12 Ik. leaf 130

Orowa, itak-maukushte-itak ani utara otta ye heashi nisa ruwe ne. Shine ainu anak ne hat toi etoita, nei okari ankura ashte, orowa, orun tonoto kara kuni nishu oma gusu shui ouri, samata, shiniwe chisei kara, aige, toi-kara utara otta eirusa wa oya moshiri orun oman nisa ruwe ne.

Orowa, itak-mawkuste-itak ani utar or ta ye heasi nisa ruwe ne. Sine aynu anakne hat toy etoyta, ne okari ankura aste, orowa, orun tonoto kar kuni nisu oma kusu suy owri, sama ta, siniwe cise kar, ayke, toy-kar utar or ta eyrusa wa oya mosir orun oman nisa ruwe ne.

και ηρξατο αυτοις εν παραβολαις λαλειν αμπελωνα ανθρωπος εφυτευσεν και περιεθηκεν φραγμον και ωρυξεν υποληνιον και ωκοδομησεν πυργον και εξεδετο αυτον γεωργοις και απεδημησεν

And he began to speak unto them in parables. A man planted a vineyard, and set a hedge about it, and digged a pit for the winepress, and built a tower, and let it out to husbandmen, and went into another country.

Awa, ibe o ush-i epa ita hat toi un nikaop toi-kara utara orowa no uina kuni ne orota shine uitek guru omande nisa ruwe ne.

Awa, ipe o us hi epa hi ta hat toy un nikaop toy-kar utar oro wano uyna kuni ne oro ta sine uytek kur omante nisa ruwe ne.

και απεστειλεν προς τους γεωργους τω καιρω δουλον ινα παρα των γεωργων λαβη απο των καρπων του αμπελωνος

And at the season he sent to the husbandmen a servant, that he might receive from the husbandmen of the fruits of the vineyard.

Aige, toi-kara utara anak ne shinuma kishima wa shirikik hine nep ka sak no arapare.

Ayke, toy-kar utar anakne sinuma kisma wa sirkik hine nep ka sak no arpare.

και λαβοντες αυτον εδειραν και απεστειλαν κενον

And they took him, and beat him, and sent him away empty.

Orowa, shui, naa shine uitek guru nei utara otta aomande, awa, utara anak ne nei guru sapa piri omare hine otta shomo yaikatanu ki ruwe ne.

Orowa, suy, naa sine uytek kur ne utar or ta a=omante, awa, utar anakne ne kur sapa piri omare hine or ta somo yaykatanu ki ruwe ne.

και παλιν απεστειλεν προς αυτους αλλον δουλον κακεινον εκεφαλιωσαν και ητιμασαν

And again he sent unto them another servant; and him they wounded in the head, and handled shamefully.

Orowa, naa shinen omande, awa, nei utara shinuma raige nisa ruwe ne: orowa, moshima okai inne utara payere; aige, sereke shirikik, sereke ronnu nisa ruwe ne na.

Orowa, naa sinen omante, awa, ne utar sinuma rayke nisa ruwe ne: orowa, mosma okay inne utar payere; ayke, serke sirkik, serke ronnu nisa ruwe ne na.

και αλλον απεστειλεν κακεινον απεκτειναν και πολλους αλλους ους μεν δεροντες ους δε αποκτεννυντες αποκτεννοντες

And he sent another; and him they killed: and many others; beating some, and killing some.

Toi kon nishpa naa shinen poka koro, omap an poho ne: awa, iyotta okaketa nei utara otta shinuma omande wa :—

Toy kor nispa naa sinen poka kor, omap an poho ne: awa, iyotta okake ta ne utar or ta sinuma omante wa :—

ετι ενα ειχεν υιον αγαπητον απεστειλεν αυτον εσχατον προς αυτους λεγων οτι εντραπησονται τον υιον μου

He had yet one, a beloved son: he sent him last unto them, saying, They will reverence my son.

Ku poho ko-oripak nangoro, ari itak. Koroka, toi-kara utara utashpa ene uwe itak-hi :— Tan guru anak ne eikeshkoro gunʼne; hetak, shinuma raige, yak anak ne nei eikeshkoro kunip chi korobe ne kusu ne na, ari itak.

