Synopsis
Mattaios 27.27-29 §329IV
27 Tande orowa esapane guru koro tumi-koro utara Yesu Pretorium otta ahunge, orowa, tura iki tumikoro utara obitta otta uwekarire nisa ruwe ne.
Tan te orowa esapane kur kor tumi-kor utar Yesu Pretorium or ta ahunke, orowa, tura iki tumikor utar opitta or ta uekarire nisa ruwe ne.
28 Awa, Yesu atusare wa, fure amip araire nisa ruwe ne.
Awa, Yesu atusare wa, hure amip arayre nisa ruwe ne.
29 Orowa, ai-ush-ni ani sapa umbe akara wa Shinuma sapa unu, samata, shimon teke ani rapembe shinep kishimare: orowa, kotpoketa kokkaerok wa eoyaitak hine ene ye-hi :— Yudea un utara koro esapane guru, irangarapte aki na, ari ye.
Orowa, ay-us-ni ani sapa un pe a=kar wa Sinuma sapa unu, sama ta, simon teke ani rapenpe sinep kisimare: orowa, kotpokta kokkaerok wa eoyaytak hine ene ye hi :— Yudea un utar kor esapane kur, irankarapte aki na, ari ye.
Markos 15.16-19 §207IV
16 Orowa, tumi-koro utara Shinuma ani wa Pretorium ani aye tumbu otta tura, orowa, tura no iki ikiri an utara uwekarapare nisa ruwe ne.
Orowa, tumi-kor utar Sinuma ani wa Pretorium ani a=ye tumpu or ta tura, orowa, turano iki ikiri an utar uwekarpare nisa ruwe ne.
17 Awa, fure amip ani Shinuma mire,
Awa, hure amip ani Sinuma mire,
18 orowa, ai-ush ni ani sapa-umbe kara wa kashiketa unu; orowa, Shinuma ko-rangarap wa, Yudea un utara shikkashima guru, irangarapte aki na, ari itak.
orowa, ay-us ni ani sapa-un pe kar wa kasike ta unu; orowa, Sinuma ko-rankarap wa, Yudea un utar sikkasima kur, irankarapte aki na, ari itak.
19 Orowa, rapembe ani Shinuma koro sapa shirikik, samata, otta topse-topse kara, samata, kokkaerok hine ko ongami nisa ruwe ne.
Orowa, rapenpe ani Sinuma kor sapa sirkik, sama ta, or ta topse-topse kar, sama ta, kokkaerok hine ko onkami nisa ruwe ne.
Yoannes 19.1-3 §185IV
1 Tata otta, Pirato anak ne Yesu uk wa shirikik nisa ruwe ne.
Tata or ta, Pirato anakne Yesu uk wa sirkik nisa ruwe ne.
2 Orowa, tumikoro utara anak ne ai-ush ni ani sapa-umbe kara wa Shinuma sapa eushi,
Orowa, tumikor utar anakne ay-us ni ani sapa-un pe kar wa Sinuma sapa ewsi,
3 samata, fure amip ani mire nisa ruwe ne; orowa, orota araki wa ene itak-hi :— Yudea un utara shikkashima guru, Irangarapte! ari itak; orowa, teke ani Shinuma shirikik nisa ruwe ne na.
sama ta, hure amip ani mire nisa ruwe ne; orowa, oro ta arki wa ene itak hi :— Yudea un utar sikkasima kur, Irankarapte! ari itak; orowa, teke ani Sinuma sirkik nisa ruwe ne na.
Roukos 23.4 §303IX
4 Shinuma ese wa; — E ye ruwe ne, ani itak. Orowa, Pirato nei Kamui kora kenru esapane utara newa inne utara otta :— Tan guru otta katpak ku nukara shomoki,
Sinuma ese wa; — E ye ruwe ne, ani itak. Orowa, Pirato ne Kamuy kor kenru esapane utar newa inne utar or ta :— Tan kur or ta katpak ku=nukar somo ki,
Roukos 23.13-14 §307IX
13 Orowa, Pirato anak ne Kamui kora kenru esapane utara newa utara epungine utara uwekarapare wa orota ene itak-hi :—
Orowa, Pirato anakne Kamuy kor kenru esapane utar newa utar epunkine utar uwekarpare wa oro ta ene itak hi :—
14 Tan guru anak ne utara shishire shiri echi ye wa en orun echi tura nisa ruwe ne: awa, kuani anak echi shik-samata Shinuma koipishi, aige, aeiyonnuppap gusu an orushpe ramepakari chiki tan guru katpak koro shomoki ku esanniyo:
Tan kur anakne utar sisire siri eci=ye wa en=orun eci tura nisa ruwe ne: awa, kuani anak eci=sik-sama ta Sinuma koypisi, ayke, aeiyonnuppap kusu an oruspe ramepakari ciki tan kur katpak kor somo ki ku=esanniyo:
Yoannes 19.4 §186IX
4 Aine, shui Pirato soine wa nei utara otta ene itak-hi :— Ingarʼan, nei guru otta katpak ku nukara shomoki ruwe ne shiri echi eramande kuni ne tura wa Ku ek na, ani itak.
Ayne, suy Pirato soyne wa ne utar or ta ene itak hi :— Inkar=an, ne kur or ta katpak ku=nukar somo ki ruwe ne siri eci=eramante kuni ne tura wa Ku=ek na, ani itak.
Mattaios 27.27-29 §329IV
27 Tande orowa esapane guru koro tumi-koro utara Yesu Pretorium otta ahunge, orowa, tura iki tumikoro utara obitta otta uwekarire nisa ruwe ne.
Tan te orowa esapane kur kor tumi-kor utar Yesu Pretorium or ta ahunke, orowa, tura iki tumikor utar opitta or ta uekarire nisa ruwe ne.
28 Awa, Yesu atusare wa, fure amip araire nisa ruwe ne.
Awa, Yesu atusare wa, hure amip arayre nisa ruwe ne.
29 Orowa, ai-ush-ni ani sapa umbe akara wa Shinuma sapa unu, samata, shimon teke ani rapembe shinep kishimare: orowa, kotpoketa kokkaerok wa eoyaitak hine ene ye-hi :— Yudea un utara koro esapane guru, irangarapte aki na, ari ye.
Orowa, ay-us-ni ani sapa un pe a=kar wa Sinuma sapa unu, sama ta, simon teke ani rapenpe sinep kisimare: orowa, kotpokta kokkaerok wa eoyaytak hine ene ye hi :— Yudea un utar kor esapane kur, irankarapte aki na, ari ye.
Markos 15.16-19 §207IV
16 Orowa, tumi-koro utara Shinuma ani wa Pretorium ani aye tumbu otta tura, orowa, tura no iki ikiri an utara uwekarapare nisa ruwe ne.
Orowa, tumi-kor utar Sinuma ani wa Pretorium ani a=ye tumpu or ta tura, orowa, turano iki ikiri an utar uwekarpare nisa ruwe ne.
