Synopsis
Mattaios 28.1-4 §352I
1 Orowa, shini toho moire no an-kesh paketa nei mawari atpake an toho ehange ita, Makdarene un Maria hemhem, moshima an Maria hemhem utura hine tushiri nukara gusu araki nisa ruwe ne.
Orowa, sini toho moyre no an-kes pak ta ne mawari atpake an toho ehanke hi ta, Makdarene un Maria hemhem, mosma an Maria hemhem utura hine tusiri nukar kusu arki nisa ruwe ne.
2 Aige, ingarʼan, poro shirishimoye an; kando orowa no Kamui uitekbe ran hine ek wa nei poro shuma oyakta karakarasere wa kata a nisa ruwe ne gusu ne na.
Ayke, inkar=an, poro sirsimoye an; kanto oro wano Kamuy uytekpe ran hine ek wa ne poro suma oyak ta karkarsere wa kata a nisa ruwe ne kusu ne na.
3 Koro katuhu anak ne imeru korachi ne, mipihi anak ne upas pakno retan ruwe ne:
Kor katuhu anakne imeru koraci ne, mipihi anakne upas pakno retar ruwe ne:
4 orowa, pungi utara shinuma koishitoma gusu tusushke, aine, rai guru iporo korachi ipukitara ruwe ne Orowa,
orowa, punki utar sinuma koysitoma kusu tususke, ayne, raykur iporo koraci ipukitara ruwe ne Orowa,
Markos 16.2-5 §231I
2 Awa, Shini toho eshimge no an toho ta aro-kunneiwano an ita, chup hetuku chiki tushiri orota araki nisa ruwe ne.
Awa, Sini toho esimke no an toho ta a=ro-kunneywano an hi ta, cup hetuku ciki tusiri oro ta arki nisa ruwe ne.
3 Aige, un gusu tushiri apa wano shuma oyakta kokarakarasere guru hunna ruwe? ari itak;
Ayke, un kusu tusiri apa wano suma oyak ta kokarakarasere kur hunna ruwe? ari itak;
4 aige, hepuni ingara chiki, nei shuma oyake un kokarakarase wa an, ani nukara; nei ambe shiri porobe ne gusu ne na.
ayke, hepuni inkar ciki, ne suma oyake un kokarakarase wa an, ani nukar; ne anpe siri poro p ne kusu ne na.
5 Orowa no, tushiri otta ahup koro shimon samata a retara mipihi amire wa an shine upen ainu anukara; aige, nei utara kimatek nisa ruwe ne.
Orowano, tusiri or ta ahup kor simon sama ta a retar mipihi a=mire wa an sine upen aynu a=nukar; ayke, ne utar kimatek nisa ruwe ne.
Roukos 24.1-4 §336I
1 Orowa, nei utara anak ne tuitak an korachi Shini toho ta shini ruwe ne. Awa, Shini toho eshimge no an toho ta aroankes pakita nei utara shipini okere pirika hura ushbe koro wa tushiri orota araki nisa ruwe ne.
Orowa, ne utar anakne tuytak an koraci Sini toho ta sini ruwe ne. Awa, Sini toho esimke no an toho ta aroankes pakita ne utar sipini okere pirka hura uspe kor wa tusiri oro ta arki nisa ruwe ne.
2 Aige, nei tushiri wano shuma kokarakarase wa an shiri anukara.
Ayke, ne tusiri wano suma kokarakarase wa an siri a=nukar.
3 Awa, orota ahup hine Utarapa ne Yesu kon netobake nukara shomoki.
Awa, oro ta ahup hine Utarpa ne Yesu kor netopake nukar somo ki.
4 Orowa, nei utara tambe gusu keutura utumashi wa okai, aige, pekere at amip rai wa okai tu ainu nei samaketa roshki nisa ruwe ne:
Orowa, ne utar tanpe kusu kewtura utumasi wa okay, ayke, peker at amip ray wa okay tu aynu ne samake ta roski nisa ruwe ne:
Yoannes 20.1 §209I
1 Orowa, Mawari atpake an toho ta, naa shirikunne an ita, Makdarene un Maria anak ne tushiri otta ek, awa, nei tushiri wano shuma auk wa an shiri nukara.