Ku=poho ko-oripak nankor, ari itak. Korka, toy-kar utar utaspa ene ue itak hi :— Tan kur anakne eykeskoro kunne; hetak, sinuma rayke, yakanak ne ne eykeskoro kunip ci kor pe ne kusu ne na, ari itak.

εκεινοι δε οι γεωργοι προς εαυτους ειπαν οτι ουτος εστιν ο κληρονομος δευτε αποκτεινωμεν αυτον και ημων εσται η κληρονομια

But those husbandmen said among themselves, This is the heir; come, let us kill him, and the inheritance shall be ours.

Tata otta nei utara shinuma kishima wa raige, orowa no, hat toi wano emaka nisa ruwe ne.

Tata or ta ne utar sinuma kisma wa rayke, orowano, hat toy wano emaka nisa ruwe ne.

και λαβοντες απεκτειναν αυτον και εξεβαλον αυτον εξω του αμπελωνος

And they took him, and killed him, and cast him forth out of the vineyard.

Tambe gusu, hat toi kon nishpa nekon a ki nangora? Shinuma ek wa nei okai toi-kara utara isamka, aige, moshima utara otta nei hat toi koropare kusu ne na.

Tanpe kusu, hat toy kor nispa nekona ki nankora? Sinuma ek wa ne okay toy-kar utar isamka, ayke, mosma utar or ta ne hat toy korpare kusu ne na.

τι [ουν] ποιησει ο κυριος του αμπελωνος ελευσεται και απολεσει τους γεωργους και δωσει τον αμπελωνα αλλοις

What therefore will the lord of the vineyard do? he will come and destroy the husbandmen, and will give the vineyard unto others.

Tan chieshinnuye wa an itak ka naa shomo echi orooitak ya? — Chisei kara utara osura shuma anak, Nei ambe shikkeu sapaha shuma ne akan nisa ruwe ne:

Tan ciesinnuye wa an itak ka naa somo eci=oroytak ya? — Cise kar utar osura suma anak, Ne anpe sikkew sapaha suma ne a=kar nisa ruwe ne:

ουδε την γραφην ταυτην ανεγνωτε λιθον ον απεδοκιμασαν οι οικοδομουντες ουτος εγενηθη εις κεφαλην γωνιας

Have ye not read even this scripture; The stone which the builders rejected, The same was made the head of the corner:

Tambe anak ne Utarapa orowa no an ambe ne, Chi shik samata aenushkarip ne ruwe ne: sekoro Yesu itak.

Tanpe anakne Utarpa oro wano an anpe ne, Ci sik sama ta aenuskarip ne ruwe ne: sekor Yesu itak.

παρα κυριου εγενετο αυτη και εστιν θαυμαστη εν οφθαλμοις ημων

This was from the Lord, And it is marvelous in our eyes?

Orowa, utara anak ne Shinuma kishima rusui a koroka, inne utara ko-ishitoma, nisa ruwe ne; Shinuma nei utara epeka no nei itak-maukushte-itak ye shiri ramepakari wa okai ruwe ne gusu ne na; orowa no, nei utara Shinuma moshima no ande wa paye nisa ruwe ne na.

Orowa, utar anakne Sinuma kisma rusuy a korka, inne utar ko-isitoma, nisa ruwe ne; Sinuma ne utar epeka no ne itak-mawkuste-itak ye siri ramepakari wa okay ruwe ne kusu ne na; orowano, ne utar Sinuma mosmano ante wa paye nisa ruwe ne na.

και εζητουν αυτον κρατησαι και εφοβηθησαν τον οχλον εγνωσαν γαρ οτι προς αυτους την παραβολην ειπεν και αφεντες αυτον απηλθαν απηλθον

And they sought to lay hold on him; and they feared the multitude; for they perceived that he spake the parable against them: and they left him, and went away.

Orowa no, Shinuma oitaksakte kuni ne utara anak ne Parisee un utara newa Herodian un utara Shinuma orota payere nisa ruwe ne.

