Apostoro ne kuni gusu anishuk, Kamui pirika shongo gusu shinnai no aande, Yesu Kiristo koro usshuine guru ne Pauros:

apostoro ne kuni kusu a=nisuk, Kamuy pirka sonko kusu sinnayno an=te, Yesu Kiristo kor ussuyne kur ne Pawros:

キリスト・イエスの僕、神の福音のために選び出され、召されて使徒となったパウロから、――

Etoko wano koro uweingara utara ani ashkanne kambi kata nei pirika shongo an wa koro Poho gusu Shinuma eitakamkire nisa:

Etoko wano kor uweynkara utar ani askanne kampi ka ta ne pirka sonko an wa kor Poho kusu Sinuma eytakamkire nisa:

この福音は、神が既に聖書の中で預言者を通して約束されたもので、

nei Poho kam gusu Dabid sanikire ne akara, rai-i orowa no hetopo-a-shiknure-hi gusu,

ne Poho kam kusu Dabid sanikire ne a=kar, ray hi orowano hetopo-a-siknure hi kusu,

御子に関するものです。御子は、肉によればダビデの子孫から生まれ、

mondum koro Kamui Poho ne ani aesanniyo;

montum kor Kamuy Poho ne ani a=esanniyo;

聖なる霊によれば、死者の中からの復活によって力ある神の子と定められたのです。この方が、わたしたちの主イエス・キリストです。

Chikoro Utarapa ne Yesu Kiristo ne; Shinuma ani irenga newa Apostoro ne kuni mondum a un koropare nisa, tambe anak shinuma kon reihei rengap gusu obitta no okai moshiri uirup tumugeta eishokor-i oma itaknu ambe akire kuni ambe ne:

Ci=kor Utarpa ne Yesu Kiristo ne; Sinuma ani irenka ne wa Apostoro ne kuni montum a un korpare nisa, tanpe anak sinuma kor rehe renkap kusu opittano okay mosir uyrup tumke ta eysokor hi oma itak nu anpe a=kir kuni anpe ne:

わたしたちはこの方により、その御名を広めてすべての異邦人を信仰による従順へと導くために、恵みを受けて使徒とされました。

echi utara ne yakka nei utara tumugeta okai hine Yesu Kiristo koro ahotuyepakara utara echi ne:

eci utar ne yakka ne utar tumke ta okay hine Yesu Kiristo kor ahotuyepakara utar eci ne:

この異邦人の中に、イエス・キリストのものとなるように召されたあなたがたもいるのです。――

Roma kotan ta obitta no okai Kamui orowa no aomap an utara, ashkanne utara ne kuni gusu akonishuk utara otta: echi utara otta chikoro Michi ne Kamui newa Utarapa ne Yesu Kiristo orowa no irenga newa itomo an na.

Roma kotan ta opittano okay Kamuy orowano a=omap an utar, askanne utar ne kuni kusu akonisuk utar or ta: eci utar or ta ci=kor Mici ne Kamuy ne wa Utarpa ne Yesu Kiristo orowano irenka ne wa i=tom an na.

神に愛され、召されて聖なる者となったローマの人たち一同へ。わたしたちの父である神と主イエス・キリストからの恵みと平和が、あなたがたにあるように。

Hoshiki no anak obitta no okai echi utara gusu Yesu Kiristo ani ku koro Kamui orun ku koyaiiraige na; echi koro eishokor-i moshirʼebitta assuru-a-ashte wa an ruwe ne gusu ne na.

Hoskino anak opittano okay eci utar kusu Yesu Kiristo ani ku kor Kamuy or un ku koyayirayke na; eci kor eysokor hi mosir epitta assuru-a-aste wa an ruwe ne kusu ne na.

まず初めに、イエス・キリストを通して、あなたがた一同についてわたしの神に感謝します。あなたがたの信仰が全世界に言い伝えられているからです。

Aige, koro Poho gusu an pirika shongo oshiketa, keutum ani otta ku yaishieiwangere Kamui anak ne, shiokere shomoki no echi eshkarun ruwe ne sekoro en gusu ikokanu wa an ruwe ne; hembara ne yakka inonno-itak ku ki wa,

Ayke, kor Poho kusu an pirka sonko oske ta, kewtum ani or ta ku yaysieywankere Kamuy anakne, siokere somo ki no eci eskarun ruwe ne sekor en kusu ikokanu wa an ruwe ne; henpara ne yakka inonno-itak ku ki wa,

わたしは、御子の福音を宣べ伝えながら心から神に仕えています。その神が証ししてくださることですが、わたしは、祈るときにはいつもあなたがたのことを思い起こし、

nekon a ka, tane an aine, Kamui rengaine echi orun a en arapare kuni gusu ku koramkoro.

nekona ka, tane an ayne, Kamuy renkayne eci or un a en arpare kuni kusu ku koramkor.

何とかしていつかは神の御心によってあなたがたのところへ行ける機会があるように、願っています。

Inambe gusu ne yakun, echi utara aashtere gusu, nepka ramat oma eikrap echi kore ash kuni ne, kuani echi nukara kuni ku eyaikatekara ruwe ne;

Inanpe kusu ne yakun, eci utar aastere kusu, nep ka ramat oma eykrap eci kore as kuni ne, kuani eci nukar kuni ku eyaykatekar ruwe ne;

あなたがたにぜひ会いたいのは、“霊”の賜物をいくらかでも分け与えて、力になりたいからです。

nei ambe anak ne echi tura no ku an wa echi korobe ne yakka ku korobe ne yakka uko-iki eishokor-i ani tura no aomaoma kuni gusu an ap ne ruwe ne.

ne anpe anakne eci turano ku an wa eci kor pe ne yakka ku kor pe ne yakka uko-iki eysokor hi ani turano a=omaoma kuni kusu an ap ne ruwe ne.

あなたがたのところで、あなたがたとわたしが互いに持っている信仰によって、励まし合いたいのです。

Orowa, iriwak utara, moshima okai oya uirup utara tumugeta an nei no echi tumugeta ne yakka ibehe ku koro kuni ne, kanna-kanna echi orun ku arapa kuni ku esanniyo a-hi echi onnere shomoki ambe ku kopan (koroka tane pakno shinnetush nisa ruwe ne na).

Orowa, irwak utar, mosma okay oya uyrup utar tumke ta an ne no eci tumke ta ne yakka ipehe ku kor kuni ne, kanna-kanna eci or un ku arpa kuni ku esanniyo a hi eci onnere somo ki anpe ku kopan (korka tane pakno sinnetus nisa ruwe ne na).

兄弟たち、ぜひ知ってもらいたい。ほかの異邦人のところと同じく、あなたがたのところでも何か実りを得たいと望んで、何回もそちらに行こうと企てながら、今日まで妨げられているのです。

Kuani Herenes un utara gusu ne yakka, Oya un utara gusu ne yakka, wayashnu utara gusu ne yakka, wayasap utara gusu ne yakka,

Kuani Herenes un utar kusu ne yakka, Oya un utar kusu ne yakka, wayasnu utar kusu ne yakka, wayasap utar kusu ne yakka,

わたしは、ギリシア人にも未開の人にも、知恵のある人にもない人にも、果たすべき責任があります。

shose koro gusu ku ne ruwe ne. Tambe gusu, shiarikiki no echi utara otta, Roma kotan ta okai utara otta poka pirika shongo eupaskuma ki kuni ku shipini wa an ruwe ne na.

sos kor kusu ku ne ruwe ne. Tanpe kusu, siarikiki no eci utar or ta, Roma kotan ta okay utar or ta poka pirka sonko ewpaskuma ki kuni ku sipini wa an ruwe ne na.

それで、ローマにいるあなたがたにも、ぜひ福音を告げ知らせたいのです。

Kuani anak ne pirika shongo gusu shomo yainikoroshma ruwe ne: inambe gusu ne yakun, nei ambe anak ne hoshiki no Yudea un guru gusu ne yakka, Herenes un guru gusu ne yakka, orowa, pishno pishno okai eishokoro guru gusu ne yakka kashiobiuki kuni gusu an Kamui kiroro ne ruwe ne gusu ne na.

Kuani anakne pirka sonko kusu somo yaynikorosma ruwe ne: inanpe kusu ne yakun, ne anpe anakne hoskino Yudea un kur kusu ne yakka, Herenes un kur kusu ne yakka, orowa, pisno pisno okay eysokor kur kusu ne yakka kasiopiwki kuni kusu an Kamuy kiror ne ruwe ne kusu ne na.

わたしは福音を恥としない。福音は、ユダヤ人をはじめ、ギリシア人にも、信じる者すべてに救いをもたらす神の力だからです。

Nei oshiketa eishokor-i wano eishokor-i pakno Kamui oupeka-hi aekambakte wa an ruwe ne: ene chieshinnuye wa an korachi ne :— Koroka, oupeka utara anak ne eishokor-i atte gusu ishu kusu ne gusu ne na.

Ne oske ta eysokor hi wano eysokor hi pakno Kamuy owpeka hi aekanpakte wa an ruwe ne: ene ciesinnuye wa an koraci ne :— Korka, owpeka utar anakne eysokor hi atte kusu i=su kusu ne kusu ne na.

福音には、神の義が啓示されていますが、それは、初めから終わりまで信仰を通して実現されるのです。「正しい者は信仰によって生きる」と書いてあるとおりです。

Oupeka sak wa sonep shirikonumba wa okai utara koro obitta no okai Kamui koatcha ambe newa oupeka sak-i gusu, Kamui irushka-hi kando orowa no aekambak wa an;

Owpeka sak wa sonep sirikonunpa wa okay utar kor opittano okay Kamuy koacca anpe ne wa owpeka sak hi kusu, Kamuy iruska hi kanto orowano aekanpak wa an;

不義によって真理の働きを妨げる人間のあらゆる不信心と不義に対して、神は天から怒りを現されます。

inambe gusu ne yakun, Kamui gusu aonnere kuni eashkaibe anak ne nei utara oshiketa anukara wa an; Kamui anak nei utara otta nukare nisa ruwe ne gusu ne na.

inanpe kusu ne yakun, Kamuy kusu a=onnere kuni easkay pe anakne ne utar oske ta a=nukar wa an; Kamuy anakne utar or ta nukare nisa ruwe ne kusu ne na.

なぜなら、神について知りうる事柄は、彼らにも明らかだからです。神がそれを示されたのです。

Inambe gusu ne yakun, moshiri akara orowa no an Shinuma koro anukara eaikapbe anak ne irammakaka anukara wa okai, akara wa an okaibe gusu aeramu ambe ne ruwe ne gusu ne na; Shinuma koro otusashuishiri pakno an kiroro newa Kamui-oibe ne; tambe gusu, ne i utara gusu yayapapu ki eashkai gusu an ushike ka isam ruwe ne:

Inanpe kusu ne yakun, mosir a=kar orowano an Sinuma kor a=nukar eaykap pe anakne irammakaka a=nukar wa okay, a=kar wa an okay pe kusu a=ermu anpe ne ruwe ne kusu ne na; Sinuma kor otu sasuysir pakno an kiror ne wa Kamuy-oype ne; tanpe kusu, ne i utar kusu yayapapu ki easkay kusu an uske ka isam ruwe ne:

世界が造られたときから、目に見えない神の性質、つまり神の永遠の力と神性は被造物に現れており、これを通して神を知ることができます。従って、彼らには弁解の余地がありません。

nei utara anak ne Kamui eraman hine Kamui otta aki kuni korachi shomo kooripak, shomo koyaiiraige nisa; koroka, raka sak no an ramepakari ki, aige, koro ramu-isam sambe akunnere nisa ruwe ne.

ne utar anakne Kamuy eraman hine Kamuy or ta aki kuni koraci somo kooripak, somo koyayirayke nisa; korka, raka sak no an ramepakari ki, ayke, kor ramu-isam sanpe akunnere nisa ruwe ne.

なぜなら、神を知りながら、神としてあがめることも感謝することもせず、かえって、むなしい思いにふけり、心が鈍く暗くなったからです。

Wayashnu utara ne sekoro yaikota gusu ye wa, oibe-sakbe ne, aige, munin eaikap Kamui koro nupeki itasare wa munin kuni ainu hene,

Wayasnu utar ne sekor yaykota kusu ye wa, oype-sak pe ne, ayke, munin eaykap Kamuy kor nupeki itasare wa munin kuni aynu hene,

自分では知恵があると吹聴しながら愚かになり、

chikap hene, ine chikiri koro chikoikip hene, honoyanoya wa payep hene koro nokaha un katuhu ne kan nisa ruwe ne na.

cikap hene, ine cikiri kor cikoykip hene, honoyanoya wa payep hene kor nokaha un katuhu ne kan nisa ruwe ne na.

滅びることのない神の栄光を、滅び去る人間や鳥や獣や這うものなどに似せた像と取り替えたのです。

Tambe gusu, Kamui anak ne nei utara koro keutum ta okai kon rusuibe gusu ichakkere ambe otta ekoshi nisa, kon netobake uwetashpa akoatcha kuni gusu ne na:

Tanpe kusu, Kamuy anakne ne utar kor kewtum ta okay kor rusuy pe kusu icakkere anpe or ta ekosi nisa, kor netopake uwetaspa akoacca kuni kusu ne na:

そこで神は、彼らが心の欲望によって不潔なことをするにまかせられ、そのため、彼らは互いにその体を辱めました。

nei utara anak ne koro shunge ani Kamui sonep itasare hene, okaibe kara Kamui shirine akarabe koongami hene ki, otta yaishieiwangere hene ki nisa ruwe ne gusu ne na; Shinuma anak ne otusashuishiri pakno anunukep ne ruwe ne. Amen.

ne utar anakne kor sunke ani Kamuy sonep itasare hene, okay pe kar Kamuy siri ne a=karpe koonkami hene ki, or ta yaysieywankere hene ki nisa ruwe ne kusu ne na; Sinuma anakne otu sasuysir pakno anunukep ne ruwe ne. Amen.

神の真理を偽りに替え、造り主の代わりに造られた物を拝んでこれに仕えたのです。造り主こそ、永遠にほめたたえられるべき方です、アーメン。

Tapan ikkewehe an gusu Kamui anak ne akoatcha ambe ki rusui keutum otta nei utara ekoshi nisa: inambe gusu ne yakun, koro matne utara anak ne gusu aki kuni an buri itasare hine aki kuni shomo ne an buri koro:

Tapan ikkewehe an kusu Kamuy anakne akoacca anpe ki rusuy kewtum or ta ne utar ekosi nisa: inanpe kusu ne yakun, kor matne utar anakne kusu aki kuni an puri itasare hine aki kuni somo ne an puri kor:

それで、神は彼らを恥ずべき情欲にまかせられました。女は自然の関係を自然にもとるものに変え、

orowa shui, okkai utara ne yakka, matnep gusu ki kuni buri ande wa uorun wen-buri ki rusui sambe paraparasere nisa, okkai anak okkai orun shomo yaikatanu ambe kara, aige, yaikota oshiketa koro ohaita buri gusu an pummaha uina nisa ruwe ne na.

orowa suy, okkay utar ne yakka, matnep kusu ki kuni puri ante wa uorun wen-puri ki rusuy sanpe paraparasere nisa, okkay anak okkay or un somo yaykatanu anpe kar, ayke, yaykota oske ta kor ohay ta puri kusu an pummaha uyna nisa ruwe ne na.

