Tap okaibe okaketa poro mondum koro wa an kando orowa no ran shiri naa shine hauturumbe ku nukara; aige, shinuma koro araguru gusu moshiri apekereka nisa ruwe ne.
Tap okaype okake ta poro montum kor wa an kanto oro wano ran siri naa sine hawturunpe ku=nukar; ayke, sinuma kor a=rakur kusu mosir apekereka nisa ruwe ne.
μετα ταυτα ειδον αλλον αγγελον καταβαινοντα εκ του ουρανου εχοντα εξουσιαν μεγαλην και η γη εφωτισθη εκ της δοξης αυτου
その後、わたしは、大きな権威を持っている別の天使が、天から降って来るのを見た。地上はその栄光によって輝いた。
Orowa, shinuma rui hau ani hawe ashte wa ene itak-hi :— Hokush okere, nei poro Babironia hokush wa an wa nitne kamui koro oshiroma-i ne akara, nep ichakkere ramat ne yakka, nep turu-sak wa aetunne kuni gusu an chikap ne yakka okai kuni pakashnu ushike ne akan na.
Orowa, sinuma ruy haw ani hawe aste wa ene itak hi :— Hokus okere, ne poro Babironia hokus wa an wa nitne kamuy kor osiroma hi ne a=kar, nep icakkere ramat ne yakka, nep tur-sak wa a=etunne kuni kusu an cikap ne yakka okay kuni pakasnu usike ne a=kar na.
και εκραξεν εν ισχυρα φωνη λεγων επεσεν επεσεν βαβυλων η μεγαλη και εγενετο κατοικητηριον δαιμονιων και φυλακη παντος πνευματος ακαθαρτου και φυλακη παντος ορνεου ακαθαρτου [και φυλακη παντος θηριου ακαθαρτου] και μεμισημενου
天使は力強い声で叫んだ。「倒れた。大バビロンが倒れた。そして、そこは悪霊どもの住みか、あらゆる汚れた霊の巣窟、あらゆる汚れた鳥の巣窟、あらゆる汚れた忌まわしい獣の巣窟となった。
Inambe gusu ne yakun, obitta no okai moshiri uirup utara anak ne shinuma koro hoiyo gusu an kinrakarape oma tonoto ankushkerai hachiripa nisa ruwe ne; orowa, moshiri shikkashima utara anak ne shinuma tura hoiyo iki, aine, moshiri ta okai ihok utara anak ne shinuma iki yaiomonnure ambe kiroro gusu yaioteknure okere ruwe ne gusu ne na, ari itak.
Inanpe kusu ne yakun, opittano okay mosir uyrup utar anakne sinuma kor hoiyo kusu an kinrakarape oma tonoto an kuskeray haciripa nisa ruwe ne; orowa, mosir sikkasima utar anakne sinuma tura hoiyo iki, ayne, mosir ta okay ihok utar anakne sinuma iki yayomonnure anpe kiroro kusu yayoteknure okere ruwe ne kusu ne na, ari itak.
οτι εκ [του οινου] του οινου του θυμου της πορνειας αυτης πεπτωκαν πεπωκαν παντα τα εθνη και οι βασιλεις της γης μετ αυτης επορνευσαν και οι εμποροι της γης εκ της δυναμεως του στρηνους αυτης επλουτησαν
すべての国の民は、怒りを招く彼女のみだらな行いのぶどう酒を飲み、地上の王たちは、彼女とみだらなことをし、地上の商人たちは、彼女の豪勢なぜいたくによって富を築いたからである。」
Orowa, kando orowa no an naa shine hawe ku inu, ene itak-hi :— Shinuma iki chikokatpak tura iteki iki kuni ne, samata, shinuma akore ipak ambe ani shomo utura apanakte kuni ne, Ku goro utara, nei shiwentep orowa no soyumba yan:
Orowa, kanto oro wano an naa sine hawe ku=inu, ene itak hi :— Sinuma iki ci=kokatpak tura iteki iki kuni ne, sama ta, sinuma a=kore i=pak anpe ani somo utura a=panakte kuni ne, Ku=kor utar, ne siwentep oro wano soyunpa yan:
και ηκουσα αλλην φωνην εκ του ουρανου λεγουσαν εξελθατε ο λαος μου εξ αυτης ινα μη συγκοινωνησητε ταις αμαρτιαις αυτης και εκ των πληγων αυτης ινα μη λαβητε
わたしはまた、天から別の声がこう言うのを聞いた。「わたしの民よ、彼女から離れ去れ。その罪に加わったり、その災いに巻き込まれたりしないようにせよ。
inambe gusu ne yakun, shinuma koro chikokatpak anak ne kando pakno epa okere, orowa, Kamui anak ne shinuma koro wen-buri eshkarun nisa ruwe ne.
