16 Ik. leaf 210

Orowa, koro koikara utara otta Shinuma ene itak-hi :— Shine oteknu guru an, aige, otta chisei epunginere gusu an uitek guru an; awa, nei uitek guru anak ne kon nishpa korobe koatcha korʼan ani an ambe ani nishpa otta aeiyonnupba nisa ruwe ne na.

Orowa, kor koykar utar or ta Sinuma ene itak hi :— Sine oteknu kur an, ayke, or ta cise epunkinere kusu an uytek kur an; awa, ne uytek kur anakne kor nispa kor pe koatca kor an ani an anpe ani nispa or ta a=eiyonnuppa nisa ruwe ne na.

ελεγεν δε και προς τους μαθητας ανθρωπος τις ην πλουσιος ος ειχεν οικονομον και ουτος διεβληθη αυτω ως διασκορπιζων τα υπαρχοντα αυτου

And he said also unto the disciples, There was a certain rich man, which had a steward; and the same was accused unto him that he was wasting his goods.

Tata otta shinuma nei guru hotuyekara wa otta ene itak-hi :— Eani gusu an ku nu orushpe nekon a ambe ne ya? Chisei epungine gusu okai e esanniyop en nure yan, tewa no eani ku kot chisei aepunginere eaikap ruwe ne gusu ne na, ani itak.

Tata or ta sinuma ne kur hotuyekar wa or ta ene itak hi :— Eani kusu an ku=nu oruspe nekona anpe ne ya? Cise epunkine kusu okay e esanniyop en=nure yan, tewano eani ku=kot cise a=epunkinere eaykap ruwe ne kusu ne na, ani itak.

και φωνησας αυτον ειπεν αυτω τι τουτο ακουω περι σου αποδος τον λογον της οικονομιας σου ου γαρ δυνη ετι οικονομειν

And he called him, and said unto him, What is this that I hear of thee? render the account of thy stewardship; for thou canst be no longer steward.

Orowa, nei guru anak ne koro keutum ta ene itak-hi :— Nekon a ku ki kusu ne ya? Ku kon nishpa en emaka ruwe ne gusu ne na. Toi ku ta kuni ku turasak ruwe ne; orowa, ku iyahup gusu ku yainikoroshma ruwe ne.

Orowa, ne kur anakne kor kewtum ta ene itak hi :— Nekona ku=ki kusu ne ya? Ku=kor nispa en=emaka ruwe ne kusu ne na. Toy ku ta kuni ku=tursak ruwe ne; orowa, ku=iyahup kusu ku=yaynikorosma ruwe ne.

ειπεν δε εν εαυτω ο οικονομος τι ποιησω οτι ο κυριος μου αφαιρειται την οικονομιαν απ εμου σκαπτειν ουκ ισχυω επαιτειν αισχυνομαι

And the steward said within himself, What shall I do, seeing that my lord taketh away the stewardship from me? I have not strength to dig; to beg I am ashamed.

Kuani a en emaka orowa no moshima okai utara kot chisei otta en ahungere kuni nekon a ku kara ya ku oshitchiu na, sekoro keutura ta itak.

Kuani a en=emaka oro wano mosma okay utar kot cise or ta en ahunkere kuni nekona ku=kar ya ku=ositciw na, sekor kewtura ta itak.

εγνων τι ποιησω ινα οταν μετασταθω εκ της οικονομιας δεξωνται με εις τους οικους εαυτων αυτων

I am resolved what to do, that, when I am put out of the stewardship, they may receive me into their houses.

