共観表

1 Iyotta oripak an Teopiros, un tumugeta auweomare an okaibe, atpake wano nukara utara, itak otta auitek utara un koropare nei no,

Iyotta oripak an Teopiros, un tumke ta a=ueomare an okaype, atpake wano nukar utar, itak or ta awitek utar un korpare néno,

2 inne utara nei orushpe ene ene korachi nuye kuni yainu wa kambi nuye nisa ruwe ne gusu,

inne utar ne oruspe ene ene koraci nuye kuni yaynu wa kampi nuye nisa ruwe ne kusu,

3 tambe gusu, kuani ne yakka nep ne yakka okai orushpe atpake wano oheuge sak no an-hi korachi ku uwepekennu wa eramʼan gusu,

tanpe kusu, kuani ne yakka nep ne yakka okay oruspe atpake wano ohewke sak no an hi koraci ku=uwepekennu wa eraman kusu,

4 aokai aepakashnu orushpe son no ambe ne ya shomo ne ya, aeramande kuni ne, e otta kambi ku omande yak pirika ruwe ne sekoro ku yainu.

aokay a=epakasnu oruspe sonno anpe ne ya somo ne ya, a=eramante kuni ne, e or ta kampi ku=omante yak pirka ruwe ne sekor ku=yaynu.

5 Yudea moshiri shikkashima guru Herod an ita anak ne Abicha ikiri otta Zakarias ani an reihei koro Kamui kora kenru esapane guru an: awa, koro machi anak ne Aaron sanikiri ne, Erizabet ani an reihei koro matnepo ne ruwe ne.

Yudea mosir sikkasima kur Herod an hi ta anakne Abica ikiri or ta Zakarias ani an rehe kor Kamuy kor kenru esapane kur an: awa, kor maci anakne Aaron sanikiri ne, Erizabet ani an rehe kor matnepo ne ruwe ne.

6 Nei umurek guru Kamui teksamata oupeka utara ne, oheuge sak no obitta no okai Utarapa ikashpaotte newa esanniyop otta apkash korʼan nisa ruwe ne.

Ne umurek kur Kamuy teksam ta owpeka utar ne, ohewke sak no opittano okay Utarpa ikaspaotte newa esanniyop or ta apkas kor an nisa ruwe ne.

7 Orowa, Erizabet anak po sak shiwentep ne wa gusu, santek isam ruwe ne, samata, nei tun anak ne tane pa poro utara ne ruwe ne na,

Orowa, Erizabet anak po sak siwentep ne wa kusu, santek isam ruwe ne, sama ta, ne tun anakne tane pa poro utar ne ruwe ne na,

8 Orowa, shinuma anak ne koro ikiri uokari wa Kamui teksamata Kamui kora kenru esapane guru ki kusu ne a-i ki ita,

Orowa, sinuma anakne kor ikiri uokari wa Kamuy teksam ta Kamuy kor kenru esapane kur ki kusu ne a hi ki hi ta,

9 Kamui kora kenru esapane guru ki buru an-i korachi, shinuma Utarapa kenru otta ahun wa senko uhuika nisa ruwe ne.

Kamuy kor kenru esapane kur ki pur an hi koraci, sinuma Utarpa kenru or ta ahun wa senko uhuyka nisa ruwe ne.

10 Awa, senko uhuika pakita utara topaha anak ne obitta soita okai wa inonno-itak ki ruwe ne.

Awa, senko uhuyka pakita utar topaha anakne opitta soy ta okay wa inonno-itak ki ruwe ne.

11 Orowa, senko uhuika gusu an set shimon samata ash wa an Utarapa koro shine hauturumbe shinuma otta yainukare ruwe ne.

Orowa, senko uhuyka kusu an set simon sama ta as wa an Utarpa kor sine hawturunpe sinuma or ta yaynukare ruwe ne.

12 Aige, Zakarias nukara chiki keutura chiukopoye wa ishitoma nisa ruwe ne.

Ayke, Zakarias nukar ciki kewtura ci=wkopoye wa isitoma nisa ruwe ne.

13 Koroka, hauturumbe anak ne shinuma otta ene itak-hi :— Zakarias, iteki ishitoma yan, inambe gusu ne yakun, e ki inonno-itak anu wa an na, e koro machi Erizabet eani gusu okkai poho shikore kusu ne, Yoannes ani an reihei ani shinuma e reikore kusu ne;

Korka, hawturunpe anakne sinuma or ta ene itak hi :— Zakarias, iteki isitoma yan, inanpe kusu ne yakun, e ki inonno-itak anu wa an na, e=kor maci Erizabet eani kusu okkay poho sikore kusu ne, Yoannes ani an rehe ani sinuma e rékore kusu ne;

14 aine, eani ayaikopuntektere anupetnere kusu ne na, samata, inne utara shinuma shiko gusu akopuntek kusu ne ruwe ne.

ayne, eani ayaykopuntektere anupetnere kusu ne na, sama ta, inne utar sinuma siko kusu a=kopuntek kusu ne ruwe ne.

15 Orowa, shinuma anak ne Utarapa teksamata pase kusu ne, tonoto hene sikera hene iku shomoki, orosama, koro habo orowa hekatu wano Ashkanne Ramat ani aeshik kusu ne na.

Orowa, sinuma anakne Utarpa teksam ta pase kusu ne, tonoto hene sikera hene iku somo ki, orosama, kor hapo orowa hekatu wano Askanne Ramat ani a=esik kusu ne na.