17 Awa, fure amip ani Shinuma mire,
Awa, hure amip ani Sinuma mire,
18 orowa, ai-ush ni ani sapa-umbe kara wa kashiketa unu; orowa, Shinuma ko-rangarap wa, Yudea un utara shikkashima guru, irangarapte aki na, ari itak.
orowa, ay-us ni ani sapa-un pe kar wa kasike ta unu; orowa, Sinuma ko-rankarap wa, Yudea un utar sikkasima kur, irankarapte aki na, ari itak.
19 Orowa, rapembe ani Shinuma koro sapa shirikik, samata, otta topse-topse kara, samata, kokkaerok hine ko ongami nisa ruwe ne.
Orowa, rapenpe ani Sinuma kor sapa sirkik, sama ta, or ta topse-topse kar, sama ta, kokkaerok hine ko onkami nisa ruwe ne.
Yoannes 19.5 §187IV
5 Tambe gusu, nei ai-ush ni sapa-umbe sapa aeushi, orowa, nei fure amip ami wa Yesu soine nisa ruwe ne. Orowa, nei utara otta Pirato ene itak-hi :— Nei ainu ingara yan, ani itak.
Tanpe kusu, ne ay-us ni sapa-un pe sapa a=ewsi, orowa, ne hure amip ami wa Yesu soyne nisa ruwe ne. Orowa, ne utar or ta Pirato ene itak hi :— Ne aynu inkar yan, ani itak.
Mattaios 27.22-23 §326I
22 Orota utara :— Barabbas, ani itak. Orowa, Pirato nei utara otta ene ye-hi :— Yakun Kiristo ani aye Yesu otta nekon a ku ki kusu ne ya? Utasa chikuni otta raige ayanro, utara obitta ye nisa ruwe ne.
Oro ta utar :— Barabbas, ani itak. Orowa, Pirato ne utar or ta ene ye hi :— Yakun Kiristo ani a=ye Yesu or ta nekona ku=ki kusu ne ya? Utasa cikuni or ta rayke ayanro, utar opitta ye nisa ruwe ne.
23 Pirato ene itak-hi :— Hemanda gusu, nep katpak aki ya? sekoro itak. Koroka, utara shi no hawe ashte wa, utasa chikuni otta raige ayanro, ari itak nisa.
Pirato ene itak hi :— Hemanta kusu, nep katpak aki ya? sekor itak. Korka, utar sino hawe aste wa, utasa cikuni or ta rayke ayanro, ari itak nisa.
Markos 15.12-14 §205I
12 Orowa, shui Pirato ese wa orota ene itak-hi :— Yakun, Yudea un utara shikkashima guru ani echi ye guru otta nekon a ku ki ya? sekoro itak.
Orowa, suy Pirato ese wa oro ta ene itak hi :— Yakun, Yudea un utar sikkasima kur ani eci=ye kur or ta nekona ku=ki ya? sekor itak.
13 Orowa, shiu nei utara anak ne, — Utasa chikuni otta Shinuma kungi kokikkik, ani hawe ashte wa itak nisa ruwe ne.
Orowa, siw ne utar anakne, — Utasa cikuni or ta Sinuma kunki kokikkik, ani hawe aste wa itak nisa ruwe ne.
14 Hemanda gusu, nekon a wen buri Shinuma ki ya? ani nei utara otta Pirato ye. Koroka shui nei utara toiko hawe ashte wa, Utasa chikuni otta kungi kokikkik, sekoro itak.
Hemanta kusu, nekona wen puri Sinuma ki ya? ani ne utar or ta Pirato ye. Korka suy ne utar toyko hawe aste wa, Utasa cikuni or ta kunki kokikkik, sekor itak.
Roukos 23.20-21 §311I
20 Orowa, re shuine nei utara otta ene itak-hi :— Hemanda gusu? Tan guru anak ne nekon a wenburi ki ya? araige kuni gusu an katpak Shinuma otta ku nukara shomoki: tambe gusu, ku shirikik wa honnere kusu ne na, sekoro itak.
Orowa, re suyne ne utar or ta ene itak hi :— Hemanta kusu? Tan kur anakne nekona wenpuri ki ya? arayke kuni kusu an katpak Sinuma or ta ku=nukar somo ki: tanpe kusu, ku=sirkik wa honnere kusu ne na, sekor itak.
21 Koroka, nei utara tunashi naa rui hawe ani, Shinuma utasa chikuni otta akungi kokikkik kune ne koramkon nisa ruwe ne na. Awa, nei hawe anu nisa ruwe ne.
Korka, ne utar tunas naa ruy hawe ani, Sinuma utasa cikuni or ta a=kunki kokikkik kur ne koramkor nisa ruwe ne na. Awa, ne hawe anu nisa ruwe ne.
Yoannes 19.6A §188I
6 Tambe gusu, Kamui kora kenru esapane utara hemhem, uitek utara hemhem Shinuma nukara chiki hawe ashte wa ene itak-hi :— Utasa chikuni otta kungi kokikkik; utasa chikuni otta kungi kokikkik yan, ani itak. Nei utara otta Pirato ene itak-hi :— Echi utara yaikota Shinuma uk wa utasa chikuni otta kokikkik yan: Kuani anak ne Shinuma otta katpak nukara shomoki ruwe ne gusu ne na, sekoro itak.
Tanpe kusu, Kamuy kor kenru esapane utar hemhem, uytek utar hemhem Sinuma nukar ciki hawe aste wa ene itak hi :— Utasa cikuni or ta kunki kokikkik; utasa cikuni or ta kunki kokikkik yan, ani itak. Ne utar or ta Pirato ene itak hi :— Eci utar yaykota Sinuma uk wa utasa cikuni or ta kokikkik yan: Kuani anakne Sinuma or ta katpak nukar somo ki ruwe ne kusu ne na, sekor itak.
Yoannes 19.6BC §189X
6 Tambe gusu, Kamui kora kenru esapane utara hemhem, uitek utara hemhem Shinuma nukara chiki hawe ashte wa ene itak-hi :— Utasa chikuni otta kungi kokikkik; utasa chikuni otta kungi kokikkik yan, ani itak. Nei utara otta Pirato ene itak-hi :— Echi utara yaikota Shinuma uk wa utasa chikuni otta kokikkik yan: Kuani anak ne Shinuma otta katpak nukara shomoki ruwe ne gusu ne na, sekoro itak.
Tanpe kusu, Kamuy kor kenru esapane utar hemhem, uytek utar hemhem Sinuma nukar ciki hawe aste wa ene itak hi :— Utasa cikuni or ta kunki kokikkik; utasa cikuni or ta kunki kokikkik yan, ani itak. Ne utar or ta Pirato ene itak hi :— Eci utar yaykota Sinuma uk wa utasa cikuni or ta kokikkik yan: Kuani anakne Sinuma or ta katpak nukar somo ki ruwe ne kusu ne na, sekor itak.
