12 Ik. leaf 197

Nei ita, ukata uweotereke pakno shiri inne topaha utara uwekarapa ita anak ne Shinuma hoshiki no koro koikara utara otta ene itak heashi :— Parisee un utara koro pandane yaitubare yan, nei ambe anak kankapkapeka ambe ne ruwe ne.

Ne hi ta, ukata uweotereke pakno siri inne topaha utar uekarpa hi ta anakne Sinuma hoskino kor koykar utar or ta ene itak heasi :— Parisee un utar kor pantane yaytupare yan, ne anpe anak kankapkapeka anpe ne ruwe ne.

εν οις επισυναχθεισων των μυριαδων του οχλου ωστε καταπατειν αλληλους ηρξατο λεγειν προς τους μαθητας αυτου πρωτον προσεχετε εαυτοις απο της ζυμης ητις εστιν υποκρισις των φαρισαιων

In the mean time, when the many thousands of the multitude were gathered together, insomuch that they trode one upon another, he began to say unto his disciples first of all, Beware ye of the leaven of the Pharisees, which is hypocrisy.

Koroka, akamure wa anukara shomoki ambe isam, anuina wa aeramu shomoki ambe isam ruwe ne.

Korka, a=kamure wa a=nukar somo ki anpe isam, a=nuyna wa a=ermu somo ki anpe isam ruwe ne.

ουδεν δε συγκεκαλυμμενον εστιν ο ουκ αποκαλυφθησεται και κρυπτον ο ου γνωσθησεται

But there is nothing covered up, that shall not be revealed: and hid, that shall not be known.

Tambe gusu, nep ne yakka kunne i ta echi yep anak ne pekere otta anu kusu ne; onnaige un tumbu ta kisara otta echi yep anak ne chisei kitaigeta assuru aashte kusu ne.

Tanpe kusu, nep ne yakka kunne i ta eci yep anakne peker or ta anu kusu ne; onnayke un tumpu ta kisara or ta eci yep anakne cise kitayke ta assuru a=aste kusu ne.

ανθ ων οσα εν τη σκοτια ειπατε εν τω φωτι ακουσθησεται και ο προς το ους ελαλησατε εν τοις ταμειοις κηρυχθησεται επι των δωματων

Wherefore whatsoever ye have said in the darkness shall be heard in the light; and what ye have spoken in the ear in the inner chambers shall be proclaimed upon the housetops.

Samata, Ku ikatairotke echi utara otta Ku ye, netobake raige, orowa no nep ne yakka moshimap ki eaikap utara iteki ko-ishitoma yan.

Sama ta, Ku ikatayrotke eci utar or ta Ku=ye, netopake rayke, orowano nep ne yakka mosma p ki eaykap utar iteki ko-isitoma yan.

λεγω δε υμιν τοις φιλοις μου μη φοβηθητε απο των αποκτεινοντων το σωμα και μετα ταυτα μη εχοντων περισσοτερον τι ποιησαι

And I say unto you my friends, Be not afraid of them which kill the body, and after that have no more that they can do.

Koroka, inambe echi ko-ishitoma kunip ne ya echi nure ash na: Raige orowa no Gehenna otta eyapkiri mondum koro guru ishitoma yan; Ruwe un, Shinuma ko-ishitoma yan, ani Ku ye.

Korka, inanpe eci=ko-isitoma kunip ne ya eci=nure as na: Rayke oro wano Gehenna or ta eyapkir montum kor kur isitoma yan; Ruwe un, Sinuma ko-isitoma yan, ani Ku=ye.

υποδειξω δε υμιν τινα φοβηθητε φοβηθητε τον μετα το αποκτειναι εχοντα εξουσιαν εμβαλειν εις την γεενναν ναι λεγω υμιν τουτον φοβηθητε

But I will warn you whom ye shall fear: Fear him, which after he hath killed hath power to cast into hell; yea, I say unto you, Fear him.

Ashikne amam e chikap anak ne tu issen gusu shomo aeiyok ruwe he an? Awa, amam e chikap shinep ne yakka Kamui tek samata aoira shomoki ruwe ne.

Asikne amam e cikap anakne tu issen kusu somo a=eiyok ruwe he an? Awa, amam e cikap sinep ne yakka Kamuy teksama ta a=oyra somo ki ruwe ne.

ουχι πεντε στρουθια πωλουνται ασσαριων δυο και εν εξ αυτων ουκ εστιν επιλελησμενον ενωπιον του θεου

Are not five sparrows sold for two farthings? and not one of them is forgotten in the sight of God.

Koroka, echi sapa ush otop katap obitta apishki wa an ruwe ne. Iteki shitoma yan: inne amam e chikap kasu no echi utara anak ne oro an shiri an.

Korka, eci=sapa us otop katap opitta a=piski wa an ruwe ne. Iteki sitoma yan: inne amam e cikap kasuno eci utar anakne oro an siri an.

