Synopsis
Mattaios 19.1-8 §189VI
1 Orowa, Yesu tan itak ye okere chiki Gariraya moshiri ekohopi oman wa Yorodan pet kushketa an Yudea moshiri eepaketa ek ruwe ne;
Orowa, Yesu tan itak ye okere ciki Gariraya mosir ekohopi oman wa Yorodan pet kuske ta an Yudea mosir eepak ta ek ruwe ne;
2 awa, inne topaha utara Shinuma osh araki ruwe ne; awa, toada Shinuma nei utara iwangere nisa ruwe ne na.
awa, inne topaha utar Sinuma os arki ruwe ne; awa, toata Sinuma ne utar iwankere nisa ruwe ne na.
3 Orowa, Parisee un utara Shinuma koramnukara gusu orota araki wa ene itak-hi :— Nep ikkewehe ari yakka ainu anak ne koro machi osurupa yakun pirika ruwe he an?
Orowa, Parisee un utar Sinuma koramnukar kusu oro ta arki wa ene itak hi :— Nep ikkewehe ari yakka aynu anakne kor maci osurpa yakun pirka ruwe he an?
4 ari itak Shinuma ese wa ene itak-hi :— Atpaketa Kamui ainu kara ita anak okkai ainu newa matne ainu kara, orowa ene ye-hi :—
ari itak Sinuma ese wa ene itak hi :— Atpake ta Kamuy aynu kar hi ta anak okkay aynu newa matne aynu kar, orowa ene ye hi :—
5 Tambe gusu ainu anak ne koro ona koro unu are wa kon machi tura ko-an kusu ne; orowa, nei tun anak ne shine kam ne ruwe ne, sekorʼambe echi oro-oitak shomoki ruwe he an?
Tanpe kusu aynu anakne kor ona kor unu are wa kon maci tura ko-an kusu ne; orowa, ne tun anakne sine kam ne ruwe ne, sekor anpe eci oro-oytak somo ki ruwe he an?
6 Tambe gusu nei utara anak ne tun shomo ne, shine kara ne ruwe ne. Tambe gusu, Kamui orowa no aukotukka ambe nen ne yakka iteki usa ande yan.
Tanpe kusu ne utar anakne tun somo ne, sine kar ne ruwe ne. Tanpe kusu, Kamuy oro wano awkotukka anpe nen ne yakka iteki usa ante yan.
7 Nei utara Shinuma otta ene itak-hi :— Yakun, ainu anak ne koro machi osurupa chiki, aosurupa kambi sange yan, ani nep gusu Mose ikashpaotte nisa ruwe he an?
Ne utar Sinuma or ta ene itak hi :— Yakun, aynu anakne kor maci osurpa ciki, a=osurpa kampi sanke yan, ani nep kusu Mose ikaspaotte nisa ruwe he an?
8 Orota Yesu ene itak-hi :— Echi sambe-nishte wa gusu, echi koro machi osurupa ambe Mose ramu-oshma nisa ruwe ne; koroka, atpake wano nei no an shomo ne ruwe tapan na.
Oro ta Yesu ene itak hi :— Eci=sanpe-niste wa kusu, eci=kor maci osurpa anpe Mose ramu-osma nisa ruwe ne; korka, atpake wano néno an somo ne ruwe tapan na.
Markos 10.1-9 §103VI
1 Orowa, Shinuma hopuni hine nei kotan wano oman wa Yorodan pet kush ta an Yudea moshiri orun ek nisa ruwe ne: orowa, kanna-shui inne utara Shinuma otta uwekarapa; awa, ramma korachi shui Shinuma epakashnu nisa ruwe ne na.
Orowa, Sinuma hopuni hine ne kotan wano oman wa Yorodan pet kus ta an Yudea mosir orun ek nisa ruwe ne: orowa, kanna-suy inne utar Sinuma or ta uekarpa; awa, ramma koraci suy Sinuma epakasnu nisa ruwe ne na.
2 Orosama, orota Parisee un utara araki wa koramnukara hine ene uwepekennu-hi :— Ainu anak ne koro machi osurupa chiki kashpaotte ehaita ruwe he an, ani nu.
Orosama, oro ta Parisee un utar arki wa koramnukar hine ene uwepekennu hi :— Aynu anakne kor maci osurpa ciki kaspaotte ehayta ruwe he an, ani nu.
3 Orota Shinuma ese wa ene itak-hi :— Mose anak ne nep ani echi kashpaotte ya?
Oro ta Sinuma ese wa ene itak hi :— Mose anakne nep ani eci=kaspaotte ya?
4 Tata otta nei utara ene ye-hi :— Mose anak chi utara uwosurupa kambi kore wa shiwentep osurupa kuni ramuoshma nisa ruwe ne, sekoro itak.
Tata or ta ne utar ene ye hi :— Mose anak ci utar uwosurupa kampi kore wa siwentep osurpa kuni ramuosma nisa ruwe ne, sekor itak.
5 Koroka, Yesu nei utara otta ene itakhi :— Echi koro sambe nishte wa gusu Mose nei ikashpaotte echi gusu nuye nisa ruwe ne.
Korka, Yesu ne utar or ta ene itak hi :— Eci=kor sanpe niste wa kusu Mose ne ikaspaotte eci kusu nuye nisa ruwe ne.
6 Koroka, moshiri akara heashi ta okkai shiueu matne shinen akan ruwe ne.
Korka, mosir a=kar heasi ta okkay siwew matne sinen a=kar ruwe ne.
7 Tambe gusu, ainu anak ne koro ona koro unu ande wa kon machi tura ko-an kusu ne;
Tanpe kusu, aynu anakne kor ona kor unu ante wa kon maci tura ko-an kusu ne;
8 orowa, nei tun anak ne shine kam ne kusu ne na; tambe gusu nei utara naa tun shomo ne shine kam ne ruwe ne.
orowa, ne tun anakne sine kam ne kusu ne na; tanpe kusu ne utar naa tun somo ne sine kam ne ruwe ne.
9 Tambe gusu, Kamui ukotukkare utara nen ye yakka iteki usa ande yan.
Tanpe kusu, Kamuy ukotukkare utar nen ye yakka iteki usa ante yan.
Markos 10.10 §104X
10 Orowa, chisei ta okai ita anak ne koro koikara utara shui nei orushpe gusu Shinuma otta nu nisa ruwe ne.
Orowa, cise ta okay hi ta anakne kor koykar utar suy ne oruspe kusu Sinuma or ta nu nisa ruwe ne.
Mattaios 19.9 §190II
9 Orowa, echi otta Ku ye, nen ne yakka ramupekere ika moshima ambe gusu koro machi osurupa wa moshimap ahupkara gurʼanak ne omoinu kon ruwe ne; orowa, nei aosurupa shiwentep ahupkara guru ne yakka omoinu kon ruwe ne.
Orowa, eci or ta Ku=ye, nen ne yakka ramupekere ika mosma anpe kusu kor maci osurpa wa mosma p ahupkar kur anakne omoynu kor ruwe ne; orowa, ne a=osurpa siwentep ahupkar kur ne yakka omoynu kor ruwe ne.
