Synopsis

1897

Yoannes 15.24-16.2A §145X

24 Moshima guru kara shomoki ikip nei utara tumugeta Ku kara shomoki yak anak ne, katpak ki a shomoki: koroka, nei utara tane Kuani hemhem, Ku Michi hemhem un nukara hemhem ki, etunne hemhem ki nisa ruwe ne na.

Mosma kur kar somo ki iki p ne utar tumke ta Ku=kar somo ki yakanak ne, katpak ki a somo ki: korka, ne utar tane Kuani hemhem, Ku Mici hemhem un nukar hemhem ki, etunne hemhem ki nisa ruwe ne na.

25 Koroka, nei utara koro tuitak otta anuye wa an ap auweomare kuni gusu, — Ikkewe sak no nei utara En etunne nisa ruwe ne.

Korka, ne utar kor tuytak or ta a=nuye wa an ap a=ueomare kuni kusu, — Ikkewe sak no ne utar En=etunne nisa ruwe ne.

26 Koroka, Michi orowa no echi utara otta Ku omande kusu ne Kotchane ki kunip, Michi orowa no hetuku Sone an Ramat ek chiki, Shinuma anak ne En gusu paweteshu ki kusu ne;

Korka, Mici oro wano eci utar or ta Ku=omante kusu ne Kotchane ki kunip, Mici oro wano hetuku Sone an Ramat ek ciki, Sinuma anakne En kusu pawetesu ki kusu ne;

27 orowa, echi utara ne yakka atpake wano En tura no okai nisa ruwe ne gusu, paweteshu echi ki kusu ne na.

orowa, eci utar ne yakka atpake wano En turano okay nisa ruwe ne kusu, pawetesu eci=ki kusu ne na.

16:1 Echi utara shomo aureepetchiure kuni gusu tap okaibe echi otta Ku ye nisa.

Eci utar somo awreepetciwre kuni kusu tap okaype eci or ta Ku=ye nisa.

2 Utara anak ne Uwekarapa chisei orowa no echi emaka: ruwe ne wa, nen ne yakka echi ronnu guru anak ne Kamui otta yaishieiwangere kuni ramu kusu ne pakihi ek ruwe ne.

Utar anakne Uekarpa cise oro wano eci=emaka: ruwe ne wa, nen ne yakka eci=ronnu kur anakne Kamuy or ta yaysieywankere kuni ramu kusu ne pakihi ek ruwe ne.

Mattaios 10.17-18 §87I

17 Koroka, utara yaitubare yan: inambe gusu ne yakun, utara anak ne ukoramkoro utara otta echi sange, orowa, koro uwekari chisei ta echi koshirkik kusu ne gusu ne na;

Korka, utar yaytupare yan: inanpe kusu ne yakun, utar anakne ukoramkor utar or ta eci=sanke, orowa, kor uekari cise ta eci kosirkik kusu ne kusu ne na;

18 ruwe un, Ku rengap gusu moshiri esapane utara shik-samata hene, moshiri epungine utara tek samata hene echi nimba an kusu ne, tambe anak ne nei utara gusu hene, oya moshirʼun utara gusu hene shirosh ne kusu ne na.

ruwe un, Ku=renkap kusu mosir esapane utar sik-sama ta hene, mosir epunkine utar teksama ta hene eci=ninpa an kusu ne, tanpe anakne ne utar kusu hene, oya mosir un utar kusu hene siros ne kusu ne na.

Mattaios 24.9 §244I

9 Nei ita anak ne echi aeramchuptekte gusu echi ekoshi wa echi raige kusu ne: orowa, Ku reihei ankushkerai obitta no okai uirup orowa no echi aepokba an kusu ne.

Ne hi ta anakne eci aeramcuptekte kusu eci=ekosi wa eci=rayke kusu ne: orowa, Ku=rehe an kuskeray opittano okay uyrup oro wano eci aepokpa an kusu ne.

Markos 13.9 §139I

9 Koroka, echi utara yaitubare yan: inambe gusu ne yakun, utara anak ne ukoramkoro utara otta echi ekoshi kusu ne: orowa no, Uwekarapa chisei ta echi shirikik an, samata, nei utara epeka no paweteshu-i echi ne kuni Ku rengap gusu Esapane utara newa Moshiri shikkashima utara shik-samata echi roshki kusu ne.

