21 Ik. ページ 706

Orowa, ashiri kando newa ashiri moshiri newa ku nukan nisa: inambe gusu ne yakun, nei atpake an kando newa moshiri anak ne isam wa isama; samata, atui ne yakka isam ruwe ne.

Orowa, a=siri kanto newa a=siri mosir newa ku=nukar nisa: inanpe kusu ne yakun, ne atpake an kanto newa mosir anakne isam wa isam; sama ta, atuy ne yakka isam ruwe ne.

και ειδον ουρανον καινον και γην καινην ο γαρ πρωτος ουρανος και η πρωτη γη απηλθαν και η θαλασσα ουκ εστιν ετι

わたしはまた、新しい天と新しい地を見た。最初の天と最初の地は去って行き、もはや海もなくなった。

Orowa, ku nukarʼhike, nei ashkanne machiya, ashiri Yerusarem machiya, koro hoku gusu shipini wa yaitomtere okere tane akore kusu ne mat nei no an wa Kamui orowa no kando wano ran ap ku nukara.

Orowa, ku=nukar hike, ne askanne maciya, a=siri Yerusarem maciya, kor hoku kusu sipini wa yaytomtere okere tane a=kore kusu ne mat néno an wa Kamuy oro wano kanto wano ran ap ku=nukar.

και την πολιν την αγιαν ιερουσαλημ καινην ειδον καταβαινουσαν εκ του ουρανου απο του θεου ητοιμασμενην ως νυμφην κεκοσμημενην τω ανδρι αυτης

更にわたしは、聖なる都、新しいエルサレムが、夫のために着飾った花嫁のように用意を整えて、神のもとを離れ、天から下って来るのを見た。

Orowa no, nei a amset wano oashin hawe ku inu, ene itak-hi :— Ingarʼan, Kamui koro kash anak ne ainu utara tura no an, aige, Shinuma nei utara tura no kash koro kusu ne, orowa, nei utara anak ne Shinuma koro uirup utara ne kusu ne, aine, Kamui yaihekota anak nei utara tura no rok wa koro Kamui ne kusu ne na:

Orowano, ne a amset wano oasin hawe ku=inu, ene itak hi :— Inkar=an, Kamuy kor kas anakne aynu utar turano an, ayke, Sinuma ne utar turano kas kor kusu ne, orowa, ne utar anakne Sinuma kor uyrup utar ne kusu ne, ayne, Kamuy yayhekota anakne utar turano rok wa kor Kamuy ne kusu ne na:

και ηκουσα φωνης μεγαλης εκ του θρονου λεγουσης ιδου η σκηνη του θεου μετα των ανθρωπων και σκηνωσει μετ αυτων και αυτοι λαοι αυτου εσονται και αυτος ο θεος μετ αυτων εσται [αυτων θεος]

そのとき、わたしは玉座から語りかける大きな声を聞いた。「見よ、神の幕屋が人の間にあって、神が人と共に住み、人は神の民となる。神は自ら人と共にいて、その神となり、

orowa, Shinuma anak ne nei utara koro shikihi otta pishno an nupe piruba wa isamka kusu ne; samata, rai-ambe naa isam; orowa, tewa no poka yaituwashkarap isam, chish ambe isam, aiuninka ambe isam kusu ne: atpake an ambe isam wa okere ruwe ne na.

orowa, Sinuma anakne ne utar kor sikihi or ta pisno an nupe pirpa wa isamka kusu ne; sama ta, ray-anpe naa isam; orowa, tewano poka yaytuwaskarap isam, cis anpe isam, ayuninka anpe isam kusu ne: atpake an anpe isam wa okere ruwe ne na.

