21 Ik. leaf 63

Orowa, nei utara anak ne Yerusarem kotan ehange no araki wa Betpage kotan un Kanran-ush nupuri orota shirepa chiki, Yesu tu koikara utara teshkara wa orota ene itak-hi :—

Orowa, ne utar anakne Yerusarem kotan ehanke no arki wa Betpage kotan un Kanran-us nupuri oro ta sirepa ciki, Yesu tu koykar utar teskar wa oro ta ene itak hi :—

και οτε ηγγισαν εις ιεροσολυμα και ηλθον εις βηθφαγη εις το ορος των ελαιων τοτε ιησους απεστειλεν δυο μαθητας

And when they drew nigh unto Jerusalem, and came unto Bethphage, unto the mount of Olives, then Jesus sent two disciples,

Ikushketa an kotan orun paye, yakun, nani ashirikote wa an roba po tura anukara kusu ne: pita wa En orun tura wa araki yan.

Ikuske ta an kotan orun paye, yakun, nani a=sirkote wa an ropa po tura a=nukar kusu ne: pita wa En=orun tura wa arki yan.

λεγων αυτοις πορευεσθε εις την κωμην την κατεναντι υμων και ευθυς ευθεως ευρησετε ονον δεδεμενην και πωλον μετ αυτης λυσαντες αγαγετε μοι

saying unto them, Go into the village that is over against you, and straightway ye shall find an ass tied, and a colt with her: loose [them], and bring [them ]unto me.

Nen ka echi otta nep ka ye chiki, Utarapa tambe kon rusui, ani ye yan; yatun, nani omande kusu ne na, sekoro itat.

Nen ka eci or ta nep ka ye ciki, Utarpa tanpe kor rusuy, ani ye yan; yatun, nani omante kusu ne na, sekor i=tat.

και εαν τις υμιν ειπη τι ερειτε οτι ο κυριος αυτων χρειαν εχει ευθυς δε αποστελει αυτους

And if any one say aught unto you, ye shall say, The Lord hath need of them; and straightway he will send them.

Tapne aki katu anak ne, Sion matne po otta ene ye yan, Ingarʼan, e esapane guru anak ne ramu-rotcha, Roba newa roba poho ne pon roba Kashiketa o wa e otta ek ruwe ne,

Tapne aki katu anakne, Sion matnepo or ta ene ye yan, Inkar=an, e esapane kur anakne ramu-rotca, Roba newa ropa poho ne pon ropa Kasike ta o wa e or ta ek ruwe ne,

τουτο δε γεγονεν ινα πληρωθη το ρηθεν δια του προφητου λεγοντος

Now this is come to pass, that it might be fulfilled which was spoken by the prophet, saying,

sekoro uweingara guru ani chi itakte itak auweomare kuni ne aki nisa ruwe ne na.

sekor ueinkar kur ani ci itakte itak a=ueomare kuni ne aki nisa ruwe ne na.

ειπατε τη θυγατρι σιων ιδου ο βασιλευς σου ερχεται σοι πραυς και επιβεβηκως επι ονον και επι πωλον υιον υποζυγιου

Tell ye the daughter of Zion, Behold, thy King cometh unto thee, Meek, and riding upon an ass, And upon a colt the foal of an ass.

Orowa, koikara utara paye wa Yesu orowa akashpaotte nei no poka ki hine,

Orowa, koykar utar paye wa Yesu orowa a=kaspaotte néno poka ki hine,

πορευθεντες δε οι μαθηται και ποιησαντες καθως συνεταξεν αυτοις ο ιησους

And the disciples went, and did even as Jesus appointed them,

roba newa pon roba tura wa araki, aine, kata koro mipi ande, awa, Shinuma nei kashiketa o nisa ruwe ne.

ropa newa pon ropa tura wa arki, ayne, kata kor mipi ante, awa, Sinuma ne kasike ta o nisa ruwe ne.

ηγαγον την ονον και τον πωλον και επεθηκαν επ αυτων τα ιματια και επεκαθισεν επανω αυτων

and brought the ass, and the colt, and put on them their garments; and he sat thereon.

Orowa, inne utara poro sereke anak ne koro raipi ru otta pirasa; moshima okai utara chikuni ni-tek otuiba wa ru otta piraspa nisa ruwe ne.