Markos 10.11-12 §105II
11 Orota Shinuma ene itak-hi :— Nen ne yakka kon machi osurupa wa moshima an shiwentep ani machi ne kara gurʼanak ne shinuma gusu omoinu kon ruwe ne:
Oro ta Sinuma ene itak hi :— Nen ne yakka kon maci osurpa wa mosma an siwentep ani maci ne kar kur anakne sinuma kusu omoynu kor ruwe ne:
12 samata, nei shiwentep yaikota anak ne koro hoku osurupa wa moshima an ainu ani hoku ne koro chiki shinuma omoinu kon ruwe ne.
sama ta, ne siwentep yaykota anakne kor hoku osurpa wa mosma an aynu ani hoku ne kor ciki sinuma omoynu kor ruwe ne.
Roukos 16.18 §195II
18 Inan guru ne yakka koro machi uosurupa wa moshima okai shiwentep ani machi ne kara guru anak ne omoinu kon ruwe ne: samata, koro hoku orowa no aosurupa shiwentep ahupkara guru ne yakka omoinu kon ruwe ne na.
Inan kur ne yakka kor maci uosurpa wa mosma okay siwentep ani maci ne kar kur anakne omoynu kor ruwe ne: sama ta, kor hoku oro wano a=osurpa siwentep ahupkar kur ne yakka omoynu kor ruwe ne na.
Mattaios 19.13-15 §192II
13 Orowa, kashiketa toro tekehe ande wa inonno-itak kuni ne nokan utara atura wa okai ruwe ne; awa, koikara utara kopao nisa ruwe ne.
Orowa, kasike ta tor tekehe ante wa inonno-itak kuni ne nokan utar a=tura wa okay ruwe ne; awa, koykar utar kopao nisa ruwe ne.
14 Koroka, Yesu ene itak-hi :— Nokan utara En otta araki-i ramu-oshma, iteki hattoki yan; Kando moshirʼunbe anak ne nei no okaibe ne ruwe ne gusu ne na.
Korka, Yesu ene itak hi :— Nokan utar En or ta arki hi ramu-osma, iteki hattoki yan; Kanto mosir un pe anakne néno okaype ne ruwe ne kusu ne na.
15 Orowa, Shinuma nei utara kashiketa teke ande; orowa no nei kotan wano paye nisa ruwe ne na.
Orowa, Sinuma ne utar kasike ta teke ante; orowano ne kotan wano paye nisa ruwe ne na.
Markos 10.13-16 §106II
13 Orowa, atomooshmare kuni ne utara anak ne Shinuma orota nokan utara tura wa araki nisa ruwe ne: awa,
Orowa, atomoosmare kuni ne utar anakne Sinuma oro ta nokan utar tura wa arki nisa ruwe ne: awa,
14 koikara utara kopao nisa ruwe ne. Koroka, Yesu nei ambe nukara chiki irushka hine orota ene itak-hi :— Nokan utara En otta araki kuni ambe ramuoshma; iteki hattoki yan: Kamui moshirʼumbe anak ne nei no okaibe ne ruwe ne gusu ne na.
koykar utar kopao nisa ruwe ne. Korka, Yesu ne anpe nukar ciki iruska hine oro ta ene itak hi :— Nokan utar En or ta arki kuni anpe ramuosma; iteki hattoki yan: Kamuy mosir un pe anakne néno okaype ne ruwe ne kusu ne na.
15 Son no echi otta Ku ye, nen ne yakka nokan guru nei no Kamui moshiri uk shomoki gurʼanak ne, earikinne nei moshiri orun ahun shomoki kusu ne, ari itak.
Sonno eci or ta Ku=ye, nen ne yakka nokan kur néno Kamuy mosir uk somo ki kur anakne, earikinne ne mosir orun ahun somo ki kusu ne, ari itak.
16 Orowa, Shinuma nei nokan utara otekomare wa kashiketa tekehe ande koro shinnunuke nisa ruwe ne.
Orowa, Sinuma ne nokan utar otekomare wa kasike ta tekehe ante kor sinnunuke nisa ruwe ne.
Roukos 18.15-16 §216II
15 Orowa, atomooshma kuni ne okai utara anak ne koro aiai Shinuma otta koro wa araki: awa, koikara utara nukara chiki nei utara kopao nisa ruwe ne.
Orowa, a=tomoosma kuni ne okay utar anakne kor ayay Sinuma or ta kor wa arki: awa, koykar utar nukar ciki ne utar kopao nisa ruwe ne.
16 Koroka, Yesu nei utara shihekote hotuyekara wa ene itak-hi :— Nokan utara en orota araki ambe ramuoshma wa iteki hattoki yan: Kamui moshirʼ-unbe anak ne nei no okaibe ne ruwe ne gusu ne na.
Korka, Yesu ne utar sihekote hotuyekar wa ene itak hi :— Nokan utar en oro ta arki anpe ramuosma wa iteki hattoki yan: Kamuy mosir'-un pe anakne néno okaype ne ruwe ne kusu ne na.
Mattaios 19.16-20 §193II
16 Orowa, ingarʼan, shine ainu Shinuma otta ek wa ene itak-hi :— Epakashnu guru, hembara pakno ne yakka isam shomoki inotu a en kore kuni ne, nekon a pirika ambe ku iki yak pirika ya?
Orowa, inkar=an, sine aynu Sinuma or ta ek wa ene itak hi :— Epakasnu kur, henpara pakno ne yakka isam somo ki inotu a en=kore kuni ne, nekona pirka anpe ku=iki yak pirka ya?
17 Orota Shinuma ene itak-hi :— Hemanda gusu pirika ambe gusu En orun uwepekennu ruwe he an? Pirika guru shinen an: koroka eani ishu-i orun ahun rusui chiki, ikashpaotte shikkashima yan.
Oro ta Sinuma ene itak hi :— Hemanta kusu pirka anpe kusu En=orun uwepekennu ruwe he an? Pirka kur sinen an: korka eani i=su hi orun ahun rusuy ciki, ikaspaotte sikkasima yan.
18 Nei guru, Inambe, ari itak ruwe ne.
Ne kur, Inanpe, ari itak ruwe ne.
19 Yesu ene itak-hi :— Iteki keuk yan, iteki omoinu koro yan, iteki ikka yan, iteki shunge paweteshu ki yan, e koro ona e koro unu ko-oripak yan; orowa, yai-omap korachi moshima an guru omap yan.
Yesu ene itak hi :— Iteki keuk yan, iteki omoynu kor yan, iteki ikka yan, iteki sunke pawetesu ki yan, e=kor ona e=kor unu ko-oripak yan; orowa, yay-omap koraci mosma an kur omap yan.
20 Orota nei upen ainu ene itak-hi :— Nei okaibe obitta ku shikkashima nisa ruwe ne; naa uhaita ushike an a?
Oro ta ne upen aynu ene itak hi :— Ne okaype opitta ku=sikkasima nisa ruwe ne; naa uhayta usike an a?
