10 Ik. leaf 188

Tan orushpe aokere chiki Utarapa anak ne moshima okai wa niu ikashima e ine hotne niu numge wa yaikota ek kushki nep machiya hene kotan hene tun range otta koro kotchaketa payere nisa ruwe ne.

Tan oruspe a=okere ciki Utarpa anakne mosma okay wa niw ikasma e ine hotne niw numke wa yaykota ek kuski nep maciya hene kotan hene tun ranke or ta kor kotcake ta payere nisa ruwe ne.

μετα δε ταυτα ανεδειξεν ο κυριος ετερους εβδομηκοντα [δυο] και απεστειλεν αυτους ανα δυο [δυο] προ προσωπου αυτου εις πασαν πολιν και τοπον ου ημελλεν αυτος ερχεσθαι

Now after these things the Lord appointed seventy others, and sent them two and two before his face into every city and place, whither he himself was about to come.

Awa, otta ene itak-hi :— Nange kuni ushi nuye an koroka, monraige utara moyo ruwe ne: tambe gusu, Nange ushi kon nishpa anak ne nange ushita monraige utara payere kuni gusu koramkoro yan.

Awa, or ta ene itak hi :— Nanke kuni usi nuye an korka, monrayke utar moyo ruwe ne: tanpe kusu, Nanke usi kor nispa anakne nanke usi ta monrayke utar payere kuni kusu koramkor yan.

ελεγεν δε προς αυτους ο μεν θερισμος πολυς οι δε εργαται ολιγοι δεηθητε ουν του κυριου του θερισμου οπως εργατας εκβαλη εις τον θερισμον αυτου

And he said unto them, The harvest is plenteous, but the labourers are few: pray ye therefore the Lord of the harvest, that he send forth labourers into his harvest.

Echi paye yan; pon hitsuji chikoikip anak ne horokeu tumu un ahupte korachi echi payere ash na.

Eci=paye yan; pon hitsuji cikoykip anakne horkew tumu un ahupte koraci eci=payere as na.

υπαγετε ιδου αποστελλω υμας ως αρνας εν μεσω λυκων

Go your ways: behold, I send you forth as lambs in the midst of wolves.

Ichen o pukuru hene, pusaru hene, keire hene iteki koro yan: samata, payekai rapoketa iteki nen ne yakka erangarap yan.

Icen o pukuru hene, pusaru hene, ker hene iteki kor yan: sama ta, payekay rapoketa iteki nen ne yakka erankarap yan.

μη βασταζετε βαλλαντιον μη πηραν μη υποδηματα και μηδενα κατα την οδον ασπασησθε

Carry no purse, no wallet, no shoes: and salute no man on the way.

Orowa, nep chisei ta echi ahup yakka hoshiki no ene itak yan :— Tan chisei otta itomo anro.

Orowa, nep cise ta eci=ahup yakka hoskino ene itak yan :— Tan cise or ta i=tom an ro.

εις ην δ αν εισελθητε οικιαν πρωτον λεγετε ειρηνη τω οικω τουτω

And into whatsoever house ye shall enter, first say, Peace [be ]to this house.

Orowa, nei chisei ta itomo poho an chiki nei kashiketa e koro itomo an kusu ne; shomo an chiki nei ambe echi otta hoshipi kusu ne na.

Orowa, ne cise ta i=tom poho an ciki ne kasike ta e=kor i=tom an kusu ne; somo an ciki ne anpe eci or ta hosipi kusu ne na.

και εαν εκει η υιος ειρηνης επαναπαησεται επ αυτον η ειρηνη υμων ει δε μηγε μη γε εφ υμας ανακαμψει

And if a son of peace be there, your peace shall rest upon him: but if not, it shall turn to you again.

Orowa, nei chisei ta echi reushi wa ikore an aep ibe hemhem ki iku hemhem ki yan: monraige guru anak ne pummaha uk kuni guru ne ruwe ne gusu ne na.

Orowa, ne cise ta eci=rewsi wa ikore an aep ipe hemhem ki iku hemhem ki yan: monrayke kur anakne pummaha uk kuni kur ne ruwe ne kusu ne na.

εν αυτη δε τη οικια μενετε εσθοντες εσθιοντες και πινοντες τα παρ αυτων αξιος γαρ ο εργατης του μισθου αυτου μη μεταβαινετε εξ οικιας εις οικιαν

And in that same house remain, eating and drinking such things as they give: for the labourer is worthy of his hire. Go not from house to house.