Orowa, inne utar poro serke anakne kor raypi ru or ta pirasa; mosma okay utar cikuni ni-tek otuypa wa ru or ta piraspa nisa ruwe ne.

ο δε πλειστος οχλος εστρωσαν εαυτων τα ιματια εν τη οδω αλλοι δε εκοπτον κλαδους απο των δενδρων και εστρωννυον εν τη οδω

And the most part of the multitude spread their garments in the way; and others cut branches from the trees, and spread them in the way.

Orowa, Shinuma kotchaot paye inne utara hemhem, oshi araki utara hemhem hawe ashte wa ene itak-hi :— Dabid koro poho otta Hosanna an na; Utarapa reihei ani ek guru anak ne anunuke ne; iyotta rikun ushiketa Hosanna an na; ari itak.

Orowa, Sinuma kotcaot paye inne utar hemhem, osi arki utar hemhem hawe aste wa ene itak hi :— Dabid kor poho or ta Hosanna an na; Utarpa rehe ani ek kur anakne a=nunuke ne; iyotta rikun uske ta Hosanna an na; ari itak.

οι δε οχλοι οι προαγοντες αυτον και οι ακολουθουντες εκραζον λεγοντες ωσαννα τω υιω δαυιδ ευλογημενος ο ερχομενος εν ονοματι κυριου ωσαννα εν τοις υψιστοις

And the multitudes that went before him, and that followed, cried, saying, Hosanna to the son of David: Blessed [is ]he that cometh in the name of the Lord; Hosanna in the highest.

Orowa, Yerusarem kotan orota Shinuma ek chiki, machiya un utara obitta keutum chiukopoye wa ene itak-hi :—

Orowa, Yerusarem kotan oro ta Sinuma ek ciki, maciya un utar opitta kewtum ci=wkopoye wa ene itak hi :—

και εισελθοντος αυτου εις ιεροσολυμα εσεισθη πασα η πολις λεγουσα τις εστιν ουτος

And when he was come into Jerusalem, all the city was stirred, saying, Who is this?

Tan guru nen ne ruwe he an? Tan guru anak nei Gariraya un Nazaret kotan wano ek Yesu ne ruwe ne, sekoro inne utara ye nisa ruwe ne.

Tan kur nen ne ruwe he an? Tan kur anakne Gariraya un Nazaret kotan wano ek Yesu ne ruwe ne, sekor inne utar ye nisa ruwe ne.

οι δε οχλοι ελεγον ουτος εστιν ο προφητης ιησους ο απο ναζαρεθ της γαλιλαιας

And the multitudes said, This is the prophet, Jesus, from Nazareth of Galilee.

Orowa, Yesu Kamui kora kenru orun ahun wa nei oshiketa okai eihok utara newa hok utara obitta esoyun okeuba, orowa, kani itasari utara koro set hene, kusuwep eihok utara koro set hene hokushte nisa ruwe ne;

Orowa, Yesu Kamuy kor kenru orun ahun wa ne oske ta okay e=hok utar newa hok utar opitta esoyun okewpa, orowa, kani itasari utar kor set hene, kusuwep e=hok utar kor set hene hokuste nisa ruwe ne;

και εισηλθεν ιησους εις το ιερον και εξεβαλεν παντας τους πωλουντας και αγοραζοντας εν τω ιερω και τας τραπεζας των κολλυβιστων κατεστρεψεν και τας καθεδρας των πωλουντων τας περιστερας

And Jesus entered into the temple of God, and cast out all them that sold and bought in the temple, and overthrew the tables of the money-changers, and the seats of them that sold the doves;

aige, utara otta ene itak-hi :— Ku kora kenru anak ne inonno-itak kuni chisei ani aye kusu ne, sekorʼan itak anuye wa an, koroka, echi utara anak ne nei kenru ani ikka guru chisei ne kan nisa ruwe ne, sekoro itak.

ayke, utar or ta ene itak hi :— Ku=kor kenru anakne inonno-itak kuni cise ani a=ye kusu ne, sekor an itak a=nuye wa an, korka, eci utar anakne ne kenru ani ikka kur cise ne kan nisa ruwe ne, sekor itak.

και λεγει αυτοις γεγραπται ο οικος μου οικος προσευχης κληθησεται υμεις δε αυτον ποιειτε σπηλαιον ληστων

and he saith unto them, It is written, My house shall be called a house of prayer: but ye make it a den of robbers.