Korka, eci utar yaytupare yan: inanpe kusu ne yakun, utar anakne ukoramkor utar or ta eci=ekosi kusu ne: orowano, Uekarpa cise ta eci=sirkik an, sama ta, ne utar epeka no pawetesu hi eci ne kuni Ku=renkap kusu Esapane utar newa Mosir sikkasima utar sik-sama ta eci=roski kusu ne.

Roukos 21.12-13 §250I

12 Koroka, obitta no tap okaibe an etokota, utara anak ne Ku reihei rengap gusu echi kishima wa echi epokba, aige, uwekarapa chisei otta hemhem, upakashnu chisei otta hemhem echi ekoshi hine Moshiri esapane utara newa epungine utara orun echi tura kusu ne.

Korka, opittano tap okaype an etoko ta, utar anakne Ku=rehe renkap kusu eci=kisma wa eci epokpa, ayke, uekarpa cise or ta hemhem, upakasnu cise or ta hemhem eci=ekosi hine Mosir esapane utar newa epunkine utar orun eci tura kusu ne.

13 Nei ambe anak ne echi otta paweteshu ne kusu ne.

Ne anpe anakne eci or ta pawetesu ne kusu ne.

Yoannes 16.2B-4A §146I

2 Utara anak ne Uwekarapa chisei orowa no echi emaka: ruwe ne wa, nen ne yakka echi ronnu guru anak ne Kamui otta yaishieiwangere kuni ramu kusu ne pakihi ek ruwe ne.

Utar anakne Uekarpa cise oro wano eci=emaka: ruwe ne wa, nen ne yakka eci=ronnu kur anakne Kamuy or ta yaysieywankere kuni ramu kusu ne pakihi ek ruwe ne.

3 Nei utara Michi eamkiri shomoki, En eamkiri ka shomoki gusu tap okaibe ki kusu ne.

Ne utar Mici e=amkir somo ki, En=e=amkir ka somo ki kusu tap okaype ki kusu ne.

4 Koroka, tan orushpe echi otta Ku ye ikkewehe anak ne, nei pakihi hetuku chiki, nei orushpe Kuani echi nure ash a ambe echi eshkarun kuni gusu an ap ne ruwe ne. Orowa, atpake wano tap okai orushpe shomo echi orun Ku ye, echi tura no Ku an nisa ruwe ne gusu ne na.

Korka, tan oruspe eci or ta Ku=ye ikkewehe anakne, ne pakihi hetuku ciki, ne oruspe Kuani eci=nure as a anpe eci=eskarun kuni kusu an ap ne ruwe ne. Orowa, atpake wano tap okay oruspe somo eci=orun Ku=ye, eci turano Ku=an nisa ruwe ne kusu ne na.

Yoannes 16.4B-14 §147X

5 Koroka, tane anak ne En omandep otta Ku oman ruwe ne; aige, Ine un E oman ya? sekoro echi utara tumugeta nu guru isama.

Korka, tane anakne En omantep or ta Ku=oman ruwe ne; ayke, Ine un E oman ya? sekor eci utar tumke ta nu kur isam.

6 Koroka, tap okaibe echi otta Ku ye gusu echi sambe anak ne ok ani aeshik ruwe ne.

Korka, tap okaype eci or ta Ku=ye kusu eci=sanpe anakne ok ani a=esik ruwe ne.

7 Yakka, son no ambe echi nure ash na; Kuani Ku oman-i anak ne echi utara gusu pirikap ne: inambe gusu ne yakun, Ku oman shomoki chiki nei Kotchane ki kunip echi otta ek shomoki kusu ne na; koroka, Ku oman yakun echi otta Shinuma Ku omande kusu ne na.

Yakka, sonno anpe eci=nure as na; Kuani Ku=oman hi anakne eci utar kusu pirka p ne: inanpe kusu ne yakun, Ku=oman somo ki ciki ne Kotchane ki kunip eci or ta ek somo ki kusu ne na; korka, Ku=oman yakun eci or ta Sinuma Ku=omante kusu ne na.

