Orowa, Shinuma hepuni ingara wa oteknu utara kamui yange ichen shuop otta korarape omare shiri nukan nisa ruwe ne.
Orowa, Sinuma hepuni inkar wa oteknu utar kamuy yanke icen suop or ta korarape omare siri nukar nisa ruwe ne.
αναβλεψας δε ειδεν τους βαλλοντας εις το γαζοφυλακιον τα δωρα αυτων πλουσιους
And he looked up, and saw the rich men that were casting their gifts into the treasury.
Awa, nei shuop oshiketa tu reptos omare shine otek-sak shiyompiyara shiwentep nukara.
Awa, ne suop oske ta tu reptos omare sine otek-sak siyonpiyar siwentep nukar.
ειδεν δε τινα χηραν πενιχραν βαλλουσαν εκει λεπτα δυο
And he saw a certain poor widow casting in thither two mites.
Aige, Shinuma ene itak-hi :— Son no newa echi otta Ku ye, obitta no okai nei utara kasu no tan otek-sak shiyompiyara shiwentep anak ne naa poron no omare nisa ruwe ne;
Ayke, Sinuma ene itak hi :— Sonno newa eci or ta Ku=ye, opittano okay ne utar kasuno tan otek-sak siyonpiyar siwentep anakne naa poronno omare nisa ruwe ne;
και ειπεν αληθως λεγω υμιν οτι η χηρα αυτη η πτωχη πλειον παντων εβαλεν
And he said, Of a truth I say unto you, This poor widow cast in more than they all:
inambe gusu ne yakun, obitta no tan okai utara anak ne ikashima an ambe orowa no korarabe otta omare: koroka, nei shiwentep anak ne korobe obitta omare nisa ruwe ne gusu ne na, ari itak.
inanpe kusu ne yakun, opittano tan okay utar anakne ikasma an anpe oro wano korarape or ta omare: korka, ne siwentep anakne kor pe opitta omare nisa ruwe ne kusu ne na, ari itak.
παντες γαρ ουτοι εκ του περισσευοντος αυτοις εβαλον εις τα δωρα αυτη δε εκ του υστερηματος αυτης παντα τον βιον ον ειχεν εβαλεν
for all these did of their superfluity cast in unto the gifts: but she of her want did cast in all the living that she had.
Orowa, Kamui kora kenru anak ne hemanda pirika shuma newa ayangep ani atomtere wa an katu ye korʼan utara okai rapoketa, otta Shinuma ene itak-hi :—
Orowa, Kamuy kor kenru anakne hemanta pirka suma newa ayankep ani atomtere wa an katu ye kor an utar okay rapoketa, or ta Sinuma ene itak hi :—
και τινων λεγοντων περι του ιερου οτι λιθοις καλοις και αναθημασιν κεκοσμηται ειπεν
And as some spake of the temple, how it was adorned with goodly stones and offerings, he said,
Tan okai echi nukarape gusu anak, ahachiri shomoki no teda an ukata-ukata okai shuma shinep ne yakka shuma ukata aande shomoki toho ek kusu ne na.
Tan okay eci=nukar pe kusu anak, a=hacir somo ki no teta an ukata-ukata okay suma sinep ne yakka suma ukata a=ante somo ki toho ek kusu ne na.
ταυτα α θεωρειτε ελευσονται ημεραι εν αις ουκ αφεθησεται λιθος επι λιθω ωδε ος ου καταλυθησεται
As for these things which ye behold, the days will come, in which there shall not be left here one stone upon another, that shall not be thrown down.
Orowa, Shinuma otta nei utara uwepekennu wa ene itak-hi :— Epakashnu guru, tambe gusu, tap okaibe hembara pakita hetuku ya? Orowa, tap orushpe auweomare kuni kusu ne paha ta hemanda shirosh an kusu ne ya? ari itak.