同じく男も、女との自然の関係を捨てて、互いに情欲を燃やし、男どうしで恥ずべきことを行い、その迷った行いの当然の報いを身に受けています。

Orowa, nei utara anak ne koro keutum ta Kamui ramepakari poka kopan nisa ruwe ne gusu, aki kuni

Orowa, ne utar anakne kor kewtum ta Kamuy ramepakari poka kopan nisa ruwe ne kusu, aki kuni

彼らは神を認めようとしなかったので、神は彼らを無価値な思いに渡され、そのため、彼らはしてはならないことをするようになりました。

shomo ne ambe nei utara iki kuni ne aemaka kuni keutum otta Kamui ekoshi nisa: obitta no okai oupeka sak-i, wen-buri, yaikoshipuinere ambe newa wenbe ani aeshikte wa okai; eyaitunnap, keuk, upaore,

somo ne anpe ne utar iki kuni ne a=emaka kuni kewtum or ta Kamuy ekosi nisa: opittano okay owpeka sak hi, wen-puri, yaykosipuynere anpe ne wa wenpe ani a=esikte wa okay; eyaytunnap, kewk, upaore,

あらゆる不義、悪、むさぼり、悪意に満ち、ねたみ、殺意、不和、欺き、邪念にあふれ、陰口を言い、

kokandama newa wen-katcham ani shikno wa okai;

kokantama ne wa wen-kaccam ani sikno wa okay;

人をそしり、神を憎み、人を侮り、高慢であり、大言を吐き、悪事をたくらみ、親に逆らい、

pinu no itak utara, ohaigekara utara, Kamui etunne, shomo yaikatanu, pakesara, yaiyomonnure, wenbe oshkep, eshikop itakkashi, ramu-sakbe, ukoramkorobe otereke, omap ki keutum sak, ramu-nishte utara ne ruwe ne:

pinuno itak utar, ohaykekar utar, Kamuy etunne, somo yaykatanu, pakesara, yayyomonnure, wenpe oskep, esikop itakkasi, ramu-sak pe, ukoramkorope oterke, omap ki kewtum sak, ramu-niste utar ne ruwe ne:

無知、不誠実、無情、無慈悲です。

nei utara anak ne nei no okaibe ikichi utara araige kuni gusu an utara ne sekorʼan Kamui esanniyop eraman, aige, nei ambe ki patek shomo ne, koroka, moshima okai ikichi utara otta ramuoshma ruwe ne na.

ne utar anakne ne no okay pe ikici utar a=rayke kuni kusu an utar ne sekor an Kamuy esanniyop eraman, ayke, ne anpe ki patek somo ne, korka, mosma okay ikici utar or ta ramuosma ruwe ne na.

彼らは、このようなことを行う者が死に値するという神の定めを知っていながら、自分でそれを行うだけではなく、他人の同じ行為をも是認しています。

Tambe gusu, Ainu, Aokai gusu ne yakka inan koipishi ki guru gusu ne yakka obitta yayapapu ki eashkai ushike ka isam: inambe gusu ne yakun, aokai anak ne moshima guru koipishi chiki, yaikota katpak an sekoro yaiesanniyo ruwe ne; koipishi ki aokai anak ne nei okaibe ki ruwe ne gusu ne na.

Tanpe kusu, Aynu, Aokay kusu ne yakka inan koypisi ki kur kusu ne yakka opitta yayapapu ki easkay uske ka isam: inanpe kusu ne yakun, aokay anakne mosma kur koypisi ciki, yaykota katpak an sekor yayesanniyo ruwe ne; koypisi ki aokay anakne ne okay pe ki ruwe ne kusu ne na.

だから、すべて人を裁く者よ、弁解の余地はない。あなたは、他人を裁きながら、実は自分自身を罪に定めている。あなたも人を裁いて、同じことをしているからです。

Inambe gusu ne yakun, nei okaibe ki utara gusu Kamui koipishi-hi anak ne sonep ne ambe ne sekoro chi eraman.

Inanpe kusu ne yakun, ne okay pe ki utar kusu Kamuy koypisi hi anakne sonep ne anpe ne sekor ci eraman.

神はこのようなことを行う者を正しくお裁きになると、わたしたちは知っています。

Shui, tap okaibe ki utara koipishi, aine, yaikota nei ambe ki ainu aokai anak ne Kamui koipishi-hi eyaishishire kusu ne sekoro e esanniyo ya?

Suy, tap okay pe ki utar koypisi, ayne, yaykota ne anpe ki aynu aokay anakne Kamuy koypisi hi eyaysisire kusu ne sekor e esanniyo ya?

このようなことをする者を裁きながら、自分でも同じことをしている者よ、あなたは、神の裁きを逃れられると思うのですか。

Shui, Kamui koro pirika irenga e yaikokatpakte kunip ne sekoro e erampeutek wa, Shinuma koro pirika irenga oma aeoteknu ambe newa yaishikkashima ambe newa ramushiporore ambe newa e etunne ruwe he an?

Suy, Kamuy kor pirka irenka e yaykokatpakte kuni p ne sekor e eranpewtek wa, Sinuma kor pirka irenka oma aeoteknu anpe ne wa yaysikkasima anpe ne wa ramusiporore anpe ne wa e etunne ruwe he an?

あるいは、神の憐れみがあなたを悔い改めに導くことも知らないで、その豊かな慈愛と寛容と忍耐とを軽んじるのですか。

Koroka, e koro nishte newa shomo yaikokatpak sambe gusu, eani anak ne irushka toho newa anukare kuni Kamui oupeka koipishi toho gusu irushka-hi eumashnu koran ruwe ne;

Korka, e kor niste ne wa somo yaykokatpak sanpe kusu, eani anakne iruska toho ne wa a=nukar kuni Kamuy owpeka koypisi toho kusu iruska hi ewmasnu kor an ruwe ne;

あなたは、かたくなで心を改めようとせず、神の怒りを自分のために蓄えています。この怒りは、神が正しい裁きを行われる怒りの日に現れるでしょう。

Shinuma anak ne obitta no okai utara iki ikip an korachi pishno pishno koropare kusu ne;

Sinuma anakne opittano okay utar iki iki p an koraci pisno pisno korpare kusu ne;

神はおのおのの行いに従ってお報いになります。

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

pirka iki p kar kuni yayyupupu hine nupeki ne wa aeoripakpe ne wa somo muninpe hunara utar or ta otu sasuysir pakno no an inotu:

すなわち、忍耐強く善を行い、栄光と誉れと不滅のものを求める者には、永遠の命をお与えになり、

koroka, sakayo ki wa sonep itakkashi, aige, oupeka sakbe koitaknu utara otta,

korka, sakayo ki wa sonep itakkasi, ayke, owpeka sak pe koytaknu utar or ta,

反抗心にかられ、真理ではなく不義に従う者には、怒りと憤りをお示しになります。

irushka-i newa kinrakarape, eramchuptekbe newa yairamkoiki ambe, pishno pishno wenbe iki ainu ramat kata an, hoshiki no Yudea un guru otta, orowa,

iruska hi ne wa kinrakarape, eramcuptekpe ne wa yayramkoyki anpe, pisno pisno wenpe iki aynu ramat ka ta an, hoskino Yudea un kur or ta, orowa,

すべて悪を行う者には、ユダヤ人はもとよりギリシア人にも、苦しみと悩みが下り、

Herenes un utara otta an na: koroka, pishno pishno pirikap iki guru otta nupeki newa aeoripakbe newa itomo an, hoshiki no Yudea un guru otta,

Herenes un utar or ta an na: korka, pisno pisno pirka p iki kur or ta nupeki ne wa aeoripakpe ne wa i=tom an, hoskino Yudea un kur or ta,

すべて善を行う者には、ユダヤ人はもとよりギリシア人にも、栄光と誉れと平和が与えられます。

orowa, Herenes un guru otta an na: inambe gusu ne yakun, Kamui otta utara eankeshbe isam ruwe ne gusu ne na.

orowa, Herenes un kur or ta an na: inanpe kusu ne yakun, Kamuy or ta utar eankespe isam ruwe ne kusu ne na.

神は人を分け隔てなさいません。

Tuitak sak no katpak ki obitta no okai utara anak ne, tuitak sak no aisamka kusu ne: orowa, tuitak akore wa katpak ki obitta no okai utara anak ne, tuitak ani akoipishi kusu ne gusu ne na;

Tuytak sak no katpak ki opittano okay utar anakne, tuytak sak no aysamka kusu ne: orowa, tuytak a=kor wa katpak ki opittano okay utar anakne, tuytak ani akoypisi kusu ne kusu ne na;

律法を知らないで罪を犯した者は皆、この律法と関係なく滅び、また、律法の下にあって罪を犯した者は皆、律法によって裁かれます。

tuitak nu utara anak ne Kamui tek-samata oupeka ne ambe shomo ne, koroka, tuitak shikkashima utara aoupekare kusu ne gusu ne na:

tuytak nu utar anakne Kamuy tek-sama ta owpeka ne anpe somo ne, korka, tuytak sikkasma utar aowpekare kusu ne kusu ne na:

律法を聞く者が神の前で正しいのではなく、これを実行する者が、義とされるからです。

tuitak akore shomoki Oya uirup anak ne koro keutum buri an gusu nei tuitak ta an okaibe shikkashima yak ne, tan utara tuitak sak no okai yakka, yaikota gusu tuitak ne ruwe ne;

tuytak a=kor somo ki Oya uyrup anakne kor kewtum puri an kusu ne tuytak ta an okay pe sikkasma yakne, tan utar tuytak sak no okay yakka, yaykota kusu tuytak ne ruwe ne;

たとえ律法を持たない異邦人も、律法の命じるところを自然に行えば、律法を持たなくとも、自分自身が律法なのです。

nei utara koro sambe kata tuitak ikip anuye wa an-hi nukare, koro keutum nei ambe tura paweteshu ki, orowa, koro esanniyo-hi anak ne utashpa eiyonnuppa hene ki,

ne utar kor sanpe ka ta tuytak iki p a=nuye wa an hi nukare, kor kewtum ne anpe tura pawetesu ki, orowa, kor esanniyo hi anakne utaspa eyyonnuppa hene ki,

こういう人々は、律法の要求する事柄がその心に記されていることを示しています。彼らの良心もこれを証ししており、また心の思いも、互いに責めたり弁明し合って、同じことを示しています。

tusare hene ki ruwe ne; nei ambe Yesu Kiristo ani, ku koro pirika shongo an korachi, Kamui anak utara aenuinap koipishi toho ta an na.

tusare hene ki ruwe ne; ne anpe Yesu Kiristo ani, ku kor pirka sonko an koraci, Kamuy anak utar aenuynap koypisi toho ta an na.

そのことは、神が、わたしの福音の告げるとおり、人々の隠れた事柄をキリスト・イエスを通して裁かれる日に、明らかになるでしょう。

Koroka, aokai anak ne Yudea un guru an reihei ani areikore hene aki hine tuitak otta eyaikopashte hene ki, Kamui gusu yaiyomonnure hene ki, Shinuma korʼirenga eraman hene ki,

Korka, aokay anakne Yudea un kur an rehe ani a=rekor hene aki hine tuytak or ta eyaykopaste hene ki, Kamuy kusu yayyomonnure hene ki, Sinuma kor irenka eraman hene ki,

ところで、あなたはユダヤ人と名乗り、律法に頼り、神を誇りとし、

orowa, tuitak gusu aeyaipakashnu wa uweshinnai no an okaibe uwande hene ki,

orowa, tuytak kusu aeyaypakasnu wa uwesinnay no an okay pe uwante hene ki,

その御心を知り、律法によって教えられて何をなすべきかをわきまえています。

samata, aokai yaikota shiknak utara ru epakashnu guru ne, kunne-i ta okai utara gusu pekere ne,

sama ta, aokay yaykota siknak utar ru epakasnu kur ne, kunne hi ta okay utar kusu peker ne,

また、律法の中に、知識と真理が具体的に示されていると考え、盲人の案内者、闇の中にいる者の光、無知な者の導き手、未熟な者の教師であると自負しています。

ramu-isambe pakashnup ne, aiai epakashnup ne, tuitak oshiketa eramushbe newa sonep katuhu koro;

ramu-i=sanpe pakasnup ne, ayay epakasnup ne, tuytak oske ta eramuspe ne wa sonep katuhu kor;

それならば、あなたは他人には教えながら、自分には教えないのですか。「盗むな」と説きながら、盗むのですか。

tambe gusu moshima an guru epakashnu guru, aokai yaikota yaiepakashnu shomoki ruwe he an? Iteki ikka yan ari an itak ani upaskuma ki guru,

tanpe kusu mosma an kur epakasnu kur, aokay yaykota yayepakasnu somo ki ruwe he an? Iteki ikka yan ari an itak ani upaskuma ki kur,

「姦淫するな」と言いながら、姦淫を行うのですか。偶像を忌み嫌いながら、神殿を荒らすのですか。

eani ikka ya? Iteki omoinu koro yan ari an itak ani ye guru, aokai anak ne omoinu koro ya? Potoki etunne guru, aokai anak ne Kamui chisei unbe e ikka ya?

eani ikka ya? Iteki omoynu kor yan ari an itak ani ye kur, aokay anakne omoynu kor ya? Potoki etunne kur, aokay anakne Kamuy cise un pe e ikka ya?

あなたは律法を誇りとしながら、律法を破って神を侮っている。

Tuitak gusu yaiyomonnure guru, aokai anak ne tuitak otereke wa Kamui shomo koyaikatanu ki ya?

Tuytak kusu yayyomonnure kur, aokay anakne tuytak oterke wa Kamuy somo koyaykatanu ki ya?

「あなたたちのせいで、神の名は異邦人の中で汚されている」と書いてあるとおりです。

Inambe gusu ne yakun, anuye wa an korachi poka, echi rengap gusu Oya uirup tumta Kamui reihei akoatcha an.

Inanpe kusu ne yakun, a=nuye wa an koraci poka, eci renkap kusu Oya uyrup tum ta Kamuy rehe akoacca an.

あなたが受けた割礼も、律法を守ればこそ意味があり、律法を破れば、それは割礼を受けていないのと同じです。

Aokai anak ne tuitak iki chiki okarituye buri anak epirikare ruwe ne: koroka, tuitak e otereke yakun, e ki okarituye buri anak ne shomo okarituye buri anere ruwe ne.

Aokay anakne tuytak iki ciki okarituye puri anak e=pirkare ruwe ne: korka, tuytak e oterke yakun, e ki okarituye puri anakne somo okarituye puri anere ruwe ne.

