11 Ik. leaf 435

Yakun, tambe ku ye :— Kamui anak ne koro utara osurupa nisa ruwe he an? Ara shomo. Kuani ne yakka Israeru un guru ku ne, Abraham sanikiri ne, Benyamin iri un guru ku ne ruwe ne gusu ne na.

Yakun, tanpe ku=ye :— Kamuy anakne kor utar osurpa nisa ruwe he an? Ar somo. Kuani ne yakka Israeru un kur ku ne, Abraham sanikiri ne, Benyamin iri un kur ku ne ruwe ne kusu ne na.

λεγω ουν μη απωσατο ο θεος τον λαον αυτου μη γενοιτο και γαρ εγω ισραηλιτης ειμι εκ σπερματος αβρααμ φυλης βενιαμειν βενιαμιν

I say then, Did God cast off his people? God forbid. For I also am an Israelite, of the seed of Abraham, of the tribe of Benjamin.

Kamui anak ne etoko wano eraman koro utara shomo osurupa nisa ruwe ne na. Shui, Ericha kambi kata aye itak echi erampeutek ruwe he an? Shinuma Kamui otta Israeru utara eiyonnuppa ki :—

Kamuy anakne etoko wano eraman kor utar somo osurpa nisa ruwe ne na. Suy, Erica kampi kata a=ye itak eci=eranpewtek ruwe he an? Sinuma Kamuy or ta Israeru utar eiyonnuppa ki :—

ουκ απωσατο ο θεος τον λαον αυτου ον προεγνω η ουκ οιδατε εν ηλια τι λεγει η γραφη ως εντυγχανει τω θεω κατα του ισραηλ

God did not cast off his people which he foreknew. Or wot ye not what the scripture saith of Elijah? how he pleadeth with God against Israel,

Utarapa, nei utara anak ne E koro uweingara utara ronnu hemhem ki, E koro yange set ouri-hokushte hemhem ki nisa: orowa, kuani shinen ne po an, aige, ku ramat uk kuni hunara shiriki.

Utarpa, ne utar anakne E=kor ueinkar utar ronnu hemhem ki, E=kor yanke set owri-hokuste hemhem ki nisa: orowa, kuani sinen ne po an, ayke, ku=ramat uk kuni hunara siriki.

κυριε τους προφητας σου απεκτειναν τα θυσιαστηρια σου κατεσκαψαν καγω υπελειφθην μονος και ζητουσιν την ψυχην μου

Lord, they have killed thy prophets, they have digged down thine altars: and I am left alone, and they seek my life.

Koroka, shinuma orun Kamui ese-itak nekon a? Baaru orun kokka-komo shomoki utara arawan sen nin ne ainu Kuani yaikota gusu ku are nisa ruwe ne.

Korka, sinuma orun Kamuy ese-itak nekona? Baaru orun kokka-komo somo ki utar arwan sen nin ne aynu Kuani yaykota kusu ku=are nisa ruwe ne.

αλλα τι λεγει αυτω ο χρηματισμος κατελιπον εμαυτω επτακισχιλιους ανδρας οιτινες ουκ εκαμψαν γονυ τη βααλ

But what saith the answer of God unto him? I have left for myself seven thousand men, who have not bowed the knee to Baal.

Tambe gusu, tane ne yakka, irenga gusu an anumge-hi nei no, sereke an ruwe ne na.

Tanpe kusu, tane ne yakka, irenka kusu an a=numke hi néno, serke an ruwe ne na.

ουτως ουν και εν τω νυν καιρω λειμμα κατ εκλογην χαριτος γεγονεν

Even so then at this present time also there is a remnant according to the election of grace.

Orowa, irenga gusu ne chiki tane Iri ikip ankushkeraipo shomo ne: shomo ne yakun, irenga anak ne tane irenga shomo ne na.

Orowa, irenka kusu ne ciki tane Iri iki p an kuskeraypo somo ne: somo ne yakun, irenka anakne tane irenka somo ne na.