Markos 10.17-21A §107II
17 Orowa, Shinuma payekai korʼan ita, orota shine ainu hoyupu wa kotchaketa kokkaea hine ene itakhi :— Pirika epakashnu guru, kuani hembara pakno ne yakka shiokere shomoki inotu ku eikeshkoro kuni ne nekon a ku ki yak pirika ya? sekoro nu.
Orowa, Sinuma payekay kor an hi ta, oro ta sine aynu hoyupu wa kotcake ta kokkaea hine ene itak hi :— Pirka epakasnu kur, kuani henpara pakno ne yakka siokere somo ki inotu ku eykeskoro kuni ne nekona ku=ki yak pirka ya? sekor nu.
18 Orota Yesu ene itak-hi :— Hemanda gusu pirika ani En ye ya? Shinen moshima pirikap isama, nei ambe anak Kamui ne ruwe ne.
Oro ta Yesu ene itak hi :— Hemanta kusu pirka ani En=ye ya? Sinen mosma pirka p isam, ne anpe anak Kamuy ne ruwe ne.
19 Eani ikashpaotte eramʼan, Iteki keuk yan, Iteki omoinu koro yan, Iteki ikka yan, Iteki shunge paweteshu ki yan, Iteki iramisamka, E koro ona, newa unu ko-oripak yan, ari itak.
Eani ikaspaotte eraman, Iteki keuk yan, Iteki omoynu kor yan, Iteki ikka yan, Iteki sunke pawetesu ki yan, Iteki iramisamka, E=kor ona, newa unu ko-oripak yan, ari itak.
20 Orota nei guru ene itak-hi :— Epakashnu guru, pon ram orowa no tap okaibe obitta ku shikkashima nisa ruwʼe ne.
Oro ta ne kur ene itak hi :— Epakasnu kur, pon ram oro wano tap okaype opitta ku=sikkasima nisa ruwe ne.
21 Orowa, Yesu nei guru orun nukara wa omap ki, aine, orota ene itak-hi :— E haita ambe shinep an: e oman wa e korobe obitta ehok hine irapokkari guru otta koropare, yak anak ne kando oshiketa aeoteknup e koro kusu ne; orowa no ek wa En osh apkash yan, ari itak.
Orowa, Yesu ne kur orun nukar wa omap ki, ayne, oro ta ene itak hi :— E hayta anpe sinep an: e oman wa e=kor pe opitta e=hok hine irapokkari kur or ta korpare, yakanak ne kanto oske ta aeoteknup e=kor kusu ne; orowano ek wa En=os apkas yan, ari itak.
Roukos 10.25-28 §121II
25 Orowa, ingarʼan, shine ikashpaotte pita guru ash wa Shinuma koramnukara wa ene itak-hi :— Epakashnu guru, ramma okere shomoki inotu ku eikeshkoro kuni nekon a ku ki kusu ne ya.
Orowa, inkar=an, sine ikaspaotte pita kur as wa Sinuma koramnukar wa ene itak hi :— Epakasnu kur, ramma okere somo ki inotu ku eykeskoro kuni nekona ku=ki kusu ne ya.
26 Orota Shinuma ene itakhi :— Tuitak otta hemanda chi-eshinnuye wa an a?
Oro ta Sinuma ene itak hi :— Tuytak or ta hemanta ci-esinnuye wa an a?
27 Nekon a e orooitak ya? Nei guru ese wa ene itak-hi :— Sambe osshi wano hemhem, keutura osshi wano hemhem, kiroro an pakno hemhem, ramu an pakno hemhem, Utarapa ne e koro Kamui omap yan; orowa yaiomap korachi aota un guru ne yakka omap yan, ani itak.
Nekona e oroytak ya? Ne kur ese wa ene itak hi :— Sanpe ossi wano hemhem, kewtura ossi wano hemhem, kiroro an pakno hemhem, ramuan pakno hemhem, Utarpa ne e=kor Kamuy omap yan; orowa yayomap koraci a=o ta un kur ne yakka omap yan, ani itak.
28 Orota Shinuma ene itak-hi :— Aokai oupeka no ese itak nisa ruwe ne, tap korachi ki, yak anak ne eani ishu kusu ne na, ani itak.
Oro ta Sinuma ene itak hi :— Aokay owpekano ese itak nisa ruwe ne, tap koraci ki, yakanak ne eani i=su kusu ne na, ani itak.
Roukos 18.18-21 §218II
18 Orowa, shine esapane guru Shinuma otta nu wa ene itak-hi :— Pirika epakashnu guru, kuani hembara pakno ne yakka okere shomoki inotu eikeshkoro kuni nekon a ku ki yak pirika ya, ari nu.
Orowa, sine esapane kur Sinuma or ta nu wa ene itak hi :— Pirka epakasnu kur, kuani henpara pakno ne yakka okere somo ki inotu eykeskoro kuni nekona ku=ki yak pirka ya, ari nu.
19 Orota Yesu ene itak-hi :— Nep gusu pirika ani En ye ya? Shinen moshima pirikap isama, nei ambe anak ne Kamui ne ruwe ne.
Oro ta Yesu ene itak hi :— Nep kusu pirka ani En=ye ya? Sinen mosma pirka p isam, ne anpe anakne Kamuy ne ruwe ne.
20 Eani ikashpaotte eramʼan, Iteki omoinu; Iteki keuk; Iteki ikka; Iteki shunge paweteshu ki; E koro ona unu kooripak yan, ari itak.
Eani ikaspaotte eraman, Iteki omoynu; Iteki keuk; Iteki ikka; Iteki sunke pawetesu ki; E=kor ona unu kooripak yan, ari itak.
21 Nei guru ene itak-hi :— Tap okaibe obitta ponram orowa no ku shikkashima nisa ruwe ne, ani itak.
Ne kur ene itak hi :— Tap okaype opitta ponram oro wano ku=sikkasima nisa ruwe ne, ani itak.
Mattaios 19.21 §194II
21 Orota Yesu ene itak-hi :— Uhaita sak no an kuni e kon rusui chiki anak ne, oman wa e korobe eihok, orowa, irapokkari guru otta kore, yakun, kando oshiketa ikoro koro kusu ne: orowa, ek wa En osh ek yan.
Oro ta Yesu ene itak hi :— Uhayta sak no an kuni e=kor rusuy ciki anakne, oman wa e=kor pe e=hok, orowa, irapokkari kur or ta kore, yakun, kanto oske ta i=kor kor kusu ne: orowa, ek wa En=os ek yan.
Markos 10.21B §108II
21 Orowa, Yesu nei guru orun nukara wa omap ki, aine, orota ene itak-hi :— E haita ambe shinep an: e oman wa e korobe obitta ehok hine irapokkari guru otta koropare, yak anak ne kando oshiketa aeoteknup e koro kusu ne; orowa no ek wa En osh apkash yan, ari itak.
Orowa, Yesu ne kur orun nukar wa omap ki, ayne, oro ta ene itak hi :— E hayta anpe sinep an: e oman wa e=kor pe opitta e=hok hine irapokkari kur or ta korpare, yakanak ne kanto oske ta aeoteknup e=kor kusu ne; orowano ek wa En=os apkas yan, ari itak.