inanpe kusu ne yakun, sinuma kor ci=kokatpak anakne kanto pakno epa okere, orowa, Kamuy anakne sinuma kor wen-puri eskarun nisa ruwe ne.
οτι εκολληθησαν αυτης αι αμαρτιαι αχρι του ουρανου και εμνημονευσεν ο θεος τα αδικηματα αυτης
彼女の罪は積み重なって天にまで届き、神はその不義を覚えておられるからである。
Shinuma moshima utara epeka no iki korachi shinuma epeka ne yakka iki yan, shinuma iki ikip tup ukotamge pakno kore yan: shinuma ukopoye itange tup ne pakno ukopoye wa kore yan.
Sinuma mosma utar epeka no iki koraci sinuma epeka ne yakka iki yan, sinuma iki iki p tup ukotamke pakno kore yan: sinuma ukopoye itanke tup ne pakno ukopoye wa kore yan.
αποδοτε αυτη ως και αυτη απεδωκεν και διπλωσατε [τα] τα διπλα κατα τα εργα αυτης εν τω ποτηριω ω εκερασεν κερασατε αυτη διπλουν
彼女がしたとおりに、彼女に仕返しせよ、彼女の仕業に応じ、倍にして返せ。彼女が注いだ杯に、その倍も注いでやれ。
Shinuma anak ne yaikota yairiknare wa yaiomonnure pakno, nei oro pakno shinuma panakte wa yaituwashkarapte wa kore yan: inambe gusu ne yakun, moshiri shikkashima shiwentep ku ne wa shiyompiyara shomo ne, orowa, oara yaituwashkarap shomo ku ki kusu ne na, ari keutum ta itak ruwe ne gusu ne na.
Sinuma anakne yaykota yayriknare wa yayomonnure pakno, ne oro pakno sinuma panakte wa yaytuwaskarapte wa kore yan: inanpe kusu ne yakun, mosir sikkasima siwentep ku ne wa siyonpiyar somo ne, orowa, oar yaytuwaskarap somo ku=ki kusu ne na, ari kewtum ta itak ruwe ne kusu ne na.
οσα εδοξασεν αυτην αυτην και εστρηνιασεν τοσουτον δοτε αυτη βασανισμον και πενθος οτι εν τη καρδια αυτης λεγει οτι καθημαι βασιλισσα και χηρα ουκ ειμι και πενθος ου μη ιδω
彼女がおごり高ぶって、ぜいたくに暮らしていたのと、同じだけの苦しみと悲しみを、彼女に与えよ。彼女は心の中でこう言っているからである。『わたしは、女王の座に着いており、やもめなどではない。決して悲しい目に遭いはしない。』
Tambe gusu, shine toho ututta shinuma akore ipak ambe araki kusu ne, rai ambe an, yaituwashkarap an, keme an ambe an; orowa, shinuma anak ne isam pakno abe ani auhuyeka kusu ne: shinuma koipishi wa esanniyo Utarapa ne Kamui anak kiroroashnu Kamui ne ruwe ne gusu ne na.
Tanpe kusu, sine toho ututta sinuma a=kore i=pak anpe arki kusu ne, ray anpe an, yaytuwaskarap an, kem an anpe an; orowa, sinuma anakne isam pakno ape ani awhuyeka kusu ne: sinuma koypisi wa esanniyo Utarpa ne Kamuy anak kiroroasnu Kamuy ne ruwe ne kusu ne na.
