Synopsis

21 Tambe gusu, shui Shinuma nei utara otta ye-hi :— Kuani arapa wa isam, orowa, echi utara En hunara kusu ne, orowa, yaikota echi ki katpak echi koro wa rai kusu ne: Ku oman ushike un echi araki eaikap ruwe ne na, ari ye.

Tanpe kusu, suy Sinuma ne utar or ta ye hi :— Kuani arpa wa isam, orowa, eci utar En=hunara kusu ne, orowa, yaykota eci=ki katpak eci=kor wa ray kusu ne: Ku=oman usike un eci=arki eaykap ruwe ne na, ari ye.

22 Tambe gusu, Yudea un utara ene itak-hi :— Ku oman ushike un echi araki eaikap ani an itak ani ye wa Shinuma yaikota yai-raige ya?

Tanpe kusu, Yudea un utar ene itak hi :— Ku=oman usike un eci=arki eaykap ani an itak ani ye wa Sinuma yaykota yay-rayke ya?

23 Orota Shinuma ene itak-hi :— Echi utara anak ne ra wano okai utara echi ne; Kuani anak rik wano an guru Ku ne ruwe ne: echi utara anak ne tan moshirʼun utara echi ne; Kuani anak tan moshirʼun guru shomo Ku ne ruwe ne.

Oro ta Sinuma ene itak hi :— Eci utar anakne ra wano okay utar eci ne; Kuani anak rik wano an kur Ku ne ruwe ne: eci utar anakne tan mosir un utar eci ne; Kuani anak tan mosir un kur somo Ku ne ruwe ne.

24 Tambe gusu echi utara anak ne yaikota echi ki katpak echi koro wa rai kusu ne, sekoro Ku itak nisa ruwe ne: inambe gusu ne yakun, Kuani anak ne Shinuma ne sekoro echi eishokoro shomoki yakun, koro katpak echi koro wa echi rai kusu ne gusu ne na.

Tanpe kusu eci utar anakne yaykota eci=ki katpak eci=kor wa ray kusu ne, sekor Ku=itak nisa ruwe ne: inanpe kusu ne yakun, Kuani anakne Sinuma ne sekor eci=eysokor somo ki yakun, kor katpak eci=kor wa eci=ray kusu ne kusu ne na.

25 Tambe gusu, Aokai anak ne nen ne ruwe he an? sekoro nei utara Shinuma otta ye. Orota Yesu ene itak-hi :— Atpaketa echi otta Ku ye guru Ku ne ruwe ne.

Tanpe kusu, Aokay anakne nen ne ruwe he an? sekor ne utar Sinuma or ta ye. Oro ta Yesu ene itak hi :— Atpake ta eci or ta Ku=ye kur Ku ne ruwe ne.

26 Echi utara gusu Ku ye hemhem ki, koipishi hemhem ki kuni inne ambe okai: koroka, En omandep anak ne sonep ne; orowa, Shinuma otta Ku nu okaibe moshiri otta Ku nure ruwe ne, ari itak.

Eci utar kusu Ku=ye hemhem ki, koypisi hemhem ki kuni inne anpe okay: korka, En omantep anakne sonep ne; orowa, Sinuma or ta Ku=nu okaype mosir or ta Ku=nure ruwe ne, ari itak.

27 Michi epeka no Shinuma ye shiri an sekoro nei utara ramepakari shomoki nisa ruwe ne na.

Mici epeka no Sinuma ye siri an sekor ne utar ramepakari somo ki nisa ruwe ne na.

28 Tambe gusu, Yesu ene itak-hi :— Echi utara anak ne Ainu Poho rikoshma okere chiki, nei ita anak Kuani Shinuma ne ruwe ne sekoro echi eraman, samata, Kuani anak ne yaikota regaine nep ne yakka Ku ki shomoki, koroka, Michi En epakashnu korachi Ku ye ruwe ne, ani echi eraman kusu ne na.

Tanpe kusu, Yesu ene itak hi :— Eci utar anakne Aynu Poho rikosma okere ciki, ne hi ta anak Kuani Sinuma ne ruwe ne sekor eci=eraman, sama ta, Kuani anakne yaykota rekayne nep ne yakka Ku=ki somo ki, korka, Mici En=epakasnu koraci Ku=ye ruwe ne, ani eci=eraman kusu ne na.

29 Orowa, En omandep anak ne En tura no an; Shinuma En yaiande shomoki; hembara ne yakka Shinuma nupetnerep Ku ki gusu ne na, ari itak.

Orowa, En omantep anakne En turano an; Sinuma En yayante somo ki; henpara ne yakka Sinuma nupetnerep Ku=ki kusu ne na, ari itak.

30 Orowa, Shinuma tap okaibe ye koro anak ne inne utara Shinuma eishokon nisa ruwe ne na.

Orowa, Sinuma tap okaype ye kor anakne inne utar Sinuma eysokor nisa ruwe ne na.

31 Tambe gusu, Shinuma eishokoro Yudea un utara otta Yesu ene itak-hi :— Ku itak otta echi oshiroma chiki, son no newa Ku goro koikara utara echi ne;

Tanpe kusu, Sinuma eysokor Yudea un utar or ta Yesu ene itak hi :— Ku=itak or ta eci=osiroma ciki, sonno newa Ku=kor koykar utar eci ne;

32 samata, sonep echi eraman kusu ne, orowa, nei sonep anak ne echi honnere kusu ne na.

sama ta, sonep eci=eraman kusu ne, orowa, ne sonep anakne eci=honnere kusu ne na.

33 Orota nei utara ene ese-hi :— Chi utara anak ne Abraham sanikiri chi ne, tane pakno nen ne yakka otta shomo chi ausshiunere ash ruwe ne: hemanda Echi utara ahonnere kusu ne, ani E ye ya?

Oro ta ne utar ene ese hi :— Ci utar anakne Abraham sanikiri ci ne, tane pakno nen ne yakka or ta somo ci aussiwnere as ruwe ne: hemanta Eci utar a=honnere kusu ne, ani E ye ya?

34 Orota Yesu ene ese-hi :— Son no son no echi otta Ku ye, nen ne yakka chikokatpak an gurʼanak ne katpak otta ausshiunere an guru ne ruwe ne.

Oro ta Yesu ene ese hi :— Sonno sonno eci or ta Ku=ye, nen ne yakka ci=kokatpak an kur anakne katpak or ta aussiwnere an kur ne ruwe ne.

35 Usshiune guru anak ne ramma pakno chisei ta oshiroma shomoki, poho anak ramma pakno oshiroma ruwe ne.

Ussiw ne kur anakne ramma pakno cise ta osiroma somo ki, poho anak ramma pakno osiroma ruwe ne.

36 Tambe gusu, Poho anak ne echi honnere chiki, son no poka echi ahonnere an kusu ne.

Tanpe kusu, Poho anakne eci=honnere ciki, sonno poka eci=a=honnere an kusu ne.

37 Echi utara anak ne Abraham sanikiri ne sekoro Ku eraman; yakka, Ku itak anak ne echi onnaigeta an kuni ushike sak gusu En raige kuni echi hunara koran ruwe ne.

Eci utar anakne Abraham sanikiri ne sekor Ku=eraman; yakka, Ku=itak anakne eci=onnayke ta an kuni usike sak kusu En=rayke kuni eci=hunara koran ruwe ne.

38 Ku Michi orowa no a en nukare orushpe Ku ye; orowa, echi koro Michi orowa no anure orushpe echi utara ne yakka iki ruwe ne.

Ku Mici oro wano a en=nukare oruspe Ku=ye; orowa, eci=kor Mici oro wano a=nure oruspe eci utar ne yakka iki ruwe ne.

39 Shinuma otta nei utara ese wa ene itak-hi :— Chikoro michi anak ne Abraham ne ruwe ne. Orota Yesu ene itak-hi :— Echi utara anak ne Abraham Poho utara echi ne chiki Abraham koro ikip echi ki kusu ne.

Sinuma or ta ne utar ese wa ene itak hi :— Ci=kor mici anakne Abraham ne ruwe ne. Oro ta Yesu ene itak hi :— Eci utar anakne Abraham Poho utar eci ne ciki Abraham kor iki p eci=ki kusu ne.

40 Koroka, tane anak ne Kamui otta Ku nu sonep echi otta nure guru ne En raige kuni echi hunara ruwe ne: Abraham anak ne tap korachi iki shomoki nisa ruwe ne.

Korka, tane anakne Kamuy or ta Ku=nu sonep eci or ta nure kur ne En=rayke kuni eci=hunara ruwe ne: Abraham anakne tap koraci iki somo ki nisa ruwe ne.

