Yakun, hemanda chi ye kusu ne ya? Irenga aporore kuni gusu, rammakane katpak chi ki kusu ne ya?
Yakun, hemanta ci ye kusu ne ya? Irenka a=porore kuni kusu, ramma kane katpak ci ki kusu ne ya?
τι ουν ερουμεν επιμενωμεν τη αμαρτια ινα η χαρις πλεοναση
では、どういうことになるのか。恵みが増すようにと、罪の中にとどまるべきだろうか。
Ara shomo. Katpak otta rai okere chi utara anak ne hemanda tewa no nei ambe otta shiknu kusu ne ya?
Ar somo. Katpak or ta ray okere ci utar anakne hemanta tewano ne anpe or ta siknu kusu ne ya?
μη γενοιτο οιτινες απεθανομεν τη αμαρτια πως ετι ζησομεν εν αυτη
決してそうではない。罪に対して死んだわたしたちが、どうして、なおも罪の中に生きることができるでしょう。
Kiristo Yesu otta Baptisma akore chi utara anak ne obitta Shinuma rai-hi otta baptisma akore na sekorʼambe echi erampeutek ruwe he an?
Kiristo Yesu or ta Baptisma a=kore ci utar anakne opitta Sinuma ray hi or ta paptisma a=kore na sekor anpe eci=eranpewtek ruwe he an?
η αγνοειτε οτι οσοι εβαπτισθημεν εις χριστον [ιησουν] ιησουν εις τον θανατον αυτου εβαπτισθημεν
それともあなたがたは知らないのですか。キリスト・イエスに結ばれるために洗礼を受けたわたしたちが皆、またその死にあずかるために洗礼を受けたことを。
Tambe gusu, chi utara anak ne baptisma gusu rai-hi otta Shinuma tura no aomare; Kiristo anak ne Michi nupeki gusu rai orowa no hotopo-a-shiknure korachi, chi utara ne yakka ashiri inotu oma wa apkash kuni gusu ne na.
Tanpe kusu, ci utar anakne paptisma kusu ray hi or ta Sinuma turano a=omare; Kiristo anakne Mici nupeki kusu ray oro wano hotopo-a-siknure koraci, ci utar ne yakka a=siri inotu oma wa apkas kuni kusu ne na.
συνεταφημεν ουν αυτω δια του βαπτισματος εις τον θανατον ινα ωσπερ ηγερθη χριστος εκ νεκρων δια της δοξης του πατρος ουτως και ημεις εν καινοτητι ζωης περιπατησωμεν
わたしたちは洗礼によってキリストと共に葬られ、その死にあずかるものとなりました。それは、キリストが御父の栄光によって死者の中から復活させられたように、わたしたちも新しい命に生きるためなのです。
Inambe gusu ne yakun, chi utara anak ne Shinuma rai-hi otta tura no an chiki, Shinuma hotopo-shiknu-hi otta ne yakka unepkoro ne ruwe ne;
Inanpe kusu ne yakun, ci utar anakne Sinuma ray hi or ta turano an ciki, Sinuma hotopo-siknu hi or ta ne yakka unepkoro ne ruwe ne;
ει γαρ συμφυτοι γεγοναμεν τω ομοιωματι του θανατου αυτου αλλα και της αναστασεως εσομεθα
もし、わたしたちがキリストと一体になってその死の姿にあやかるならば、その復活の姿にもあやかれるでしょう。
chikoro onne ainu Shinuma tura no utasa chikuni otta akotukka, chikokatpak an netobake aisamka wa tewa no chikokatpak orun ausshiunere shomoki kuni gusu chi eraman wa an ruwe ne gusu ne na;
ci=kor onne aynu Sinuma turano utasa cikuni or ta a=kotukka, ci=kokatpak an netopake a=ysamka wa tewano ci=kokatpak orun aussiwnere somo ki kuni kusu ci eraman wa an ruwe ne kusu ne na;
τουτο γινωσκοντες οτι ο παλαιος ημων ανθρωπος συνεσταυρωθη ινα καταργηθη το σωμα της αμαρτιας του μηκετι δουλευειν ημας τη αμαρτια
わたしたちの古い自分がキリストと共に十字架につけられたのは、罪に支配された体が滅ぼされ、もはや罪の奴隷にならないためであると知っています。
inambe gusu ne yakun rai okere guru anak ne katpak atusare ruwe ne gusu ne na.
inanpe kusu ne yakun ray okere kur anakne katpak atusare ruwe ne kusu ne na.