Roukos 12.33A §152II
33 Echi korobe eihok wa eungeraitep kore yan; fushko ne shomo ki ichen o pukuru kara, ikka guru karange no ek shomoki, shish wende shomoki kando oshiketa okere shomoki aeoteknup ande yan.
Eci=kor pe e=hok wa eunkeraytep kore yan; husko ne somo ki icen o pukuru kar, ikka kur karankeno ek somo ki, sis wente somo ki kanto oske ta okere somo ki aeoteknup ante yan.
Roukos 18.22 §219II
22 Yesu nei itak nu chiki otta ene itak-hi :— E sak no an ambe naa shinep an; nep ne yakka e korobe obitta ehok wa otek-sak utara otta eimek, yak anak ne kando oshiketa ikoro e koro kusu ne: orowa, ek hine En osh oman yan, ari itak.
Yesu ne itak nu ciki or ta ene itak hi :— E sak no an anpe naa sinep an; nep ne yakka e=kor pe opitta e=hok wa otek-sak utar or ta eymek, yakanak ne kanto oske ta i=kor e=kor kusu ne: orowa, ek hine En=os oman yan, ari itak.
Mattaios 19.22-27 §195II
22 Koroka, nei upen guru tan itak nu chiki, oknatara wa oman, poro ikoro koro guru ne ruwe ne gusu ne na.
Korka, ne upen kur tan itak nu ciki, oknatara wa oman, poro i=kor kor kur ne ruwe ne kusu ne na.
23 Orowa, Yesu anak ne koro koikara utara otta ene itak-hi :— Son no echi otta Ku ye, Ikoro koro guru Kando moshirʼotta ahun-i anak ne hokamba ruwe ne.
Orowa, Yesu anakne kor koykar utar or ta ene itak hi :— Sonno eci or ta Ku=ye, I=kor kor kur Kanto mosir or ta ahun hi anakne hokanpa ruwe ne.
24 Shui echi otta Ku ye, ikoro koro guru Kamui moshirʼotta ahun ambe kasu no rakuda chikoikip kem-pui oboso wa oman-i anak ne naa isaika ruwe ne.
Suy eci or ta Ku=ye, i=kor kor kur Kamuy mosir or ta ahun anpe kasuno rak ta cikoykip kem-puy oposo wa oman hi anakne naa isayka ruwe ne.
25 Orowa koikara utara tap itak nu chiki shi no enushkari hine ene itak-hi :— Yakun, kashi-a-obiuki eashkai guru nen ne ruwe he an?
Orowa koykar utar tap itak nu ciki sino enuskari hine ene itak hi :— Yakun, kasi-a-opiwki easkay kur nen ne ruwe he an?
26 Orowa, Yesu nei utara orun ingara wa ene itak-hi :— Tambe anak ne ainu gusu eaikapbe ne, koroka, Kamui gusu nep ne yakta aeaikapbe isam ruwe ne.
Orowa, Yesu ne utar orun inkar wa ene itak hi :— Tanpe anakne aynu kusu eaykap pe ne, korka, Kamuy kusu nep ne yak ta aeaykappe isam ruwe ne.
27 Orowa, Petros ese wa Shinuma otta ene itak-hi: Ingarʼan chi utara anak ne nep ne yakka ande wa E oshi araki ash, tambe gusu nep chi koro kusu ne? ari itak.
Orowa, Petros ese wa Sinuma or ta ene itak hi: Inkar=an ci utar anakne nep ne yakka ante wa E osi arki as, tanpe kusu nep ci kor kusu ne? ari itak.
Markos 10.22-28 §109II
22 Koroka, shinuma nei itak nu koro enanhachire, aige, oknatara wa oman nisa ruwe ne; nei guru shiri poro ambe koro guru ne ruwe ne gusu ne na.
Korka, sinuma ne itak nu kor enanhacire, ayke, oknatara wa oman nisa ruwe ne; ne kur siri poro anpe kor kur ne ruwe ne kusu ne na.
23 Orowa, Yesu ekeshne orun ingara wa koro koikara utara otta ene itak-hi :— Nep hokamba no aeoteknu ambe koro utara Kamui moshiri orun ahup humi!
Orowa, Yesu ekesne orun inkar wa kor koykar utar or ta ene itak hi :— Nep hokanpa no aeoteknu anpe kor utar Kamuy mosir orun ahup humi!
24 Orowa, koikara utara Shinuma ye itak eoyamokte. Koroka, Yesu shui ese wa nei utara otta ene itak-hi :— Poho, aeoteknu ambe eyaikopashte utara Kamui moshiri orun ahup-i nep hokamba ruwe!
Orowa, koykar utar Sinuma ye itak e=oyamokte. Korka, Yesu suy ese wa ne utar or ta ene itak hi :— Poho, aeoteknu anpe e=yaykopaste utar Kamuy mosir orun ahup hi nep hokanpa ruwe!
25 Aeoteknu guru Kamui moshiri orun ahun-i kasu no rakuda chikoikip kem-pui oboso wa oman-i anak ne naa isaika ruwe ne.
aeoteknu kur Kamuy mosir orun ahun hi kasuno rak ta cikoykip kem-puy oposo wa oman hi anakne naa isayka ruwe ne.
26 Orowa, nei utara shi no iyokunnure wa otta ene itak-hi :— Yakun, kashi-a-obiuki eashkai guru inan guru ne ruwe he an?
Orowa, ne utar sino iyokunnure wa or ta ene itak hi :— Yakun, kasi-a-opiwki easkay kur inan kur ne ruwe he an?
27 Yesu nei utara orun ingara wa ene itak-hi :— Tambe anak ne ainu gusu eaikapbe ne, koroka, Kamui gusu shomo ne ruwe ne; inambe gusu ne yakun, Kamui anak ne nep ne yakka ki eashkai ruwe ne gusu ne na.
Yesu ne utar orun inkar wa ene itak hi :— Tanpe anakne aynu kusu eaykap pe ne, korka, Kamuy kusu somo ne ruwe ne; inanpe kusu ne yakun, Kamuy anakne nep ne yakka ki easkay ruwe ne kusu ne na.
28 Orota Petros itak heashi wa ene itak-hi :— Ingarʼan, Chi utara anak nep ne yakka chi ande ash wa E osh araki ash ruwe ne, sekoro itak.
Oro ta Petros itak heasi wa ene itak hi :— Inkar=an, Ci utar anak nep ne yakka ci ante as wa E os arki as ruwe ne, sekor itak.
Roukos 18.23-28 §220II
23 Koroka, tap okaike nu chiki shinuma shiri yairamkoiki ruwe ne; shiri oteknu an guru ne ruwe ne gusu ne na.
Korka, tap okayke nu ciki sinuma siri yayramkoyki ruwe ne; siri oteknu an kur ne ruwe ne kusu ne na.