ει δε χαριτι ουκετι εξ εργων επει η χαρις ουκετι γινεται χαρις

But if it is by grace, it is no more of works: otherwise grace is no more grace.

Yakun, nekon a? Israeru hunarape shomo shinuma koro: koroka, anumgep nei ambe kon nisa ruwe ne, aige, moshima okai utara anak ne anishtere nisa ruwe ne na:

Yakun, nekona? Israeru hunarape somo sinuma kor: korka, anumkep ne anpe kor nisa ruwe ne, ayke, mosma okay utar anakne a=nistere nisa ruwe ne na:

τι ουν ο επιζητει ισραηλ τουτο ουκ επετυχεν η δε εκλογη επετυχεν οι δε λοιποι επωρωθησαν

What then? That which Israel seeketh for, that he obtained not; but the election obtained it, and the rest were hardened:

chieshinnuye wa an korachi ne :— Kamui anak ne nei utara otta rene ramat hene, shomo nukara kuni shikihi hene, shomo nu kuni kisara hene tane an toho pakno koropare nisa ruwe ne.

ciesinnuye wa an koraci ne :— Kamuy anakne ne utar or ta ren ramat hene, somo nukar kuni sikihi hene, somo nu kuni kisara hene tane an toho pakno korpare nisa ruwe ne.

καθαπερ καθως γεγραπται εδωκεν αυτοις ο θεος πνευμα κατανυξεως οφθαλμους του μη βλεπειν και ωτα του μη ακουειν εως της σημερον ημερας

according as it is written, God gave them a spirit of stupor, eyes that they should not see, and ears that they should not hear, unto this very day.

Orowa, Dabid ene itak-hi :— Nei utara koro set kutek newa akbe newa

Orowa, Dabid ene itak hi :— Ne utar kor set kutek newa akpe newa

και δαυιδ λεγει γενηθητω η τραπεζα αυτων εις παγιδα και εις θηραν και εις σκανδαλον και εις ανταποδομα αυτοις

And David saith, Let their table be made a snare, and a trap, And a stumblingblock, and a recompense unto them:

Ureepetchiure kunip ne akara, orowa, gusu iwayehe ne akara; Iteki nukara kuni ne koro shikihi kunnere, Orowa, ramma koro seturu hotkure wa en kore.

ureepetciwre kunip ne a=kar, orowa, kusu iwayehe ne a=kar; Iteki nukar kuni ne kor sikihi kunnere, Orowa, ramma kor seturu hotkure wa en=kore.

σκοτισθητωσαν οι οφθαλμοι αυτων του μη βλεπειν και τον νωτον αυτων δια παντος συγκαμψον

Let their eyes be darkened, that they may not see, And bow thou down their back alway.

Tambe gusu ku ye-hi :— Nei utara anak ne hachiripa kuni ne epetchiu nisa ruwe he an? Ara shomo: koroka, aeyaitunnapte kuni gusu, nei utara hachiripa ambe ankushkerai Oya un utara orun kashiobiuki-hi an ruwe ne.

Tanpe kusu ku=ye hi :— Ne utar anakne haciripa kuni ne epetciw nisa ruwe he an? Ar somo: korka, aeyaytunnapte kuni kusu, ne utar haciripa anpe an kuskeray Oya un utar orun kasiopiwki hi an ruwe ne.

λεγω ουν μη επταισαν ινα πεσωσιν μη γενοιτο αλλα τω αυτων παραπτωματι η σωτηρια τοις εθνεσιν εις το παραζηλωσαι αυτους

I say then, Did they stumble that they might fall? God forbid: but by their fall salvation [is come ]unto the Gentiles, for to provoke them to jealousy.

Aige, nei utara eikohaye ambe anak ne moshiri oteknure ambe ne chiki, orowa, nei utara so no ki-hi anak Oya un utara oteknure ambe ne a chiki; naa kasu no hembak pakno nei utara aeupakte-hi?

Ayke, ne utar eykohaye anpe anakne mosir oteknure anpe ne ciki, orowa, ne utar so no ki hi anak Oya un utar oteknure anpe ne a ciki; naa kasuno henpak pakno ne utar aewpakte hi?