και εξαλειψει παν δακρυον εκ των οφθαλμων αυτων και ο θανατος ουκ εσται ετι ουτε πενθος ουτε κραυγη ουτε πονος ουκ εσται ετι [οτι] τα πρωτα απηλθαν

彼らの目の涙をことごとくぬぐい取ってくださる。もはや死はなく、もはや悲しみも嘆きも労苦もない。最初のものは過ぎ去ったからである。」

Orowa, nei a amset kata rokbe ene itak-hi :— Ingarʼan, obitta no okaibe ashin no Ku kara. Samata, Nuye yan: tapan itak ambe anak ne oupekap ne sonep ne ruwe ne gusu ne na, ani an itak ani Shinuma ye nisa ruwe ne.

Orowa, ne a amset kata rok pe ene itak hi :— Inkar=an, opittano okaype asinno Ku=kar. Sama ta, Nuye yan: tapan itak anpe anakne owpekap ne sonep ne ruwe ne kusu ne na, ani an itak ani Sinuma ye nisa ruwe ne.

και ειπεν ο καθημενος επι τω θρονω ιδου καινα ποιω παντα και λεγει γραψον οτι ουτοι οι λογοι πιστοι και αληθινοι εισιν

すると、玉座に座っておられる方が、「見よ、わたしは万物を新しくする」と言い、また、「書き記せ。これらの言葉は信頼でき、また真実である」と言われた。

Orowa, en orun Shinuma ene itakhi :— Auweomare an na. Kuani anak ne Arupa ne Omega ne, atpake an ap Ku ne, okake an ap Ku ne ruwe ne. Aige, iku rusui guru otta inotu oma wakka purupuruge-i wano an ap oro isam no Ku kore kusu ne na.

Orowa, en=orun Sinuma ene itak hi :— A=ueomare an na. Kuani anakne Arpa ne Omega ne, atpake an ap Ku ne, okake an ap Ku ne ruwe ne. Ayke, iku rusuy kur or ta inotu oma wakka purpurke hi wano an ap oro isam no Ku=kore kusu ne na.

και ειπεν μοι γεγοναν εγω [ειμι] το αλφα και το ω η αρχη και το τελος εγω τω διψωντι δωσω εκ της πηγης του υδατος της ζωης δωρεαν

また、わたしに言われた。「事は成就した。わたしはアルファであり、オメガである。初めであり、終わりである。渇いている者には、命の水の泉から価なしに飲ませよう。

Annokara iki guru anak ne tap okaibe eikeshkoro kusu ne; orowa, Kuani anak ne nei guru koro Kamui Ku ne, aige, nei guru anak ne Ku poho ne kusu ne na.

Annokar iki kur anakne tap okaype eykeskoro kusu ne; orowa, Kuani anakne ne kur kor Kamuy Ku ne, ayke, ne kur anakne Ku=poho ne kusu ne na.

ο νικων κληρονομησει ταυτα και εσομαι αυτω θεος και αυτος εσται μοι υιος

勝利を得る者は、これらのものを受け継ぐ。わたしはその者の神になり、その者はわたしの子となる。

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.

Korka, asitoma utar hemhem, eunpupka iki utar hemhem, a=etunne utar hemhem, kewe-uk utar hemhem, hoiyo utar hemhem, ponitak hi utar hemhem, nokaha koonkami utar hemhem, orowa opittano okay sunke ki utar hemhem ape newa iwaw ani parparse to oske ta a=kore kunip uk kusu ne: tanpe anakne tutanu an ray-anpe ne ruwe ne.

τοις δε δειλοις και απιστοις και εβδελυγμενοις και φονευσιν και πορνοις και φαρμακοις και ειδωλολατραις και πασιν τοις ψευδεσιν το μερος αυτων εν τη λιμνη τη καιομενη πυρι και θειω ο εστιν ο θανατος ο δευτερος

しかし、おくびょうな者、不信仰な者、忌まわしい者、人を殺す者、みだらな行いをする者、魔術を使う者、偶像を拝む者、すべてうそを言う者、このような者たちに対する報いは、火と硫黄の燃える池である。それが、第二の死である。」