8 Orowa, Shinuma anak ne ek chiki, chikokatpakhe gusu hemhem, oupeka ambe gusu hemhem, koipishi ambe gusu hemhem moshiri kokatpakte kusu ne:

Orowa, Sinuma anakne ek ciki, cikokatpakhe kusu hemhem, owpeka anpe kusu hemhem, koypisi anpe kusu hemhem mosir kokatpakte kusu ne:

9 chikokatpakbe gusu ne ap anak, nei utara En eishokoro shomoki gusu ne; oupeka ambe gusu ne ap anak,

cikokatpakpe kusu ne ap anak, ne utar En=eysokor somo ki kusu ne; owpeka anpe kusu ne ap anak,

10 Kuani Michi orun Ku oman wa naa echi utara En nukara shomoki gusu ne;

Kuani Mici orun Ku=oman wa naa eci utar En=nukar somo ki kusu ne;

11 koipishi ambe gusu an ap anak, tan moshiri un esapanep akoipishi nisa ruwe ne gusu ne gusu ne na.

koypisi anpe kusu an ap anak, tan mosir un e=sapanep akoypisi nisa ruwe ne kusu ne kusu ne na.

12 Echi otta Ku ye kuni okaibe poron no okai, koroka, tane echi nu eaikap ruwe ne.

Eci or ta Ku=ye kuni okaype poronno okay, korka, tane eci=nu eaykap ruwe ne.

13 Koroka, nei Sone an Ramat anak ne ek wa an chiki, Shinuma anak obitta no okai sonep otta echi ani wa tura kusu ne: inambe gusu ne yakun, Shinuma anak ne Yaikota orowa no ye shomoki; koroka, Shinuma nu kusu ne okaibe obitta ye kusu ne gusu ne na: orowa, Shinuma anak ne ek kusu ne okaibe echi nure kusu ne ruwe ne.

Korka, ne Sone an Ramat anakne ek wa an ciki, Sinuma anak opittano okay sonep or ta eci ani wa tura kusu ne: inanpe kusu ne yakun, Sinuma anakne Yaykota oro wano ye somo ki; korka, Sinuma nu kusu ne okaype opitta ye kusu ne kusu ne na: orowa, Sinuma anakne ek kusu ne okaype eci=nure kusu ne ruwe ne.

14 Shinuma En ko-oripakte kusu ne: Ku korobe Shinuma uina wa echi nure kusu ne gusu ne na.

Sinuma En=ko-oripakte kusu ne: Ku=kor pe Sinuma uyna wa eci=nure kusu ne kusu ne na.

Mattaios 11.27A §111III

27 Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.

Nep ne yakka opitta Ku Mici oro wano A en=korpare nisa ruwe ne: orowa Mici mosma Poho eramuan kur sinen ka isam: sama ta Poho newa kor Mici or ta Poho nukare aynu mosma, Mici eramuan kur isam ruwe ne.

Roukos 10.22 §119III

22 Nep ne yakka Ku Michi wano a en koropare nisa ruwe ne; orowa, Poho anak ne nen ne ruwe he an sekoro eramʼan guru Michi moshima isam; samata, Michi anak ne nen ne ruwe he an sekoro eramʼan guru, Poho newa Poho ramuoshma wa otta eramʼande guru isam ruwe ne.

Nep ne yakka Ku Mici wano a en=korpare nisa ruwe ne; orowa, Poho anakne nen ne ruwe he an sekor eraman kur Mici mosma isam; sama ta, Mici anakne nen ne ruwe he an sekor eraman kur, Poho newa Poho ramuosma wa or ta eram ante kur isam ruwe ne.

Yoannes 16.15A §148III

15 Nep ne yakka obitta no Ku Michi korobe anak ne Ku korobe ne: tambe gusu, Shinuma Ku korobe uina wa echi nukare kusu ne, ani Ku ye nisa ruwe ne na.

Nep ne yakka opittano Ku Mici kor pe anakne Ku=kor pe ne: tanpe kusu, Sinuma Ku=kor pe uyna wa eci=nukare kusu ne, ani Ku=ye nisa ruwe ne na.

Yoannes 16.15B-23A §149X

15 Nep ne yakka obitta no Ku Michi korobe anak ne Ku korobe ne: tambe gusu, Shinuma Ku korobe uina wa echi nukare kusu ne, ani Ku ye nisa ruwe ne na.

Nep ne yakka opittano Ku Mici kor pe anakne Ku=kor pe ne: tanpe kusu, Sinuma Ku=kor pe uyna wa eci=nukare kusu ne, ani Ku=ye nisa ruwe ne na.