ει δε το παραπτωμα αυτων πλουτος κοσμου και το ηττημα αυτων πλουτος εθνων ποσω μαλλον το πληρωμα αυτων

Now if their fall is the riches of the world, and their loss the riches of the Gentiles; how much more their fulness?

Koroka, Oya un echi utara otta ku itak. Kuani anak ne Oya un utara gusu an Apostoro ku ne a gusu, otta aeyaishieiwangere-hi ku pasere ruwe ne:

Korka, Oya un eci utar or ta ku=itak. Kuani anakne Oya un utar kusu an Apostoro ku ne a kusu, or ta aeyaysieywankere hi ku=pasere ruwe ne:

υμιν δε λεγω τοις εθνεσιν εφ οσον μεν ουν ειμι εγω εθνων αποστολος την διακονιαν μου δοξαζω

But I speak to you that are Gentiles. Inasmuch then as I am an apostle of Gentiles, I glorify my ministry:

nei uni poka, nekon a ka kam gusu ku iri utara aeyaitunnapte hine sereke utara kashiobiuki kuni gusu ne na.

ne uni poka, nekona ka kam kusu ku=iri utar aeyaytunnapte hine serke utar kasiopiwki kuni kusu ne na.

ει πως παραζηλωσω μου την σαρκα και σωσω τινας εξ αυτων

if by any means I may provoke to jealousy [them that are ]my flesh, and may save some of them.

Inambe gusu ne yakun, nei utara aosurupa ambe anak ne moshiri aeramuritenka nep ne chiki, nei utara ahupkara ambe anak, rai orowa no an inotu moshima, nekon a ambe ne ya?

Inanpe kusu ne yakun, ne utar a=osurpa anpe anakne mosir aeramuritenka nep ne ciki, ne utar ahupkar anpe anak, ray oro wano an inotu mosma, nekona anpe ne ya?

ει γαρ η αποβολη αυτων καταλλαγη κοσμου τις η προσλημψις ει μη ζωη εκ νεκρων

For if the casting away of them [is ]the reconciling of the world, what [shall ]the receiving [of them be], but life from the dead?

Orowa, nei aro-ibehe ashkanne chiki, epunipushpe ne yakka ashkanne ruwe ne: orowa, shinrit ashkanne ne chiki,

Orowa, ne a=ro-ipehe askanne ciki, epunipuspe ne yakka askanne ruwe ne: orowa, sinrit askanne ne ciki,

ει δε η απαρχη αγια και το φυραμα και ει η ριζα αγια και οι κλαδοι

And if the firstfruit is holy, so is the lump: and if the root is holy, so are the branches.

awehe ne yakka ne ruwe ne na. Koroka, okai sereke awehe okayepa hine, aige, nupuri ta an kanran chikuni ne aokai anak ne nei uturuta aukonishishkere wa tura no nei kanran gusu an shinrit oma mimi echi koro yakun;

awehe ne yakka ne ruwe ne na. Korka, okay serke awehe okayepa hine, ayke, nupuri ta an kan ran cikuni ne aokay anakne ne utur ta awkonisiskere wa turano ne kan ran kusu an sinrit oma mimi eci=kor yakun;

ει δε τινες των κλαδων εξεκλασθησαν συ δε αγριελαιος ων ενεκεντρισθης εν αυτοις και συγκοινωνος της ριζης της πιοτητος της ελαιας εγενου

But if some of the branches were broken off, and thou, being a wild olive, wast grafted in among them, and didst become partaker with them of the root of the fatness of the olive tree;

nei awehe gusu iteki yaiomonnure yan: koroka, e yaiomonnure chiki, aokai anak ne shinrit sei shomoki, koroka, shinrit anak ne e sei ruwe ne.

ne awehe kusu iteki yayomonnure yan: korka, e yayomonnure ciki, aokay anakne sinrit sey somo ki, korka, sinrit anakne e sey ruwe ne.