だから、割礼を受けていない者が、律法の要求を実行すれば、割礼を受けていなくても、受けた者と見なされるのではないですか。

Tambe gusu, okarituye buri shomo iki utara anak ne tuitak oma ipawetenge shikkashima yakun, nei shomo okarituye buri iki ambe anak ne okarituye buri ne sekoro aesanniyo shomoki ruwe he an?

Tanpe kusu, okarituye puri somo iki utar anakne tuytak oma ipawetenke sikkasma yakun, ne somo okarituye puri iki anpe anakne okarituye puri ne sekor a=esanniyo somo ki ruwe he an?

そして、体に割礼を受けていなくても律法を守る者が、あなたを裁くでしょう。あなたは律法の文字を所有し、割礼を受けていながら、律法を破っているのですから。

Orowa, rengaine an shomo okarituye buri iki ambe anak ne tuitak uweomare yakun, ikiri newa okarituye buri koro wa tuitak otereke guru ne eani koipishi shomoki kusu ne ruwe he an?

Orowa, renkayne an somo okarituye puri iki anpe anakne tuytak uweomare yakun, ikiri ne wa okarituye puri kor wa tuytak oterke kur ne eani koypisi somo ki kusu ne ruwe he an?

外見上のユダヤ人がユダヤ人ではなく、また、肉に施された外見上の割礼が割礼ではありません。

Inambe gusu ne yakun, anukan no an no an guru anak ne Yudea un guru shomo ne, shui, anukan no an wa kam otta an ambe anak ne okarituye buri shomo ne: koroka, onnaigeta an no an guru anak Yudea un gunʼne; orowa, okarituye buri anak ne keutum an ambe ne, ikiri otta an ambe shomo ne, ramat unbe ne ruwe ne; nei okaibe ramuayore-hi anak ne utara orowa no an ambe shomo ne, koroka, Kamui orowa no an ap ne ruwe ne na.

Inanpe kusu ne yakun, an=kan no an no an kur anakne Yudea un kur somo ne, suy, an=kan no an wa kam or ta an anpe anakne okarituye puri somo ne: korka, onnayke ta an no an kur anak Yudea un kunne; orowa, okarituye puri anakne kewtum an anpe ne, ikiri or ta an anpe somo ne, ramat un pe ne ruwe ne; ne okay pe ramuayore hi anakne utar orowano an anpe somo ne, korka, Kamuy orowano an ap ne ruwe ne na.

内面がユダヤ人である者こそユダヤ人であり、文字ではなく“霊”によって心に施された割礼こそ割礼なのです。その誉れは人からではなく、神から来るのです。

Yakun, Yudea un guru gusu nep kasu no an irenga an a? Shui, okarituye-buri gusu nep yaiepirikare ambe an a?

Yakun, Yudea un kur kusu nep kasuno an irenka an a? Suy, okarituye-puri kusu nep yayepirikare anpe an a?

では、ユダヤ人の優れた点は何か。割礼の利益は何か。

Nekon a ka porop ne: hoshiki no nei utara Kamui shongo ashikkashimare nisa ruwe ne.

Nekona ka poro p ne: hoskino ne utar Kamuy sonko asikkasimare nisa ruwe ne.

それはあらゆる面からいろいろ指摘できます。まず、彼らは神の言葉をゆだねられたのです。

Nei utara tumugeta eishokoro shomoki utara okai a yakka nekon a? Nei eishokor-i sakbe anak ne Kamui eishokor-i raka-sakte kusu ne ya?

Ne utar tumke ta eysokor somo ki utar okay a yakka nekona? Ne eysokor hi sak pe anakne Kamuy eysokor hi raka-sakte kusu ne ya?

それはいったいどういうことか。彼らの中に不誠実な者たちがいたにせよ、その不誠実のせいで、神の誠実が無にされるとでもいうのですか。

Ara shomo: ruwe un, Kamui anak ne sonep ne a koroka, obitta no okai ainu pishno shungep ne sekoro aesanniyore yan; ene chieshinnuye wa an korachi ne :— Aokai anak ne koro itak gusu oupekap ne aesanniyo, Orowa, akoipishi ita Aokai annokara ki kuni gusu ne na.

Ar somo: ruwe un, Kamuy anakne sonep ne a korka, opittano okay aynu pisno sunkep ne sekor aesanniyore yan; ene ciesinnuye wa an koraci ne :— Aokay anakne kor itak kusu owpekap ne a=esanniyo, Orowa, akoypisi hi ta Aokay annokar ki kuni kusu ne na.

決してそうではない。人はすべて偽り者であるとしても、神は真実な方であるとすべきです。「あなたは、言葉を述べるとき、正しいとされ、裁きを受けるとき、勝利を得られる」と書いてあるとおりです。

Koroka, chikoro oupeka-sakbe anak ne Kamui oupeka ambe ashte yakun, nekon chi ye kusu ne ya? Irushka irenga sange Kamui oupeka-sakbe ne ruwe he an? (ainu itak korachi ku itak ruwe ne).

Korka, ci=kor owpeka-sak pe anakne Kamuy owpeka anpe aste yakun, nekon ci ye kusu ne ya? Iruska irenka sanke Kamuy owpeka-sak pe ne ruwe he an? (aynu itak koraci ku itak ruwe ne).

しかし、わたしたちの不義が神の義を明らかにするとしたら、それに対して何と言うべきでしょう。人間の論法に従って言いますが、怒りを発する神は正しくないのですか。

Ara shomo: nei no ne yak anak ne hemanda Kamui anak moshiri koipishi kusu ne ya?

Ar somo: ne no ne yakanak ne hemanta Kamuy anak mosir koypisi kusu ne ya?

決してそうではない。もしそうだとしたら、どうして神は世をお裁きになることができましょう。

Koroka, ku ki shungep anak ne Kamui koro nupeki gusu Shinuma sonep ashte yakun, hemanda gusu kuani ne yakka katpak ki guru ku ne sekoro a en esanniyo ruwe he an?

Korka, ku ki sunkep anakne Kamuy kor nupeki kusu Sinuma sonep aste yakun, hemanta kusu kuani ne yakka katpak ki kur ku ne sekor a en esanniyo ruwe he an?

またもし、わたしの偽りによって神の真実がいっそう明らかにされて、神の栄光となるのであれば、なぜ、わたしはなおも罪人として裁かれねばならないのでしょう。

Orowa, shui, (un ohaigekara wa) — Pirikap ahetukure gusu, wenbe ki yanro — (sekorʼan itak ani chi ye ruwe ne sekoro ye utara itak korachi) — nep gusu shomo chi ki ya? Nei utara gusu an aesanniyo-hi anak ne oupekap ne ruwe ne na.

Orowa, suy, (un ohaykekar wa) — Pirka p ahetukure kusu, wenpe ki yanro — (sekor an itak ani ci ye ruwe ne sekor ye utar itak koraci) — nep kusu somo ci ki ya? Ne utar kusu an a=esanniyo hi anakne owpekap ne ruwe ne na.

それに、もしそうであれば、「善が生じるために悪をしよう」とも言えるのではないでしょうか。わたしたちがこう主張していると中傷する人々がいますが、こういう者たちが罰を受けるのは当然です。

Yakun, nekon a? Nei utara kasu no chi utara anak ne pirika irenga kon ruwe he an? Shomo, son no shomo: inambe gusu ne yakun, Yudea un utara ne yakka, Herenes un utara ne yakka, obitta akokat-pakbe ne sekoro teeda chi esanniyo wa ye nisa ruwe ne gusu ne na;

Yakun, nekona? Ne utar kasuno ci utar anakne pirka irenka kor ruwe he an? Somo, sonno somo: inanpe kusu ne yakun, Yudea un utar ne yakka, Herenes un utar ne yakka, opitta akokat-pak pe ne sekor teeta ci esanniyo wa ye nisa ruwe ne kusu ne na;

では、どうなのか。わたしたちには優れた点があるのでしょうか。全くありません。既に指摘したように、ユダヤ人もギリシア人も皆、罪の下にあるのです。

ene chieshinnuye wa an korachi ne :— Oupeka guru isam, ruwe uu, shiueu ka isam ruwe ne;

ene ciesinnuye wa an koraci ne :— Owpeka kur isam, ruwe u, siwew ka isam ruwe ne;

次のように書いてあるとおりです。「正しい者はいない。一人もいない。

Eraman guru isam, Kamui hunara guru isam,

Eraman kur isam, Kamuy hunara kur isam,

悟る者もなく、神を探し求める者もいない。

Nei utara obitta ru eshishi wa shine-ikinne raka-isamhe ne; Pirikap ki guru isam, ruwe uu, shinen pakno poka isam ruwe ne:

Ne utar opitta ru esisi wa sine-ikinne raka-isam he ne; Pirka p ki kur isam, ruwe u, sinen pakno poka isam ruwe ne:

皆迷い、だれもかれも役に立たない者となった。善を行う者はいない。ただの一人もいない。

Koro rekuchi anak ne amaka wa an tushiri ne; Koro parumbe ani kokandama ki: Koro papush choropoketa kinashutumbe surugu an:

Kor rekuci anakne a=mak wa an tusiri ne; Kor parunpe ani kokantama ki: Kor papus corpoke ta kinasutunpe surku an:

彼らののどは開いた墓のようであり、彼らは舌で人を欺き、その唇には蝮の毒がある。

Koro paroho anak ne iyoitakushi newa shiuninbe ani aeshik:

Kor paroho anakne iyoytakus ne wa siwnin pe ani a=esik:

口は、呪いと苦味で満ち、

Kemnure gusu koro chikiri pikan;

Kemnure kusu kor cikiri pikan;

足は血を流すのに速く、

Isamka ambe newa yairamkoiki ambe anak ne nei utara kon ru otta okai;

Isamka anpe ne wa yayramkoyki anpe anakne ne utar kor ru or ta okay;

その道には破壊と悲惨がある。

Orowa, itomo irenga an ruhu nei utara erampeutek nisa ruwe ne:

Orowa, i=tom irenka an ruhu ne utar eranpewtek nisa ruwe ne:

彼らは平和の道を知らない。

Koro shik-samata Kamui koishitoma ambe isam ruwe ne na.

Kor sik-sama ta Kamuy koysitoma anpe isam ruwe ne na.

彼らの目には神への畏れがない。」

Nep ne yakka tuitak ye okaibe anak ne nei tuitak choropoketa okai utara otta ye ruwe ne sekoro chi eraman; tambe anak ne obitta no okai utara koro paroho aseshke hine moshirʼebitta Kamui orowa no akoipishi kusu ne a ambe ne:

Nep ne yakka tuytak ye okay pe anakne ne tuytak corpoke ta okay utar or ta ye ruwe ne sekor ci eraman; tanpe anakne opittano okay utar kor paroho a=seske hine mosir epitta Kamuy orowano akoypisi kusu ne a anpe ne:

さて、わたしたちが知っているように、すべて律法の言うところは、律法の下にいる人々に向けられています。それは、すべての人の口がふさがれて、全世界が神の裁きに服するようになるためなのです。

inambe gusu ne yakun, tuitak iki wa gusu nep kam ne yakka Shinuma tek-samata oupeka ne sekoro shomo aesanniyo kusu ne: tuitak ankushkerai katpak aeraman ruwe ne gusu ne na.

inanpe kusu ne yakun, tuytak iki wa kusu nep kam ne yakka Sinuma tek-sama ta owpeka ne sekor somo a=esanniyo kusu ne: tuytak an=kuskeray katpak a=eraman ruwe ne kusu ne na.

なぜなら、律法を実行することによっては、だれ一人神の前で義とされないからです。律法によっては、罪の自覚しか生じないのです。

Koroka, tane tuitak oyapi Kamui orowa no an oupeka ambe anukare okere, tuitak newa uweingarape nei ambe gusu paweteshu ki ruwe ne;

Korka, tane tuytak oyap Kamuy orowano an owpeka anpe a=nukar okere, tuytak ne wa uweynkarape ne anpe kusu pawetesu ki ruwe ne;

ところが今や、律法とは関係なく、しかも律法と預言者によって立証されて、神の義が示されました。

nei ambe anak Yesu Kiristo eishokor-i ani obitta no okai eishokor-i atte utara gusu an Kamui oupeka ambe ne; uweshinnai no an ambe isam ruwe ne gusu ne na;

ne anpe anak Yesu Kiristo eysokor hi ani opittano okay eysokor hi atte utar kusu an Kamuy owpeka anpe ne; uwesinnay no an anpe isam ruwe ne kusu ne na;

すなわち、イエス・キリストを信じることにより、信じる者すべてに与えられる神の義です。そこには何の差別もありません。

orowa, obitta no okai utara anak ne katpak ki okere hine Kamui nupeki ehaita ruwe ne gusu ne na;

orowa, opittano okay utar anakne katpak ki okere hine Kamuy nupeki ehayta ruwe ne kusu ne na;

人は皆、罪を犯して神の栄光を受けられなくなっていますが、

aige, oro-isam no Kiristo Yesu gusu an kikiraye ambe ani Shinuma korʼirenga ankushkerai aoupekare shiri an:

ayke, oro-isam no Kiristo Yesu kusu an kikiraye anpe ani Sinuma kor irenka an=kuskeray aowpekare siri an:

ただキリスト・イエスによる贖いの業を通して、神の恵みにより無償で義とされるのです。

Shinuma koro kemihi gusu, eishokor-i ani, imommuye ne akara kuni ne Kamui shinuma gusu esanniyo; nei ambe anak ne Kamui yaishikkashima hine etoko wano aki katpak moshima no ande wa koro oupeka ambe eramande kuni ne;

Sinuma kor kemihi kusu, eysokor hi ani, imommuye ne a=kar kuni ne Kamuy sinuma kusu esanniyo; ne anpe anakne Kamuy yaysikkasima hine etoko wano aki katpak mosmano ante wa kor owpeka anpe e=ramante kuni ne;

神はこのキリストを立て、その血によって信じる者のために罪を償う供え物となさいました。それは、今まで人が犯した罪を見逃して、神の義をお示しになるためです。

tane an pakihi ta Shinuma koro oupeka ambe eramande kunip ne: Shinuma yaikota oupeka wa Yesu eishokoro guru oupekare kuni gusu an ambe ne ruwe ne na.

tane an pakihi ta Sinuma kor owpeka anpe e=ramante kuni p ne: Sinuma yaykota owpeka wa Yesu eysokor kur owpekare kuni kusu an anpe ne ruwe ne na.

このように神は忍耐してこられたが、今この時に義を示されたのは、御自分が正しい方であることを明らかにし、イエスを信じる者を義となさるためです。

Yakun, yaiyomonnure kuni ushike neita an a? Asoyekatta. Nekon a tuitak ani, Iki ikip ani ruwe? Shomo: koroka, eishokor-i sekorʼan tuitak ani ne ruwe ne.

Yakun, yayyomonnure kuni uske ney ta an a? Asoyekatta. Nekona tuytak ani, Iki iki p ani ruwe? Somo: korka, eysokor hi sekor an tuytak ani ne ruwe ne.