16 Nisako ta naa echi En nukara shomoki ruwe ne; orowa, shui nisako ta echi En nukara kusu ne, sekoro itak.

nisako ta naa eci En=nukar somo ki ruwe ne; orowa, suy nisako ta eci En=nukar kusu ne, sekor itak.

17 Tambe gusu, koro koikara utara ene utashpa uweitak-hi :— Tap nisako ta naa echi En nukara shomoki ruwe ne; orowa, shui nisako ta echi En nukara kusu ne: orowa, Michi otta Ku oman kusu ne gusu ne na, ani Shinuma ye itak, nekon a itak ambe ne ya?

Tanpe kusu, kor koykar utar ene utaspa uweytak hi :— Tap nisako ta naa eci En=nukar somo ki ruwe ne; orowa, suy nisako ta eci En=nukar kusu ne: orowa, Mici or ta Ku=oman kusu ne kusu ne na, ani Sinuma ye itak, nekona itak anpe ne ya?

18 Tambe gusu, nei utara ene itak-hi :— Shinuma ye, Nisako ta, ani itak, nekon a ambe ne ya? Shinuma ye itak chi eramushkari.

Tanpe kusu, ne utar ene itak hi :— Sinuma ye, Nisako ta, ani itak, nekona anpe ne ya? Sinuma ye itak ci eramuskari.

19 Orowa, nei utara anak ne tan orushpe nu rusui sekoro Yesu eraman wa otta ene itak-hi :— Nisako ta naa echi En nukara shomoki ruwe ne, orowa, shui nisako ta echi En nukara kusu ne: ani Ku ye itak gusu echi utara utashpa uwepekennu ruwe he an?

Orowa, ne utar anakne tan oruspe nu rusuy sekor Yesu eraman wa or ta ene itak hi :— Nisako ta naa eci En=nukar somo ki ruwe ne, orowa, suy nisako ta eci En=nukar kusu ne: ani Ku=ye itak kusu eci utar utaspa uwepekennu ruwe he an?

20 Son no, son no, echi otta Ku ye, echi utara anak ne chish hemhem ki, esarachish hemhem echi ki, koroka, moshiri anak yaikopuntek kusu ne: echi oknatara kusu ne, koroka echi oknatarap anak ne yaikopuntekbe ne akara kusu ne na.

Sonno, sonno, eci or ta Ku=ye, eci utar anakne cis hemhem ki, esaracis hemhem eci=ki, korka, mosir anak yaykopuntek kusu ne: eci=oknatara kusu ne, korka eci oknatarap anakne yaykopuntekpe ne a=kar kusu ne na.

21 Po usapte shiri an shiwentep anak ne koro pakihi epa gusu oknatara: koroka, po shikore okere yakun, moshirʼotta ainu hetuku gusu an yaikopuntek-i gusu nei eramchuptekbe naa eshkarun shomoki ruwe ne.

Po usapte siri an siwentep anakne kor pakihi epa kusu oknatara: korka, po sikore okere yakun, mosir or ta aynu hetuku kusu an yaykopuntek hi kusu ne eramcuptekpe naa eskarun somo ki ruwe ne.

22 Tambe gusu, echi utara anak ne tane oknatara: koroka, shui, Kuani echi nukara wa echi yaikopuntek kusu ne, orowa, nei okai echi koro yaikopuntek-i echi orowa no uk guru isama.

Tanpe kusu, eci utar anakne tane oknatara: korka, suy, Kuani eci=nukar wa eci=yaykopuntek kusu ne, orowa, ne okay eci=kor yaykopuntek hi eci=oro wano uk kur isam.

23 Nei toho ta nep ne yakka En otta echi uwepekennu shomoki. Son no, son no, echi otta Ku ye :— Nepka Ku Michi otta echi koramkoro yakun, Shinuma Ku reihei rengap gusu echi kore kusu ne.

Ne toho ta nep ne yakka En or ta eci=uwepekennu somo ki. Sonno, sonno, eci or ta Ku=ye :— Nep ka Ku Mici or ta eci=koramkor yakun, Sinuma Ku=rehe renkap kusu eci=kore kusu ne.

Mattaios 21.22 §216IV

22 Orowa, nep ne yakka echi eishokoro wa inonno-itak ani koramkoro yakun obitta akore kusu ne na.

Orowa, nep ne yakka eci=eysokor wa inonno-itak ani koramkor yakun opitta a=kore kusu ne na.

