ambe shomo Ku goro.
Kuani anakne utar oro wano a=yramye anpe somo Ku=kor.
41 Koroka, Kuani echi eamkiri, echi yaioshiketa Kamui omap-i shomo koro utara echi ne.
Korka, Kuani eci=e=amkir, eci yayosiketa Kamuy omap hi somo kor utar eci ne.
42 Kuani anak ne Ku Michi reihei ani Ku ek, awa, echi utara En uk shomoki: moshima guru anak ne yaikota koro reihei ani ek chiki, echi utara anak shinuma uk kusu ne ruwe ne.
Kuani anakne Ku Mici rehe ani Ku=ek, awa, eci utar En=uk somo ki: mosma kur anakne yaykota kor rehe ani ek ciki, eci utar anak sinuma uk kusu ne ruwe ne.
43 Utashpa uwe-iramye wa Kamui orowa no an iramyep hunara shomoki echi utara anak ne nekon a echi eishokoro eashkai ya?
Utaspa ue-iramye wa Kamuy oro wano an iramyep hunara somo ki eci utar anakne nekona eci=eysokor easkay ya?
44 Kuani anak ne Michi kotchaketa echi eiyonnuppa kusu ne sekoro iteki yainu yan; echi eiyonnuppa guru an; otta echi eyaikopashte Mose ne ruwe ne.
Kuani anakne Mici kotcake ta eci=eiyonnuppa kusu ne sekor iteki yaynu yan; eci=eiyonnuppa kur an; or ta eci=e=yaykopaste Mose ne ruwe ne.
45 Inambe gusu ne yakun, echi utara Mose eishokoro chiki En eishokoro kusu ne; shinuma anak ne En gusu nuye nisa ruwe ne gusu ne na.
Inanpe kusu ne yakun, eci utar Mose eysokor ciki En=eysokor kusu ne; sinuma anakne En kusu nuye nisa ruwe ne kusu ne na.
46 Koroka, shinuma nuye kambi echi eishokoro shomoki yak anak ne nekon a iki wa Ku ye itak echi eishokoro kusu ne ya?
Korka, sinuma nuye kampi eci=eysokor somo ki yakanak ne nekona iki wa Ku=ye itak eci=eysokor kusu ne ya?