Orowa, Mawari atpake an toho ta, naa sirkunne an hi ta, Makdarene un Maria anakne tusiri or ta ek, awa, ne tusiri wano suma auk wa an siri nukar.
Yoannes 20.2-10 §210X
2 Tambe gusu, shinuma hoyupu hine Simon Petros newa moshima an Yesu omap koikara guru otta ek wa orota ene itak-hi :— Nei utara anak ne tushiri orowa no Utarapa uk, awa, neita Shinuma ande ya chi erampeutek ruwe ne, sekoro itak.
Tanpe kusu, sinuma hoyupu hine Simon Petros newa mosma an Yesu omap koykar kur or ta ek wa oro ta ene itak hi :— Ne utar anakne tusiri oro wano Utarpa uk, awa, ney ta Sinuma ante ya ci eranpewtek ruwe ne, sekor itak.
3 Tambe gusu, Petros newa nei moshima an koikara guru soyumba wa tushiri orun paye.
Tanpe kusu, Petros newa ne mosma an koykar kur soyunpa wa tusiri orun paye.
4 Aige, nei tun anak ne ukotura hoyuppa nisa ruwe ne; awa, nei moshima an koikara guru anak ne Petros kasu no nitan wa hoshiki no tushiri otta ek ruwe ne;
Ayke, ne tun anakne ukotura hoyuppa nisa ruwe ne; awa, ne mosma an koykar kur anakne Petros kasuno nitan wa hoskino tusiri or ta ek ruwe ne;
5 orowa, hotku wa tushiri orun ingara wa nei senkaki amip aande wa an shiri nukara; yakka, ahun shomoki ruwe ne.
orowa, hotku wa tusiri orun inkar wa ne senkaki amip a=ante wa an siri nukar; yakka, ahun somo ki ruwe ne.
6 Orowa, Simon Petros ne yakka shinuma noshpa wa ek hine tushiri orota ahun; awa, nei aande wa an senkaki amip hemhem nukara,
Orowa, Simon Petros ne yakka sinuma nospa wa ek hine tusiri oro ta ahun; awa, ne a=ante wa an senkaki amip hemhem nukar,
7 samata, ani Yesu koro sapa akokarakari senkaki hemhem, nei senkaki amip tura shomo ne, niki akara wa moshima an ushiketa shinep ne po aande wa an shiri nukan nisa ruwe ne.
sama ta, ani Yesu kor sapa a=kokarkari senkaki hemhem, ne senkaki amip tura somo ne, niki a=kar wa mosma an uske ta sinep ne po a=ante wa an siri nukar nisa ruwe ne.
8 Tata otta hoshiki no ek nei moshima an koikara guru ne yakka ahun, aige, nukara, orowa, eishokon nisa ruwe ne.
Tata or ta hoskino ek ne mosma an koykar kur ne yakka ahun, ayke, nukar, orowa, eysokor nisa ruwe ne.
9 Rai orowa no Shinuma hetopo-shiknu kusu ne ap shiri an Kamui nuyere kambi naa nei utara erampeutek ruwe ne gusu ne na.
Ray oro wano Sinuma hetopo-siknu kusu ne ap siri an Kamuy nuyere kampi naa ne utar eranpewtek ruwe ne kusu ne na.
10 Tambe gusu, koikara utara anak ne yaikota koro uni orun shui paye nisa ruwe ne.
Tanpe kusu, koykar utar anakne yaykota kor uni orun suy paye nisa ruwe ne.
Mattaios 28.1-4 §352I
1 Orowa, shini toho moire no an-kesh paketa nei mawari atpake an toho ehange ita, Makdarene un Maria hemhem, moshima an Maria hemhem utura hine tushiri nukara gusu araki nisa ruwe ne.