41 Echi utara anak ne echi koro michi ikip echi ki ruwe ne, ari itak. Orota nei utara ene itak-hi :— Hoiyo gusu chi hekatu ash ambe shomo ne; shine michi chikon ruwe ne, Kamui ne, ari itak.

Eci utar anakne eci=kor mici iki p eci=ki ruwe ne, ari itak. Oro ta ne utar ene itak hi :— Hoiyo kusu ci hekatu as anpe somo ne; sine mici ci=kor ruwe ne, Kamuy ne, ari itak.

42 Orota Yesu ene itak-hi :— Kamui anak ne echi koro michi ne chiki, echi utara En omap kusu ne, Kuani anak ne Kamui orowa no ek wa Ku an ruwe ne gusu ne; yaikota rengaine Ku ek shomoki, Shinuma En omande nisa ruwe ne gusu ne na.

Oro ta Yesu ene itak hi :— Kamuy anakne eci=kor mici ne ciki, eci utar En=omap kusu ne, Kuani anakne Kamuy oro wano ek wa Ku=an ruwe ne kusu ne; yaykota renkayne Ku=ek somo ki, Sinuma En=omante nisa ruwe ne kusu ne na.

43 Nep gusu Ku yepi shomo echi onnere ya? Ku ye itak echi nu eaikap

Nep kusu Ku yepi somo eci=onnere ya? Ku=ye itak eci=nu eaykap

44 ruwe ne gusu ne na. Echi utara anak ne nitne kamui ne echi koro michi orowa no okai, orowa, echi koro michi ki rusui buri echi ki kuni echi ramu. Shinuma anak ne atpake wano keukbe ne, orowa, sonep otta ash shomoki, koro onnaigeta sonep isam ruwe ne gusu ne na. Shunge itak ki chiki yaikota kerobe ye: Shinuma anak shunge guru ne, shunge koro michi ne ruwe ne gusu ne na.

ruwe ne kusu ne na. Eci utar anakne nitne kamuy ne eci=kor mici oro wano okay, orowa, eci=kor mici ki rusuy puri eci=ki kuni eci=ramu. Sinuma anakne atpake wano keukpe ne, orowa, sonep or ta as somo ki, kor onnayke ta sonep isam ruwe ne kusu ne na. Sunke itak ki ciki yaykota kerope ye: Sinuma anak sunke kur ne, sunke kor mici ne ruwe ne kusu ne na.

45 Koroka, sonep Ku ye gusu echi En eishokoro shomoki.

Korka, sonep Ku=ye kusu eci En=eysokor somo ki.

46 Echi utara tumugeta katpak an sekoro En esanniyo guru anak ne nen ne ruwe he an? sonep Ku ye yakun, hemanda gusu echi En eishokoro shomoki ya?

Eci utar tumke ta katpak an sekor En=esanniyo kur anakne nen ne ruwe he an? sonep Ku=ye yakun, hemanta kusu eci En=eysokor somo ki ya?

47 Kamui orowa no an guru anak ne Kamui itak nu: tan ikkewehe an gusu nei ambe echi nu shomoki, Kamui orowa no an okaibe shomo echi ne ruwe ne gusu ne na.

Kamuy oro wano an kur anakne Kamuy itak nu: tan ikkewehe an kusu ne anpe eci=nu somo ki, Kamuy oro wano an okaype somo eci ne ruwe ne kusu ne na.

48 Yudea un utara ese wa Shinuma otta ene itak-hi :— Eani anak ne Samaria un guru ne, nitne kamui ituren guru E ne ruwe ne, ani shomo chi ye ya?

Yudea un utar ese wa Sinuma or ta ene itak hi :— Eani anakne Samaria un kur ne, nitne kamuy ituren kur E ne ruwe ne, ani somo ci ye ya?

49 Yesu ene ese-hi :— Nitne kamui En turen shomoki; koroka, Ku Michi ko-oripak Ku ki, orowa, echi utara En ko-shomo yai-katanu ki ruwe ne.

Yesu ene ese hi :— Nitne kamuy En=turen somo ki; korka, Ku Mici ko-oripak Ku=ki, orowa, eci utar En=ko-somo yay-ka tan ki ruwe ne.

50 Koroka, Kuani yaikota ramuayere kuni ambe Ku hunara shomoki; hunara wa koipishi ki shinen an ruwe ne.

Korka, Kuani yaykota ramuayere kuni anpe Ku=hunara somo ki; hunara wa koypisi ki sinen an ruwe ne.

51 Son no, son no, echi otta Ku ye, Ainu anak ne Ku ye itak shikkashima yakun, ramma pakno rai-i shomo nukara kusu ne na.

Sonno, sonno, eci or ta Ku=ye, Aynu anakne Ku=ye itak sikkasima yakun, ramma pakno ray hi somo nukar kusu ne na.

52 Orota Yudea un utara ene itak-hi :— Eani anak ne nitne kamui ituren wa an sekoro tane chi eraman, Abraham hemhem uweingara utara hemhem rai wa isam; orowa, Ainu anak ne Ku ye itak shikkashima yakun, ramma pakno rai-i sapke shomoki, sekoro Eani itak.

Oro ta Yudea un utar ene itak hi :— Eani anakne nitne kamuy ituren wa an sekor tane ci eraman, Abraham hemhem ueinkar utar hemhem ray wa isam; orowa, Aynu anakne Ku=ye itak sikkasima yakun, ramma pakno ray hi sapke somo ki, sekor Eani itak.

53 Rai wa isam chikoro michi Abraham kasu no E pase ruwe he an? Uweingara utara ka rai wa isam: Eani anak ne yaikota inan guru yaikara ya?

Ray wa isam ci=kor mici Abraham kasuno E pase ruwe he an? Ueinkar utar ka ray wa isam: Eani anakne yaykota inan kur yaykar ya?

54 Yesu ene ese-hi :— Kuani anak ne yaikota yai-nupekte chiki, Ku nupeki anak ne raka sak ruwe ne: En nupekte guru anak ne Ku Michi ne ruwe ne; Shinuma anak echi koro Michi sekoro echi ye ruwe ne;

Yesu ene ese hi :— Kuani anakne yaykota yay-nupekte ciki, Ku=nupeki anakne raka sak ruwe ne: En nupekte kur anakne Ku Mici ne ruwe ne; Sinuma anak eci=kor Mici sekor eci=ye ruwe ne;

55 orowa, echi utara anak ne Shinuma eamkiri shomoki: koroka, Kuani anak Shinuma eamkiri ruwe ne; orowa, Shinuma Ku eamkiri shomoki sekoro Ku ye yak anak ne, echi utara korachi shunge guru Ku ne kusu ne ap: koroka, Kuani anak ne Shinuma eamkiri wa koro itak Ku shikkashima ruwe ne na.

orowa, eci utar anakne Sinuma e=amkir somo ki: korka, Kuani anak Sinuma e=amkir ruwe ne; orowa, Sinuma Ku=e=amkir somo ki sekor Ku=ye yakanak ne, eci utar koraci sunke kur Ku ne kusu ne ap: korka, Kuani anakne Sinuma e=amkir wa kor itak Ku=sikkasima ruwe ne na.

56 Echi koro michi Abraham anak ne Ku toho nukara kuni enupetne ruwe ne; orowa, shinuma nei toho nukara wa yaikopuntek nisa ruwe ne.

Eci=kor mici Abraham anakne Ku=toho nukar kuni enupetne ruwe ne; orowa, sinuma ne toho nukar wa yaykopuntek nisa ruwe ne.

57 Tambe gusu, Shinuma otta Yudea un utara ene itak-hi :— Eani anak ne naa shomo wan pa ikashima tu hotne pa pakno pa poro ruwe ne, aige, Abraham E nukan nisa ruwe he an? sekoro itak.

Tanpe kusu, Sinuma or ta Yudea un utar ene itak hi :— Eani anakne naa somo wan pa ikasma tu hotne pa pakno pa poro ruwe ne, ayke, Abraham E nukar nisa ruwe he an? sekor itak.

58 Orota Yesu ene itak-hi :— Son no, son no, echi otta Ku ye, Abraham naa shomo hetuku etokota Ku an nisa ruwe ne, sekoro itak.

Oro ta Yesu ene itak hi :— Sonno, sonno, eci or ta Ku=ye, Abraham naa somo hetuku etoko ta Ku=an nisa ruwe ne, sekor itak.

59 Okai utara anak ne tambe gusu Shinuma-ko-piyekara gusu shuma uina nisa ruwe ne: koroka, Yesu anuina wa an wa Kamui kora kenru orowa no soine nisa ruwe ne na.