Orowa, shik-nak utara newa hera utara anak ne Kamui kora kenru ta an Shinuma orun ahup nisa ruwe ne; aige, Shinuma nei utara iwangere nisa ruwe ne.

Orowa, sik-nak utar newa her utar anakne Kamuy kor kenru ta an Sinuma orun ahup nisa ruwe ne; ayke, Sinuma ne utar iwankere nisa ruwe ne.

και προσηλθον αυτω τυφλοι και χωλοι εν τω ιερω και εθεραπευσεν αυτους

And the blind and the lame came to him in the temple: and he healed them.

Korota, Kamui kora kenru esapane utara newa kambi-nuye utara anak ne Shinuma iki iyokunnure ikip hene, Kamui kora kenru ta okai wa, — Dabid poho otta Hosanna an na, — ari an itak ani, poho utara hawe ashte-hi hene nukara chiki, irushka hine Shinuma otta ene itak-hi :—

Koro ta, Kamuy kor kenru esapane utar newa kampi-nuye utar anakne Sinuma iki iyokunnure iki p hene, Kamuy kor kenru ta okay wa, — Dabid poho or ta Hosanna an na, — ari an itak ani, poho utar hawe aste hi hene nukar ciki, iruska hine Sinuma or ta ene itak hi :—

ιδοντες δε οι αρχιερεις και οι γραμματεις τα θαυμασια α εποιησεν και τους παιδας τους κραζοντας εν τω ιερω και λεγοντας ωσαννα τω υιω δαυιδ ηγανακτησαν

But when the chief priests and the scribes saw the wonderful things that he did, and the children that were crying in the temple and saying, Hosanna to the son of David; they were moved with indignation,

Tan utara ye itak E nu ya? ari itak. Orota Yesu ene itak-hi :— O un: Aiai utara newa tonun utara paroho orowa no Aokai anak ne ramuyere kuni ambe eramushinnere nisa ruwe ne, ari an itak echi oro-oitak shomoki ruwe he an?

Tan utar ye itak E nu ya? ari itak. Oro ta Yesu ene itak hi :— O un: Ayay utar newa ton un utar paroho oro wano Aokay anakne ramuyere kuni anpe eramusinnere nisa ruwe ne, ari an itak eci oro-oytak somo ki ruwe he an?

και ειπαν αυτω ακουεις τι ουτοι λεγουσιν ο δε ιησους λεγει αυτοις ναι ουδεποτε ανεγνωτε οτι εκ στοματος νηπιων και θηλαζοντων κατηρτισω αινον

and said unto him, Hearest thou what these are saying? And Jesus saith unto them, Yea: did ye never read, Out of the mouth of babes and sucklings thou hast perfected praise?

Orowa, Shinuma nei utara ande wa nei machiya ekohopi wa oman hine Betania kotan ta reushi nisa ruwe ne na.

Orowa, Sinuma ne utar ante wa ne maciya ekohopi wa oman hine Betania kotan ta rewsi nisa ruwe ne na.

και καταλιπων αυτους εξηλθεν εξω της πολεως εις βηθανιαν και ηυλισθη εκει

And he left them, and went forth out of the city to Bethany, and lodged there.

Orowa, kunneiwano Shinuma machiya orun hoshipi ita, ibe rusui ruwe ne.

Orowa, kunneywano Sinuma maciya orun hosipi hi ta, ipe rusuy ruwe ne.

πρωι δε επαναγαγων επαναγων εις την πολιν επεινασεν

Now in the morning as he returned to the city, he hungered.

Awa, ru paruruta shine ichijiku chikuni an wa nukara hine orota oman wa ibehe sak chikuni ne, ouse ham patek an ruwe ne; nei ambe orota Shinuma ene itak-hi :— Tewa no hembara pakno ne yakka iteki nikaop hetukure yan, ari itak. Orowa, nani nei a ichijiku chikuni shumumge nisa ruwe ne.

Awa, ru parur ta sine icijiku cikuni an wa nukar hine oro ta oman wa ipehe sak cikuni ne, owse ham patek an ruwe ne; ne anpe oro ta Sinuma ene itak hi :— Tewano henpara pakno ne yakka iteki nikaop hetukure yan, ari itak. Orowa, nani ne a icijiku cikuni sumumke nisa ruwe ne.

