共観表
Markos 16.1 §230VIII
1 Orowa, Shini toho okere chiki Makdarene un Maria newa Yakob koro habo Maria anak ne Sarome utura hine ani Shinuma kashi ota gusu pirika hura ushbe koro wa araki.
Orowa, Sini toho okere ciki Makdarene un Maria newa Yakob kor hapo Maria anakne Sarome utura hine ani Sinuma kasi ota kusu pirka hura uspe kor wa arki.
Roukos 23.56 §335VIII
Mattaios 28.1-4 §352I
1 Orowa, shini toho moire no an-kesh paketa nei mawari atpake an toho ehange ita, Makdarene un Maria hemhem, moshima an Maria hemhem utura hine tushiri nukara gusu araki nisa ruwe ne.
Orowa, sini toho moyre no an-kes pak ta ne mawari atpake an toho ehanke hi ta, Makdarene un Maria hemhem, mosma an Maria hemhem utura hine tusiri nukar kusu arki nisa ruwe ne.
2 Aige, ingarʼan, poro shirishimoye an; kando orowa no Kamui uitekbe ran hine ek wa nei poro shuma oyakta karakarasere wa kata a nisa ruwe ne gusu ne na.
Ayke, inkar=an, poro sirsimoye an; kanto oro wano Kamuy uytekpe ran hine ek wa ne poro suma oyak ta karkarsere wa kata a nisa ruwe ne kusu ne na.
3 Koro katuhu anak ne imeru korachi ne, mipihi anak ne upas pakno retan ruwe ne:
Kor katuhu anakne imeru koraci ne, mipihi anakne upas pakno retar ruwe ne:
4 orowa, pungi utara shinuma koishitoma gusu tusushke, aine, rai guru iporo korachi ipukitara ruwe ne Orowa,
orowa, punki utar sinuma koysitoma kusu tususke, ayne, raykur iporo koraci ipukitara ruwe ne Orowa,
Markos 16.2-5 §231I
2 Awa, Shini toho eshimge no an toho ta aro-kunneiwano an ita, chup hetuku chiki tushiri orota araki nisa ruwe ne.
Awa, Sini toho esimke no an toho ta a=ro-kunneywano an hi ta, cup hetuku ciki tusiri oro ta arki nisa ruwe ne.
3 Aige, un gusu tushiri apa wano shuma oyakta kokarakarasere guru hunna ruwe? ari itak;
Ayke, un kusu tusiri apa wano suma oyak ta kokarakarasere kur hunna ruwe? ari itak;
4 aige, hepuni ingara chiki, nei shuma oyake un kokarakarase wa an, ani nukara; nei ambe shiri porobe ne gusu ne na.
ayke, hepuni inkar ciki, ne suma oyake un kokarakarase wa an, ani nukar; ne anpe siri poro p ne kusu ne na.
5 Orowa no, tushiri otta ahup koro shimon samata a retara mipihi amire wa an shine upen ainu anukara; aige, nei utara kimatek nisa ruwe ne.
Orowano, tusiri or ta ahup kor simon sama ta a retar mipihi a=mire wa an sine upen aynu a=nukar; ayke, ne utar kimatek nisa ruwe ne.
Roukos 24.1-4 §336I
1 Orowa, nei utara anak ne tuitak an korachi Shini toho ta shini ruwe ne. Awa, Shini toho eshimge no an toho ta aroankes pakita nei utara shipini okere pirika hura ushbe koro wa tushiri orota araki nisa ruwe ne.
Orowa, ne utar anakne tuytak an koraci Sini toho ta sini ruwe ne. Awa, Sini toho esimke no an toho ta aroankes pakita ne utar sipini okere pirka hura uspe kor wa tusiri oro ta arki nisa ruwe ne.
2 Aige, nei tushiri wano shuma kokarakarase wa an shiri anukara.
Ayke, ne tusiri wano suma kokarakarase wa an siri a=nukar.
3 Awa, orota ahup hine Utarapa ne Yesu kon netobake nukara shomoki.
Awa, oro ta ahup hine Utarpa ne Yesu kor netopake nukar somo ki.