16 Shinuma anak ne Israeru un inne utara koro Utarapa Kamui otta hoshippare kusu ne.

Sinuma anakne Israeru un inne utar kor Utarpa Kamuy or ta hosippare kusu ne.

17 Samata, ona keutum poho otta kirure, itak-kashi utara oupeka utara koro wayashnu-i otta kirure kuni gusu shinuma anak ne Ericha ramat newa kiroro koro wa Utarapa ratchaot oman kusu ne; Utarapa gusu etoko-a-oiki utara shipini kusu ne gusu ne na.

Sama ta, ona kewtum poho or ta kirure, itak-kasi utar owpeka utar kor wayasnu hi or ta kirure kuni kusu sinuma anakne Erica ramat newa kiroro kor wa Utarpa ratcaot oman kusu ne; Utarpa kusu etoko-a-oyki utar sipini kusu ne kusu ne na.

18 Zakarias anak ne hauturumbe otta ene itakhi :— Nepi ani kuani tapne ambe ku eramʼan kusu ne ya? Onne guru ku ne ruwe ne, ku machi ne yakka

Zakarias anakne hawturunpe or ta ene itak hi :— Nep ani kuani tapne anpe ku=eraman kusu ne ya? Onne kur ku ne ruwe ne, ku=maci ne yakka

19 onne ruwe ne na. Orota hauturumbe ese wa ene itak-hi :— Kuani Kamui teksamata ash Gabrieru ku ne ruwe ne; orowa, e otta itak wa tap pirika shongo e nure ash gusu e otta a en omande nisa ruwe ne.

onne ruwe ne na. Oro ta hawturunpe ese wa ene itak hi :— Kuani Kamuy teksam ta as Gabrieru ku ne ruwe ne; orowa, e or ta itak wa tap pirka sonko e nure as kusu e or ta a en=omante nisa ruwe ne.

20 Ingarʼan, nei paki epa chiki auweomare kusu ne ku ye itak e eishokoro shomoki nisa ruwe ne gusu tan okaibe epa toho pakno mo no e an wa itak eaikap kusu ne, ari itak.

Inkar=an, ne paki epa ciki a=ueomare kusu ne ku=ye itak e eysokor somo ki nisa ruwe ne kusu tan okaype epa toho pakno mo no e an wa itak eaykap kusu ne, ari itak.

21 Orowa, utara anak ne Zakarias ek kuni ehuyepa wa okai, awa, Kamui kora kenru ta shinuma ohon no an-i enushkari ruwe ne.

Orowa, utar anakne Zakarias ek kuni ehuyepa wa okay, awa, Kamuy kor kenru ta sinuma ohor no an hi enuskari ruwe ne.

22 Awa, Zakarias soine ita, okai utara orota itak eaikap: tambe gusu, shinuma Kamui kora kenru ta anukarape nukara a an ruwe ne sekoro aeramʼan: samata, Zakarias utara otta shirosh iki wa shomo itak wa an ruwe ne.

Awa, Zakarias soyne hi ta, okay utar oro ta itak eaykap: tanpe kusu, sinuma Kamuy kor kenru ta anukarape nukar a an ruwe ne sekor aeraman: sama ta, Zakarias utar or ta siros iki wa somo itak wa an ruwe ne.

23 Awa, Kamui kora kenru ta yaishieiwangere pakihi okere chiki anak ne koro uni un hoshipi nisa ruwe ne.

Awa, Kamuy kor kenru ta yaysieywankere pakihi okere ciki anakne kor uni un hosipi nisa ruwe ne.

24 Orowa, nei toho okaketa koro machi Erizabet shinnaikat iyeunu, aige, ashikne chup yainuina, awa, ene itak-hi :—

Orowa, ne toho okake ta kor maci Erizabet sinnaykat iyewnu, ayke, asikne cup yaynuyna, awa, ene itak hi :—

25 Utatʼtunruge wano ku aeyainikoroshmare ambe isamka gusu Utarapa en koingara ita, tapne en otta ki nisa ruwe ne, ari itak.

utat tunruke wano ku aeyaynikorosmare anpe isamka kusu Utarpa en=koinkar hi ta, tapne en or ta ki nisa ruwe ne, ari itak.

26 Orowa, iwan ikinne an chup ta Gariraya moshirʼun

Orowa, iwan ikinne an cup ta Gariraya mosir un

27 Nazaret ani aye kotan ta an Dabid sanikiri ne Yosep ani an reihei koro guru otta akopakashnu wa an shine okkai eramushkare shiwentep otta Kamui hauturumbe ne Gabrieru Kamui orowa no aomande nisa ruwe ne; nei okkai eramushkare shiwentep reihei anak Maria ne ruwe ne.

Nazaret ani a=ye kotan ta an Dabid sanikiri ne Yosep ani an rehe kor kur or ta a=kopakasnu wa an sine okkay eramuskare siwentep or ta Kamuy hawturunpe ne Gabrieru Kamuy oro wano a=omante nisa ruwe ne; ne okkay eramuskare siwentep rehe anak Maria ne ruwe ne.

28 Hauturumbe shinuma otta ahun wa ene itak-hi :— Irangarapte, pirika irenga akore guru,

hawturunpe sinuma or ta ahun wa ene itak hi :— Irankarapte, pirka irenka a=kore kur,

29 Utarapa e tura no an ruwe ne, ari itak. Koroka, shiwentep nei itak nu koro shi no yaiossereke koro tan rangarap-itak nekon a ambe ne ya sekoro yaikoshiramse nisa ruwe ne.

Utarpa e turano an ruwe ne, ari itak. Korka, siwentep ne itak nu korsi no yayosserke kor tan rankarap-itak nekona anpe ne ya sekor yaykosiramse nisa ruwe ne.

