24 Ik. leaf 74

Orowa, Yesu anak ne Kamui kora kenru orowa no soine wa oman shiriki, aine, koikara utara araki wa nei Kamui kora kenru akara ambe orota nukare nisa ruwe ne na.

Orowa, Yesu anakne Kamuy kor kenru oro wano soyne wa oman siriki, ayne, koykar utar arki wa ne Kamuy kor kenru a=kar anpe oro ta nukare nisa ruwe ne na.

και εξελθων ο ιησους απο του ιερου επορευετο και προσηλθον οι μαθηται αυτου επιδειξαι αυτω τας οικοδομας του ιερου

And Jesus went out from the temple, and was going on his way; and his disciples came to him to shew him the buildings of the temple.

Koroka, nei utara otta Shinuma ese wa ene itak-hi :— Tan okaibe echi nukara shomoki ya? Son no echi otta Ku ye, — Tan ukata okai shomo ahachire kusu ne a shuma anak ne shine shuma poka shomo aande kusu ne na.

Korka, ne utar or ta Sinuma ese wa ene itak hi :— Tan okaype eci=nukar somo ki ya? Sonno eci or ta Ku=ye, — Tan ukata okay somo a=hacir kusu ne a suma anakne sine suma poka somo a=ante kusu ne na.

ο δε αποκριθεις ειπεν αυτοις ου βλεπετε ταυτα παντα αμην λεγω υμιν ου μη αφεθη ωδε λιθος επι λιθον ος ου καταλυθησεται

But he answered and said unto them, See ye not all these things? verily I say unto you, There shall not be left here one stone upon another, that shall not be thrown down.

Orowa, Shinuma Kanran-ush nupuri kata a wa an rapoketa, koikara utara arorokishne no orota araki wa ene itak-hi :— Tan okaibe hembara ta hetuku ya? orowa, E ek kuni shirosh hemhem, moshiri shiokere kuni gusu an shirosh hemhem, nekon a an shirosh ne ya? un nure wa un kore, ari itak.

Orowa, Sinuma Kanran-us nupuri kata a wa an rapoketa, koykar utar arorkisneno oro ta arki wa ene itak hi :— Tan okaype henpara ta hetuku ya? orowa, E ek kuni siros hemhem, mosir siokere kuni kusu an siros hemhem, nekona an siros ne ya? un nure wa un kore, ari itak.

καθημενου δε αυτου επι του ορους των ελαιων προσηλθον αυτω οι μαθηται κατ ιδιαν λεγοντες ειπον ειπε ημιν ποτε ταυτα εσται και τι το σημειον της σης παρουσιας και συντελειας του αιωνος

And as he sat on the mount of Olives, the disciples came unto him privately, saying, Tell us, when shall these things be? and what [shall be ]the sign of thy coming, and of the end of the world?

Yesu ese wa nei utara otta ene itak-hi :— Inan guru orowa no ne yakka iteki echi kokandama kuni ne yaitubare yan.

Yesu ese wa ne utar or ta ene itak hi :— Inan kur oro wano ne yakka iteki eci=kokantama kuni ne yaytupare yan.

και αποκριθεις ο ιησους ειπεν αυτοις βλεπετε μη τις υμας πλανηση

And Jesus answered and said unto them, Take heed that no man lead you astray.

Inambe gusu ne yakun, inne utara Ku reihei ye hine araki wa :— Kuani anak ne Kiristo ku ne, ari itak, aine, inne utara ru turainure kusu ne.

Inanpe kusu ne yakun, inne utar Ku=rehe ye hine arki wa :— Kuani anakne Kiristo ku ne, ari itak, ayne, inne utar ru turaynure kusu ne.

πολλοι γαρ ελευσονται επι τω ονοματι μου λεγοντες εγω ειμι ο χριστος και πολλους πλανησουσιν

For many shall come in my name, saying, I am the Christ; and shall lead many astray.

Orowa, tumi-koro orushpe hene tumi pahau hene echi nu kusu ne: iteki kimatek no okai yan: inambe gusu ne yakun, tap okaibe anak ne hetuku gusu ne ap ruwe ne: koroka, shiokere-hi anak ne naa shomo ruwe ne.