μη κατακαυχω των κλαδων ει δε κατακαυχασαι ου συ την ριζαν βασταζεις αλλα η ριζα σε

glory not over the branches: but if thou gloriest, it is not thou that bearest the root, but the root thee.

Kuani aukonishishkere kuni gusu, nei awehe okayepa nisa ruwe ne, ani e ye kusu ne ya?

Kuani awkonisiskere kuni kusu, ne awehe okayepa nisa ruwe ne, ani e ye kusu ne ya?

ερεις ουν εξεκλασθησαν κλαδοι ινα εγω εγκεντρισθω

Thou wilt say then, Branches were broken off, that I might be grafted in.

Pirika, nei utara eumbipka gusu okayepa nisa ruwe ne, orowa, aokai anak ne eishokor-i gusu ash shiriki ruwe ne.

Pirka, ne utar eunpipka kusu okayepa nisa ruwe ne, orowa, aokay anakne eysokor hi kusu as siriki ruwe ne.

καλως τη απιστια εξεκλασθησαν συ δε τη πιστει εστηκας μη υψηλα φρονει αλλα φοβου

Well; by their unbelief they were broken off, and thou standest by thy faith. Be not highminded, but fear:

Iteki yaiesanniyorire, koroka, ishitoma yan: inambe gusu ne yakun, Kamui anak ne nei rengaine gusu hetuku kuni awehe shihopinupka shomoki chiki, shui, aokai ne yakka aeshihopinupka shomoki kusu ne na.

Iteki yayesanniyorire, korka, isitoma yan: inanpe kusu ne yakun, Kamuy anakne ne renkayne kusu hetuku kuni awehe sihopinupka somo ki ciki, suy, aokay ne yakka aesihopinupka somo ki kusu ne na.

ει γαρ ο θεος των κατα φυσιν κλαδων ουκ εφεισατο [μη πως] ουδε σου φεισεται

for if God spared not the natural branches, neither will he spare thee.

Tambe gusu, Kamui pirika irenga newa yupke irenga ingara: hachiripa utara epeka, yupke irenga; koroka, aokai epeka, Shinuma sange pirikap otta e an chiki, Kamui pirika irenga an na: shomo ne chiki aokai aotuye kusu ne na.

Tanpe kusu, Kamuy pirka irenka newa yupke irenka inkar: haciripa utar epeka, yupke irenka; korka, aokay epeka, Sinuma sanke pirka p or ta e an ciki, Kamuy pirka irenka an na: somo ne ciki aokay a=otuye kusu ne na.

ιδε ουν χρηστοτητα και αποτομιαν θεου επι μεν τους πεσοντας αποτομια επι δε σε χρηστοτης θεου εαν επιμενης τη χρηστοτητι επει και συ εκκοπηση

Behold then the goodness and severity of God: toward them that fell, severity; but toward thee, God’s goodness, if thou continue in his goodness: otherwise thou also shalt be cut off.

Orowa, nei utara ne yakka, naa shomo eumbipka shik shiriki chiki, aukonishishkere kusu ne: Kamui anak ne shui nei utara ukonishishke eashkai ruwe ne gusu ne na.

Orowa, ne utar ne yakka, naa somo eunpipka sik siriki ciki, awkonisiskere kusu ne: Kamuy anakne suy ne utar ukonisiske easkay ruwe ne kusu ne na.

κακεινοι δε εαν μη επιμενωσιν τη απιστια εγκεντρισθησονται δυνατος γαρ εστιν ο θεος παλιν εγκεντρισαι αυτους

And they also, if they continue not in their unbelief, shall be grafted in: for God is able to graft them in again.

Inambe gusu ne yakun, rengaine an buri gusu nupuri un kanran chikuni orowa no aotuye, aige, gusu shomo rengaine an kunip an no pirika kanran chikuni otta e aukonishishkere chiki: hemanda naa kasu no tan rengaine gusu an ap yaikota koro kanran chikuni otta aukonishishkere shomoki ya?