Orowa, iyotta okake an nei arawan shirikikbe o arawan domburi koro hauturumbe un shinen anak ne en orun ek wa ukoitak hine ene itak-hi :— Eteun ek yan, yakun, nei Pon-hitsuji koro machi ne a akore kuni shiwentep e nukare ash kusu ne, ari itak. Aige,

Orowa, iyotta okake an ne arwan sirikikpe o arwan tonpuri kor hawturunpe un sinen anakne en=orun ek wa ukoytak hine ene itak hi :— Eteun ek yan, yakun, ne Pon-hitsuji kor maci ne a a=kore kuni siwentep e nukare as kusu ne, ari itak. Ayke,

και ηλθεν εις εκ των επτα αγγελων των εχοντων τας επτα φιαλας των γεμοντων των επτα πληγων των εσχατων και ελαλησεν μετ εμου λεγων δευρο δειξω σοι την νυμφην την γυναικα του αρνιου

さて、最後の七つの災いの満ちた七つの鉢を持つ七人の天使がいたが、その中の一人が来て、わたしに語りかけてこう言った。「ここへ来なさい。小羊の妻である花嫁を見せてあげよう。」

shinuma anak ne Ramat oma hine poro newa ri nupuri orun en ani, aine, Kamui arakuru koro, kando

sinuma anakne Ramat oma hine poro newa ri nupuri orun en ani, ayne, Kamuy a=rakur kor, kanto

και απηνεγκεν με εν πνευματι επι ορος μεγα και υψηλον και εδειξεν μοι την πολιν την αγιαν ιερουσαλημ καταβαινουσαν εκ του ουρανου απο του θεου

この天使が、“霊”に満たされたわたしを大きな高い山に連れて行き、聖なる都エルサレムが神のもとを離れて、天から下って来るのを見せた。

oshke wa Kamui orowa no san shiri an nei a ashkanne Yerusarem machiya en nukare: koro chup anak ne shiri nupuru shuma ukoheraye, kongoseki shuma nepkorʼan wa konrushuma korachi pekashnu: poro newa ri chashi an;

oske wa Kamuy oro wano san siri an ne a askanne Yerusarem maciya en=nukare: kor cup anakne siri nupur suma ukoheraye, konkoseki suma nepkor an wa konrusuma koraci pekasnu: poro newa ri casi an;

εχουσαν την δοξαν του θεου ο φωστηρ αυτης ομοιος λιθω τιμιωτατω ως λιθω ιασπιδι κρυσταλλιζοντι

都は神の栄光に輝いていた。その輝きは、最高の宝石のようであり、透き通った碧玉のようであった。

samata, tu ikashima wan ahun apa an, orowa, nei apa samta tu ikashima wan hauturumbe okai ruwe ne; orosama, nei ambe kata reihei chieshinnuye wa an, nei ambe anak ne Israeru un utara koro tu ikashima wan ikiri kon reihei ne ruwe ne na:

sama ta, tu ikasma wan ahun apa an, orowa, ne apa sam ta tu ikasma wan hawturunpe okay ruwe ne; orosama, ne anpe kata rehe ciesinnuye wa an, ne anpe anakne Israeru un utar kor tu ikasma wan ikiri kor rehe ne ruwe ne na:

εχουσα τειχος μεγα και υψηλον εχουσα πυλωνας δωδεκα και επι τοις πυλωσιν αγγελους δωδεκα και ονοματα επιγεγραμμενα α εστιν [τα ονοματα] των δωδεκα φυλων υιων ισραηλ

都には、高い大きな城壁と十二の門があり、それらの門には十二人の天使がいて、名が刻みつけてあった。イスラエルの子らの十二部族の名であった。

moshiri pa samba ta re apa okai, menashtoro samba ta re apa okai; pikata samba ta re apa okai, orowa, moshirigesh samba ta re apa okai ruwe ne.

mosir pa sanpa ta re apa okay, menastoro sanpa ta re apa okay; pikata sanpa ta re apa okay, orowa, mosirkes sanpa ta re apa okay ruwe ne.