Orowa, sini toho moyre no an-kes pak ta ne mawari atpake an toho ehanke hi ta, Makdarene un Maria hemhem, mosma an Maria hemhem utura hine tusiri nukar kusu arki nisa ruwe ne.
2 Aige, ingarʼan, poro shirishimoye an; kando orowa no Kamui uitekbe ran hine ek wa nei poro shuma oyakta karakarasere wa kata a nisa ruwe ne gusu ne na.
Ayke, inkar=an, poro sirsimoye an; kanto oro wano Kamuy uytekpe ran hine ek wa ne poro suma oyak ta karkarsere wa kata a nisa ruwe ne kusu ne na.
3 Koro katuhu anak ne imeru korachi ne, mipihi anak ne upas pakno retan ruwe ne:
Kor katuhu anakne imeru koraci ne, mipihi anakne upas pakno retar ruwe ne:
4 orowa, pungi utara shinuma koishitoma gusu tusushke, aine, rai guru iporo korachi ipukitara ruwe ne Orowa,
orowa, punki utar sinuma koysitoma kusu tususke, ayne, raykur iporo koraci ipukitara ruwe ne Orowa,
Markos 16.2-5 §231I
2 Awa, Shini toho eshimge no an toho ta aro-kunneiwano an ita, chup hetuku chiki tushiri orota araki nisa ruwe ne.
Awa, Sini toho esimke no an toho ta a=ro-kunneywano an hi ta, cup hetuku ciki tusiri oro ta arki nisa ruwe ne.
3 Aige, un gusu tushiri apa wano shuma oyakta kokarakarasere guru hunna ruwe? ari itak;
Ayke, un kusu tusiri apa wano suma oyak ta kokarakarasere kur hunna ruwe? ari itak;
4 aige, hepuni ingara chiki, nei shuma oyake un kokarakarase wa an, ani nukara; nei ambe shiri porobe ne gusu ne na.
ayke, hepuni inkar ciki, ne suma oyake un kokarakarase wa an, ani nukar; ne anpe siri poro p ne kusu ne na.
5 Orowa no, tushiri otta ahup koro shimon samata a retara mipihi amire wa an shine upen ainu anukara; aige, nei utara kimatek nisa ruwe ne.
Orowano, tusiri or ta ahup kor simon sama ta a retar mipihi a=mire wa an sine upen aynu a=nukar; ayke, ne utar kimatek nisa ruwe ne.
Roukos 24.1-4 §336I
1 Orowa, nei utara anak ne tuitak an korachi Shini toho ta shini ruwe ne. Awa, Shini toho eshimge no an toho ta aroankes pakita nei utara shipini okere pirika hura ushbe koro wa tushiri orota araki nisa ruwe ne.
Orowa, ne utar anakne tuytak an koraci Sini toho ta sini ruwe ne. Awa, Sini toho esimke no an toho ta aroankes pakita ne utar sipini okere pirka hura uspe kor wa tusiri oro ta arki nisa ruwe ne.
2 Aige, nei tushiri wano shuma kokarakarase wa an shiri anukara.
Ayke, ne tusiri wano suma kokarakarase wa an siri a=nukar.
3 Awa, orota ahup hine Utarapa ne Yesu kon netobake nukara shomoki.
Awa, oro ta ahup hine Utarpa ne Yesu kor netopake nukar somo ki.
4 Orowa, nei utara tambe gusu keutura utumashi wa okai, aige, pekere at amip rai wa okai tu ainu nei samaketa roshki nisa ruwe ne:
Orowa, ne utar tanpe kusu kewtura utumasi wa okay, ayke, peker at amip ray wa okay tu aynu ne samake ta roski nisa ruwe ne:
Yoannes 20.11-12 §211I
11 Koroka, Maria anak ne chish koro soita tushiri samaketa ash wa an ruwe ne: awa, chish shiri an koro hotku wa tushiri orun ingan nisa ruwe ne;
Korka, Maria anakne cis kor soy ta tusiri samake ta as wa an ruwe ne: awa, cis siri an kor hotku wa tusiri orun inkar nisa ruwe ne;
12 aige, retara amip mi wa okai tu Kamui hauturumbe nukara, Yesu kon netobake aande ushiketa, shinep nei sapaha an ushike shinep nei chikiri an ushiketa a wa an ruwe ne.