Orowa, shinuma anak ne kon nishpa orowa no ashosere utara shinen range hotuyekara, aige, hoshiki no an guru otta ene itak-hi :— Ku kon nishpa gusu e

Orowa, sinuma anakne kor nispa oro wano asosere utar sinen ranke hotuyekar, ayke, hoskino an kur or ta ene itak hi :— Ku=kor nispa kusu e

και προσκαλεσαμενος ενα εκαστον των χρεοφειλετων του κυριου εαυτου ελεγεν τω πρωτω ποσον οφειλεις τω κυριω μου

And calling to him each one of his lord’s debtors, he said to the first, How much owest thou unto my lord?

shoserep anak nei pakno an a? Orota, Shum ashikne hotne chomba pakno ne, ani itak. Nei guru otta shinuma ene itak-hi :— E koro sanniyo-kambi uk wa chashnu no a hine wan e re hotne chomba ani nuye yan, sekoro itak.

soserep anakne pakno an a? Oro ta, Sum asikne hotne conpa pakno ne, ani itak. Ne kur or ta sinuma ene itak hi :— E=kor sanniyo-kampi uk wa casnu no a hine wan e re hotne conpa ani nuye yan, sekor itak.

ο δε ειπεν εκατον βατους ελαιου ο δε ειπεν αυτω δεξαι σου τα γραμματα και καθισας ταχεως γραψον πεντηκοντα

And he said, A hundred measures of oil. And he said unto him, Take thy bond, and sit down quickly and write fifty.

Orowa, moshima guru otta, nei pakno aeshosere ya? ani itak. Orota, komungi ashikne hotne chomba ne ruwe ne, sekoro itat. Orowa, nei guru otta shinuma ene itak-hi :— E koro sanniyo-kambi uk wa ine hotne chomba ani nuye yan, ani itak.

Orowa, mosma kur or ta, ne pakno aesosere ya? ani itak. Oro ta, komunki asikne hotne conpa ne ruwe ne, sekor i=tat. Orowa, ne kur or ta sinuma ene itak hi :— E=kor sanniyo-kampi uk wa ine hotne conpa ani nuye yan, ani itak.

επειτα ετερω ειπεν συ δε ποσον οφειλεις ο δε ειπεν εκατον κορους σιτου λεγει αυτω δεξαι σου τα γραμματα και γραψον ογδοηκοντα

Then said he to another, And how much owest thou? And he said, A hundred measures of wheat. He saith unto him, Take thy bond, and write fourscore.

Orowa, kon nishpa anak ne, nei oupeka sak chisei epungine uitek guru wayashnu no ki nisa ruwe ne gusu, iramye nisa ruwe ne na; inambe gusu ne yakun, pekere un poho kasu no anak ne moshiri un poho koro ikiri ta naa wayashnu wa okai ruwe ne gusu ne na.

Orowa, kor nispa anakne, ne owpeka sak cise epunkine uytek kur wayasnu no ki nisa ruwe ne kusu, iramye nisa ruwe ne na; inanpe kusu ne yakun, peker un poho kasuno anakne mosir un poho kor ikiri ta naa wayasnu wa okay ruwe ne kusu ne na.

και επηνεσεν ο κυριος τον οικονομον της αδικιας οτι φρονιμως εποιησεν οτι οι υιοι του αιωνος τουτου φρονιμωτεροι υπερ τους υιους του φωτος εις την γενεαν την εαυτων εισιν

And his lord commended the unrighteous steward because he had done wisely: for the sons of this world are for their own generation wiser than the sons of the light.

Shui, echi otta Ku ye, nei ambe isam kusu ne chiki, shiokere shomoki oshiroma-i orun echi ahuptere kuni gusu oupeka sak ikoro ani yaikota gusu ikatairotke utara kara yan.

Suy, eci or ta Ku=ye, ne anpe isam kusu ne ciki, siokere somo ki osiroma hi orun eci=ahuptere kuni kusu owpeka sak i=kor ani yaykota kusu ikatayrotke utar kar yan.

και εγω υμιν λεγω εαυτοις ποιησατε φιλους εκ του μαμωνα της αδικιας ινα οταν εκλιπη δεξωνται υμας εις τας αιωνιους σκηνας

And I say unto you, Make to yourselves friends by means of the mammon of unrighteousness; that, when it shall fail, they may receive you into the eternal tabernacles.