Orowa, tumi-kor oruspe hene tumi pahaw hene eci=nu kusu ne: iteki kimatek no okay yan: inanpe kusu ne yakun, tap okaype anakne hetuku kusu ne ap ruwe ne: korka, siokere hi anakne naa somo ruwe ne.

μελλησετε δε ακουειν πολεμους και ακοας πολεμων ορατε μη θροεισθε δει γαρ γενεσθαι αλλ ουπω εστιν το τελος

And ye shall hear of wars and rumours of wars: see that ye be not troubled: for [these things ]must needs come to pass; but the end is not yet.

Uirup anak ne uirup kotumi koro, moshiri anak ne moshiri kotumi-koro kusu ne: orowa, usa okai kotan ta kemush hene iki, shirishimoye bene an kusu ne.

Uyrup anakne uyrup kotumi kor, mosir anakne mosir kotumi-kor kusu ne: orowa, usa okay kotan ta kemus hene iki, sirsimoye pene an kusu ne.

εγερθησεται γαρ εθνος επι εθνος και βασιλεια επι βασιλειαν και εσονται λιμοι και σεισμοι κατα τοπους

For nation shall rise against nation, and kingdom against kingdom: and there shall be famines and earthquakes in divers places.

Koroka, obitta tan okaibe anak ne nuwap an kuni-i atpake ne ruwe ne.

Korka, opitta tan okaype anakne nuwap an kuni hi atpake ne ruwe ne.

παντα δε ταυτα αρχη ωδινων

But all these things are the beginning of travail.

Nei ita anak ne echi aeramchuptekte gusu echi ekoshi wa echi raige kusu ne: orowa, Ku reihei ankushkerai obitta, no okai uirup orowa no echi aepokba an kusu ne.

Ne hi ta anakne eci aeramcuptekte kusu eci=ekosi wa eci=rayke kusu ne: orowa, Ku=rehe an kuskeray opitta, no okay uyrup oro wano eci aepokpa an kusu ne.

τοτε παραδωσουσιν υμας εις θλιψιν και αποκτενουσιν υμας και εσεσθε μισουμενοι υπο παντων των εθνων δια το ονομα μου

Then shall they deliver you up unto tribulation, and shall kill you: and ye shall be hated of all the nations for my name’s sake.

Orowa, nei ita anak ne inne utara ureepetchiu, aige, utashpa uwe-ekoshi, utashpa uwe-etunne kusu ne.

Orowa, ne hi ta anakne inne utar ureepetciw, ayke, utaspa ue-ekosi, utaspa ue-etunne kusu ne.

και τοτε σκανδαλισθησονται πολλοι και αλληλους παραδωσουσιν και μισησουσιν αλληλους

And then shall many stumble, and shall deliver up one another, and shall hate one another.

Orowa, inne shunge uweingara utara hopuni wa poron no okai utara ru turainure kusu ne.

Orowa, inne sunke ueinkar utar hopuni wa poronno okay utar ru turaynure kusu ne.

και πολλοι ψευδοπροφηται εγερθησονται και πλανησουσιν πολλους

And many false prophets shall arise, and shall lead many astray.

Samata, wenbe aporore an kusu ne gusu, inne utara koro omap-i nin kusu ne.

Sama ta, wenpe a=porore an kusu ne kusu, inne utar kor omap hi nin kusu ne.

και δια το πληθυνθηναι την ανομιαν ψυγησεται η αγαπη των πολλων

And because iniquity shall be multiplied, the love of the many shall wax cold.

Koroka, okese pakno yaishiporore gurʼanak ne kashi-a-obiuki kusu ne.

Korka, okes pakno yaysiporore kur anakne kasi-a-opiwki kusu ne.

ο δε υπομεινας εις τελος ουτος σωθησεται

But he that endureth to the end, the same shall be saved.

Orowa, obitta no okai uirup utara orota an paweteshu ne gusu, ingi-nroshiri ta tan moshiri gusu an pirika orushpe aeupaskuma kusu ne; orowa, shiokere ambe anak ne ek tusu ne na.