では、人の誇りはどこにあるのか。それは取り除かれました。どんな法則によってか。行いの法則によるのか。そうではない。信仰の法則によってです。

Tuitak ikip oyapi an wa ainu anak ne eishokor-i ani aoupekare ruwe ne sekoro chi esanniyo ruwe ne gusu ne na.

Tuytak iki p oyap an wa aynu anakne eysokor hi ani aowpekare ruwe ne sekor ci esanniyo ruwe ne kusu ne na.

なぜなら、わたしたちは、人が義とされるのは律法の行いによるのではなく、信仰によると考えるからです。

Kamui anak ne Yudea un utara koro Kamui patek ne ruwe he an? Shui, Oya uirup koro Kamui shomo ne ruwe he an? Ruwe un, Oya utara koro Kamui ne yakka ne ruwe ne:

Kamuy anakne Yudea un utar kor Kamuy patek ne ruwe he an? Suy, Oya uyrup kor Kamuy somo ne ruwe he an? Ruwe un, Oya utar kor Kamuy ne yakka ne ruwe ne:

それとも、神はユダヤ人だけの神でしょうか。異邦人の神でもないのですか。そうです。異邦人の神でもあります。

Kamui anak ne Shinep ne wa eishokor-i gusu okarituye-buri akire utara oupekare, orowa, eishokor-i ani okarituye-buri shomo akire utara oupekare yak anak ne ene ne ruwe ne.

Kamuy anakne Sinep ne wa eysokor hi kusu okarituye-puri a=kir utar owpekare, orowa, eysokor hi ani okarituye-puri somo a=kir utar owpekare yakanak ne ene ne ruwe ne.

実に、神は唯一だからです。この神は、割礼のある者を信仰のゆえに義とし、割礼のない者をも信仰によって義としてくださるのです。

Tambe gusu, chi utara anak ne eishokor-i ani tuitak raka-sakte ruwe he an? Ara shomo: koroka, tuitak ashte ruwe ne.

Tanpe kusu, ci utar anakne eysokor hi ani tuytak raka-sakte ruwe he an? Ar somo: korka, tuytak aste ruwe ne.

それでは、わたしたちは信仰によって、律法を無にするのか。決してそうではない。むしろ、律法を確立するのです。

Yakun, kam gusu chikoro ekashi Abraham anak ne nekon a ambe pa nisa ruwe ne sekoro chi ye ya?

Yakun, kam kusu ci=kor ekasi Abraham anakne nekona anpe pa nisa ruwe ne sekor ci ye ya?

では、肉によるわたしたちの先祖アブラハムは何を得たと言うべきでしょうか。

Inambe gusu ne yakun, Abraham anak ne ki ikip gusu aoupekare yak anak ne yaiyomonnure kuni ushike an; a yakka, Kamui tek-samata isam ruwe ne.

Inanpe kusu ne yakun, Abraham anakne ki iki p kusu aowpekare yakanak ne yayyomonnure kuni uske an; a yakka, Kamuy tek-sama ta isam ruwe ne.

もし、彼が行いによって義とされたのであれば、誇ってもよいが、神の前ではそれはできません。

Nei Kamui kambi hemanda ye ya? Orowa Abraham anak ne Kamui eishokoro, aige, tambe anak shinuma gusu oupeka ambe ne sekoro aesanniyo nisa ruwe ne.

Ne Kamuy kampi hemanta ye ya? Orowa Abraham anakne Kamuy eysokor, ayke, tanpe anak sinuma kusu owpeka anpe ne sekor a=esanniyo nisa ruwe ne.

聖書には何と書いてありますか。「アブラハムは神を信じた。それが、彼の義と認められた」とあります。

Monraige ki guru gusu an iwayehe anak ne irenga nei no an ambe ne sekoro shomo aesanniyo ruwe ne, koroka ashoserep korachi aesanniyop ne.

Monrayke ki kur kusu an iwayehe anakne irenka ne no an anpe ne sekor somo a=esanniyo ruwe ne, korka asoserep koraci aesanniyop ne.

ところで、働く者に対する報酬は恵みではなく、当然支払われるべきものと見なされています。

Koroka, shomo ikip ki koroka, Kamui kooripak shomoki utara oupekare Kamui eishokoro guru gusu, shinuma koro eishokor-i anak oupeka ambe ne sekoro aesanniyo ruwe ne.

Korka, somo iki p ki korka, Kamuy kooripak somo ki utar owpekare Kamuy eysokor kur kusu, sinuma kor eysokor hi anak owpeka anpe ne sekor a=esanniyo ruwe ne.

しかし、不信心な者を義とされる方を信じる人は、働きがなくても、その信仰が義と認められます。

Aki ikip oyapi an wa oupeka ne sekoro Kamui orowa no aesanniyo ainu gusu Dabid poka nunuke ambe ye korachi ne; ene ani ne :—

Aki iki p oyap an wa owpeka ne sekor Kamuy orowano a=esanniyo aynu kusu Dabid poka nunuke anpe ye koraci ne; ene ani ne :—

同じようにダビデも、行いによらずに神から義と認められた人の幸いを、次のようにたたえています。

Ikashpaotte otereke ambe atusare, Koro katpak akamure wa an gurʼanak ne anunuke ne ruwe ne.

Ikaspaotte oterke anpe atusare, Kor katpak a=kamure wa an kur anakne a=nunuke ne ruwe ne.

「不法が赦され、罪を覆い隠された人々は、幸いである。

Otta Utarapa katpak shomo kashiomare guru anak ne anunuke ne.

Or ta Utarpa katpak somo kasiomare kur anakne a=nunuke ne.

主から罪があると見なされない人は、幸いである。」

Tan nunuke ambe anak ne okarituye-buri akire guru otta patek san ruwe? shui, okarituye-buri shomo akire guru otta ne yakka san ruwe he an? Inambe gusu ne yakun, ene chi ye-hi :— Abraham koro eishokor-i anak ne shinuma gusu oupeka ambe kuni aesanniyo sekoro chi ye.

Tan nunuke anpe anakne okarituye-puri a=kir kur or ta patek san ruwe? suy, okarituye-puri somo a=kir kur or ta ne yakka san ruwe he an? Inanpe kusu ne yakun, ene ci ye hi :— Abraham kor eysokor hi anakne sinuma kusu owpeka anpe kuni a=esanniyo sekor ci ye.

では、この幸いは、割礼を受けた者だけに与えられるのですか。それとも、割礼のない者にも及びますか。わたしたちは言います。「アブラハムの信仰が義と認められた」のです。

Yakun, hemanda nei no aesanniyo ya? Okarituye-buri akire etokota hene ne ya? akire okaketa hene ne ya? Okarituye-buri akire okaketa shomo ne, akire etokota nei no aesanniyo ruwe ne;

Yakun, hemanta ne no a=esanniyo ya? Okarituye-puri a=kir etoko ta hene ne ya? a=kir okake ta hene ne ya? Okarituye-puri a=kir okake ta somo ne, a=kir etoko ta ne no a=esanniyo ruwe ne;

どのようにしてそう認められたのでしょうか。割礼を受けてからですか。それとも、割礼を受ける前ですか。割礼を受けてからではなく、割礼を受ける前のことです。

orowa, shinuma anak ne okarituye-buri an shirosh koro, nei ambe anak ne shinuma naa shomo okarituye-buri akire etokota okai koro eishokor-i gusu an oupeka ne kuni han aomarep ne ruwe ne: tambe anak shinuma obitta no okai eishokoro utara koro michi ne kuni gusu an ambe ne; shui, nei utara okarituye-buri akire shomoki yakka, otta oupeka ambe aesanniyo kuni gusu an ambe ne ruwe ne;

orowa, sinuma anakne okarituye-puri an siros kor, ne anpe anakne sinuma naa somo okarituye-puri a=kir etoko ta okay kor eysokor hi kusu an owpeka ne kuni han aomarep ne ruwe ne: tanpe anak sinuma opittano okay eysokor utar kor mici ne kuni kusu an anpe ne; suy, ne utar okarituye-puri a=kir somo ki yakka, or ta owpeka anpe a=esanniyo kuni kusu an anpe ne ruwe ne;

アブラハムは、割礼を受ける前に信仰によって義とされた証しとして、割礼の印を受けたのです。こうして彼は、割礼のないままに信じるすべての人の父となり、彼らも義と認められました。

orowa shui, ouse okarituye-buri akire utara koro michi ne kuni gusu shomo ne, koroka, akoro michi Abraham naa shomo okarituye-buri akire etokota eishokoro ki korachi, obitta no okai eishokoro ki utara koro michi ne kuni gusu an ambe ne ruwe ne na.

orowa suy, owse okarituye-puri a=kir utar kor mici ne kuni kusu somo ne, korka, a=kor mici Abraham naa somo okarituye-puri a=kir etoko ta eysokor ki koraci, opittano okay eysokor ki utar kor mici ne kuni kusu an anpe ne ruwe ne na.

更にまた、彼は割礼を受けた者の父、すなわち、単に割礼を受けているだけでなく、わたしたちの父アブラハムが割礼以前に持っていた信仰の模範に従う人々の父ともなったのです。

Inambe gusu ne yakun, Abraham moshiri eikeshkoro kuni ari an eitakamkire ambe anak, Abraham otta hene, koro sanikehe otta hene tuitak an gusu aki shomo ne, koroka, eishokor-i gusu an oupeka ambe an gusu aki ruwe ne na.

Inanpe kusu ne yakun, Abraham mosir eykeskoro kuni ari an eytakamkire anpe anak, Abraham or ta hene, kor sanikehe or ta hene tuytak an kusu aki somo ne, korka, eysokor hi kusu an owpeka anpe an kusu aki ruwe ne na.

神はアブラハムやその子孫に世界を受け継がせることを約束されたが、その約束は、律法に基づいてではなく、信仰による義に基づいてなされたのです。

Inambe gusu ne yakun, tuitak choropoketa okai utara anak ne eikeshkoro utara ne chiki, eishokor-i anak ohap ne akara, samata, eitakamkire ambe raka asakte ruwe ne na.

Inanpe kusu ne yakun, tuytak corpoke ta okay utar anakne eykeskoro utar ne ciki, eysokor hi anak ohap ne a=kar, sama ta, eytakamkire anpe raka asakte ruwe ne na.

律法に頼る者が世界を受け継ぐのであれば、信仰はもはや無意味であり、約束は廃止されたことになります。

Inambe gusu ne yakun, tuitak anak ne irushka ambe iki; koroka, tuitak isam ushiketa ohaita

Inanpe kusu ne yakun, tuytak anakne iruska anpe iki; korka, tuytak isam uske ta ohay ta

実に、律法は怒りを招くものであり、律法のないところには違犯もありません。

buri ne yakka isam ruwe ne. Tambe gusu irenga nei no an wa eishokor-i gusu an ambe ne; nei ambe anak ne eitakamkirep obitta no okai santek otta an kuni gusu an ambe ne; ouse nei tuitak otta kotuk santek gusu patek ne ambe shomo ne, koroka, Abraham koro eishokor-i otta kotuk santek gusu ne yakka an ambe ne ruwe ne: Shinuma anak ne otta ko-eishokoro guru kotchaketa,

puri ne yakka isam ruwe ne. Tanpe kusu irenka ne no an wa eysokor hi kusu an anpe ne; ne anpe anakne eytakamkirep opittano okay santek or ta an kuni kusu an anpe ne; owse ne tuytak or ta kotuk santek kusu patek ne anpe somo ne, korka, Abraham kor eysokor hi or ta kotuk santek kusu ne yakka an anpe ne ruwe ne: Sinuma anakne or ta ko-eysokor kur koccaketa,

従って、信仰によってこそ世界を受け継ぐ者となるのです。恵みによって、アブラハムのすべての子孫、つまり、単に律法に頼る者だけでなく、彼の信仰に従う者も、確実に約束にあずかれるのです。彼はわたしたちすべての父です。

Kamui samaketa obitta no okai chi utara koro michi ne ruwe ne (ene chieshinnuye wa an korachi ne :— Inne moshiri uirup koro michi e ne kuni Kuani e kara ash nisa ruwe ne na); nei Kamui anak ne rai-guru shiknure, orowa okai korachi isambe hotuyekan ruwe ne.

Kamuy samake ta opittano okay ci utar kor mici ne ruwe ne (ene ciesinnuye wa an koraci ne :— Inne mosir uyrup kor mici e ne kuni Kuani e kar as nisa ruwe ne na); ne Kamuy anakne raykur siknure, orowa okay koraci i=sanpe hotuyekan ruwe ne.

「わたしはあなたを多くの民の父と定めた」と書いてあるとおりです。死者に命を与え、存在していないものを呼び出して存在させる神を、アブラハムは信じ、その御前でわたしたちの父となったのです。

E koro santek ene ani ne kusu ne na — sekorʼan aye-hi korachi, inne moshiri uirup koro michi ne akara kuni ne, chipachipa gusu chipachipa ki nisa ruwe ne.

E kor santek ene ani ne kusu ne na — sekor an aye hi koraci, inne mosir uyrup kor mici ne a=kar kuni ne, cipacipa kusu cipacipa ki nisa ruwe ne.

彼は希望するすべもなかったときに、なおも望みを抱いて、信じ、「あなたの子孫はこのようになる」と言われていたとおりに、多くの民の父となりました。

Orowa, eishokor-i shomo atumsakte wa tane rai korachi an kon netobake (shinuma tane ine hotne pa pakno pa poro ehange ruwe ne) samata, Sara koro rai okere honihi esanniyo nisa:

Orowa, eysokor hi somo atumsakte wa tane ray koraci an kor netopake (sinuma tane ine hotne pa pakno pa poro ehanke ruwe ne) sama ta, Sara kor ray okere honihi esanniyo nisa:

そのころ彼は、およそ百歳になっていて、既に自分の体が衰えており、そして妻サラの体も子を宿せないと知りながらも、その信仰が弱まりはしませんでした。

ruwe newa, Kamui eitakamkirep orun ingara wa eishokor-i sak no an wa utumashire shomoki no an nisa ruwe ne, koroka eishokor-i ani yaitumashnure nisa ruwe ne;

ruwe ne wa, Kamuy eytakamkirep or un inkar wa eysokor hi sak no an wa utumasire somo ki no an nisa ruwe ne, korka eysokor hi ani yaytumasnure nisa ruwe ne;

彼は不信仰に陥って神の約束を疑うようなことはなく、むしろ信仰によって強められ、神を賛美しました。

aige, Kamui anak ne ki eitakamkire ambe nei no kara eashkai kuni aeramushinne no oshitchiu wa eishokoro hine Shinuma pasere nisa ruwe ne.

ayke, Kamuy anakne ki eytakamkire anpe ne no kar easkay kuni a=eramusinne no osicciw wa eysokor hine Sinuma pasere nisa ruwe ne.

神は約束したことを実現させる力も、お持ちの方だと、確信していたのです。

Tambe gusu nei ambe anak ne Shinuma gusu oupeka ambe ne sekoro aesanniyo nisa ruwe ne na.

