11 Ik. leaf 33

Orowa, Yesu anak ne koro tun ikashima wa niu ne koikara utara kashpaotte okere chiki okai machiya otta upaskuma hemhem ki epakashnu hemhem ki kuni gusu nei kotan ekohopi wa oman nisa ruwe ne.

Orowa, Yesu anakne kor tun ikasma wa niw ne koykar utar kaspaotte okere ciki okay maciya or ta upaskuma hemhem ki epakasnu hemhem ki kuni kusu ne kotan ekohopi wa oman nisa ruwe ne.

και εγενετο οτε ετελεσεν ο ιησους διατασσων τοις δωδεκα μαθηταις αυτου μετεβη εκειθεν του διδασκειν και κηρυσσειν εν ταις πολεσιν αυτων

And it came to pass, when Jesus had made an end of commanding his twelve disciples, he departed thence to teach and preach in their cities.

Ipakashnu chisei ta an Yoannes anak ne Kiristo iki ambe nu chiki, koro koikara utara payere wa Shinuma otta ene yere ki :—

Ipakasnu cise ta an Yoannes anakne Kiristo iki anpe nu ciki, kor koykar utar payere wa Sinuma or ta ene yere ki :—

ο δε ιωαννης ακουσας εν τω δεσμωτηριω τα εργα του χριστου πεμψας δια των μαθητων αυτου

Now when John heard in the prison the works of the Christ, he sent by his disciples,

Ek kuni ainu anak ne Aokai ne ruwe? shui, moshima ainu chi ehuye ruwe he an? sekoro itakte.

Ek kuni aynu anakne Aokay ne ruwe? suy, mosma aynu ci ehuy ruwe he an? sekor itakte.

ειπεν αυτω συ ει ο ερχομενος η ετερον προσδοκωμεν

and said unto him, Art thou he that cometh, or look we for another?

Orowa Yesu ese wa nei utara otta ene ye-hi :— Echi paye wa, echi nup hemhem echi nukarape hemhem Yoannes otta nure yan:

Orowa Yesu ese wa ne utar or ta ene ye hi :— Eci=paye wa, eci=nup hemhem eci=nukar pe hemhem Yoannes or ta nure yan:

και αποκριθεις ο ιησους ειπεν αυτοις πορευθεντες απαγγειλατε ιωαννη α ακουετε και βλεπετε

And Jesus answered and said unto them, Go your way and tell John the things which ye do hear and see:

shiknak utara aingare, hera utara aapkashte, munin tashum ki utara aashkannere, ashpa utara ainure, rai utara hetopo-ashiknure, orowa, pirika shongo anak ne irapokkari utara otta anure ruwe ne.

siknak utar a=inkar, her utar a=apkaste, munin tasum ki utar aaskannere, aspa utar aynure, ray utar hetopo-a=siknure, orowa, pirka sonko anakne irapokkari utar or ta a=nure ruwe ne.

τυφλοι αναβλεπουσιν και χωλοι περιπατουσιν λεπροι καθαριζονται και κωφοι ακουουσιν και νεκροι εγειρονται και πτωχοι ευαγγελιζονται

the blind receive their sight, and the lame walk, the lepers are cleansed, and the deaf hear, and the dead are raised up, and the poor have good tidings preached to them.

Orowa, nen ne yakka En gusu epetchiu kuni ika nukara shomoki guru anak ne anunuke ne ruwe ne — sekoro itak.

Orowa, nen ne yakka En kusu epetciw kuni ika nukar somo ki kur anakne a=nunuke ne ruwe ne — sekor itak.

και μακαριος εστιν ος αν εαν μη σκανδαλισθη εν εμοι

And blessed is he, whosoever shall find none occasion of stumbling in me.

Nei utara paye shiri rapoketa Yesu Yoannes orushpe gusu inne utatʼtopaha otta ene ye-hi :— Echi okai utara nep nukara gusu kimta echi paye ya? Rera ani ashuyeshuye rapembe nukara kuni gusu echi paye nisa ruwe he an? Koroka, nep nukara gusu echi paye ya?