αλλα και αι τριχες της κεφαλης υμων πασαι ηριθμηνται μη φοβεισθε πολλων στρουθιων διαφερετε

But the very hairs of your head are all numbered. Fear not: ye are of more value than many sparrows.

Orowa, echi otta Ku ye, nen ne yakka utara kotchaketa En eyaipushi guru an chiki Ainu Poho anak ne Kamui hauturumbe kotchaketa nei guru ne yakka eyaipushi kusu ne;

Orowa, eci or ta Ku=ye, nen ne yakka utar kotcake ta En eyaypusi kur an ciki Aynu Poho anakne Kamuy hawturunpe kotcake ta ne kur ne yakka eyaypusi kusu ne;

λεγω δε υμιν πας ος αν ομολογησει ομολογηση εν εμοι εμπροσθεν των ανθρωπων και ο υιος του ανθρωπου ομολογησει εν αυτω εμπροσθεν των αγγελων του θεου

And I say unto you, Every one who shall confess me before men, him shall the Son of man also confess before the angels of God:

koroka, utara kotchaketa En eshikashke ainu anak ne Kamui hauturumbe kotchaketa aeshikashke an kusu ne na.

korka, utar kotcake ta En=esikaske aynu anakne Kamuy hawturunpe kotcake ta a=esikaske an kusu ne na.

ο δε αρνησαμενος με ενωπιον των ανθρωπων απαρνηθησεται ενωπιον των αγγελων του θεου

but he that denieth me in the presence of men shall be denied in the presence of the angels of God.

Orowa, nen ne yakka Ainu Poho epeka itak sange guru anak ne, nei ambe atusare kusu ne, koroka, Ashkanne Ramat koatcha guru anak atusare shomoki kusu ne na.

Orowa, nen ne yakka Aynu Poho epeka itak sanke kur anakne, ne anpe atusare kusu ne, korka, Askanne Ramat koatca kur anak atusare somo ki kusu ne na.

και πας ος ερει λογον εις τον υιον του ανθρωπου αφεθησεται αυτω τω δε εις το αγιον πνευμα βλασφημησαντι ουκ αφεθησεται

And every one who shall speak a word against the Son of man, it shall be forgiven him: but unto him that blasphemeth against the Holy Spirit it shall not be forgiven.

Orowa, utara anak ne Uwekarapa chisei otta hene, esapane utara otta hene, mondum koro utara otta hene echi tak chiki, hemanda ku ye ya, nekon a katu an itak ani ku ese ya, gusu iteki enishomap yan;

Orowa, utar anakne Uekarpa cise or ta hene, esapane utar or ta hene, montum kor utar or ta hene eci=tak ciki, hemanta ku=ye ya, nekona katu an itak ani ku=ese ya, kusu iteki enisomap yan;

οταν δε εισφερωσιν υμας επι τας συναγωγας και τας αρχας και τας εξουσιας μη μεριμνησητε πως [η τι] η τι απολογησησθε η τι ειπητε

And when they bring you before the synagogues, and the rulers, and the authorities, be not anxious how or what ye shall answer, or what ye shall say:

inambe gusu ne yakun, nei ita anak ne nekon a itak ani echi itak kusu ne ap, Ashkanne Ramat echi epakashnu kusu ne na.

inanpe kusu ne yakun, ne hi ta anakne nekona itak ani eci=itak kusu ne ap, Askanne Ramat eci=epakasnu kusu ne na.

το γαρ αγιον πνευμα διδαξει υμας εν αυτη τη ωρα α δει ειπειν

for the Holy Spirit shall teach you in that very hour what ye ought to say.

Inne utara tumugeta an shine ainu Shinuma otta ene itak-hi :— Epakashnu guru, ku ainu iriwak anak ne eikeshkorobe en otta usaraye kuni ne ye wa en kore.

Inne utar tumke ta an sine aynu Sinuma or ta ene itak hi :— Epakasnu kur, ku=aynu irwak anakne eykeskorope en or ta usaraye kuni ne ye wa en=kore.

ειπεν δε τις εκ του οχλου αυτω διδασκαλε ειπε τω αδελφω μου μερισασθαι μετ εμου την κληρονομιαν

And one out of the multitude said unto him, Master, bid my brother divide the inheritance with me.

Koroka, nei guru otta Shinuma ene itak-hi :— Ainu, Kuani anak ne echi otta ipishi hemhem ki, usaraye hemhem ki kuni gusu En kara guru nen ne ruwe he an? ani itak.

Korka, ne kur or ta Sinuma ene itak hi :— Aynu, Kuani anakne eci or ta ipisi hemhem ki, usaraye hemhem ki kuni kusu En=kar kur nen ne ruwe he an? ani itak.

ο δε ειπεν αυτω ανθρωπε τις με κατεστησεν κριτην η μεριστην εφ υμας

But he said unto him, Man, who made me a judge or a divider over you?