Roukos 23.4 §303IX
4 Shinuma ese wa; — E ye ruwe ne, ani itak. Orowa, Pirato nei Kamui kora kenru esapane utara newa inne utara otta :— Tan guru otta katpak ku nukara shomoki,
Sinuma ese wa; — E ye ruwe ne, ani itak. Orowa, Pirato ne Kamuy kor kenru esapane utar newa inne utar or ta :— Tan kur or ta katpak ku=nukar somo ki,
Roukos 23.13-14 §307IX
13 Orowa, Pirato anak ne Kamui kora kenru esapane utara newa utara epungine utara uwekarapare wa orota ene itak-hi :—
Orowa, Pirato anakne Kamuy kor kenru esapane utar newa utar epunkine utar uwekarpare wa oro ta ene itak hi :—
14 Tan guru anak ne utara shishire shiri echi ye wa en orun echi tura nisa ruwe ne: awa, kuani anak echi shik-samata Shinuma koipishi, aige, aeiyonnuppap gusu an orushpe ramepakari chiki tan guru katpak koro shomoki ku esanniyo:
Tan kur anakne utar sisire siri eci=ye wa en=orun eci tura nisa ruwe ne: awa, kuani anak eci=sik-sama ta Sinuma koypisi, ayke, aeiyonnuppap kusu an oruspe ramepakari ciki tan kur katpak kor somo ki ku=esanniyo:
Yoannes 19.6D §190IX
6 Tambe gusu, Kamui kora kenru esapane utara hemhem, uitek utara hemhem Shinuma nukara chiki hawe ashte wa ene itak-hi :— Utasa chikuni otta kungi kokikkik; utasa chikuni otta kungi kokikkik yan, ani itak. Nei utara otta Pirato ene itak-hi :— Echi utara yaikota Shinuma uk wa utasa chikuni otta kokikkik yan: Kuani anak ne Shinuma otta katpak nukara shomoki ruwe ne gusu ne na, sekoro itak.
Tanpe kusu, Kamuy kor kenru esapane utar hemhem, uytek utar hemhem Sinuma nukar ciki hawe aste wa ene itak hi :— Utasa cikuni or ta kunki kokikkik; utasa cikuni or ta kunki kokikkik yan, ani itak. Ne utar or ta Pirato ene itak hi :— Eci utar yaykota Sinuma uk wa utasa cikuni or ta kokikkik yan: Kuani anakne Sinuma or ta katpak nukar somo ki ruwe ne kusu ne na, sekor itak.
Yoannes 19.7 §191X
7 Orota, Yudea un utara ene ese-hi :— Chi utara otta tuitak an, nei tuitak gusu Shinuma rai kusu ne ap, Shinuma anak yaikota ani Kamui Poho yai-nere nisa ruwe ne gusu ne na, sekoro itak.
Oro ta, Yudea un utar ene ese hi :— Ci utar or ta tuytak an, ne tuytak kusu Sinuma ray kusu ne ap, Sinuma anak yaykota ani Kamuy Poho yay-nere nisa ruwe ne kusu ne na, sekor itak.
Mattaios 27.12-14 §321IV
12 E ne ruwe he an? Orota Yesu ene itak-hi :— E ye na, sekoro itak. Orowa, Kamui kora kenru esapane utara, orowa no hemhem, ekashi utara orowa no hemhem Shinuma aeiyonupba ita, nep ne yakka ese shomoki
E ne ruwe he an? Oro ta Yesu ene itak hi :— E ye na, sekor itak. Orowa, Kamuy kor kenru esapane utar, orowano hemhem, ekasi utar oro wano hemhem Sinuma aeiyonuppa hi ta, nep ne yakka ese somo ki
13 nisa ruwe ne orowa, Shinuma orota Pirato ene itak-hi :— Tan okai utara anak hembak poron no okaibe ani E eiyonupba-hi E nu shomoki ruwe he an? sekoro itak.
nisa ruwe ne orowa, Sinuma oro ta Pirato ene itak hi :— Tan okay utar anak henpak poronno okaype ani E eiyonuppa hi E nu somo ki ruwe he an? sekor itak.
14 Aige, Shinuma shine itak ani poka shomo ese nisa ruwe ne; tambe gusu esapane guru anak ne shi no enushkari nisa ruwe ne.
Ayke, Sinuma sine itak ani poka somo ese nisa ruwe ne; tanpe kusu esapane kur anakne sino enuskari nisa ruwe ne.
Markos 15.3-5 §201IV
3 Orowa, Kamui kora kenru esapane utara poron no okaibe ani Shinuma eiyonnupba nisa ruwe ne.
Orowa, Kamuy kor kenru esapane utar poronno okaype ani Sinuma eiyonnuppa nisa ruwe ne.
4 Orowa, Pirato anak ne shui Shinuma otta nu wa ene itak-hi :— Nep ka E ese shomoki ya? Nep inne okaibe ani E eiyonnupba ki shiri ingara!
Orowa, Pirato anakne suy Sinuma or ta nu wa ene itak hi :— Nep ka E ese somo ki ya? Nep inne okaype ani E eiyonnuppa ki siri inkar!
5 Koroka, Yesu naa nep ne yakka ese itak ki ka shomoki: tambe gusu, Pirato anak ne enushkari nisa ruwe ne na.
Korka, Yesu naa nep ne yakka ese itak ki ka somo ki: tanpe kusu, Pirato anakne enuskari nisa ruwe ne na.
Yoannes 19.8-9 §192IV
8 Tambe gusu, Pirato anak ne tan itak nu chiki naa ishitoma:
Tanpe kusu, Pirato anakne tan itak nu ciki naa isitoma:
9 aige, shui nei ipishi tumbu otta ahun wa, — Aokai nei wano an guru E ne ya? ani an itak ani Yesu otta nu nisa ruwe ne. Koroka, Yesu anak ne shomo ese itak ki nisa ruwe ne.
ayke, suy ne ipisi tumpu or ta ahun wa, — Aokay ne wano an kur E ne ya? ani an itak ani Yesu or ta nu nisa ruwe ne. Korka, Yesu anakne somo ese itak ki nisa ruwe ne.
Yoannes 19.10-14 §193X
10 Tambe gusu, orota Pirato ene itak-hi :— En orun shomo E itak ya? Kuani anak ne honnere ash mondum hene ku goro, utasa chikuni otta kungi kokikkik ash mondum hene ku goro shiri E erampeutek ruwe he an? ani itak.
Tanpe kusu, oro ta Pirato ene itak hi :— En=orun somo E itak ya? Kuani anakne honnere as montum hene ku=kor, utasa cikuni or ta kunki kokikkik as montum hene ku=kor siri E eranpewtek ruwe he an? ani itak.