Orowa, Sinuma or ta ne utar uwepekennu wa ene itak hi :— Epakasnu kur, tanpe kusu, tap okaype henpara pakita hetuku ya? Orowa, tap oruspe a=ueomare kuni kusu ne paha ta hemanta siros an kusu ne ya? ari itak.
επηρωτησαν δε αυτον λεγοντες διδασκαλε ποτε ουν ταυτα εσται και τι το σημειον οταν μελλη ταυτα γινεσθαι
And they asked him, saying, Master, when therefore shall these things be? and what [shall be ]the sign when these things are about to come to pass?
Orowa, Shinuma ene itak-hi :— Iteki moshima guru echi kokandama kuni ne yaitubare yan: inambe gusu ne yakun, inne utara Ku reihei ani hine araki wa :— Kuani Shinuma ne, ani itak pakihi ehange no an: nei utara otta iteki paye yan.
Orowa, Sinuma ene itak hi :— Iteki mosma kur eci=kokantama kuni ne yaytupare yan: inanpe kusu ne yakun, inne utar Ku=rehe ani hine arki wa :— Kuani Sinuma ne, ani itak pakihi ehanke no an: ne utar or ta iteki paye yan.
ο δε ειπεν βλεπετε μη πλανηθητε πολλοι γαρ ελευσονται επι τω ονοματι μου λεγοντες εγω ειμι και ο καιρος ηγγικεν μη πορευθητε οπισω αυτων
And he said, Take heed that ye be not led astray: for many shall come in my name, saying, I am [he]; and, The time is at hand: go ye not after them.
Orowa, tumiram newa sakayo orushpe echi nu chiki, iteki ishitoma yan: inambe gusu ne yakun, tap okaibe hoshiki no hetuku kusu ne ap; toroka, okesehe anak naa tunash shomo ne ruwe ne.
Orowa, tumiram newa sakayo oruspe eci=nu ciki, iteki isitoma yan: inanpe kusu ne yakun, tap okaype hoskino hetuku kusu ne ap; toroka, okesehe anak naa tunas somo ne ruwe ne.
οταν δε ακουσητε πολεμους και ακαταστασιας μη πτοηθητε δει γαρ ταυτα γενεσθαι πρωτον αλλ ουκ ευθεως το τελος
And when ye shall hear of wars and tumults, be not terrified: for these things must needs come to pass first; but the end is not immediately.
Orowa, nei utara orota Shinuma ene itak-hi :— Uirup anak ne uirup kotumi koro, moshiri anak ne moshiri kotumi koro:
Orowa, ne utar oro ta Sinuma ene itak hi :— Uyrup anakne uyrup kotumi kor, mosir anakne mosir kotumi kor:
τοτε ελεγεν αυτοις εγερθησεται εθνος επ εθνος και βασιλεια επι βασιλειαν
Then said he unto them, Nation shall rise against nation, and kingdom against kingdom:
orowa, poro shirishimoye an, usaine okai ushiketa keman newa turuse tashum an: samata, kando orowa no aeishitomap newa poro shirosh an kusu ne.
orowa, poro sirsimoye an, usayne okay uske ta keman newa turse tasum an: sama ta, kanto oro wano aeysitomap newa poro siros an kusu ne.
σεισμοι τε μεγαλοι και κατα τοπους λοιμοι και λιμοι λιμοι και λοιμοι εσονται φοβηθρα φοβητρα τε και απ ουρανου σημεια μεγαλα εσται
and there shall be great earthquakes, and in divers places famines and pestilences; and there shall be terrors and great signs from heaven.
Koroka, obitta no tap okaibe an etokota, utara anak ne Ku reihei rengap gusu echi kishima wa echi epokba, aige, uwekarapa chisei otta hemhem, upakashnu chisei otta hemhem echi ekoshi hine Moshiri esapane utara newa epungine utara orun echi tura kusu ne.
Korka, opittano tap okaype an etoko ta, utar anakne Ku=rehe renkap kusu eci=kisma wa eci epokpa, ayke, uekarpa cise or ta hemhem, upakasnu cise or ta hemhem eci=ekosi hine Mosir esapane utar newa epunkine utar orun eci tura kusu ne.