24 Orowa, Yesu nei guru nukara koro ene itak-ki :— Nep hokamba no ikoro koro utara Kamui moshiri orun ahup humi!
Orowa, Yesu ne kur nukar kor ene itak-ki :— Nep hokanpa no i=kor kor utar Kamuy mosir orun ahup humi!
25 Ikoro koro guru Kamui moshiri orun ahun-i kasu no rakuda chikoikip kem-pui oboso wa oman-i anak ne naa isaika ruwe ne.
I=kor kor kur Kamuy mosir orun ahun hi kasuno rak ta cikoykip kem-puy oposo wa oman hi anakne naa isayka ruwe ne.
26 Orowa, nu utara anak ne ene itak-ki :— Yakun, kashi-a-obiuki guru anak ne nen ne ruwe he an? ani itak.
Orowa, nu utar anakne ene itak-ki :— Yakun, kasi-a-opiwki kur anakne nen ne ruwe he an? ani itak.
27 Koroka, Shinuma ene itak-ki :— Ainu utara otta aeaikapbe anak ne Kamui otta eashkaibe ne ruwe ne.
Korka, Sinuma ene itak-ki :— Aynu utar or ta aeaykappe anakne Kamuy or ta easkay pe ne ruwe ne.
28 Orowa, Petros ene itak-hi :— Ingara, chi utara anak ne chi korobe ande wa E osh araki wa okai ruwe ne, ari itak.
Orowa, Petros ene itak hi :— Inkar, ci utar anakne ci kor pe ante wa E os arki wa okay ruwe ne, ari itak.
Mattaios 19.29 §198II
29 Orowa, nen ne yakka chisei hene, ainu uiriwak hene, matne uiriwak hene, ona hene, unu hene, poho hene, toi hene, Ku rengap gusu ande chiki, ashikne hotne pakno koro, orowa, hembara pakno ne yakka shiokere shomoki inotu eikeshkoro kusu ne.
Orowa, nen ne yakka cise hene, aynu uyriwak hene, matne uyriwak hene, ona hene, unu hene, poho hene, toy hene, Ku=renkap kusu ante ciki, asikne hotne pakno kor, orowa, henpara pakno ne yakka siokere somo ki inotu eykeskoro kusu ne.
Markos 10.29-30 §110II
29 Yesu ene itak-hi :— Son no echi otta Ku ye, Ku rengap gusu hemhem, pirika shongo rengap gusu hemhem, chisei hene, okkai ainu uiriwak hene, matne ainu uiriwak hene, unu hene, ona hene, po utara hene,
Yesu ene itak hi :— Sonno eci or ta Ku=ye, Ku=renkap kusu hemhem, pirka sonko renkap kusu hemhem, cise hene, okkay aynu uyriwak hene, matne aynu uyriwak hene, unu hene, ona hene, po utar hene,
30 toi hene are wa, tane an pakihi ta ashikne hotne pakno shomo akore guru isam ruwe ne: chisei hemhem, okkai ainu uiriwak hemhem, matne ainu uiriwak hemhem, unu hemhem, po utara hemhem, toi hemhem, aepokbap tura no koro; orowa, ek kushki moshiri ta hembara pakno ne yakka shiokere shomoki inotu kon ruwe ne kusu ne na.
toy hene are wa, tane an pakihi ta asikne hotne pakno somo a=kore kur isam ruwe ne: cise hemhem, okkay aynu uyriwak hemhem, matne aynu uyriwak hemhem, unu hemhem, po utar hemhem, toy hemhem, aepokpap turano kor; orowa, ek kuski mosir ta henpara pakno ne yakka siokere somo ki inotu kor ruwe ne kusu ne na.
Roukos 18.29-30 §221II
29 Nei utara orota Shinuma ene itak-hi :— Son no echi otta Ku ye :— Kamui moshiri rengap gusu chisei hene, machi hene, iriwak hene,
Ne utar oro ta Sinuma ene itak hi :— Sonno eci or ta Ku=ye :— Kamuy mosir renkap kusu cise hene, maci hene, irwak hene,
30 eshikop hene, po utara hene are wa tane an pakita naa kasu no poron no akore, aine, iyoshi no ek pakibita ramina okere shomoki inotu shomo akore guru anak ne isam ruwe he na, ari itak.
esikop hene, po utar hene are wa tane an pakita naa kasuno poronno a=kore, ayne, i=yos no ek pakipita ramina okere somo ki inotu somo a=kore kur anakne isam ruwe he na, ari itak.
Markos 10.31 §111II
31 Orowa, inne hoshiki no okai utara iyoshi no ne kusu ne; samata, iyoshi no okai utara hoshiki no ne kusu ne na.
Orowa, inne hoskino okay utar i=yos no ne kusu ne; sama ta, i=yos no okay utar hoskino ne kusu ne na.
Mattaios 20.17-19 §201II
17 Orowa, Yesu Yerusarem kotan orun oman ita, tun ikashima wan koikara utara tura wa ainu isam ushi kush wa orota ene itak-hi :—
Orowa, Yesu Yerusarem kotan orun oman hi ta, tun ikasma wan koykar utar tura wa aynu isam usi kus wa oro ta ene itak hi :—
18 Ingarʼan, chi utara anak ne Yerusarem kotan orun paye; orowa, Ainu Poho Kamui kora kenru esapane utara newa kambi-nuye utara orota aekoshi kusu ne; orowa, Shinuma araige kuni ne nei utara orowa no aesanniyo, samata, aeminaesapse, akoshirikik, utasa chikuni otta a kungi
Inkar=an, ci utar anakne Yerusarem kotan orun paye; orowa, Aynu Poho Kamuy kor kenru esapane utar newa kampi-nuye utar oro ta a=ekosi kusu ne; orowa, Sinuma arayke kuni ne ne utar oro wano a=esanniyo, sama ta, aeminaesapse, akosirikik, utasa cikuni or ta a kunki
19 kokikkik kuni ne oya utara otta ekoshi kusu ne; orowa, rereko an ita hetopo-a-shiknure kusu ne na, ari itak.
kokikkik kuni ne oya utar or ta ekosi kusu ne; orowa, rerko an hi ta hetopo-a-siknure kusu ne na, ari itak.