και ιδων συκην μιαν επι της οδου ηλθεν επ αυτην και ουδεν ευρεν εν αυτη ει μη φυλλα μονον και λεγει αυτη ου μηκετι εκ σου καρπος γενηται εις τον αιωνα και εξηρανθη παραχρημα η συκη

And seeing a fig tree by the way side, he came to it, and found nothing thereon, but leaves only; and he saith unto it, Let there be no fruit from thee henceforward for ever. And immediately the fig tree withered away.

Aige, koikara utara nei ambe nukara chiki enushkari wa ene itak-hi :— Nep tunashi no nei ichijiku chikuni shumumge ruwe?

Ayke, koykar utar ne anpe nukar ciki enuskari wa ene itak hi :— Nep tunasno ne icijiku cikuni sumumke ruwe?

και ιδοντες οι μαθηται εθαυμασαν λεγοντες πως παραχρημα εξηρανθη η συκη

And when the disciples saw it, they marveled, saying, How did the fig tree immediately wither away?

Orowa, Yesu ese wa nei utara otta ene itak-hi :— Son no echi otta Ku ye, echi utara anak ne utumashi shomoki no eisho-toro yakun tan ichijiku chikuni otta aki korachi echi ki kusu ne ambe patek shomo ne, koroka, tan nupuri otta poka — Eani auk wa atui oshiketa aosura wa okai yan — ani echi ye chiki, aki kusu ne.

Orowa, Yesu ese wa ne utar or ta ene itak hi :— Sonno eci or ta Ku=ye, eci utar anakne utumasi somo ki no e=yso-tor yakun tan icijiku cikuni or ta aki koraci eci=ki kusu ne anpe patek somo ne, korka, tan nupuri or ta poka — Eani auk wa atuy oske ta a=osura wa okay yan — ani eci=ye ciki, aki kusu ne.

αποκριθεις δε ο ιησους ειπεν αυτοις αμην λεγω υμιν εαν εχητε πιστιν και μη διακριθητε ου μονον το της συκης ποιησετε αλλα καν τω ορει τουτω ειπητε αρθητι και βληθητι εις την θαλασσαν γενησεται

And Jesus answered and said unto them, Verily I say unto you, If ye have faith, and doubt not, ye shall not only do what is done to the fig tree, but even if ye shall say unto this mountain, Be thou taken up and cast into the sea, it shall be done.

Orowa, nep ne yakka echi eishokoro wa inonno-itak ani koramkoro yakun obitta akore kusu ne na.

Orowa, nep ne yakka eci=eysokor wa inonno-itak ani koramkor yakun opitta a=kore kusu ne na.

και παντα οσα αν αιτησητε εν τη προσευχη πιστευοντες λημψεσθε

And all things, whatsoever ye shall ask in prayer, believing, ye shall receive.

Orowa, Shinuma Kamui kora kenru orun ahun chiki nei kenru esapane utara hemhem utara koro ekashi utara hemhem Shinuma epakashnu wa an rapoketa orota araki wa ene itak-hi :— Nep mondum e koro gusu tap okaibe e iki ya? Tan mondum e kore guru nen ne ruwe he an? ari itak.

Orowa, Sinuma Kamuy kor kenru orun ahun ciki ne kenru esapane utar hemhem utar kor ekasi utar hemhem Sinuma epakasnu wa an rapoketa oro ta arki wa ene itak hi :— Nep montum e=kor kusu tap okaype e iki ya? Tan montum e kore kur nen ne ruwe he an? ari itak.

και ελθοντος αυτου εις το ιερον προσηλθαν προσηλθον αυτω διδασκοντι οι αρχιερεις και οι πρεσβυτεροι του λαου λεγοντες εν ποια εξουσια ταυτα ποιεις και τις σοι εδωκεν την εξουσιαν ταυτην

And when he was come into the temple, the chief priests and the elders of the people came unto him as he was teaching, and said, By what authority doest thou these things? and who gave thee this authority?

Orota Yesu ese wa ene itak-hi :— Kuani ne yakka echi otta shine itak Ku uwepekennu kusu ne, echi En nure chiki anak ne Kuani ne yakka nep mondum Ku goro wa gusu tap okaibe Ku iki ya echi nure ash kusu ne.

Oro ta Yesu ese wa ene itak hi :— Kuani ne yakka eci or ta sine itak Ku=uwepekennu kusu ne, eci En=nure ciki anakne Kuani ne yakka nep montum Ku=kor wa kusu tap okaype Ku=iki ya eci=nure as kusu ne.