Orowa, opittano okay uyrup utar oro ta an pawetesu ne kusu, inki-nrosiri ta tan mosir kusu an pirka oruspe a=ewpaskuma kusu ne; orowa, siokere anpe anakne ek tusu ne na.

και κηρυχθησεται τουτο το ευαγγελιον της βασιλειας εν ολη τη οικουμενη εις μαρτυριον πασιν τοις εθνεσιν και τοτε ηξει το τελος

And this gospel of the kingdom shall be preached in the whole world for a testimony unto all the nations; and then shall the end come.

Tambe gusu uweingara guru ne Danieru ani ayere aetunne iwendep nei ashkanne ushita ash shiri echi

Tanpe kusu ueinkar kur ne Danieru ani a=yere a=etunne iwentep ne askanne usi ta as siri eci

οταν ουν ιδητε το βδελυγμα της ερημωσεως το ρηθεν δια δανιηλ του προφητου εστος εν τοπω αγιω ο αναγινωσκων νοειτω

When therefore ye see the abomination of desolation, which was spoken of by Daniel the prophet, standing in the holy place (let him that readeth understand),

nukara chiki (orooitak guru ramepakari yan) Yudea ta okai utara nupuri orun kokira:

nukar ciki (oroytak kur ramepakari yan) Yudea ta okay utar nupuri orun kokira:

τοτε οι εν τη ιουδαια φευγετωσαν εις τα ορη

then let them that are in Judaea flee unto the mountains:

chisei kata an guru chisei otta okaibe uina gusu iteki ran:

cise kata an kur cise or ta okaype uyna kusu iteki ran:

ο επι του δωματος μη καταβατω αραι τα εκ της οικιας αυτου

let him that is on the housetop not go down to take out the things that are in his house:

orowa toi otta an guru hokannashi mip uk gusu iteki hoshipi yan.

orowa toy or ta an kur hokannasi mip uk kusu iteki hosipi yan.

και ο εν τω αγρω μη επιστρεψατω οπισω αραι το ιματιον αυτου

and let him that is in the field not return back to take his cloke.

Koroka nei ita honkoro guru newa tononde utara yaisambepokash humi!

Korka ne hi ta honkor kur newa tononte utar yaysanpepokas humi!

ουαι δε ταις εν γαστρι εχουσαις και ταις θηλαζουσαις εν εκειναις ταις ημεραις

But woe unto them that are with child and to them that give suck in those days!

Orowa, echi kira-i anak ne iteki mata otta hene Shini toho ta hene an kuni koramkoro yan:

Orowa, eci=kira hi anakne iteki mata or ta hene Sini toho ta hene an kuni koramkor yan:

προσευχεσθε δε ινα μη γενηται η φυγη υμων χειμωνος μηδε σαββατω

And pray ye that your flight be not in the winter, neither on a sabbath:

moshiri heashi wano tane pakno, orowa, te wano hembara pakno ne yakka isam pakno nei ita anak ne poro aeramuchuptekbe hetuku kusu ne na.

mosir heasi wano tane pakno, orowa, te wano henpara pakno ne yakka isam pakno ne hi ta anakne poro aeramucuptekpe hetuku kusu ne na.

εσται γαρ τοτε θλιψις μεγαλη οια ου γεγονεν απ αρχης κοσμου εως του νυν ουδ ου μη γενηται

for then shall be great tribulation, such as hath not been from the beginning of the world until now, no, nor ever shall be.

Orowa, nei toho ataknere shomoki chiki anak ne, nen ne yakka shomo kashi a-obiuki ruwe ne a an na: koroka, anumge wa okai utara gusu nei toho ataknere kusu ne.

Orowa, ne toho a=taknere somo ki ciki anakne, nen ne yakka somo kasi a-opiwki ruwe ne a an na: korka, a=numke wa okay utar kusu ne toho a=taknere kusu ne.

και ει μη εκολοβωθησαν αι ημεραι εκειναι ουκ αν εσωθη πασα σαρξ δια δε τους εκλεκτους κολοβωθησονται αι ημεραι εκειναι

And except those days had been shortened, no flesh would have been saved: but for the elect’s sake those days shall be shortened.