30 Orota nei hauturumbe ene itak-hi :— Maria, iteki ishitoma yan, Kamui irenga e koro gusu ne na.

Oro ta ne hawturunpe ene itak hi :— Maria, iteki isitoma yan, Kamuy irenka e=kor kusu ne na.

31 Orowa, ingarʼan, e honi ta e honkoro wa okkai poho e hekature kusu ne, aige, Yesu ani an reihei ani e reikore kusu ne na.

Orowa, inkar=an, e honi ta e honkor wa okkay poho e hekature kusu ne, ayke, Yesu ani an rehe ani e rékore kusu ne na.

32 Shinuma anak ne pase guru ne kusu ne, Iyotta Rikumbe Koho ani aye kusu ne: Utarapa Kamui anak ne koro michi Dabid araset Shinuma otta kora:

Sinuma anakne pase kur ne kusu ne, Iyotta Rikumbe Koho ani a=ye kusu ne: Utarpa Kamuy anakne kor mici Dabid araset Sinuma or ta kor:

33 aige, otusashuishiri pakno ne yakka Shinuma Yakob sanikiri epungine kusu ne, samata, nei moshiri shiokere shomoki kusu ne, ari itak.

ayke, otu sasuysir pakno ne yakka Sinuma Yakob sanikiri epunkine kusu ne, sama ta, ne mosir siokere somo ki kusu ne, ari itak.

34 Hauturumbe orota Maria ene itak-hi :— Ainu eramushkare guru ku ne ruwe ne, aine, nep gusu tapne ambe an ya? ari itak.

hawturunpe oro ta Maria ene itak hi :— Aynu eramuskare kur ku ne ruwe ne, ayne, nep kusu tapne anpe an ya? ari itak.

35 Tata otta nei hauturumbe ese wa shinuma otta ene itak-hi :— Ashkanne Ramat ekashi keta ek wa Iyotta Rikunrbe kiroro e kamu kusu ne; tambe gusu, eani orowa no hekatu kusu ne ap anak ne “Ashkannep” ani aye, Kamui Roho ani aye kusu ne na.

Tata or ta ne hawturunpe ese wa sinuma or ta ene itak hi :— Askanne Ramat ekasi keta ek wa Iyotta Rikunrbe kiroro e kamu kusu ne; tanpe kusu, eani oro wano hekatu kusu ne ap anakne “Askannep” ani a=ye, Kamuy Roho ani a=ye kusu ne na.

36 Orowa, ingarʼan, E apaha ne Erizabet anak ne onne, koroka, shinuma ne yakka okkai poho katkon ruwe ne: tane po-sak ani aye guru iwan ikinne an chup ne ruwe ne.

Orowa, inkar=an, E apaha ne Erizabet anakne onne, korka, sinuma ne yakka okkay poho katkor ruwe ne: tanepo-sak ani a=ye kur iwan ikinne an cup ne ruwe ne.

37 Kamui orowa no an itak anak obitta kiroro sakbe shomo ne kusu ne ruwe ne gusu ne na, ari itak.

Kamuy oro wano an itak anak opitta kiroro sak pe somo ne kusu ne ruwe ne kusu ne na, ari itak.

38 Orowa, Maria ene itak-hi :— Utarapa uitek mat ku ne ruwe ne gusu; e ye korachi en otta anro, sekoro itak. Orowa, nei hauturumbe shinuma orowa no oman nisa ruwe ne na.

Orowa, Maria ene itak hi :— Utarpa uytek mat ku ne ruwe ne kusu; e ye koraci en or ta an ro, sekor itak. Orowa, ne hawturunpe sinuma oro wano oman nisa ruwe ne na.

39 Orowa, nei toho ta Maria hopuni wa tunashi no hum ush kotan ta, Yuda un machiya orun oman, awa,

Orowa, ne toho ta Maria hopuni wa tunasno hum us kotan ta, Yuda un maciya orun oman, awa,

40 Zakarias koro chisei otta ahun wa Erizabet erangarap nisa ruwe ne.

Zakarias kor cise or ta ahun wa Erizabet erankarap nisa ruwe ne.

41 Orowa, Erizabet anak ne Maria erangarap itak nu ita, honi ta an aiai tereke nisa ruwe ne;

Orowa, Erizabet anakne Maria erankarap itak nu hi ta, honi ta an ayay terke nisa ruwe ne;

42 tata otta Erizabet Ashkanne Ramat ani aeshikte; aige, rui hawe ani hawe ashte wa, ene itak-hi :—

tata or ta Erizabet Askanne Ramat ani a=esikte; ayke, ruy hawe ani hawe aste wa, ene itak hi :—

43 Shiwentep ututta anunuke guru e ne ruwe ne, samata, e honi esanbe anunuke ne ruwe ne. Orowa no, nep gusu ku Utarapa koro habo en otta ek a?

Siwentep ututta a=nunuke kur e ne ruwe ne, sama ta, e honi e=sanpe a=nunuke ne ruwe ne. Orowano, nep kusu ku Utarpa kor hapo en or ta ek a?

44 E ki rangarap hau anak ne ku kisara otta ahun ita, ku honi ta an aiai nupetne gusu tereke nisa ruwe ne gusu ne na.

E ki rankarap haw anakne ku=kisara or ta ahun hi ta, ku=honi ta an ayay nupetne kusu terke nisa ruwe ne kusu ne na.