Iyotta ponbe gusu ikipniukesh guru anak ne porobe gusu ne yakka ikipniukesh ruwe ne; orowa iyotta ponbe gusu oupeka sak guru anak porobe gusu ne yakka oupeka sakbe ne ruwe ne na.

Iyotta ponpe kusu ikipniwkes kur anakne poro p kusu ne yakka ikipniwkes ruwe ne; orowa iyotta ponpe kusu owpeka sak kur anak poro p kusu ne yakka owpeka sak pe ne ruwe ne na.

ο πιστος εν ελαχιστω και εν πολλω πιστος εστιν και ο εν ελαχιστω αδικος και εν πολλω αδικος εστιν

He that is faithful in a very little is faithful also in much: and he that is unrighteous in a very little is unrighteous also in much.

Tambe gusu, echi utara anak ne oupeka sak no an ikoro gusu ikipniukesh shomoki yakun, son no ambe echi shitkashimare guru nen ne ruwe he an?

Tanpe kusu, eci utar anakne owpeka sak no an i=kor kusu ikipniwkes somo ki yakun, sonno anpe eci sitkasimare kur nen ne ruwe he an?

ει ουν εν τω αδικω μαμωνα πιστοι ουκ εγενεσθε το αληθινον τις υμιν πιστευσει

If therefore ye have not been faithful in the unrighteous mammon, who will commit to your trust the true [riches]?

Samata, moshima guru korope gusu ikipniukesh shomoki yakun, yaikota echi korope echi koropare an guru nen ne ruwe he an?

Sama ta, mosma kur kor pe kusu ikipniwkes somo ki yakun, yaykota eci=kor pe eci=korpare an kur nen ne ruwe he an?

και ει εν τω αλλοτριω πιστοι ουκ εγενεσθε το ημετερον τις δωσει υμιν υμετερον τις υμιν δωσει

And if ye have not been faithful in that which is another’s, who will give you that which is your own?

Tu sapane guru orota yaishieiwangere eashkai uitek guru isam, yak anak ne, shinen kowen, shinen to-omap; shinen ko-oshkoro, shinen etunne kusu ne na. Echi utara okai, Kamui hemhem, aeoteknup hemhem tup ne kane otta yaishieiwangere eaikap ruwe ne.

Tu sapanekur oro ta yaysieywankere easkay uytek kur isam, yakanak ne, sinen kowen, sinen to-omap; sinen ko-oskoro, sinen etunne kusu ne na. Eci utar okay, Kamuy hemhem, aeoteknup hemhem tup ne kane or ta yaysieywankere eaykap ruwe ne.

ουδεις οικετης δυναται δυσιν κυριοις δουλευειν η γαρ τον ενα μισησει και τον ετερον αγαπησει η ενος ανθεξεται και του ετερου καταφρονησει ου δυνασθε θεω δουλευειν και μαμωνα

No servant can serve two masters: for either he will hate the one, and love the other; or else he will hold to one, and despise the other. Ye cannot serve God and mammon.

Orowa, ichen omap Parisee un utara anak ne obitta no okai tap orushpe nu, awa, Shinuma emina esapse nisa ruwe ne.

Orowa, icen omap Parisee un utar anakne opittano okay tap oruspe nu, awa, Sinuma emina esapse nisa ruwe ne.

ηκουον δε ταυτα παντα οι φαρισαιοι φιλαργυροι υπαρχοντες και εξεμυκτηριζον αυτον

And the Pharisees, who were lovers of money, heard all these things; and they scoffed at him.

Aige, Shinuma nei utara otta ene itak-hi :— Echi utara anak ne utara tek samata yaikatpak sakte ruwe ne, koroka, Kamui anak echi koro keutum eraman: inambe gusu ne yakun, utara tumugeta ariknarep anak ne Kamui tek samata aetunnep ne ruwe ne gusu ne na.

Ayke, Sinuma ne utar or ta ene itak hi :— Eci utar anakne utar teksama ta yaykatpak sakte ruwe ne, korka, Kamuy anak eci=kor kewtum eraman: inanpe kusu ne yakun, utar tumke ta ariknarep anakne Kamuy teksama ta aetunnep ne ruwe ne kusu ne na.