Orowano, Sinuma oytaksakte kuni ne utar anakne Parisee un utar newa Herodian un utar Sinuma oro ta payere nisa ruwe ne.

και αποστελλουσιν προς αυτον τινας των φαρισαιων και των ηρωδιανων ινα αυτον αγρευσωσιν λογω

And they send unto him certain of the Pharisees and of the Herodians, that they might catch him in talk.

Awa, orota araki chiki Shinuma otta ene itak-hi :— Epakashnu guru, Aokai anak ne sone an gunʼne, nen ne yakka E ko-ishitoma shomoki ruwe ne shiri chi eramʼan: ainu katuhu Aokai esanniyo shomoki no son no newa Kamui ru epakashnu ruwe ne gusu ne na: Kaisaros otta yakuichen koropare-ambe anak ne kashpaotte nei no an ambe ne ya, shomo ya?

Awa, oro ta arki ciki Sinuma or ta ene itak hi :— Epakasnu kur, Aokay anakne sone an kunne, nen ne yakka E ko-isitoma somo ki ruwe ne siri ci eraman: aynu katuhu Aokay esanniyo somo ki no sonno newa Kamuy ru epakasnu ruwe ne kusu ne na: Kaysaros or ta yakuycen korpare-anpe anakne kaspaotte néno an anpe ne ya, somo ya?

και ελθοντες λεγουσιν αυτω διδασκαλε οιδαμεν οτι αληθης ει και ου μελει σοι περι ουδενος ου γαρ βλεπεις εις προσωπον ανθρωπων αλλ επ αληθειας την οδον του θεου διδασκεις εξεστιν δουναι κηνσον καισαρι η ου

And when they were come, they say unto him, Master, we know that thou art true, and carest not for any one: for thou regardest not the person of men, but of a truth teachest the way of God: Is it lawful to give tribute unto Caesar, or not?

Chi utara anak ne nei ambe sange kunip ne ya, shomo sange yak pirika ya? ari itak. Koroka, Shinuma nei utara kankapkapeka ambe eramʼan wa orota ene itak-hi :— Nep gusu echi En koramnukara ya? Denaria shinep koro wa araki wa En nukare.

Ci utar anakne ne anpe sanke kunip ne ya, somo sanke yak pirka ya? ari itak. Korka, Sinuma ne utar kankapkapeka anpe eraman wa oro ta ene itak hi :— Nep kusu eci En=koramnukar ya? Denaria sinep kor wa arki wa En=nukare.

δωμεν η μη δωμεν (12:15) ο δε ειδως αυτων την υποκρισιν ειπεν αυτοις τι με πειραζετε φερετε μοι δηναριον ινα ιδω

Shall we give, or shall we not give? But he, knowing their hypocrisy, said unto them, Why tempt ye me? bring me a penny, that I may see it.

Orowa no, koro wa araki. Tata otta Shinuma nei utara otta ene itak-hi :— Tan nokaha newa kashiketa anuye wa an ikiri inan guru korope ne ruwe he an? sekoro itak. Orota, Kaisaros korope ne ani nei utara ye ruwe ne.

Orowano, kor wa arki. Tata or ta Sinuma ne utar or ta ene itak hi :— Tan nokaha newa kasike ta a=nuye wa an ikiri inan kur kor pe ne ruwe he an? sekor itak. Oro ta, Kaysaros kor pe ne ani ne utar ye ruwe ne.

οι δε ηνεγκαν και λεγει αυτοις τινος η εικων αυτη και η επιγραφη οι δε ειπαν αυτω καισαρος

And they brought it. And he saith unto them, Whose is this image and superscription? And they said unto him, Caesar’s.

Tata otta Yesu nei utara otta ene itak-hi :— Kaisaros otta Kaisaros korobe koropare yan, Kamui otta Kamui korobe koropare yan, ari itak. Orowa no, nei utara shi no enushkari nisa ruwe ne na.