ο γαρ αποθανων δεδικαιωται απο της αμαρτιας
死んだ者は、罪から解放されています。
Koroka, chi utara anak ne Kiristo tura no rai a chiki, Shinuma tura no shiknu kusu ne sekoro chi eishokonʼruwe ne.
Korka, ci utar anakne Kiristo turano ray a ciki, Sinuma turano siknu kusu ne sekor ci eysokor ruwe ne.
ει δε απεθανομεν συν χριστω πιστευομεν οτι και συζησομεν αυτω
わたしたちは、キリストと共に死んだのなら、キリストと共に生きることにもなると信じます。
Kiristo anak ne rai-i orowa no hotopo-a-shiknure wa kanna rai shomoki kusu ne; rai-i anak tewa no shinuma esapane shomoki ruwe ne, sekoro chi eraman.
Kiristo anakne ray hi oro wano hotopo-a-siknure wa kanna ray somo ki kusu ne; ray hi anak tewano sinuma esapane somo ki ruwe ne, sekor ci eraman.
ειδοτες οτι χριστος εγερθεις εκ νεκρων ουκετι αποθνησκει θανατος αυτου ουκετι κυριευει
そして、死者の中から復活させられたキリストはもはや死ぬことがない、と知っています。死は、もはやキリストを支配しません。
Inambe gusu ne yakun, Shinuma ekot rai-ambe anak arashui ne katpak otta rai okere nisa ruwe ne: koroka, Shinuma
Inanpe kusu ne yakun, Sinuma ekot ray-anpe anak arsuy ne katpak or ta ray okere nisa ruwe ne: korka, Sinuma
ο γαρ απεθανεν τη αμαρτια απεθανεν εφαπαξ ο δε ζη ζη τω θεω
キリストが死なれたのは、ただ一度罪に対して死なれたのであり、生きておられるのは、神に対して生きておられるのです。
ishu inotu anak Kamui otta shiknu ruwe ne na. Nei no korachi echi utara ne yakka yaikota anak katpak otta son no echi rai nisa ruwe ne sekoro esanniyo yan, koroka, Kiristo Yesu gusu Kamui otta ishu ruwe ne ani sanniyo yan.
i=su inotu anak Kamuy or ta siknu ruwe ne na. Néno koraci eci utar ne yakka yaykota anak katpak or ta sonno eci=ray nisa ruwe ne sekor esanniyo yan, korka, Kiristo Yesu kusu Kamuy or ta i=su ruwe ne ani sanniyo yan.
ουτως και υμεις λογιζεσθε εαυτους ειναι [ειναι] νεκρους μεν τη αμαρτια ζωντας δε τω θεω εν χριστω ιησου
このように、あなたがたも自分は罪に対して死んでいるが、キリスト・イエスに結ばれて、神に対して生きているのだと考えなさい。
Tambe gusu, nei ambe kon rusuibe shomo echi ki kuni ne, koro rai kuni netobake ta iteki katpak esapanere yan;
Tanpe kusu, ne anpe kor rusuy pe somo eci=ki kuni ne, kor ray kuni netopake ta iteki katpak esapanere yan;
μη ουν βασιλευετω η αμαρτια εν τω θνητω υμων σωματι εις το υπακουειν ταις επιθυμιαις αυτου
従って、あなたがたの死ぬべき体を罪に支配させて、体の欲望に従うようなことがあってはなりません。
shui, oupeka-sakbe ki kuni gusu an eshipopkep nei no iteki echi koro awehe katpak otta koropare yan; koroka, rai-i orowa no shiknu korachi Kamui otta yaikota yaiyange, orowa, oupekap ki kuni gusu an eshipopkep nei no echi koro awehe Kamui otta yange yan.
suy, owpeka-sak pe ki kuni kusu an esipopkep néno iteki eci=kor awehe katpak or ta korpare yan; korka, ray hi oro wano siknu koraci Kamuy or ta yaykota yaiyanke, orowa, owpekap ki kuni kusu an esipopkep néno eci=kor awehe Kamuy or ta yanke yan.