αποκριθεις [δε] δε ο ιησους ειπεν αυτοις ερωτησω υμας καγω λογον ενα ον εαν ειπητε μοι καγω υμιν ερω εν ποια εξουσια ταυτα ποιω

And Jesus answered and said unto them, I also will ask you one question, which if ye tell me, I likewise will tell you by what authority I do these things.

Yoannes kore Baptisma nei wano ekbe ne ruwe? Kando orowa no ekbe ne ruwe? Ainu orowa no ekbe ne ruwe he an? Orowa, nei utara utashpa upaure wa ene itak-hi :— Kando orowa no ekbe ne ani chi ye chiki, Nep, gusu echi utara Yoannes eishokoro shomoki ya?

Yoannes kore Baptisma ne wano ek pe ne ruwe? Kanto oro wano ek pe ne ruwe? Aynu oro wano ek pe ne ruwe he an? Orowa, ne utar utaspa upawre wa ene itak hi :— Kanto oro wano ek pe ne ani ci ye ciki, Nep, kusu eci utar Yoannes eysokor somo ki ya?

το βαπτισμα το ιωαννου ποθεν ην εξ ουρανου η εξ ανθρωπων οι δε διελογιζοντο εν εαυτοις λεγοντες εαν ειπωμεν εξ ουρανου ερει ημιν δια τι ουν ουκ επιστευσατε αυτω

The baptism of John, whence was it? from heaven or from men? And they reasoned with themselves, saying, If we shall say, From heaven; he will say unto us, Why then did ye not believe him?

Ari Shinuma itak nangoro. Koroka, ainu orowa no ekbe ne ani an itak chi ye yak anak ne inne utara koishitoma ash ruwe ne, inambe gusu ne yakun, obitta no okai utara anak ne Yoannes uweingara guru ne sekoro yainu wa okai ruwe ne.

Ari Sinuma itak nankor. Korka, aynu oro wano ek pe ne ani an itak ci ye yakanak ne inne utar koysitoma as ruwe ne, inanpe kusu ne yakun, opittano okay utar anakne Yoannes ueinkar kur ne sekor yaynu wa okay ruwe ne.

εαν δε ειπωμεν εξ ανθρωπων φοβουμεθα τον οχλον παντες γαρ ως προφητην εχουσιν τον ιωαννην

But if we shall say, From men; we fear the multitude; for all hold John as a prophet.

Orowa, nei utara Yesu otta ese wa ene itak-hi :— Chi eramushkari, ari itak. Orota Shinuma ne yakka ene itakhi :— Nep mondum Ku goro wa gusu tap okaibe Ku iki ya ne yakka echi nure ash shomoki ruwe ne.

Orowa, ne utar Yesu or ta ese wa ene itak hi :— Ci eramuskari, ari itak. Oro ta Sinuma ne yakka ene itak hi :— Nep montum Ku=kor wa kusu tap okaype Ku=iki ya ne yakka eci=nure as somo ki ruwe ne.

και αποκριθεντες τω ιησου ειπαν ουκ οιδαμεν εφη αυτοις και αυτος ουδε εγω λεγω υμιν εν ποια εξουσια ταυτα ποιω

And they answered Jesus, and said, We know not. He also said unto them, Neither tell I you by what authority I do these things.

Koroka, nekon a echi yainu? Shine ainu tu po kon ruwe ne; awa, kiyanne-po orota shinuma oman wa ene itak-hi :— Ku poho, tanto e oman wa ku kot toi otta monraige yan.

Korka, nekona eci=yaynu? Sine aynu tu po kor ruwe ne; awa, kiyanne-po oro ta sinuma oman wa ene itak hi :— Ku=poho, tanto e oman wa ku=kot toy or ta monrayke yan.

τι δε υμιν δοκει ανθρωπος ειχεν τεκνα δυο και προσελθων τω πρωτω ειπεν τεκνον υπαγε σημερον εργαζου εν τω αμπελωνι

But what think ye? A man had two sons; and he came to the first, and said, Son, go work today in the vineyard.

Nei guru ese wa :— shomo ku oman, ari itat: orowa, okaketa shinuma yaikokatpak wa oman nisa ruwe ne.

Ne kur ese wa :— somo ku=oman, ari i=tat: orowa, okake ta sinuma yaykokatpak wa oman nisa ruwe ne.