Inanpe kusu ne yakun, renkayne an puri kusu nupuri un kan ran cikuni oro wano a=otuye, ayke, kusu somo renkayne an kunip an no pirka kan ran cikuni or ta e awkonisiskere ciki: hemanta naa kasuno tan renkayne kusu an ap yaykota kor kan ran cikuni or ta awkonisiskere somo ki ya?

ει γαρ συ εκ της κατα φυσιν εξεκοπης αγριελαιου και παρα φυσιν ενεκεντρισθης εις καλλιελαιον ποσω μαλλον ουτοι οι κατα φυσιν εγκεντρισθησονται τη ιδια ελαια

For if thou wast cut out of that which is by nature a wild olive tree, and wast grafted contrary to nature into a good olive tree: how much more shall these, which are the natural [branches], be grafted into their own olive tree?

Iriwak utara, ika yaikota gusu echi yaikowayashnure kuni gusu tan anuinap aerampeutek kuni ku kopan, Oya un aahupte utara aeramushinnere pakno Israeru un sereke utara ana kne aenishtere ruwe ne;

Irwak utar, ika yaykota kusu eci yaykowayasnure kuni kusu tan anuynap a=eranpewtek kuni ku=kopan, Oya un a=ahupte utar aeramusinnere pakno Israeru un serke utar an kne aenistere ruwe ne;

ου γαρ θελω υμας αγνοειν αδελφοι το μυστηριον τουτο ινα μη ητε εν [παρ] εαυτοις φρονιμοι οτι πωρωσις απο μερους τω ισραηλ γεγονεν αχρι ου το πληρωμα των εθνων εισελθη

For I would not, brethren, have you ignorant of this mystery, lest ye be wise in your own conceits, that a hardening in part hath befallen Israel, until the fulness of the Gentiles be come in;

orowa, Israeru un utara obitta kashiaobiuki kusu ne: ene chieshinnuye wa an korachi ne :— Zion orowa no Kashiobiukip ek kusu ne; Shinuma anak ne Yakob orowa no shomo Kamui kooripak ambe shishire kusu ne

orowa, Israeru un utar opitta kasiaopiwki kusu ne: ene ciesinnuye wa an koraci ne :— Zion oro wano Kashiobiukip ek kusu ne; Sinuma anakne Yakob oro wano somo Kamuy kooripak anpe sisire kusu ne

και ουτως πας ισραηλ σωθησεται καθως γεγραπται ηξει εκ σιων ο ρυομενος αποστρεψει ασεβειας απο ιακωβ

and so all Israel shall be saved: even as it is written, There shall come out of Zion the Deliverer; He shall turn away ungodliness from Jacob:

Orowa, nei utara koro katpak ku isamka ita, Tambe anak ku ki aeuitaknup ne ruwe ne na,

Orowa, ne utar kor katpak ku=isamka hi ta, Tanpe anak ku=ki aewitaknup ne ruwe ne na,

και αυτη αυτοις η παρ εμου διαθηκη οταν αφελωμαι τας αμαρτιας αυτων

And this is my covenant unto them, When I shall take away their sins.

Pirika Shongo gusu, nei utara anak ne echi utara gusu epokba utara ne: koroka, anumge-hi gusu, ekashi utara ankushkerai aomap wa okai ruwe ne.

Pirka Sonko kusu, ne utar anakne eci utar kusu epokpa utar ne: korka, a=numke hi kusu, ekasi utar an kuskeray a=omap wa okay ruwe ne.

κατα μεν το ευαγγελιον εχθροι δι υμας κατα δε την εκλογην αγαπητοι δια τους πατερας

As touching the gospel, they are enemies for your sake: but as touching the election, they are beloved for the fathers’ sake.

Kamui eikrap newa konishuk ambe anak ne aeyaikokatpakbe shomo ne ruwe ne gusu ne na.

Kamuy eikrap newa konisuk anpe anakne aeyaykokatpakpe somo ne ruwe ne kusu ne na.

αμεταμελητα γαρ τα χαρισματα και η κλησις του θεου

For the gifts and the calling of God are without repentance.