δια τουτο εν μια ημερα ηξουσιν αι πληγαι αυτης θανατος και πενθος και λιμος και εν πυρι κατακαυθησεται οτι ισχυρος [κυριος] κυριος ο θεος ο κρινας αυτην
それゆえ、一日のうちに、さまざまの災いが、死と悲しみと飢えとが彼女を襲う。また、彼女は火で焼かれる。彼女を裁く神は、力ある主だからである。」
Orowa, shinuma tura no yaiomonnure no ishu hine tura no hoiyo iki moshiri shikkashima utara anak ne
Orowa, sinuma turano yayomonnure no i=su hine turano hoiyo iki mosir sikkasima utar anakne
και κλαυσουσιν και κοψονται επ αυτην οι βασιλεις της γης οι μετ αυτης πορνευσαντες και στρηνιασαντες οταν βλεπωσιν τον καπνον της πυρωσεως αυτης
彼女とみだらなことをし、ぜいたくに暮らした地上の王たちは、彼女が焼かれる煙を見て、そのために泣き悲しみ、
shinuma ipak ambe ishitoma gusu ukattuima no roshki wa nei guru uhuye shupuya nukara chiki echish erayaise wa ene itak kusu ne-hi :— Eyaisambepokash, Eyaisambepokash, nei poro machiya, Babironia, nei tumashnu machiya! shine ichi ji kan pakihi ututta eani gusu an aesanniyo ipak ek an na.
sinuma i=pak anpe isitoma kusu ukattuymano roski wa ne kur uhuy supuya nukar ciki ecis erayayse wa ene itak kusu ne hi :— Eyaisambepokash, Eyaisambepokash, ne poro maciya, Babironia, ne tumasnu maciya! sine ici ji kan pakihi ututta eani kusu an a=esanniyo i=pak ek an na.
απο μακροθεν εστηκοτες δια τον φοβον του βασανισμου αυτης λεγοντες ουαι ουαι η πολις η μεγαλη βαβυλων η πολις η ισχυρα οτι μια ωρα ηλθεν η κρισις σου
彼女の苦しみを見て恐れ、遠くに立ってこう言う。「不幸だ、不幸だ、大いなる都、強大な都バビロン、お前は、ひとときの間に裁かれた。」
Orowa, moshiri kata okai ihok utara anak ne shinuma echish wa yaituwashkarap, shinuma ihokbe tewa no hok guru isam ruwe ne gusu ne na;
Orowa, mosir kata okay ihok utar anakne sinuma ecis wa yaytuwaskarap, sinuma ihokpe tewano hok kur isam ruwe ne kusu ne na;
και οι εμποροι της γης κλαιουσιν και πενθουσιν επ αυτην οτι τον γομον αυτων ουδεις αγοραζει ουκετι
地上の商人たちは、彼女のために泣き悲しむ。もはやだれも彼らの商品を買う者がないからである。
aihok kuni kongani an, shirokani an, oro an no an shuma an, ikani an, ane senkaki an, murasaki an, fure ambe an; usa okai kaorigi chikuni, zo kite-nimaki ani akara usa okai op, iyotta aoshkoro chikuni ani akara op, shiunin-kani op,
a=yhok kuni konkani an, sirokani an, oro an no an suma an, i=kani an, an senkaki an, murasaki an, hure anpe an; usa okay kaoriki cikuni, co kite-nimaki ani a=kar usa okay op, iyotta aoskoro cikuni ani a=kar op, siwnin-kani op,
γομον χρυσου και αργυρου και λιθου τιμιου και μαργαριτων και βυσσινου και πορφυρας και σιρικου και κοκκινου και παν ξυλον θυινον και παν σκευος ελεφαντινον και παν σκευος εκ ξυλου τιμιωτατου και χαλκου και σιδηρου και μαρμαρου
その商品とは、金、銀、宝石、真珠、麻の布、紫の布、絹地、赤い布、あらゆる香ばしい木と象牙細工、そして、高価な木材や、青銅、鉄、大理石などでできたあらゆる器、
yaiyan-kani op, roseki shuma op; samata, nikkei chikuni kapu an, rataskep an, senko an, hura pirika shum an, motsuyaku an, tonoto an, pene shum an, nokan no akara koho an, mungi an, beko an, hitsuji chikoikip an; orowa, umma hemhem nishinda hemhem tumama hemhem ainu ramat hemhem an ruwe ne.
yaiyan-kani op, roski suma op; sama ta, nikkey cikuni kapu an, rataskep an, senko an, hura pirka sum an, motsuyaku an, tonoto an, pene sum an, nokan no a=kar koho an, munki an, peko an, hitsuji cikoykip an; orowa, umma hemhem nisinta hemhem tumama hemhem aynu ramat hemhem an ruwe ne.