Ne utar paye siri rapoketa Yesu Yoannes oruspe kusu inne utat topaha or ta ene ye hi :— Eci=okay utar nep nukar kusu kim ta eci=paye ya? Rera ani a=suyesuye rapenpe nukar kuni kusu eci=paye nisa ruwe he an? Korka, nep nukar kusu eci=paye ya?

τουτων δε πορευομενων ηρξατο ο ιησους λεγειν τοις οχλοις περι ιωαννου τι εξηλθατε εις την ερημον θεασασθαι καλαμον υπο ανεμου σαλευομενον

And as these went their way, Jesus began to say unto the multitudes concerning John, What went ye out into the wilderness to behold? a reed shaken with the wind?

Sarambe amip rai guru nukara kuni gusu echi paye nisa ruwe he an? Sarambe anrip ani rai utara anak ne Moshiri esapane guru kotʼchisei ta okai ruwe ne.

Saranpe amip raykur nukar kuni kusu eci=paye nisa ruwe he an? Saranpe anrip ani ray utar anakne Mosir esapane kur kot cise ta okay ruwe ne.

αλλα τι εξηλθατε ιδειν ανθρωπον εν μαλακοις ημφιεσμενον ιδου οι τα μαλακα φορουντες εν τοις οικοις των βασιλεων εισιν

But what went ye out for to see? a man clothed in soft [raiment]? Behold, they that wear soft [raiment ]are in kings’ houses.

Koroka, nep gusu echi paye ya? Uweingara guru nukara kuni gusu ne ruwe he an? Son no un; Kuani echi otta Ku ye; uweingara guru kasu no pase guru nukara gusu echi paye nisa ruwe ne na.

Korka, nep kusu eci=paye ya? Ueinkar kur nukar kuni kusu ne ruwe he an? Sonno un; Kuani eci or ta Ku=ye; ueinkar kur kasuno pase kur nukar kusu eci=paye nisa ruwe ne na.

αλλα τι εξηλθατε προφητην ιδειν ιδειν προφητην ναι λεγω υμιν και περισσοτερον προφητου

But wherefore went ye out? to see a prophet? Yea, I say unto you, and much more than a prophet.

E kotchaot e kon ruhu etoko-oiki gusu, Ku shongo kore guru e nanuhu kotchaketa Ku omande kusu ne — sekoro anuye wa an itak anak ne tan guru epeka no aye itak ne ruwe ne na.

E kotcaot e=kor ruhu etoko-oyki kusu, Ku=sonko kore kur e nanuhu kotcake ta Ku=omante kusu ne — sekor a=nuye wa an itak anakne tan kur epeka no a=ye itak ne ruwe ne na.

ουτος εστιν περι ου γεγραπται ιδου εγω αποστελλω τον αγγελον μου προ προσωπου σου ος κατασκευασει την οδον σου εμπροσθεν σου

This is he, of whom it is written, Behold, I send my messenger before thy face, Who shall prepare thy way before thee.

Son no echi otta Ku ye, shiwentep utara hekatparep tumugeta Baptisma kore Yoannes kasu no pase guru naa shomo hopuni nisa ruwe ne: yakka, kando moshirʼotta an iyotta pon guru ne yakka nei guru kasu no pase guru ne ruwe ne na.

Sonno eci or ta Ku=ye, siwentep utar hekatparep tumke ta Baptisma kore Yoannes kasuno pase kur naa somo hopuni nisa ruwe ne: yakka, kanto mosir or ta an iyotta pon kur ne yakka ne kur kasuno pase kur ne ruwe ne na.

αμην λεγω υμιν ουκ εγηγερται εν γεννητοις γυναικων μειζων ιωαννου του βαπτιστου ο δε μικροτερος εν τη βασιλεια των ουρανων μειζων αυτου εστιν

Verily I say unto you, Among them that are born of women there hath not arisen a greater than John the Baptist: yet he that is but little in the kingdom of heaven is greater than he.

Orowa, Baptisma kore Yoannes an toho wano tane pakno kando moshiri aeyaikoniwen ruwe ne, awa, niwen no iki utara anak ne nei ambe kon ruwe ne.

Orowa, Baptisma kore Yoannes an toho wano tane pakno kanto mosir aeyaykoniwen ruwe ne, awa, niwen no iki utar anakne ne anpe kor ruwe ne.