Okay utar anakne tanpe kusu Sinuma-ko-piyekara kusu suma uyna nisa ruwe ne: korka, Yesu a=nuyna wa an wa Kamuy kor kenru oro wano soyne nisa ruwe ne na.

9:1 Orowa, Shinuma shirikush korʼan ita anak ne hekatu wano shiknak guru shinen anukara.

Orowa, Sinuma sirikus kor an hi ta anakne hekatu wano siknak kur sinen a=nukar.

2 Awa, Shinuma otta koikara utara nu wa ene itak-hi :— Rabbi, tan guru shiknak wa hekatu gusu shinuma yaikota hene, koro eshikop hene, inan guru katpak ki ya?

Awa, Sinuma or ta koykar utar nu wa ene itak hi :— Rabbi, tan kur siknak wa hekatu kusu sinuma yaykota hene, kor esikop hene, inan kur katpak ki ya?

3 Yesu ene ese-hi :— Tan guru ne yakka, koro eshikop ne yakka katpak ki shomoki ruwe ne: koroka, shinuma otta Kamui ikip anukara kuni gusu an ap ne ruwe ne.

Yesu ene ese hi :— Tan kur ne yakka, kor esikop ne yakka katpak ki somo ki ruwe ne: korka, sinuma or ta Kamuy iki p a=nukar kuni kusu an ap ne ruwe ne.

4 Tokap-to an ita anak ne En omandep koro ikip chi ki kusu ne ap: nen ne yakka nep ki eaikap kunne-to ek kusu ne na.

Tokap-to an hi ta anakne En omantep kor iki p ci ki kusu ne ap: nen ne yakka nepki eaykap kunne-to ek kusu ne na.

5 Moshiri otta Ku an rapoketa, moshiri pekere Ku ne ruwe ne.

Mosir or ta Ku=an rapoketa, mosir peker Ku ne ruwe ne.

6 Tambe ye okere koro, shiri kata topse-kara wa nei non ani teinei toi kara hine ani nei guru koro shikihi aushi,

Tanpe ye okere kor, siri kata topse-kar wa ne non ani ten toy kar hine ani ne kur kor sikihi a=ws,

7 orowa, otta ene itak-hi :— Oman wa Siroam to otta yashke yan, ari itak (nei ambe eepakita chiki aomande ani an itak ne ruwe ne). Tambe gusu, shinuma oman wa yashke, orowa, nukara koro ek nisa ruwe ne na.

orowa, or ta ene itak hi :— Oman wa Siroam to or ta yaske yan, ari itak (ne anpe eepakita ciki a=omante ani an itak ne ruwe ne). Tanpe kusu, sinuma oman wa yaske, orowa, nukar kor ek nisa ruwe ne na.

8 Tambe gusu, aota un utara hemhem, shinuma etokota hoito guru ne ani nukara utara hemhem, ene itak-hi :— Tan guru anak ne a wa iyahupkara guru shomo ne ya? ari itak.

Tanpe kusu, a=o ta un utar hemhem, sinuma etoko ta hoyto kur ne ani nukar utar hemhem, ene itak hi :— Tan kur anakne a wa iyahupkar kur somo ne ya? ari itak.

9 Shinuma ne, ani ye utara okai: shomo, shinuma koheraye guru ne ari ye utara ka okai. Kuani anak ne shinuma ne, sekoro nei guru yaikota ye nisa ruwe ne.

Sinuma ne, ani ye utar okay: somo, sinuma koheraye kur ne ari ye utar ka okay. Kuani anakne sinuma ne, sekor ne kur yaykota ye nisa ruwe ne.

10 Tambe gusu, okai utara anak ne shinuma otta ene itak-hi :— Nekon a iki wa e koro shiki amaka ya? ani itak.

Tanpe kusu, okay utar anakne sinuma or ta ene itak hi :— Nekona iki wa e=kor siki a=mak ya? ani itak.

11 Shinuma ene ese-hi :— Yesu ani aye ainu teinei toi kara hine ku shiki aushi, aige, Siroam otta e oman wa yashke ari an itak ani en otta ye nisa ruwe ne: tambe gusu, ku oman wa yashke, orowa, ku nukan ruwe ne, sekoro itak.

Sinuma ene ese hi :— Yesu ani a=ye aynu ten toy kar hine ku=siki a=ws, ayke, Siroam or ta e oman wa yaske ari an itak ani en or ta ye nisa ruwe ne: tanpe kusu, ku=oman wa yaske, orowa, ku=nukar ruwe ne, sekor itak.

12 Orota, nei guru neita an ruwe he an, ari nei utara itak. Ku eramushkari sekoro shinuma ye nisa ruwe ne na.

Oro ta, ne kur ney ta an ruwe he an, ari ne utar itak. Ku=eramuskari sekor sinuma ye nisa ruwe ne na.

13 Orowa, utara anak ne etokota shiknak wa an guru Parisee un utara otta tura wa araki nisa ruwe ne.

Orowa, utar anakne etoko ta siknak wa an kur Parisee un utar or ta tura wa arki nisa ruwe ne.

14 Yesu teinei toi kara wa shinuma koro shiki maka toho anak ne Shini toho ne ruwe ne.

Yesu ten toy kar wa sinuma kor siki maka toho anakne Sini toho ne ruwe ne.

15 Awa, tambe gusu, shui, Parisee un utara anak ne nekon a iki wa gusu nukara eashkai orushpe shinuma otta inu. Orowa, nei guru anak ne, Shinuma ku shikihi kata teinei toi ande, orowa, kuani yashke wa nukara korʼan ruwe ne, ari nei utara otta ye.

Awa, tanpe kusu, suy, Parisee un utar anakne nekona iki wa kusu nukar easkay oruspe sinuma or ta inu. Orowa, ne kur anakne, Sinuma ku=sikihi kata ten toy ante, orowa, kuani yaske wa nukar kor an ruwe ne, ari ne utar or ta ye.

16 Tambe gusu, Parisee un sereke utara anak ne ene itak-hi :— Tan guru anak ne Shini toho shikkashima shomoki gusu Kamui orowa no ekbe shomo ne ruwe ne, ari itak. Koroka, nekon a iki wa tap korachi an shirosh katpak koro guru ki eashkai ya moshima okai utara ye nisa ruwe ne. Orowa no, nei utara tumugeta eukopi an na.

Tanpe kusu, Parisee un serke utar anakne ene itak hi :— Tan kur anakne Sini toho sikkasima somo ki kusu Kamuy oro wano ek pe somo ne ruwe ne, ari itak. Korka, nekona iki wa tap koraci an siros katpak kor kur ki easkay ya mosma okay utar ye nisa ruwe ne. Orowano, ne utar tumke ta ewkopi an na.

17 Tambe gusu, shui nei utara anak ne nei shiknak guru otta ene itak-hi :— E koro shiki maka gusu Shinuma epeka no nekon a e ye ya, ari itak. Shinuma anak uweingara guru ne, ani nei guru ye nisa ruwe ne.

Tanpe kusu, suy ne utar anakne ne siknak kur or ta ene itak hi :— E=kor siki maka kusu Sinuma epeka no nekona e ye ya, ari itak. Sinuma anak ueinkar kur ne, ani ne kur ye nisa ruwe ne.

18 Tambe gusu, shiki atumashnure guru koro eshikop hotuyekara wa, Tan guru anak ne shiknak wa hekatu ari echi ye poho ne ya?

Tanpe kusu, siki atumasnure kur kor esikop hotuyekar wa, Tan kur anakne siknak wa hekatu ari eci=ye poho ne ya?

19 nekon a shinuma tane nukara ya? orota ye pakno shinuma shiknak wa hekatu wa atumashnure guru ne sekorʼan orushpe Yudea un utara eishokoro shomoki nisa ruwe ne na.

nekona sinuma tane nukar ya? oro ta ye pakno sinuma siknak wa hekatu wa atumasnure kur ne sekor an oruspe Yudea un utar eysokor somo ki nisa ruwe ne na.

20 Koro eshikop ese wa ene itak-hi :— Tan guru anak ne chikoro poho ne, samata, shinuma shiknak wa hekatu nisa ruwe ne sekoro chi eraman:

Kor esikop ese wa ene itak hi :— Tan kur anakne ci=kor poho ne, sama ta, sinuma siknak wa hekatu nisa ruwe ne sekor ci eraman:

21 koroka, hemanda tane shinuma nukara katu chi eramushkare; koro shiki maka guru nen ne ya chi erampeutek; shinuma pa an gusu otta nu yan; aige, shinuma yaikota gusu ese itak ki kusu ne na, ari itak.

korka, hemanta tane sinuma nukar katu ci eramuskare; kor siki maka kur nen ne ya ci eranpewtek; sinuma pa an kusu or ta nu yan; ayke, sinuma yaykota kusu ese itak ki kusu ne na, ari itak.