4 Orowa, nei utara tambe gusu keutura utumashi wa okai, aige, pekere at amip rai wa okai tu ainu nei samaketa roshki nisa ruwe ne:
Orowa, ne utar tanpe kusu kewtura utumasi wa okay, ayke, peker at amip ray wa okay tu aynu ne samake ta roski nisa ruwe ne:
Yoannes 20.1 §209I
1 Orowa, Mawari atpake an toho ta, naa shirikunne an ita, Makdarene un Maria anak ne tushiri otta ek, awa, nei tushiri wano shuma auk wa an shiri nukara.
Orowa, Mawari atpake an toho ta, naa sirkunne an hi ta, Makdarene un Maria anakne tusiri or ta ek, awa, ne tusiri wano suma auk wa an siri nukar.
Yoannes 20.11-12 §211I
11 Koroka, Maria anak ne chish koro soita tushiri samaketa ash wa an ruwe ne: awa, chish shiri an koro hotku wa tushiri orun ingan nisa ruwe ne;
Korka, Maria anakne cis kor soy ta tusiri samake ta as wa an ruwe ne: awa, cis siri an kor hotku wa tusiri orun inkar nisa ruwe ne;
12 aige, retara amip mi wa okai tu Kamui hauturumbe nukara, Yesu kon netobake aande ushiketa, shinep nei sapaha an ushike shinep nei chikiri an ushiketa a wa an ruwe ne.
ayke, retar amip mi wa okay tu Kamuy hawturunpe nukar, Yesu kor netopake a=ante uske ta, sinep ne sapaha an usike sinep ne cikiri an uske ta a wa an ruwe ne.
Mattaios 28.5-7 §353II
5 Kamui uitekbe ese wa nei shiwentep utara otta ene itak-hi :— Iteki ishitoma yan: echi utara utasa chikuni otta araige Yesu hunara wa echi okai wa ku eraman ruwe ne gusu ne na.
Kamuy uytekpe ese wa ne siwentep utar or ta ene itak hi :— Iteki isitoma yan: eci utar utasa cikuni or ta arayke Yesu hunara wa eci=okay wa ku=eraman ruwe ne kusu ne na.
6 Shinuma teda isam, hoshiki itak korachi hetopo-shiknu nisa ruwe ne gusu ne na. Araki wa Utarapa hoshiki otta hotke-i ingara yan.
Sinuma teta isam, hoski itak koraci hetopo-siknu nisa ruwe ne kusu ne na. Arki wa Utarpa hoski or ta hotke hi inkar yan.
7 Orowa no tunashi no paye wa koro koikara utara otta :— Shinuma rai orowa no hetopo-shiknu wa an sekoro nure yan, orowa, echi kotchaot Gariraya moshiri orun oman nisa ruwe ne; nei ita echi nukara kusu ne; ingarʼan, kuani echi nure okere na.
Orowano tunasno paye wa kor koykar utar or ta :— Sinuma ray oro wano hetopo-siknu wa an sekor nure yan, orowa, eci=kotcaot Gariraya mosir orun oman nisa ruwe ne; ne hi ta eci=nukar kusu ne; inkar=an, kuani eci=nure okere na.
Markos 16.6-7 §232II
6 Orowa, nei shiwentep otta shinuma ene itak-hi :— Iteki kimatek yan, echi utara anak ne utasa chikuni otta a kungi kokikkik Nazaret kotan un Yesu echi hunara shiri okai: Shinuma hetopo-a-shiknure wa teda isama, utara Shinuma ande ushike ingara yan!
Orowa, ne siwentep or ta sinuma ene itak hi :— Iteki kimatek yan, eci utar anakne utasa cikuni or ta a kunki kokikkik Nazaret kotan un Yesu eci=hunara siri okay: Sinuma hetopo-a-siknure wa teta isam, utar Sinuma ante usike inkar yan!
7 Koroka, echi paye wa :— Shinuma anak ne echi kotchaot Gariraya moshiri un oman ruwe ne, echi otta ye korachi nei moshiri ta echi nukara kusu ne, ari an itak ani koro koikara utara newa Petros otta ye yan, ari itak.