Orowa, utara otta ene itak-hi :— Iteki yaikoshipuinere kuni ne yairamatte yan: inambe gusu ne yakun, ainu inotu anak ne poron no korobe okai gusu an ambe shomo ne.

Orowa, utar or ta ene itak hi :— Iteki yaykosipuynere kuni ne yayramatte yan: inanpe kusu ne yakun, aynu inotu anakne poronno kor pe okay kusu an anpe somo ne.

ειπεν δε προς αυτους ορατε και φυλασσεσθε απο πασης πλεονεξιας οτι ουκ εν τω περισσευειν τινι η ζωη αυτου εστιν εκ των υπαρχοντων αυτω

And he said unto them, Take heed, and keep yourselves from all covetousness: for a man’s life consisteth not in the abundance of the things which he possesseth.

Orowa, Shinuma shine itak-maukushte-itak nei utara otta ye-hi :— Shine oteknu ainu kot toi nuye an no ibehe shipiraspa:

Orowa, Sinuma sine itak-mawkuste-itak ne utar or ta ye hi :— Sine oteknu aynu kot toy nuye an no ipehe sipiraspa:

ειπεν δε παραβολην προς αυτους λεγων ανθρωπου τινος πλουσιου ευφορησεν η χωρα

And he spake a parable unto them, saying, The ground of a certain rich man brought forth plentifully:

awa, nei ainu keutum ta yaikoshiramse wa ene itak-hi :— Nekon a ku ki ya? Ku ibehe eumashnu ushike ku sak ruwe ne gusu ne na.

awa, ne aynu kewtum ta yaykosiramse wa ene itak hi :— Nekona ku=ki ya? Ku=ipehe ewmasnu usike ku=sak ruwe ne kusu ne na.

και διελογιζετο εν αυτω εαυτω λεγων τι ποιησω οτι ουκ εχω που συναξω τους καρπους μου

and he reasoned within himself, saying, What shall I do, because I have not where to bestow my fruits?

Orowa, tambe ku kara kusu ne, ani itak: Ku puhu ku hokushte wa kasu no porobe ku kara; orowa, nei oshiketa ku goro amam newa ku korobe obitta ku eumashnu kusu ne na.

Orowa, tanpe ku=kar kusu ne, ani itak: Ku puhu ku=hokuste wa kasuno poro p ku=kar; orowa, ne oske ta ku=kor amam newa ku=kor pe opitta ku ewmasnu kusu ne na.

και ειπεν τουτο ποιησω καθελω μου τας αποθηκας και μειζονας οικοδομησω και συναξω εκει παντα τον σιτον και τα αγαθα μου

And he said, This will I do: I will pull down my barns, and build greater; and there will I bestow all my corn and my goods.

Orowa, ku ramat otta ene ku ye-hi; Ramat, inne paha gusu poron no okaibe aeumashnu wa okai; shini yan, ibe hemhem ki, iku hemhem ki, orowa nuchattek wa okai yan, sekoro itak.

Orowa, ku=ramat or ta ene ku=ye hi; Ramat, inne paha kusu poronno okaype aewmasnu wa okay; sini yan, ipe hemhem ki, iku hemhem ki, orowa nucattek wa okay yan, sekor itak.

και ερω τη ψυχη μου ψυχη εχεις πολλα αγαθα [κειμενα κειμενα εις ετη πολλα αναπαυου φαγε πιε] πιε ευφραινου

And I will say to my soul, Soul, thou hast much goods laid up for many years; take thine ease, eat, drink, be merry.

Koroka, nei guru otta Kamui ene itak-hi :— Haita guru, tan ukuran e kon ramat auk kusu ne; orowa, eani etokooiki okaibe, hunna korobe ne kusu ne ya? ani itak.

Korka, ne kur or ta Kamuy ene itak hi :— Hayta kur, tan ukuran e=kor ramat auk kusu ne; orowa, eani etokooyki okaype, hunna kor pe ne kusu ne ya? ani itak.

ειπεν δε αυτω ο θεος αφρων ταυτη τη νυκτι την ψυχην σου αιτουσιν απαιτουσιν απο σου α δε ητοιμασας τινι εσται

But God said unto him, Thou foolish one, this night is thy soul required of thee; and the things which thou hast prepared, whose shall they be?

Yaikota gusu aeoteknup eumashnu wa Kamui epeka oteknu shomo ne an gurʼanak ne nei no korachi ne ruwe ne na.

Yaykota kusu aeoteknup ewmasnu wa Kamuy epeka oteknu somo ne an kur anakne néno koraci ne ruwe ne na.

[ουτως ουτως ο θησαυριζων αυτω εαυτω και μη εις θεον πλουτων] πλουτων

So is he that layeth up treasure for himself, and is not rich toward God.

Orowa, koro koikara utara orota Shinuma ene itak-hi :— Tambe gusu, echi otta Ku ye, echi shiknu kuni gusu hemanda echi e ya? samata, echi kon netobake gusu hemanda echiimi ya? iteki nishomap yan.