Tata or ta Yesu ne utar or ta ene itak hi :— Kaysaros or ta Kaysaros kor pe korpare yan, Kamuy or ta Kamuy kor pe korpare yan, ari itak. Orowano, ne utar sino enuskari nisa ruwe ne na.

ο δε ιησους ειπεν αυτοις τα καισαρος αποδοτε καισαρι και τα του θεου τω θεω και εξεθαυμαζον επ αυτω

And Jesus said unto them, Render unto Caesar the things that are Caesar’s, and unto God the things that are God’s. And they marveled greatly at him.

Orowa, hetopo-shiknu ambe isam sekoro ye Saddokai un utara anak ne Yesu otta araki hine uwepekennu wa ene itak-hi :—

Orowa, hetopo-siknu anpe isam sekor ye Saddokay un utar anakne Yesu or ta arki hine uwepekennu wa ene itak hi :—

και ερχονται σαδδουκαιοι προς αυτον οιτινες λεγουσιν αναστασιν μη ειναι και επηρωτων αυτον λεγοντες

And there come unto him Sadducees, which say that there is no resurrection; and they asked him, saying,

Epakashnu guru, Mose anak ne un gusu kambi-nuye katu ene okai-hi :— Ainu koro ainu iriwak rai wa koro machi hoppa, aige, po sak chiki, rai guru koro ainu iriwak anak ne nei machi koro wa iriwak otta kese kore kuni po hetukure yan, ani ne ruwe ne.

Epakasnu kur, Mose anakne un kusu kampi-nuye katu ene okay hi :— Aynu kor aynu irwak ray wa kor maci hoppa, ayke, po sak ciki, raykur kor aynu irwak anakne ne maci kor wa irwak or ta kese kore kuni po hetukure yan, ani ne ruwe ne.

διδασκαλε μωυσης εγραψεν ημιν οτι εαν τινος αδελφος αποθανη και καταλιπη γυναικα και μη αφη τεκνον ινα λαβη ο αδελφος αυτου την γυναικα και εξαναστηση σπερμα τω αδελφω αυτου

Master, Moses wrote unto us, If a man’s brother die, and leave a wife behind him, and leave no child, that his brother should take his wife, and raise up seed unto his brother.

Arawan ainu uiriwak okai: kiyanne guru machi koro, orowa no po sak no rai:

Arwan aynu uyriwak okay: kiyanne kur maci kor, orowano po sak no ray:

επτα αδελφοι ησαν και ο πρωτος ελαβεν γυναικα και αποθνησκων ουκ αφηκεν σπερμα

There were seven brethren: and the first took a wife, and dying left no seed;

tutanu an ainu nei shiwentep koro, aine, po hoppa shomoki no rai:

tutanu an aynu ne siwentep kor, ayne, po hoppa somo ki no ray:

και ο δευτερος ελαβεν αυτην και απεθανεν μη καταλιπων σπερμα και ο τριτος ωσαυτως

and the second took her, and died, leaving no seed behind him; and the third likewise:

nei otutanu an ainu shem korachi; arawan utara po ande shomoki nisa ruwe ne. Okaketa nei shiwentep ne yakka rai nisa ruwe ne na.

ne otutanu an aynu semkoraci; arwan utar po ante somo ki nisa ruwe ne. Okake ta ne siwentep ne yakka ray nisa ruwe ne na.

και οι επτα ουκ αφηκαν σπερμα εσχατον παντων και η γυνη απεθανεν

and the seven left no seed. Last of all the woman also died.

Hetopo-shiknu-i ita anak ne nei shiwentep anak nei utara otta inan guru koro machihi ne kusu ne ya? arawa niu machi ne kon nisa ruwe ne gusu ne na.

Hetopo-siknu hi hi ta anakne ne siwentep anakne utar or ta inan kur kor macihi ne kusu ne ya? a=raw niw maci ne kor nisa ruwe ne kusu ne na.

εν τη αναστασει [οταν αναστωσιν] τινος αυτων εσται γυνη οι γαρ επτα εσχον αυτην γυναικα

In the resurrection whose wife shall she be of them? for the seven had her to wife.