Orowa, iteki chisei pish no otta paye yan. Samata, nep machiya otta ne yakka echi ahup, aige, nei utara echi uina chiki, echi kotchaketa aande aep ibe yan;

Orowa, iteki cise pisno or ta paye yan. Sama ta, nep maciya or ta ne yakka eci=ahup, ayke, ne utar eci=uyna ciki, eci=kotcake ta a=ante aep ipe yan;

και εις ην αν πολιν εισερχησθε και δεχωνται υμας εσθιετε τα παρατιθεμενα υμιν

And into whatsoever city ye enter, and they receive you, eat such things as are set before you:

orowa, nei machiya otta okai tashum ki utara iwangere wa otta ene itak yan :— Kamui moshiri anak ne echi koehange no ek ruwe ne, ani itak.

orowa, ne maciya or ta okay tasum ki utar iwankere wa or ta ene itak yan :— Kamuy mosir anakne eci=koehanke no ek ruwe ne, ani itak.

και θεραπευετε τους εν αυτη ασθενεις και λεγετε αυτοις ηγγικεν εφ υμας η βασιλεια του θεου

and heal the sick that are therein, and say unto them, The kingdom of God is come nigh unto you.

Koroka, nep machiya otta ne yakka echi ahup wa okai utara echi uina shomoki chiki; nei machiya un pararu otta echi soyumba wa ene itak yan :—

Korka, nep maciya or ta ne yakka eci=ahup wa okay utar eci=uyna somo ki ciki; ne maciya un pararu or ta eci=soyunpa wa ene itak yan :—

εις ην δ αν πολιν εισελθητε και μη δεχωνται υμας εξελθοντες εις τας πλατειας αυτης ειπατε

But into whatsoever city ye shall enter, and they receive you not, go out into the streets thereof and say,

Chikoro chikiri ush echi koro machiya un koponchi poka echi epeka no chi piruba ruwe ne: yakka, Kamui moshiri ehange no ek an sekorʼambe echi eramu yan.

Ci=kor cikiri us eci=kor maciya un koponci poka eci=epeka no ci pirpa ruwe ne: yakka, Kamuy mosir ehanke no ek an sekor anpe eci=eramu yan.

και τον κονιορτον τον κολληθεντα ημιν εκ της πολεως υμων εις τους ποδας απομασσομεθα υμιν πλην τουτο γινωσκετε οτι ηγγικεν η βασιλεια του θεου

Even the dust from your city, that cleaveth to our feet, we do wipe off against you: howbeit know this, that the kingdom of God is come nigh.

Echi otta Ku ye :— Nei toho ta anak ne nei machiya kasu no Sodom kotan anak naa kashush no okai kusu ne.

Eci or ta Ku=ye :— Ne toho ta anakne ne maciya kasuno Sodom kotan anak naa kasus no okay kusu ne.

λεγω υμιν οτι σοδομοις εν τη ημερα εκεινη ανεκτοτερον εσται η τη πολει εκεινη

I say unto you, It shall be more tolerable in that day for Sodom, than for that city.

Aa Korazin kotan, aeyaisambepokash humi! Aa Betsaida kotan, aeyaisambepokash humi! Inambe gusu ne yakun, echi otta Ku ki kirorope anak ne Tiros kotan newa Sidon kotan ta akara yak anak ne fushkotoi ta hai ani akara amip newa uina otta rok wa yaikokatpak kusu ne a an.

Aa Korazin kotan, aeyaysanpepokas humi! Aa Betsayda kotan, aeyaysanpepokas humi! Inanpe kusu ne yakun, eci or ta Ku=ki kirorope anakne Tiros kotan newa Sidon kotan ta a=kar yakanak ne huskotoy ta hay ani a=kar amip newa uyna or ta rok wa yaykokatpak kusu ne a an.

ουαι σοι χοραζιν ουαι σοι βηθσαιδα οτι ει εν τυρω και σιδωνι εγενηθησαν αι δυναμεις αι γενομεναι εν υμιν παλαι αν εν σακκω και σποδω καθημενοι μετενοησαν

Woe unto thee, Chorazin! woe unto thee, Bethsaida! for if the mighty works had been done in Tyre and Sidon, which were done in you, they would have repented long ago, sitting in sackcloth and ashes.