και κινναμωμον και αμωμον και θυμιαματα και μυρον και λιβανον και οινον και ελαιον και σεμιδαλιν και σιτον και κτηνη και προβατα και ιππων και ρεδων και σωματων και ψυχας ανθρωπων
肉桂、香料、香、香油、乳香、ぶどう酒、オリーブ油、麦粉、小麦、家畜、羊、馬、馬車、奴隷、人間である。
Orowa, e kon ramat ibeshikashure wa uina rusui ambe anak ne oyakta paye wa isam, aige, nep ne yakka shisakbe newa chitomte okaibe obitta eoyake un paye wa isama, aine, naa oara apa shomoki kusu ne na.
Orowa, e=kor ramat ipesikasure wa uyna rusuy anpe anakne oyak ta paye wa isam, ayke, nep ne yakka sisakpe newa citomte okaype opitta e=oyak un paye wa isam, ayne, naa oar apa somo ki kusu ne na.
και η οπωρα σου της επιθυμιας της ψυχης απηλθεν απο σου και παντα τα λιπαρα και τα λαμπρα απωλετο απο σου και ουκετι ου μη αυτα ευρησουσιν
お前の望んでやまない果物は、お前から遠のいて行き、華美な物、きらびやかな物はみな、お前のところから消えうせて、もはや決して見られない。
Orowa, tapan okaibe ehok wa shinuma gusu yaioteknure utara anak ne shinuma iki ipak ambe koishitoma hine ehangeko no roshki wa chish hemhem ki yaituwashkarap hemhem ki kusu ne;
Orowa, tapan okaype e=hok wa sinuma kusu yayoteknure utar anakne sinuma iki i=pak anpe koysitoma hine e=hankeko no roski wa cis hemhem ki yaytuwaskarap hemhem ki kusu ne;
οι εμποροι τουτων οι πλουτησαντες απ αυτης απο μακροθεν στησονται δια τον φοβον του βασανισμου αυτης κλαιοντες και πενθουντες
このような商品を扱って、彼女から富を得ていた商人たちは、彼女の苦しみを見て恐れ、遠くに立って、泣き悲しんで、
aine, ene itak-hi :— Eyaisambepokash, eyaisambepokash, nei poro machiya, shinuma anak ne ane senkaki newa murasaki newa fure ambe newa ani yaitomchiure nisa, samata, kongani newa oro an no an shuma newa ikani newa ani yaitomtere nisa!
ayne, ene itak hi :— Eyaisambepokash, eyaysanpepokas, ne poro maciya, sinuma anakne an senkaki newa murasaki newa hure anpe newa ani yaytomciwre nisa, sama ta, konkani newa oro an no an suma newa i=kani newa ani yaytomtere nisa!
λεγοντες ουαι ουαι η πολις η μεγαλη η περιβεβλημενη βυσσινον και πορφυρουν και κοκκινον και κεχρυσωμενη [εν] χρυσιω και λιθω τιμιω και μαργαριτη
こう言う。「不幸だ、不幸だ、大いなる都、麻の布、また、紫の布や赤い布をまとい、金と宝石と真珠の飾りを着けた都。
awa, shine ichi ji kan pakihi uturuta ene poro aeoteknu ambe aisamka ruwe ne gusu ne na. Orowa, pishno an chip esapane guru hemhem, nei oro ne yakka atuitomotuye pishno an guru hemhem, chip o utara hemhem ne yakka, samata, atui gusu yaireshpa obitta no okai utara ne yakka
awa, sine ici ji kan pakihi utur ta ene poro aeoteknu anpe a=ysamka ruwe ne kusu ne na. Orowa, pisno an cip esapane kur hemhem, ne oro ne yakka atuytomotuye pisno an kur hemhem, cip o utar hemhem ne yakka, sama ta, atuy kusu yayrespa opittano okay utar ne yakka
οτι μια ωρα ηρημωθη ο τοσουτος πλουτος και πας κυβερνητης και πας ο επι τοπον πλεων και ναυται και οσοι την θαλασσαν εργαζονται απο μακροθεν εστησαν
あれほどの富が、ひとときの間に、みな荒れ果ててしまうとは。」また、すべての船長、沿岸を航海するすべての者、船乗りたち、海で働いているすべての者たちは、遠くに立ち、
ehangeko no roshki hine shinuma uhuye shupuya orun ingara wa hawe ashte, aige, ene itak-hi :— Nei poro machiya ukoheraye ambe inambe ne ruwe?