ayke, retar amip mi wa okay tu Kamuy hawturunpe nukar, Yesu kor netopake a=ante uske ta, sinep ne sapaha an usike sinep ne cikiri an uske ta a wa an ruwe ne.
Yoannes 20.13-18 §212X
13 Nei utara shinuma otta ene itak-hi :— Shiwentep, hemanda gusu e chish ruwe he an? Orota shinuma ene itak-hi :— Nen ka Ku goro Utarapa koro wa paye wa isama, neita Shinuma ande ushike Ku erampeutek ruwe ne gusu ne na, ari itak.
Ne utar sinuma or ta ene itak hi :— Siwentep, hemanta kusu e cis ruwe he an? Oro ta sinuma ene itak hi :— Nen ka Ku=kor Utarpa kor wa paye wa isam, ney ta Sinuma ante usike Ku=eranpewtek ruwe ne kusu ne na, ari itak.
14 Shinuma nei no ye okere chiki oshmake orun hosari hine Yesu ash korʼan shiri nukara, awa, Yesu ne sekoro erampeutek.
Sinuma néno ye okere ciki osmake orun hosari hine Yesu as kor an siri nukar, awa, Yesu ne sekor eranpewtek.
15 Orota Yesu ene itakhi :— Shiwentep, nep gusu e chish ruwe he an? Inan guru e hunara ruwe? ari itak. Nei guru anak ne toi kara guru ne kuni shinuma yainu koro, orota ene itak-hi :— Nishpa, te wano Aokai anak ne Shinuma ani wa oman yak anak ne, neita aande ushike en nure wa en kore, orowa Kuani Shinuma ani wa oman kusu ne na, ari itak.
Oro ta Yesu ene itak hi :— Siwentep, nep kusu e cis ruwe he an? Inan kur e hunara ruwe? ari itak. Ne kur anakne toy kar kur ne kuni sinuma yaynu kor, oro ta ene itak hi :— Nispa, te wano Aokay anakne Sinuma ani wa oman yakanak ne, ney ta a=ante usike en=nure wa en=kore, orowa Kuani Sinuma ani wa oman kusu ne na, ari itak.
16 Orota, “Maria,” ani Yesu itak. Orowa, nei shiwentep yai-hosari wa Hebrai un itak ani Rabboni, ari itak; tan itak ikkewehe anak ne Epakashnu guru ani an itak ikkewehe ne ruwe ne.
Oro ta, “Maria,” ani Yesu itak. Orowa, ne siwentep yay-hosari wa Hebray un itak ani Rabboni, ari itak; tan itak ikkewehe anakne Epakasnu kur ani an itak ikkewehe ne ruwe ne.
17 Orota Yesu ene itak-hi :— Iteki En tomooshma yan; naa shomo Michi otta Ku rikin nisa ruwe ne gusu ne na: koroka, Ku iriwak otta arapa wa, orota, Kuani anak ne Ku goro Michi newa echi koro Michi, Ku goro Kamui newa echi koro Kamui otta Ku rikin ruwe ne, ani an itak ani ye yan, ari itak.
Oro ta Yesu ene itak hi :— Iteki En=tomoosma yan; naa somo Mici or ta Ku=rikin nisa ruwe ne kusu ne na: korka, Ku=irwak or ta arpa wa, oro ta, Kuani anakne Ku=kor Mici newa eci=kor Mici, Ku=kor Kamuy newa eci=kor Kamuy or ta Ku=rikin ruwe ne, ani an itak ani ye yan, ari itak.