45 Orowa, eishokoro shiwentep anak ne anunuke ne, Utarapa orowa no Shinuma otta anure orushpe auweomare kusu ne gusu ne na.

Orowa, eysokor siwentep anakne a=nunuke ne, Utarpa oro wano Sinuma or ta a=nure oruspe a=ueomare kusu ne kusu ne na.

46 Tata otta Maria ene itak-hi :— Ku keutum anak ne Utarapa pasere,

Tata or ta Maria ene itak hi :— Ku=kewtum anakne Utarpa pasere,

47 Ku ramat anak ne en kashiobiuki Kamui enupetne ruwe ne.

Ku=ramat anakne en=kasiopiwki Kamuy enupetne ruwe ne.

48 Koro uitek-mat raka isambe Shinuma ko-ingara gusu ne ruwe ne: Ingara, tande oro ainu ikiri obitta kuani anunuke guru ne sekoro en ye kusu ne.

Kor uytek-mat raka i=sanpe Sinuma ko-inkar kusu ne ruwe ne: Inkar, tan te oro aynu ikiri opitta kuani a=nunuke kur ne sekor en=ye kusu ne.

49 Inambe gusu ne yakun, kiroro koro guru anak ne porope ki nisa ruwe ne; Shinuma reihei anak ne “Ashkanne” ne ruwe ne.

Inanpe kusu ne yakun, kiroro kor kur anakne poro p ki nisa ruwe ne; Sinuma rehe anakne “Askanne” ne ruwe ne.

50 Shinuma ko-ishitoma utara Ikiri ikiri otta poro rampoken an ruwe ne.

Sinuma ko-isitoma utar Ikiri ikiri or ta poro ranpoken an ruwe ne.

51 Koro teke ani kirorohe kan ruwe ne. Keutum ta shiokunnure yainu ki utara charichari nisa ruwe ne.

Kor teke ani kirorohe kan ruwe ne. Kewtum ta siokunnure yaynu ki utar caricari nisa ruwe ne.

52 Amset orowa no sapane utara range ruwe ne wa, Utara keshi un utara rikta ande nisa ruwe ne.

Amset oro wano sapane utar ranke ruwe ne wa, Utar kes un utar rik ta ante nisa ruwe ne.

53 Pirikap ani ibe-rusui utara kironnure; Orowa, oteknu utara oha no omande nisa ruwe ne.

Pirka p ani ipe-rusuy utar kironnure; Orowa, oteknu utar oha no omante nisa ruwe ne.

54 Shinuma chikoro ekashi orun; Hembara pakno ne yakka okai Abraham sanikiri orun ye korachi,

Sinuma ci=kor ekasi orun; Henpara pakno ne yakka okay Abraham sanikiri orun ye koraci,

55 Koro poho ne Israeru ikashiu kuni, Rampoken eshkarun nisa ruwe ne, sekoro itak.

Kor poho ne Israeru ikasiw kuni, Rampoken eskarun nisa ruwe ne, sekor itak.

56 Orowa, Maria anak ne Erizabet tura re chup pakno an, okake an chiki koro uni ta hoshipi nisa ruwe ne.

Orowa, Maria anakne Erizabet tura re cup pakno an, okake an ciki kor uni ta hosipi nisa ruwe ne.

57 Orowa, Erizabet anak ne po shikore kusu ne pakihi epa; aige, okkai poho hekatu nisa ruwe ne.

Orowa, Erizabet anakne po sikore kusu ne pakihi epa; ayke, okkay poho hekatu nisa ruwe ne.

58 Orowa, shinuma otta Utarapa anak ne rampoken porore ruwe ne sekoro koro apaha utara newa aun utara nu, awa, tura no ukonupetne nisa ruwe ne.

Orowa, sinuma or ta Utarpa anakne ranpoken porore ruwe ne sekor kor apaha utar newa aun utar nu, awa, turano ukonupetne nisa ruwe ne.

59 Orowa, tupesan ikinne an toho ta nei aiai okarituye buri akire gusu uwekarapa wa okai ruwe ne; awa, koro michi reihei an korachi Zakarias ani an reihei ani reikore kuni yainu;

Orowa, tupesan ikinne an toho ta ne ayay okarituye puri a=kir kusu uekarpa wa okay ruwe ne; awa, kor mici rehe an koraci Zakarias ani an rehe ani rékore kuni yaynu;

60 koroka, shomo, Yoannes ani an reihei ani reikore kusu ne sekoro koro habo ese wa itak nisa ruwe ne na.

korka, somo, Yoannes ani an rehe ani rékore kusu ne sekor kor hapo ese wa itak nisa ruwe ne na.

61 Orota nei utara ene itak-hi :— Nei no an reihei koro guru e koro apaha utara otta isam ruwe ne,

Oro ta ne utar ene itak hi :— Néno an rehe kor kur e=kor apaha utar or ta isam ruwe ne,

62 ari itak. Orowa, aiai koro michi otta shirosh ki wa, nekon a an reihei ani areikore kusu ne yak pirika ya? ani nu.

ari itak. Orowa, ayay kor mici or ta siros ki wa, nekona an rehe ani a=rékore kusu ne yak pirka ya? ani nu.

63 Shinuma anak ne nuye-ita kana, aige, nuye wa ene itak-hi :— Shinuma reihei anak ne Yoannes ne ruwe ne, ani nuye. Orowa no, utara obitta enushkari nisa ruwe ne.

Sinuma anakne nuye-hi ta kana, ayke, nuye wa ene itak hi :— Sinuma rehe anakne Yoannes ne ruwe ne, ani nuye. Orowano, utar opitta enuskari nisa ruwe ne.