προ δε τουτων παντων επιβαλουσιν εφ υμας τας χειρας αυτων και διωξουσιν παραδιδοντες εις τας συναγωγας και φυλακας απαγομενους επι βασιλεις και ηγεμονας ενεκεν του ονοματος μου
But before all these things, they shall lay their hands on you, and shall persecute you, delivering you up to the synagogues and prisons, bringing you before kings and governors for my name’s sake.
Nei ambe anak ne echi otta paweteshu ne kusu ne.
Ne anpe anakne eci or ta pawetesu ne kusu ne.
αποβησεται υμιν εις μαρτυριον
It shall turn unto you for a testimony.
Tambe gusu, nei etokota nekon a echi ese ya iteki yaikoshiramse kuni echi keutum ta oshitchiu yan: inambe gusu ne yakun,
Tanpe kusu, ne etoko ta nekona eci=ese ya iteki yaykosiramse kuni eci=kewtum ta ositciw yan: inanpe kusu ne yakun,
θετε ουν εν ταις καρδιαις υμων μη προμελεταν απολογηθηναι
Settle it therefore in your hearts, not to meditate beforehand how to answer:
Kuani anak ne obitta no okai echi epokba utara eyoko hemhem ki, otta ese itak hemhem ki eaikap paroho newa wayashnu-i echi kore ash na.
Kuani anakne opittano okay eci epokpa utar eyoko hemhem ki, or ta ese itak hemhem ki eaykap paroho newa wayasnu hi eci=kore as na.
εγω γαρ δωσω υμιν στομα και σοφιαν η ου δυνησονται αντιστηναι η αντειπειν απαντες οι αντικειμενοι υμιν
for I will give you a mouth and wisdom, which all your adversaries shall not be able to withstand or to gainsay.
Koroka, echi utara anak ne eshikop orowa no hene, iriwak orowa no hene, utara orowa no hene, nimaraha orowa no hene poka aekoshi kusu ne; samata, echi tumugeta okai sereke an utara aronnure kusu ne ruwe ne.
Korka, eci utar anakne esikop oro wano hene, irwak oro wano hene, utar oro wano hene, nimaraha oro wano hene poka a=ekosi kusu ne; sama ta, eci=tumke ta okay serke an utar aronnure kusu ne ruwe ne.
παραδοθησεσθε δε και υπο γονεων και αδελφων και συγγενων και φιλων και θανατωσουσιν εξ υμων
But ye shall be delivered up even by parents, and brethren, and kinsfolk, and friends; and [some ]of you shall they cause to be put to death.
Orowa, Ku reihei ankushkerai gusu echi utara obitta no okai utara orowa no aetunne kusu ne.
Orowa, Ku=rehe an kuskeray kusu eci utar opittano okay utar oro wano a=etunne kusu ne.
και εσεσθε μισουμενοι υπο παντων δια το ονομα μου
And ye shall be hated of all men for my name’s sake.
Orowa, echi sapa un shine otop tu ne yakka aisamka shomoki.
Orowa, eci=sapa un sine otop tu ne yakka a=ysamka somo ki.
και θριξ εκ της κεφαλης υμων ου μη αποληται
And not a hair of your head shall perish.
Echi yaishiporore wa kon ramat echi koro kusu ne.
Eci=yaysiporore wa kor ramat eci=kor kusu ne.
εν τη υπομονη υμων κτησεσθε κτησασθε τας ψυχας υμων
In your patience ye shall win your souls.
Koroka, tumi-koro utara ikiri Yerusarem kotan nikkotama wa okai shiri echi nukara chiki, nei kotan wenderep ehange no an katu echi eramʼan yan.
Korka, tumi-kor utar ikiri Yerusarem kotan nikkotama wa okay siri eci=nukar ciki, ne kotan wenterep ehanke no an katu eci=eraman yan.