Markos 10.32-34 §112II
32 Orowa, nei utara Yerusarem kotan orun hemesu korʼan, awa, ru hontomota okai; Yesu nei utara ratchaot oman shiri an: aine, utara oyamokte; samata, osh paye utara ishitoma nisa ruwe ne Orowa, shui, Shinuma nei tun ikashima wa niu uk hine yaikota gusu hetuku kusu ne orushpe nure heashi wa ene okai-hi :—
Orowa, ne utar Yerusarem kotan orun hemesu kor an, awa, ru hontom ta okay; Yesu ne utar ratcaot oman siri an: ayne, utar oyamokte; sama ta, os paye utar isitoma nisa ruwe ne Orowa, suy, Sinuma ne tun ikasma wa niw uk hine yaykota kusu hetuku kusu ne oruspe nure heasi wa ene okay hi :—
33 Ingarʼan, chi utara Yerusarem kotan orun hemespa; orowa, Ainu Poho anak ne Kamui kora kenru esapane utara newa kambi-nuye utara otta aekoshi; orowa, nei utara Shinuma raige kuni esanniyo wa Oya uirup utara otta ekoshi; nei utara anak ne Shinuma eoyaitak hemhem ki,
Inkar=an, ci utar Yerusarem kotan orun hemespa; orowa, Aynu Poho anakne Kamuy kor kenru esapane utar newa kampi-nuye utar or ta a=ekosi; orowa, ne utar Sinuma rayke kuni esanniyo wa Oya uyrup utar or ta ekosi; ne utar anakne Sinuma eoyaytak hemhem ki,
34 kata topsekara hemhem ki, shirikik hemhem ki, orowa no raige hemhem ki kusu ne; orowa, rereko okaketa Shinuma hetopo-shiknu kusu ne na.
kata topsekar hemhem ki, sirkik hemhem ki, orowano rayke hemhem ki kusu ne; orowa, rerko okake ta Sinuma hetopo-siknu kusu ne na.
Roukos 18.31-33 §222II
31 Orowa, Shinuma nei tun ikashima wa niu uk wa orota ene itak-hi :— Ingarʼan, chi utara anak ne Yerusarem kotan orun hemeshpa ruwe ne, orowa, Uweingara utara ani anuye wa an obitta no okaibe
Orowa, Sinuma ne tun ikasma wa niw uk wa oro ta ene itak hi :— Inkar=an, ci utar anakne Yerusarem kotan orun hemespa ruwe ne, orowa, Ueinkar utar ani a=nuye wa an opittano okaype
32 Ainu Poho otta auweomare kusu ne na. Inambe gusu ne yakun, Shinuma anak ne Oya un utara otta aekoshi, orowa, aeoyaitak, otta shomo yaikatanu ki, kata topse-topse akara;
Aynu Poho or ta a=ueomare kusu ne na. Inanpe kusu ne yakun, Sinuma anakne Oya un utar or ta a=ekosi, orowa, a=eoyaytak, or ta somo yaykatanu ki, kata topse-topse a=kar;
33 samata, nei utara anak ne Shinuma shirikik wa raige kusu ne: orowa, rereko an ita Shinuma hetopo-shiknu kusu ne na, sekoro itak.
sama ta, ne utar anakne Sinuma sirkik wa rayke kusu ne: orowa, rerko an hi ta Sinuma hetopo-siknu kusu ne na, sekor itak.
Mattaios 20.20-23 §202VI
20 Orowa, Zebedee koro poho unuhu anak ne po utara tura wa shine eikoramkoro-i an gusu Shinuma otta ek wa ko-ongami nisa ruwe ne.
Orowa, Zebedee kor poho unuhu anakne po utar tura wa sine eykoramkor hi an kusu Sinuma or ta ek wa ko-onkami nisa ruwe ne.
21 Orowa, nei shiwentep otta Shinuma ene itak-hi :— Nep e kon rusui ya? Orota shiwentep ene itak-hi :— E koro moshiri ta tan ku tu poho anak ne shinen E shimon tek samata, shinen E hariki tek samata a kuni kashpaotte wa en kore.
Orowa, ne siwentep or ta Sinuma ene itak hi :— Nep e=kor rusuy ya? Oro ta siwentep ene itak hi :— E=kor mosir ta tan ku=tu poho anakne sinen E simon teksama ta, sinen E harki teksama ta a kuni kaspaotte wa en=kore.
22 Koroka, Yesu ese wa ene itak-hi :— E eikoramkorobe e erampeutek ruwe ne. Echi utara anak ne tane Ku iku tusu ne itangi echi iku eashkai ya?
Korka, Yesu ese wa ene itak hi :— E eykoramkorope e eranpewtek ruwe ne. Eci utar anakne tane Ku=iku tusu ne itanki eci=iku easkay ya?
23 Orota nei utara :— Iku ash eashkai ruwe ne ari itak. Otta Shinuma ene itak-hi :— Son no newa Ku iku itangi echi iku kusu ne: koroka, Ku shimon tek samata a hene, Ku hariki tek samata a hene anak ne Ku kore kunip shomo ne; koroka, Ku Michihi orowa no aetotooiki gusu an utara otta akore kusu ne, sekoro itak.
Oro ta ne utar :— Iku as easkay ruwe ne ari itak. Or ta Sinuma ene itak hi :— Sonno newa Ku=iku itanki eci=iku kusu ne: korka, Ku=simon teksama ta a hene, Ku=harki teksama ta a hene anakne Ku=kore kunip somo ne; korka, Ku Micihi oro wano aetotooyki kusu an utar or ta a=kore kusu ne, sekor itak.
Markos 10.35-40 §113VI
35 Orowa, Zebedee koro poho Yakob newa Yoannes Shinuma karange no araki hine orota ene itak-hi :— Epakashnu guru, nep ne yakka Aokai otta chi koramkorobe un gusu iki kuni chi kon rusui ruwe ne.
Orowa, Zebedee kor poho Yakob newa Yoannes Sinuma karankeno arki hine oro ta ene itak hi :— Epakasnu kur, nep ne yakka Aokay or ta ci koramkorope un kusu iki kuni ci kor rusuy ruwe ne.
36 Orota :— Hemanda echi gusu Ku kara kuni echi kon rusui ya? ari Shinuma itak.
Oro ta :— Hemanta eci kusu Ku=kar kuni eci=kor rusuy ya? ari Sinuma itak.
37 Orota nei utara ene itak-hi :— E koro nupeki otta chi utara anak ne shinen E shimon tek samata, shinen E hariki tek samata rok kuni kara wa un kore.
Oro ta ne utar ene itak hi :— E=kor nupeki or ta ci utar anakne sinen E simon teksama ta, sinen E harki teksama ta rok kuni kar wa un kore.
38 Koroka, Yesu nei utara otta ene itak-hi :— Echi eikoramkorobe echi erampeutek ruwe ne. Echi utara anak ne Ku iku kuni itangi echi ku eashkai ya? Samata, Ku uk kuni baptisma ani baptisma echi uk eashkai ya?
Korka, Yesu ne utar or ta ene itak hi :— Eci eykoramkorope eci=eranpewtek ruwe ne. Eci utar anakne Ku=iku kuni itanki eci=ku easkay ya? Sama ta, Ku=uk kuni paptisma ani paptisma eci=uk easkay ya?
39 Orota, eashkai ruwe ne, ari nei utara ye ruwe nisa ne. Orota Yesu ene itak-hi :— Ku iku kuni itangi echi ku kusu ne; samata, Ku uk kuni baptisma ani baptisma echi akore kusu ne na:
Oro ta, easkay ruwe ne, ari ne utar ye ruwe nisa ne. Oro ta Yesu ene itak hi :— Ku=iku kuni itanki eci=ku kusu ne; sama ta, Ku=uk kuni paptisma ani paptisma eci=a=kore kusu ne na:
40 koroka, Ku shimon tek samata a hene, Ku hariki tek samata a hene ani an ambe anak ne Ku kore kunip shomo ne; koroka, gusu aetokooiki utara otta akore kusu ne na, sekoro itak.
korka, Ku=simon teksama ta a hene, Ku=harki teksama ta a hene ani an anpe anakne Ku=kore kunip somo ne; korka, kusu a=etokoyki utar or ta a=kore kusu ne na, sekor itak.