Inambe gusu ne yakun, teeda echi utara anak ne Kamui koitakkashi korachi, koroka, tane nei utara itakkashi ambe gusu erampokiwen wa akore nei no,

Inanpe kusu ne yakun, teeta eci utar anakne Kamuy koytakkasi koraci, korka, tane ne utar itakkasi anpe kusu eranpokiwen wa a=kore néno,

ωσπερ γαρ υμεις ποτε ηπειθησατε τω θεω νυν δε ηλεηθητε τη τουτων απειθεια

For as ye in time past were disobedient to God, but now have obtained mercy by their disobedience,

tambe nei no echi aerampokiwen wa akore ankushkerai gusu nei utara ne yakka aerampokiwen wa akore gusu, tane itakkashi ne yakka ki nisa ruwe ne.

tanpe néno eci=a=eranpokiwen wa a=kore an kuskeray kusu ne utar ne yakka a=eranpokiwen wa a=kore kusu, tane itakkasi ne yakka ki nisa ruwe ne.

ουτως και ουτοι νυν ηπειθησαν τω υμετερω ελεει ινα και αυτοι νυν [νυν] ελεηθωσιν

even so have these also now been disobedient, that by the mercy shewn to you they also may now obtain mercy.

Kamui anak ne obitta no okai utara itakkashi utara ne sekoro esanniyo nisa, tambe anak obitta no okai utara korampokiwen wa kore kuni gusu an ambe ne ruwe ne na.

Kamuy anakne opittano okay utar itakkasi utar ne sekor esanniyo nisa, tanpe anak opittano okay utar koranpokiwen wa kore kuni kusu an anpe ne ruwe ne na.

συνεκλεισεν γαρ ο θεος τους παντας εις απειθειαν ινα τους παντας ελεηση

For God hath shut up all unto disobedience, that he might have mercy upon all.

Aa Kamui aeoteknu an wayashnu ambe newa eramushbe ooho ambe! Shinuma esanniyop hemanda aehunara eaikapbe, Shinuma ruhu nep chimichimi

Aa Kamuy aeoteknu an wayasnu anpe newa eramuspe ooho anpe! Sinuma esanniyop hemanta a=ehunara eaykap pe, Sinuma ruhu nep cimicimi

ω βαθος πλουτου και σοφιας και γνωσεως θεου ως ανεξεραυνητα τα κριματα αυτου και ανεξιχνιαστοι αι οδοι αυτου

O the depth of the riches both of the wisdom and the knowledge of God! how unsearchable are his judgments, and his ways past tracing out!

eramu eaikap kashpap humi! Utarapa keutum eramu an guru nen ne ruwe?

eramu eaykap kaspa p humi! Utarpa kewtum eramuan kur nen ne ruwe?

τις γαρ εγνω νουν κυριου η τις συμβουλος αυτου εγενετο

For who hath known the mind of the Lord? or who hath been his counsellor?

Shinuma tura eukoramkoro guru hunna ruwe he an? Shui, hunna hoshiki no Shinuma orun kore, aine, otta aeyaiyattasa guru nen ne ruwe?

Sinuma tura e=wkoramkor kur hunna ruwe he an? Suy, hunna hoskino Sinuma orun kore, ayne, or ta aeyaiyattasa kur nen ne ruwe?

η τις προεδωκεν αυτω και ανταποδοθησεται αυτω

or who hath first given to him, and it shall be recompensed unto him again?

Inambe gusu ne yakun, Shinuma orowa, Shinuma gusu, Shinuma otta obitta no okaibe okai ruwe ne na. Otusashuishiri pakno ne yakka Shinuma otta arakuru an na. Amen.

Inanpe kusu ne yakun, Sinuma orowa, Sinuma kusu, Sinuma or ta opittano okaype okay ruwe ne na. Otu sasuysir pakno ne yakka Sinuma or ta a=rakur an na. Amen.

οτι εξ αυτου και δι αυτου και εις αυτον τα παντα αυτω η δοξα εις τους αιωνας αμην

For of him, and through him, and unto him, are all things. To him [be ]the glory for ever. Amen.