Orowa, nei ita Kiristo anak ne teda an, toada an sekoro echi otta ye guru an chiki, iteki eishokoro yan.

Orowa, ne hi ta Kiristo anakne teta an, toata an sekor eci or ta ye kur an ciki, iteki eysokor yan.

τοτε εαν τις υμιν ειπη ιδου ωδε ο χριστος η ωδε μη πιστευσητε

Then if any man shall say unto you, Lo, here is the Christ, or, Here; believe [it ]not.

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Inanpe kusu ne yakun, inne sunke Kiristo newa sunke ueinkar kur hetuku wa poro siros poro iyokunnurep nukare; orowa, easkay ciki anakne a=numke utar ne yakka kokantama kusu ne.

εγερθησονται γαρ ψευδοχριστοι και ψευδοπροφηται και δωσουσιν σημεια μεγαλα και τερατα ωστε πλανασθαι πλανησαι ει δυνατον και τους εκλεκτους

For there shall arise false Christs, and false prophets, and shall shew great signs and wonders; so as to lead astray, if possible, even the elect.

Ingarʼan, etoko wano tap echi nure ash na. Tambe gusu, shinuma anak ne nupuri kata an sekoro nei utara echi otta ye chiki:

Inkar=an, etoko wano tap eci=nure as na. Tanpe kusu, sinuma anakne nupuri kata an sekor ne utar eci or ta ye ciki:

ιδου προειρηκα υμιν

Behold, I have told you beforehand.

iteki paye: orowa, ingarʼan, chisei onnaigeta an tumbu ta an, sekoro echi otta ye chiki, iteki eishokoro yan.

iteki paye: orowa, inkar=an, cise onnayke ta an tumpu ta an, sekor eci or ta ye ciki, iteki eysokor yan.

εαν ουν ειπωσιν υμιν ιδου εν τη ερημω εστιν μη εξελθητε ιδου εν τοις ταμειοις μη πιστευσητε

If therefore they shall say unto you, Behold, he is in the wilderness; go not forth: Behold, he is in the inner chambers; believe [it ]not.

Inambe gusu ne yakun, imeru anak ne moshiri-pa wano hetuku wa moshiri-gesh pakno anukara korachi;

Inanpe kusu ne yakun, imeru anakne mosir-pa wano hetuku wa mosir-kes pakno a=nukar koraci;

ωσπερ γαρ η αστραπη εξερχεται απο ανατολων και φαινεται εως δυσμων ουτως εσται η παρουσια του υιου του ανθρωπου

For as the lightning cometh forth from the east, and is seen even unto the west; so shall be the coming of the Son of man.

Kamui Poho ek katu ene ani ne. Neita ne yakka kaisei an ita anak ne nei ita kapachiri kouwekarapa kusu ne na.

Kamuy Poho ek katu ene ani ne. Ney ta ne yakka kaysey an hi ta anakne ne hi ta kapacir kouekarpa kusu ne na.

οπου εαν η το πτωμα εκει συναχθησονται οι αετοι

Wheresoever the carcase is, there will the eagles be gathered together.

Koroka, nei toho ta hetuku aeramuchuptekbe nani okaketa, tokap chup akunnere, kunne chup koro pekere atte shomoki, nochiu chup anak ne kando orowa no rapapse, orowa, kando kiroro ashuyeshuyere kusu ne:

Korka, ne toho ta hetuku aeramucuptekpe nani okake ta, tokap cup a=kunnere, kunne cup kor peker atte somo ki, nociw cup anakne kanto oro wano rapapse, orowa, kanto kiroro asuyesuyere kusu ne:

ευθεως δε μετα την θλιψιν των ημερων εκεινων ο ηλιος σκοτισθησεται και η σεληνη ου δωσει το φεγγος αυτης και οι αστερες πεσουνται απο του ουρανου και αι δυναμεις των ουρανων σαλευθησονται