μηδε παριστανετε τα μελη υμων οπλα αδικιας τη αμαρτια αλλα παραστησατε εαυτους τω θεω ωσει εκ νεκρων ζωντας και τα μελη υμων οπλα δικαιοσυνης τω θεω
また、あなたがたの五体を不義のための道具として罪に任せてはなりません。かえって、自分自身を死者の中から生き返った者として神に献げ、また、五体を義のための道具として神に献げなさい。
Katpak anak ne shomo echi esapane kusu ne; tuitak choropoketa okai utara shomo echi ne, koroka, irenga choropoketa echi okai ruwe ne gusu ne na.
katpak anakne somo eci=esapane kusu ne; tuytak corpoke ta okay utar somo eci ne, korka, irenka corpoke ta eci=okay ruwe ne kusu ne na.
αμαρτια γαρ υμων ου κυριευσει ου γαρ εστε υπο νομον αλλα υπο χαριν
なぜなら、罪は、もはや、あなたがたを支配することはないからです。あなたがたは律法の下ではなく、恵みの下にいるのです。
Yakun, nekon a? Tuitak choropoketa shomo chi okai wa irenga choropoketa okai gusu, tambe gusu katpak chi ki kusu ne ya?
Yakun, nekona? Tuytak corpoke ta somo ci okay wa irenka corpoke ta okay kusu, tanpe kusu katpak ci ki kusu ne ya?
τι ουν αμαρτησωμεν οτι ουκ εσμεν υπο νομον αλλα υπο χαριν μη γενοιτο
では、どうなのか。わたしたちは、律法の下ではなく恵みの下にいるのだから、罪を犯してよいということでしょうか。決してそうではない。
Ara shomo. Itaknu ki kuni otta yaikota echi yaikoropare wa yaiusshiunere guru gusu, katpak gusu an rai-ambe otta hene, oupekap gusu an uitaknu ambe otta hene, koro itak nu wa ki chiki, nei guru koro usshiune utara echi ne sekoro shomo echi eraman ruwe he an?
Ar somo. Itak nu ki kuni or ta yaykota eci=yaykorpare wa yayussiwnere kur kusu, katpak kusu an ray-anpe or ta hene, owpekap kusu an uytaknu anpe or ta hene, kor itak nu wa ki ciki, ne kur kor ussiw ne utar eci ne sekor somo eci=eraman ruwe he an?
ουκ οιδατε οτι ω παριστανετε εαυτους δουλους εις υπακοην δουλοι εστε ω υπακουετε ητοι αμαρτιας εις θανατον η υπακοης εις δικαιοσυνην
知らないのですか。あなたがたは、だれかに奴隷として従えば、その従っている人の奴隷となる。つまり、あなたがたは罪に仕える奴隷となって死に至るか、神に従順に仕える奴隷となって義に至るか、どちらかなのです。
Koroka, Kamui koyaiiraige na; echi utara anak ne etoko wa katpak koro usshiune utara echi ne, awa, otta echi akore epakashi aikoikarape ramu-osshi wano itaknu ki utara echi ne nisa ruwe ne;
Korka, Kamuy koyayirayke na; eci utar anakne etoko wa katpak kor ussiw ne utar eci ne, awa, or ta eci=a=kore epakasi aykoykarape ramu-ossi wano itak nu ki utar eci ne nisa ruwe ne;
χαρις δε τω θεω οτι ητε δουλοι της αμαρτιας υπηκουσατε δε εκ καρδιας εις ον παρεδοθητε τυπον διδαχης
しかし、神に感謝します。あなたがたは、かつては罪の奴隷でしたが、今は伝えられた教えの規範を受け入れ、それに心から従うようになり、
aige, katpak orowa no ahonnere wa oupekap otta ausshiune utara echi ne nisa ruwe ne.
ayke, katpak oro wano a=honnere wa owpekap or ta aussiwne utar eci ne nisa ruwe ne.