οταν δε ιδητε κυκλουμενην υπο στρατοπεδων ιερουσαλημ τοτε γνωτε οτι ηγγικεν η ερημωσις αυτης
But when ye see Jerusalem compassed with armies, then know that her desolation is at hand.
Nei ita Yudea un utara nupuri otta kokira: orowa, nei oshiketa okai utara soyumba yan: orowa, kimta okai utara iteki nei orun ahup yan.
Ne hi ta Yudea un utar nupuri or ta kokira: orowa, ne oske ta okay utar soyunpa yan: orowa, kim ta okay utar iteki ne orun ahup yan.
τοτε οι εν τη ιουδαια φευγετωσαν εις τα ορη και οι εν μεσω αυτης εκχωρειτωσαν και οι εν ταις χωραις μη εισερχεσθωσαν εις αυτην
Then let them that are in Judaea flee unto the mountains; and let them that are in the midst of her depart out; and let not them that are in the country enter therein.
Inambe gusu ne yakun, tan toho anak ne chieshinnuye wa obitta no okaibe auweomare kuni ikemnu toho ne ruwe ne gusu ne na.
Inanpe kusu ne yakun, tan toho anakne ciesinnuye wa opittano okaype a=ueomare kuni ikemnu toho ne ruwe ne kusu ne na.
οτι ημεραι εκδικησεως αυται εισιν του πλησθηναι παντα τα γεγραμμενα
For these are days of vengeance, that all things which are written may be fulfilled.
Nei toho ta shinnai kat iyeunu wa okai utara hemhem, to nonde wa okai utara hemhem eyaisambepokash humi! inambe gusu ne yakun, moshiri kata poro aramusarakkap an, tan okai utara kata irushkap an kusu ne gusu ne na.
Ne toho ta sinnay kat iyewnu wa okay utar hemhem, to nonte wa okay utar hemhem eyaysanpepokas humi! inanpe kusu ne yakun, mosir kata poro aramusarakkap an, tan okay utar kata iruska p an kusu ne kusu ne na.
ουαι ταις εν γαστρι εχουσαις και ταις θηλαζουσαις εν εκειναις ταις ημεραις εσται γαρ αναγκη μεγαλη επι της γης και οργη τω λαω τουτω
Woe unto them that are with child and to them that give suck in those days! for there shall be great distress upon the land, and wrath unto this people.
Orowa, nei utara emush notaku ani araige hemhem ki, obitta no okai moshiri uirup otta teke-a-pashte hemhem ki: orowa, Oya uirup utara pakihi anak ne auweomare pakno Yerusarem anak ne Oya uirup orowa no aotereke kusu ne na.
Orowa, ne utar emus notak ani arayke hemhem ki, opittano okay mosir uyrup or ta teke-a-paste hemhem ki: orowa, Oya uyrup utar pakihi anakne a=ueomare pakno Yerusarem anakne Oya uyrup oro wano a=oterke kusu ne na.
και πεσουνται στοματι μαχαιρης και αιχμαλωτισθησονται εις τα εθνη παντα και ιερουσαλημ εσται πατουμενη υπο εθνων αχρι ου πληρωθωσιν [και εσονται] καιροι εθνων
And they shall fall by the edge of the sword, and shall be led captive into all the nations: and Jerusalem shall be trodden down of the Gentiles, until the times of the Gentiles be fulfilled.
Orowa, tokap chup otta hene, kunne chup otta hene, nochiu otta hene shiroshi okai kusu ne; riri newa atui sash humi gusu sambe-kokuruse wa moshiri kata okai uirup yairamhekomo kusu ne;
Orowa, tokap cup or ta hene, kunne cup or ta hene, nociw or ta hene sirosi okay kusu ne; rir newa atuy sas humi kusu sanpe-kokuruse wa mosir kata okay uyrup yayramhekomo kusu ne;
και εσονται σημεια εν ηλιω και σεληνη και αστροις και επι της γης συνοχη εθνων εν αποριαηχους ηχους θαλασσης και σαλου
And there shall be signs in sun and moon and stars; and upon the earth distress of nations, in perplexity for the roaring of the sea and the billows;
moshiri otta araki kusu ne okaibe araki kuni esanniyo gusu, utara ishitoma wa ramu-rai kusu ne: kando un kiroro anak ne ashuyeshuye kusu ne gusu ne na.
mosir or ta arki kusu ne okaype arki kuni esanniyo kusu, utar isitoma wa ramu-ray kusu ne: kanto un kiroro anakne a=suyesuye kusu ne kusu ne na.