απο δε των ημερων ιωαννου του βαπτιστου εως αρτι η βασιλεια των ουρανων βιαζεται και βιασται αρπαζουσιν αυτην

And from the days of John the Baptist until now the kingdom of heaven suffereth violence, and men of violence take it by force.

Inambe gusu ne yakun, obitta no okai uweingarape newa nep tuitak an yakka obitta Yoannes ek pakno uweingara nisa ruwe ne.

Inanpe kusu ne yakun, opittano okay uweinkarape newa nep tuytak an yakka opitta Yoannes ek pakno ueinkar nisa ruwe ne.

παντες γαρ οι προφηται και ο νομος εως ιωαννου επροφητευσαν

For all the prophets and the law prophesied until John.

Orowa, echi utara rengaine uk yak anak ne, okaketa ek kusu ne Ericha anak tan guru ne ruwe ne.

Orowa, eci utar renkayne uk yakanak ne, okake ta ek kusu ne Erica anak tan kur ne ruwe ne.

και ει θελετε δεξασθαι αυτος εστιν ηλιας ο μελλων ερχεσθαι

And if ye are willing to receive [it], this is Elijah, which is to come.

Nu kuni gusu an kisara koro gurʼanak ne nu yan.

Nu kuni kusu an kisara kor kur anakne nu yan.

ο εχων ωτα ακουετω

He that hath ears to hear, let him hear.

Koroka, tane okai utara ikiri nep otta Ku koherayere kusu ne ya? Ihok ushiketa rok wa, koro katairotke utara otta hotuyepakara wa ene ye poho ukoheraye :—

Korka, tane okay utar ikiri nep or ta Ku koherayere kusu ne ya? Ihok uske ta rok wa, kor katayrotke utar or ta hotuyepakara wa ene ye poho ukoheraye :—

τινι δε ομοιωσω την γενεαν ταυτην ομοια εστιν παιδιοις καθημενοις εν ταις αγοραις α προσφωνουντα τοις ετεροις

But whereunto shall I liken this generation? It is like unto children sitting in the marketplaces, which call unto their fellows,

Chi utara anak ne echi gusu top rekte ash ruwe ne, awa, echi rimse shomoki, chi chish ash nisa, koroka, echi sarachish shomoki ruwe ne.

Ci utar anakne eci kusu top rekte as ruwe ne, awa, eci=rimse somo ki, ci cis as nisa, korka, eci saracis somo ki ruwe ne.

λεγουσιν ηυλησαμεν υμιν και ουκ ωρχησασθε εθρηνησαμεν και ουκ εκοψασθε

and say, We piped unto you, and ye did not dance; we wailed, and ye did not mourn.

Inambe gusu ne yakun, Yoannes anak ne ibe shomoki iku shomoki no ek, aige, nei guru nitne kamui shikatkari ruwe ne, — ani utara ye ruwe ne.

Inanpe kusu ne yakun, Yoannes anakne ipe somo ki iku somo ki no ek, ayke, ne kur nitne kamuy sikatkari ruwe ne, — ani utar ye ruwe ne.

ηλθεν γαρ ιωαννης μητε εσθιων μητε πινων και λεγουσιν δαιμονιον εχει

For John came neither eating nor drinking, and they say, He hath a devil.

Ainu Poho anak ne ibe hemhem ki iku hemhem ki koro ek, awa, ingara, ibe rui tonoto iku rui ainu, chikokatpak utara newa yaku etaye koro katairotke guru ne — ari utara ye ruwe ne. Wayashnu ambe anak ne yaikota ki ambe gusu oupeka no aattere ruwe ne.

Aynu Poho anakne ipe hemhem ki iku hemhem ki kor ek, awa, inkar, ipe ruy tonoto iku ruy aynu, ci=kokatpak utar newa yaku etaye kor katayrotke kur ne — ari utar ye ruwe ne. Wayasnu anpe anakne yaykota ki anpe kusu owpekano aattere ruwe ne.