Orota Yesu ene itak-hi :— Echi utara anak ne Kamui nuyere kambi-sosh newa Kamui kiroro echi erampeutek wa gusu, tambe gusu, echi ohaita shomoki ruwe he an?

Oro ta Yesu ene itak hi :— Eci utar anakne Kamuy nuyere kampi-sos newa Kamuy kiroro eci=eranpewtek wa kusu, tanpe kusu, eci=ohay ta somo ki ruwe he an?

εφη αυτοις ο ιησους ου δια τουτο πλανασθε μη ειδοτες τας γραφας μηδε την δυναμιν του θεου

Jesus said unto them, Is it not for this cause that ye err, that ye know not the scriptures, nor the power of God?

Rai orowa no hetopo-shiknu ita anak ne mat ahupkara ambe, ainu ahupkara ambe, mat kore, ainu kore i isama; koroka, kando otta an Kamui hauturunbe ukorachi ne ruwe ne.

Ray oro wano hetopo-siknu hi ta anakne mat ahupkar anpe, aynu ahupkar anpe, mat kore, aynu kore i isam; korka, kanto or ta an Kamuy hawturunpe ukoraci ne ruwe ne.

οταν γαρ εκ νεκρων αναστωσιν ουτε γαμουσιν ουτε γαμιζονται αλλ εισιν ως αγγελοι εν τοις ουρανοις

For when they shall rise from the dead, they neither marry, nor are given in marriage; but are as angels in heaven.

Koroka, rai guru hetopo-a-shiknure gusu an ap anak: Mose nuye kambi-sosh kata nei chaha orushpe chieshinnuye wa an ushiketa, nekon a itak ani shinuma orota Kamui ye ya? Naa shomo echi orooitak ya? — Kuani anak ne Abraham koro Kamui ne, Isaak koro Kamui ne, Yakob koro Kamui ne ruwe ne, ari an itak ani Kamui itak nisa.

Korka, raykur hetopo-a-siknure kusu an ap anak: Mose nuye kampi-sos kata ne caha oruspe ciesinnuye wa an uske ta, nekona itak ani sinuma oro ta Kamuy ye ya? Naa somo eci=oroytak ya? — Kuani anakne Abraham kor Kamuy ne, Isaak kor Kamuy ne, Yakob kor Kamuy ne ruwe ne, ari an itak ani Kamuy itak nisa.

περι δε των νεκρων οτι εγειρονται ουκ ανεγνωτε εν τη βιβλω μωυσεως επι του βατου πως ειπεν αυτω ο θεος λεγων εγω ο θεος αβρααμ και [ο] θεος ισαακ και [ο] θεος ιακωβ

But as touching the dead, that they are raised; have ye not read in the book of Moses, in [the place concerning ]the Bush, how God spake unto him, saying, I [am ]the God of Abraham, and the God of Isaac, and the God of Jacob?

Shinuma anak ne rai guru koro Kamui shomo ne, shiknu guru koro Kamui ne ruwe ne: echi utara poron no ohaita ruwe ne na.

Sinuma anakne raykur kor Kamuy somo ne, siknu kur kor Kamuy ne ruwe ne: eci utar poronno ohay ta ruwe ne na.

ουκ εστιν θεος νεκρων αλλα ζωντων πολυ πλανασθε

He is not the God of the dead, but of the living: ye do greatly err.

Orowa, kambi-nuye guru shiueu ek, awa, nei utara utashpa uwepekennu shiri nu, samata, Yesu anak ne pirika no nei utara otta ese itak ki sekorʼambe eramʼan koro, orota ene uwepekennu-hi :— Iyotta sapane an ikashpaotte nekon a ambe ne ya, ari itak.

Orowa, kampi-nuye kur siwew ek, awa, ne utar utaspa uwepekennu siri nu, sama ta, Yesu anakne pirkano ne utar or ta ese itak ki sekor anpe eraman kor, oro ta ene uwepekennu hi :— Iyotta sapane an ikaspaotte nekona anpe ne ya, ari itak.