Tanpe kusu ne anpe anakne Sinuma kusu owpeka anpe ne sekor a=esanniyo nisa ruwe ne na.

だからまた、それが彼の義と認められたわけです。

Nei ambe anak ne Shinuma gusu oupeka ambe ne sekoro aesanniyo nisa ruwe ne — ari an itak anak ne shinuma gusu patek shomo chieshinnuye ruwe ne,

Ne anpe anakne Sinuma kusu owpeka anpe ne sekor a=esanniyo nisa ruwe ne — ari an itak anakne sinuma kusu patek somo ciesinnuye ruwe ne,

しかし、「それが彼の義と認められた」という言葉は、アブラハムのためだけに記されているのでなく、

koroka, gusu aesanniyo kusu ne chi utara chikoro Utarapa ne Yesu rai orowa no hetopo-shiknure Kamui eishokoro wa okai chi utara gusu ne yakka nei ambe chieshinnuye wa an na;

korka, kusu a=esanniyo kusu ne ci utar ci=kor Utarpa ne Yesu ray orowano hetopo-siknure Kamuy eysokor wa okay ci utar kusu ne yakka ne anpe ciesinnuye wa an na;

わたしたちのためにも記されているのです。わたしたちの主イエスを死者の中から復活させた方を信じれば、わたしたちも義と認められます。

Shinuma anak ne chikoro katpak gusu aekoshi, orowa, a un oupekare gusu hetopo-ashiknure nisa ruwe ne na.

Sinuma anakne ci=kor katpak kusu aekosi, orowa, a un owpekare kusu hetopo-a=siknure nisa ruwe ne na.

イエスは、わたしたちの罪のために死に渡され、わたしたちが義とされるために復活させられたのです。

Tambe gusu, eishokor-i ankushkerai aoupekare wa okai gusu,

Tanpe kusu, eysokor hi an=kuskeray aowpekare wa okay kusu,

このように、わたしたちは信仰によって義とされたのだから、わたしたちの主イエス・キリストによって神との間に平和を得ており、

Kamui epeka no Yesu Kiristo korʼirenga gusu itomo chi koro shiriki; Shinuma, gusu, eishokor-i ankushkerai, otta roshki wa okai irenga orun karange no arakire kuni ambe a un koropare nisa; orowa, Kamui nupeki gusu chipachipa ki wa yaiyomonnure chi ki ruwe ne.

Kamuy epeka no Yesu Kiristo kor irenka kusu i=tom ci kor siriki; Sinuma, kusu, eysokor hi an=kuskeray, or ta roski wa okay irenka or un karankeno arkire kuni anpe a un korpare nisa; orowa, Kamuy nupeki kusu cipacipa ki wa yayyomonnure ci ki ruwe ne.

このキリストのお陰で、今の恵みに信仰によって導き入れられ、神の栄光にあずかる希望を誇りにしています。

Nei ambe gusu patek shomo ne, koroka, chi ki eramchuptekbe gusu ne yakka yaiyomonnure ash ruwe ne: inambe gusu ne yakun, aeramchuptekbe anak ne yaiyupupu ambe monraigere;

Ne anpe kusu patek somo ne, korka, ci ki eramcuptekpe kusu ne yakka yayyomonnure as ruwe ne: inanpe kusu ne yakun, aeramcuptekpe anakne yayyupupu anpe monraykere;

そればかりでなく、苦難をも誇りとします。わたしたちは知っているのです、苦難は忍耐を、

orowa, yaiyupupu ambe anak ne auwande-hi hetukure; auwande ambe anak ne chipachipa kuni ambe atte ruwe ne sekoro chi eraman: orowa, chipachipa ambe anak ne yainikoroshmare shomoki ruwe ne;

orowa, yayyupupu anpe anakne awwante hi hetukure; awwante anpe anakne cipacipa kuni anpe atte ruwe ne sekor ci eraman: orowa, cipacipa anpe anakne yaynikorosmare somo ki ruwe ne;

忍耐は練達を、練達は希望を生むということを。

inambe gusu ne yakun, Kamui omap-hi anak ne chikoro keutum ta a un koropare Ashkanne Ramat ani aohetu nisa ruwe ne.

inanpe kusu ne yakun, Kamuy omap hi anakne ci=kor kewtum ta a un korpare Askanne Ramat ani aohetu nisa ruwe ne.

希望はわたしたちを欺くことがありません。わたしたちに与えられた聖霊によって、神の愛がわたしたちの心に注がれているからです。

Chi utara katchak wa okai rapoketa, pakihi epa chiki, Kiristo anak ne Kamui kooripak shomoki utara gusu rai nisa ruwe ne gusu ne na.

Ci utar kaccak wa okay rapoketa, pakihi epa ciki, Kiristo anakne Kamuy kooripak somo ki utar kusu ray nisa ruwe ne kusu ne na.

実にキリストは、わたしたちがまだ弱かったころ、定められた時に、不信心な者のために死んでくださった。

Aine-aine hokamba no oupeka guru shirine nen ka rai guru an nangoro, yakne, pirikap gusu nen ka rametok koro wa rai guru an na.

Ayne-ayne hokanpa no owpeka kur siri ne nen ka raykur an nankor, yakne, pirka p kusu nen ka rametok kor wa raykur an na.

正しい人のために死ぬ者はほとんどいません。善い人のために命を惜しまない者ならいるかもしれません。

Koroka, chi utara anak ne katpak koro utara ne wa okai rapoketa Kiristo un gusu rai nisa ruwe ne a ambe ani Kamui un epeka no sange omap ambe ashte nisa ruwe ne.

Korka, ci utar anakne katpak kor utar ne wa okay rapoketa Kiristo un kusu ray nisa ruwe ne a anpe ani Kamuy un epeka no sanke omap anpe aste nisa ruwe ne.

しかし、わたしたちがまだ罪人であったとき、キリストがわたしたちのために死んでくださったことにより、神はわたしたちに対する愛を示されました。

Tambe gusu, naa eetasa no, Shinuma koro kem otta aoupekare wa okai gusu, Shinuma ankushkeraipo irushka-hi orowa no aohaitare ash kusu ne na.

Tanpe kusu, naa e=tasa no, Sinuma kor kem or ta aowpekare wa okay kusu, Sinuma an=kuskeraypo iruska hi orowano aohaytare as kusu ne na.

それで今や、わたしたちはキリストの血によって義とされたのですから、キリストによって神の怒りから救われるのは、なおさらのことです。

Inambe gusu ne yakun, epokba utara chi ne a rapoketa, koro Poho rai ambe ankushkerai Kamui eramuriten yak anak ne, tane mashkin, aeramuriten wa okai gusu Shinuma koro inotu otta kashiobiuki kusu ne na;

Inanpe kusu ne yakun, epokpa utar ci ne a rapoketa, kor Poho ray anpe an=kuskeray Kamuy eramuriten yakanak ne, tane maskin, a=eramuriten wa okay kusu Sinuma kor inotu or ta kasiopiwki kusu ne na;

敵であったときでさえ、御子の死によって神と和解させていただいたのであれば、和解させていただいた今は、御子の命によって救われるのはなおさらです。

nei ambe patek shomo ne, koroka, gusu chi utara aeramuritenka chikoro Utarapa ne Yesu Kiristo ankushkerai Kamui orun chi yaiyomonnure ash ruwe ne.

ne anpe patek somo ne, korka, kusu ci utar aeramuritenka ci=kor Utarpa ne Yesu Kiristo an=kuskeray Kamuy or un ci yayyomonnure as ruwe ne.

それだけでなく、わたしたちの主イエス・キリストによって、わたしたちは神を誇りとしています。今やこのキリストを通して和解させていただいたからです。

Tambe gusu, shine ainu ankushkerai katpak anak ne moshirʼotta ahun, orowa, katpak ankushkerai rai ambe ahun korachi; rai ambe anak ne obitta no okai utara koturuse, utara obitta katpak kon ruwe ne gusu ne na :—

Tanpe kusu, sine aynu an=kuskeray katpak anakne mosir or ta ahun, orowa, katpak an=kuskeray ray anpe ahun koraci; ray anpe anakne opittano okay utar koturse, utar opitta katpak kor ruwe ne kusu ne na :—

このようなわけで、一人の人によって罪が世に入り、罪によって死が入り込んだように、死はすべての人に及んだのです。すべての人が罪を犯したからです。

Tuitak pakno katpak moshiri ta an: koroka, tuitak isam ita anak ne katpak shomo kashiaomare ruwe ne.

Tuytak pakno katpak mosir ta an: korka, tuytak isam hi ta anakne katpak somo kasiaomare ruwe ne.

律法が与えられる前にも罪は世にあったが、律法がなければ、罪は罪と認められないわけです。

Yakka, Adam wano Mose pakno rai ambe anak ne esapane ki nisa ruwe ne, ek kusu ne guru koro nokaha ne Adam ki ohaitap nei no katpak shomo ki utara ne yakka esapane ruwe ne. Koroka, nei ohaita ambe korachi eikrap ne yakka an shomo ne.

Yakka, Adam wano Mose pakno ray anpe anakne esapane ki nisa ruwe ne, ek kusu ne kur kor nokaha ne Adam ki ohaytap ne no katpak somo ki utar ne yakka esapane ruwe ne. Korka, ne ohay ta anpe koraci eykrap ne yakka an somo ne.

しかし、アダムからモーセまでの間にも、アダムの違犯と同じような罪を犯さなかった人の上にさえ、死は支配しました。実にアダムは、来るべき方を前もって表す者だったのです。

Inambe gusu ne yakun, shinen ki ohaita ambe ankushkerai inne utara rai nisa ruwe ne a chiki, naa naa Kamui irenga newa nei korarape shine ainu ne Yesu Kiristo ankushkerai inne utara gusu nuye an no an na.

Inanpe kusu ne yakun, sinen ki ohay ta anpe an=kuskeray inne utar ray nisa ruwe ne a ciki, naa naa Kamuy irenka ne wa ne korarape sine aynu ne Yesu Kiristo an=kuskeray inne utar kusu nuye an no an na.

しかし、恵みの賜物は罪とは比較になりません。一人の罪によって多くの人が死ぬことになったとすれば、なおさら、神の恵みと一人の人イエス・キリストの恵みの賜物とは、多くの人に豊かに注がれるのです。

Orowa, shinen katpak ki gusu nei korarape an shomo ne. Inambe gusu ne yakun, akoipishi wa akokatpakte kuni aesanniyo ambe anak ne shinen orowa no an, koroka, nei eikrap anak ne aesanniyo gusu inne ohaitap orowa no an ruwe ne.

Orowa, sinen katpak ki kusu ne korarape an somo ne. Inanpe kusu ne yakun, akoypisi wa akokatpakte kuni a=esanniyo anpe anakne sinen orowano an, korka, ne eykrap anakne a=esanniyo kusu inne ohaytap orowano an ruwe ne.

この賜物は、罪を犯した一人によってもたらされたようなものではありません。裁きの場合は、一つの罪でも有罪の判決が下されますが、恵みが働くときには、いかに多くの罪があっても、無罪の判決が下されるからです。

Nei shinen ki ohaitap rengap gusu rai-ambe anak ne shinen ankushkerai esapane chiki naa naa nuye an no nei irenga newa aoupekare oma korarape akore utara anak ne nei shinen gusu, Yesu Kiristo gusu, shiknu wa esapane ruwe ne na.

Ne sinen ki ohaytap renkap kusu ray-anpe anakne sinen an=kuskeray esapane ciki naa naa nuye an no ne irenka ne wa aowpekare oma korarape a=kor utar anakne ne sinen kusu, Yesu Kiristo kusu, siknu wa esapane ruwe ne na.

一人の罪によって、その一人を通して死が支配するようになったとすれば、なおさら、神の恵みと義の賜物とを豊かに受けている人は、一人のイエス・キリストを通して生き、支配するようになるのです。

Tambe gusu, shine ohaitap ankushkerai obitta no okai utara akokatpakte korachi, tambe nei no shine aoupekarep ankushkerai obitta no okai utara ashiknure gusu aoupekare ruwe ne.

Tanpe kusu, sine ohaytap an=kuskeray opittano okay utar akokatpakte koraci, tanpe ne no sine aowpekarep an=kuskeray opittano okay utar a=siknure kusu aowpekare ruwe ne.

そこで、一人の罪によってすべての人に有罪の判決が下されたように、一人の正しい行為によって、すべての人が義とされて命を得ることになったのです。

Inambe gusu ne yakun, shine ainu itakkashi ambe gusu inne utara akokatpakte nei no, tap korachi Shinen itaknu ambe gusu nei inne utara aoupekare kusu ne na.

Inanpe kusu ne yakun, sine aynu itakkasi anpe kusu inne utar akokatpakte ne no, tap koraci Sinen itak nu anpe kusu ne inne utar aowpekare kusu ne na.

一人の人の不従順によって多くの人が罪人とされたように、一人の従順によって多くの人が正しい者とされるのです。

Orowa, ohaitap shipiraspa gusu tuitak anak ne ahun nisa ruwe ne; koroka, katpak shipiraspa ushiketa, irenga anak ne naa nuye an no shipiraspa nisa ruwe ne:

Orowa, ohaytap sipiraspa kusu tuytak anakne ahun nisa ruwe ne; korka, katpak sipiraspa uske ta, irenka anakne naa nuye an no sipiraspa nisa ruwe ne:

律法が入り込んで来たのは、罪が増し加わるためでありました。しかし、罪が増したところには、恵みはなおいっそう満ちあふれました。

nei ambe anak, rai otta katpak anak ne esapane ki nisa ruwe ne a korachi, tambe nei no chikoro Utarapa ne Yesu Kiristo rengap gusu irenga anak ne aoupekarep ankushkerai otusashuishiri pakno an inotu otta esapane kuni gusu an na.

ne anpe anak, ray or ta katpak anakne esapane ki nisa ruwe ne a koraci, tanpe ne no ci=kor Utarpa ne Yesu Kiristo renkap kusu irenka anakne aowpekarep an=kuskeray otu sasuysir pakno an inotu or ta esapane kuni kusu an na.

こうして、罪が死によって支配していたように、恵みも義によって支配しつつ、わたしたちの主イエス・キリストを通して永遠の命に導くのです。

Yakun, hemanda chi ye kusu ne ya? Irenga aporore kuni gusu, rammakane katpak chi ki kusu ne ya?

Yakun, hemanta ci ye kusu ne ya? Irenka aporore kuni kusu, ramma kane katpak ci ki kusu ne ya?

では、どういうことになるのか。恵みが増すようにと、罪の中にとどまるべきだろうか。

Ara shomo. Katpak otta rai okere chi utara anak ne hemanda tewa no nei ambe otta shiknu kusu ne ya?

Ar somo. Katpak or ta ray okere ci utar anakne hemanta tewano ne anpe or ta siknu kusu ne ya?

決してそうではない。罪に対して死んだわたしたちが、どうして、なおも罪の中に生きることができるでしょう。

Kiristo Yesu otta Baptisma akore chi utara anak ne obitta Shinuma rai-hi otta baptisma akore na sekorʼambe echi erampeutek ruwe he an?