Koroka, koipishi ita anak ne eani kasu no Tiros newa Sidon kotan gusu naa kasush kusu ne.

Korka, koypisi hi ta anakne eani kasuno Tiros newa Sidon kotan kusu naa kasus kusu ne.

πλην τυρω και σιδωνι ανεκτοτερον εσται εν τη κρισει η υμιν

Howbeit it shall be more tolerable for Tyre and Sidon in the judgment, than for you.

Orowa, eani, Kapernaum kotan, eani anak ne kando pakno aerikinde an kusu ne ya?

Orowa, eani, Kapernaum kotan, eani anakne kanto pakno aerikinte an kusu ne ya?

και συ καφαρναουμ μη εως ουρανου υψωθηση εως του αδου καταβηση

And thou, Capernaum, shalt thou be exalted unto heaven? thou shalt be brought down unto Hades.

Hedes pakno e range an kusu ne na. Echi nu guru anak ne En nu ruwe ne: orowa, echi emaka gurʼanak En emaka ruwe ne; orowa; En emaka guru anak ne En omande guru ne yakka emaka ruwe ne na.

Hedes pakno e ranke an kusu ne na. Eci=nu kur anakne En=nu ruwe ne: orowa, eci=emaka kur anak En=emaka ruwe ne; orowa; En=emaka kur anakne En=omante kur ne yakka emaka ruwe ne na.

ο ακουων υμων εμου ακουει και ο αθετων υμας εμε αθετει ο δε εμε αθετων αθετει τον αποστειλαντα με

He that heareth you heareth me; and he that rejecteth you rejecteth me; and he that rejecteth me rejecteth him that sent me.

Orowa, nei wa niu ikashima e ine hotne niu anak ne yaikopuntek hine hoshippa wa ene itak-hi :— Utarapa, nitne kamui poka E reihei gusu chi ki itak nu ruwe ne.

Orowa, ne wa niw ikasma e ine hotne niw anakne yaykopuntek hine hosippa wa ene itak hi :— Utarpa, nitne kamuy poka E rehe kusu ci ki itak nu ruwe ne.

υπεστρεψαν δε οι εβδομηκοντα [δυο] μετα χαρας λεγοντες κυριε και τα δαιμονια υποτασσεται ημιν εν τω ονοματι σου

And the seventy returned with joy, saying, Lord, even the devils are subject unto us in thy name.

Orota Shinuma ene itak-hi :— Satan anak ne imeru korachi kando orowa no ran shiri Ku nukan nisa.

Oro ta Sinuma ene itak hi :— Satan anakne imeru koraci kanto oro wano ran siri Ku=nukar nisa.

ειπεν δε αυτοις εθεωρουν τον σαταναν ως αστραπην εκ του ουρανου πεσοντα

And he said unto them, I beheld Satan fallen as lightning from heaven.

Ingarʼan, echi utara anak ne okokko newa sasori kata otereke kuni, samata, epokbap kiroro esapane kuni mondum echi kore ash nisa: awa, nep ne yakka son no newa echi ewende shomoki kusu ne.

Inkar=an, eci utar anakne okokko newa sasori kata oterke kuni, sama ta, epokpap kiroro esapane kuni montum eci=kore as nisa: awa, nep ne yakka sonno newa eci=e=wente somo ki kusu ne.

ιδου δεδωκα υμιν την εξουσιαν του πατειν επανω οφεων και σκορπιων και επι πασαν την δυναμιν του εχθρου και ουδεν υμας ου μη αδικησει αδικηση

Behold, I have given you authority to tread upon serpents and scorpions, and over all the power of the enemy: and nothing shall in any wise hurt you.

Koroka, tap ambe gusu, ramat utara echi ki itak nu gusu, iteki echi yaikopuntek yan; echi kon reihei anak ne kando oshiketa anuye wa okai gusu yaikopuntek yan.

Korka, tapanpe kusu, ramat utar eci=ki itak nu kusu, iteki eci=yaykopuntek yan; eci=kor rehe anakne kanto oske ta a=nuye wa okay kusu yaykopuntek yan.