Markos 11.24 §125IV

24 Tambe gusu, echi otta Ku ye :— Nep ne yakka echi koro kuni gusu koramkoro wa inonno-itak chiki, obitta nei okaibe echi koro kusu ne ani eishokoro yan, yakun, akore kusu ne na.

Tanpe kusu, eci or ta Ku=ye :— Nep ne yakka eci=kor kuni kusu koramkor wa inonno-itak ciki, opitta ne okaype eci=kor kusu ne ani eysokor yan, yakun, a=kore kusu ne na.

Yoannes 16.23B-24 §150IV

23 Nei toho ta nep ne yakka En otta echi uwepekennu shomoki. Son no, son no, echi otta Ku ye :— Nepka Ku Michi otta echi koramkoro yakun, Shinuma Ku reihei rengap gusu echi kore kusu ne.

Ne toho ta nep ne yakka En or ta eci=uwepekennu somo ki. Sonno, sonno, eci or ta Ku=ye :— Nep ka Ku Mici or ta eci=koramkor yakun, Sinuma Ku=rehe renkap kusu eci=kore kusu ne.

24 Tane pakno Ku reihei rengap gusu nep ne yakka echi koramkoro shomoki: koramkoro yan, orowa, echi yaikopuntek-i auweoma kuni gusu echi akore kusu ne na.

Tane pakno Ku=rehe renkap kusu nep ne yakka eci=koramkor somo ki: koramkor yan, orowa, eci=yaykopuntek hi auweoma kuni kusu eci=a=kore kusu ne na.

Yoannes 16.25-30 §151X

25 Itak-maukushte-itak ani tap okaibe echi otta Ku ye nisa: itak-maukushte-itak Ku eiwange shomoki no, koroka, anu no Michi orushpe echi nure ash pakihi ek ruwe ne.

Itak-mawkuste-itak ani tap okaype eci or ta Ku=ye nisa: itak-mawkuste-itak Ku=eywanke somo ki no, korka, anu no Mici oruspe eci=nure as pakihi ek ruwe ne.

26 Nei toho ta Ku reihei rengap gusu echi koramkoro kusu ne; orowa, echi utara gusu Kuani anak ne Michi otta ku koramkoro sekoro echi otta Ku ye shomoki;

Ne toho ta Ku=rehe renkap kusu eci=koramkor kusu ne; orowa, eci utar kusu Kuani anakne Mici or ta ku=koramkor sekor eci or ta Ku=ye somo ki;

27 inambe gusu ne yakun, Michi anak ne yaikota echi omap ruwe ne, echi utara En omap wa Michi orowa no Ku ek an sekoro echi eishokon nisa ruwe ne gusu ne na.

inanpe kusu ne yakun, Mici anakne yaykota eci=omap ruwe ne, eci utar En=omap wa Mici oro wano Ku=ek an sekor eci=eysokor nisa ruwe ne kusu ne na.

28 Kuani Michi orowa no Ku ek wa moshirʼotta Ku an shiri ne: shui, moshiri Ku hoppa wa Michi orota Ku oman ruwe ne.

Kuani Mici oro wano Ku=ek wa mosir or ta Ku=an siri ne: suy, mosir Ku=hoppa wa Mici oro ta Ku=oman ruwe ne.

29 Orota koikara utara ene itak-hi :— Tane anak Aokai anak ne itak-maukushte-itak ani ye shomoki no, anu no E ye ruwe ne.

Oro ta koykar utar ene itak hi :— Tane anak Aokay anakne itak-mawkuste-itak ani ye somo ki no, anu no E ye ruwe ne.

30 Tane anak ne Aokai obitta no an okaibe eraman, orowa, inan guru ne yakka Aokai otta koramkoro shomoki yakka pirika shiri chi eraman; tambe gusu, Aokai anak ne Kamui orowa no ek an sekoro chi eishokon ruwe ne.

Tane anakne Aokay opittano an okaype eraman, orowa, inan kur ne yakka Aokay or ta koramkor somo ki yakka pirka siri ci eraman; tanpe kusu, Aokay anakne Kamuy oro wano ek an sekor ci eysokor ruwe ne.

Mattaios 26.31A §287IV

31 Nei ita Yesu nei utara otta ene itak-hi :— Echi utara obitta tan ukuran En gusu aepetchiure kusu ne: inambe gusu ne yakun, hitsuji pungi Ku shirikik, orowa hitsuji anak ne oyakta achatchari kusu ne sekorʼambe anuye wa an ruwe ne gusu ne na.