But immediately, after the tribulation of those days, the sun shall be darkened, and the moon shall not give her light, and the stars shall fall from heaven, and the powers of the heavens shall be shaken:

orowa, Ainu Poho koro shirosh kando otta anukara kusu ne: orowa no moshiri otta okai moshirʼun utara obitta yaituwashkarap, orowa, kiroro newa poro nupeki koro wa kando nishkuru kata o wa ek

orowa, Aynu Poho kor siros kanto or ta a=nukar kusu ne: orowano mosir or ta okay mosir un utar opitta yaytuwaskarap, orowa, kiroro newa poro nupeki kor wa kanto niskur kata o wa ek

και τοτε φανησεται το σημειον του υιου του ανθρωπου εν ουρανω και τοτε κοψονται πασαι αι φυλαι της γης και οψονται τον υιον του ανθρωπου ερχομενον επι των νεφελων του ουρανου μετα δυναμεως και δοξης πολλης

and then shall appear the sign of the Son of man in heaven: and then shall all the tribes of the earth mourn, and they shall see the Son of man coming on the clouds of heaven with power and great glory.

Ainu Poho nukara kusu ne Orowa, rappa poro humi ashte hawe tura Shinuma anak ne koro uitekbe payere wa ine rera orowa no kando-pa wano kando-gesh wano koro numge utara uwekarapare kusu ne.

Aynu Poho nukar kusu ne Orowa, rappa poro humi aste hawe tura Sinuma anakne kor uytekpe payere wa ine rera oro wano kanto-pa wano kanto-kes wano kor numke utar uwekarpare kusu ne.

και αποστελει τους αγγελους αυτου μετα σαλπιγγος μεγαλης και επισυναξουσιν τους εκλεκτους αυτου εκ των τεσσαρων ανεμων απ ακρων ουρανων εως [των] ακρων αυτων

And he shall send forth his angels with a great sound of a trumpet, and they shall gather together his elect from the four winds, from one end of heaven to the other.

Ichijiku chikuni gusu an shine itak-maukushte itak nu yan: koro ni-tek tane hapuru wa ham hetukure yak anak ne, sak ehange ruwe ne sekoro echi eraman;

icijiku cikuni kusu an sine itak-mawkuste itak nu yan: kor ni-tek tane hapur wa ham hetukure yakanak ne, sak ehanke ruwe ne sekor eci=eraman;

απο δε της συκης μαθετε την παραβολην οταν ηδη ο κλαδος αυτης γενηται απαλος και τα φυλλα εκφυη γινωσκετε οτι εγγυς το θερος

Now from the fig tree learn her parable: when her branch is now become tender, and putteth forth its leaves, ye know that the summer is nigh;

tap korachi echi utara ne yakka tan okaibe obitta nukara chiki, Shinuma ehange no an, apa samaketa an sekoro echi onnere yan.

tap koraci eci utar ne yakka tan okaype opitta nukar ciki, Sinuma ehanke no an, apa samake ta an sekor eci=onnere yan.

ουτως και υμεις οταν ιδητε παντα ταυτα γινωσκετε οτι εγγυς εστιν επι θυραις

even so ye also, when ye see all these things, know ye that he is nigh, [even ]at the doors.

Son no echi otta Ku ye, tap ambe obitta auweomare pakno tane okai ainu ikiri isam shomoki kusu ne.

Sonno eci or ta Ku=ye, tapanpe opitta a=ueomare pakno tane okay aynu ikiri isam somo ki kusu ne.

αμην λεγω υμιν οτι ου μη παρελθη η γενεα αυτη εως [αν] αν παντα ταυτα γενηται

Verily I say unto you, This generation shall not pass away, till all these things be accomplished.

Kando newa toi anak ne aisamka kusu ne, koroka, Ku itak anak aisamka shomoki kusu ne na.

Kanto newa toy anakne a=ysamka kusu ne, korka, Ku=itak anak a=ysamka somo ki kusu ne na.

ο ουρανος και η γη παρελευσεται οι δε λογοι μου ου μη παρελθωσιν

Heaven and earth shall pass away, but my words shall not pass away.

Koroka, nei toho newa pakihi eraman guru isam, kando otta okai hauturumbe ka erampeutek, Poho ne yakka eramu an shomoki, ouse Michi patek eramʼan ruwe ne.

