Synopsis
Mattaios 16.28-17.9 §172II
28 Son no echi otta Ku ye, teda okai utara tumugeta roshki utara anak ne Ainu poho koro moshiri tura wa ek shiriki-hi nukara pakno, oara rai ambe sapke shomoki kusu ne na.
Sonno eci or ta Ku=ye, teta okay utar tumke ta roski utar anakne Aynu poho kor mosir tura wa ek siriki hi nukar pakno, oar ray anpe sapke somo ki kusu ne na.
17:1 Orowa, iwan rereko okaketa Yesu anak ne Petros newa, Yakob newa, Yakob koro iriwak ne Yoannes newa tura wa oyakta an ri nupuri hemesu nisa ruwe ne;
Orowa, iwan rerko okake ta Yesu anakne Petros newa, Yakob newa, Yakob kor irwak ne Yoannes newa tura wa oyak ta an ri nupuri hemesu nisa ruwe ne;
2 awa, nei utara shik samata Shinuma katuhu oya kat ne akan nisa ruwe ne: koro nanuhu anak ne tokap chup korachi heri at, mipihi anak shiripekere pakno retan ruwe ne.
awa, ne utar sik sama ta Sinuma katuhu oya kat ne a=kar nisa ruwe ne: kor nanuhu anakne tokap cup koraci heri at, mipihi anak sirpeker pakno retar ruwe ne.
3 Orowa ingarʼan, Mose hemhem, Ericha hemhem Shinuma tura ukowepekere wa okai katu anukan nisa ruwe ne.
Orowa inkar=an, Mose hemhem, Erica hemhem Sinuma tura ukowepekere wa okay katu a=nukar nisa ruwe ne.
4 Aige, Petros ese wa Yesu otta ene itak-hi :— Utarapa, teda chi okai kuni ambe anak ne pirika ruwe ne: Aokai E ramuoshma yakun, kuani teda kash rep-pish ku kara kusu ne; shinep anak ne Aokai gusu, shinep anak ne Mose gusu, shinep anak ne Ericha gusu ne ruwe ne.
Ayke, Petros ese wa Yesu or ta ene itak hi :— Utarpa, teta ci okay kuni anpe anakne pirka ruwe ne: Aokay E ramuosma yakun, kuani teta kas rep-pis ku=kar kusu ne; sinep anakne Aokay kusu, sinep anakne Mose kusu, sinep anakne Erica kusu ne ruwe ne.
5 Shinuma naa ye rapoketa ingarʼan, peken nishkuru shinep enkashike kamu; orowa, ingarʼan, nei nishkuru orowa no hau anu wa ene hawe okai-hi :— Tambe anak Ku omap shi no Ku enupetne Poho ne ruwe ne, Shinuma nu yan, ari hawe ash.
Sinuma naa ye rapoketa inkar=an, peker niskur sinep enkasike kamu; orowa, inkar=an, ne niskur oro wano haw anu wa ene hawe okay hi :— Tanpe anak Ku=omap sino Ku=enupetne Poho ne ruwe ne, Sinuma nu yan, ari hawe as.
6 Orowa, koikara utara nei hawe nu chiki, enpuina no hachiri, aige, shiri ishitoma nisa ruwe ne.
Orowa, koykar utar ne hawe nu ciki, enpuyna no hacir, ayke, siri isitoma nisa ruwe ne.
7 Awa, Yesu ek wa nei utara tomooshma, aige, Hopuni, iteki ishitoma yan, ari itak.
Awa, Yesu ek wa ne utar tomoosma, ayke, Hopuni, iteki isitoma yan, ari itak.
8 Orowa, hepuni wa ingara chiki nen ne yakka nukara shomoki, ouse Yesu patek nukan nisa ruwe ne na.
Orowa, hepuni wa inkar ciki nen ne yakka nukar somo ki, owse Yesu patek nukar nisa ruwe ne na.
9 Orowa, nupuri wano rap koro an ita, Yesu ikashpaotte wa ene itak-hi :— Ainu Poho rai orowa no hetopo-ashiknure an pakno tap echi nukarape nen ne yakka ika nure yan, ari ki ruwe ne.
Orowa, nupuri wano rap kor an hi ta, Yesu ikaspaotte wa ene itak hi :— Aynu Poho ray oro wano hetopo-a=siknure an pakno tap eci=nukar pe nen ne yakka ika nure yan, ari ki ruwe ne.
Markos 9.1-9 §87II
1 Orowa, orota Shinuma ene itak-hi :— Son no echi otta Ku ye, tan okai utara tumugeta teda roshki wa okai utara anak ne Kamui moshiri anak ne kiroro ani ek shiri nukara pakno oara rai ambe sapke katap shomoki kusu ne na, sekoro itak.