αποψυχοντων ανθρωπων απο φοβου και προσδοκιας των επερχομενων τη οικουμενη αι γαρ δυναμεις των ουρανων σαλευθησονται
men fainting for fear, and for expectation of the things which are coming on the world: for the powers of the heavens shall be shaken.
Orowa no, Ainu Poho anak ne kiroro newa poro nupeki koro wa nishkuru otta ek shiri anukara kusu ne.
Orowano, Aynu Poho anakne kiroro newa poro nupeki kor wa niskur or ta ek siri a=nukar kusu ne.
και τοτε οψονται τον υιον του ανθρωπου ερχομενον εν νεφελη μετα δυναμεως και δοξης πολλης
And then shall they see the Son of man coming in a cloud with power and great glory.
Koroka, tap okaibe hetuku heashi ita anak ne, hepuni un ingara, echi koro sapa puni yan; echi koro kikiaraye-i karange no ek ruwe ne gusu ne na.
Korka, tap okaype hetuku heasi hi ta anakne, hepuni un inkar, eci=kor sapa puni yan; eci=kor kikiaraye hi karankeno ek ruwe ne kusu ne na.
αρχομενων δε τουτων γινεσθαι ανακυψατε και επαρατε τας κεφαλας υμων διοτι εγγιζει η απολυτρωσις υμων
But when these things begin to come to pass, look up, and lift up your heads; because your redemption draweth nigh.
Orowa, nei utara otta Shinuma itak-maukushte-itak ye :— Ichijiku chikuni hemhem, obitta no okai chikuni hemhem ingara yan:
Orowa, ne utar or ta Sinuma itak-mawkuste-itak ye :— Ichijiku cikuni hemhem, opittano okay cikuni hemhem inkar yan:
και ειπεν παραβολην αυτοις ιδετε την συκην και παντα τα δενδρα
And he spake to them a parable: Behold the fig tree, and all the trees:
nei ambe anak ne tane chuchu hetukure chiki, echi nukara wa tane sak un pa ehange no an shiri echi utara yaikota eraman ruwe ne.
ne anpe anakne tane cucu hetukure ciki, eci=nukar wa tane sak un pa ehanke no an siri eci utar yaykota eraman ruwe ne.
οταν προβαλωσιν ηδη βλεποντες αφ εαυτων γινωσκετε οτι ηδη εγγυς το θερος εστιν
when they now shoot forth, ye see it and know of your own selves that the summer is now nigh.
Nei no korachi echi utara anak ne tap okai orushpe hetuku-hi echi nukara chiki, Kamui moshiri ehange no an shiri echi eramu yan.
Néno koraci eci utar anakne tap okay oruspe hetuku hi eci=nukar ciki, Kamuy mosir ehanke no an siri eci=eramu yan.
ουτως και υμεις οταν ιδητε ταυτα γινομενα γινωσκετε οτι εγγυς εστιν η βασιλεια του θεου
Even so ye also, when ye see these things coming to pass, know ye that the kingdom of God is nigh.
Son no echi otta Ku ye :— Nep ne yakka an okaibe auweomare pakno, tan okai ainu ikiri isam shomoki kusu ne.
Sonno eci or ta Ku=ye :— Nep ne yakka an okaype a=ueomare pakno, tan okay aynu ikiri isam somo ki kusu ne.
αμην λεγω υμιν οτι ου μη παρελθη η γενεα αυτη εως [αν] αν παντα γενηται
Verily I say unto you, This generation shall not pass away, till all things be accomplished.