Ne hi ta Yesu ne utar or ta ene itak hi :— Eci utar opitta tan ukuran En kusu aepetciwre kusu ne: inanpe kusu ne yakun, hitsuji punki Ku=sirkik, orowa hitsuji anakne oyak ta a=catcari kusu ne sekor anpe a=nuye wa an ruwe ne kusu ne na.

Markos 14.27B §168IV

27 Orowa, nei utara otta Yesu ene itak-hi :— Echi utara obitta aure-epetchiure kusu ne: inambe gusu ne yakun, hitsuji chikoikip reshpa guru ku shirikik wa nei hitsuji oyake un shitchari kusu ne sekorʼambe anuye wa an ruwe ne gusu ne na.

Orowa, ne utar or ta Yesu ene itak hi :— Eci utar opitta a=wr-epetciwre kusu ne: inanpe kusu ne yakun, hitsuji cikoykip respa kur ku=sirkik wa ne hitsuji oyake un sitcari kusu ne sekor anpe a=nuye wa an ruwe ne kusu ne na.

Yoannes 16.31-32 §152IV

31 Orota Yesu ene ese-hi :—

Oro ta Yesu ene ese hi :—

32 Tane echi eishokoro ya? Ingarʼan, echi utara anak pishno yaikota korobe otta acharichari wa moshima no En ande pakihi ek; ruwe ne wa, tane nei pakihi ek shiri an ruwe ne: yakka, Michi anak ne En tura no an gusu shinen nepo Ku an shomo ne ruwe ne na.

Tane eci=eysokor ya? Inkar=an, eci utar anak pisno yaykota kor pe or ta a=caricari wa mosmano En=ante pakihi ek; ruwe ne wa, tane ne pakihi ek siri an ruwe ne: yakka, Mici anakne En turano an kusu sinen nep Ku=an somo ne ruwe ne na.

Yoannes 16.33-17.24 §153X

33 Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

Eci utar anakne En=oske ta i=tom irenka eci=kor kuni kusu tap okaype eci or ta Ku=ye nisa ruwe ne. Mosir or ta eci aeramcuptekka kusu ne: korka, ramu-ritetke yan; Kuani anak Mosir annokar nisa ruwe ne na.

17:1 Yesu tap okaibe ye; orowa, kando orun shikihi hepuni wa ene itak-hi :— Michi, pakihi ek an; Poho anak ne E ko-oripak kuni ne E koro Poho ko-oripak wa En kore:

Yesu tap okaype ye; orowa, kanto orun sikihi hepuni wa ene itak hi :— Mici, pakihi ek an; Poho anakne E ko-oripak kuni ne E=kor Poho ko-oripak wa En=kore:

2 Aokai anak ne Shinuma otta kore obitta no okai kam esapane kuni mondum kore korachi, nep ne yakka Shinuma orun Aokai korarape otta Shinuma ramma okere shomoki inotu kore kuni gusu ne na.

Aokay anakne Sinuma or ta kore opittano okay kam esapane kuni montum kore koraci, nep ne yakka Sinuma orun Aokay korarape or ta Sinuma ramma okere somo ki inotu kore kuni kusu ne na.

3 Orowa, nei utara anak ne patek shinen ne an sone an Kamui newa Aokai omande Yesu Kiristo eamkiri-i anak, tambe anak ne ramma okere shomoki inotu ne ruwe ne.

Orowa, ne utar anakne patek sinen ne an sone an Kamuy newa Aokay omante Yesu Kiristo e=amkir hi anak, tanpe anakne ramma okere somo ki inotu ne ruwe ne.

4 Ku ki kuni Aokai En kore ikip Ku kara okere gusu moshiri kata E oripak ash nisa ruwe ne.

Ku=ki kuni Aokay En=kore iki p Ku=kar okere kusu mosir kata E oripak as nisa ruwe ne.

5 Orowa, tane, Ku Michihi, moshiri naa shomo an etokota E tura no Ku an wa a En ko-oripakte-i ani, E yaikota E tura no En ko-oripakte wa En kore.

Orowa, tane, Ku Micihi, mosir naa somo an etoko ta E turano Ku=an wa a En=ko-oripakte hi ani, E yaykota E turano En=ko-oripakte wa En=kore.