22 Yudea un utara koishitoma gusu nei eshikop anak tap itak ani ye nisa ruwe ne: inambe gusu ne yakun, nen ne yakka Shinuma anak ne Kiristo ne ani eyaipushi guru an yakun uwekarapa chisei orowa no aemaka kusu ne, sekoro Yudea un utara ukoramu-oshima okere nisa ruwe ne gusu ne na.

Yudea un utar koysitoma kusu ne esikop anak tap itak ani ye nisa ruwe ne: inanpe kusu ne yakun, nen ne yakka Sinuma anakne Kiristo ne ani eyaypusi kur an yakun uekarpa cise oro wano a=emaka kusu ne, sekor Yudea un utar ukoram-osma okere nisa ruwe ne kusu ne na.

23 Tambe gusu, Shinuma pa an gusu, shinuma otta nu yan ani an itak ani koro eshikop utara ye nisa ruwe ne na.

Tanpe kusu, Sinuma pa an kusu, sinuma or ta nu yan ani an itak ani kor esikop utar ye nisa ruwe ne na.

24 Tambe gusu, nei utara tu shuine nei shiknak guru hotuyekara wa otta ene itak-hi :— Kamui iramye yan: tan guru anak katpak koro guru ne sekoro chi eraman, ani itak.

Tanpe kusu, ne utar tu suyne ne siknak kur hotuyekar wa or ta ene itak hi :— Kamuy iramye yan: tan kur anak katpak kor kur ne sekor ci eraman, ani itak.

25 Tambe gusu, shinuma ene ese-hi:— Shinuma anak ne katpak koro guru ne ya, ku erampeutek: kuani shiknak wa ku an, awa, tane ku nukara korʼan, sekorʼan shine orushpe anak ne ku eramʼan ruwe ne, ari itak.

Tanpe kusu, sinuma ene ese hi:— Sinuma anakne katpak kor kur ne ya, ku=eranpewtek: kuani siknak wa ku=an, awa, tane ku=nukar kor an, sekor an sine oruspe anakne ku=eraman ruwe ne, ari itak.

26 Tambe gusu, orota nei utara ene itak-hi :— E otta nekon a Shinuma iki ya? Nekon a iki wa e koro shiki Shinuma maka nisa ruwe he an?

Tanpe kusu, oro ta ne utar ene itak hi :— E or ta nekona Sinuma iki ya? Nekona iki wa e=kor siki Sinuma maka nisa ruwe he an?

27 Orota shinuma ene ese-hi :— Tane poka echi nure ash, awa, echi nu shomoki: shui echi nu rusui ya? echi utara ne yakka Shinuma koikara utara echi ne rusui ya? ari itak.

Oro ta sinuma ene ese hi :— Tane poka eci=nure as, awa, eci=nu somo ki: suy eci=nu rusuy ya? eci utar ne yakka Sinuma koykar utar eci ne rusuy ya? ari itak.

28 Tata otta nei utara anak ne shinuma oitakushi wa ene itak-hi :— Eani anak ne Shinuma koro koikara guru e ne; koroka, chi utara anak Mose koro koikara utara chi ne ruwe ne.

Tata or ta ne utar anakne sinuma oytakusi wa ene itak hi :— Eani anakne Sinuma kor koykar kur e ne; korka, ci utar anak Mose kor koykar utar ci ne ruwe ne.

29 Kamui anak ne Mose otta ye orushpe chi eramʼan: koroka, tan guru anak nei wano an guru ne ya, chi erampeutek ruwe ne, ani itak.

Kamuy anakne Mose or ta ye oruspe ci eraman: korka, tan kur anakne wano an kur ne ya, ci eranpewtek ruwe ne, ani itak.

30 Orota nei guru ese wa ene itak-hi :— Hemanda! te otta aenushkarip an, Shinuma nei wano an guru ne ya echi erampeutek, yakka, ku shikihi Shinuma maka nisa ruwe ne.

Oro ta ne kur ese wa ene itak hi :— Hemanta! te or ta aenuskarip an, Sinuma ne wano an kur ne ya eci=eranpewtek, yakka, ku=sikihi Sinuma maka nisa ruwe ne.

31 Kamui anak ne katpak koro guru shomo nu sekorʼambe chi eramʼan: koroka, nen ne yakka Kamui kooripak, Shinuma korʼirenga ki guru an yak anak ne, Kamui nei guru nu ruwe ne.

Kamuy anakne katpak kor kur somo nu sekor anpe ci eraman: korka, nen ne yakka Kamuy kooripak, Sinuma kor irenka ki kur an yakanak ne, Kamuy ne kur nu ruwe ne.

32 Moshiri heashi wano ainu anak ne shiknak wa hekatu an guru koro shiki maka orushpe naa anu shomoki ruwe ne.

Mosir heasi wano aynu anakne siknak wa hekatu an kur kor siki maka oruspe naa anu somo ki ruwe ne.

33 Tan guru anak ne Kamui orowa no an guru shomo ne yakun, nep ne yakka ki eaikap ruwe ne, ari itak.

Tan kur anakne Kamuy oro wano an kur somo ne yakun, nep ne yakka ki eaykap ruwe ne, ari itak.

34 Nei utara ese wa shinuma otta ene itak-hi:— Eani anak ne oara katpak otta hekatu, awa, eani un epakashnu ya? Orowa no, shinuma emaka nisa ruwe ne na.

Ne utar ese wa sinuma or ta ene itak hi:— Eani anakne oar katpak or ta hekatu, awa, eani un epakasnu ya? Oro wano, sinuma emaka nisa ruwe ne na.

35 Shinuma aemaka wa an orushpe Yesu nu; orowa, ipa wa nukara chiki otta ene itak-hi :— Eani anak ne Kamui Poho eishokon ruwe he an?

Sinuma a=emaka wa an oruspe Yesu nu; orowa, ipa wa nukar ciki or ta ene itak hi :— Eani anakne Kamuy Poho eysokor ruwe he an?

36 Nei guru ese wa ene itak-hi :— Utarapa, kuani eishokoro kuni anak ne Shinuma inan guru ne ya? ari itak.

Ne kur ese wa ene itak hi :— Utarpa, kuani eysokor kuni anakne Sinuma inan kur ne ya? ari itak.

37 Orota Yesu ene itak-hi :— Eani anak ne Shinuma nukara okere, orowa, e tura koitak guru anak ne Shinuma ne ruwe ne.

Oro ta Yesu ene itak hi :— Eani anakne Sinuma nukar okere, orowa, e tura koytak kur anakne Sinuma ne ruwe ne.

38 Shinuma ene itak-hi :— Utarapa, ku eishokon ruwe ne, ari itak. Orowa no, Shinuma ko-ongami nisa ruwe ne.

Sinuma ene itak hi :— Utarpa, ku=eysokor ruwe ne, ari itak. Orowano, Sinuma ko-onkami nisa ruwe ne.

39 Aige, Yesu ene itak-hi :— Nukara shomoki utara ingara, nukara wa okai utara shiknak ne kuni ne, koipishi ki gusu tan moshirʼotta Ku ek nisa ruwe ne, ari itak.

Ayke, Yesu ene itak hi :— Nukar somo ki utar inkar, nukar wa okay utar siknak ne kuni ne, koypisi ki kusu tan mosir or ta Ku=ek nisa ruwe ne, ari itak.

40 Tura no okai Parisee un utara tap okai itak nu wa Shinuma otta, Chi utara ne yakka shiknakbe ne ruwe he an?

Turano okay Parisee un utar tap okay itak nu wa Sinuma or ta, Ci utar ne yakka siknakpe ne ruwe he an?

41 Nei utara otta Yesu ene itak-hi :— Echi utara anak ne shiknak chiki katpak echi koro shomoki kusu ne ap: koroka, tane anak ne chi nukara ash ruwe ne, sekoro echi ye: aine, echi koro katpak okai ruwe ne.

Ne utar or ta Yesu ene itak hi :— Eci utar anakne siknak ciki katpak eci=kor somo ki kusu ne ap: korka, tane anakne ci nukar as ruwe ne, sekor eci=ye: ayne, eci=kor katpak okay ruwe ne.

10:1 Son no, son no, echi otta Ku ye, hitsuji topa gusu an ekashi otta apa kari ahun shomoki no, oya ru kari ta yan gurʼanak ne, shinuma anak ikka guru ne, niwen no iki ikka guru ne ruwe ne.