11 Otta Yesu ene ese-hi :— Kik orowa no e koropare shomoki yak anak ne En epeka no mondum e koro shomoki kusu ne ruwe ne: tambe gusu, e otta En ekoshi gurʼanak ne naa poro katpak an, sekoro itak.
Or ta Yesu ene ese hi :— Kik oro wano e korpare somo ki yakanak ne En=epeka no montum e=kor somo ki kusu ne ruwe ne: tanpe kusu, e or ta En=ekosi kur anakne naa poro katpak an, sekor itak.
12 Tata otta, Pirato anak ne Shinuma honnere kuni hunara ruwe ne: koroka, Yudea un utara hawe ashte wa ene itak-hi :— Eani anak ne tan guru honnere yakun, Kaisaros tura no iki guru shomo e ne ruwe ne: nen ne yakka yaikota ani Moshiri shikkashima guru yai-nere guru anak ne Kaisaros epokba no ye ruwe ne.
Tata or ta, Pirato anakne Sinuma honnere kuni hunara ruwe ne: korka, Yudea un utar hawe aste wa ene itak hi :— Eani anakne tan kur honnere yakun, Kaysaros turano iki kur somo e ne ruwe ne: nen ne yakka yaykota ani Mosir sikkasima kur yay-nere kur anakne Kaysaros epokpa no ye ruwe ne.
13 Tambe gusu, Pirato tan itak nu chiki, Yesu soinere, orowa, Apirasa-shuma ani aye ushiketa (tan ushike anak Hebrai un itak ani Gabbata ani ayep ne) an koipishi set kata a nisa ruwe ne.
Tanpe kusu, Pirato tan itak nu ciki, Yesu soynere, orowa, Apirasa-suma ani a=ye uske ta (tan usike anak Hebray un itak ani Gabbata ani a=ye p ne) an koypisi set kata a nisa ruwe ne.
14 Tane Kamakush marapto gusu etokooiki toho ne: iwan pakihi paketa ne ruwe ne. Orowa, Yudea un utara otta shinuma ene itak-hi :— Echi koro Moshiri shikkashima guru ingara yan! ani itak.
Tane Kamakus marapto kusu etokooyki toho ne: iwan pakihi pak ta ne ruwe ne. Orowa, Yudea un utar or ta sinuma ene itak hi :— Eci=kor Mosir sikkasima kur inkar yan! ani itak.
Mattaios 27.22-23 §326I
22 Orota utara :— Barabbas, ani itak. Orowa, Pirato nei utara otta ene ye-hi :— Yakun Kiristo ani aye Yesu otta nekon a ku ki kusu ne ya? Utasa chikuni otta raige ayanro, utara obitta ye nisa ruwe ne.
Oro ta utar :— Barabbas, ani itak. Orowa, Pirato ne utar or ta ene ye hi :— Yakun Kiristo ani a=ye Yesu or ta nekona ku=ki kusu ne ya? Utasa cikuni or ta rayke ayanro, utar opitta ye nisa ruwe ne.
23 Pirato ene itak-hi :— Hemanda gusu, nep katpak aki ya? sekoro itak. Koroka, utara shi no hawe ashte wa, utasa chikuni otta raige ayanro, ari itak nisa.
Pirato ene itak hi :— Hemanta kusu, nep katpak aki ya? sekor itak. Korka, utar sino hawe aste wa, utasa cikuni or ta rayke ayanro, ari itak nisa.
Markos 15.12-14 §205I
12 Orowa, shui Pirato ese wa orota ene itak-hi :— Yakun, Yudea un utara shikkashima guru ani echi ye guru otta nekon a ku ki ya? sekoro itak.
Orowa, suy Pirato ese wa oro ta ene itak hi :— Yakun, Yudea un utar sikkasima kur ani eci=ye kur or ta nekona ku=ki ya? sekor itak.
13 Orowa, shiu nei utara anak ne, — Utasa chikuni otta Shinuma kungi kokikkik, ani hawe ashte wa itak nisa ruwe ne.
Orowa, siw ne utar anakne, — Utasa cikuni or ta Sinuma kunki kokikkik, ani hawe aste wa itak nisa ruwe ne.
14 Hemanda gusu, nekon a wen buri Shinuma ki ya? ani nei utara otta Pirato ye. Koroka shui nei utara toiko hawe ashte wa, Utasa chikuni otta kungi kokikkik, sekoro itak.
Hemanta kusu, nekona wen puri Sinuma ki ya? ani ne utar or ta Pirato ye. Korka suy ne utar toyko hawe aste wa, Utasa cikuni or ta kunki kokikkik, sekor itak.
Roukos 23.23 §313I
23 Aige, akoramkoro korachi moshiri shikkashima utara eiyokbare hemhem ki, keuk hemhem ki upakashnu chisei otta aahunde wa an guru nei utara otta honnere wa kore: koroka, nei utara kon rusui korachi otta Yesu ekoshi nisa ruwe ne na.
Ayke, a=koramkor koraci mosir sikkasima utar e=iyokpare hemhem ki, keuk hemhem ki upakasnu cise or ta a=ahunte wa an kur ne utar or ta honnere wa kore: korka, ne utar kor rusuy koraci or ta Yesu ekosi nisa ruwe ne na.
Yoannes 19.15A §194I
15 Tambe gusu, nei utara hawe ashte wa ene itak-hi :— Oyake un omande, oyake un omande, Utasa chikuni otta kungi kokikkik yan, sekoro itak. Orota Pirato ene itak-hi :— Echi koro Moshiri shikkashima guru utasa chikuni otta akokikkikte kusu ne ya? ani itak. Nei Kamui kora kenru esapane utara ene ese-hi :— Kaisaros moshima un otta Moshiri shikkashima guru isam ruwe ne, ani itak.
Tanpe kusu, ne utar hawe aste wa ene itak hi :— Oyake un omante, oyake un omante, Utasa cikuni or ta kunki kokikkik yan, sekor itak. Oro ta Pirato ene itak hi :— Eci=kor Mosir sikkasima kur utasa cikuni or ta akokikkikte kusu ne ya? ani itak. Ne Kamuy kor kenru esapane utar ene ese hi :— Kaysaros mosma un or ta Mosir sikkasima kur isam ruwe ne, ani itak.
Yoannes 19.15B §195X
15 Tambe gusu, nei utara hawe ashte wa ene itak-hi :— Oyake un omande, oyake un omande, Utasa chikuni otta kungi kokikkik yan, sekoro itak. Orota Pirato ene itak-hi :— Echi koro Moshiri shikkashima guru utasa chikuni otta akokikkikte kusu ne ya? ani itak. Nei Kamui kora kenru esapane utara ene ese-hi :— Kaisaros moshima un otta Moshiri shikkashima guru isam ruwe ne, ani itak.
Tanpe kusu, ne utar hawe aste wa ene itak hi :— Oyake un omante, oyake un omante, Utasa cikuni or ta kunki kokikkik yan, sekor itak. Oro ta Pirato ene itak hi :— Eci=kor Mosir sikkasima kur utasa cikuni or ta akokikkikte kusu ne ya? ani itak. Ne Kamuy kor kenru esapane utar ene ese hi :— Kaysaros mosma un or ta Mosir sikkasima kur isam ruwe ne, ani itak.