64 Orowa, Shinuma koro paroho nani amaka, koro parumbe eiwange wa itak ani Kamui nunuke ruwe ne.

Orowa, Sinuma kor paroho nani a=mak, kor parunpe eywanke wa itak ani Kamuy nunuke ruwe ne.

65 Orowa no, shinuma utara pishkaniketa okai oshiroma utara ishitoma nisa ruwe ne; aige, tap orushpe obitta Yuda moshiri un huru shikapneka no assuru-a-ashte nisa ruwe ne.

Orowano, sinuma utar piskanike ta okay osiroma utar isitoma nisa ruwe ne; ayke, tap oruspe opitta Yuda mosir un hur sikapneka no assuru-a-aste nisa ruwe ne.

66 Nei orushpe nu utara anak ne obitta tap okaibe koro keutum ta eumashnu wa ene itak-hi :— Yakun, tan aiai nekon a ambe ne kusu ne ya? Utarapa tekehe shinuma tura no an ruwe ne gusu ne na, ari an itak ani itak nisa ruwe ne na.

Ne oruspe nu utar anakne opitta tap okaype kor kewtum ta ewmasnu wa ene itak hi :— Yakun, tan ayay nekona anpe ne kusu ne ya? Utarpa tekehe sinuma turano an ruwe ne kusu ne na, ari an itak ani itak nisa ruwe ne na.

67 Koro michi Zakarias anak ne Ashkanne Ramat ani aeshik wa uweingara hine ene itak-hi :—

Kor mici Zakarias anakne Askanne Ramat ani a=esik wa ueinkar hine ene itak hi :—

68 Israeru utara koro Kamui ne Utarapa anak ne anunuke ne; Koro utara ko-ingara, utara kikiraye nisa ruwe ne gusu ne na.

Israeru utar kor Kamuy ne Utarpa anakne a=nunuke ne; Kor utar ko-inkar, utar kikiraye nisa ruwe ne kusu ne na.

69 Koro poho Dabid ikiri tumugeta Un kashiobiuki Kirau chi utara gusu hopunire nisa ruwe ne.

Kor poho Dabid ikiri tumke ta Un kasiopiwki Kiraw ci utar kusu hopunire nisa ruwe ne.

70 (Moshiri heashi wano tane pakno hekatu Ashkanne uweingara utara paro ani ye korachi),

(Mosir heasi wano tane pakno hekatu Askanne ueinkar utar paro ani ye koraci),

71 Un epokba utara newa un etunne utara teke orowa no un ohaitare;

Un epokpa utar newa un etunne utar teke oro wano un ohaytare;

72 Chikoro ekashi otta rampoken kore, Koro ashkanne eitakamkire itak eshkarun gusu ne;

Ci=kor ekasi or ta ranpoken kore, Kor askanne eytakamkire itak eskarun kusu ne;

73 Chikoro ekashi Abraham orota shiyuppa itak ani ye;

Ci=kor ekasi Abraham oro ta siyuppa itak ani ye;

74 Chi rai pakno turu-sak wa oupeka no Shinuma tek samata okai wa

Ci ray pakno tur-sak wa owpekano Sinuma teksama ta okay wa

75 Ishitoma shomoki no Shinuma otta chi utara yaieiwangere kuni ne, Un epokba utara tekehe wano un honnere ruwe ne.

Isitoma somo ki no Sinuma or ta ci utar yayeywankere kuni ne, Un epokpa utar tekehe wano un honnere ruwe ne.

76 Ruwe un Poho, Eani anak ne koro ru etokooiki gusu Utarapa kotchaot e oman gusu, Orowa, katpak atusare kuni

Ruwe un Poho, Eani anakne kor ru etokooyki kusu Utarpa kotcaot e oman kusu, Orowa, katpak atusare kuni

77 Kashiobiuki utara otta eramande gusu Aokai anak ne Iyotta Rikunbe koro uweingara guru ani aye kusu ne.

Kasiopiwki utar or ta eramante kusu Aokay anakne Iyotta Rikunbe kor ueinkar kur ani a=ye kusu ne.

78 Chikoro Kamui ramu-hauge rampoken an gusu Rik oro nisat pekere un otta hetukure wa

Ci=kor Kamuy ramu-hawke ranpoken an kusu Rik oro nisat peker un or ta hetukure wa

79 Mo an ru otta chikoro kema aomande kuni ne, Rai kurihi otta hene, kunne-i otta hene rok wa okai chi utara gusu atte pekere ruwe ne, ari Zakarias itak. Orowa, aiai shukup wa ramat tumashnu, orosama, Israeru un utara otta yainukare pakno kimta an nisa ruwe ne na.

Mo an ru or ta ci=kor kema a=omante kuni ne, Ray kurihi or ta hene, kunne hi or ta hene rok wa okay ci utar kusu atte peker ruwe ne, ari Zakarias itak. Orowa, ayay sukup wa ramat tumasnu, orosama, Israeru un utar or ta yaynukare pakno kim ta an nisa ruwe ne na.

2:1 Orowa no, nei toho pakihi ta anak ne ingi-moshirʼun

Orowano, ne toho pakihi ta anakne inki-mosir un

2 utara auwatori kuni Kaizaros Augustos orowa no ipawetenge san, awa; tan auwatori-i anak ne Kurinius Siria moshiri esapane an ita aheashire nisa ruwe ne.

utar auwatori kuni Kayzaros Awgustos oro wano ipawetenke san, awa; tan auwatori hi anakne Kurinius Siria mosir esapane an hi ta aheasire nisa ruwe ne.