ηλθεν ο υιος του ανθρωπου εσθιων και πινων και λεγουσιν ιδου ανθρωπος φαγος και οινοποτης τελωνων φιλος και αμαρτωλων και εδικαιωθη η σοφια απο των εργων αυτης

The Son of man came eating and drinking, and they say, Behold, a gluttonous man, and a winebibber, a friend of publicans and sinners! And wisdom is justified by her works.

Orowa no, orota iyotta poron no kiroro an ikip iki machiya koro utara anak ne yaikokatpak shomoki gusu, Shinuma kosakayokara heashi hine ene itak-hi :—

Orowano, oro ta iyotta poronno kiroro an iki p iki maciya kor utar anakne yaykokatpak somo ki kusu, Sinuma kosakayokar heasi hine ene itak hi :—

τοτε ηρξατο ονειδιζειν τας πολεις εν αις εγενοντο αι πλεισται δυναμεις αυτου οτι ου μετενοησαν

Then began he to upbraid the cities wherein most of his mighty works were done, because they repented not.

Aa Korazin kotan, aeyaisambepokashbe e ne humi! Aa Betsaida kotan aeyaisambepokashbe e ne humi! Echi oshiketa Ku ki kiroro yupu ikip anak ne Turos kotan ta hene Sidon kotan ta hene akara yak anak ne, nei utara fushkone hai ani akara amip newa uina ani yaikokatpak kusu ne.

Aa Korazin kotan, aeyaysanpepokaspe e ne humi! Aa Betsayda kotan aeyaysanpepokaspe e ne humi! Eci=oske ta Ku=ki kiroro yupu iki p anakne Turos kotan ta hene Sidon kotan ta hene a=kar yakanak ne, ne utar huskone hay ani a=kar amip newa uyna ani yaykokatpak kusu ne.

ουαι σοι χοραζιν ουαι σοι βηθσαιδα οτι ει εν τυρω και σιδωνι εγενοντο αι δυναμεις αι γενομεναι εν υμιν παλαι αν εν σακκω και σποδω μετενοησαν

Woe unto thee, Chorazin! woe unto thee, Bethsaida! for if the mighty works had been done in Tyre and Sidon which were done in you, they would have repented long ago in sackcloth and ashes.

Yakka echi otta Ku ye, koipishi toho ta Turos kotan newa Sidon kotan otta akore panakte-i anak ne, echi otta akorep kasu no kasush ne kusu ne.

Yakka eci or ta Ku=ye, koypisi toho ta Turos kotan newa Sidon kotan or ta a=kore panakte hi anakne, eci or ta a=kore p kasuno kasus ne kusu ne.

πλην λεγω υμιν τυρω και σιδωνι ανεκτοτερον εσται εν ημερα κρισεως η υμιν

Howbeit I say unto you, it shall be more tolerable for Tyre and Sidon in the day of judgment, than for you.

Aa Kapernaum kotan, eani anak ne kando pakno arikinde kusu ne ruwe he an? Hedes pakno aerange kusu ne: inambe gusu ne yakun, e oshiketa kiroro yupu an ikip anak ne Sodom kotan otta aki yak anak, nei kotan tane pakno an nangoro gusu ne.

Aa Kapernaum kotan, eani anakne kanto pakno a=rikinte kusu ne ruwe he an? Hedes pakno aeranke kusu ne: inanpe kusu ne yakun, e oske ta kiroro yupu an iki p anakne Sodom kotan or ta aki yakanak, ne kotan tane pakno an nankor kusu ne.

και συ καφαρναουμ μη εως ουρανου υψωθηση εως αδου καταβηση οτι ει εν σοδομοις εγενηθησαν αι δυναμεις αι γενομεναι εν σοι εμεινεν αν μεχρι της σημερον

And thou, Capernaum, shalt thou be exalted unto heaven? thou shalt go down unto Hades: for if the mighty works had been done in Sodom which were done in thee, it would have remained until this day.

Yakka, echi otta Ku ye :— koipishi toho ta, Sodom kotan akore panakte-i anak ne echi otta akorep kasu no kasushbe ne ruwe ne kusu ne na, — sekoro itak.

Yakka, eci or ta Ku=ye :— koypisi toho ta, Sodom kotan a=kore panakte hi anakne eci or ta a=kore p kasuno kasuspe ne ruwe ne kusu ne na, — sekor itak.