Orowa, kor koykar utar oro ta Sinuma ene itak hi :— Tanpe kusu, eci or ta Ku=ye, eci=siknu kuni kusu hemanta eci=e ya? sama ta, eci=kor netopake kusu hemanta eci=imi ya? iteki nisomap yan.

ειπεν δε προς τους μαθητας [αυτου] δια τουτο λεγω υμιν μη μεριμνατε τη ψυχη τι φαγητε μηδε τω σωματι [υμων] τι ενδυσησθε

And he said unto his disciples, Therefore I say unto you, Be not anxious for [your ]life, what ye shall eat; nor yet for your body, what ye shall put on.

Inambe gusu ne yakun, ramat anak ne aep kasu no an ap ne, netobake anak ne amip kasu no an ap ne ruwe ne.

Inanpe kusu ne yakun, ramat anakne aep kasuno an ap ne, netopake anakne amip kasuno an ap ne ruwe ne.

η γαρ ψυχη πλειον εστιν της τροφης και το σωμα του ενδυματος

For the life is more than the food, and the body than the raiment.

Paskuru chikap esanniyo yan, nei okaibe toita shomoki, nange ka shomoki; eumashnu tumbu hene pu hene sak ruwe ne; Kamui anak ne nei ambe ibere ruwe ne: chikap kasu no hemanda ataye shiri echi okai!

Paskur cikap esanniyo yan, ne okaype toyta somo ki, nanke ka somo ki; ewmasnu tumpu hene pu hene sak ruwe ne; Kamuy anakne ne anpe ipere ruwe ne: cikap kasuno hemanta ataye siri eci=okay!

κατανοησατε τους κορακας οτι ου σπειρουσιν ουδε θεριζουσιν οις ουκ εστιν ταμειον ουδε αποθηκη και ο θεος τρεφει αυτους ποσω μαλλον υμεις διαφερετε των πετεινων

Consider the ravens, that they sow not, neither reap; which have no store-chamber nor barn; and God feedeth them: of how much more value are ye than the birds!

Orowa, echi tumta inan guru nishomap wa gusu shine ik pakno kon ramat naa ohon no shiknure eashkai ya?

Orowa, eci=tum ta inan kur nisomap wa kusu sine ik pakno kor ramat naa ohor no siknure easkay ya?

τις δε εξ υμων μεριμνων δυναται επι την ηλικιαν αυτου προσθειναι πηχυν

And which of you by being anxious can add a cubit unto his stature?

Tambe gusu, iyotta ponbe katap echi ki eaikap yakun, nep gusu moshima okaibe gusu echi nishomap ruwe?

Tanpe kusu, iyotta ponpe katap eci=ki eaykap yakun, nep kusu mosma okaype kusu eci=nisomap ruwe?

ει ουν ουδε ελαχιστον δυνασθε τι περι των λοιπων μεριμνατε

If then ye are not able to do even that which is least, why are ye anxious concerning the rest?

Nonno shukup katu esanniyo yan; nei ambe monraige shomoki, ishitaigi ka shomoki; yakka echi otta Ku ye, Soromon ne yakka chitomte wa an ita anak ne tan shine nonno pakno atomte shomo ruwe tap an na.

Nonno sukup katu esanniyo yan; ne anpe monrayke somo ki, isitayki ka somo ki; yakka eci or ta Ku=ye, Soromon ne yakka citomte wa an hi ta anakne tan sine nonno pakno atomte somo ruwe tapan na.

κατανοησατε τα κρινα πως αυξανει ου κοπια ουδε νηθει λεγω δε υμιν ουδε σολομων εν παση τη δοξη αυτου περιεβαλετο ως εν τουτων

Consider the lilies, how they grow: they toil not, neither do they spin; yet I say unto you, Even Solomon in all his glory was not arrayed like one of these.

Koroka, Kamui anak ne tanto nup otta okai wa nishatta abe sokot oshiketa aeyapkiri mon katap nei no mire chiki, nei akkari echi okai utara shomo ne ya, aa eishokor-i pon utara?

Korka, Kamuy anakne tanto nup or ta okay wa nisatta ape sokot oske ta a=eyapkir mon katap néno mire ciki, ne akkari eci=okay utar somo ne ya, aa eysokor hi pon utar?

ει δε εν αγρω τον χορτον οντα σημερον και αυριον εις κλιβανον βαλλομενον ο θεος ουτως αμφιεζει ποσω μαλλον υμας ολιγοπιστοι

But if God doth so clothe the grass in the field, which today is, and tomorrow is cast into the oven; how much more [shall he clothe ]you, O ye of little faith?

Orowa, hemanda echi e, hemanda echi ku kuni iteki hunara yan, samata, keutum iteki utumashire yan.

Orowa, hemanta eci=e, hemanta eci=ku kuni iteki hunara yan, sama ta, kewtum iteki utumasire yan.