ο δε αποκριθεις ειπεν εγω κυριε και ουκ ου θελω υστερον δε μεταμεληθεις απηλθεν

And he answered and said, I will not: but afterward he repented himself, and went.

Orowa, shinuma anak ne tutanu an poho otta ukorachi an itak ani ye nisa ruwe ne. Orowa, poho ese wa :— Nishpa, ku oman kusu ne ari itak: koroka, oman shomoki.

Orowa, sinuma anakne tutanu an poho or ta ukoraci an itak ani ye nisa ruwe ne. Orowa, poho ese wa :— Nispa, ku=oman kusu ne ari itak: korka, oman somo ki.

προσελθων δε τω δευτερω ετερω ειπεν ωσαυτως ο δε αποκριθεις ειπεν ου θελω υστερον μεταμεληθεις εγω κυριε και ουκ απηλθεν

And he came to the second, and said likewise. And he answered and said, I [go], sir: and went not.

Tan tun ututta inan guru michi korʼirenga ki nisa ruwe he an? Nei utara :— Hoshiki an gunʼne, ari itak. Orota Yesu ene itak-hi :— Son no echi otta Ku ye, yaku-etaye utara newa ramupekere shiwentep utara anak ne echi etokota Kamui moshiri orun ahup ruwe ne.

Tan tun ututta inan kur mici kor irenka ki nisa ruwe he an? Ne utar :— Hoski an kunne, ari itak. Oro ta Yesu ene itak hi :— Sonno eci or ta Ku=ye, yaku-etaye utar newa ramupekere siwentep utar anakne eci=etoko ta Kamuy mosir orun ahup ruwe ne.

τις εκ των δυο εποιησεν το θελημα του πατρος λεγουσιν ο υστερος πρωτος λεγει αυτοις ο ιησους αμην λεγω υμιν οτι οι τελωναι και αι πορναι προαγουσιν υμας εις την βασιλειαν του θεου

Whether of the twain did the will of his father? They say, The first. Jesus saith unto them, Verily I say unto you, that the publicans and the harlots go into the kingdom of God before you.

Inambe gusu ne yakun, Yoannes anak ne oupeka an ru kari echi otta ek nisa ruwe ne, awa, echi eumbipka nisa ruwe ne: koroka, yaku-etaye utara newa ramupekere shiwentep anak ne eishokon nisa ruwe ne: aige, echi utara nei ambe nukara, chiki okaketa shinuma eishokoro kuni ne yaikokatpak ka shomoki nisa ruwe ne.

Inanpe kusu ne yakun, Yoannes anakne owpeka an ru kari eci or ta ek nisa ruwe ne, awa, eci=eunpipka nisa ruwe ne: korka, yaku-etaye utar newa ramupekere siwentep anakne eysokor nisa ruwe ne: ayke, eci utar ne anpe nukar, ciki okake ta sinuma eysokor kuni ne yaykokatpak ka somo ki nisa ruwe ne.

ηλθεν γαρ ιωαννης προς υμας εν οδω δικαιοσυνης και ουκ επιστευσατε αυτω οι δε τελωναι και αι πορναι επιστευσαν αυτω υμεις δε ιδοντες ουδε μετεμεληθητε υστερον του πιστευσαι αυτω

For John came unto you in the way of righteousness, and ye believed him not: but the publicans and the harlots believed him: and ye, when ye saw it, did not even repent yourselves afterward, that ye might believe him.

Naa shine itak-maukushte itak nu yan. Chisei koro ainu shinen an, awa, shinuma hat toi kara wa okari ankura roshki, orowa, toi oshiketa ani tonoto orun akara nishu ande, naa samata, shiniwe kuni chisei kara, aige, toi kara utara otta eirusa wa oya moshirʼotta oman nisa ruwe ne.

Naa sine itak-mawkuste itak nu yan. Cise kor aynu sinen an, awa, sinuma hat toy kar wa okari ankura roski, orowa, toy oske ta ani tonoto orun a=kar nisu ante, naa sama ta, siniwe kuni cise kar, ayke, toy kar utar or ta eyrusa wa oya mosir or ta oman nisa ruwe ne.