πλην εν τουτω μη χαιρετε οτι τα πνευματα υμιν υποτασσεται χαιρετε δε οτι τα ονοματα υμων εγγεγραπται εν τοις ουρανοις

Howbeit in this rejoice not, that the spirits are subject unto you; but rejoice that your names are written in heaven.

Nei i pakita hita Shinuma anak ne Ashkanne Ramat ani nupetne, awa, ene itak-hi :— Kando newa moshiri Utarapa ne Ku Michihi, Aokai anak ne tap okaibe wayashnu utara newa ramu an utara wano nuina wa aiai otta nukare gusu Ku koyaiiraige ash na. Ruwe newa Michihi, tambe korachi an-i anak ne Aokai aesanniyop ne ruwe ne gusu ne na.

Ne i pakita hi ta Sinuma anakne Askanne Ramat ani nupetne, awa, ene itak hi :— Kanto newa mosir Utarpa ne Ku Micihi, Aokay anakne tap okaype wayasnu utar newa ramuan utar wano nuyna wa ayay or ta nukare kusu Ku=koyayirayke as na. Ruwe newa Micihi, tanpe koraci an hi anakne Aokay aesanniyop ne ruwe ne kusu ne na.

εν αυτη τη ωρα ηγαλλιασατο [εν] τω πνευματι τω αγιω και ειπεν εξομολογουμαι σοι πατερ κυριε του ουρανου και της γης οτι απεκρυψας ταυτα απο σοφων και συνετων και απεκαλυψας αυτα νηπιοις ναι ο πατηρ οτι ουτως ευδοκια εγενετο εμπροσθεν σου

In that same hour he rejoiced in the Holy Spirit, and said, I thank thee, O Father, Lord of heaven and earth, that thou didst hide these things from the wise and understanding, and didst reveal them unto babes: yea, Father; for so it was well-pleasing in thy sight.

Nep ne yakka Ku Michi wano a en koropare nisa ruwe ne; orowa, Poho anak ne nen ne ruwe he an sekoro eramʼan guru Michi moshima isam; samata, Michi anak ne nen ne ruwe he an sekoro eramʼan guru, Poho newa Poho ramuoshma wa otta eramʼande guru isam ruwe ne.

Nep ne yakka Ku Mici wano a en=korpare nisa ruwe ne; orowa, Poho anakne nen ne ruwe he an sekor eraman kur Mici mosma isam; sama ta, Mici anakne nen ne ruwe he an sekor eraman kur, Poho newa Poho ramuosma wa or ta eram ante kur isam ruwe ne.

παντα μοι παρεδοθη υπο του πατρος μου και ουδεις γινωσκει τις εστιν ο υιος ει μη ο πατηρ και τις εστιν ο πατηρ ει μη ο υιος και ω αν εαν βουληται ο υιος αποκαλυψαι

All things have been delivered unto me of my Father: and no one knoweth who the Son is, save the Father; and who the Father is, save the Son, and he to whomsoever the Son willeth to reveal [him].

Orowa, koro koikara utara otta hosari wa arorokishne no ene itak-hi :— Echi nukara okaibe ingara echi shikihi anak ne anunuke ne:

Orowa, kor koykar utar or ta hosari wa arorkisneno ene itak hi :— Eci=nukar okaype inkar eci=sikihi anakne a=nunuke ne:

και στραφεις προς τους μαθητας κατ ιδιαν ειπεν μακαριοι οι οφθαλμοι οι βλεποντες α βλεπετε

And turning to the disciples, he said privately, Blessed [are ]the eyes which see the things that ye see:

inambe gusu ne yakun, echi otta Ku ye, inne uweingara utara newa Moshiri shikkashima utara anak ne echi nukarabe nukan rusui, awa, nukara shomoki; orowa, echi nu okaibe nu rusui a koroka nu shomoki nisa ruwe ne na.

inanpe kusu ne yakun, eci or ta Ku=ye, inne ueinkar utar newa Mosir sikkasima utar anakne eci=nukar pe nukar rusuy, awa, nukar somo ki; orowa, eci=nu okaype nu rusuy a korka nu somo ki nisa ruwe ne na.

λεγω γαρ υμιν οτι πολλοι προφηται και βασιλεις ηθελησαν ιδειν α υμεις βλεπετε και ουκ ειδαν και ακουσαι α ακουετε και ουκ ηκουσαν

for I say unto you, that many prophets and kings desired to see the things which ye see, and saw them not; and to hear the things which ye hear, and heard them not.