Orowa, oro ta Sinuma ene itak hi :— Sonno eci or ta Ku=ye, tan okay utar tumke ta teta roski wa okay utar anakne Kamuy mosir anakne kiroro ani ek siri nukar pakno oar ray anpe sapke katap somo ki kusu ne na, sekor itak.
2 Orowa, iwan rereko okaketa Yesu anak ne Petros newa Yakob newa Yoannes tura wa ainu isam ri nupuri hemesu nisa ruwe ne: awa, nei utara shik samata katuhu oya kat ne akan ruwe ne:
Orowa, iwan rerko okake ta Yesu anakne Petros newa Yakob newa Yoannes tura wa aynu isam ri nupuri hemesu nisa ruwe ne: awa, ne utar sik sama ta katuhu oya kat ne a=kar ruwe ne:
3 koro mipihi anak ne shikayekaye wa shiri retan ruwe ne; amip retaraka guru mipihi iretaraka eaikap pakno retan ruwe ne.
kor mipihi anakne sikayekaye wa siri retar ruwe ne; amip retarka kur mipihi iretarka eaykap pakno retar ruwe ne.
4 Orowa, Ericha anak ne Mose tura anukara, awa, Yesu tura uweneusara shiri an.
Orowa, Erica anakne Mose tura a=nukar, awa, Yesu tura uenewsar siri an.
5 Tata otta Petros ese wa Yesu otta ene itak-hi :— Rabbi, chi utara teda okai ambe anak ne pirika ruwe ne: kash reppish chi kanro: shinep Aokai gusu, shinep Mose gusu,
Tata or ta Petros ese wa Yesu or ta ene itak hi :— Rabbi, ci utar teta okay anpe anakne pirka ruwe ne: kas reppis ci kanro: sinep Aokay kusu, sinep Mose kusu,
6 shinep Ericha gusu ne na, ari itak. Nep itak ani itak yak pirika ya erampeutek; nei utara shiri ishitoma shiriki nisa ruwe ne gusu ne na.
sinep Erica kusu ne na, ari itak. Nep itak ani itak yak pirka ya eranpewtek; ne utar siri isitoma siriki nisa ruwe ne kusu ne na.
7 Orowa, nei utara enkashike kashi-kamu shine nishkuru ek: aige, nishkuru wano, — Tambe anak ne Ku omap an Poho ne; Shinuma echi nu yan, sekorʼan hawe an ruwe ne.
Orowa, ne utar enkasike kasi-kamu sine niskur ek: ayke, niskur wano, — Tanpe anakne Ku=omap an Poho ne; Sinuma eci=nu yan, sekor an hawean ruwe ne.
8 Orowa, ekushkonna ekeshne ingara koro, ouse tura no an Yesu moshima nen ne yakka anukara shomoki nisa ruwe ne na.
Orowa, ekuskonna ekesne inkar kor, owse turano an Yesu mosma nen ne yakka a=nukar somo ki nisa ruwe ne na.
9 Nupuri orowa no rap shiri an ita, Ainu Poho rai i orowa no hetopo-shiknu pakno iteki nen ne yakka otta nei orushpe nure kuni kashpaotte nisa ruwe ne.
Nupuri oro wano rap siri an hi ta, Aynu Poho ray i oro wano hetopo-siknu pakno iteki nen ne yakka or ta ne oruspe nure kuni kaspaotte nisa ruwe ne.
Roukos 9.27-36 §98II
27 Son no newa, echi otta Ku ye; — Kamui moshiri shomo nukara pakno rai-i sapke shomoki utara tane teda ash wa okai ruwe ne, ari itak.
Sonno newa, eci or ta Ku=ye; — Kamuy mosir somo nukar pakno ray hi sapke somo ki utar tane teta as wa okay ruwe ne, ari itak.
28 Tan orushpe aye orowa tupesan rereko ehange pakita, Shinuma anak ne Petros hemhem Yoannes hemhem Yakob hemhem tura wa inonno-itak ki kuni gusu nupuri hemesu nisa ruwe ne.
Tan oruspe a=ye orowa tupesan rerko ehanke pakita, Sinuma anakne Petros hemhem Yoannes hemhem Yakob hemhem tura wa inonno-itak ki kuni kusu nupuri hemesu nisa ruwe ne.
29 Awa, inonno-itak ki rapoketa koro nanu iporo shinnai no an, orowa, koro mipihi retara wa kiaiush nisa ruwe ne.
Awa, inonno-itak ki rapoketa kor nanu iporo sinnayno an, orowa, kor mipihi retar wa kiayus nisa ruwe ne.