3 Orowa, utara obitta yai-uwatori kuni otta hekatu kotan orun paye nisa ruwe ne.

Orowa, utar opitta yay-uwatori kuni or ta hekatu kotan orun paye nisa ruwe ne.

4 Awa, Yosep anak ne Dabid sanikiri, Dabid chisei un guru ne wa gusu, shinuma ne yakka yaikota ne yakka akopakashnu an shinnai kateiyeunu Maria tura auwatori kuni gusu,

Awa, Yosep anakne Dabid sanikiri, Dabid cise un kur ne wa kusu, sinuma ne yakka yaykota ne yakka a=kopakasnu an sinnay kateiyewnu Maria tura auwatori kuni kusu,

5 Gariraya moshiri un Nazaret kotan orowa no Yudea moshirʼun Betrehem ani aye Dabid kotan orota oman nisa ruwe ne.

Gariraya mosir un Nazaret kotan oro wano Yudea mosir un Betrehem ani a=ye Dabid kotan oro ta oman nisa ruwe ne.

6 Orowa, shinuma utara anak ne nei kotan ta okai rapoketa, Maria po koro kuni pakihi epa nisa ruwe ne.

Orowa, sinuma utar anakne ne kotan ta okay rapoketa, Maria po kor kuni pakihi epa nisa ruwe ne.

7 Awa, koro kiyanne-po shikore wa tanne anrip kokarakari hine orun tunma eibe kitchi otta hotkere nisa ruwe ne; reushi ushiketa ahup kuni tumbu isam ruwe ne gusu ne na.

Awa, kor kiyanne-po sikore wa tanne anrip kokarkari hine orun tunma e=ype kitci or ta hotkere nisa ruwe ne; rewsi uske ta ahup kuni tumpu isam ruwe ne kusu ne na.

8 Nei moshiri ta anchikara kimta okai wa koro chikoikip topaha epungine hitsuji chikoikip reshpa utara okai.

Ne mosir ta ancikar kim ta okay wa kor cikoykip topaha epunkine hitsuji cikoykip respa utar okay.

9 Awa, Utarapa koro shine hauturumbe i samaketa ash, aige, Utarapa nupeki i pishkanike ta atte nisa ruwe ne: awa, nei utara toiko ishitoma nisa ruwe ne.

Awa, Utarpa kor sine hawturunpe i samake ta as, ayke, Utarpa nupeki i piskanike ta atte nisa ruwe ne: awa, ne utar toyko isitoma nisa ruwe ne.

10 Tata otta Kamui hauturumbe iotta ene itak-hi :— Iteki ishitoma yan; ingarʼan, echi utara gusu poron no akopuntek kuni shongo echi nure ash na, nei ambe anak ne obitta no okai utara gusu an ap ne kusu ne gusu ne na:

Tata or ta Kamuy hawturunpe iotta ene itak hi :— Iteki isitoma yan; inkar=an, eci utar kusu poronno a=kopuntek kuni sonko eci=nure as na, ne anpe anakne opittano okay utar kusu an ap ne kusu ne kusu ne na:

11 inambe gusu ne yakun, tan to Dabid kotan ta Utarapa ne Kiristo ani an kashiobiukip echi utara gusu ashikore nisa ruwe ne.

inanpe kusu ne yakun, tanto Dabid kotan ta Utarpa ne Kiristo ani an kasiopiwkip eci utar kusu a=sikore nisa ruwe ne.

12 Aine, tambe anak ne echi gusu an shirosh ne; nei aiai tanne anrip ani akokarakari wa orun umma eibe kitchi otta hotke wa an-i echi nukara kusu ne.

Ayne, tanpe anakne eci kusu an siros ne; ne ayay tanne anrip ani a=kokarkari wa orun umma e=ype kitci or ta hotke wa an hi eci=nukar kusu ne.

13 Tata otta, ekushkonna nei hauturumbe tura inne kando un topaha okai hine Kamui ramye wa ene itak-hi :—

Tata or ta, ekuskonna ne hawturunpe tura inne kanto un topaha okay hine Kamuy ramye wa ene itak hi :—

14 Iyotta rikun kando otta an Kamui orun nupeki an, Moshiri kata okai pirika irenga koro utara otta itomo an na, sekoran itak ani ye nisa ruwe ne.

Iyotta rikun kanto or ta an Kamuy orun nupeki an, Mosir kata okay pirka irenka kor utar or ta i=tom an na, sekor an itak ani ye nisa ruwe ne.

15 Orowa no, uitekbe anak ne nei utara wano paye hine kando orun rikin wa isam okaketa hitsuji chikoikip reshpa utara utashpa ene itak-hi :— Utarapa rui nure tan hetuku wa an orushpe nukara gusu, tane Betre

Orowano, uytekpe anakne ne utar wano paye hine kanto orun rikin wa isam okake ta hitsuji cikoykip respa utar utaspa ene itak hi :— Utarpa ruy nure tan hetuku wa an oruspe nukar kusu, tane Betre

16 hera kotan orun paye anro, sekoro itak. Orowa no, shinuma utara tunashi no araki wa Maria newa Yosep nukara, orowa, otta umma eibe kitchi orota

her kotan orun paye an ro, sekor itak. Orowano, sinuma utar tunasno arki wa Maria newa Yosep nukar, orowa, or ta umma e=ype kitci oro ta

17 hotke wa an aiai nukan nisa ruwe ne. Nei ambe nukara chiki, tan aiai gusu an orushpe assuru ashte

hotke wa an ayay nukar nisa ruwe ne. Ne anpe nukar ciki, tan ayay kusu an oruspe assuru aste