Kiristo Yesu or ta Baptisma a=kor ci utar anakne opitta Sinuma ray hi or ta paptisma a=kor na sekor anpe eci eranpewtek ruwe he an?

それともあなたがたは知らないのですか。キリスト・イエスに結ばれるために洗礼を受けたわたしたちが皆、またその死にあずかるために洗礼を受けたことを。

Tambe gusu, chi utara anak ne baptisma gusu rai-hi otta Shinuma tura no aomare; Kiristo anak ne Michi nupeki gusu rai orowa no hotopo-a-shiknure korachi, chi utara ne yakka ashiri inotu oma wa apkash kuni gusu ne na.

Tanpe kusu, ci utar anakne paptisma kusu ray hi or ta Sinuma turano a=omare; Kiristo anakne Mici nupeki kusu ray orowano hotopo-a-siknure koraci, ci utar ne yakka a=siri inotu oma wa apkas kuni kusu ne na.

わたしたちは洗礼によってキリストと共に葬られ、その死にあずかるものとなりました。それは、キリストが御父の栄光によって死者の中から復活させられたように、わたしたちも新しい命に生きるためなのです。

Inambe gusu ne yakun, chi utara anak ne Shinuma rai-hi otta tura no an chiki, Shinuma hotopo-shiknu-hi otta ne yakka unepkoro ne ruwe ne;

Inanpe kusu ne yakun, ci utar anakne Sinuma ray hi or ta turano an ciki, Sinuma hotopo-siknu hi or ta ne yakka unepkoro ne ruwe ne;

もし、わたしたちがキリストと一体になってその死の姿にあやかるならば、その復活の姿にもあやかれるでしょう。

chikoro onne ainu Shinuma tura no utasa chikuni otta akotukka, chikokatpak an netobake aisamka wa tewa no chikokatpak orun ausshiunere shomoki kuni gusu chi eraman wa an ruwe ne gusu ne na;

ci=kor onne aynu Sinuma turano utasa cikuni or ta a=kotukka, cikokatpak an netopake aysamka wa tewano cikokatpak or un awssiwnere somo ki kuni kusu ci eraman wa an ruwe ne kusu ne na;

わたしたちの古い自分がキリストと共に十字架につけられたのは、罪に支配された体が滅ぼされ、もはや罪の奴隷にならないためであると知っています。

inambe gusu ne yakun rai okere guru anak ne katpak atusare ruwe ne gusu ne na.

inanpe kusu ne yakun ray okere kur anakne katpak atusare ruwe ne kusu ne na.

死んだ者は、罪から解放されています。

Koroka, chi utara anak ne Kiristo tura no rai a chiki, Shinuma tura no shiknu kusu ne sekoro chi eishokonʼruwe ne.

Korka, ci utar anakne Kiristo turano ray a ciki, Sinuma turano siknu kusu ne sekor ci eysokon ruwe ne.

わたしたちは、キリストと共に死んだのなら、キリストと共に生きることにもなると信じます。

Kiristo anak ne rai-i orowa no hotopo-a-shiknure wa kanna rai shomoki kusu ne; rai-i anak tewa no shinuma esapane shomoki ruwe ne, sekoro chi eraman.

Kiristo anakne ray hi orowano hotopo-a-siknure wa kanna ray somo ki kusu ne; ray hi anak tewano sinuma esapane somo ki ruwe ne, sekor ci eraman.

そして、死者の中から復活させられたキリストはもはや死ぬことがない、と知っています。死は、もはやキリストを支配しません。

Inambe gusu ne yakun, Shinuma ekot rai-ambe anak arashui ne katpak otta rai okere nisa ruwe ne: koroka, Shinuma

Inanpe kusu ne yakun, Sinuma ekot ray-anpe anak arsuy ne katpak or ta ray okere nisa ruwe ne: korka, Sinuma

キリストが死なれたのは、ただ一度罪に対して死なれたのであり、生きておられるのは、神に対して生きておられるのです。

ishu inotu anak Kamui otta shiknu ruwe ne na. Nei no korachi echi utara ne yakka yaikota anak katpak otta son no echi rai nisa ruwe ne sekoro esanniyo yan, koroka, Kiristo Yesu gusu Kamui otta ishu ruwe ne ani sanniyo yan.

i=su inotu anak Kamuy or ta siknu ruwe ne na. Ne no koraci eci utar ne yakka yaykota anak katpak or ta sonno eci ray nisa ruwe ne sekor esanniyo yan, korka, Kiristo Yesu kusu Kamuy or ta i=su ruwe ne ani sanniyo yan.

このように、あなたがたも自分は罪に対して死んでいるが、キリスト・イエスに結ばれて、神に対して生きているのだと考えなさい。

Tambe gusu, nei ambe kon rusuibe shomo echi ki kuni ne, koro rai kuni netobake ta iteki katpak esapanere yan;

Tanpe kusu, ne anpe kor rusuy pe somo eciki kuni ne, kor ray kuni netopake ta iteki katpak esapanere yan;

従って、あなたがたの死ぬべき体を罪に支配させて、体の欲望に従うようなことがあってはなりません。

shui, oupeka-sakbe ki kuni gusu an eshipopkep nei no iteki echi koro awehe katpak otta koropare yan; koroka, rai-i orowa no shiknu korachi Kamui otta yaikota yaiyange, orowa, oupekap ki kuni gusu an eshipopkep nei no echi koro awehe Kamui otta yange yan.

suy, owpeka-sak pe ki kuni kusu an esipopkep ne no iteki eci kor awehe katpak or ta korpare yan; korka, ray hi orowano siknu koraci Kamuy or ta yaykota yayyanke, orowa, owpekap ki kuni kusu an esipopkep ne no eci kor awehe Kamuy or ta yanke yan.

また、あなたがたの五体を不義のための道具として罪に任せてはなりません。かえって、自分自身を死者の中から生き返った者として神に献げ、また、五体を義のための道具として神に献げなさい。

Katpak anak ne shomo echi esapane kusu ne; tuitak choropoketa okai utara shomo echi ne, koroka, irenga choropoketa echi okai ruwe ne gusu ne na.

katpak anakne somo eci esapane kusu ne; tuytak corpoke ta okay utar somo eci ne, korka, irenka corpoke ta eciokay ruwe ne kusu ne na.

なぜなら、罪は、もはや、あなたがたを支配することはないからです。あなたがたは律法の下ではなく、恵みの下にいるのです。

Yakun, nekon a? Tuitak choropoketa shomo chi okai wa irenga choropoketa okai gusu, tambe gusu katpak chi ki kusu ne ya?

Yakun, nekona? Tuytak corpoke ta somo ci okay wa irenka corpoke ta okay kusu, tanpe kusu katpak ci ki kusu ne ya?

では、どうなのか。わたしたちは、律法の下ではなく恵みの下にいるのだから、罪を犯してよいということでしょうか。決してそうではない。

Ara shomo. Itaknu ki kuni otta yaikota echi yaikoropare wa yaiusshiunere guru gusu, katpak gusu an rai-ambe otta hene, oupekap gusu an uitaknu ambe otta hene, koro itak nu wa ki chiki, nei guru koro usshiune utara echi ne sekoro shomo echi eraman ruwe he an?

Ar somo. Itak nu ki kuni or ta yaykota eci yaykorpare wa yayussiwnere kur kusu, katpak kusu an ray-anpe or ta hene, owpekap kusu an uytaknu anpe or ta hene, kor itak nu wa ki ciki, ne kur kor ussiw ne utar eci ne sekor somo eci eraman ruwe he an?

知らないのですか。あなたがたは、だれかに奴隷として従えば、その従っている人の奴隷となる。つまり、あなたがたは罪に仕える奴隷となって死に至るか、神に従順に仕える奴隷となって義に至るか、どちらかなのです。

Koroka, Kamui koyaiiraige na; echi utara anak ne etoko wa katpak koro usshiune utara echi ne, awa, otta echi akore epakashi aikoikarape ramu-osshi wano itaknu ki utara echi ne nisa ruwe ne;

Korka, Kamuy koyayirayke na; eci utar anakne etoko wa katpak kor ussiw ne utar eci ne, awa, or ta eci a=kor epakasi aykoykarape ramu-ossi wano itak nu ki utar eci ne nisa ruwe ne;

しかし、神に感謝します。あなたがたは、かつては罪の奴隷でしたが、今は伝えられた教えの規範を受け入れ、それに心から従うようになり、

aige, katpak orowa no ahonnere wa oupekap otta ausshiune utara echi ne nisa ruwe ne.

ayke, katpak orowano ahonnere wa owpekap or ta awssiwne utar eci ne nisa ruwe ne.

罪から解放され、義に仕えるようになりました。

Echi koro kam anak ne katchakbe ne ruwe ne gusu, kuani ainu ye korachi ku ye ruwe ne: inambe gusu ne yakun, echi utara anak ne ichakkere ambe gusu katpak wano katpak otta koro awehe echi usshiunere korachi, tewa no awehe aashkannere gusu oupeka-i otta usshiunere yan.

Eci kor kam anakne kaccakpe ne ruwe ne kusu, kuani aynu ye koraci ku ye ruwe ne: inanpe kusu ne yakun, eci utar anakne icakkere anpe kusu katpak wano katpak or ta kor awehe eci ussiwnere koraci, tewano awehe aaskannere kusu owpeka hi or ta ussiwnere yan.

あなたがたの肉の弱さを考慮して、分かりやすく説明しているのです。かつて自分の五体を汚れと不法の奴隷として、不法の中に生きていたように、今これを義の奴隷として献げて、聖なる生活を送りなさい。

Katpak koro ausshiune utara echi ne rapoketa, oupekap gusu oupeka sakbe echi ne nisa ruwe ne na.

katpak kor awssiwne utar eci ne rapoketa, owpekap kusu owpeka sak pe eci ne nisa ruwe ne na.

あなたがたは、罪の奴隷であったときは、義に対しては自由の身でした。

Tane echi eyainikoroshma ambe gusu, nei rapoketa nekon a ibehe echi kon nisa ruwe he an? Nei okaibe gusu hetukup anak ne rai-ambe ne ruwe ne gusu ne na.

Tane eci eyaynikorosma anpe kusu, ne rapoketa nekona ipehe eci kor nisa ruwe he an? Ne okay pe kusu hetuku p anakne ray-anpe ne ruwe ne kusu ne na.

では、そのころ、どんな実りがありましたか。あなたがたが今では恥ずかしいと思うものです。それらの行き着くところは、死にほかならない。

Koroka, tane katpak gusu ahonnere utara chi ne wa Kamui uitek utara echi ne gusu, ashkannere-i gusu an ibehe echi koro, nei oro hetukup anak ne shiokere shomoki inotu ne ruwe ne.

Korka, tane katpak kusu ahonnere utar ci ne wa Kamuy uytek utar eci ne kusu, askannere hi kusu an ipehe eci kor, ne oro hetuku p anakne siokere somo ki inotu ne ruwe ne.

あなたがたは、今は罪から解放されて神の奴隷となり、聖なる生活の実を結んでいます。行き着くところは、永遠の命です。

Inambe gusu ne yakun, katpak gusu an pummaha anak ne rai ambe ne ruwe ne; koroka, Kamui sange eikrap anak ne chikoro Utarapa ne Yesu Kiristo otta ramma pakno shiokere shomoki inotu ne ruwe ne gusu ne na.

Inanpe kusu ne yakun, katpak kusu an pummaha anakne ray anpe ne ruwe ne; korka, Kamuy sanke eykrap anakne ci=kor Utarpa ne Yesu Kiristo or ta ramma pakno siokere somo ki inotu ne ruwe ne kusu ne na.

罪が支払う報酬は死です。しかし、神の賜物は、わたしたちの主キリスト・イエスによる永遠の命なのです。

Iriwak utara (tuitak eraman utara otta ku ye), ainu anak ne moshiri kohoppa pakno tuitak ani aenishpane wa an sekoro echi erampeutek ya?

Irwak utar (tuytak eraman utar or ta ku ye), aynu anakne mosir kohoppa pakno tuytak ani aenispane wa an sekor eci eranpewtek ya?

それとも、兄弟たち、わたしは律法を知っている人々に話しているのですが、律法とは、人を生きている間だけ支配するものであることを知らないのですか。

Hoku koro shiwentep anak ne koro hoku shiknu wa an rapoketa shinuma tuitak ani atupe wa an; koroka, nei hoku rai chiki, koro hoku tuitak orowa no ahonnere ruwe ne.

Hoku kor siwentep anakne kor hoku siknu wa an rapoketa sinuma tuytak ani a=tup wa an; korka, ne hoku ray ciki, kor hoku tuytak orowano ahonnere ruwe ne.

結婚した女は、夫の生存中は律法によって夫に結ばれているが、夫が死ねば、自分を夫に結び付けていた律法から解放されるのです。

Tambe gusu, koro hoku shiknu wa an rapoketa nei shiwentep anak ne moshima ainu otta akore chiki, omoinu koro shiwentep ani aye kusu ne; koroka, koro hoku rai wa isam okaketa, moshima ainu otta akore yakka, omoinu koro guru shomo ne, nei tuitak otta ahonnere ruwe ne gusu ne na.

Tanpe kusu, kor hoku siknu wa an rapoketa ne siwentep anakne mosma aynu or ta a=kor ciki, omoynu kor siwentep ani aye kusu ne; korka, kor hoku ray wa isam okake ta, mosma aynu or ta a=kor yakka, omoynu kor kur somo ne, ne tuytak or ta ahonnere ruwe ne kusu ne na.

従って、夫の生存中、他の男と一緒になれば、姦通の女と言われますが、夫が死ねば、この律法から自由なので、他の男と一緒になっても姦通の女とはなりません。

Tambe gusu, ku iriwak utara, Kiristo kon netobake ankushkerai echi utara ne yakka tuitak epeka no rai utara ne akara; nei ambe anak ne moshimap otta rai orowa no hetopo-a-shiknure guru otta akore wa Kamui gusu ibehe hetukure kuni gusu an ap ne.

Tanpe kusu, ku irwak utar, Kiristo kor netopake an=kuskeray eci utar ne yakka tuytak epeka no ray utar ne a=kar; ne anpe anakne mosimap or ta ray orowano hetopo-a-siknure kur or ta a=kor wa Kamuy kusu ipehe hetukure kuni kusu an ap ne.

ところで、兄弟たち、あなたがたも、キリストの体に結ばれて、律法に対しては死んだ者となっています。それは、あなたがたが、他の方、つまり、死者の中から復活させられた方のものとなり、こうして、わたしたちが神に対して実を結ぶようになるためなのです。

Inambe gusu ne yakun, kam otta echi okai rapoketa, tuitak ankushkeraipo chikoro katpak oma ayairamshitnere ambe anak ne chikoro awehe tumta monraige wa rai gusu an ibehe hetukure kuni iki nisa ruwe ne.