e=hankeko no roski hine sinuma uhuy supuya orun inkar wa hawe aste, ayke, ene itak hi :— Ne poro maciya ukoheraye anpe inanpe ne ruwe?
και εκραξαν εκραζον βλεποντες τον καπνον της πυρωσεως αυτης λεγοντες τις ομοια τη πολει τη μεγαλη
彼女が焼かれる煙を見て、「これほど大きい都がほかにあっただろうか」と叫んだ。
Orowa, nei utara anak ne yaikota koro sapaha kata koponchi kashi-ota hine chish wa yaituwashkarap, aige, ene itak-hi :— Eyaisambepokash, eyaisambepokash, nei poro machiya, koro aeoteknup ankushkerai atui kata koro chip koro obitta no okai utara anak shinuma oshiketa yaioteknure nisa ruwe ne! shine ichi ji kan uturuta korobe aisamka ruwe ne gusu ne na.
Orowa, ne utar anakne yaykota kor sapaha kata koponci kasi-ota hine cis wa yaytuwaskarap, ayke, ene itak hi :— Eyaisambepokash, eyaysanpepokas, ne poro maciya, kor aeoteknup an kuskeray atuy kata kor cip kor opittano okay utar anak sinuma oske ta yayoteknure nisa ruwe ne! sine ici ji kan utur ta kor pe a=ysamka ruwe ne kusu ne na.
και εβαλον χουν επι τας κεφαλας αυτων και εκραξαν εκραζον κλαιοντες και πενθουντες λεγοντες ουαι ουαι η πολις η μεγαλη εν η επλουτησαν παντες οι εχοντες τα πλοια εν τη θαλασση εκ της τιμιοτητος αυτης οτι μια ωρα ηρημωθη
彼らは頭に塵をかぶり、泣き悲しんで、こう叫んだ。「不幸だ、不幸だ、大いなる都、海に船を持つ者が皆、この都で、高価な物を取り引きし、豊かになったのに、ひとときの間に荒れ果ててしまうとは。」
Kando ne Aokai hemhem, ashkanne utara ne echi utara hemhem, Apostoro utara ne echi utara hemhem, uweingara utara ne echi utara hemhem shinuma okkeukashi nupetne yan; inambe gusu ne yakka aokai utara gusu an esanniyo ambe Kamui esanniyo nisa ruwe ne gusu ne na.
Kanto ne Aokay hemhem, askanne utar ne eci utar hemhem, Apostoro utar ne eci utar hemhem, ueinkar utar ne eci utar hemhem sinuma okkew kasi nupetne yan; inanpe kusu ne yakka aokay utar kusu an esanniyo anpe Kamuy esanniyo nisa ruwe ne kusu ne na.
ευφραινου επ αυτη ουρανε και οι αγιοι και οι αποστολοι και οι προφηται οτι εκρινεν ο θεος το κριμα υμων εξ αυτης
天よ、この都のゆえに喜べ。聖なる者たち、使徒たち、預言者たちよ、喜べ。神は、あなたがたのためにこの都を裁かれたからである。
Orowa, shine okirashnu hauturumbe anak ne shine poro nishu nepkorʼan shuma uk, aige, atui oshiketa eyapkire wa ene itak-hi :— Tap korachi an shiri yupke hokush ambe ani Babironia machiya, nei a poro machiya ahokushte kusu ne, aine, naa oara anukara shomoki kusu ne.
Orowa, sine okirasnu hawturunpe anakne sine poro nisu nepkor an suma uk, ayke, atuy oske ta eyapkir wa ene itak hi :— Tap koraci an siri yupke hokus anpe ani Babironia maciya, ne a poro maciya a=hokuste kusu ne, ayne, naa oar a=nukar somo ki kusu ne.