Orowa, ingarʼan, shine ikashpaotte pita guru ash wa Shinuma koramnukara wa ene itak-hi :— Epakashnu guru, ramma okere shomoki inotu ku eikeshkoro kuni nekon a ku ki kusu ne ya.

Orowa, inkar=an, sine ikaspaotte pita kur as wa Sinuma koramnukar wa ene itak hi :— Epakasnu kur, ramma okere somo ki inotu ku eykeskoro kuni nekona ku=ki kusu ne ya.

και ιδου νομικος τις ανεστη εκπειραζων αυτον λεγων διδασκαλε τι ποιησας ζωην αιωνιον κληρονομησω

And behold, a certain lawyer stood up and tempted him, saying, Master, what shall I do to inherit eternal life?

Orota Shinuma ene itakhi :— Tuitak otta hemanda chi-eshinnuye wa an a?

Oro ta Sinuma ene itak hi :— Tuytak or ta hemanta ci-esinnuye wa an a?

ο δε ειπεν προς αυτον εν τω νομω τι γεγραπται πως αναγινωσκεις

And he said unto him, What is written in the law? how readest thou?

Nekon a e orooitak ya? Nei guru ese wa ene itak-hi :— Sambe osshi wano hemhem, keutura osshi wano hemhem, kiroro an pakno hemhem, ramu an pakno hemhem, Utarapa ne e koro Kamui omap yan; orowa yaiomap korachi aota un guru ne yakka omap yan, ani itak.

Nekona e oroytak ya? Ne kur ese wa ene itak hi :— Sanpe ossi wano hemhem, kewtura ossi wano hemhem, kiroro an pakno hemhem, ramuan pakno hemhem, Utarpa ne e=kor Kamuy omap yan; orowa yayomap koraci a=o ta un kur ne yakka omap yan, ani itak.

ο δε αποκριθεις ειπεν αγαπησεις κυριον τον θεον σου εξ ολης [της] καρδιας σου και εν ολη τη ψυχη σου και εν ολη τη ισχυι σου και εν ολη τη διανοια σου και τον πλησιον σου ως σεαυτον

And he answering said, Thou shalt love the Lord thy God with all thy heart, and with all thy soul, and with all thy strength, and with all thy mind; and thy neighbour as thyself.

Orota Shinuma ene itak-hi :— Aokai oupeka no ese itak nisa ruwe ne, tap korachi ki, yak anak ne eani ishu kusu ne na, ani itak.

Oro ta Sinuma ene itak hi :— Aokay owpekano ese itak nisa ruwe ne, tap koraci ki, yakanak ne eani i=su kusu ne na, ani itak.

ειπεν δε αυτω ορθως απεκριθης τουτο ποιει και ζηση

And he said unto him, Thou hast answered right: this do, and thou shalt live.

Koroka, nei guru anak ne yaikota yaioupekare rusui wa Yesu otta ene itak-hi :— Orowa, ku aota un guru nen ne ruwe he an?

Korka, ne kur anakne yaykota yayowpekare rusuy wa Yesu or ta ene itak hi :— Orowa, ku=a=o ta un kur nen ne ruwe he an?

ο δε θελων δικαιωσαι εαυτον ειπεν προς τον ιησουν και τις εστιν μου πλησιον

But he, desiring to justify himself, said unto Jesus, And who is my neighbour?

Yesu ese wa ene itak-hi; — Shine ainu anak ne Yerusarem kotan wano Yeriko kotan orun san nisa ruwe ne: awa, ikka utara orowa no ashikkashima, aige, nei utara shinuma atusare wa shirikik,

Yesu ese wa ene itak hi; — Sine aynu anakne Yerusarem kotan wano Yeriko kotan orun san nisa ruwe ne: awa, ikka utar oro wano a=sikkasma, ayke, ne utar sinuma atusare wa sirkik,

υπολαβων ο ιησους ειπεν ανθρωπος τις κατεβαινεν απο ιερουσαλημ εις ιεριχω και λησταις περιεπεσεν οι και εκδυσαντες αυτον και πληγας επιθεντες απηλθον αφεντες ημιθανη

Jesus made answer and said, A certain man was going down from Jerusalem to Jericho; and he fell among robbers, which both stripped him and beat him, and departed, leaving him half dead.

orowa, ru-rai no ande wa paye nisa ruwe ne. Orowa no po, nei ru kari Kamui kora kenru esapane guru shinen oman; nei guru shinuma nukara chiki oyake un kush wa arapa.

orowa, ru-ray no ante wa paye nisa ruwe ne. Orowano po, ne ru kari Kamuy kor kenru esapane kur sinen oman; ne kur sinuma nukar ciki oyake un kus wa arpa.