απο ανατολης πυλωνες τρεις και απο βορρα πυλωνες τρεις και απο νοτου πυλωνες τρεις και απο δυσμων πυλωνες τρεις

東に三つの門、北に三つの門、南に三つの門、西に三つの門があった。

Orowa, nei machiya koro ekashi otta tu ikashima wan asamaha okai, aige, kashita nei Pon-hitsuji koro Apostoro tu ikashima wan reihei an ruwe ne na.

Orowa, ne maciya kor ekasi or ta tu ikasma wan asamaha okay, ayke, kasi ta ne Pon-hitsuji kor Apostoro tu ikasma wan rehe an ruwe ne na.

και το τειχος της πολεως εχων θεμελιους δωδεκα και επ αυτων δωδεκα ονοματα των δωδεκα αποστολων του αρνιου

都の城壁には十二の土台があって、それには小羊の十二使徒の十二の名が刻みつけてあった。

Orowa, en orun itak guru anak ne nei machiya hemhem, machiya koro apa hemhem, koro ekashi hemhem pakari kuni gusu kongami rapembe pakarip kon ruwe ne.

Orowa, en=orun itak kur anakne ne maciya hemhem, maciya kor apa hemhem, kor ekasi hemhem pakari kuni kusu konkami rapenpe pakarip kor ruwe ne.

και ο λαλων μετ εμου ειχεν μετρον καλαμον χρυσουν ινα μετρηση την πολιν και τους πυλωνας αυτης και το τειχος αυτης

わたしに語りかけた天使は、都とその門と城壁とを測るために、金の物差しを持っていた。

Nei machiya anak ine samba no an, epesh anak ne tomotuye ambe pakno poro ruwe ne: awa, shinuma nei rapembe ani machiya pakari, aige, rophiyaku shine ichi ri an: epesh newa tomotuye ambe newa ri-hi anak ne ukorachi ne ruwe ne.

Ne maciya anak ine sanpa no an, epes anakne tomotuye anpe pakno poro ruwe ne: awa, sinuma ne rapenpe ani maciya pakari, ayke, rophiyaku sine ici ri an: epes newa tomotuye anpe newa ri hi anakne ukoraci ne ruwe ne.

και η πολις τετραγωνος κειται και το μηκος αυτης οσον [και] το πλατος και εμετρησεν την πολιν τω καλαμω επι σταδιων δωδεκα χιλιαδων το μηκος και το πλατος και το υψος αυτης ισα εστιν

この都は四角い形で、長さと幅が同じであった。天使が物差しで都を測ると、一万二千スタディオンあった。長さも幅も高さも同じである。

Orowa, shinuma nei chashi pakari, aige, ainu pakari ambe nei no, nei hauturumbe pakari ambe nei no chiki hiyaku shi ju shi shine ichi kubit nei ruwe ne.

Orowa, sinuma ne casi pakari, ayke, aynu pakari anpe néno, ne hawturunpe pakari anpe néno ciki hiyaku si ju si sine ici ku=pit ne ruwe ne.

και εμετρησεν το τειχος αυτης εκατον τεσσερακοντα τεσσαρων πηχων μετρον ανθρωπου ο εστιν αγγελου

また、城壁を測ると、百四十四ペキスであった。これは人間の物差しによって測ったもので、天使が用いたものもこれである。

Orowa, ani nei ekashi akara shuma anak ne kongo-seki ne; aige, nei machiya anak turu-sak pindoro nepkorʼan turu-sak kongani ne ruwe ne.

Orowa, ani ne ekasi a=kar suma anakne konko-seki ne; ayke, ne maciya anak tur-sak pintoro nepkor an tur-sak konkani ne ruwe ne.