18 nisa ruwe ne. Awa, hitsuji chikoikip reshpa utara orowa no aye orushpe nu utara anak ne obitta nei

nisa ruwe ne. Awa, hitsuji cikoykip respa utar oro wano a=ye oruspe nu utar anakne opitta ne

19 itak gusu enushkari nisa ruwe ne. Koroka, Maria anak ne obitta tan okai orushpe koro keutum ta

itak kusu enuskari nisa ruwe ne. Korka, Maria anakne opitta tan okay oruspe kor kewtum ta

20 shikkashima wa eyaikoshiramse ruwe ne. Orowa, orota aye korachi obitta nukara hemhem ki, nu hem-hem ki gusu, nei hitsuji chikoikip reshpa utara Kamui ko-oripak wa iramye koro hoshippa nisa ruwe ne.

sikkasima wa eyaykosiramse ruwe ne. Orowa, oro ta a=ye koraci opitta nukar hemhem ki, nu hem-hem ki kusu, ne hitsuji cikoykip respa utar Kamuy ko-oripak wa iramye kor hosippa nisa ruwe ne.

21 Orowa, Yesu okarituye buri akore kuni tupesan rereko epa koro anak ne Shinuma naa shomo ehon-koro etokota uitekbe reikore korachi Yesu ani an reihei ani areikore nisa ruwe ne.

Orowa, Yesu okarituye puri a=kore kuni tupesan rerko epa kor anakne Sinuma naa somo e=hon-kor etoko ta uytekpe rékore koraci Yesu ani an rehe ani a=rékore nisa ruwe ne.

22 Orowa no, Mose tuitak nei no shinuma utara turusakte buri ki toho epa chiki anak ne, Utarapa otta nei aiai yange gusu,

Orowano, Mose tuytak néno sinuma utar turusakte puri ki toho epa ciki anakne, Utarpa or ta ne ayay yanke kusu,

23 (Utarapa tuitak oma kambi kashiketa chieshin-nuye wa an korachi — “Honihi maka okkai po anak ne obitta Utarapa otta turu-sakbe aye kusu ne,”) naa samata, Utarapa tuitak an

(Utarpa tuytak oma kampi kasike ta ci=esin-nuye wa an koraci — “Honihi maka okkaypo anakne opitta Utarpa or ta tur-sak pe a=ye kusu ne,”) naa sama ta, Utarpa tuytak an

24 korachi ayange kuni, kim un kusuwep newa chisei un kusuwep-po tup range yange gusu, Yerusarem kotan otta araki nisa ruwe ne.

koraci a=yanke kuni, kimun kusuwep newa cise un kusuwep-po tup ranke yanke kusu, Yerusarem kotan or ta arki nisa ruwe ne.

25 Orowa, Yerusarem kotan ta Simeon ani an reihei koro shine ainu an, nei guru anak ne oupeka newa Kamui eoripak ainu ne, Israeru un utara omaoma kunip chipachipa korʼan ruwe ne:

Orowa, Yerusarem kotan ta Simeon ani an rehe kor sine aynu an, ne kur anakne owpeka newa Kamuy eoripak aynu ne, Israeru un utar omaoma kunip cipacipa kor an ruwe ne:

26 awa, Ashkanne Ramat shinuma kashiketa an ruwe ne. Nei guru Utarapa koro Kiristo nukara pakno rai shomoki sekorʼambe anak ne Ashkanne

awa, Askanne Ramat sinuma kasike ta an ruwe ne. Ne kur Utarpa kor Kiristo nukar pakno ray somo ki sekor anpe anakne Askanne

27 Ramat ani shinuma aeramande nisa ruwe ne. Nei guru Ramat aani wa Kamui kora kenru orun ahun nisa ruwe ne: orowa no eshikop anak ne atuitak wa an buri nei no ki gusu,

Ramat ani sinuma a=eramante nisa ruwe ne. Ne kur Ramat a=ani wa Kamuy kor kenru orun ahun nisa ruwe ne: orowano esikop anakne a=tuytak wa an puri néno ki kusu,

28 Kamui kora kenru otta Yesu koro wa araki chiki; shinuma anak ne Yesu temkoro omare wa Kamui nunuke hine ene itak-hi :—

Kamuy kor kenru or ta Yesu kor wa arki ciki; sinuma anakne Yesu temkoro omare wa Kamuy nunuke hine ene itak hi :—

29 Aa Utarapa, E ye-hi korachi, Mo no an wa E uitek guru tane E hoshipire na;

Aa Utarpa, E ye hi koraci, Mo no an wa E uytek kur tane E hosipire na;

30 Ingi utara shik samata tambe Aokai etokooiki E koro kashiobiuki-i ku shikihi anak ne nukanʼnisa ruwe ne gusu ne na.

Inki utar sik sama ta tanpe Aokay etokooyki E=kor kasiopiwki hi ku=sikihi anakne nukar nisa ruwe ne kusu ne na.

31 Oya utara aekambak an kuni pekere ne, E koro Israeru un utara nupeki-hi ne ruwe ne, sekoro itak.

Oya utar aekanpak an kuni peker ne, E=kor Israeru un utar nupeki hi ne ruwe ne, sekor itak.