και υμεις μη ζητειτε τι φαγητε και τι πιητε και μη μετεωριζεσθε

And seek not ye what ye shall eat, and what ye shall drink, neither be ye of doubtful mind.

Inambe gusu ne yakun, moshiri uirup utara obitta nei okaibe hunara ruwe ne: koroka, tan okaibe anak ne echi koro kunip ne sekoro echi koro Michi eramʼan ruwe ne.

Inanpe kusu ne yakun, mosir uyrup utar opitta ne okaype hunara ruwe ne: korka, tan okaype anakne eci=kor kunip ne sekor eci=kor Mici eraman ruwe ne.

ταυτα γαρ παντα τα εθνη του κοσμου επιζητουσιν υμων δε ο πατηρ οιδεν οτι χρηζετε τουτων

For all these things do the nations of the world seek after: but your Father knoweth that ye have need of these things.

Yakka Shinuma koro moshiri hunara yan, orowa, tap okaibe obitta echi otta kashi akore kusu ne na.

Yakka Sinuma kor mosir hunara yan, orowa, tap okaype opitta eci or ta kasi a=kore kusu ne na.

πλην ζητειτε την βασιλειαν αυτου και ταυτα προστεθησεται υμιν

Howbeit seek ye his kingdom, and these things shall be added unto you.

Pon topaha, iteki ishitoma yan; echi otta moshiri akore-i anak ne echi koro Michi pirika irenga ne ruwe ne.

Pon topaha, iteki isitoma yan; eci or ta mosir a=kore hi anakne eci=kor Mici pirka irenka ne ruwe ne.

μη φοβου το μικρον ποιμνιον οτι ευδοκησεν ο πατηρ υμων δουναι υμιν την βασιλειαν

Fear not, little flock; for it is your Father’s good pleasure to give you the kingdom.

Echi korobe eihok wa eungeraitep kore yan; fushko ne shomo ki ichen o pukuru kara, ikka guru karange no ek shomoki, shish wende shomoki kando oshiketa okere shomoki aeoteknup ande yan.

Eci=kor pe e=hok wa eunkeraytep kore yan; husko ne somo ki icen o pukuru kar, ikka kur karankeno ek somo ki, sis wente somo ki kanto oske ta okere somo ki aeoteknup ante yan.

πωλησατε τα υπαρχοντα υμων και δοτε ελεημοσυνην ποιησατε εαυτοις βαλλαντια μη παλαιουμενα θησαυρον ανεκλειπτον εν τοις ουρανοις οπου κλεπτης ουκ εγγιζει ουδε σης διαφθειρει

Sell that ye have, and give alms; make for yourselves purses which wax not old, a treasure in the heavens that faileth not, where no thief draweth near, neither moth destroyeth.

Inambe gusu ne yakun, echi aeoteknup an ushiketa echi keutum ne yakka an kusu ne gusu ne na.

Inanpe kusu ne yakun, eci aeoteknup an uske ta eci=kewtum ne yakka an kusu ne kusu ne na.

οπου γαρ εστιν ο θησαυρος υμων εκει και η καρδια υμων εσται

For where your treasure is, there will your heart be also.

Echi kutkoro wa okai hine koro ratchako uhuika wa okai yan;

Eci=kutkor wa okay hine kor ratcako uhuyka wa okay yan;

εστωσαν υμων αι οσφυες περιεζωσμεναι και οι λυχνοι καιομενοι

Let your loins be girded about, and your lamps burning;

orowa, echi utara anak ne shuke iwai orowa no hoshipi kon nishpa untere, aige, shinuma ek wa apa kokik chiki nani orota sarare kuni okai utara korachi okai yan.

orowa, eci utar anakne suke iway oro wano hosipi kor nispa untere, ayke, sinuma ek wa apa kokik ciki nani oro ta sarare kuni okay utar koraci okay yan.

και υμεις ομοιοι ανθρωποις προσδεχομενοις τον κυριον εαυτων ποτε αναλυση εκ των γαμων ινα ελθοντος και κρουσαντος ευθεως ανοιξωσιν αυτω

and be ye yourselves like unto men looking for their lord, when he shall return from the marriage feast; that, when he cometh and knocketh, they may straightway open unto him.

Kon nishpa ek wa shiruwande wa okai anukara usshiune utara anak ne anunuke ne ruwe ne: son no echi otta Ku ye, Kon nishpa anak ne yaikota yai-kutkoro wa, nei utara ibe gusu rokte, orowa, ek wa otta yaishieiwangere kusu ne na.

Kor nispa ek wa siruwante wa okay a=nukar ussiw ne utar anakne a=nunuke ne ruwe ne: sonno eci or ta Ku=ye, Kor nispa anakne yaykota yay-kutkor wa, ne utar ipe kusu rokte, orowa, ek wa or ta yaysieywankere kusu ne na.