18 Makdarene un Maria ek wa Shinuma koro koikara utara otta ene itak-hi :— Utarapa Ku nukan nisa, orowa, tap okaibe Shinuma orowa no a en nure an na, ari itak.
Makdarene un Maria ek wa Sinuma kor koykar utar or ta ene itak hi :— Utarpa Ku=nukar nisa, orowa, tap okaype Sinuma oro wano a en=nure an na, ari itak.
Roukos 24.36-40 §340IX
36 Koroka, nei utara ishitoma wa kimatek ruwe ne, awa, ramat nukan nisa sekoro yainu ruwe ne na.
Korka, ne utar isitoma wa kimatek ruwe ne, awa, ramat nukar nisa sekor yaynu ruwe ne na.
37 Orota Shinuma ene itak-hi :— Nep gusu echi yaikowepekere ruwe? orowa, hemanda gusu echi keutura oshiketa upaorep hetuku ya?
Oro ta Sinuma ene itak hi :— Nep kusu eci yaykowepekere ruwe? orowa, hemanta kusu eci kewtura oske ta upaorep hetuku ya?
38 Kuani yaikota ne sekoro echi eraman kuni ne Ku teke hemhem, Ku chikiri hemhem ingara yan! teke ani En tomooshma wa ingara: Ku an korachi ramat anak ne kam newa pone koro shomoki ruwe ne gusu ne na, sekoro itak.
Kuani yaykota ne sekor eci=eraman kuni ne Ku=teke hemhem, Ku=cikiri hemhem inkar yan! teke ani En=tomoosma wa inkar: Ku=an koraci ramat anakne kam newa pone kor somo ki ruwe ne kusu ne na, sekor itak.
39 Orowa, tambe ye okere chiki, koro teke hemhem, chikiri hemhem nukare nisa ruwe ne.
Orowa, tanpe ye okere ciki, kor teke hemhem, cikiri hemhem nukare nisa ruwe ne.
40 Orowa, nei utara yaikopuntek gusu eumbipka hemhem ki, enushkari hemhem ki koro okai rapoketa, orota Shinuma ene itak-hi :— Nepka teda aep an a? sekoro itak.
Orowa, ne utar yaykopuntek kusu eunpipka hemhem ki, enuskari hemhem ki kor okay rapoketa, oro ta Sinuma ene itak hi :— Nep ka teta aep an a? sekor itak.
Yoannes 20.19-20A §213IX
19 Orowa, nei toho ta, Mawari atpake an toho ta anak, shiri-onuman an koro, Yudea un utara koishitoma wa okai gusu, koikara utara okai ushiketa an apa-ushta ashi wa an, awa, nei ita Yesu ek hine utara tumugeta ash wa, — Echi utara otta itomo anro, ani ye.
Orowa, ne toho ta, Mawari atpake an toho ta anak, siri-onuman an kor, Yudea un utar koysitoma wa okay kusu, koykar utar okay uske ta an apa-us ta asi wa an, awa, ne hi ta Yesu ek hine utar tumke ta as wa, — Eci utar or ta i=tom an ro, ani ye.
20 Orowa, tap ye okere chiki koro teke hemhem, ut hemhem nei utara otta nukare nisa ruwe ne na. Awa, koikara utara Utarapa nukara chiki, yaikopuntek nisa ruwe ne.
Orowa, tap ye okere ciki kor teke hemhem, ut hemhem ne utar or ta nukare nisa ruwe ne na. Awa, koykar utar Utarpa nukar ciki, yaykopuntek nisa ruwe ne.
Yoannes 20.20B-22 §214X
20 Orowa, tap ye okere chiki koro teke hemhem, ut hemhem nei utara otta nukare nisa ruwe ne na. Awa, koikara utara Utarapa nukara chiki, yaikopuntek nisa ruwe ne.
Orowa, tap ye okere ciki kor teke hemhem, ut hemhem ne utar or ta nukare nisa ruwe ne na. Awa, koykar utar Utarpa nukar ciki, yaykopuntek nisa ruwe ne.