κατα συγκυριαν δε ιερευς τις κατεβαινεν [εν] εν τη οδω εκεινη και ιδων αυτον αντιπαρηλθεν

And by chance a certain priest was going down that way: and when he saw him, he passed by on the other side.

Orowa, shui nei no korachi Rebi un guru nei ushike kari oman hine nukara koro oyake un kush wa oman nisa ruwe ne.

Orowa, suy néno koraci Rebi un kur ne usike kari oman hine nukar kor oyake un kus wa oman nisa ruwe ne.

ομοιως δε και λευιτης [γενομενος] κατα τον τοπον ελθων και ιδων αντιπαρηλθεν

And in like manner a Levite also, when he came to the place, and saw him, passed by on the other side.

Koroka, Samaria kotan un guru shinen payekai hine nei guru an ushiketa ek; awa, shinuma nukara chiki erampokiwen wa kore,

Korka, Samaria kotan un kur sinen payekay hine ne kur an uske ta ek; awa, sinuma nukar ciki eranpokiwen wa kore,

σαμαρειτης σαμαριτης δε τις οδευων ηλθεν κατ αυτον και ιδων εσπλαγχνισθη

But a certain Samaritan, as he journeyed, came where he was: and when he saw him, he was moved with compassion,

orowa, orota ek wa koro piri kata shum newa tonoto ota wa nei piri kokarakara nisa ruwe ne; samata, yaikota koro chikoikip kata ore hine yando chisei orun ani wa eyam no shikkashima nisa ruwe ne.

orowa, oro ta ek wa kor piri kata sum newa tonoto ota wa ne piri kokarkar nisa ruwe ne; sama ta, yaykota kor cikoykip kata ore hine yanto cise orun ani wa eyam no sikkasima nisa ruwe ne.

και προσελθων κατεδησεν τα τραυματα αυτου επιχεων ελαιον και οινον επιβιβασας δε αυτον επι το ιδιον κτηνος ηγαγεν αυτον εις πανδοχειον και επεμεληθη αυτου

and came to him, and bound up his wounds, pouring on [them ]oil and wine; and he set him on his own beast, and brought him to an inn, and took care of him.

Orowa no, nei shimge toho ta tu denaria sange wa yando chisei kon nishpa otta kore wa ene itakhi :— Nei guru eyam no shikkashima; orowa, tambe kasu no e eiwange yak anak ne kuani ku hoshipi ita ku sange wa e kore ash kusu ne na,

Orowano, ne simke toho ta tu tenaria sanke wa yanto cise kor nispa or ta kore wa ene itak hi :— Ne kur eyam no sikkasima; orowa, tanpe kasuno e eywanke yakanak ne kuani ku=hosipi hi ta ku=sanke wa e kore as kusu ne na,

και επι την αυριον εκβαλων δυο δηναρια εδωκεν εδωκεν δυο δηναρια τω πανδοχει και ειπεν επιμεληθητι αυτου και ο τι αν προσδαπανησης εγω εν τω επανερχεσθαι με αποδωσω σοι

And on the morrow he took out two pence, and gave them to the host, and said, Take care of him; and whatsoever thou spendest more, I, when I come back again, will repay thee.

ani itak Tan ren tumugeta nei ikka utara orowa no ashikkashima ainu otta inan guru ka aota un guru ne ya? Nekon a e yainu ya? sekoro Yesu itak.

ani itak Tan ren tumke ta ne ikka utar oro wano a=sikkasma aynu or ta inan kur ka a=o ta un kur ne ya? Nekona e yaynu ya? sekor Yesu itak.

τις τουτων των τριων πλησιον δοκει σοι γεγονεναι του εμπεσοντος εις τους ληστας

Which of these three, thinkest thou, proved neighbour unto him that fell among the robbers?

Orota nei guru ene itak-hi :— Irampokiwen wa kore guru ne, ani itak. Orota Yesu ene itak-hi :— Oman wa eani ne yakka nei no korachi kara yan, ani itak.