6 Moshiri orowa no En otta Aokai koropare utara otta E kon reihei Ku eramande nisa ruwe ne: nei utara E korope ne, awa, Aokai anak ne En kore nisa ruwe ne: orowa nei utara E koro itak shikkashima nisa ruwe ne na.

Mosir oro wano En or ta Aokay korpare utar or ta E=kor rehe Ku=eramante nisa ruwe ne: ne utar E=kor pe ne, awa, Aokay anakne En=kore nisa ruwe ne: orowa ne utar E=kor itak sikkasima nisa ruwe ne na.

7 Aokai En kore nep ne yakka obitta no okaibe anak ne E orowa no ekbe ne, tane nei utara eraman:

Aokay En=kore nep ne yakka opittano okaype anakne E oro wano ek pe ne, tane ne utar eraman:

8 inambe gusu ne yakun, Aokai En kore itak nei utara otta Ku kore nisa ruwe ne; orowa, nei utara nei itak uk, samata, son no newa, Kuani E orowa no ek shiri eraman, orowa, Aokai En omande nisa ruwe ne sekoro eishokon nisa ruwe ne na.

inanpe kusu ne yakun, Aokay En=kore itak ne utar or ta Ku=kore nisa ruwe ne; orowa, ne utar ne itak uk, sama ta, sonno newa, Kuani E oro wano ek siri eraman, orowa, Aokay En=omante nisa ruwe ne sekor eysokor nisa ruwe ne na.

9 Nei utara gusu Ku koramkoro: moshiri gusu Ku koramkoro shomoki, koroka, Aokai En kore utara gusu Ku koramkon na;

Ne utar kusu Ku=koramkor: mosir kusu Ku=koramkor somo ki, korka, Aokay En=kore utar kusu Ku=koramkor na;

10 nei utara Ku korope ne gusu ne na: orowa, nep ne yakka Ku korope anak ne E korope ne, orowa, E korope anak Ku korope ne ruwe ne: orowa, nei ambe otta Kuani a En ko-oripak an ruwe ne.

ne utar Ku=kor pe ne kusu ne na: orowa, nep ne yakka Ku=kor pe anakne E=kor pe ne, orowa, E=kor pe anak Ku=kor pe ne ruwe ne: orowa, ne anpe or ta Kuani a En=ko-oripak an ruwe ne.

11 Orowa, naa moshiri otta Ku an shomo ne, tan utara anak ne moshiri otta okai, orowa, E otta Ku ek. Ashkanne Michi, Chi utara shinep ne korachi, nei utara shinep ne an kuni gusu En otta Aokai koropare utara E reihei otta shikkashima wa En kore.

Orowa, naa mosir or ta Ku=an somo ne, tan utar anakne mosir or ta okay, orowa, E or ta Ku=ek. Askanne Mici, Ci utar sinep ne koraci, ne utar sinep ne an kuni kusu En or ta Aokay korpare utar E rehe or ta sikkasima wa En=kore.

12 Kuani nei utara tura no Ku an rapoketa, Aokai En kore reihei otta nei utara Ku shikkashima nisa ruwe ne: Kuani nei utara Ku epungine nisa ruwe ne, orowa, Kamui nuyere itak auweomare kuni gusu aisamka kuni poho moshima shinen ka seenne isam ruwe ne.

Kuani ne utar turano Ku=an rapoketa, Aokay En=kore rehe or ta ne utar Ku=sikkasima nisa ruwe ne: Kuani ne utar Ku=epunkine nisa ruwe ne, orowa, Kamuy nuyere itak a=ueomare kuni kusu a=ysamka kuni poho mosma sinen ka seenne isam ruwe ne.

13 Koroka, tane anak ne E orun Ku ek; aige, nei utara otta Ku yaikopuntek-i auweomare kuni gusu tap okaibe moshiri otta Ku ye.

Korka, tane anakne E orun Ku=ek; ayke, ne utar or ta Ku=yaykopuntek hi a=ueomare kuni kusu tap okaype mosir or ta Ku=ye.

14 E korʼitak nei utara otta Ku koropare; orowa, Kuani anak ne moshiri orowa no an ambe shomo Ku ne korachi, nei utara moshiri orowa no an okaibe shomo ne gusu, moshiri anak ne nei utara etunne ruwe ne.