Sonno, sonno, eci or ta Ku=ye, hitsuji topa kusu an ekasi or ta apa kari ahun somo ki no, oya ru kari ta yan kur anakne, sinuma anak ikka kur ne, niwen no iki ikka kur ne ruwe ne.

2 Koroka, apa kari ahun guru anak ne hitsuji koro reshpa guru ne.

Korka, apa kari ahun kur anakne hitsuji kor respa kur ne.

3 Apa pungi Shinuma gusu apa maka; orowa, hitsuji anak ne Shinuma koro hawe nu: samata, Shinuma yaikota koro hitsuji areikore an reihei ani hotuyekara wa soyumba wa tura ruwe ne.

Apa punki Sinuma kusu apa maka; orowa, hitsuji anakne Sinuma kor hawe nu: sama ta, Sinuma yaykota kor hitsuji a=rékore an rehe ani hotuyekar wa soyunpa wa tura ruwe ne.

4 Shinuma anak ne obitta no yaikota korobe soyumbare chiki, nei kotchaketa oman wa hitsuji nei osh paye ruwe ne: koro hawe kiri ruwe ne gusu ne na.

Sinuma anakne opittano yaykota kor pe soyunpare ciki, ne kotcake ta oman wa hitsuji ne os paye ruwe ne: kor hawe kiri ruwe ne kusu ne na.

5 Nei hitsuji anak ne oya guru oshi paye shomoki, koroka, orowa no kira ruwe ne: oya utara koro hawe kiri shomoki ruwe ne gusu ne na.

Ne hitsuji anakne oya kur osi paye somo ki, korka, orowano kira ruwe ne: oya utar kor hawe kiri somo ki ruwe ne kusu ne na.

6 Yesu tan itak-maukushte-itak utara otta ye: koroka, orota Shinuma ye orushpe ibehe nei utara erampeutek nisa ruwe ne na.

Yesu tan itak-mawkuste-itak utar or ta ye: korka, oro ta Sinuma ye oruspe ipehe ne utar eranpewtek nisa ruwe ne na.

7 Tambe gusu, shui, nei utara otta Yesu ene itakhi :— Son no, son no, echi otta Ku ye, Kuani anak ne hitsuji apa Ku ne ruwe ne.

Tanpe kusu, suy, ne utar or ta Yesu ene itak hi :— Sonno, sonno, eci or ta Ku=ye, Kuani anakne hitsuji apa Ku ne ruwe ne.

8 En etokota araki obitta no okai utara anak ne ikka utara ne, niwen no iki ikka utara ne: koroka, hitsuji anak ne nei utara ko-nu shomoki nisa ruwe ne.

En=etoko ta arki opittano okay utar anakne ikka utar ne, niwen no iki ikka utar ne: korka, hitsuji anakne ne utar ko-nu somo ki nisa ruwe ne.

9 Kuani anak nei apa Ku ne: En kari otta ahun guru an chiki, kashi-a-obiuki kusu ne, orowa, ahun hemhem ki, soine hemhem ki wa aep koro kusu ne na.

Kuani anakne apa Ku ne: En=kari or ta ahun kur an ciki, kasi-a-opiwki kusu ne, orowa, ahun hemhem ki, soyne hemhem ki wa aep kor kusu ne na.

10 Ikka hemhem ki, ronnu hemhem ki, isamka hemhem ki kuni gusu moshima ikka guru anak ne ek shomoki ruwe ne; Ku ek ikkewehe anak ne echi utara inotu koro, nuye an no echi koro kuni gusu ne ruwe ne na.

Ikka hemhem ki, ronnu hemhem ki, isamka hemhem ki kuni kusu mosma ikka kur anakne ek somo ki ruwe ne; Ku=ek ikkewehe anakne eci utar inotu kor, nuye an no eci=kor kuni kusu ne ruwe ne na.

11 Kuani pirika hitsuji reshpa guru Ku ne: nei pirika reshpa guru anak ne hitsuji gusu koro inotu ande ruwe ne.

Kuani pirka hitsuji respa kur Ku ne: ne pirka respa kur anakne hitsuji kusu kor inotu ante ruwe ne.

12 Nei hitsuji koro shomoki reshpa guru shomo ne no an ayatoine guru anak ne, horokeu ek shiri nukara wa kira hine nei hitsuji ande ruwe ne, orowa, horokeu anak ne hitsuji kishima hemhem ki, chari hemhem ki ruwe ne;

Ne hitsuji kor somo ki respa kur somo ne no an ayatoyne kur anakne, horkew ek siri nukar wa kira hine ne hitsuji ante ruwe ne, orowa, horkew anakne hitsuji kisma hemhem ki, cari hemhem ki ruwe ne;

13 nei guru ayatoine guru ne wa gusu hitsuji shomo ko-eyam no an ruwe ne gusu ne na.

ne kur ayatoyne kur ne wa kusu hitsuji somo ko-eyam no an ruwe ne kusu ne na.

14 Kuani anak ne pirika reshpa guru Ku ne; yaikota Ku korobe Ku eamkiri, orowa, Ku korobe anak En eamkiri ruwe ne,

Kuani anakne pirka respa kur Ku ne; yaykota Ku=kor pe Ku=e=amkir, orowa, Ku=kor pe anak En=e=amkir ruwe ne,

15 Michi anak ne En eamkiri, Kuani anak Michi Ku eamkiri ukorachi ne na; orowa, hitsuji gusu Ku inotu Ku ande

Mici anakne En=e=amkir, Kuani anak Mici Ku=e=amkir ukoraci ne na; orowa, hitsuji kusu Ku=inotu Ku=ante

15 Michi anak ne En eamkiri, Kuani anak Michi Ku eamkiri ukorachi ne na; orowa, hitsuji gusu Ku inotu Ku ande

Mici anakne En=e=amkir, Kuani anak Mici Ku=e=amkir ukoraci ne na; orowa, hitsuji kusu Ku=inotu Ku=ante

16 ruwe ne. Tan hitsuji topaha gusu an ekashi shomo tura an moshima okai hitsuji Ku koro: nei ambe ne yakka Ku ani kusu ne ap, orowa, nei ambe Ku hawe nu kusu ne na; aige, shine topaha, shine reshpa guru an kusu ne na.

ruwe ne. Tan hitsuji topaha kusu an ekasi somo tura an mosma okay hitsuji Ku=kor: ne anpe ne yakka Ku ani kusu ne ap, orowa, ne anpe Ku hawe nu kusu ne na; ayke, sine topaha, sine respa kur an kusu ne na.

17 Tambe gusu, Ku Michi anak ne En omap ruwe ne, shui nei ambe ku uk kuni gusu ku ande ruwe ne gusu ne.

Tanpe kusu, Ku Mici anakne En=omap ruwe ne, suy ne anpe ku=uk kuni kusu ku=ante ruwe ne kusu ne.

18 En orowa no nei ambe uk guru isam, koroka, Kuani rengaine nei ambe ku ande ruwe ne. Nei ambe ande kuni mondum Ku koro, shui, uk kuni mondum Ku kon ruwe ne. Ku Michi orowa no tan ikashpaotte a en kore nisa ruwe ne na.

En=oro wano ne anpe uk kur isam, korka, Kuani renkayne ne anpe ku=ante ruwe ne. Ne anpe ante kuni montum Ku=kor, suy, uk kuni montum Ku=kor ruwe ne. Ku Mici oro wano tan ikaspaotte a en=kore nisa ruwe ne na.

19 Shui, tan itak gusu, Yudea un utara tumugeta eukopi hopuni nisa ruwe ne.

Suy, tan itak kusu, Yudea un utar tumke ta ewkopi hopuni nisa ruwe ne.

20 Shinuma anak ne nitne kamui shikatkare wa chiitasare an; Nep gusu Shinuma otta echi nu ya? ani an itak ani inne utara ye ruwe ne.

Sinuma anakne nitne kamuy sikatkare wa ciitasare an; Nep kusu Sinuma or ta eci=nu ya? ani an itak ani inne utar ye ruwe ne.

21 Orowa, Tan itak anak ne nitne kamui shikatkare guru ye itak shomo ne. Nitne kamui anak ne shiknak guru koro shiki maka eashkai ruwe he an? moshima utara ye nisa ruwe ne.

Orowa, Tan itak anakne nitne kamuy sikatkare kur ye itak somo ne. Nitne kamuy anakne siknak kur kor siki maka easkay ruwe he an? mosma utar ye nisa ruwe ne.