Mattaios 27.26 §328I
26 Orowa no, Pirato anak ne Barabbas nei utara gusu honnere; koroka, Yesu shirikik orowa utasa chikuni otta araige kuni ne otta ekoshi nisa ruwe ne na.
Orowano, Pirato anakne Barabbas ne utar kusu honnere; korka, Yesu sirkik orowa utasa cikuni or ta arayke kuni ne or ta ekosi nisa ruwe ne na.
Markos 15.15 §206I
15 Orowa, Pirato anak ne nei inne utara ramushinnere rusui gusu, orota Barabbas honnere, orowa, Yesu shirikik okere chiki, Utasa chikuni otta araige kuni ne utara otta ekoshi nisa ruwe ne na.
Orowa, Pirato anakne ne inne utar ramusinnere rusuy kusu, oro ta Barabbas honnere, orowa, Yesu sirkik okere ciki, Utasa cikuni or ta arayke kuni ne utar or ta ekosi nisa ruwe ne na.
Roukos 23.24-25 §314I
24 Orowa, nei utara anak ne Shinuma ani wa paye rapoketa, okim un san wa ek Kurene kotan un Simon ainu kishima wa Yesu oshi utasa chikuni sei wa ek kuni ne kashiketa nei ap seire nisa ruwe ne.
Orowa, ne utar anakne Sinuma ani wa paye rapoketa, okimun san wa ek Kurene kotan un Simon aynu kisma wa Yesu osi utasa cikuni sey wa ek kuni ne kasike ta ne ap sere nisa ruwe ne.
25 Orowa, utara inne topaha utara hemhem, Shinuma echish hemhem ki, eyaituwashkarap hemhem ki koro okai shiwentep utara Shinuma oshi paye nisa ruwe ne.
Orowa, utar inne topaha utar hemhem, Sinuma ecis hemhem ki, eyaytuwaskarap hemhem ki kor okay siwentep utar Sinuma osi paye nisa ruwe ne.
Yoannes 19.16 §196I
16 Tambe gusu, Shinuma utasa chikuni otta akungi kokikkik kuni ne nei utara otta ekoshi nisa ruwe ne na.
Tanpe kusu, Sinuma utasa cikuni or ta a=kunki kokikkik kuni ne ne utar or ta ekosi nisa ruwe ne na.
Mattaios 27.32 §331I
32 Orowa, soyumba chiki Simon ani an reihei koro Kairene un shine ainu anukara: awa, nei guru utasa chikuni seire kuni ne itura wa arapare nisa ruwe ne.
Orowa, soyunpa ciki Simon ani an rehe kor Kayrene un sine aynu a=nukar: awa, ne kur utasa cikuni sere kuni ne itura wa arpare nisa ruwe ne.
Markos 15.21 §209I
21 Orowa, okim un ek shirikush wa an Areksandros newa Roupos koro michi Kurene kotan un Simon anak ne nei utasa chikuni sei kuni ne tura no aomande nisa ruwe ne.
Orowa, okimun ek sirikus wa an Areksandros newa Rowpos kor mici Kurene kotan un Simon anakne ne utasa cikuni sey kuni ne turano a=omante nisa ruwe ne.
Markos 15.22 §210I
22 Awa, Gorogota ani aye ushike un Shinuma tura no araki; nei Gorogota ani an itak itak eepaketa yakun — Mechakko an ushike, ani an itak ibehe ne ruwe ne.
Awa, Gorogota ani a=ye usike un Sinuma turano arki; ne Gorogota ani an itak itak eepak ta yakun — Mecakko an usike, ani an itak ipehe ne ruwe ne.
Roukos 23.26 §315I
26 Koroka, Yesu hosari wa orota ene itak-hi :— Yerusarem kotan un Matnepo utara, En gusu iteki chish, koroka, echi utara yaikota gusu hemhem, E poho utara gusu hemhem chish yan.
Korka, Yesu hosari wa oro ta ene itak hi :— Yerusarem kotan un Matnepo utar, En kusu iteki cis, korka, eci utar yaykota kusu hemhem, E poho utar kusu hemhem cis yan.
Roukos 23.33A §318I
33 Utara anak ne ingara gusu roshki wa okai. Orowa, esapane utara ne yakka Shinuma koesapse wa ene itak-hi :— Moshima utara Shinuma kashiobiuki nisa ruwe ne; awa, nei guru Kamui koro Kiristo ne, Kamui numgep ne yakun, yaikota yaikashiobiukirero, ani itak.
Utar anakne inkar kusu roski wa okay. Orowa, esapane utar ne yakka Sinuma koesapse wa ene itak hi :— Mosma utar Sinuma kasiopiwki nisa ruwe ne; awa, ne kur Kamuy kor Kiristo ne, Kamuy numkep ne yakun, yaykota yaykasiopiwkirero, ani itak.
Yoannes 19.17-18A §197I
17 Tambe gusu, nei utara Yesu tura: aige, Shinuma yaikota gusu utasa chikuni sei wa Hebrai un itak ani Gorogota aporose, Mechakko un ushike orota oman nisa ruwe ne;
Tanpe kusu, ne utar Yesu tura: ayke, Sinuma yaykota kusu utasa cikuni sey wa Hebray un itak ani Gorogota a=porse, Mecakko un usike oro ta oman nisa ruwe ne;
18 nei ushiketa utara anak ne Shinuma utasa chikuni otta kokikkik, orowa, uren tek samata shinen range moshima okai utara Shinuma tura no akokikkik, Yesu anak ne nei noshiketa an nisa ruwe ne na.
ne uske ta utar anakne Sinuma utasa cikuni or ta kokikkik, orowa, uren teksama ta sinen ranke mosma okay utar Sinuma turano a=kokikkik, Yesu anakne ne noske ta an nisa ruwe ne na.
Roukos 23.32 §317I
32 Orowa, Yesu ene itak-hi :— Ku Michihi, nei utara honnere wa En kore; hemanda ki shiri eramushkare wa okai ruwe ne gusu ne na, sekoro itak. Orowa, utashpa Shinuma koro mipihi eimek wa ukokonchi etaye nisa ruwe ne.
Orowa, Yesu ene itak hi :— Ku Micihi, ne utar honnere wa En=kore; hemanta ki siri eramuskare wa okay ruwe ne kusu ne na, sekor itak. Orowa, utaspa Sinuma kor mipihi eymek wa ukokonci etaye nisa ruwe ne.
Roukos 23.33B §319I
33 Utara anak ne ingara gusu roshki wa okai. Orowa, esapane utara ne yakka Shinuma koesapse wa ene itak-hi :— Moshima utara Shinuma kashiobiuki nisa ruwe ne; awa, nei guru Kamui koro Kiristo ne, Kamui numgep ne yakun, yaikota yaikashiobiukirero, ani itak.