αλλην παραβολην ακουσατε ανθρωπος ην οικοδεσποτης οστις εφυτευσεν αμπελωνα και φραγμον αυτω περιεθηκεν και ωρυξεν εν αυτω ληνον και ωκοδομησεν πυργον και εξεδετο αυτον γεωργοις και απεδημησεν

Hear another parable: There was a man that was a householder, which planted a vineyard, and set a hedge about it, and digged a winepress in it, and built a tower, and let it out to husbandmen, and went into another country.

Orowa, nikaop okai ushi epa ehange ko anak ne nei ambe uina kuni gusu toi kara utara orota koro usshiune utara payere nisa ruwe ne,

Orowa, nikaop okay usi epa ehanke ko anakne ne anpe uyna kuni kusu toy kar utar oro ta kor ussiw ne utar payere nisa ruwe ne,

οτε δε ηγγισεν ο καιρος των καρπων απεστειλεν τους δουλους αυτου προς τους γεωργους λαβειν τους καρπους αυτου

And when the season of the fruits drew near, he sent his servants to the husbandmen, to receive his fruits.

awa, toi kara utara anak ne koro usshiune guru shinen shirikik, shinen raige, shuma ani shinen kopiyekara nisa ruwe ne.

awa, toy kar utar anakne kor ussiw ne kur sinen sirkik, sinen rayke, suma ani sinen kopiyekar nisa ruwe ne.

και λαβοντες οι γεωργοι τους δουλους αυτου ον μεν εδειραν ον δε απεκτειναν ον δε ελιθοβολησαν

And the husbandmen took his servants, and beat one, and killed another, and stoned another.

Shui, hoshiki no apayere ausshiunere utara kasu no pase utara payere,

Suy, hoskino a=payere aussiwnere utar kasuno pase utar payere,

παλιν απεστειλεν αλλους δουλους πλειονας των πρωτων και εποιησαν αυτοις ωσαυτως

Again, he sent other servants more than the first: and they did unto them in like manner.

awa, kanna-shui orota nei no iki nisa ruwe ne. Koroka, okaketa, nei utara anak ne ku poho ko-oripak kusu ne ari ye wa orota koro poho omande nisa ruwe ne.

awa, kanna-suy oro ta néno iki nisa ruwe ne. Korka, okake ta, ne utar anakne ku=poho ko-oripak kusu ne ari ye wa oro ta kor poho omante nisa ruwe ne.

υστερον δε απεστειλεν προς αυτους τον υιον αυτου λεγων εντραπησονται τον υιον μου

But afterward he sent unto them his son, saying, They will reverence my son.

Koroka, toi kara utara nei poho nukara chiki utashpa ene itak-hi :— Tan guru anak ne eikeshkoro guru ne: hetak, raige wa nei eikeshkoro ambe aukro, ari itak.

Korka, toy kar utar ne poho nukar ciki utaspa ene itak hi :— Tan kur anakne eykeskoro kur ne: hetak, rayke wa ne eykeskoro anpe aukro, ari itak.

οι δε γεωργοι ιδοντες τον υιον ειπον εν εαυτοις ουτος εστιν ο κληρονομος δευτε αποκτεινωμεν αυτον και σχωμεν την κληρονομιαν αυτου

But the husbandmen, when they saw the son, said among themselves, This is the heir; come, let us kill him, and take his inheritance.

Aige, nei utara Shinuma kishima wa hat toi orowa no eyomak wa raige nisa ruwe ne.

Ayke, ne utar Sinuma kisma wa hat toy oro wano eyomak wa rayke nisa ruwe ne.

και λαβοντες αυτον εξεβαλον εξω του αμπελωνος και απεκτειναν

And they took him, and cast him forth out of the vineyard, and killed him.

Tambe gusu, hat toi kon nishpa ek chiki, nei a toi kara utara otta nekon a iki nangoro ya?

Tanpe kusu, hat toy kor nispa ek ciki, ne a toy kar utar or ta nekona iki nankor ya?

οταν ουν ελθη ο κυριος του αμπελωνος τι ποιησει τοις γεωργοις εκεινοις

When therefore the lord of the vineyard shall come, what will he do unto those husbandmen?

Orota nei utara ene itak-hi :— Shinuma nei wen utara wen no isamka, orowa nikaop epa ita iotta koropare kuni moshima okai toi kara utara orun hat toi eirusa kusu ne, ari itak.

Oro ta ne utar ene itak hi :— Sinuma ne wen utar wenno isamka, orowa nikaop epa hi ta iotta korpare kuni mosma okay toy kar utar orun hat toy eyrusa kusu ne, ari itak.