και η ενδωμησις του τειχους αυτης ιασπις και η πολις χρυσιον καθαρον ομοιον υαλω καθαρω

都の城壁は碧玉で築かれ、都は透き通ったガラスのような純金であった。

Machiya ekashi koro asamaha anak ne obitta no an usa okai nupuru shuma ani atomtere an na Atpake an asama anak ne kongoseki ne; tu ikinne an ap anak ne shiunin-shuma ne; re ikinne an ap anak ne fure-shuma ne; ine ikinne an ap anak ne midori-shuma ne; ashikne ikinne an ap anak ne kurenai meno-shuma ne;

Maciya ekasi kor asamaha anakne opittano an usa okay nupur suma ani atomtere an na Atpake an asama anakne konkoseki ne; tu ikinne an ap anakne siwnin-suma ne; re ikinne an ap anakne hure-suma ne; ine ikinne an ap anakne mitori-suma ne; asikne ikinne an ap anakne kurenay meno-suma ne;

οι θεμελιοι του τειχους της πολεως παντι λιθω τιμιω κεκοσμημενοι ο θεμελιος ο πρωτος ιασπις ο δευτερος σαπφειρος σαπφιρος ο τριτος χαλκηδων ο τεταρτος σμαραγδος

都の城壁の土台石は、あらゆる宝石で飾られていた。第一の土台石は碧玉、第二はサファイア、第三はめのう、第四はエメラルド、

iwan ikinne an ap anak ne chunchube-shuma ne; arawan ikinne an ap anak ne kapara chunchube ush-shuma ne; tupesan ikinne an ap anak ne mizu-iro-shuma ne; shinepe-sambe an ap anak ne kurenai-shuma ne; wan ikinne an ap anak ne midori-shuma ne; shine ikashima wan ikinne an ap anak ne koki-kurenai-shuma ne; tu ikashima wan ap anak ne murasaki-shuma ne ruwe ne.

iwan ikinne an ap anakne cuncupe-suma ne; arwan ikinne an ap anakne kapar cuncupe us-suma ne; tupesan ikinne an ap anakne micu-iro-suma ne; sinep-sanpe an ap anakne kurenay-suma ne; wan ikinne an ap anakne mitori-suma ne; sine ikasma wan ikinne an ap anakne koki-kurenay-suma ne; tu ikasma wan ap anakne murasaki-suma ne ruwe ne.

ο πεμπτος σαρδονυξ ο εκτος σαρδιον ο εβδομος χρυσολιθος ο ογδοος βηρυλλος ο ενατος τοπαζιον ο δεκατος χρυσοπρασος ο ενδεκατος υακινθος ο δωδεκατος αμεθυστος

第五は赤縞めのう、第六は赤めのう、第七はかんらん石、第八は緑柱石、第九は黄玉、第十はひすい、第十一は青玉、第十二は紫水晶であった。

Orowa, nei tu ikashima wan ahun apa anak ne tu ikashima wan ikani ne ruwe ne; nei apa-ushta pishno range shine ikani ne; aige, nei machiya un para-ru anak ne turu-sak kongani ne kushna aoingara nepkoro ambe ne ruwe ne.

Orowa, ne tu ikasma wan ahun apa anakne tu ikasma wan i=kani ne ruwe ne; ne apa-us ta pisno ranke sine i=kani ne; ayke, ne maciya un para-ru anakne tur-sak konkani ne kusna a=oinkar nepkor anpe ne ruwe ne.

και οι δωδεκα πυλωνες δωδεκα μαργαριται ανα εις εκαστος των πυλωνων ην εξ ενος μαργαριτου και η πλατεια της πολεως χρυσιον καθαρον ως υαλος διαυγης

また、十二の門は十二の真珠であって、どの門もそれぞれ一個の真珠でできていた。都の大通りは、透き通ったガラスのような純金であった。

Orowa, nei oshiketa Kamui kora kenru shomo ku nukara: inambe gusu ne yakun, nep kiroro ne yakka koro Utarapa ne Kamui newa nei Pon-hitsuji anak ne nei kenru ne ruwe ne gusu ne na.