Korka, ne toho newa pakihi eraman kur isam, kanto or ta okay hawturunpe ka eranpewtek, Poho ne yakka eramuan somo ki, owse Mici patek eraman ruwe ne.

περι δε της ημερας εκεινης και ωρας ουδεις οιδεν ουδε οι αγγελοι των ουρανων ουδε ο υιος ει μη ο πατηρ μονος

But of that day and hour knoweth no one, not even the angels of heaven, neither the Son, but the Father only.

Orowa, Noa toho an korachi Ainu Poho ek pakihi ne yakka ene ani ne.

Orowa, Noa toho an koraci Aynu Poho ek pakihi ne yakka ene ani ne.

ωσπερ γαρ αι ημεραι του νωε ουτως εσται η παρουσια του υιου του ανθρωπου

And as [were ]the days of Noah, so shall be the coming of the Son of man.

Inambe gusu ne yakun, pe-san etokota Noa chip otta ahun pakno utara anak ne ibe wa okai iku wa okai,

Inanpe kusu ne yakun, pe-san etoko ta Noa cip or ta ahun pakno utar anakne ipe wa okay iku wa okay,

ως γαρ ησαν εν ταις ημεραις [εκειναις] ταις προ του κατακλυσμου τρωγοντες και πινοντες γαμουντες και γαμιζοντες αχρι ης ημερας εισηλθεν νωε εις την κιβωτον

For as in those days which were before the flood they were eating and drinking, marrying and giving in marriage, until the day that Noah entered into the ark,

mat akore hoku akore wa okai wa pe-san hetuku wa nei utara obitta isamka pakno nei utara erampeutek korachi,

mat a=kore hoku a=kore wa okay wa pe-san hetuku wa ne utar opitta isamka pakno ne utar eranpewtek koraci,

και ουκ εγνωσαν εως ηλθεν ο κατακλυσμος και ηρεν απαντας ουτως εσται [και] η παρουσια του υιου του ανθρωπου

and they knew not until the flood came, and took them all away; so shall be the coming of the Son of man.

Ainu Poho ek pakihi ene ani ne. Nei ita anak ne tu ainu toi otta okai wa shinen auk shinen aande kusu ne:

Aynu Poho ek pakihi ene ani ne. Ne hi ta anakne tu aynu toy or ta okay wa sinen auk sinen a=ante kusu ne:

τοτε εσονται δυο δυο εσονται εν τω αγρω εις παραλαμβανεται και εις αφιεται

Then shall two men be in the field; one is taken, and one is left:

tu shiwentep nishu otta uta, shinen auk shinen aande kusu ne.

tu siwentep nisu or ta uta, sinen auk sinen a=ante kusu ne.

δυο αληθουσαι εν τω μυλω μια παραλαμβανεται και μια αφιεται

two women [shall be ]grinding at the mill; one is taken, and one is left.

Tambe gusu shiruwande yan: echi koro Utarapa inan toho ta ek ya echi erampeutek ruwe ne gusu ne na.

Tanpe kusu siruwante yan: eci=kor Utarpa inan toho ta ek ya eci=eranpewtek ruwe ne kusu ne na.

γρηγορειτε ουν οτι ουκ οιδατε ποια ημερα ο κυριος υμων ερχεται

Watch therefore: for ye know not on what day your Lord cometh.

Koroka, tambe echi onnere yan: ikka guru inan pakihi pakita ek ya sekoro chisei kon nishpa eraman chiki, shiruwande wa koro chisei iteki aopattekka kuni ne kan nangon na.

Korka, tanpe eci=onnere yan: ikka kur inan pakihi pakita ek ya sekor cise kor nispa eraman ciki, siruwante wa kor cise iteki aopattekka kuni ne kan nankor na.

εκεινο δε γινωσκετε οτι ει ηδει ο οικοδεσποτης ποια φυλακη ο κλεπτης ερχεται εγρηγορησεν αν και ουκ αν ειασεν διορυχθηναι την οικιαν αυτου

But know this, that if the master of the house had known in what watch the thief was coming, he would have watched, and would not have suffered his house to be broken through.