22 Orowa, Yerusarem kotan ta Kamui kora kenru yange marapto an: mata-pa ne ruwe ne; awa,

Orowa, Yerusarem kotan ta Kamuy kor kenru yanke marapto an: mata-pa ne ruwe ne; awa,

23 Yesu Kamui kora kenru un Soromon ikushpe tumta apkash korʼan.

Yesu Kamuy kor kenru un Soromon ikuspe tum ta apkas kor an.

24 Tambe gusu, Yudea un utara anak ne Shinuma okari un araki wa otta ene itak-hi :— Hembara pakno un utumashire ya? Aokai Kiristo ne yakun irammakaka un nure yan, ari itak Orota Yesu ene itak-hi :—

Tanpe kusu, Yudea un utar anakne Sinuma okari un arki wa or ta ene itak hi :— Henpara pakno un utumasire ya? Aokay Kiristo ne yakun irammakaka un nure yan, ari itak Oro ta Yesu ene itak hi :—

25 Ku echi nure ash nisa, awa, echi shomo eishokoro: Ku Michi reihei ankushkeraipo Ku ki ikip anak ne En gusu paweteshu ki ruwe ne.

Ku=eci nure as nisa, awa, eci somo eysokor: Ku Mici rehe an kuskeraypo Ku=ki iki p anakne En kusu pawetesu ki ruwe ne.

26 Koroka, echi utara anak ne Ku koro hitsuji chikoikip shomo ne gusu eishokoro shomoki ruwe ne.

Korka, eci utar anakne Ku=kor hitsuji cikoykip somo ne kusu eysokor somo ki ruwe ne.

27 Ku koro hitsuji anak ne Ku hawe nu, samata, Kuani anak ne nei ambe eamkiri, nei ambe anak En eamkiri wa En osh araki:

Ku=kor hitsuji anakne Ku hawe nu, sama ta, Kuani anakne ne anpe e=amkir, ne anpe anak En=e=amkir wa En=os arki:

28 orowa, orota ramma okere shomoki inotu Ku kore ruwe ne; nei ambe hembara ne yakka aisamka shomoki, orowa, Ku teke wano nei ambe etaye guru isam kusu ne na.

orowa, oro ta ramma okere somo ki inotu Ku=kore ruwe ne; ne anpe henpara ne yakka a=ysamka somo ki, orowa, Ku=teke wano ne anpe etaye kur isam kusu ne na.

29 En otta nei ambe kore Ku Michi anak ne nen ne yakka kasu no eitasa pase ruwe ne; orowa, Ku Michi tekehe wano etaye eashkai guru isam ruwe ne.

En or ta ne anpe kore Ku Mici anakne nen ne yakka kasuno eytasa pase ruwe ne; orowa, Ku Mici tekehe wano etaye easkay kur isam ruwe ne.

30 Kuani newa Ku Michi anak ne shinep ne ruwe ne, ari itak.

Kuani newa Ku Mici anakne sinep ne ruwe ne, ari itak.

31 Orowa, shui, Shinuma kopiyekara gusu, Yudea un utara shuma uina nisa ruwe ne.

Orowa, suy, Sinuma kopiyekar kusu, Yudea un utar suma uyna nisa ruwe ne.

32 Orota Yesu ene ese-hi :— Kuani anak ne Michi orowa no inne pirika ikip echi nukare; awa, nekon a an ikip gusu echi En kopiyekara ya?

Oro ta Yesu ene ese hi :— Kuani anakne Mici oro wano inne pirka iki p eci=nukare; awa, nekona an iki p kusu eci En=kopiyekar ya?

33 Orota nei Yudea un utara ene ese-hi :— Pirika ikip gusu E kopiyekara ash shomoki, Eani Kamui koatcha gusu; orowa, Eani ainu E ne wa Kamui yaikara ruwe ne gusu ne na.

Oro ta ne Yudea un utar ene ese hi :— Pirka iki p kusu E kopiyekar as somo ki, Eani Kamuy koatca kusu; orowa, Eani aynu E ne wa Kamuy yaykar ruwe ne kusu ne na.

34 Orota Yesu ene ese-hi :— Kamui utara echi ne sekoro Ku ye, ani an itak ambe anak ne echi koro tuitak kambi kata anuye wa an shomo ne ya?

Oro ta Yesu ene ese hi :— Kamuy utar eci ne sekor Ku=ye, ani an itak anpe anakne eci=kor tuytak kampi kata a=nuye wa an somo ne ya?

35 Otta Kamui itak ek utara, Kamui utara ani shinuma reikore yak anak ne (orowa, Kamui nuyere itak aotereke eaikapbe),

Or ta Kamuy itak ek utar, Kamuy utar ani sinuma rékore yakanak ne (orowa, Kamuy nuyere itak a=oterke eaykap pe),

36 Michi oripak wa moshiri kata omande guru epeka no, Kuani anak ne Kamui Poho Ku ne ani Ku ye gusu, Eani Kamui koatcha, ari echi ye ya?

Mici oripak wa mosir kata omante kur epeka no, Kuani anakne Kamuy Poho Ku ne ani Ku=ye kusu, Eani Kamuy koatca, ari eci=ye ya?

37 Ku Michi koro ikip Ku iki shomoki yak anak ne iteki En eishokoro yan.

Ku Mici kor iki p Ku=iki somo ki yakanak ne iteki En=eysokor yan.

38 Koroka, nei ambe Ku iki yakun, echi utara En eishokoro shomoki yakka, nei ikip eishokoro yan: Michi anak ne En onnaigeta an, Kuani anak Michi onnaigeta Ku an shiri echi eraman wa ramepakari kuni gusu ne na, ari itak.

Korka, ne anpe Ku=iki yakun, eci utar En=eysokor somo ki yakka, ne iki p eysokor yan: Mici anakne En=onnayke ta an, Kuani anak Mici onnayke ta Ku=an siri eci=eraman wa ramepakari kuni kusu ne na, ari itak.

39 Shui nei utara Shinuma kishima kuni ramu, koroka, nei tekehe wano oman nisa ruwe ne na.

Suy ne utar Sinuma kisma kuni ramu, korka, ne tekehe wano oman nisa ruwe ne na.

40 Orowa, etokota Yoannes baptisma kore Yorodan pet kushta an ushiketa Yesu shui oman wa an nisa ruwe ne.

Orowa, etoko ta Yoannes paptisma kore Yorodan pet kus ta an uske ta Yesu suy oman wa an nisa ruwe ne.

41 Awa, inne utara Shinuma orota araki wa ene itak-hi: Son no poka, Yoannes anak ne shirosh ki shomoki: koroka, tan guru gusu Yoannes ye obitta no okai orushpe anak ne son no ambe ne, sekoro itak.

Awa, inne utar Sinuma oro ta arki wa ene itak hi: Sonno poka, Yoannes anakne siros ki somo ki: korka, tan kur kusu Yoannes ye opittano okay oruspe anakne sonno anpe ne, sekor itak.

42 Orowa, toan ushiketa okai inne utara Shinuma eishokon nisa ruwe ne na.

Orowa, toan uske ta okay inne utar Sinuma eysokor nisa ruwe ne na.

11:1 Orowa, Maria newa koro sapo Maruta koro kotan ta, Betania kotan ta, Razaros ani aye shine ainu tashum ki wa an ruwe ne.

Orowa, Maria newa kor sapo Maruta kor kotan ta, Betania kotan ta, Razaros ani a=ye sine aynu tasum ki wa an ruwe ne.

2 Tashum ki Razaros anak ne Utarapa kata shum ota wa koro otop ani Shinuma koro chikiri piruba Maria koro ainu iriwak ne ruwe ne.

Tasum ki Razaros anakne Utarpa kata sum ota wa kor otop ani Sinuma kor cikiri pirpa Maria kor aynu irwak ne ruwe ne.

3 Tambe gusu, mat uiriwak utara Yesu orota teshkara wa ene itakte-hi :— Utarapa, E ikatairotke a guru tashum wa an ruwe ne, ari itakte.

Tanpe kusu, mat uyriwak utar Yesu oro ta teskar wa ene itakte hi :— Utarpa, E ikatayrotke a kur tasum wa an ruwe ne, ari itakte.

4 Koroka, Yesu nei ambe nu wa :— Tan tashum anak ne rai gusu an tashum shomo ne, ani Kamui Poho nupektere, Kamui nupeki gusu an tashum ne, ari itak.

Korka, Yesu ne anpe nu wa :— Tan tasum anakne ray kusu an tasum somo ne, ani Kamuy Poho nupektere, Kamuy nupeki kusu an tasum ne, ari itak.

5 Yesu anak ne Maruta hemhem, Maruta koro turesh hemhem, Razaros hemhem omap nisa ruwe ne.

Yesu anakne Maruta hemhem, Maruta kor tures hemhem, Razaros hemhem omap nisa ruwe ne.