21 Orowa, shui nei utara otta Yesu ene itak-hi :— Echi otta itomo anro; Michi anak ne En omande korachi, Kuani echi payere ash ruwe ne, sekoro itak.
Orowa, suy ne utar or ta Yesu ene itak hi :— Eci or ta i=tom an ro; Mici anakne En=omante koraci, Kuani eci=payere as ruwe ne, sekor itak.
22 Tap ambe ye okere chiki nei utara kashiketa heise ki wa orota ene itak-hi :—
Tapanpe ye okere ciki ne utar kasike ta hese ki wa oro ta ene itak hi :—
Mattaios 18.18 §185VII
18 Son no echi otta Ku ye, nep ne yakka kanna moshiri ta echi tupetupep anak ne kando otta ne yakka atupetupe kusu ne; orowa, nep ne yakka kanna moshiri ta echi pitap anak ne kando otta ne yakka apita kusu ne.
Sonno eci or ta Ku=ye, nep ne yakka kanna mosir ta eci tupetupep anakne kanto or ta ne yakka a=tupetupe kusu ne; orowa, nep ne yakka kanna mosir ta eci pitap anakne kanto or ta ne yakka a=pita kusu ne.
Yoannes 20.23 §215VII
23 Ashkanne Ramat echi uk yan: nen ne yakka koro katpak echi tusare yakun, atusare ruwe ne, orowa, nen ne yakka koro katpak echi ande yakun, aande ruwe ne kusu ne na, sekoro itak.
Askanne Ramat eci=uk yan: nen ne yakka kor katpak eci=tusare yakun, atusare ruwe ne, orowa, nen ne yakka kor katpak eci=ante yakun, a=ante ruwe ne kusu ne na, sekor itak.
Yoannes 20.24-25 §216X
24 Koroka, nei tun ikashima wa niu tumuge un Didimos ani areikore Tomas anak ne, Yesu ek ita, nei utara tura no an shomoki nisa ruwe ne.
Korka, ne tun ikasma wa niw tumuke un Didimos ani a=rékore Tomas anakne, Yesu ek hi ta, ne utar turano an somo ki nisa ruwe ne.
25 Awa, moshima okai koikara utara anak ne :— Utarapa chi nukara ash nisa, ani an itak ani shinuma otta ye. Koroka, nei utara otta shinuma ene itak-hi :— Shinuma koro teke otta okai kungi kochi ku nukara, orowa, nei kungi kochi otta ku ashikipet ku omare, samata, koro ut otta ku teke ku omare shomoki yakun, ku eishokoro shomoki kusu ne na, ani itak.
Awa, mosma okay koykar utar anakne :— Utarpa ci nukar as nisa, ani an itak ani sinuma or ta ye. Korka, ne utar or ta sinuma ene itak hi :— Sinuma kor teke or ta okay kunki koci ku=nukar, orowa, ne kunki koci or ta ku asikipet ku=omare, sama ta, kor ut or ta ku=teke ku=omare somo ki yakun, ku=eysokor somo ki kusu ne na, ani itak.
Roukos 24.36-40 §340IX
36 Koroka, nei utara ishitoma wa kimatek ruwe ne, awa, ramat nukan nisa sekoro yainu ruwe ne na.
Korka, ne utar isitoma wa kimatek ruwe ne, awa, ramat nukar nisa sekor yaynu ruwe ne na.
37 Orota Shinuma ene itak-hi :— Nep gusu echi yaikowepekere ruwe? orowa, hemanda gusu echi keutura oshiketa upaorep hetuku ya?
Oro ta Sinuma ene itak hi :— Nep kusu eci yaykowepekere ruwe? orowa, hemanta kusu eci kewtura oske ta upaorep hetuku ya?
38 Kuani yaikota ne sekoro echi eraman kuni ne Ku teke hemhem, Ku chikiri hemhem ingara yan! teke ani En tomooshma wa ingara: Ku an korachi ramat anak ne kam newa pone koro shomoki ruwe ne gusu ne na, sekoro itak.