και προσελθων εις των γραμματεων ακουσας αυτων συζητουντων ειδως ιδων οτι καλως απεκριθη αυτοις επηρωτησεν αυτον ποια εστιν εντολη πρωτη παντων

And one of the scribes came, and heard them questioning together, and knowing that he had answered them well, asked him, What commandment is the first of all?

Yesu ese wa ene itak-hi :— Iyotta sapanep anak ne tambe ne :— Israeru un utara inu yan, Utarapa ne chikoro Kamui anak shine Utarapa ne:

Yesu ese wa ene itak hi :— Iyotta sapanep anakne tanpe ne :— Israeru un utar inu yan, Utarpa ne ci=kor Kamuy anak sine Utarpa ne:

απεκριθη ο ιησους οτι πρωτη εστιν ακουε ισραηλ κυριος ο θεος ημων κυριος εις εστιν

Jesus answered, The first is, Hear, O Israel; The Lord our God, the Lord is one:

eani anak sambe osshi wano hemhem, keutum osshi wano hemhem, ramu osshi wano hemhem, orowa, kiroro an pakno hemhem, Utarapa ne e koro Kamui omap yan.

eani anak sanpe ossi wano hemhem, kewtum ossi wano hemhem, ramu ossi wano hemhem, orowa, kiroro an pakno hemhem, Utarpa ne e=kor Kamuy omap yan.

και αγαπησεις κυριον τον θεον σου εξ ολης της καρδιας σου και εξ ολης της ψυχης σου και εξ ολης της διανοιας σου και εξ ολης της ισχυος σου

and thou shalt love the Lord thy God with all thy heart, and with all thy soul, and with all thy mind, and with all thy strength.

Nei otutanup anak ne tambe ne: Eani yaikota yaiomap korachi aota un guru omap yan. Tan ikashpaotte kasu no pasep isam ruwe ne.

Ne otutanup anakne tanpe ne: Eani yaykota yayomap koraci a=o ta un kur omap yan. Tan ikaspaotte kasuno pase p isam ruwe ne.

δευτερα αυτη αγαπησεις τον πλησιον σου ως σεαυτον μειζων τουτων αλλη εντολη ουκ εστιν

The second is this, Thou shalt love thy neighbour as thyself. There is none other commandment greater than these.

Shinuma orota nei kambi-nuye guru ene itak-hi :— Son no poka, Epakashnu guru, Shinuma anak ne shinep ne, orowa, nei Kamui moshima Utarapa isam, ani E ye katu pirikap ne ruwe ne;

Sinuma oro ta ne kampi-nuye kur ene itak hi :— Sonno poka, Epakasnu kur, Sinuma anakne sinep ne, orowa, ne Kamuy mosma Utarpa isam, ani E ye katu pirka p ne ruwe ne;

και ειπεν αυτω ο γραμματευς καλως διδασκαλε επ αληθειας ειπες οτι εις εστιν και ουκ εστιν αλλος πλην αυτου

And the scribe said unto him, Of a truth, Master, thou hast well said that he is one; and there is none other but he:

orowa, sambe osshi wano hemhem, ramu an pakno hemhem, kiroro an pakno hemhem, Shinuma ko-omap, samata, yaiomap korachi aota un guru omap ambe anak ne obitta no okai uhuyeka-yangep newa yange kunip kasu no earikinne ikashima an ambe ne na, sekoro itak.

orowa, sanpe ossi wano hemhem, ramuan pakno hemhem, kiroro an pakno hemhem, Sinuma ko-omap, sama ta, yayomap koraci a=o ta un kur omap anpe anakne opittano okay uhuyeka-yankep newa yanke kunip kasuno earikinne ikasma an anpe ne na, sekor itak.

και το αγαπαν αυτον εξ ολης της καρδιας και εξ ολης της συνεσεως και εξ ολης της ισχυος και το αγαπαν τον πλησιον ως εαυτον περισσοτερον εστιν παντων των ολοκαυτωματων και θυσιων

and to love him with all the heart, and with all the understanding, and with all the strength, and to love his neighbour as himself, is much more than all whole burnt offerings and sacrifices.