Utar anakne inkar kusu roski wa okay. Orowa, esapane utar ne yakka Sinuma koesapse wa ene itak hi :— Mosma utar Sinuma kasiopiwki nisa ruwe ne; awa, ne kur Kamuy kor Kiristo ne, Kamuy numkep ne yakun, yaykota yaykasiopiwkirero, ani itak.
Yoannes 19.18B §198I
18 nei ushiketa utara anak ne Shinuma utasa chikuni otta kokikkik, orowa, uren tek samata shinen range moshima okai utara Shinuma tura no akokikkik, Yesu anak ne nei noshiketa an nisa ruwe ne na.
ne uske ta utar anakne Sinuma utasa cikuni or ta kokikkik, orowa, uren teksama ta sinen ranke mosma okay utar Sinuma turano a=kokikkik, Yesu anakne ne noske ta an nisa ruwe ne na.
Yoannes 19.19 §199I
19 Orowa, Pirato anak ne anuye ikiri ne yakka nuye wa utasa chikuni kata ande nisa ruwe ne. Orowa, nei anuyep otta, — Yudea un utara Shikkashima guru Nazaret kotan un Yesu, sekorobe an ruwe ne.
Orowa, Pirato anakne a=nuye ikiri ne yakka nuye wa utasa cikuni kata ante nisa ruwe ne. Orowa, ne a=nuye p or ta, — Yudea un utar Sikkasima kur Nazaret kotan un Yesu, sekorope an ruwe ne.
Yoannes 19.20-22 §200X
20 Tambe gusu, inne Yudea un utara nei anuye ikiri oro-o-itak: Yesu utasa chikuni otta akokikkik ushike anak ne nei machiya ehange no an i ne ruwe ne gusu ne na; samata, nei ambe anak ne Hebrai un itak ani hemhem, Roma un itak ani hemhem, Herenes un itak ani hemhem anuye wa an nisa ruwe ne na.
Tanpe kusu, inne Yudea un utar ne a=nuye ikiri oro-o-itak: Yesu utasa cikuni or ta a=kokikkik usike anakne ne maciya ehanke no an i ne ruwe ne kusu ne na; sama ta, ne anpe anakne Hebray un itak ani hemhem, Roma un itak ani hemhem, Herenes un itak ani hemhem a=nuye wa an nisa ruwe ne na.
21 Tambe gusu, Yudea un utara koro Kamui kora kenru esapane utara anak ne Pirato otta ene itak-hi :— Yudea un utara Shikkashima guru ani iteki nuye yan; koroka, — Kuani anak ne Yudea un utara Shikkashima guru Ku ne ani an itak ani Shinuma ye,
Tanpe kusu, Yudea un utar kor Kamuy kor kenru esapane utar anakne Pirato or ta ene itak hi :— Yudea un utar Sikkasima kur ani iteki nuye yan; korka, — Kuani anakne Yudea un utar Sikkasima kur Ku ne ani an itak ani Sinuma ye,
22 sekorobe nuye wa un kore, ani itak. Ku nuye okerep anak ne Ku nuye nisa ruwe ne na, ani Pirato ese nisa ruwe ne.
sekorope nuye wa un kore, ani itak. Ku=nuye okere p anakne Ku=nuye nisa ruwe ne na, ani Pirato ese nisa ruwe ne.
Mattaios 27.35-36 §334I
35 Orowa, utasa chikuni otta Shinuma kungi akokikkik okere chiki, nei utara ukokonchi etaye wa koro mipihi ukousaraye.
Orowa, utasa cikuni or ta Sinuma kunki a=kokikkik okere ciki, ne utar ukokonci etaye wa kor mipihi ukowsaraye.
36 Aige, nei ushiketa rok wa shiure nisa ruwe ne na.
Ayke, ne uske ta rok wa siwre nisa ruwe ne na.
Markos 15.24 §212I
24 Orowa, nei utara anak ne Shinuma utara chikuni otta kungi kokikkik, samata, shinen range inambe uk ya esanniyo kuni ne koro amip gusu ukokonchi etaye wa nei mipihi uko-usaraye nisa ruwe ne.
Orowa, ne utar anakne Sinuma utar cikuni or ta kunki kokikkik, sama ta, sinen ranke inanpe uk ya esanniyo kuni ne kor amip kusu ukokonci etaye wa ne mipihi uko-usaraye nisa ruwe ne.
Roukos 23.34B-35A §321I
34 Tumi-koro utara ne yakka Shinuma esapse hine orota araki wa shukkakep kore, aine, ene itak-hi :—
Tumi-kor utar ne yakka Sinuma esapse hine oro ta arki wa sukkakep kore, ayne, ene itak hi :—
35 Aokai anak ne Yudea un utara esapane guru E ne yakun, yaikota yaikashiobiuki yan, ari itak.
Aokay anakne Yudea un utar esapane kur E ne yakun, yaykota yaykasiopiwki yan, ari itak.
Yoannes 19.23-24B §201I
23 Tambe gusu, tumi-koro utara anak ne Yesu utasa chikuni otta kungi kokikkik okere chiki, Shinuma koro amip uk hine inep ne usaraye, okai tumi-koro utara shinen range uk kuni usaraye nisa ruwe ne; hopoknashi amip ne yakka nei no an ruwe ne: nei hopoknashi amip anak ne ukauukau ikiri sak no an wa kashike wano ebitta ashitaigi amip ne ruwe ne.
Tanpe kusu, tumi-kor utar anakne Yesu utasa cikuni or ta kunki kokikkik okere ciki, Sinuma kor amip uk hine inep ne usaraye, okay tumi-kor utar sinen ranke uk kuni usaraye nisa ruwe ne; hopoknasi amip ne yakka néno an ruwe ne: ne hopoknasi amip anakne ukawukaw ikiri sak no an wa kasike wano epitta a=sitayki amip ne ruwe ne.
24 Tambe gusu, nei utara utashpa ene itak-hi :— Nei amip iteki yaspa, koroka, inan guru koro kusu ne ya ingara gusu ukokonchi etaye yanro, sekoro itak: tambe anak :— Nei utara anak ne utashpa Ku mipihi uweusaraye, Ku mi amip gusu ukokonchi etaye nisa ruwe ne na, sekorʼan Kamui nuyere itak auweomare kuni gusu an ap ne. Tambe gusu, tumi-koro utara anak ne tap okaibe ki nisa ruwe ne na.
Tanpe kusu, ne utar utaspa ene itak hi :— Ne amip iteki yaspa, korka, inan kur kor kusu ne ya inkar kusu ukokonci etaye yanro, sekor itak: tanpe anak :— Ne utar anakne utaspa Ku=mipihi uwewsaraye, Ku=mi amip kusu ukokonci etaye nisa ruwe ne na, sekor an Kamuy nuyere itak a=ueomare kuni kusu an ap ne. Tanpe kusu, tumi-kor utar anakne tap okaype ki nisa ruwe ne na.