Korka, eci=paye wa :— Sinuma anakne eci=kotcaot Gariraya mosir un oman ruwe ne, eci or ta ye koraci ne mosir ta eci=nukar kusu ne, ari an itak ani kor koykar utar newa Petros or ta ye yan, ari itak.
Roukos 24.5-8 §337II
5 awa, nei utara kimatek wa shiri kata koro nanuhu hepokiki, aine orota nei ainu utara ene itak-hi :— Nep gusu rai guru tumugeta shiknu guru echi hunara ya?
awa, ne utar kimatek wa siri kata kor nanuhu hepokiki, ayne oro ta ne aynu utar ene itak hi :— Nep kusu raykur tumke ta siknu kur eci=hunara ya?
6 Shinuma teda isam, koroka, hetopo-a-shiknure nisa ruwe ne: Shinuma naa Gariraya kotan ta an rapoketa echi otta :—
Sinuma teta isam, korka, hetopo-a-siknure nisa ruwe ne: Sinuma naa Gariraya kotan ta an rapoketa eci or ta :—
7 Ainu Poho anak ne katpak koro utara tekehe otta aekoshi wa utasa chikuni otta akungi kokikkik, orowa, rereko an ita hotopo-shiknu kusu ne ap, ani an itak ani ye katu echi eshkarun yan, ari itak.
Aynu Poho anakne katpak kor utar tekehe or ta a=ekosi wa utasa cikuni or ta a=kunki kokikkik, orowa, rerko an hi ta hotopo-siknu kusu ne ap, ani an itak ani ye katu eci=eskarun yan, ari itak.
8 Orowa, nei utara anak ne Shinuma ye itak eshkarun,
Orowa, ne utar anakne Sinuma ye itak eskarun,
Mattaios 28.8 §354II
8 Orowa no nei utara yaitunashka hine kimatek koro shi no yaikopuntek wa tushiri ekohopi wa koikara utara otta nure kuni ne paye nisa ruwe ne na.
Orowano ne utar yaytunaska hine kimatek korsi no yaykopuntek wa tusiri ekohopi wa koykar utar or ta nure kuni ne paye nisa ruwe ne na.
Markos 16.8 §233II
8 Orowa no, nei utara soyumba wa tushiri wano kira nisa ruwe ne: inambe gusu ne yakun, nei utara tusushke hemhem ki, homatu hemhem ki ruwe ne gusu ne na; orowa, nen ye yakka otta nep ka ye shomoki: ishitoma nisa ruwe ne gusu ne na.
Orowano, ne utar soyunpa wa tusiri wano kira nisa ruwe ne: inanpe kusu ne yakun, ne utar tususke hemhem ki, homatu hemhem ki ruwe ne kusu ne na; orowa, nen ye yakka or ta nep ka ye somo ki: isitoma nisa ruwe ne kusu ne na.
Roukos 24.9 §338II
9 awa, tushiri wano hoshippa hine nei shinen ikashima wa niu otta hemhem, obitta no okai moshima utara otta hemhem obitta tap orushpe nure nisa ruwe ne.
awa, tusiri wano hosippa hine ne sinen ikasma wa niw or ta hemhem, opittano okay mosma utar or ta hemhem opitta tap oruspe nure nisa ruwe ne.
Markos 16.9 §234
9 Orosama, Shini toho eshimge toho ta aro-kunneiwano Shinuma hetopo-shiknu wa an ita, orowa no arawan nitne kamui oashinge Makdarene un Maria otta hoshiki no yainukara.
Orosama, Sini toho esimke toho ta a=ro-kunneywano Sinuma hetopo-siknu wa an hi ta, orowano arwan nitne kamuy oasinke Makdarene un Maria or ta hoskino yaynukara.
Markos 16.10-11 §235
10 Nei guru anak ne hoshiki no, Shinuma tura no okai yaituwashkarap hemhem ki, chish hemhem ki shiri okai utara otta oman wa nure nisa ruwe ne.
Ne kur anakne hoskino, Sinuma turano okay yaytuwaskarap hemhem ki, cis hemhem ki siri okay utar or ta oman wa nure nisa ruwe ne.