E=kor itak ne utar or ta Ku=korpare; orowa, Kuani anakne mosir oro wano an anpe somo Ku ne koraci, ne utar mosir oro wano an okaype somo ne kusu, mosir anakne ne utar etunne ruwe ne.

15 Moshiri orowa no Aokai anak ne nei utara uk kuni Ku koramkoro shomoki, koroka, wenbe orowa no ohaitare kuni ne Ku koramkon na.

Mosir oro wano Aokay anakne ne utar uk kuni Ku=koramkor somo ki, korka, wenpe oro wano ohaytare kuni ne Ku=koramkor na.

16 Nei utara anak ne Kuani moshiri orowa no an ambe shomo ne korachi moshiri orowa no an okaibe shomo ne ruwe ne.

Ne utar anakne Kuani mosir oro wano an anpe somo ne koraci mosir oro wano an okaype somo ne ruwe ne.

17 E koro sonep otta nei utara ashkannere wa En kore: E koro itak anak ne sonep ne ruwe ne na.

E=kor sonep or ta ne utar askannere wa En=kore: E=kor itak anakne sonep ne ruwe ne na.

18 Aokai anak ne moshiri otta En omande korachi, Kuani nei utara ne yakka moshiri otta Ku payere ruwe ne.

Aokay anakne mosir or ta En=omante koraci, Kuani ne utar ne yakka mosir or ta Ku=payere ruwe ne.

19 Nei utara gusu Kuani yaikota Ku ashkannere, nei utara yaikota ne yakka sonep otta aashkannere kuni gusu ne na.

Ne utar kusu Kuani yaykota Ku askannere, ne utar yaykota ne yakka sonep or ta aaskannere kuni kusu ne na.

20 Tan utara gusu patek Ku koramkoro shomoki ruwe ne, koroka, nei utara ki itak gusu En eishokoro utara gusu ne yakka Ku koramkoro;

Tan utar kusu patek Ku=koramkor somo ki ruwe ne, korka, ne utar ki itak kusu En=eysokor utar kusu ne yakka Ku=koramkor;

21 obitta no okai nei utara anak ne shinep ne kuni gusu ne; Aokai, Ku Michi En oshiketa an, orowa, Kuani E oshiketa an korachi, nei utara ne yakka un oshiketa okai kuni gusu ne: Aokai anak ne En omande nisa ruwe ne, sekoro moshiri eishokoro kuni gusu ne na.

opittano okay ne utar anakne sinep ne kuni kusu ne; Aokay, Ku Mici En=oske ta an, orowa, Kuani E oske ta an koraci, ne utar ne yakka un oske ta okay kuni kusu ne: Aokay anakne En=omante nisa ruwe ne, sekor mosir eysokor kuni kusu ne na.

22 Orowa, En otta E kore arakuru Kuani nei utara otta Ku kore nisa ruwe ne; chi utara shinep ne korachi, nei utara ne yakka shinep ne kuni gusu ne na;

Orowa, En or ta E kore a=rakur Kuani ne utar or ta Ku=kore nisa ruwe ne; ci utar sinep ne koraci, ne utar ne yakka sinep ne kuni kusu ne na;

23 nei utara shinep otta aokere kuni gusu, Kuani nei utara oshiketa Ku an, orowa, Aokai En oshiketa E an; samata, Aokai anak ne En omande wa En omap korachi, nei utara ne yakka Aokai omap shiri moshiri eraman kuni gusu ne na.

ne utar sinep or ta a=okere kuni kusu, Kuani ne utar oske ta Ku=an, orowa, Aokay En=oske ta E an; sama ta, Aokay anakne En=omante wa En=omap koraci, ne utar ne yakka Aokay omap siri mosir eraman kuni kusu ne na.

24 Michi, Aokai En kore utara anak ne Ku an ushiketa nei utara ne yakka En tura no okai kuni Ku kon rusui; nei utara anak ne Aokai En kore arakuru nukara kuni gusu ne na: Aokai anak ne moshiri heashi etokota En omap nisa ruwe ne gusu ne na.

Mici, Aokay En=kore utar anakne Ku=an uske ta ne utar ne yakka En turano okay kuni Ku=kor rusuy; ne utar anakne Aokay En=kore a=rakur nukar kuni kusu ne na: Aokay anakne mosir heasi etoko ta En=omap nisa ruwe ne kusu ne na.