και ειπεν αυτοις υμεις εστε οι δικαιουντες εαυτους ενωπιον των ανθρωπων ο δε θεος γινωσκει τας καρδιας υμων οτι το εν ανθρωποις υψηλον βδελυγμα ενωπιον του θεου

And he said unto them, Ye are they that justify yourselves in the sight of men; but God knoweth your hearts: for that which is exalted among men is an abomination in the sight of God.

Tuitak newa uweingarape anak ne Yoannes pakno an; nei ita wano Kamui moshiri gusu an Pirika shongo eupaskuma a an, orowa, obitta no ahup utara anak ne yaikoniwen wa ahup ruwe ne.

Tuytak newa uweinkarape anakne Yoannes pakno an; ne hi ta wano Kamuy mosir kusu an Pirka sonko ewpaskuma a an, orowa, opittano ahup utar anakne yaykoniwen wa ahup ruwe ne.

ο νομος και οι προφηται μεχρι ιωαννου απο τοτε η βασιλεια του θεου ευαγγελιζεται και πας εις αυτην βιαζεται

The law and the prophets [were ]until John: from that time the gospel of the kingdom of God is preached, and every man entereth violently into it.

Koroka, tuitak un shine iyotta ponbe hachiri kasu no kando newa toitoi isam ambe isaika ruwe ne.

Korka, tuytak un sine iyotta ponpe hacir kasuno kanto newa toytoy isam anpe isayka ruwe ne.

ευκοπωτερον δε εστιν τον ουρανον και την γην παρελθειν η του νομου μιαν κεραιαν πεσειν

But it is easier for heaven and earth to pass away, than for one tittle of the law to fall.

Inan guru ne yakka koro machi uosurupa wa moshima okai shiwentep ani machi ne kara guru anak ne omoinu kon ruwe ne: samata, koro hoku orowa no aosurupa shiwentep ahupkara guru ne yakka omoinu kon ruwe ne na.

Inan kur ne yakka kor maci uosurpa wa mosma okay siwentep ani maci ne kar kur anakne omoynu kor ruwe ne: sama ta, kor hoku oro wano a=osurpa siwentep ahupkar kur ne yakka omoynu kor ruwe ne na.

πας ο απολυων την γυναικα αυτου και γαμων ετεραν μοιχευει και ο απολελυμενην απο ανδρος γαμων μοιχευει

Every one that putteth away his wife, and marrieth another, committeth adultery: and he that marrieth one that is put away from a husband committeth adultery.

Orowa, kesto irammakaka okai fure amip newa sarambe amip mi shine oteknu ainu an:

Orowa, kesto irammakaka okay hure amip newa saranpe amip mi sine oteknu aynu an:

ανθρωπος δε τις ην πλουσιος και ενεδιδυσκετο πορφυραν και βυσσον ευφραινομενος καθ ημεραν λαμπρως

Now there was a certain rich man, and he was clothed in purple and fine linen, faring sumptuously every day:

orowa, nei oteknu guru koro ibe set wano rapapsep ani

orowa, ne oteknu kur kor ipe set wano rapapsep ani

πτωχος δε τις ονοματι λαζαρος εβεβλητο προς τον πυλωνα αυτου ειλκωμενος

and a certain beggar named Lazarus was laid at his gate, full of sores,

yai-ibere rusui hup eshik no oma Razaros ani an reihei koro shine iyahupkara guru shinuma chashi apa samaketa aande nisa ruwe ne: ruwe un, seta poka araki wa shinuma koro piri kemkem nisa ruwe ne.

yay-ipere rusuy hup esik no oma Razaros ani an rehe kor sine iyahupkar kur sinuma casi apa samake ta a=ante nisa ruwe ne: ruwe un, seta poka arki wa sinuma kor piri kemkem nisa ruwe ne.