Oro ta ne kur ene itak hi :— Iranpokiwen wa kore kur ne, ani itak. Oro ta Yesu ene itak hi :— Oman wa eani ne yakka néno koraci kar yan, ani itak.

ο δε ειπεν ο ποιησας το ελεος μετ αυτου ειπεν δε αυτω [ο] ο ιησους πορευου και συ ποιει ομοιως

And he said, He that shewed mercy on him. And Jesus said unto him, Go, and do thou likewise.

Orowa, nei utara payekai korʼan ita, shine kotan orun Shinuma ahun ruwe ne: awa, Maruta ani aye shine shiwentep anak ne koro chisei ta Shinuma reushire nisa ruwe ne.

Orowa, ne utar payekay kor an hi ta, sine kotan orun Sinuma ahun ruwe ne: awa, Maruta ani a=ye sine siwentep anakne kor cise ta Sinuma rewsire nisa ruwe ne.

εν δε τω πορευεσθαι αυτους αυτος εισηλθεν εις κωμην τινα γυνη δε τις ονοματι μαρθα υπεδεξατο αυτον εις την οικιαν

Now as they went on their way, he entered into a certain village: and a certain woman named Martha received him into her house.

Nei shiwentep otta Maria ani an reihei koro turesh-mat an ruwe ne, shinuma anak ne Utarapa koro chikiri samaketa a wa koro itak nu koro an nisa ruwe ne.

Ne siwentep or ta Maria ani an rehe kor tures-mat an ruwe ne, sinuma anakne Utarpa kor cikiri samake ta a wa kor itak nu kor an nisa ruwe ne.

και τηδε ην αδελφη καλουμενη μαριαμ [η] και παρακαθεσθεισα προς τους ποδας του κυριου ηκουεν τον λογον αυτου

And she had a sister called Mary, which also sat at the Lord’s feet, and heard his word.

Koroka, Maruta anak ne usaine okaibe gusu imontabirekashpa an; aige, shinuma Yesu otta ek wa ene itak-hi :— Utarapa, ku turesh-mat anak ne shinen ku ne po en yaishieiwangere shiri Aokai ramu-eunin ruwe? Tambe gusu shinuma en ikashui kuni ne kashpaotte wa en kore, ari itak.

Korka, Maruta anakne usayne okaype kusu imontapirekaspa an; ayke, sinuma Yesu or ta ek wa ene itak hi :— Utarpa, ku=tures-mat anakne sinen ku ne po en yaysieywankere siri Aokay ramu-ewnin ruwe? Tanpe kusu sinuma en=ikasuy kuni ne kaspaotte wa en=kore, ari itak.

η δε μαρθα περιεσπατο περι πολλην διακονιαν επιστασα δε ειπεν κυριε ου μελει σοι οτι η αδελφη μου μονην με κατελειπεν διακονειν ειπον κατελιπεν διακονειν ειπε ουν αυτη ινα μοι συναντιλαβηται

But Martha was cumbered about much serving; and she came up to him, and said, Lord, dost thou not care that my sister did leave me to serve alone? bid her therefore that she help me.

Koroka, Utarapa, ese wa ene itak-hi :— Maruta, Maruta, eani anak ne inne okaibe gusu nishomap wa ramusarak ruwe ne; koroka, an kusu ne ap shinep an:

Korka, Utarpa, ese wa ene itak hi :— Maruta, Maruta, eani anakne inne okaype kusu nisomap wa ramusarak ruwe ne; korka, an kusu ne ap sinep an:

αποκριθεις δε ειπεν αυτη ο κυριος μαρθα μαρθα μεριμνας και θορυβαζη περι πολλα

But the Lord answered and said unto her, Martha, Martha, thou art anxious and troubled about many things:

orowa, Maria anak ne orowa no auk shomoki pirika ushike numge nisa ruwe ne na.

orowa, Maria anakne oro wano auk somo ki pirka usike numke nisa ruwe ne na.

ολιγων δε εστιν χρεια η ενος ενος δε εστιν χρεια μαριαμ γαρ την αγαθην μεριδα εξελεξατο ητις ουκ αφαιρεθησεται αυτης

but one thing is needful: for Mary hath chosen the good part, which shall not be taken away from her.