11 Awa, nei utara anak Shinuma shiknu wa an, aige, nei shiwentep orowa no anukara sekorʼorushpe nu koro, eumbipka nisa ruwe ne.
Awa, ne utar anak Sinuma siknu wa an, ayke, ne siwentep oro wano a=nukar sekor oruspe nu kor, eunpipka nisa ruwe ne.
Markos 16.12-13 §236
12 Tap okaibe an okaketa nei utara tumuge un tu niu kim ta apkash rapoketa, oya katuhu koro hine otta Shinuma yainukara nisa ruwe ne.
Tap okaype an okake ta ne utar tumuke un tu niw kim ta apkas rapoketa, oya katuhu kor hine or ta Sinuma yaynukara nisa ruwe ne.
13 Awa, nei utara paye wa moshima okai utara nure; yakka, nei utara ne yakka eishokoro shomoki nisa ruwe ne.
Awa, ne utar paye wa mosma okay utar nure; yakka, ne utar ne yakka eysokor somo ki nisa ruwe ne.
Markos 16.14 §237
14 Orowa, okaketa, nei shinen ikashima wa niu ibe gusu rok wa okai rapoketa otta Shinuma anukan nisa ruwe ne; awa, nei utara sambe nishte eishokorʼi sak gusu kosakayokara ruwe ne, hetopo-a-shiknure okaketa Shinuma nukara utara eishokoro shomoki nisa ruwe ne gusu ne na.
Orowa, okake ta, ne sinen ikasma wa niw ipe kusu rok wa okay rapoketa or ta Sinuma a=nukar nisa ruwe ne; awa, ne utar sanpe niste eysokor i sak kusu kosakayokar ruwe ne, hetopo-a-siknure okake ta Sinuma nukar utar eysokor somo ki nisa ruwe ne kusu ne na.
Markos 16.15-16 §238
15 Orowa, Shinuma nei utara otta ene itak-hi :— Ingi moshirʼotta echi paye wa obitta no okai utara otta Pirika shongo eupaskuma yan.
Orowa, Sinuma ne utar or ta ene itak hi :— Inki mosir or ta eci=paye wa opittano okay utar or ta Pirka sonko ewpaskuma yan.
16 Eishokoro wa baptisma akore guru anak ne kashi-a-obiuki kusu ne; koroka, eumbipka guru anak ne katpak kon ruwe ne sekoro aesanniyo kusu ne na.
Eysokor wa paptisma a=kore kur anakne kasi-a-opiwki kusu ne; korka, eunpipka kur anakne katpak kor ruwe ne sekor a=esanniyo kusu ne na.
Markos 16.17-18 §239
17 Orowa, tap okai shirosh anak ne eishokoro guru oshi araki kusu ne;
Orowa, tap okay siros anakne eysokor kur osi arki kusu ne;
18 Ku reihei ankushkeraipo nitne kamui oashinge, orowa, ashiri itak ani ye kusu ne; okokko kishima, orowa, raige kuni iku ambe iku yakka oara a wende shomoki; tashum utara kata teke ande chiki aiwangere kusu ne na, sekoro itak.
Ku=rehe an kuskeraypo nitne kamuy oasinke, orowa, a=siri itak ani ye kusu ne; okokko kisma, orowa, rayke kuni iku anpe iku yakka oar a wente somo ki; tasum utar kata teke ante ciki aywankere kusu ne na, sekor itak.
Markos 16.19 §240
19 Tambe gasu, Utarapa ne Yesu anak ne utara otta itak okere chiki kando otta auk wa Karaui shimon tek samata a nisa ruwe ne.
Tanpe kasu, Utarpa ne Yesu anakne utar or ta itak okere ciki kanto or ta auk wa Karawi simon teksama ta a nisa ruwe ne.
Markos 16.20 §241
20 Orowa, nei utara paye wa, neita ne yakka upaskuma ki, Utarapa nei utara tura no ki wa osbi ek shirosh ani koro itak ashte nisa ruwe ne na. Amen.
Orowa, ne utar paye wa, ney ta ne yakka upaskuma ki, Utarpa ne utar turano ki wa ospi ek siros ani kor itak aste nisa ruwe ne na. Amen.