Orowa, nei guru oramush no ese ruwe ne sekoro Yesu nukara koro, orota ene itak-hi :— Aokai anak ne Kamui moshiri orowa no ehangeko no an shomo ne, ani itak. Orowa no, nei i wano nen ne yakka Yesu otta nepka uwepekennu kuni guru isam ruwe ne na.

Orowa, ne kur oramus no ese ruwe ne sekor Yesu nukar kor, oro ta ene itak hi :— Aokay anakne Kamuy mosir oro wano e=hankeko no an somo ne, ani itak. Orowano, ne i wano nen ne yakka Yesu or ta nep ka uwepekennu kuni kur isam ruwe ne na.

και ο ιησους ιδων αυτον [αυτον] οτι νουνεχως απεκριθη ειπεν αυτω ου μακραν [ει] ει απο της βασιλειας του θεου και ουδεις ουκετι ετολμα αυτον επερωτησαι

And when Jesus saw that he answered discreetly, he said unto him, Thou art not far from the kingdom of God. And no man after that durst ask him any question.

Orowa, Yesu Kamui kora kenru ta epakashnu wa an ita ese wa ene itak-hi :— Hemanda gusu kambi-nuye utara anak ne Kiristo anak Dabid koro poho ne ani itak ya?

Orowa, Yesu Kamuy kor kenru ta epakasnu wa an hi ta ese wa ene itak hi :— Hemanta kusu kampi-nuye utar anakne Kiristo anak Dabid kor poho ne ani itak ya?

και αποκριθεις ο ιησους ελεγεν διδασκων εν τω ιερω πως λεγουσιν οι γραμματεις οτι ο χριστος υιος δαυιδ εστιν

And Jesus answered and said, as he taught in the temple, How say the scribes that the Christ is the son of David?

Dabid anak ne yaikota Ashkanne Ramat ani, Utarapa anak ne ku Utarapa otta, ene itak-hi :— E epokba utara kata e chikiri aande kunip ne ku kara pakno, Ku shimon tek samata a, sekoro itak.

Dabid anakne yaykota Askanne Ramat ani, Utarpa anakne ku Utarpa or ta, ene itak hi :— E epokpa utar kata e cikiri a=ante kunip ne ku=kar pakno, Ku=simon teksama ta a, sekor itak.

αυτος δαυιδ ειπεν εν τω πνευματι τω αγιω ειπεν κυριος τω κυριω μου καθου εκ δεξιων μου εως αν θω τους εχθρους σου υποκατω των ποδων σου

David himself said in the Holy Spirit, The Lord said unto my Lord, Sit thou on my right hand, Till I make thine enemies the footstool of thy feet.

Dabid yaikota Shinuma Utarapa ani ye; Hemanda gusu koro poho ne ruwe ne ya? Orowa, nei uwatte no an utara anak ne yaikopuntek no Shinuma nunisa ruwe ne.

Dabid yaykota Sinuma Utarpa ani ye; Hemanta kusu kor poho ne ruwe ne ya? Orowa, ne uwatte no an utar anakne yaykopuntek no Sinuma nunisa ruwe ne.

αυτος δαυιδ λεγει αυτον κυριον και ποθεν αυτου εστιν υιος και ο [ο] πολυς οχλος ηκουεν αυτου ηδεως

David himself calleth him Lord; and whence is he his son? And the common people heard him gladly.

Orowa, epakashnu rapoketa ene itak-hi :— Tanne mipihi mi wa apkash rusui, iraugetupa ushiketa ako-rangarap konoburu,

Orowa, epakasnu rapoketa ene itak hi :— Tanne mipihi mi wa apkas rusuy, irawketupa uske ta ako-rankarap konopuru,

και εν τη διδαχη αυτου ελεγεν βλεπετε απο των γραμματεων των θελοντων εν στολαις περιπατειν και ασπασμους εν ταις αγοραις

And in his teaching he said, Beware of the scribes, which desire to walk in long robes, and [to have ]salutations in the marketplaces,

Uwekarapa chisei ta iyotta sapane set kata, samata marapto an ita iyotta sapane ushiketa rok rusui kambi-nuye utara yaitubare yan;