μακαριοι οι δουλοι εκεινοι ους ελθων ο κυριος ευρησει γρηγορουντας αμην λεγω υμιν οτι περιζωσεται και ανακλινει αυτους και παρελθων διακονησει αυτοις

Blessed are those servants, whom the lord when he cometh shall find watching: verily I say unto you, that he shall gird himself, and make them sit down to meat, and shall come and serve them.

Orowa, shinuma anak ne, tutanu an shiniwe ita ek hene, re otutanu an shiruwe ita ek hene, nei no okai wa nukara chiki, nei uitek utara anunuke ne ruwe ne.

Orowa, sinuma anakne, tutanu an siniwe hi ta ek hene, re otutanu an siruwe hi ta ek hene, néno okay wa nukar ciki, ne uytek utar a=nunuke ne ruwe ne.

καν εν τη δευτερα καν εν τη τριτη φυλακη ελθη και ευρη ουτως μακαριοι εισιν εκεινοι

And if he shall come in the second watch, and if in the third, and find [them ]so, blessed are those [servants].

Koroka, tambe onnere yan, ikka guru inan pakita ek ya sekoro chisei kon nishpa eraman chiki, shiruwande wa chisei iteki aopattekka kuni ne kara.

Korka, tanpe onnere yan, ikka kur inan pakita ek ya sekor cise kor nispa eraman ciki, siruwante wa cise iteki aopattekka kuni ne kar.

τουτο δε γινωσκετε οτι ει ηδει ο οικοδεσποτης ποια ωρα ο κλεπτης ερχεται εγρηγορησεν αν και ουκ ουκ αν αφηκεν διορυχθηναι τον οικον αυτου

But know this, that if the master of the house had known in what hour the thief was coming, he would have watched, and not have left his house to be broken through.

Echi utara ne yakka, etokooiki wa okai yan: inambe gusu ne yakun, echi esanniyo shomoki pakihi ta Ainu Poho ek kusu ne na.

Eci utar ne yakka, etokooyki wa okay yan: inanpe kusu ne yakun, eci=esanniyo somo ki pakihi ta Aynu Poho ek kusu ne na.

και υμεις γινεσθε ετοιμοι οτι η ωρα ου δοκειτε ο υιος του ανθρωπου ερχεται

Be ye also ready: for in an hour that ye think not the Son of man cometh.

Orowa, Petros ene itak-hi :— Utarapa, un otta tan itak-maukushte-itak E ye ya, obitta no okai utara otta poka E ye ya? ari itak.

Orowa, Petros ene itak hi :— Utarpa, un or ta tan itak-mawkuste-itak E ye ya, opittano okay utar or ta poka E ye ya? ari itak.

ειπεν δε ο πετρος κυριε προς ημας την παραβολην ταυτην λεγεις η και προς παντας

And Peter said, Lord, speakest thou this parable unto us, or even unto all?

Orowa, Utarapa ene itak-hi :— Pakihi epa ita utara otta uina kuni aep kore gusu kon nishpa anak ne koro chisei esapanere ikipniukesh wa wayashnu guru nen ne ruwe he an?

Orowa, Utarpa ene itak hi :— Pakihi epa hi ta utar or ta uyna kuni aep kore kusu kor nispa anakne kor cise esapanere ikipniwkes wa wayasnu kur nen ne ruwe he an?

και ειπεν ο κυριος τις αρα εστιν ο πιστος οικονομος ο φρονιμος ον καταστησει ο κυριος επι της θεραπειας αυτου του διδοναι εν καιρω [το] σιτομετριον

And the Lord said, Who then is the faithful and wise steward, whom his lord shall set over his household, to give them their portion of food in due season?

Kon nishpa ek wa nei no ki wa anukara wa an uitek guru anak ne anunuke ne ruwe ne.

Kor nispa ek wa néno ki wa a=nukar wa an uytek kur anakne a=nunuke ne ruwe ne.

μακαριος ο δουλος εκεινος ον ελθων ο κυριος αυτου ευρησει ποιουντα ουτως

Blessed is that servant, whom his lord when he cometh shall find so doing.

Son no echi otta Ku ye, korope ebitta esapanere kusu ne na.

Sonno eci or ta Ku=ye, kor pe epitta esapanere kusu ne na.

αληθως λεγω υμιν οτι επι πασιν τοις υπαρχουσιν αυτου καταστησει αυτον

Of a truth I say unto you, that he will set him over all that he hath.