και ηρεν εις αγγελος ισχυρος λιθον ως μυλινον μεγαν και εβαλεν εις την θαλασσαν λεγων ουτως ορμηματι βληθησεται βαβυλων η μεγαλη πολις και ου μη ευρεθη ετι
すると、ある力強い天使が、大きいひき臼のような石を取り上げ、それを海に投げ込んで、こう言った。「大いなる都、バビロンは、このように荒々しく投げ出され、もはや決して見られない。
Orowa, koto rekte utara koro hawe hene, usa okai arektep rekte utara koro hawe hene, top rekte utara koro hawe hene, rappa rekte utara koro hawe hene tewa no oara e onnaigeta anu shomoki kusu ne; samata, nep monraige iki guru ne a yakka oara e onnaigeta anukara shomoki kusu ne;
Orowa, koto rekte utar kor hawe hene, usa okay arektep rekte utar kor hawe hene, top rekte utar kor hawe hene, rappa rekte utar kor hawe hene tewano oar e onnayke ta anu somo ki kusu ne; sama ta, nep monrayke iki kur ne a yakka oar e onnayke ta a=nukar somo ki kusu ne;
και φωνη κιθαρωδων και μουσικων και αυλητων και σαλπιστων ου μη ακουσθη εν σοι ετι και πας τεχνιτης [πασης τεχνης] πασης τεχνης ου μη ευρεθη εν σοι ετι και φωνη μυλου ου μη ακουσθη εν σοι ετι
竪琴を弾く者の奏でる音、歌をうたう者の声、笛を吹く者やラッパを鳴らす者の楽の音は、もはや決してお前のうちには聞かれない。あらゆる技術を身に着けた者たちもだれ一人、もはや決してお前のうちには見られない。ひき臼の音もまた、もはや決してお前のうちには聞かれない。
orowa, nishu humi oara e onnaigeta anu shomoki kusu ne; orosama, ratchako pekere oara e onnaigeta at shomoki kusu ne; samata, mat akore guru hawe hoku akore guru hawe oara e onnaigeta anu shomoki kusu ne na: inambe gusu ne yakun, e tura iki ihok utara anak ne moshiri esapane utara ne ruwe ne gusu ne na; awa, obitta no okai moshiri uirup anak ne e iki aesaman ambe ankushkerai akokandama ruwe ne gusu ne na.
orowa, nisu humi oar e onnayke ta anu somo ki kusu ne; orosama, ratcako peker oar e onnayke ta at somo ki kusu ne; sama ta, mat a=kore kur hawe hoku a=kore kur hawe oar e onnayke ta anu somo ki kusu ne na: inanpe kusu ne yakun, e tura iki ihok utar anakne mosir esapane utar ne ruwe ne kusu ne na; awa, opittano okay mosir uyrup anakne e iki a=esaman anpe an kuskeray a=kokantama ruwe ne kusu ne na.
και φως λυχνου ου μη φανη εν σοι ετι και φωνη νυμφιου και νυμφης ου μη ακουσθη εν σοι ετι οτι [οι] οι εμποροι σου ησαν οι μεγιστανες της γης οτι εν τη φαρμακεια σου επλανηθησαν παντα τα εθνη
ともし火の明かりも、もはや決してお前のうちには輝かない。花婿や花嫁の声も、もはや決してお前のうちには聞かれない。なぜなら、お前の商人たちが地上の権力者となったからであり、また、お前の魔術によってすべての国の民が惑わされ、
Orowa, nei machiya oshiketa uweingara utara kemihi, ashkanne utara kemihi, samata, moshiri kata aronnu obitta no okai utara koro kemihi anukan nisa ruwe ne.
Orowa, ne maciya oske ta ueinkar utar kemihi, askanne utar kemihi, sama ta, mosir kata a=ronnu opittano okay utar kor kemihi a=nukar nisa ruwe ne.
και εν αυτη αιμα προφητων και αγιων ευρεθη και παντων των εσφαγμενων επι της γης
預言者たちと聖なる者たちの血、地上で殺されたすべての者の血が、この都で流されたからである。」