Yoannes 19.24C (=19.25 NRSV) -27 §202X
25 Koroka, Yesu koro utasa chikuni samaketa Shinuma koro habo hemhem, koro habo koro turesh hemhem, Kuropas koro machi Maria hemhem, Makdarene un Maria hemhem roshki wa okai nisa ruwe ne.
Korka, Yesu kor utasa cikuni samake ta Sinuma kor hapo hemhem, kor hapo kor tures hemhem, Kuropas kor maci Maria hemhem, Makdarene un Maria hemhem roski wa okay nisa ruwe ne.
26 Tambe gusu, samaketa roshki wa okai koro habo hemhem, Shinuma omap koro koikara guru Yesu nukara chiki, koro habo otta ene itak-hi :—
Tanpe kusu, samake ta roski wa okay kor hapo hemhem, Sinuma omap kor koykar kur Yesu nukar ciki, kor hapo or ta ene itak hi :—
27 Shiwentep, E koro poho ingara yan! Orowa, nei koikara guru otta, — E koro habo ingara yan! ani itak. Orowa, nei pakihi wano nei koikara guru anak ne yaikota koro uni orun shinuma tura wa ande nisa ruwe ne na.
Siwentep, E=kor poho inkar yan! Orowa, ne koykar kur or ta, — E=kor hapo inkar yan! ani itak. Orowa, ne pakihi wano ne koykar kur anakne yaykota kor uni orun sinuma tura wa ante nisa ruwe ne na.
Yoannes 19.28-30A §203IV
28 Tap okaketa, tane nep ne yakka aokere sekoro Yesu eraman wa, Kamui nuyere itak auweoma kuni gusu, — Ku iku rusui, ani an itak ani itak nisa ruwe ne.
Tap okake ta, tane nep ne yakka a=okere sekor Yesu eraman wa, Kamuy nuyere itak auweoma kuni kusu, — Ku=iku rusuy, ani an itak ani itak nisa ruwe ne.
29 Nei ushiketa shukkakep ani shikno an shine op anak ne aande wa an ruwe ne; tambe gusu, utara shukkakep ani atui-wata shikte hine hisop kata eushi wa Shinuma koro paro otta kotukka nisa ruwe ne na.
Ne uske ta sukkakep ani sikno an sine op anakne a=ante wa an ruwe ne; tanpe kusu, utar sukkakep ani atuy-wata sikte hine hisop kata ewsi wa Sinuma kor paro or ta kotukka nisa ruwe ne na.
30 Tambe gusu, Yesu nei shukkakep uk okere chiki, — Aokere na, ani itak; orowa, sapaha hepokiki wa kon ramat arapare nisa ruwe ne.
Tanpe kusu, Yesu ne sukkakep uk okere ciki, — A=okere na, ani itak; orowa, sapaha hepokiki wa kor ramat arpare nisa ruwe ne.
Roukos 23.46 §329I
46 Orowa, tap okaibe nukara gusu uwekarapa obitta no okai inne utara anak ne, nei hetuku orushpe nukara chiki, koro penram kokik wa hoshippa nisa ruwe ne.
Orowa, tap okaype nukar kusu uekarpa opittano okay inne utar anakne, ne hetuku oruspe nukar ciki, kor penram kokik wa hosippa nisa ruwe ne.
Yoannes 19.30B §204I
30 Tambe gusu, Yesu nei shukkakep uk okere chiki, — Aokere na, ani itak; orowa, sapaha hepokiki wa kon ramat arapare nisa ruwe ne.
Tanpe kusu, Yesu ne sukkakep uk okere ciki, — A=okere na, ani itak; orowa, sapaha hepokiki wa kor ramat arpare nisa ruwe ne.
Yoannes 19.31-37 §205X
31 Tambe gusu, Etokooiki toho ne gusu, Yudea un utara anak ne, nei kaisei Shini toho ta shomo utasa chikuni kata an kuni ne (nei Shini toho pase toho ne gusu), nei utara koro chikiri kayere wa aeiwak kuni Pirato otta koramkon nisa ruwe ne.
Tanpe kusu, Etokooyki toho ne kusu, Yudea un utar anakne, ne kaysey Sini toho ta somo utasa cikuni kata an kuni ne (ne Sini toho pase toho ne kusu), ne utar kor cikiri kayere wa a=ewak kuni Pirato or ta koramkor nisa ruwe ne.
32 Tambe gusu, nei tumi-koro utara araki wa hoshiki no an guru hemhem, tura no utasa chikuni otta akokikkik tutanu an guru hemhem koro chikiri kaye nisa ruwe ne:
Tanpe kusu, ne tumi-kor utar arki wa hoskino an kur hemhem, turano utasa cikuni or ta a=kokikkik tutanu an kur hemhem kor cikiri kaye nisa ruwe ne:
33 koroka, Yesu otta araki wa Shinuma rai okere shiri nukara chiki, koro chikiri kaye shomoki ruwe ne:
korka, Yesu or ta arki wa Sinuma ray okere siri nukar ciki, kor cikiri kaye somo ki ruwe ne:
34 yakka ibe op koro shine tumi-koro guru anak ne Shinuma koro ut eotke, aige, nani kem newa wakka anak ne oashin nisa ruwe ne.
yakka ipe op kor sine tumi-kor kur anakne Sinuma kor ut eotke, ayke, nani kem newa wakka anakne oasin nisa ruwe ne.
35 Orowa, nukan nisa guru anak ne paweteshu ki nisa ruwe ne, orowa, nei guru ki paweshu-i anak ne son no ambe ne: shinuma son no ambe ye-hi shinuma eraman, echi utara ne yakka eishokoro kuni gusu ne na.
Orowa, nukar nisa kur anakne pawetesu ki nisa ruwe ne, orowa, ne kur ki pawesu hi anakne sonno anpe ne: sinuma sonno anpe ye hi sinuma eraman, eci utar ne yakka eysokor kuni kusu ne na.
36 Inambe gusu ne yakun, — Tap okaibe hetuku ikkewehe anak ne, — Shinuma koro shine pone ne yakka shomo kaye kusu ne, ari an Kamui nuyere itak auweoma kuni gusu an ap ne.
Inanpe kusu ne yakun, — Tap okaype hetuku ikkewehe anakne, — Sinuma kor sine pone ne yakka somo kaye kusu ne, ari an Kamuy nuyere itak auweoma kuni kusu an ap ne.
37 Orowa, shui Kamui nuyere moshima no an itak ene ye-hi :— Aotke guru orun nei utara ingara kusu ne na.
Orowa, suy Kamuy nuyere mosmano an itak ene ye hi :— Aotke kur orun ne utar inkar kusu ne na.