και επιθυμων χορτασθηναι απο των πιπτοντων απο της τραπεζης του πλουσιου αλλα και οι κυνες ερχομενοι επελειχον τα ελκη αυτου

and desiring to be fed with the [crumbs ]that fell from the rich man’s table; yea, even the dogs came and licked his sores.

Okaketa, nei iyahupkara guru anak ne rai, orowa, Kamui uitekbe shinuma koro wa paye hine Abraham upshoro ta ande nisa ruwe ne: orowa, nei oteknu guru ne yakka rai wa tushiri oro aomare nisa ruwe ne.

Okake ta, ne iyahupkar kur anakne ray, orowa, Kamuy uytekpe sinuma kor wa paye hine Abraham upsoro ta ante nisa ruwe ne: orowa, ne oteknu kur ne yakka ray wa tusiri oro a=omare nisa ruwe ne.

εγενετο δε αποθανειν τον πτωχον και απενεχθηναι αυτον υπο των αγγελων εις τον κολπον αβρααμ απεθανεν δε και ο πλουσιος και εταφη

And it came to pass, that the beggar died, and that he was carried away by the angels into Abraham’s bosom: and the rich man also died, and was buried.

Orowa, shinuma Hedes oshiketa panakte wa an, awa, shiki hepuni hine koro upshoro ta Razaros koro Abraham kattuima no okai shiri nukan nisa ruwe ne.

Orowa, sinuma Hedes oske ta panakte wa an, awa, siki hepuni hine kor upsoro ta Razaros kor Abraham kattuymano okay siri nukar nisa ruwe ne.

και εν τω αδη επαρας τους οφθαλμους αυτου υπαρχων εν βασανοις ορα αβρααμ απο μακροθεν και λαζαρον εν τοις κολποις αυτου

And in Hades he lifted up his eyes, being in torments, and seeth Abraham afar off, and Lazarus in his bosom.

Orowa, shinuma hawe ashte wa ene itak-hi :— Michi Abraham, en erampokiwen wa en kore, Razaros anak ne koro ashikepet etu wakka oro omare hine ku goro parumbe memamka kuni gusu omande wa en kore; tan abe nui oshiketa ku aiuninka ruwe ne gusu ne na.

Orowa, sinuma hawe aste wa ene itak hi :— Mici Abraham, en=eranpokiwen wa en=kore, Razaros anakne kor askepet etu wakka oro omare hine ku=kor parunpe memamka kuni kusu omante wa en=kore; tan ape nuy oske ta ku ayuninka ruwe ne kusu ne na.

και αυτος φωνησας ειπεν πατερ αβρααμ ελεησον με και πεμψον λαζαρον ινα βαψη το ακρον του δακτυλου αυτου υδατος και καταψυξη την γλωσσαν μου οτι οδυνωμαι εν τη φλογι ταυτη

And he cried and said, Father Abraham, have mercy on me, and send Lazarus, that he may dip the tip of his finger in water, and cool my tongue; for I am in anguish in this flame.

Koroka, Abraham ene itak-hi :— Poho, eani kanna moshiri ta e an rapoketa e koro pirika okaibe e kon nisa ruwe ne, orowa, Razaros anak ne nei no korachi wen okaibe kon nisa ruwe ne-hi eshkarun yan: koroka, tane anak shinuma teda an wa aomaoma wa an, eani anak ne aiuninka wa an na.

Korka, Abraham ene itak hi :— Poho, eani kanna mosir ta e an rapoketa e=kor pirka okaype e=kor nisa ruwe ne, orowa, Razaros anakne néno koraci wen okaype kor nisa ruwe ne hi eskarun yan: korka, tane anak sinuma teta an wa a=omaoma wa an, eani anakne ayuninka wa an na.

ειπεν δε αβρααμ τεκνον μνησθητι οτι απελαβες τα αγαθα σου εν τη ζωη σου και λαζαρος ομοιως τα κακα νυν δε ωδε παρακαλειται συ δε οδυνασαι

But Abraham said, Son, remember that thou in thy lifetime receivedst thy good things, and Lazarus in like manner evil things: but now here he is comforted, and thou art in anguish.