Koroka, nei usshiune guru anak ne, kon nishpa ek moire, sekoro keutura ta ye wa auitek-ainu hemhem, auitek-mat hemhem shirikik,

Korka, ne ussiw ne kur anakne, kor nispa ek moyre, sekor kewtura ta ye wa awitek-aynu hemhem, awitek-mat hemhem sirkik,

εαν δε ειπη ο δουλος εκεινος εν τη καρδια αυτου χρονιζει ο κυριος μου ερχεσθαι και αρξηται τυπτειν τους παιδας και τας παιδισκας εσθιειν τε και πινειν και μεθυσκεσθαι

But if that servant shall say in his heart, My lord delayeth his coming; and shall begin to beat the menservants and the maidservants, and to eat and drink, and to be drunken;

orowa, ibe hemhem ki, iku hemhem ki wa ihoshki chiki, nei usshiune guru kon nishpa anak shinuma ek shomoki sekoro esanniyo toho ta, eramu an shomoki pakihi ta ek, aige, nei guru oattuye wa wen utara tura no aimekbe koropare kusu ne.

orowa, ipe hemhem ki, iku hemhem ki wa ihoski ciki, ne ussiw ne kur kor nispa anak sinuma ek somo ki sekor esanniyo toho ta, eramuan somo ki pakihi ta ek, ayke, ne kur oattuye wa wen utar turano aymekpe korpare kusu ne.

ηξει ο κυριος του δουλου εκεινου εν ημερα η ου προσδοκα και εν ωρα η ου γινωσκει και διχοτομησει αυτον και το μερος αυτου μετα των απιστων θησει

the lord of that servant shall come in a day when he expecteth not, and in an hour when he knoweth not, and shall cut him asunder, and appoint his portion with the unfaithful.

Orowa, kon nishpa koro ikashpaotte eramʼan wa etokooiki shomoki, ikashpaotte ne yakka nei no ki shomoki ausshiunere guru anak ne poron no ani akokik kusu ne;

Orowa, kor nispa kor ikaspaotte eraman wa etokooyki somo ki, ikaspaotte ne yakka néno ki somo ki aussiwnere kur anakne poronno ani akokik kusu ne;

εκεινος δε ο δουλος ο γνους το θελημα του κυριου αυτου και μη ετοιμασας η ποιησας προς το θελημα αυτου δαρησεται πολλας

And that servant, which knew his lord’s will, and made not ready, nor did according to his will, shall be beaten with many [stripes];

koroka eramushkari no akokik kuni buri ki guru anak ne moyo no ani akoshirikik kusu ne na. Orowa, otta poron no akoropare guru orowa no poron no auk kusu ne: poron no shikkashimare guru orowa no naa poron no auk kusu ne ruwe ne na.

korka eramuskari no akokik kuni puri ki kur anakne moyono ani akosirikik kusu ne na. Orowa, or ta poronno a=korpare kur oro wano poronno auk kusu ne: poronno sikkasmare kur oro wano naa poronno auk kusu ne ruwe ne na.

ο δε μη γνους ποιησας δε αξια πληγων δαρησεται ολιγας παντι δε ω εδοθη πολυ πολυ ζητηθησεται παρ αυτου και ω παρεθεντο πολυ περισσοτερον αιτησουσιν αυτον

but he that knew not, and did things worthy of stripes, shall be beaten with few [stripes]. And to whomsoever much is given, of him shall much be required: and to whom they commit much, of him will they ask the more.

Kuani anak ne shiri kata abe Ku osura kuni gusu Ku ek; awa, abe anak ne aare okere chiki, nekon a Ku ki ya?

Kuani anakne siri kata ape Ku=osura kuni kusu Ku=ek; awa, ape anakne a=re okere ciki, nekona Ku=ki ya?

πυρ ηλθον βαλειν επι την γην και τι θελω ει ηδη ανηφθη

I came to cast fire upon the earth; and what will I, if it is already kindled?

Koroka, uk kuni baptisma an, nei ambe auweomare okere pakno hemanda Ku ramu-pekamam humi!

Korka, uk kuni paptisma an, ne anpe a=ueomare okere pakno hemanta Ku=ramu-pekamam humi!

βαπτισμα δε εχω βαπτισθηναι και πως συνεχομαι εως οτου τελεσθη

But I have a baptism to be baptized with; and how am I straitened till it be accomplished!

Moshiri kata itomo Ku kore kuni gusu Ku ek sekoro echi yainu ya? Shomo, echi otta Ku ye, upipi ande gusu ne na:

Mosir kata i=tom Ku=kore kuni kusu Ku=ek sekor eci=yaynu ya? Somo, eci or ta Ku=ye, upipi ante kusu ne na:

δοκειτε οτι ειρηνην παρεγενομην δουναι εν τη γη ουχι λεγω υμιν αλλ η διαμερισμον

Think ye that I am come to give peace in the earth? I tell you, Nay; but rather division:

inambe gusu ne yakun, tewa no poka shine chisei ta ashikne niu okai wa utashpa upipi, ren anak ne tun epeka, tun anak ne ren epeka no upipi kusu ne na.

inanpe kusu ne yakun, tewano poka sine cise ta asikne niw okay wa utaspa upipi, ren anakne tun epeka, tun anakne ren epeka no upipi kusu ne na.

εσονται γαρ απο του νυν πεντε εν ενι οικω διαμεμερισμενοι τρεις επι δυσιν και δυο επι τρισιν

for there shall be from henceforth five in one house divided, three against two, and two against three.