Mattaios 27.57-58 §348I
57 Shirikunne an koro Arimatea kotan un Yosep ani aye oteknu guru ek na, shinuma yaikota ne yakka Yesu koikara gunʼne ruwe ne:
Sirkunne an kor Arimatea kotan un Yosep ani a=ye oteknu kur ek na, sinuma yaykota ne yakka Yesu koykar kunne ruwe ne:
58 tan ainu anak ne Pirato orun oman wa Yesu kaisei eikoramkon nisa ruwe ne.
tan aynu anakne Pirato orun oman wa Yesu kaysey eykoramkor nisa ruwe ne.
Markos 15.42-45 §227I
42 Orowa, tane shiri-onuman an koro, Shini toho etoko an toho ta, Etokooiki ani reihei an toho ne ruwe ne gusu,
Orowa, tane siri-onuman an kor, Sini toho etoko an toho ta, Etokooyki ani rehe an toho ne ruwe ne kusu,
43 yaikota Kamui moshiri echipachipa wa an a ainu koro ukoramkoro guru Arimatea un Yosep ek; shinuma rametokkon no Pirato otta ahun wa Yesu kon netobake koramkon nisa ruwe ne.
yaykota Kamuy mosir ecipacipa wa an a aynu kor ukoramkor kur Arimatea un Yosep ek; sinuma rametokkor no Pirato or ta ahun wa Yesu kor netopake koramkor nisa ruwe ne.
44 Awa, Pirato anak ne tane Shinuma rai okere katu enushkari: orowa, nei Kenturion tak yara hine Shinuma ohon no rai ruwe he an ani uwepekennu.
Awa, Pirato anakne tane Sinuma ray okere katu enuskari: orowa, ne Kenturion tak yara hine Sinuma ohor no ray ruwe he an ani uwepekennu.
45 Orowa no, nei Kenturion orowa no Ru chiki, Yosep otta nei kaisei koropare nisa ruwe ne.
Orowano, ne Kenturion oro wano Ru ciki, Yosep or ta ne kaysey korpare nisa ruwe ne.
Roukos 23.50-52 §332I
50 shinuma Kamui moshiri etere wa an: tan guru anak ne Pirato orota oman wa Yesu kon netobake koramkon nisa ruwe ne.
sinuma Kamuy mosir e=tere wa an: tan kur anakne Pirato oro ta oman wa Yesu kor netopake koramkor nisa ruwe ne.
51 Orowa, shinuma nei ambe range wa senkaki otta kokarakari hine, naa shomo ainu aande shuma aouri tushiri orota ande nisa ruwe ne.
Orowa, sinuma ne anpe ranke wa senkaki or ta kokarkari hine, naa somo aynu a=ante suma aowri tusiri oro ta ante nisa ruwe ne.
52 Orowa, Etokooiki toho ne, awa,
Orowa, Etokooyki toho ne, awa,
Yoannes 19.38 §206I
38 Tap orushpe okaketa Yudea un utara koishitoma gusu arorokishne no Yesu koikara guru ne Arimatea un Yosep anak ne Yesu koro kaisei koro wa oman kuni Pirato ekoramkon nisa ruwe ne: orowa, Pirato ramuoshma nisa ruwe ne. Tambe gusu, shinuma ek wa nei kaisei uk.
Tap oruspe okake ta Yudea un utar koysitoma kusu arorkisneno Yesu koykar kur ne Arimatea un Yosep anakne Yesu kor kaysey kor wa oman kuni Pirato e=koramkor nisa ruwe ne: orowa, Pirato ramuosma nisa ruwe ne. Tanpe kusu, sinuma ek wa ne kaysey uk.
Yoannes 19.39 §207X
39 Samata, hoshiki anchikara ta Yesu orota ek Nikodemos ne yakka motsuyaku newa rokwai ukopoyegep ukotamge ashikne hotne shine
Sama ta, hoski ancikar ta Yesu oro ta ek Nikodemos ne yakka motsuyaku newa rokway ukopoyekep ukotamke asikne hotne sine
Mattaios 27.59-60 §349I
59 Orowa, Pirato ipawetenge wa orota nei ambe akore nisa ruwe ne na.
Orowa, Pirato ipawetenke wa oro ta ne anpe a=kore nisa ruwe ne na.
60 Orowa, Yosep nei kaisei uk wa, ashkanne senkaki otta kokarakari hine, watara aohori wa an yaikota koro ashiri tushiri orota ande ruwe ne: orowa, poro shuma tushiri apa orota kokarakarasere hine eseshke wa oman.
Orowa, Yosep ne kaysey uk wa, askanne senkaki or ta kokarkari hine, watara a=ohor wa an yaykota kor a=siri tusiri oro ta ante ruwe ne: orowa, poro suma tusiri apa oro ta kokarakarasere hine e=seske wa oman.
Markos 15.46 §228I
46 Aine, nei guru senkaki hok, orowa, Shinuma range hine nei senkaki otta kokarakari wa watara aouri wa an tushiri orota ande, orowa no, poro shuma tushiri apa otta karakarasere nisa ruwe ne.
Ayne, ne kur senkaki hok, orowa, Sinuma ranke hine ne senkaki or ta kokarkari wa watara aowri wa an tusiri oro ta ante, orowano, poro suma tusiri apa or ta karkarsere nisa ruwe ne.
Roukos 23.53 §333I
53 Shini toho aro-ehange ruwe ne na. Aige, Gariraya orowa no Shinuma tura no araki shiwentep utara anak ne nei guru oshi paye wa tushiri hemhem nei netobake aande katu hemhem nukara.
Sini toho a=ro-ehanke ruwe ne na. Ayke, Gariraya oro wano Sinuma turano arki siwentep utar anakne ne kur osi paye wa tusiri hemhem ne netopake a=ante katu hemhem nukar.
Yoannes 19.40-42 §208I
40 ikkin koro wa ek nisa ruwe ne. Tambe gusu, nei utara anak ne Yesu koro kaisei uk wa Yudea un utara iwak buri nei no pirika hura ushbe tura senkaki otta kokarakari nisa ruwe ne.
ikkin kor wa ek nisa ruwe ne. Tanpe kusu, ne utar anakne Yesu kor kaysey uk wa Yudea un utar iwak puri néno pirka hura uspe tura senkaki or ta kokarkari nisa ruwe ne.
41 Yesu akungi kokikkik ushiketa toi an ruwe ne; orowa, nei toi otta naa shomo ainu aande ashiri tushiri an.
Yesu a=kunki kokikkik uske ta toy an ruwe ne; orowa, ne toy or ta naa somo aynu a=ante a=siri tusiri an.
42 Yudea un utara Etokooiki buri an gusu nei ushiketa Yesu ande nisa ruwe ne (nei tushiri ehange no an ruwe ne gusu ne na).
Yudea un utar Etokooyki puri an kusu ne uske ta Yesu ante nisa ruwe ne (ne tusiri ehanke no an ruwe ne kusu ne na).