Inanpe kusu ne yakun, kam or ta eciokay rapoketa, tuytak an=kuskeraypo ci=kor katpak oma ayayramsitnere anpe anakne ci=kor awehe tum ta monrayke wa ray kusu an ipehe hetukure kuni iki nisa ruwe ne.

わたしたちが肉に従って生きている間は、罪へ誘う欲情が律法によって五体の中に働き、死に至る実を結んでいました。

Koroka, tane anak nei tuitak orowa no chi utara ahonnere wa okai, teeda ani atupe ambe orun rai nisa ruwe ne gusu ne na; tambe gusu, chi utara auak ne ausshiune wa ashin no ramat otta iki, nei fushko ikiri otta shomo iki ruwe ne na.

Korka, tane anakne tuytak orowano ci utar ahonnere wa okay, teeta ani a=tup anpe or un ray nisa ruwe ne kusu ne na; tanpe kusu, ci utar awak ne awssiwne wa asinno ramat or ta iki, ne husko ikiri or ta somo iki ruwe ne na.

しかし今は、わたしたちは、自分を縛っていた律法に対して死んだ者となり、律法から解放されています。その結果、文字に従う古い生き方ではなく、“霊”に従う新しい生き方で仕えるようになっているのです。

Yakun, hemanda chi ye kusu ne ya? Tuitak anak ne katpak ne ruwe he an? Ara shomo. Yakka, tuitak ankushkerai shomo ne yakun, katpak ku erampeutek ruwe ne: Iteki yaikoshipuinere yan, ari an itak ani nei tuitak ye a shomoki yak anak ne ibeporore ambe ku erampeutek:

Yakun, hemanta ci ye kusu ne ya? Tuytak anakne katpak ne ruwe he an? Ar somo. Yakka, tuytak an=kuskeray somo ne yakun, katpak ku eranpewtek ruwe ne: Iteki yaykosipuynere yan, ari an itak ani ne tuytak ye a somo ki yakanak ne ipeporore anpe ku eranpewtek:

では、どういうことになるのか。律法は罪であろうか。決してそうではない。しかし、律法によらなければ、わたしは罪を知らなかったでしょう。たとえば、律法が「むさぼるな」と言わなかったら、わたしはむさぼりを知らなかったでしょう。

koroka, katpak anak ne nep ika an gusu, ikashpaotte ankushkerai en onnaigeta usa okai yaikoshipuinere ambe kire nisa ruwe ne; inambe gusu ne yakun, tuitak oyapi ne chiki, katpak rai ruwe ne.

korka, katpak anakne nep ika an kusu, ikaspaotte an=kuskeray en onnayke ta usa okay yaykosipuynere anpe kire nisa ruwe ne; inanpe kusu ne yakun, tuytak oyap ne ciki, katpak ray ruwe ne.

ところが、罪は掟によって機会を得、あらゆる種類のむさぼりをわたしの内に起こしました。律法がなければ罪は死んでいるのです。

Orowa, teeda tuitak oyapi ku shiknu nisa: koroka, ikashpaotte ek chiki katpak shui shiknu wa kuani rai nisa;

Orowa, teeta tuytak oyap ku siknu nisa: korka, ikaspaotte ek ciki katpak suy siknu wa kuani ray nisa;

わたしは、かつては律法とかかわりなく生きていました。しかし、掟が登場したとき、罪が生き返って、

orowa, shiknure kuni ikashpaotte anak ne, tambe anak raige kuni ambe ne sekoro ku nukan nisa ruwe ne:

orowa, siknure kuni ikaspaotte anakne, tanpe anak rayke kuni anpe ne sekor ku nukan nisa ruwe ne:

わたしは死にました。そして、命をもたらすはずの掟が、死に導くものであることが分かりました。

inambe gusu ne yakun, katpak anak ne, nep ika an gusu, nei ikashpaotte ankushkerai en kokandama,

inanpe kusu ne yakun, katpak anakne, nep ika an kusu, ne ikaspaotte an=kuskeray en kokantama,

罪は掟によって機会を得、わたしを欺き、そして、掟によってわたしを殺してしまったのです。

orowa, ani en raige nisa ruwe ne gusu ne na. Tambe gusu, nei tuitak anak ne ashkannep ne, orowa, nei ikashpaotte anak ne ashkannep, oupekap, pirikap ne ruwe ne.

orowa, ani en rayke nisa ruwe ne kusu ne na. Tanpe kusu, ne tuytak anakne askannep ne, orowa, ne ikaspaotte anakne askannep, owpekap, pirka p ne ruwe ne.

こういうわけで、律法は聖なるものであり、掟も聖であり、正しく、そして善いものなのです。

Yakun, pirikap anak en gusu rai ambe ne nisa ruwe he an? Ara shomo. Koroka, katpak anak ne katpak ne aesanniyo kuni gusu, nei pirikap ankushkerai rai ambe iki ruwe ne — nei ambe anak ikashpaotte ankushkerai katpak naa kasu no akokat-pakbe ne akara kuni gusu ne na.

Yakun, pirka p anak en kusu ray anpe ne nisa ruwe he an? Ar somo. Korka, katpak anakne katpak ne a=esanniyo kuni kusu, ne pirka p an=kuskeray ray anpe iki ruwe ne — ne anpe anak ikaspaotte an=kuskeray katpak naa kasuno akokat-pak pe ne a=kar kuni kusu ne na.

それでは、善いものがわたしにとって死をもたらすものとなったのだろうか。決してそうではない。実は、罪がその正体を現すために、善いものを通してわたしに死をもたらしたのです。このようにして、罪は限りなく邪悪なものであることが、掟を通して示されたのでした。

Inambe gusu ne yakun, nei tuitak anak ne ramat unbe ne sekoro chi eraman; koroka, kuani anak ne kam unbe ne,

Inanpe kusu ne yakun, ne tuytak anakne ramat un pe ne sekor ci eraman; korka, kuani anakne kam un pe ne,

わたしたちは、律法が霊的なものであると知っています。しかし、わたしは肉の人であり、罪に売り渡されています。

katpak ckoropoketa aehokbe ku ne ruwe ne. Ku iki ambe ku erampeutek: shomo ku ki rusuibe, nei ambe ku kara; koroka, ku etunne ambe, nei ambe ku ki ruwe ne gusu ne na.

katpak ckoropoketa aehokpe ku ne ruwe ne. Ku iki anpe ku eranpewtek: somo ku ki rusuy pe, ne anpe ku kar; korka, ku etunne anpe, ne anpe ku ki ruwe ne kusu ne na.

わたしは、自分のしていることが分かりません。自分が望むことは実行せず、かえって憎んでいることをするからです。

Koroka, shomo ku ki rusuibe, nei ambe ku ki yak ne, tuitak pirikap ne sekoro ku ramuoshma ruwe ne.

Korka, somo ku ki rusuy pe, ne anpe ku ki yakne, tuytak pirka p ne sekor ku ramuosma ruwe ne.

もし、望まないことを行っているとすれば、律法を善いものとして認めているわけになります。

Tambe gusu nei ambe kara guru anak ne kuani shomo ne, koroka, en onnaigeta oshiroma katpak iki ambe ne ruwe ne.

Tanpe kusu ne anpe kar kur anakne kuani somo ne, korka, en onnayke ta osiroma katpak iki anpe ne ruwe ne.

そして、そういうことを行っているのは、もはやわたしではなく、わたしの中に住んでいる罪なのです。

Inambe gusu ne yakun, en onnaigeta, ku kam onnaigeta, shine pirikap poka shomo oshiroma ruwe ne sekoro ku eraman: ki rusui keutum ku koro, koroka, pirikap ki kuni ambe anak isam ruwe ne gusu ne na.

Inanpe kusu ne yakun, en onnayke ta, ku kam onnayke ta, sine pirka p poka somo osiroma ruwe ne sekor ku eraman: ki rusuy kewtum ku kor, korka, pirka p ki kuni anpe anak isam ruwe ne kusu ne na.

わたしは、自分の内には、つまりわたしの肉には、善が住んでいないことを知っています。善をなそうという意志はありますが、それを実行できないからです。

Inambe gusu ne yakun, ku ki rusui pirikap shomo ku kara; koroka, ku ki kopan wenbe, nei ambe ku kan ruwe ne gusu ne na.

Inanpe kusu ne yakun, ku ki rusuy pirka p somo ku kar; korka, ku ki kopan wenpe, ne anpe ku kan ruwe ne kusu ne na.

わたしは自分の望む善は行わず、望まない悪を行っている。

Koroka, shomo ku ki rusuibe, nei ambe ku ki yak ne, nei ambe ki guru anak ne kuani shomo ne, koroka en onnaigeta oshiroma katpak iki ambe ne ruwe ne.

Korka, somo ku ki rusuy pe, ne anpe ku ki yakne, ne anpe ki kur anakne kuani somo ne, korka en onnayke ta osiroma katpak iki anpe ne ruwe ne.

もし、わたしが望まないことをしているとすれば、それをしているのは、もはやわたしではなく、わたしの中に住んでいる罪なのです。

Tambe gusu, pirikap ki rusui guru ku ne en otta wenbe an ruwe ne sekorʼan tuitak ku nukara.

Tanpe kusu, pirka p ki rusuy kur ku ne en or ta wenpe an ruwe ne sekor an tuytak ku nukar.

それで、善をなそうと思う自分には、いつも悪が付きまとっているという法則に気づきます。

Onnaige un ainu esanniyo chiki, Kamui tuitak ku enupetne ruwe ne:

Onnayke un aynu esanniyo ciki, Kamuy tuytak ku enupetne ruwe ne:

「内なる人」としては神の律法を喜んでいますが、

koroka, ku goro awehe onnaigeta moshima an tuitak ku nukara, nei tuitak anak ne ku keutum ta kotumi koro wa ku goro awehe ta okai katpak tuitak otta en tekepashte korʼan ruwe ne.

korka, ku kor awehe onnayke ta mosma an tuytak ku nukar, ne tuytak anakne ku kewtum ta kotumi kor wa ku kor awehe ta okay katpak tuytak or ta en tekepaste kor an ruwe ne.

わたしの五体にはもう一つの法則があって心の法則と戦い、わたしを、五体の内にある罪の法則のとりこにしているのが分かります。

Aa, eyaisambepokash guru ku ne humi! tan rai kuni netobake orowa no en ohaitare guru nen ne ruwe he an?

Aa, eyaysanpepokas kur ku ne humi! tan ray kuni netopake orowano en ohaytare kur nen ne ruwe he an?

わたしはなんと惨めな人間なのでしょう。死に定められたこの体から、だれがわたしを救ってくれるでしょうか。

Chikoro Utarapa ne Yesu Kiristo ankushkerai gusu, Kamui koyaiiraige na. Tambe gusu, kuani yaikota koro keutum ani Kamui tuitak otta yaiusshiunere ruwe ne; koroka, kam ani katpak tuitak otta ne ruwe ne.

Ci=kor Utarpa ne Yesu Kiristo an=kuskeray kusu, Kamuy koyayirayke na. Tanpe kusu, kuani yaykota kor kewtum ani Kamuy tuytak or ta yayussiwnere ruwe ne; korka, kam ani katpak tuytak or ta ne ruwe ne.

わたしたちの主イエス・キリストを通して神に感謝いたします。このように、わたし自身は心では神の律法に仕えていますが、肉では罪の法則に仕えているのです。

Tambe gusu, Kiristo Yesu oshiketa okai utara gusu tane katpak akore-i isam ruwe ne.

Tanpe kusu, Kiristo Yesu oske ta okay utar kusu tane katpak a=kor hi isam ruwe ne.

従って、今や、キリスト・イエスに結ばれている者は、罪に定められることはありません。

Inambe gusu ne yakun, Kiristo Yesu oshiketa inotu oma Ramat un tuitak anak ne, katpak newa rai ambe un tuitak orowa no en honnere nisa ruwe ne.

Inanpe kusu ne yakun, Kiristo Yesu oske ta inotu oma Ramat un tuytak anakne, katpak ne wa ray anpe un tuytak orowano en honnere nisa ruwe ne.

キリスト・イエスによって命をもたらす霊の法則が、罪と死との法則からあなたを解放したからです。

Nei tuitak kam ankushkerai gusu katchak wa ki eaikapbe anak ne, Kamui, katpak rengap gusu katpak oma kam nokaha nepkoro yaikota koro Poho omande wa kam oshiketa katpak kokatpakte nisa ruwe ne:

Ne tuytak kam an=kuskeray kusu kaccak wa ki eaykap pe anakne, Kamuy, katpak renkap kusu katpak oma kam nokaha nep kor yaykota kor Poho omante wa kam oske ta katpak kokatpakte nisa ruwe ne:

肉の弱さのために律法がなしえなかったことを、神はしてくださったのです。つまり、罪を取り除くために御子を罪深い肉と同じ姿でこの世に送り、その肉において罪を罪として処断されたのです。

nei ambe anak ne, kam nei no apkash shomoki, koroka, ramat nei no apkash korʼan un oshiketa nei tuitak aesanniyop auweomare kuni gusu an ambe ne.

ne anpe anakne, kam ne no apkas somo ki, korka, ramat ne no apkas kor an un oske ta ne tuytak aesanniyop awweomare kuni kusu an anpe ne.

それは、肉ではなく霊に従って歩むわたしたちの内に、律法の要求が満たされるためでした。

Kam nei no okai utara anak ne kam gusu an okaibe esanniyo; koroka, ramat nei no okai utara anak ne ramat gusu an okaibe esanniyo ruwe ne.

Kam ne no okay utar anakne kam kusu an okay pe esanniyo; korka, ramat ne no okay utar anakne ramat kusu an okay pe esanniyo ruwe ne.

肉に従って歩む者は、肉に属することを考え、霊に従って歩む者は、霊に属することを考えます。

Inambe gusu ne yakun, kam nei no an keutum anak ne rai ambe ne; ramat nei no an keutum anak ne inotu ne, itomo ne ruwe ne gusu ne na:

Inanpe kusu ne yakun, kam ne no an kewtum anakne ray anpe ne; ramat ne no an kewtum anakne inotu ne, i=tom ne ruwe ne kusu ne na:

肉の思いは死であり、霊の思いは命と平和であります。

aige, kam nei no an keutum anak ne Kamui epokba ruwe ne, Kamui tuitak koitaknu shomoki ruwe ne gusu ne na, shui,

ayke, kam ne no an kewtum anakne Kamuy epokpa ruwe ne, Kamuy tuytak koytaknu somo ki ruwe ne kusu ne na, suy,

なぜなら、肉の思いに従う者は、神に敵対しており、神の律法に従っていないからです。従いえないのです。

otta koitaknu eaikap ruwe ne: orowa, kam otta okai utara anak ne Kamui nupetnere eaikap.

or ta koytaknu eaykap ruwe ne: orowa, kam or ta okay utar anakne Kamuy nupetnere eaykap.