Orowa, ne oske ta Kamuy kor kenru somo ku=nukar: inanpe kusu ne yakun, nep kiroro ne yakka kor Utarpa ne Kamuy newa ne Pon-hitsuji anakne ne kenru ne ruwe ne kusu ne na.

και ναον ουκ ειδον εν αυτη ο γαρ κυριος ο θεος ο παντοκρατωρ ναος αυτης εστιν και το αρνιον

わたしは、都の中に神殿を見なかった。全能者である神、主と小羊とが都の神殿だからである。

Orowa, kashita tomka kuni tokap-chup hene kunne-chup hene akore rusuibe kunip isam: inambe gusu ne yakun, Kamui arakuru nei ambe pekereka nisa, aine, gusu an ratchako anak ne nei a Pon-hitsuji ne ruwe ne gusu ne na.

Orowa, kasi ta tomka kuni tokap-cup hene kunne-cup hene a=kore rusuy pe kunip isam: inanpe kusu ne yakun, Kamuy a=rakur ne anpe pekereka nisa, ayne, kusu an ratcako anakne ne a Pon-hitsuji ne ruwe ne kusu ne na.

και η πολις ου χρειαν εχει του ηλιου ουδε της σεληνης ινα φαινωσιν αυτη η γαρ δοξα του θεου εφωτισεν αυτην και ο λυχνος αυτης το αρνιον

この都には、それを照らす太陽も月も、必要でない。神の栄光が都を照らしており、小羊が都の明かりだからである。

Orowa, moshiri uirup anak ne nei pekere tumta apkash kusu ne: orowa, moshiri shikkashima utara anak ne nei ambe orun koro arakuru koro wa araki shiri an ruwe ne.

Orowa, mosir uyrup anakne ne peker tum ta apkas kusu ne: orowa, mosir sikkasima utar anakne ne anpe orun kor a=rakur kor wa arki siri an ruwe ne.

και περιπατησουσιν τα εθνη δια του φωτος αυτης και οι βασιλεις της γης φερουσιν την δοξαν αυτων εις αυτην

諸国の民は、都の光の中を歩き、地上の王たちは、自分たちの栄光を携えて、都に来る。

Koro apa anak ne tokap to uturuta oara aseshke shomoki kusu ne (nei ushiketa kunne to isama):

Kor apa anakne tokap to utur ta oar a=seske somo ki kusu ne (ne uske ta kunne to isam):

και οι πυλωνες αυτης ου μη κλεισθωσιν ημερας νυξ γαρ ουκ εσται εκει

都の門は、一日中決して閉ざされない。そこには夜がないからである。

orowa, moshiri uirup koro arakuru newa aeoripakbe kunip otta koro wa araki an kusu ne:

orowa, mosir uyrup kor a=rakur newa aeoripakpe kunip or ta kor wa arki an kusu ne:

και οισουσιν την δοξαν και την τιμην των εθνων εις αυτην

人々は、諸国の民の栄光と誉れとを携えて都に来る。

orowa, nep ne yakka turu-ushbe hene, nep ne yakka aetunne ambe newa shunge newa karape hene, oara nei ushiketa ahun shomoki kusu ne: koroka, ouse nei Pon-hitsuji koro inotu oma kambi-sosh kata chieshinnuye wa an utara patek ahup kusu ne na.

orowa, nep ne yakka tur-uspe hene, nep ne yakka a=etunne anpe newa sunke newa kar pe hene, oar ne uske ta ahun somo ki kusu ne: korka, owse ne Pon-hitsuji kor inotu oma kampi-sos kata ciesinnuye wa an utar patek ahup kusu ne na.

και ου μη εισελθη εις αυτην παν κοινον και [ο] ποιων βδελυγμα και ψευδος ει μη οι γεγραμμενοι εν τω βιβλιω της ζωης του αρνιου

しかし、汚れた者、忌まわしいことと偽りを行う者はだれ一人、決して都に入れない。小羊の命の書に名が書いてある者だけが入れる。