ελευθερωθεντες δε απο της αμαρτιας εδουλωθητε τη δικαιοσυνη
罪から解放され、義に仕えるようになりました。
Echi koro kam anak ne katchakbe ne ruwe ne gusu, kuani ainu ye korachi ku ye ruwe ne: inambe gusu ne yakun, echi utara anak ne ichakkere ambe gusu katpak wano katpak otta koro awehe echi usshiunere korachi, tewa no awehe aashkannere gusu oupeka-i otta usshiunere yan.
Eci=kor kam anakne katcakpe ne ruwe ne kusu, kuani aynu ye koraci ku=ye ruwe ne: inanpe kusu ne yakun, eci utar anakne icakkere anpe kusu katpak wano katpak or ta kor awehe eci ussiwnere koraci, tewano awehe aaskannere kusu owpeka hi or ta ussiwnere yan.
ανθρωπινον λεγω δια την ασθενειαν της σαρκος υμων ωσπερ γαρ παρεστησατε τα μελη υμων δουλα τη ακαθαρσια και τη ανομια [εις την ανομιαν] εις την ανομιαν ουτως νυν παραστησατε τα μελη υμων δουλα τη δικαιοσυνη εις αγιασμον
あなたがたの肉の弱さを考慮して、分かりやすく説明しているのです。かつて自分の五体を汚れと不法の奴隷として、不法の中に生きていたように、今これを義の奴隷として献げて、聖なる生活を送りなさい。
Katpak koro ausshiune utara echi ne rapoketa, oupekap gusu oupeka sakbe echi ne nisa ruwe ne na.
katpak kor aussiwne utar eci ne rapoketa, owpekap kusu owpeka sak pe eci ne nisa ruwe ne na.
οτε γαρ δουλοι ητε της αμαρτιας ελευθεροι ητε τη δικαιοσυνη
あなたがたは、罪の奴隷であったときは、義に対しては自由の身でした。
Tane echi eyainikoroshma ambe gusu, nei rapoketa nekon a ibehe echi kon nisa ruwe he an? Nei okaibe gusu hetukup anak ne rai-ambe ne ruwe ne gusu ne na.
Tane eci=e=yaynikorosma anpe kusu, ne rapoketa nekona ipehe eci=kor nisa ruwe he an? Ne okaype kusu hetuku p anakne ray-anpe ne ruwe ne kusu ne na.
τινα ουν καρπον ειχετε τοτε εφ οις νυν επαισχυνεσθε το γαρ τελος εκεινων θανατος
では、そのころ、どんな実りがありましたか。あなたがたが今では恥ずかしいと思うものです。それらの行き着くところは、死にほかならない。
Koroka, tane katpak gusu ahonnere utara chi ne wa Kamui uitek utara echi ne gusu, ashkannere-i gusu an ibehe echi koro, nei oro hetukup anak ne shiokere shomoki inotu ne ruwe ne.
Korka, tane katpak kusu a=honnere utar ci ne wa Kamuy uytek utar eci ne kusu, askannere hi kusu an ipehe eci=kor, ne oro hetuku p anakne siokere somo ki inotu ne ruwe ne.
νυνι δε ελευθερωθεντες απο της αμαρτιας δουλωθεντες δε τω θεω εχετε τον καρπον υμων εις αγιασμον το δε τελος ζωην αιωνιον
あなたがたは、今は罪から解放されて神の奴隷となり、聖なる生活の実を結んでいます。行き着くところは、永遠の命です。
Inambe gusu ne yakun, katpak gusu an pummaha anak ne rai ambe ne ruwe ne; koroka, Kamui sange eikrap anak ne chikoro Utarapa ne Yesu Kiristo otta ramma pakno shiokere shomoki inotu ne ruwe ne gusu ne na.
Inanpe kusu ne yakun, katpak kusu an pummaha anakne ray anpe ne ruwe ne; korka, Kamuy sanke eikrap anakne ci=kor Utarpa ne Yesu Kiristo or ta ramma pakno siokere somo ki inotu ne ruwe ne kusu ne na.
τα γαρ οψωνια της αμαρτιας θανατος το δε χαρισμα του θεου ζωη αιωνιος εν χριστω ιησου τω κυριω ημων
罪が支払う報酬は死です。しかし、神の賜物は、わたしたちの主キリスト・イエスによる永遠の命なのです。