πλην λεγω υμιν οτι γη σοδομων ανεκτοτερον εσται εν ημερα κρισεως η σοι

Howbeit I say unto you, that it shall be more tolerable for the land of Sodom in the day of judgment, than for thee.

Nei ita Yesu ese wa ene itak-hi :— Kando newa moshiri koro Utarapa ne Ku Michi, tan orushpe wayashnu utara newa oramush utara gusu nuina wa aiai otta nukare nisa ruwe ne gusu, Ku yaiiraige ash na:

Ne hi ta Yesu ese wa ene itak hi :— Kanto newa mosir kor Utarpa ne Ku Mici, tan oruspe wayasnu utar newa oramus utar kusu nuyna wa ayay or ta nukare nisa ruwe ne kusu, Ku=yayirayke as na:

εν εκεινω τω καιρω αποκριθεις ο ιησους ειπεν εξομολογουμαι σοι πατερ κυριε του ουρανου και της γης οτι εκρυψας ταυτα απο σοφων και συνετων και απεκαλυψας αυτα νηπιοις

At that season Jesus answered and said, I thank thee, O Father, Lord of heaven and earth, that thou didst hide these things from the wise and understanding, and didst reveal them unto babes:

ruwe ne wa, Michi, tap korachi E ki kuni ambe anak ne e esanniyop ne ruwe ne gusu ne na.

ruwe ne wa, Mici, tap koraci E ki kuni anpe anakne e esanniyop ne ruwe ne kusu ne na.

ναι ο πατηρ οτι ουτως ευδοκια εγενετο εμπροσθεν σου

yea, Father, for so it was well-pleasing in thy sight.

Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.

Nep ne yakka opitta Ku Mici oro wano A en=korpare nisa ruwe ne: orowa Mici mosma Poho eramuan kur sinen ka isam: sama ta Poho newa kor Mici or ta Poho nukare aynu mosma, Mici eramuan kur isam ruwe ne.

παντα μοι παρεδοθη υπο του πατρος μου και ουδεις επιγινωσκει τον υιον ει μη ο πατηρ ουδε τον πατερα τις επιγινωσκει ει μη ο υιος και ω εαν βουληται ο υιος αποκαλυψαι

All things have been delivered unto me of my Father: and no one knoweth the Son, save the Father; neither doth any know the Father, save the Son, and he to whomsoever the Son willeth to reveal [him].

Nen ne yakka monraige wa kososh no ashikere utara anak ne En otta araki yan, yakun, Kuani echi shinire ash kusu ne na.

Nen ne yakka monrayke wa kosos no a=sikere utar anakne En or ta arki yan, yakun, Kuani eci=sinire as kusu ne na.

δευτε προς με παντες οι κοπιωντες και πεφορτισμενοι καγω αναπαυσω υμας

Come unto me, all ye that labour and are heavy laden, and I will give you rest.

Kuani anak ne ramu-shiroma wa keutum yaieoripakka ambe Ku ne ruwe ne gusu, Ku rekuchi orunbe uk wa En orowa no eyaihannokkara yan; yak anak ne echi keutum gusu shini ushi apa kusu ne.

Kuani anakne ramu-siroma wa kewtum yayeoripakka anpe Ku ne ruwe ne kusu, Ku=rekuci orunpe uk wa En=oro wano eyayhannokkara yan; yakanak ne eci=kewtum kusu sini usi apa kusu ne.

αρατε τον ζυγον μου εφ υμας και μαθετε απ εμου οτι πραυς ειμι και ταπεινος τη καρδια και ευρησετε αναπαυσιν ταις ψυχαις υμων

Take my yoke upon you, and learn of me; for I am meek and lowly in heart: and ye shall find rest unto your souls.

Ku goro rekuchi orunbe hauge, Ku shikehe koshnep ne ruwe ne gusu ne na.

Ku=kor rekuci orunpe hawke, Ku=sikehe kosne p ne ruwe ne kusu ne na.

ο γαρ ζυγος μου χρηστος και το φορτιον μου ελαφρον εστιν

For my yoke is easy, and my burden is light.