Mattaios 20.24-27 §203II
24 Orowa, wa niu ne koikara utara tap ambe nu chiki nei tu uiriwak utara koirushka ruwe ne.
Orowa, wa niw ne koykar utar tapanpe nu ciki ne tu uyriwak utar koyruska ruwe ne.
25 Koroka, Yesu nei utara shihekote hotuyekara wa ene itak-hi :— Oya utara esapane utara anak ne shiram-niukesh yara wa epungine, orowa, nei pase utara ishioushi ko-ki ruwe ne.
Korka, Yesu ne utar sihekote hotuyekar wa ene itak hi :— Oya utar esapane utar anakne siram-niwkes yara wa epunkine, orowa, ne pase utar isiowsi ko-ki ruwe ne.
26 Echi okai tumugeta nei no an shomoki kusu ne: koroka nen ne yakka echi tumugeta pase rusui guru anak ne echi auitek guru ne kusu ne;
Eci=okay tumke ta néno an somo ki kusu ne: korka nen ne yakka eci=tumke ta pase rusuy kur anakne eci awitek kur ne kusu ne;
27 orowa, nen ne yakka echi tumugeta esapane rusui guru anak ne echi usshiune guru ne kusu ne:
orowa, nen ne yakka eci=tumke ta esapane rusuy kur anakne eci=ussiw ne kur ne kusu ne:
Markos 10.41-44 §114II
41 Orowa, nei wa niu nei itak nu chiki Yakob newa Yoannes ko-irushka heashi nisa ruwe ne.
Orowa, ne wa niw ne itak nu ciki Yakob newa Yoannes ko-iruska heasi nisa ruwe ne.
42 Orowa, Yesu nei utara shihekote hotuyekara wa orota ene itak-hi :— Oya uirup utara esapane kuni aesanniyo utara anak ne enishpane iki wa epungine, orowa, nei pase utara anak ne shiramniukesh mondum ko-ki ruwe ne.
Orowa, Yesu ne utar sihekote hotuyekar wa oro ta ene itak hi :— Oya uyrup utar esapane kuni a=esanniyo utar anakne enispane iki wa epunkine, orowa, ne pase utar anakne siramniwkes montum ko-ki ruwe ne.
43 Koroka, echi utara tumugeta nei no an shomo ne kusu ne: koroka, nen ne yakka echi tumugeta pase rusui gurʼanak ne echi auitek guru ne kusu ne:
Korka, eci utar tumke ta néno an somo ne kusu ne: korka, nen ne yakka eci=tumke ta pase rusuy kur anakne eci awitek kur ne kusu ne:
44 orowa, nen ne yakka echi tumugeta sapane rusui gurʼanak ne echi obitta gusu an usshiune guru ne kusu ne na.
orowa, nen ne yakka eci=tumke ta sapane rusuy kur anakne eci=opitta kusu an ussiw ne kur ne kusu ne na.
Roukos 22.24-26 §270II
24 Orowa, nei utara tumugeta inan guru iyotta pasep
Orowa, ne utar tumke ta inan kur iyotta pase p
25 ne ruwe, sekorʼan sakayo hopuni. Orowa, nei utara otta Shinuma ene itak-hi :— Oya un utara shikkashima utara anak ne koro utara enishpane ruwe ne, orowa, nei utara gusu mondum koro utara anak ne pirikare ki utara ani aye ruwe ne.
ne ruwe, sekor an sakayo hopuni. Orowa, ne utar or ta Sinuma ene itak hi :— Oya un utar sikkasima utar anakne kor utar enispane ruwe ne, orowa, ne utar kusu montum kor utar anakne pirkare ki utar ani a=ye ruwe ne.
26 Koroka, echi utara anak ne nei no okai shomo ne: koroka, echi tumugeta iyotta pase guru anak ne iyotta poniune guru nei no an yan; orowa, esapane guru anak ne yaishieiwangere guru nei no an yan.
Korka, eci utar anakne néno okay somo ne: korka, eci=tumke ta iyotta pase kur anakne iyotta poniwne kur néno an yan; orowa, esapane kur anakne yaysieywankere kur néno an yan.
Mattaios 20.28 §204IV
28 tambe korachi Ainu Poho anak ne moshima guru eiwange kuni ne ek ka shomo ne, yaishieiwangere kuni gusu ek ruwe ne; orowa, inne utara kikiraye gusu kon ramat kore gusu ek nisa ruwe tapan na.
tanpe koraci Aynu Poho anakne mosma kur eywanke kuni ne ek ka somo ne, yaysieywankere kuni kusu ek ruwe ne; orowa, inne utar kikiraye kusu kor ramat kore kusu ek nisa ruwe tapan na.
Markos 10.45 §115IV
45 Inambe gusu ne yakun, son no newa Ainu Poho anak ne moshima utara eiwange kuni gusu ek shomo ne, koroka, yaishieiwangere kuni gusu ek, inne utara kikiraye gusu, koro inotu kore kuni gusu ek nisa ruwe ne na.
Inanpe kusu ne yakun, sonno newa Aynu Poho anakne mosma utar eywanke kuni kusu ek somo ne, korka, yaysieywankere kuni kusu ek, inne utar kikiraye kusu, kor inotu kore kuni kusu ek nisa ruwe ne na.
Mattaios 20.29-34 §205II
29 Orowa no, Yeriko machiya orowa no paye koro poro inne utara Shinuma oshi paye nisa ruwe ne.
Orowano, Yeriko maciya oro wano paye kor poro inne utar Sinuma osi paye nisa ruwe ne.
30 Aige, ru parugeta rok wa okai tu shiknak ainu an awa, Yesu shirikush shiri humi nu chiki hawe ashte hine ene itak-hi :— Dabid koro Poho ne Utarapa, un erampokiwen wa un kore, ari itak.
Ayke, ru paruketa rok wa okay tu siknak aynu an awa, Yesu sirikus siri humi nu ciki hawe aste hine ene itak hi :— Dabid kor Poho ne Utarpa, un eranpokiwen wa un kore, ari itak.
31 Orowa, inne utara nei guru hawe more kuni ne kopao nisa ruwe ne: korota, nei utara naa naa hawe ashte wa Dabid koro Poho ne Utarapa, un erampokiwen wa un kore, ani itak nisa ruwe ne.
Orowa, inne utar ne kur hawe more kuni ne kopao nisa ruwe ne: koro ta, ne utar naa naa hawe aste wa Dabid kor Poho ne Utarpa, un eranpokiwen wa un kore, ani itak nisa ruwe ne.
32 Orowa, Yesu ash hine nei utara hotuyepakara wa ene itak-hi :— Kuani anak ne echi utara gusu nepi iki ambe eikoramkoro, ya?