6 Tambe gusu, shinuma tashum wa an sekorʼambe nu chiki, tane an ushiketa naa tutko okai nisa ruwe ne.

Tanpe kusu, sinuma tasum wa an sekor anpe nu ciki, tane an uske ta naa tutko okay nisa ruwe ne.

7 Orowa, tap okaketa koikara utara otta :— Shui Yudea moshirʼotta paye anro, ari itak.

Orowa, tap okake ta koykar utar or ta :— Suy Yudea mosir or ta paye an ro, ari itak.

8 Orota koikara utara ene itak-hi :— Rabbi, tap nahun Yudea un utara E shuma kopiyekara rusui, awa, shui nei orota E oman a?

Oro ta koykar utar ene itak hi :— Rabbi, tap nahun Yudea un utar E suma kopiyekar rusuy, awa, suy ne oro ta E oman a?

9 Yesu ene ese-hi :— Tokapto ta tup ikashima wan pakihi isam ruwe he an? Tokapto uturuta ainu apkash ko anak ne epetchiu shomoki, tan-moshiri un pekere nukara ruwe ne gusu ne na.

Yesu ene ese hi :— Tokapto ta tup ikasma wan pakihi isam ruwe he an? Tokapto utur ta aynu apkas ko anakne epetciw somo ki, tan-mosir un peker nukar ruwe ne kusu ne na.

10 Koroka, kunne to ta ainu apkash ko anak ne epetchiu ruwe ne, pekere anak ne koro oshiketa isam ruwe ne gusu ne na. Yesu tap ambe ye:

Korka, kunne to ta aynu apkas ko anakne epetciw ruwe ne, peker anakne kor oske ta isam ruwe ne kusu ne na. Yesu tapanpe ye:

11 Orowa no, Chikoro ikatairotke Razaros anak ne mokon ruwe ne; koroka, Ku oman katu anak ne shinuma mososo kuni gusu an ambe ne.

Orowano, Ci=kor ikatayrotke Razaros anakne mokor ruwe ne; korka, Ku=oman katu anakne sinuma mososo kuni kusu an anpe ne.

12 Tambe gusu, koikara utara Shinuma otta ene itak-hi :— Utarapa, shinuma mokoro chiki anak ne riten kusu ne, ari itak.

Tanpe kusu, koykar utar Sinuma or ta ene itak hi :— Utarpa, sinuma mokor ciki anakne riten kusu ne, ari itak.

13 Koroka, Yesu anak ne shinuma rai-i epeka no tap ye nisa ruwe ne; koroka, Razaros mokoro wa shini wa an sekoro, Shinuma ye ani nei utara yainu ruwe ne.

Korka, Yesu anakne sinuma ray hi epeka no tap ye nisa ruwe ne; korka, Razaros mokor wa sini wa an sekor, Sinuma ye ani ne utar yaynu ruwe ne.

14 Tambe gusu, Razaros rai ruwe ne, sekoro nei utara otta Yesu irammakaka ye.

Tanpe kusu, Razaros ray ruwe ne, sekor ne utar or ta Yesu irammakaka ye.

15 Orowa, Kuani toada isam-i echi utara gusu Ku yaikopuntek, echi utara eishokoro kuni gusu ne na; yakka orota paye anro, ari itak.

Orowa, Kuani toata isam hi eci utar kusu Ku=yaykopuntek, eci utar eysokor kuni kusu ne na; yakka oro ta paye an ro, ari itak.

16 Tambe gusu, Didimos ani aye Tomas anak ne tura an koikara utara otta, Chi utara ne yakka paye wa Shinuma tura rai anro, ari itak.

Tanpe kusu, Didimos ani a=ye Tomas anakne tura an koykar utar or ta, Ci utar ne yakka paye wa Sinuma tura ray an ro, ari itak.

17 Yesu ek koro anak ne shinuma tane ine rereko uturu tushiri oro aomare a an wa an ani nu ruwe ne.

Yesu ek kor anakne sinuma tane ine rerko uturu tusiri oro a=omare a an wa an ani nu ruwe ne.

18 Betania kotan anak Yerusarem machiya ehange wa arawan cho ikashima hotne cho pakno patek kattuima ruwe ne;

Betania kotan anak Yerusarem maciya ehanke wa arwan co ikasma hotne co pakno patek kattuyma ruwe ne;

19 awa, koro ainu iriwak gusu Maruta newa Maria ramu-ritenga kuni ne Yudea un utara araki wa okai ruwe ne.

awa, kor aynu irwak kusu Maruta newa Maria ramu-ritenka kuni ne Yudea un utar arki wa okay ruwe ne.

20 Tambe gusu, Yesu ek korʼan sekoro Maruta nu chiki, ekanok gusu oman-nisa ruwe ne: koroka, Maria anak ne naa chisei ta a kane an ruwe ne.

Tanpe kusu, Yesu ek kor an sekor Maruta nu ciki, ekanok kusu oman-nisa ruwe ne: korka, Maria anakne naa cise ta a kane an ruwe ne.

21 Orowa, Yesu otta Maruta ene itak-hi :— Utarapa, Aokai teda E an chiki ku iriwak rai a shomoki ruwe ne.

Orowa, Yesu or ta Maruta ene itak hi :— Utarpa, Aokay teta E an ciki ku=irwak ray a somo ki ruwe ne.

22 Tane ne yakka nep ne yakka Aokai Kamui koramkorope anak ne Kamui E kore sekorʼambe ku eramʼan, ani Maruta itak.

Tane ne yakka nep ne yakka Aokay Kamuy koramkorope anakne Kamuy E kore sekor anpe ku=eraman, ani Maruta itak.

23 E koro ainu iriwak hetopo-shiknu kusu ne, ari shinuma ye ruwe ne.

E=kor aynu irwak hetopo-siknu kusu ne, ari sinuma ye ruwe ne.

24 Orota Maruta ene itak-hi :— Okese an toho ta an hetopo-shiknu-i ta shinuma hetopo-shiknu kusu ne-hi ku eramʼan.

Oro ta Maruta ene itak hi :— Okes an toho ta an hetopo-siknu hi ta sinuma hetopo-siknu kusu ne hi ku=eraman.

25 Orota, Yesu ene itak-hi :— Kuani anak ne hetopo-shiknu ambe Ku ne, inotu Ku ne ruwe ne: En eishokoro guru anak ne rai yakka ishu kusu ne:

Oro ta, Yesu ene itak hi :— Kuani anakne hetopo-siknu anpe Ku ne, inotu Ku ne ruwe ne: En=eysokor kur anakne ray yakka i=su kusu ne:

26 samata, nen ne yakka ishu wa En eishokoro guru anak ne hembara pakno ne yakka rai shomoki ruwe ne.

sama ta, nen ne yakka i=su wa En=eysokor kur anakne henpara pakno ne yakka ray somo ki ruwe ne.

27 Eani anak tap ambe eishokoro ya? Orota :— Ruwe un, Utarapa, Aokai anak ne moshiri orota ek shiri Kamui koho ne Kiristo E ne ruwe ne, sekoro ku eishokon nisa ruwe ne, ani Maruta ye ruwe ne.

Eani anak tapanpe eysokor ya? Oro ta :— Ruwe un, Utarpa, Aokay anakne mosir oro ta ek siri Kamuy koho ne Kiristo E ne ruwe ne, sekor ku=eysokor nisa ruwe ne, ani Maruta ye ruwe ne.

28 Tan itak ye okere chiki shinuma oman wa arorokishne no koro saha Maria hotuyekara wa :— Epakashnu guru ek wa an hine e hotuyekara ruwe ne, sekoro itak.

Tan itak ye okere ciki sinuma oman wa arorkisneno kor saha Maria hotuyekar wa :— Epakasnu kur ek wa an hine e hotuyekar ruwe ne, sekor itak.

29 Shinuma nei ambe nu chiki chashnu no hopuni wa orota oman nisa ruwe ne.

Sinuma ne anpe nu ciki casnu no hopuni wa oro ta oman nisa ruwe ne.

30 (Yesu naa shomo machiya orota ek, Maruta etunangara ushiketa naa an ruwe ne na.)

(Yesu naa somo maciya oro ta ek, Maruta etunankar uske ta naa an ruwe ne na.)

31 Awa, chisei otta tura no okai wa shinuma omaoma Yudea un utara, Maria ekushkonna hopuni wa soita oman-i nukara chiki, shinuma rai guru echishkara gusu tushiri orota oman kuni ramu gusu, shinuma osh paye nisa ruwe ne.