Kuani yaykota ne sekor eci=eraman kuni ne Ku=teke hemhem, Ku=cikiri hemhem inkar yan! teke ani En=tomoosma wa inkar: Ku=an koraci ramat anakne kam newa pone kor somo ki ruwe ne kusu ne na, sekor itak.
39 Orowa, tambe ye okere chiki, koro teke hemhem, chikiri hemhem nukare nisa ruwe ne.
Orowa, tanpe ye okere ciki, kor teke hemhem, cikiri hemhem nukare nisa ruwe ne.
40 Orowa, nei utara yaikopuntek gusu eumbipka hemhem ki, enushkari hemhem ki koro okai rapoketa, orota Shinuma ene itak-hi :— Nepka teda aep an a? sekoro itak.
Orowa, ne utar yaykopuntek kusu eunpipka hemhem ki, enuskari hemhem ki kor okay rapoketa, oro ta Sinuma ene itak hi :— Nep ka teta aep an a? sekor itak.
Yoannes 20.26-27 §217IX
26 Orowa, tupesan rereko okaketa shui koikara utara anak ne chisei ta okai, awa, Tomas nei utara tura no an nisa ruwe ne. Aige, apa-ushte ashi wa an, awa, Yesu ek wa utara tumugeta ash, aige, ene itak-hi :—
Orowa, tupesan rerko okake ta suy koykar utar anakne cise ta okay, awa, Tomas ne utar turano an nisa ruwe ne. Ayke, apa-uste asi wa an, awa, Yesu ek wa utar tumke ta as, ayke, ene itak hi :—
27 Echi otta itomo anro, ani itak. Orowa, Tomas otta Shinuma ene itak-hi :— Eteun e koro ashikipet turi wa Ku teke ingara; e koro teke turi wa Ku ut otta omare yan; orowa, iteki eishokor-i sak no an, eishokoro yan, ani itak.
Eci or ta i=tom an ro, ani itak. Orowa, Tomas or ta Sinuma ene itak hi :— Eteun e=kor asikipet turi wa Ku=teke inkar; e=kor teke turi wa Ku=ut or ta omare yan; orowa, iteki eysokor hi sak no an, eysokor yan, ani itak.
Yoannes 20.28-31 §218X
28 Tomas ese wa Shinuma orota ene itak-hi :—
Tomas ese wa Sinuma oro ta ene itak hi :—
29 Ku goro Utarapa, Ku goro Kamui. Orota Yesu ene itak-hi :— Eani En nukan nisa ruwe ne gusu eishokon nisa ruwe ne, awa, nukara shomoki no eishokon nisa utara anak ne anunuke ne ruwe ne, ani itak.
Ku=kor Utarpa, Ku=kor Kamuy. Oro ta Yesu ene itak hi :— Eani En=nukar nisa ruwe ne kusu eysokor nisa ruwe ne, awa, nukar somo ki no eysokor nisa utar anakne a=nunuke ne ruwe ne, ani itak.
30 Tambe gusu, tan kambi-sosh kashiketa chieshinnuye shomoki poron no moshima okai shirosh Yesu anak ne koikara utara tek-samata kan nisa;
Tanpe kusu, tan kampi-sos kasike ta ciesinnuye somo ki poronno mosma okay siros Yesu anakne koykar utar tek-sama ta kan nisa;
31 koroka, teda anuye wa an okaibe anak ne, Yesu anak Kiristo ne, Kamui Poho ne, sekoro echi utara eishokoro kuni gusu chieshinnuye wa an; orowa, echi eishokoro wa Shinuma reihei ani inotu echi koro kuni gusu ne na.
korka, teta a=nuye wa an okaype anakne, Yesu anak Kiristo ne, Kamuy Poho ne, sekor eci utar eysokor kuni kusu ciesinnuye wa an; orowa, eci=eysokor wa Sinuma rehe ani inotu eci=kor kuni kusu ne na.