Ona anak ne okkai-po epeka, okkai-po anak ona epeka; unu anak ne matne-po epeka, matne-po anak unu epeka; shiuto-habo anak ne koshmat epeka, koshmat anak ne shiuto-habo epeka wa uko-upipi kusu ne na.

Ona anakne okkay-po epeka, okkay-po anak ona epeka; unu anakne matne-po epeka, matne-po anak unu epeka; siwto-hapo anakne kosmat epeka, kosmat anakne siwto-hapo epeka wa uko-upipi kusu ne na.

διαμερισθησονται πατηρ επι υιω και υιος επι πατρι μητηρ επι την θυγατερα και θυγατηρ επι την μητερα πενθερα επι την νυμφην αυτης και νυμφη επι την πενθεραν

They shall be divided, father against son, and son against father; mother against daughter, and daughter against her mother; mother in law against her daughter in law, and daughter in law against her mother in law.

Orowa, shui inne utara otta Shinuma ene itak-hi :— Chuppok ta nishkuru hetuku shiri echi nukara chiki, apto ek, ani nani echi itak, orowa no nei no an ruwe ne.

Orowa, suy inne utar or ta Sinuma ene itak hi :— Cuppok ta niskur hetuku siri eci=nukar ciki, apto ek, ani nani eci=itak, orowano néno an ruwe ne.

ελεγεν δε και τοις οχλοις οταν ιδητε [την] νεφελην ανατελλουσαν επι δυσμων ευθεως λεγετε οτι ομβρος ερχεται και γινεται ουτως

And he said to the multitudes also, When ye see a cloud rising in the west, straightway ye say, There cometh a shower; and so it cometh to pass.

Samata, pikata un rera rui shiri echi nukara chiki, shiri seisek ne kusu ne, ani echi ye; orowa no nei no an ruwe ne.

Sama ta, pikata un rera ruy siri eci=nukar ciki, siri sesek ne kusu ne, ani eci=ye; orowano néno an ruwe ne.

και οταν νοτον πνεοντα λεγετε οτι καυσων εσται και γινεται

And when [ye see ]a south wind blowing, ye say, There will be a scorching heat; and it cometh to pass.

Kankapkapeka utara, moshiri newa kando kotoro uwande katu echi eramʼan; koroka, nep gusu pakihi uwande katu echi erampeutek ya?

kankapkapeka utar, mosir newa kanto kotor uwante katu eci=eraman; korka, nep kusu pakihi uwante katu eci=eranpewtek ya?

υποκριται το προσωπον της γης και του ουρανου οιδατε δοκιμαζειν τον καιρον δε τουτον πως ουκ οιδατε δοκιμαζειν

Ye hypocrites, ye know how to interpret the face of the earth and the heaven; but how is it that ye know not how to interpret this time?

Orowa, nep gusu echi utara yaikota oupekap gusu shomo ko-ipishi ya?

Orowa, nep kusu eci utar yaykota owpekap kusu somo ko-ipisi ya?

τι δε και αφ εαυτων ου κρινετε το δικαιον

And why even of yourselves judge ye not what is right?

Orowa, ikineipeka, iteki e epokba guru anak ne koipishi guru otta e tak wa, nei ipishi guru anak yaku koro guru otta e ekoshi, orowa, nei yaku koro guru anak ne upakashnu chisei ta e ahunge kuni ne e epokba guru tura no sapane guru otta oman ita, ru hontomota okai rapoketa nei guru orowa no ahonnere kuni ne kara yan.

Orowa, ikineypeka, iteki e epokpa kur anakne koypisi kur or ta e tak wa, ne ipisi kur anak yaku kor kur or ta e ekosi, orowa, ne yaku kor kur anakne upakasnu cise ta e ahunke kuni ne e epokpa kur turano sapanekur or ta oman hi ta, ru hontom ta okay rapoketa ne kur oro wano a=honnere kuni ne kar yan.

ως γαρ υπαγεις μετα του αντιδικου σου επ αρχοντα εν τη οδω δος εργασιαν απηλλαχθαι [απ] απ αυτου μηποτε κατασυρη σε προς τον κριτην και ο κριτης σε παραδωσει τω πρακτορι και ο πρακτωρ σε βαλει εις φυλακην

For as thou art going with thine adversary before the magistrate, on the way give diligence to be quit of him; lest haply he hale thee unto the judge, and the judge shall deliver thee to the officer, and the officer shall cast thee into prison.

Son no e otta Ku ye, shine reptos pakno an ambe ne yakka obitta shomo e sange pakno, nei wano oara e soine shomoki kusu ne na.

Sonno e or ta Ku=ye, sine reptos pakno an anpe ne yakka opitta somo e sanke pakno, ne wano oar e soyne somo ki kusu ne na.

λεγω σοι ου μη εξελθης εκειθεν εως και το εσχατον λεπτον αποδως

I say unto thee, Thou shalt by no means come out thence, till thou have paid the very last mite.