Awa, cise or ta turano okay wa sinuma omaoma Yudea un utar, Maria ekuskonna hopuni wa soy ta oman hi nukar ciki, sinuma raykur e=ciskar kusu tusiri oro ta oman kuni ramu kusu, sinuma os paye nisa ruwe ne.

32 Tambe gusu, Maria anak ne Yesu an ushi ta ek wa Shinuma nukara chiki, koro chikiri samaketa hachiri wa orota ene itak-hi :— Utarapa, Aokai teda E an chiki, ku ainu iriwak anak ne rai a shomoki ruwe ne, ari itak.

Tanpe kusu, Maria anakne Yesu an usi ta ek wa Sinuma nukar ciki, kor cikiri samake ta hacir wa oro ta ene itak hi :— Utarpa, Aokay teta E an ciki, ku=aynu irwak anakne ray a somo ki ruwe ne, ari itak.

33 Tambe gusu, Yesu shinuma chish shiri nukara, samata, tura no araki Yudea un utara ne yakka chish shiri nukara chiki, shinuma keutum ta oro omande wa Yaikota yaichiukopoyere ruwe ne,

Tanpe kusu, Yesu sinuma cis siri nukar, sama ta, turano arki Yudea un utar ne yakka cis siri nukar ciki, sinuma kewtum ta oro omante wa Yaykota yayciwkopoyere ruwe ne,

34 aige, Inan ushiketa shinuma echi ande ya? ari itak. Utarapa, ek wa ingara, sekoro nei utara ye nisa ruwe ne. Yesu chish.

ayke, Inan uske ta sinuma eci=ante ya? ari itak. Utarpa, ek wa inkar, sekor ne utar ye nisa ruwe ne. Yesu cis.

35 Tambe gusu, Ingara, nep katairotke ki gusu Shinuma ikatairotke humi! ari Yudea un utara ye nisa ruwe ne.

Tanpe kusu, Inkar, nep katayrotke ki kusu Sinuma ikatayrotke humi! ari Yudea un utar ye nisa ruwe ne.

36 Koroka, sereke okai utara ene itak-hi :— Shiknak guru koro shiki maka tan guru anak ne, nei guru ne yakka iteki rai kuni ne kara eaikap ya?

Korka, serke okay utar ene itak hi :— Siknak kur kor siki maka tan kur anakne, ne kur ne yakka iteki ray kuni ne kar eaykap ya?

37 Tambe gusu, Yesu shui keutum uta oro omande hine tushiri orota ek ruwe ne. Tushiri anak ne poru ne, orowa, shuma apa otta aekopashte wa an ruwe ne. Shuma uk yan, ani Yesu itak.

Tanpe kusu, Yesu suy kewtum uta oro omante hine tusiri oro ta ek ruwe ne. Tusiri anakne poru ne, orowa, suma apa or ta a=ekopaste wa an ruwe ne. Suma uk yan, ani Yesu itak.

38 Rai guru koro mat iriwak Maruta Yesu otta ene itak-hi :— Utarapa, tane hura at: ine rere ko an ruwe gusu ne na.

Raykur kor mat irwak Maruta Yesu or ta ene itak hi :— Utarpa, tane hura at: ine rere ko an ruwe kusu ne na.

39 Orota Yesu ene itak-hi :— Eani eishokoro yak anak ne Kamui nupeki e nukara kusu ne, ani e otta Ku ye shomoki ya? ari itak.

Oro ta Yesu ene itak hi :— Eani eysokor yakanak ne Kamuy nupeki e nukar kusu ne, ani e or ta Ku=ye somo ki ya? ari itak.

40 Orowa no, nei shuma auk ruwe ne. Awa, Yesu hepuni wa ene itak-hi :— Michi, Aokai En nu nisa ruwe ne gusu Ku yaiiraige ash na.

Orowano, ne suma auk ruwe ne. Awa, Yesu hepuni wa ene itak hi :— Mici, Aokay En=nu nisa ruwe ne kusu Ku=yayirayke as na.

41 Aokai ramma En nu shiri Ku eraman: koroka, okari ta roshki wa okai utara gusu Ku ye, nei utara anak ne Kuani E orowa no aomande guru Ku ne sekorʼi eishokoro kuni ne tap Ku ye nisa ruwe ne.

Aokay ramma En=nu siri Ku=eraman: korka, okari ta roski wa okay utar kusu Ku=ye, ne utar anakne Kuani E oro wano a=omante kur Ku ne sekor i eysokor kuni ne tap Ku=ye nisa ruwe ne.

42 Orowa, Shinuma tap ambe ye okere chiki, rui hau ani :— Razaros, soine wa ek, ari an itak ani ye ruwe ne.

Orowa, Sinuma tapanpe ye okere ciki, ruy haw ani :— Razaros, soyne wa ek, ari an itak ani ye ruwe ne.

43 Orowa no, rai guru anak ne senkaki ani teke newa chikiri akokarakari, nanuhu senkaki ani akamure wa an shiri soine nisa ruwe ne. Pita wa omande yan, ani Yesu utara otta ye ruwe ne.

Orowano, raykur anakne senkaki ani teke newa cikiri a=kokarkari, nanuhu senkaki ani a=kamure wa an siri soyne nisa ruwe ne. Pita wa omante yan, ani Yesu utar or ta ye ruwe ne.

44 Tambe gusu, Maria tura no araki Yudea un inne utara shinuma iki ambe nukara chiki, eishokon nisa ruwe ne.

Tanpe kusu, Maria turano arki Yudea un inne utar sinuma iki anpe nukar ciki, eysokor nisa ruwe ne.

45 Koroka, tumugeta okai utara anak ne Parisee un utara orota paye wa, Yesu ki ikip nure nisa ruwe ne.

Korka, tumke ta okay utar anakne Parisee un utar oro ta paye wa, Yesu ki iki p nure nisa ruwe ne.

46 Tambe gusu, Kamui kora kenru poro esapane utara newa Parisee un utara ukoramkoro wa ene itak-hi :— Nekon a chi ki ya? tan guru poron no okai shirosh ki ruwe ne gusu ne na.

Tanpe kusu, Kamuy kor kenru poro esapane utar newa Parisee un utar ukoramkor wa ene itak hi :— Nekona ci ki ya? tan kur poronno okay siros ki ruwe ne kusu ne na.

47 Tap korachi Shinuma moshima no chi ande ash chiki, ainu obitta Shinuma eishokoro: orowa, Roma moshirʼun utara ek wa chikoro kotan hemhem, utara uirup hemhem, isamka kusu ne, ari itak.

Tap koraci Sinuma mosmano ci ante as ciki, aynu opitta Sinuma eysokor: orowa, Roma mosir un utar ek wa ci=kor kotan hemhem, utar uyrup hemhem, isamka kusu ne, ari itak.

48 Koroka, nei tumugeta an shine ainu, Kaiapas ani an reihei koro ainu, nei paha ta Kamui kora kenru esapane utara esapane guru ne, nei guru anak ne utara otta ene itak-hi :—

Korka, ne tumke ta an sine aynu, Kayapas ani an rehe kor aynu, ne paha ta Kamuy kor kenru esapane utar esapane kur ne, ne kur anakne utar or ta ene itak hi :—

49 Echi utara nep ne yakka erampeutek, naa samata, utara ikiri obitta rai shomoki kuni ne, utara shirihine shine ainu rai kusu ne kunip echi esanniyo shomoki ruwe ne, ari itak.

Eci utar nep ne yakka eranpewtek, naa sama ta, utar ikiri opitta ray somo ki kuni ne, utar sirihi ne sine aynu ray kusu ne kunip eci=esanniyo somo ki ruwe ne, ari itak.

50 Tap ambe ye katu anak ne yaikota rengaine ye shomoki; koroka, nei paha ta Kamui kora kenru esapane utara esapane guru ne wa gusu, utara shirihine Yesu rai kusu ne, ani uweingara nisa ruwe ne;

Tapanpe ye katu anakne yaykota renkayne ye somo ki; korka, ne paha ta Kamuy kor kenru esapane utar esapane kur ne wa kusu, utar sirihi ne Yesu ray kusu ne, ani ueinkar nisa ruwe ne;

51 nei utara shirihine patek shomo ne, moshiri kata chichari wa okai Kamui poho utara shineanda uwekarapare kuni gusu ne na.

ne utar sirihi ne patek somo ne, mosir kata cicari wa okay Kamuy poho utar sineanta uwekarpare kuni kusu ne na.

52 Tambe gusu, nei toho wano Shinuma raige kuni nei utara esanniyo shiriki okai ruwe ne.

Tanpe kusu, ne toho wano Sinuma rayke kuni ne utar esanniyo siriki okay ruwe ne.