Kando newa toi anak ne isam kusu ne, koroka, Ku itak anak ne isam shomoki kusu ne na.
Kanto newa toy anakne isam kusu ne, korka, Ku=itak anakne isam somo ki kusu ne na.
ο ουρανος και η γη παρελευσονται οι δε λογοι μου ου μη παρελευσονται
Heaven and earth shall pass away: but my words shall not pass away.
Koroka, echi keutura anak ne ibeshikasure ambe ani hene, ihoshki ambe ani hene, shiknu gusu an okaibe enishomap ambe ani hene shomo aeshik kashpa wa iteki akbe korachi ekushkonna echi orun nei toho ek kuni ne yaitubare yan:
Korka, eci kewtura anakne ipesikasure anpe ani hene, ihoski anpe ani hene, siknu kusu an okaype enisomap anpe ani hene somo a=esik kaspa wa iteki akpe koraci ekuskonna eci=orun ne toho ek kuni ne yaytupare yan:
προσεχετε δε εαυτοις μηποτε βαρηθωσιν αι καρδιαι υμων υμων αι καρδιαι εν κρεπαλη κραιπαλη και μεθη και μεριμναις βιωτικαις και επιστη εφ υμας εφνιδιος αιφνιδιος η ημερα εκεινη
But take heed to yourselves, lest haply your hearts be overcharged with surfeiting, and drunkenness, and cares of this life, and that day come on you suddenly as a snare:
inambe gusu ne yakun, moshirʼebitta no okai utara uwesamamba gusu nei ambe anak ne nei no korachi ek kusu ne na.
inanpe kusu ne yakun, mosir epittano okay utar uwesamanpa kusu ne anpe anakne néno koraci ek kusu ne na.
ως παγις επεισελευσεται γαρ επι παντας τους καθημενους επι προσωπον πασης της γης
for [so ]shall it come upon all them that dwell on the face of all the earth.
Echi utara anak ne araki kusu ne tap obitta no an okaibe ohaita eashkai hine Ainu Poho kotchaketa roshki kuni ne, inan pakihi ta ne yakka shiruwe wa inonno-itak ki yan.
Eci utar anakne arki kusu ne tap opittano an okaype ohay ta easkay hine Aynu Poho kotcake ta roski kuni ne, inan pakihi ta ne yakka siruwe wa inonno-itak ki yan.
αγρυπνειτε δε εν παντι καιρω δεομενοι ινα κατισχυσητε εκφυγειν ταυτα παντα τα μελλοντα γινεσθαι και σταθηναι εμπροσθεν του υιου του ανθρωπου
But watch ye at every season, making supplication, that ye may prevail to escape all these things that shall come to pass, and to stand before the Son of man.
Orowa, kesto Shinuma anak ne Kamui kora kenru ta an wa epakashnu ki korʼan nisa ruwe ne; awa, kes anchikara soine wa Kanran-ush ani aye nupuri otta reushi ruwe ne.
Orowa, kesto Sinuma anakne Kamuy kor kenru ta an wa epakasnu ki kor an nisa ruwe ne; awa, kes ancikar soyne wa Kanran-us ani a=ye nupuri or ta rewsi ruwe ne.
ην δε τας ημερας εν τω ιερω διδασκων τας δε νυκτας εξερχομενος ηυλιζετο εις το ορος το καλουμενον ελαιων
And every day he was teaching in the temple; and every night he went out, and lodged in the mount that is called [the mount ]of Olives.
Orowa, obitta no okai utara anak ne, Shinuma nu gusu aro-kunneiwano Kamui kora kenru orun araki nisa ruwe ne na.
Orowa, opittano okay utar anakne, Sinuma nu kusu a=ro-kunneywano Kamuy kor kenru orun arki nisa ruwe ne na.
και πας ο λαος ωρθριζεν προς αυτον εν τω ιερω ακουειν αυτου
And all the people came early in the morning to him in the temple, to hear him.