Tambe gusu echi utara ne yakka etokooiki wa okai yan; inambe gusu ne yakun, echi esanniyo shomoki pakihi ta Ainu Poho ek kusu ne.

Tanpe kusu eci utar ne yakka etokooyki wa okay yan; inanpe kusu ne yakun, eci=esanniyo somo ki pakihi ta Aynu Poho ek kusu ne.

δια τουτο και υμεις γινεσθε ετοιμοι οτι η ου δοκειτε ωρα ο υιος του ανθρωπου ερχεται

Therefore be ye also ready: for in an hour that ye think not the Son of man cometh.

Chisei koro guru koro chisei epunginere ausshiunere kipniukesh wayashnu utara nen ne ruwe he an? Nei utara otta nei pakihi epa ita aep koropare kusu ne.

Cise kor kur kor cise epunkinere aussiwnere kipniwkes wayasnu utar nen ne ruwe he an? Ne utar or ta ne pakihi epa hi ta aep korpare kusu ne.

τις αρα εστιν ο πιστος δουλος και φρονιμος ον κατεστησεν ο κυριος επι της οικετειας αυτου του δουναι αυτοις την τροφην εν καιρω

Who then is the faithful and wise servant, whom his lord hath set over his household, to give them their food in due season?

Kon nishpa ek ita nei no iki guru nukara chiki anunuke ne ruwe ne.

Kor nispa ek hi ta néno iki kur nukar ciki a=nunuke ne ruwe ne.

μακαριος ο δουλος εκεινος ον ελθων ο κυριος αυτου ευρησει ουτως ποιουντα

Blessed is that servant, whom his lord when he cometh shall find so doing.

Son no echi otta Ku ye, nishpa anak ne koro wa okaibe obitta nei guru esapanere kusu ne.

Sonno eci or ta Ku=ye, nispa anakne kor wa okaype opitta ne kur esapanere kusu ne.

αμην λεγω υμιν οτι επι πασιν τοις υπαρχουσιν αυτου καταστησει αυτον

Verily I say unto you, that he will set him over all that he hath.

Koroka, wen ausshiunere guru keutumu ta ku kon nishpa ek moire ari ye;

Korka, wen aussiwnere kur kewtumu ta ku=kor nispa ek moyre ari ye;

εαν δε ειπη ο κακος δουλος εκεινος εν τη καρδια αυτου χρονιζει μου ο κυριος

But if that evil servant shall say in his heart, My lord tarrieth;

aige, tura no okai auitek utara shirikik, orowa, ihoshki utara tura no ibe hemhem ki iku hemhem ki chiki,

ayke, turano okay awitek utar sirkik, orowa, ihoski utar turano ipe hemhem ki iku hemhem ki ciki,

και αρξηται τυπτειν τους συνδουλους αυτου εσθιη δε και πινη μετα των μεθυοντων

and shall begin to beat his fellow-servants, and shall eat and drink with the drunken;

nei usshiune guru esanniyo shomoki toho ta, ek kuni aramu shomoki pakihi ta kon nishpa ek wa nei guru shiri shirikik,

ne ussiw ne kur esanniyo somo ki toho ta, ek kuni a=ramu somo ki pakihi ta kor nispa ek wa ne kur siri sirkik,

ηξει ο κυριος του δουλου εκεινου εν ημερα η ου προσδοκα και εν ωρα η ου γινωσκει

the lord of that servant shall come in a day when he expecteth not, and in an hour when he knoweth not,

orowa, kankapkapeka utara tura no eimekbe koropare kusu ne: nei ita anak ne chish hemhem niyorokara hemhem an kusu ne na.

orowa, kankapkapeka utar turano eymekpe korpare kusu ne: ne hi ta anakne cis hemhem niyorkar hemhem an kusu ne na.

και διχοτομησει αυτον και το μερος αυτου μετα των υποκριτων θησει εκει εσται ο κλαυθμος και ο βρυγμος των οδοντων

and shall cut him asunder, and appoint his portion with the hypocrites: there shall be the weeping and gnashing of teeth.