肉の支配下にある者は、神に喜ばれるはずがありません。

Echi onnaigeta Kamui Ramat anak uni ne koro yak anak ne kam onnaigeta shomo echi okai, koroka, ramat onnaigeta echi okai ruwe ne. Koroka, nen ne yakka Kiristo kon Ramat shomo koro guru an chiki; nei guru anak Shinuma otta ko-an guru shomo ne ruwe ne.

Eci onnayke ta Kamuy Ramat anak uni ne kor yakanak ne kam onnayke ta somo eciokay, korka, ramat onnayke ta eciokay ruwe ne. Korka, nen ne yakka Kiristo kon Ramat somo kor kur an ciki; ne kur anak Sinuma or ta ko-an kur somo ne ruwe ne.

神の霊があなたがたの内に宿っているかぎり、あなたがたは、肉ではなく霊の支配下にいます。キリストの霊を持たない者は、キリストに属していません。

Orowa, Kiristo anak ne echi onnaigeta an chiki, katpak gusu netobake anak rai wa, okere; koroka, oupekap gusu ramat ishu ruwe ne.

Orowa, Kiristo anakne eci onnayke ta an ciki, katpak kusu netopake anak ray wa, okere; korka, owpekap kusu ramat i=su ruwe ne.

キリストがあなたがたの内におられるならば、体は罪によって死んでいても、“霊”は義によって命となっています。

Koroka, rai-i orowa no Yesu hetopo-shiknurep kon Ramat echi onnaigeta uni koro yakun, rai-i orowa no Kiristo Yesu hetopo-shiknurep anak ne echi onnaigeta uni koro Shinuma kon Ramat ankushkerai gusu echi koro rai kuni netobake shiknure kusu ne na.

Korka, ray hi orowano Yesu hetopo-siknurep kon Ramat eci onnayke ta uni kor yakun, ray hi orowano Kiristo Yesu hetopo-siknurep anakne eci onnayke ta uni kor Sinuma kon Ramat an=kuskeray kusu eci kor ray kuni netopake siknure kusu ne na.

もし、イエスを死者の中から復活させた方の霊が、あなたがたの内に宿っているなら、キリストを死者の中から復活させた方は、あなたがたの内に宿っているその霊によって、あなたがたの死ぬはずの体をも生かしてくださるでしょう。

Tambe gusu, iriwak utara, chi utara anak ne kam gusu shiknu wa, kam otta ishu kuni ambe shomo chi ne ruwe ne:

Tanpe kusu, irwak utar, ci utar anakne kam kusu siknu wa, kam or ta i=su kuni anpe somo ci ne ruwe ne:

それで、兄弟たち、わたしたちには一つの義務がありますが、それは、肉に従って生きなければならないという、肉に対する義務ではありません。

inambe gusu ne yakun, kam gusu echi shiknu chiki, echi rai kusu ne ap; koroka, netobake iki ikip ramat ani echi raige yakne echi shiknu kusu ne.

inanpe kusu ne yakun, kam kusu eci siknu ciki, eci ray kusu ne ap; korka, netopake iki iki p ramat ani eci rayke yakne eci siknu kusu ne.

肉に従って生きるなら、あなたがたは死にます。しかし、霊によって体の仕業を絶つならば、あなたがたは生きます。

Inambe gusu ne yakun, Kamui Ramat ani atura utara, obitta nei utara anak Kamui poho utara ne ruwe ne gusu ne na.

Inanpe kusu ne yakun, Kamuy Ramat ani a=tura utar, opitta ne utar anak Kamuy poho utar ne ruwe ne kusu ne na.

神の霊によって導かれる者は皆、神の子なのです。

Echi utara ishitoma gusu kanna-shui ausshiune utara ne kuni gusu ramat akore shomoki, koroka, nei ambe ani Abba, Michihi, ari an itak ani ye kuni poho ne akara kuni gusu an ramat echi kore nisa ruwe ne na.

Eci utar isitoma kusu kanna-suy awssiwne utar ne kuni kusu ramat a=kor somo ki, korka, ne anpe ani Appa, Michihi, ari an itak ani ye kuni poho ne a=kar kuni kusu an ramat eci kore nisa ruwe ne na.

あなたがたは、人を奴隷として再び恐れに陥れる霊ではなく、神の子とする霊を受けたのです。この霊によってわたしたちは、「アッバ、父よ」と呼ぶのです。

Ramat yaikota chikon ramat tura chi utara anak ne Kamui poho ne sekorʼan paweteshu ambe ki ruwe ne: orowa, poho ne chiki,

Ramat yaykota ci=kon ramat tura ci utar anakne Kamuy poho ne sekor an pawetesu anpe ki ruwe ne: orowa, poho ne ciki,

この霊こそは、わたしたちが神の子供であることを、わたしたちの霊と一緒になって証ししてくださいます。

eikeshkoro kuni utara ne; Kamui eikeshkoro utara ne, Kiristo tura eikeshkoro kuni utara ne ruwe ne; chi utara Shinuma tura yairamshitnere yakne Shinuma tura anupekte kusu ne ruwe ne.

eykeskoro kuni utar ne; Kamuy eykeskoro utar ne, Kiristo tura eykeskoro kuni utar ne ruwe ne; ci utar Sinuma tura yayramsitnere yakne Sinuma tura anupekte kusu ne ruwe ne.

もし子供であれば、相続人でもあります。神の相続人、しかもキリストと共同の相続人です。キリストと共に苦しむなら、共にその栄光をも受けるからです。

Tane okai ayairamshitnere ambe anak ne un otta anukare kusu ne a arakuru otta aukopa gusu uweepeka shomo ne kuni ku esanniyo.

Tane okay ayayramsitnere anpe anakne un or ta a=nukar kusu ne a a=rakur or ta awkopa kusu uweepeka somo ne kuni ku esanniyo.

現在の苦しみは、将来わたしたちに現されるはずの栄光に比べると、取るに足りないとわたしは思います。

Akara okaibe earikinne echipachipap anak ne Kamui poho utara anukara-hi etere ruwe ne.

A=kar okay pe earikinne ecipacipap anakne Kamuy poho utar a=nukar hi e=tere ruwe ne.

被造物は、神の子たちの現れるのを切に待ち望んでいます。

Akarabe anak ne rakaisambe otta itaknure wa okai, yaikota rengaine shomo ne, koroka, nei okaibe itaknure guru gusu ne ruwe ne;

A=karpe anakne rakaysanpe or ta itaknure wa okay, yaykota renkayne somo ne, korka, ne okay pe itaknure kur kusu ne ruwe ne;

被造物は虚無に服していますが、それは、自分の意志によるものではなく、服従させた方の意志によるものであり、同時に希望も持っています。

tambe anak ne akara okaibe yaikota ne yakka munin kuni ausshiune ambe orowa no ahonnere wa Kamui poho utara mondum koro nupeki akore kuni chipachipa ruwe ne.

tanpe anakne a=kar okay pe yaykota ne yakka munin kuni awssiwne anpe orowano ahonnere wa Kamuy poho utar montum kor nupeki a=kor kuni cipacipa ruwe ne.

つまり、被造物も、いつか滅びへの隷属から解放されて、神の子供たちの栄光に輝く自由にあずかれるからです。

Obitta no okai akarabe anak ne tane pakno utura nuwap hemhem ki, yaiekimatek hemhem ki sekoro chi eraman ruwe ne gusu ne na.

Opittano okay a=karpe anakne tane pakno utura nuwap hemhem ki, yayekimatek hemhem ki sekor ci eraman ruwe ne kusu ne na.

被造物がすべて今日まで、共にうめき、共に産みの苦しみを味わっていることを、わたしたちは知っています。

Tambe patek shomo ne, koroka, chi utara ne yakka. Ramat hetukure aro-ibehe koro chi utara ne yakka, yaioshiketa nuwap wa poho ne akara-hi chi tere: netobake kikiaraye kuni-hi chi tere koro okai ruwe ne.

Tanpe patek somo ne, korka, ci utar ne yakka. Ramat hetukure ar-ipehe kor ci utar ne yakka, yayosiketa nuwap wa poho ne a=kar hi ci tere: netopake kikiaraye kuni hi ci tere kor okay ruwe ne.

被造物だけでなく、“霊”の初穂をいただいているわたしたちも、神の子とされること、つまり、体の贖われることを、心の中でうめきながら待ち望んでいます。

Inambe gusu ne yakun, chipachipa ash gusu chi utara kashiobiuki nisa; koroka, anukara wa aechipachipa ambe anak ne chipachipa ambe shomo ne: inambe gusu ne yakun, nukara okaibe gusu chipachipa guru anak ne inan guru ne ruwe?

Inanpe kusu ne yakun, cipacipa as kusu ci utar kasiopiwki nisa; korka, a=nukar wa aecipacipa anpe anakne cipacipa anpe somo ne: inanpe kusu ne yakun, nukar okay pe kusu cipacipa kur anakne inan kur ne ruwe?

わたしたちは、このような希望によって救われているのです。見えるものに対する希望は希望ではありません。現に見ているものをだれがなお望むでしょうか。

Koroka, shomo nukarabe gusu chi utara chipachipa ash yakun yaiyupupu wa nei ambe koro kuni etere ruwe ne.

Korka, somo nukar pe kusu ci utar cipacipa as yakun yayyupupu wa ne anpe kor kuni e=tere ruwe ne.

わたしたちは、目に見えないものを望んでいるなら、忍耐して待ち望むのです。

Orowa, nei no korachi Ramat anak ne chikoro katchakbe ikashiu ruwe ne: inambe gusu ne yakun, nekon a inonno-itak ki kuni kusu ne a-i chi erampeutek; koroka, nei Ramat yaikota aye eaikap pakno an oromande wa un gusu yaikurukata koramkon ruwe ne;

Orowa, ne no koraci Ramat anakne ci=kor kaccakpe ikasiw ruwe ne: inanpe kusu ne yakun, nekona inonno-itak ki kuni kusu ne a hi ci eranpewtek; korka, ne Ramat yaykota aye eaykap pakno an oromante wa un kusu yaykurkata koramkon ruwe ne;

同様に、“霊”も弱いわたしたちを助けてくださいます。わたしたちはどう祈るべきかを知りませんが、“霊”自らが、言葉に表せないうめきをもって執り成してくださるからです。

orowa, sambe chimchimi guru anak ne Ramat koro keutum eraman, Kamui irenga nei no ashkanne utara gusu yaikurukata koramkon ruwe ne gusu ne na.

orowa, sanpe cimcimi kur anakne Ramat kor kewtum eraman, Kamuy irenka ne no askanne utar kusu yaykurkata koramkon ruwe ne kusu ne na.

人の心を見抜く方は、“霊”の思いが何であるかを知っておられます。“霊”は、神の御心に従って、聖なる者たちのために執り成してくださるからです。

Orowa, Kamui ko-omap utara gusu obitta no okaibe anak ne utura no iki wa pirikap ne ruwe ne sekoro chi eraman; aesanniyo nei no anishuk utara gusu poka ene ani ne ruwe ne.

Orowa, Kamuy ko-omap utar kusu opittano okay pe anakne uturano iki wa pirka p ne ruwe ne sekor ci eraman; a=esanniyo ne no a=nisuk utar kusu poka ene ani ne ruwe ne.

神を愛する者たち、つまり、御計画に従って召された者たちには、万事が益となるように共に働くということを、わたしたちは知っています。

Inambe gusu ne yakun, Kamui anak ne etoko wano eraman utara, inne no okai uiriwak tumugeta iyotta kiyanne guru ne kuni gusu, koro Poho nokaha nei no akatkore kuni etoko wano esanniyo poka ki nisa ruwe ne:

Inanpe kusu ne yakun, Kamuy anakne etoko wano eraman utar, inne no okay uyriwak tumke ta iyotta kiyanne kur ne kuni kusu, kor Poho nokaha ne no a=katkor kuni etoko wano esanniyo poka ki nisa ruwe ne:

神は前もって知っておられた者たちを、御子の姿に似たものにしようとあらかじめ定められました。それは、御子が多くの兄弟の中で長子となられるためです。

orowa, Shinuma etoko wano esanniyo utara, shui, Shinuma nei utara nishuk: orowa, Shinuma nishuk utara, shui, Shinuma oupekare: orowa, Shinuma oupekare utara, shui, Shinuma nupeki kore nisa ruwe ne.

orowa, Sinuma etoko wano esanniyo utar, suy, Sinuma ne utar nisuk: orowa, Sinuma nisuk utar, suy, Sinuma owpekare: orowa, Sinuma owpekare utar, suy, Sinuma nupeki kore nisa ruwe ne.

神はあらかじめ定められた者たちを召し出し、召し出した者たちを義とし、義とされた者たちに栄光をお与えになったのです。

Yakun, tap okaibe gusu hemanda chi ye kusu ne ya? Kamui un gusu an yakun, un epokba guru inan guru ne ya?

Yakun, tap okay pe kusu hemanta ci ye kusu ne ya? Kamuy un kusu an yakun, un epokpa kur inan kur ne ya?

では、これらのことについて何と言ったらよいだろうか。もし神がわたしたちの味方であるならば、だれがわたしたちに敵対できますか。

Yaikota koro Poho shihopinupka shomoki, koroka, un gusu Shinuma ekoshi gurʼanak ne, nekon a iki wa Shinuma tura oro-isam no obitta no okaibe un koropare ne yakka shomoki ruwe he an?

Yaykota kor Poho sihopinupka somo ki, korka, un kusu Sinuma ekosi kur anakne, nekona iki wa Sinuma tura oro-isam no opittano okay pe un korpare ne yakka somo ki ruwe he an?

わたしたちすべてのために、その御子をさえ惜しまず死に渡された方は、御子と一緒にすべてのものをわたしたちに賜らないはずがありましょうか。

Kamui anumge utara eiyonnuppa guru inan guru ne ya?

Kamuy a=numke utar eyyonnuppa kur inan kur ne ya?

だれが神に選ばれた者たちを訴えるでしょう。人を義としてくださるのは神なのです。

Nei utara oupekare Kamui ne ruwe he an? Katpak kore guru nen ne ruwe? Rai, shui, makangane hetopo-shiknu wa Kamui shimon-tek samata an hine un eikotchanne ne yakka ki Kiristo ne ruwe he an?

Ne utar owpekare Kamuy ne ruwe he an? Katpak kore kur nen ne ruwe? Ray, suy, makankane hetopo-siknu wa Kamuy simon-teksama ta an hine un eykoccanne ne yakka ki Kiristo ne ruwe he an?

だれがわたしたちを罪に定めることができましょう。死んだ方、否、むしろ、復活させられた方であるキリスト・イエスが、神の右に座っていて、わたしたちのために執り成してくださるのです。

Kiristo koro omap-hi wano un oyakta ande guru inan guru ne ya? Aeramchuptekbe hene ya? Yairamkoiki ambe hene ya? Aepokbap hene ya? Kem-an hene ya? Atusa ambe hene ya?

Kiristo kor omap hi wano un oyakta ante kur inan kur ne ya? Aeramchuptekbe hene ya? Yairamkoiki anpe hene ya? Aepokbap hene ya? Kem-an hene ya? Atusa anpe hene ya?