Orowa, Yesu as hine ne utar hotuyepakara wa ene itak hi :— Kuani anakne eci utar kusu nep iki anpe eykoramkor, ya?
33 Orota nei utara ene itak-hi:— Utarapa, chitoro shiki amaka kuni chi koramkoro ash.
Oro ta ne utar ene itak hi:— Utarpa, ci=tor siki a=mak kuni ci koramkor as.
34 Orowa, Yesu erampokiwen wa kore hine shikihi tomooshma: orowa, nani nei utara aingare, orowa, Yesu oshi paye nisa ruwe ne.
Orowa, Yesu eranpokiwen wa kore hine sikihi tomoosma: orowa, nani ne utar a=inkar, orowa, Yesu osi paye nisa ruwe ne.
Markos 10.46-52 §116II
46 Orowa no, Yeriko ta araki: awa, koro koikara utara newa inne utara tura no Yeriko orowa no paye koro, Timaios poho Bartimaios ani ap reihei koro shiknak iyahup guru ru samta a wa an.
Orowano, Yeriko ta arki: awa, kor koykar utar newa inne utar turano Yeriko oro wano paye kor, Timayos poho Bartimayos ani ap rehe kor siknak iyahup kur ru sam ta a wa an.
47 Orowa, Nazaret kotan un Yesu ne sekoro nei guru nu chiki, hawe ashte heashi wa ene itak-hi :— Dabid koro Poho Yesu, en erampokiwen wa en kore, ari itak.
Orowa, Nazaret kotan un Yesu ne sekor ne kur nu ciki, hawe aste heasi wa ene itak hi :— Dabid kor Poho Yesu, en=eranpokiwen wa en=kore, ari itak.
48 Orowa, inne utara shinuma mo no an kuni ne ko-sakayokara: koroka, shinuma naa kasu no earikinne hawe ashte, Dabid koro Poho ne Aokai, en erampokiwen wa en kore, ari an itak ani ye.
Orowa, inne utar sinuma mo no an kuni ne ko-sakayokar: korka, sinuma naa kasuno earikinne hawe aste, Dabid kor Poho ne Aokay, en=eranpokiwen wa en=kore, ari an itak ani ye.
49 Orowa, Yesu ash wa nei guru hotuyekara yan, ari ye. Orowa, okai utara nei shiknak guru hotuyekara wa, ramu-ritetke yan! Hopuni, Shinuma e hotuyekara an na, ari itak.
Orowa, Yesu as wa ne kur hotuyekar yan, ari ye. Orowa, okay utar ne siknak kur hotuyekar wa, ramu-ritetke yan! Hopuni, Sinuma e hotuyekar an na, ari itak.
50 Orowa, shinuma anak ne koro mipi emaka hine hopunikatta wa Yesu orota ek nisa ruwe ne.
Orowa, sinuma anakne kor mipi emaka hine hopunikatta wa Yesu oro ta ek nisa ruwe ne.
51 Orota Yesu ese wa ene itak-hi :— E otta Ku ki kuni nep e kon rusui ya? Orota shiknak guru ene itak-hi :— Rabboni, ku ingara kuni ku kon rusui ruwe ne.
Oro ta Yesu ese wa ene itak hi :— E or ta Ku=ki kuni nep e=kor rusuy ya? Oro ta siknak kur ene itak hi :— Rabboni, ku=inkar kuni ku=kor rusuy ruwe ne.
52 Shinuma orota Yesu ene itak-hi :— Paye yan; e koro eishokor-i anak ne e iwangere nisa ruwe ne na, ari itak. Orowa, nei guru nani nukara wa ru otta Yesu osh oman nisa ruwe ne na.
Sinuma oro ta Yesu ene itak hi :— Paye yan; e=kor eysokor hi anakne e iwankere nisa ruwe ne na, ari itak. Orowa, ne kur nani nukar wa ru or ta Yesu os oman nisa ruwe ne na.
Roukos 18.35-43 §224II
35 Orowa, Yeriko kotan ehange no ek ita anak ne shine shiknak guru ru parurugeta a hine eungeraitep koramkoro korʼan ruwe ne:
Orowa, Yeriko kotan ehanke no ek hi ta anakne sine siknak kur ru parurke ta a hine eunkeraytep koramkor kor an ruwe ne:
36 awa, nei guru inne utara shirikush wa paye shiri nu chiki, nei paye-hi ikkewehe uwepekennu nisa ruwe ne.
awa, ne kur inne utar sirikus wa paye siri nu ciki, ne paye hi ikkewehe uwepekennu nisa ruwe ne.
37 Orowa, Nazaret kotan un Yesu shirikush shiri an sekoro anure nisa ruwe ne.
Orowa, Nazaret kotan un Yesu sirikus siri an sekor a=nure nisa ruwe ne.
38 Tata otta shinuma hawe ashte wa ene itak-hi :— Dabid poho ne Yesu, en erampokiwen wa en kore, ani itak.
Tata or ta sinuma hawe aste wa ene itak hi :— Dabid poho ne Yesu, en=eranpokiwen wa en=kore, ani itak.
39 Orowa, kotchaketa paye utara anak ne shinuma mo no an kuni kopao nisa ruwe ne: koroka, shinuma naa poron no hawe ashte wa :— Dabid koro poho, en erampokiwen wa en kore, ani itak nisa ruwe ne.
Orowa, kotcake ta paye utar anakne sinuma mo no an kuni kopao nisa ruwe ne: korka, sinuma naa poronno hawe aste wa :— Dabid kor poho, en=eranpokiwen wa en=kore, ani itak nisa ruwe ne.
40 Orowa, Yesu ash wa orota nei guru atura wa ek kuni kashpaotte: orowa, shinuma ehange no an ita anak ne :—
Orowa, Yesu as wa oro ta ne kur a=tura wa ek kuni kaspaotte: orowa, sinuma ehanke no an hi ta anakne :—
41 E otta Ku ki kuni nekon a e kon rusui ya? ani, shinuma otta nu. Nei guru ene itak-hi :— Utarapa, ku ingara kuni ne ku kon rusui,
E or ta Ku=ki kuni nekona e=kor rusuy ya? ani, sinuma or ta nu. Ne kur ene itak hi :— Utarpa, ku=inkar kuni ne ku=kor rusuy,
42 ani itak. Orota Yesu ene itak-hi :— Ingara yan, e koro eisbokor-i anak ne e iwangere nisa ruwe ne na, sekoro itak.
ani itak. Oro ta Yesu ene itak hi :— Inkar yan, e=kor eispokor hi anakne e iwankere nisa ruwe ne na, sekor itak.
43 Orowa, nani nei guru ingara wa Kamui ko-oripak hine Shinuma osh oman: obitta no okai utara anak ne nei ambe nukara chiki Kamui ko-iramye nisa ruwe ne na.
Orowa, nani ne kur inkar wa Kamuy ko-oripak hine Sinuma os oman: opittano okay utar anakne ne anpe nukar ciki Kamuy ko-iramye nisa ruwe ne na.