32 Orowa, koro ona koro unu anak ne Shinuma gusu aye orushpe enushkari koro an, awa,

Orowa, kor ona kor unu anakne Sinuma kusu a=ye oruspe enuskari kor an, awa,

33 Simeon nei utara nunuke, orowa, koro habo Maria otta ene itak-hi :— Ingarʼan, tan aiai anak ne Israeru un inne utara hachiripa hemhem ki hopumba hemhem ki, samata, gusu sempirike-oitak shirosh ne kuni ne aande ruwe ne;

Simeon ne utar nunuke, orowa, kor hapo Maria or ta ene itak hi :— Inkar=an, tan ayay anakne Israeru un inne utar haciripa hemhem ki hopunpa hemhem ki, sama ta, kusu senpirike-oytak siros ne kuni ne a=ante ruwe ne;

34 ruwe newa, emush anak ekon ramat otke ekushna kusu ne; tambe inne keutum yainu-hi anukara kuni gusu ne ruwe ne, ani itak.

ruwe newa, emus anak e=kor ramat otke ekusna kusu ne; tanpe inne kewtum yaynu hi a=nukar kuni kusu ne ruwe ne, ani itak.

35 Orowa, Aser ainu ikiri un Panueru koro matne-po Anna ani an reihei koro shine uweingara shiwentep an ruwe ne (tan shiwentep shi no pa poro guru ne, hoku koro orowa no arawan pa pakno tura an,

Orowa, Aser aynu ikiri un Panueru kor matne-po Anna ani an rehe kor sine ueinkar siwentep an ruwe ne (tan siwentep sino pa poro kur ne, hoku kor oro wano arwan pa pakno tura an,

36 orowa, ine pa ikashima ine hotne pa pakno shiyompiyara ne ruwe ne), nei shiwentep inonno-itak newa shomo ramnu kip ani Kamui otta yaishieiwangere wa kunne-to ta hene tokap-to ta hene Kamui kora kenru orowa no oman shomoki nisa ruwe ne.

orowa, ine pa ikasma ine hotne pa pakno siyonpiyar ne ruwe ne), ne siwentep inonno-itak newa somo ramnu kip ani Kamuy or ta yaysieywankere wa kunne-to ta hene tokap-to ta hene Kamuy kor kenru oro wano oman somo ki nisa ruwe ne.

37 Nei paki ita shinuma ek wa Kamui ko-yaiiraige, samata, Yerusarem kotan kikiaraye kuni chipachipa utara otta Shinuma gusu ye nisa ruwe ne.

Ne paki hi ta sinuma ek wa Kamuy ko-yayirayke, sama ta, Yerusarem kotan kikiaraye kuni cipacipa utar or ta Sinuma kusu ye nisa ruwe ne.

38 Orowa no, nei utara anak ne Utarapa tuitak gusu an okaibe obitta ki okere chiki, Gariraya moshirʼun koro kotan Nazaret machiya otta hoshippa nisa ruwe ne na.

Orowano, ne utar anakne Utarpa tuytak kusu an okaype opitta ki okere ciki, Gariraya mosir un kor kotan Nazaret maciya or ta hosippa nisa ruwe ne na.

39 Orowa, aiai shukup wa tumashnu ne, wayashnup ani eshik ruwe ne, orosama, Kamui irenga nei kashiketa an ruwe ne.

Orowa, ayay sukup wa tumasnu ne, wayasnup ani esik ruwe ne, orosama, Kamuy irenka ne kasike ta an ruwe ne.

40 Shinuma koro eshikop anak ne Kamakush marapto an gusu ne pakita kespa Yerusarem kotan orun paye range nisa ruwe ne.

Sinuma kor esikop anakne Kamakus marapto an kusu ne pakita kespa Yerusarem kotan orun paye ranke nisa ruwe ne.

41 Orowa, Shinuma tu pa ikashima wan pa epa ita nei marapto buri an gusu Yerusarem kotan otta paye nisa ruwe ne;

Orowa, Sinuma tu pa ikasma wan pa epa hi ta ne marapto puri an kusu Yerusarem kotan or ta paye nisa ruwe ne;

42 nei marapto an toho aokere chiki hoshippa koro an ita heikachi ne Yesu anak ne Yerusarem kotan ta iyokane nisa ruwe ne; koro eshikop anak tambe eramushkari wa, utara tura an sekoro yainu hine shine to paye ruwe ne;

ne marapto an toho a=okere ciki hosippa kor an hi ta hekaci ne Yesu anakne Yerusarem kotan ta iyokane nisa ruwe ne; kor esikop anak tanpe eramuskari wa, utar tura an sekor yaynu hine sine to paye ruwe ne;

43 awa, iriwak utara tumugeta hene uonnere utara tumugeta hene Shinuma hunara ruwe ne;

awa, irwak utar tumke ta hene uonnere utar tumke ta hene Sinuma hunara ruwe ne;

44 aige, pa shomoki gusu hunara koro Yerusarem kotan otta hoshippa nisa ruwe ne.

ayke, pa somo ki kusu hunara kor Yerusarem kotan or ta hosippa nisa ruwe ne.

45 Awa, rereko okaketa Kamui kora kenru ta okai epakashnu utara tumugeta a wa itak nu hemhem ki, uwepekennu hemhem ki wa an wa anukan nisa ruwe ne.

Awa, rerko okake ta Kamuy kor kenru ta okay epakasnu utar tumke ta a wa itak nu hemhem ki, uwepekennu hemhem ki wa an wa a=nukar nisa ruwe ne.

46 Orowa, Shinuma nu utara anak ne obitta nei eramu ambe katu hemhem ese itak ki katu hemhem eoyamokte nisa ruwe ne.

Orowa, Sinuma nu utar anakne opitta ne eramu anpe katu hemhem ese itak ki katu hemhem e=oyamokte nisa ruwe ne.