λεγουσιν αυτω κακους κακως απολεσει αυτους και τον αμπελωνα εκδωσεται αλλοις γεωργοις οιτινες αποδωσουσιν αυτω τους καρπους εν τοις καιροις αυτων

They say unto him, He will miserably destroy those miserable men, and will let out the vineyard unto other husbandmen, which shall render him the fruits in their seasons.

Nei utara otta Yesu ene itak-hi :— Chisei kara utara emaka shuma anak ne Chisei shikkeu sapanep ne akan nisa ruwe ne: Tambe anak Utarapa orowa no an ap ne: Chi shik samata aehomatup ne ruwe ne, sekorʼan itak Kamui kambi-sosh kashiketa echi oro-oitak shomoki ya?

Ne utar or ta Yesu ene itak hi :— Cise kar utar emaka suma anakne Cise sikkew sapanep ne a=kar nisa ruwe ne: Tanpe anak Utarpa oro wano an ap ne: Ci sik sama ta aehomatup ne ruwe ne, sekor an itak Kamuy kampi-sos kasike ta eci oro-oytak somo ki ya?

λεγει αυτοις ο ιησους ουδεποτε ανεγνωτε εν ταις γραφαις λιθον ον απεδοκιμασαν οι οικοδομουντες ουτος εγενηθη εις κεφαλην γωνιας παρα κυριου εγενετο αυτη και εστιν θαυμαστη εν οφθαλμοις ημων

Jesus saith unto them, Did ye never read in the scriptures, The stone which the builders rejected, The same was made the head of the corner: This was from the Lord, And it is marvelous in our eyes?

Tambe gusu, echi otta Ku ye, Kamui moshiri anak ne echi orowa no auk wa gusu hetukure kuni nikaop hetukure uirup otta akore kusu ne.

Tanpe kusu, eci or ta Ku=ye, Kamuy mosir anakne eci=oro wano auk wa kusu hetukure kuni nikaop hetukure uyrup or ta a=kore kusu ne.

δια τουτο λεγω υμιν οτι αρθησεται αφ υμων η βασιλεια του θεου και δοθησεται εθνει ποιουντι τους καρπους αυτης

Therefore say I unto you, The kingdom of God shall be taken away from you, and shall be given to a nation bringing forth the fruits thereof.

Orowa, nei shuma kashiketa hachiri gurʼanak ne hurane apereke kusu ne: koroka, nen ne yakka kashiketa tan shuma hachiri guru anak ne, toitoi koponchi apatu korachi apatu kusu ne, ari itak.

Orowa, ne suma kasike ta hacir kur anakne hurane a=perke kusu ne: korka, nen ne yakka kasike ta tan suma hacir kur anakne, toytoy koponci apatu koraci apatu kusu ne, ari itak.

[και ο πεσων επι τον λιθον τουτον συνθλασθησεται εφ ον δ αν πεση λικμησει αυτον]

And he that falleth on this stone shall be broken to pieces: but on whomsoever it shall fall, it will scatter him as dust.

Orowa, Kamui kora kenru esapane utara newa Parisee un utara koro itak-maukushte itak nu chiki, shinuma utara epeka no aye itak ne-i sekoro eraman nisa ruwe ne.

Orowa, Kamuy kor kenru esapane utar newa Parisee un utar kor itak-mawkuste itak nu ciki, sinuma utar epeka no a=ye itak ne hi sekor eraman nisa ruwe ne.

και ακουσαντες οι αρχιερεις και οι φαρισαιοι τας παραβολας αυτου εγνωσαν οτι περι αυτων λεγει

And when the chief priests and the Pharisees heard his parables, they perceived that he spake of them.

Orowa, Shinuma kishima kuni hunara chiki, inne utara koishitoma ruwe ne, inambe gusu ne yakun, Shinuma anak ne uweingara guru ne sekoro esanniyo nisa ruwe ne na.

Orowa, Sinuma kisma kuni hunara ciki, inne utar koysitoma ruwe ne, inanpe kusu ne yakun, Sinuma anakne ueinkar kur ne sekor esanniyo nisa ruwe ne na.

και ζητουντες αυτον κρατησαι εφοβηθησαν τους οχλους επει εις προφητην αυτον ειχον

And when they sought to lay hold on him, they feared the multitudes, because they took him for a prophet.