Uekarpa cise ta iyotta sapane set kata, sama ta marapto an hi ta iyotta sapane uske ta rok rusuy kampi-nuye utar yaytupare yan;

και πρωτοκαθεδριας εν ταις συναγωγαις και πρωτοκλισιας εν τοις δειπνοις

and chief seats in the synagogues, and chief places at feasts:

nei utara shiyompiyara shiwentep koro chisei isamka, orowa, akoingara kuni gusu tanne inonno-itak ki ruwe ne: nei utara anak ne naa poron no apanakte kusu ne na.

ne utar siyonpiyar siwentep kor cise isamka, orowa, a=koinkar kuni kusu tanne inonno-itak ki ruwe ne: ne utar anakne naa poronno a=panakte kusu ne na.

οι κατεσθοντες κατεσθιοντες τας οικιας των χηρων και προφασει μακρα προσευχομενοι ουτοι λημψονται περισσοτερον κριμα

they which devour widows’ houses, and for a pretence make long prayers; these shall receive greater condemnation.

Orowa, Shinuma anak ne Kamui yange ichen karauto an ushiketa a wa inne utara nei karauto oshiketa ichen omare katu nukara: orowa, inne oteknu utara anak ne poron no omare nisa ruwe ne.

Orowa, Sinuma anakne Kamuy yanke icen karawto an uske ta a wa inne utar ne karawto oske ta icen omare katu nukar: orowa, inne oteknu utar anakne poronno omare nisa ruwe ne.

και καθισας κατεναντι του γαζοφυλακιου εθεωρει πως ο οχλος βαλλει χαλκον εις το γαζοφυλακιον και πολλοι πλουσιοι εβαλλον πολλα

And he sat down over against the treasury, and beheld how the multitude cast money into the treasury: and many that were rich cast in much.

Awa, shine otek-sak shiyompiyara shiwentep ek wa tu reptos omare nisa ruwe ne, nei ambe anak go rin pakno an ap ne.

Awa, sine otek-sak siyonpiyar siwentep ek wa tu reptos omare nisa ruwe ne, ne anpe anak ko rin pakno an ap ne.

και ελθουσα μια χηρα πτωχη εβαλεν λεπτα δυο ο εστιν κοδραντης

And there came a poor widow, and she cast in two mites, which make a farthing.

Orowa, Shinuma anak ne koro koikara utara hotuyekara wa orota ene itak-hi :— Son no echi otta Ku ye, nei karauto otta ichen omare guru kasu no tan otek-sak shiyompiyara shiwentep naa poron no omare nisa ruwe ne:

Orowa, Sinuma anakne kor koykar utar hotuyekar wa oro ta ene itak hi :— Sonno eci or ta Ku=ye, ne karawto or ta icen omare kur kasuno tan otek-sak siyonpiyar siwentep naa poronno omare nisa ruwe ne:

και προσκαλεσαμενος τους μαθητας αυτου ειπεν αυτοις αμην λεγω υμιν οτι η χηρα αυτη η πτωχη πλειον παντων εβαλεν των βαλλοντων εις το γαζοφυλακιον

And he called unto him his disciples, and said unto them, Verily I say unto you, This poor widow cast in more than all they which are casting into the treasury:

inambe gusu ne yakun, nei utara anak ne ikashima an ambe orowa no uk wa omare ruwe ne: koroka, tan shiwentep anak otek-sak yakka korobe obitta omare nisa ruwe ne gusu ne na, sekoro itak.

inanpe kusu ne yakun, ne utar anakne ikasma an anpe oro wano uk wa omare ruwe ne: korka, tan siwentep anak otek-sak yakka kor pe opitta omare nisa ruwe ne kusu ne na, sekor itak.

παντες γαρ εκ του περισσευοντος αυτοις εβαλον αυτη δε εκ της υστερησεως αυτης παντα οσα ειχεν εβαλεν ολον τον βιον αυτης

for they all did cast in of their superfluity; but she of her want did cast in all that she had, [even ]all her living.