Samata, tan okaibe moshima, chi utara newa echi utara uturuta poro shui aatte wa an, te wano echi orun paye rusui utara paye eaikap kuni gusu, samata, toani wano un orun kush rusui utara araki eaikap kuni gusu ne na, sekoro itak.

Sama ta, tan okaype mosma, ci utar newa eci utar utur ta poro suy aatte wa an, te wano eci=orun paye rusuy utar paye eaykap kuni kusu, sama ta, toan wano un orun kus rusuy utar arki eaykap kuni kusu ne na, sekor itak.

και εν πασιν τουτοις μεταξυ ημων και υμων χασμα μεγα εστηρικται οπως οι θελοντες διαβηναι ενθεν προς υμας μη δυνωνται μηδε εκειθεν προς ημας διαπερωσιν

And beside all this, between us and you there is a great gulf fixed, that they which would pass from hence to you may not be able, and that none may cross over from thence to us.

Orowa, shinuma ene itak-hi :— Tambe gusu, michi; ku goro michi chisei orun shinuma omande kuni ku koramkon na;

Orowa, sinuma ene itak hi :— Tanpe kusu, mici; ku=kor mici cise orun sinuma omante kuni ku=koramkor na;

ειπεν δε ερωτω σε ουν πατερ ινα πεμψης αυτον εις τον οικον του πατρος μου

And he said, I pray thee therefore, father, that thou wouldest send him to my father’s house;

inambe gusu ne yakun, ainu iriwak ashikne niu ku goro: nei utara iteki tan panakte an ushike un ahup kuni ne orota paweteshu kire wa en kore, sekoro itak.

inanpe kusu ne yakun, aynu irwak asikne niw ku=kor: ne utar iteki tan panakte an usike un ahup kuni ne oro ta pawetesu kire wa en=kore, sekor itak.

εχω γαρ πεντε αδελφους οπως διαμαρτυρηται αυτοις ινα μη και αυτοι ελθωσιν εις τον τοπον τουτον της βασανου

for I have five brethren; that he may testify unto them, lest they also come into this place of torment.

Koroka, orota Abraham ene itak-hi :— Nei utara otta Mose newa Uweingara utara okai; nei utara anak ne shinuma utara nu yak pirika, ani itak. Orowa,

Korka, oro ta Abraham ene itak hi :— Ne utar or ta Mose newa Ueinkar utar okay; ne utar anakne sinuma utar nu yak pirka, ani itak. Orowa,

λεγει δε αβρααμ εχουσιν μωυσεα και τους προφητας ακουσατωσαν αυτων

But Abraham saith, They have Moses and the prophets; let them hear them.

nei guru ene itak-hi :— Shomo, michi Abraham: koroka, rai guru orowa no shinen oman chiki, nei utara yaikokatpak kusu ne, sekoro itak.

ne kur ene itak hi :— Somo, mici Abraham: korka, raykur oro wano sinen oman ciki, ne utar yaykokatpak kusu ne, sekor itak.

ο δε ειπεν ουχι πατερ αβρααμ αλλ εαν τις απο νεκρων πορευθη προς αυτους μετανοησουσιν

And he said, Nay, father Abraham: but if one go to them from the dead, they will repent.

Orota shinuma ene itak-hi :— Nei utara anak ne Mose newa Uweingara utara nu shomoki yakun, rai orowa no shinen hetopo-shiknu yakka inu shomoki kusu ne na, sekoro itak.

Oro ta sinuma ene itak hi :— Ne utar anakne Mose newa Ueinkar utar nu somo ki yakun, ray oro wano sinen hetopo-siknu yakka inu somo ki kusu ne na, sekor itak.

ειπεν δε αυτω ει μωυσεως και των προφητων ουκ ακουουσιν ουδ εαν τις εκ νεκρων αναστη πεισθησονται

And he said unto him, If they hear not Moses and the prophets, neither will they be persuaded, if one rise from the dead.