30 Orowa, ingarʼan, tu ainu Shinuma tura itak korʼan, shinen anak ne Mose ne,
Orowa, inkar=an, tu aynu Sinuma tura itak kor an, sinen anakne Mose ne,
31 shinen anak Ericha ne ruwe ne; nei utara araguru otta anukara, awa, Shinuma Yerusarem kotan ta ki kusu ne moshiri kohoppa-i gusu itak nisa ruwe ne.
sinen anak Erica ne ruwe ne; ne utar a=rakur or ta a=nukar, awa, Sinuma Yerusarem kotan ta ki kusu ne mosir kohoppa hi kusu itak nisa ruwe ne.
32 Petros newa tura no okai utara anak ne mokon rusui wa okai, koroka, nei utara irammaka mosh an chiki, Shinuma koro araguru hemhem tura no roshki wa okai tu ainu hemhem nukara.
Petros newa turano okay utar anakne mokor rusuy wa okay, korka, ne utar i=rammaka mos an ciki, Sinuma kor a=rakur hemhem turano roski wa okay tu aynu hemhem nukar.
33 Orowa, nei utara Shinuma ekohopi wa paye koro okai ita, Petros anak ne Yesu otta ene itak-hi :— Nishpa, chi utara teda okai kuni ambe anak ne pirika ruwe ne; kash reppish chi kara ash; shinep Aokai gusu, shinep Mose gusu, shinep Ericha gusu akara, ari itak; shinuma yaikota ye itak erampeutek ruwe ne gusu ne na.
Orowa, ne utar Sinuma ekohopi wa paye kor okay hi ta, Petros anakne Yesu or ta ene itak hi :— Nispa, ci utar teta okay kuni anpe anakne pirka ruwe ne; kas reppis ci kar as; sinep Aokay kusu, sinep Mose kusu, sinep Erica kusu a=kar, ari itak; sinuma yaykota ye itak eranpewtek ruwe ne kusu ne na.
34 Orowa, tan itak ye rapoketa nishkuru ek wa shinuma utara kashi-kamu: awa, nishkuru otta ahup aige ishitoma nisa ruwe ne.
Orowa, tan itak ye rapoketa niskur ek wa sinuma utar kasi-kamu: awa, niskur or ta ahup ayke isitoma nisa ruwe ne.
35 Orowa, nishkuru wano hawe anu wa ene ye-hi: Tambe anak Ku Poho ne,
Orowa, niskur wano hawe anu wa ene ye hi: Tanpe anak Ku Poho ne,
36 Ku numgep ne, Shinuma nu yan, ari itak. Orowa, nei hau aokere chiki Yesu shinen ne an wa anukara. Orowa, nei utara nep ka itak shomoki, nei toho ta anukara ambe moshima utara otta nei pakihi ta nure shomoki nisa ruwe ne na.
Ku numkep ne, Sinuma nu yan, ari itak. Orowa, ne haw a=okere ciki Yesu sinen ne an wa a=nukar. Orowa, ne utar nep ka itak somo ki, ne toho ta a=nukar anpe mosma utar or ta ne pakihi ta nure somo ki nisa ruwe ne na.
Markos 9.10 §88X
10 Awa, shinuma utara tan itak shikkashima; orowa no, rai i orowa no hetopo-shiknu sekorʼan itak itak ibehe, nekon a ibehe ne nangoro ya ani an ambe ani utashpa uwepekennu nisa ruwe ne.
Awa, sinuma utar tan itak sikkasima; orowano, ray i oro wano hetopo-siknu sekor an itak itak ipehe, nekona ipehe ne nankor ya ani an anpe ani utaspa uwepekennu nisa ruwe ne.
Mattaios 17.10-13 §173VI
10 Orota koro koikara utara uwepekennu wa ene itak-hi :— Yakun, kambi-nuye utara anak ne Ericha hoshiki no ek kusu ne, ari nep gusu itak ya?
Oro ta kor koykar utar uwepekennu wa ene itak hi :— Yakun, kampi-nuye utar anakne Erica hoskino ek kusu ne, ari nep kusu itak ya?
11 Shinuma ese wa ene itak-hi :— Ericha anak ne son no ka ek wa nep ne yakka hoshipire kusu ne;
Sinuma ese wa ene itak hi :— Erica anakne sonno ka ek wa nep ne yakka hosipire kusu ne;
12 koroka, echi otta Ku ye, Ericha ek okere ruwe ne, orowa, utara anak ne shomo shinuma eamkiri wa rengaine otta ikichi nisa ruwe ne. Tambe korachi Ainu Poho ne yakka nei utara orowa no aeramushitnere kusu ne, ari itak.
korka, eci or ta Ku=ye, Erica ek okere ruwe ne, orowa, utar anakne somo sinuma e=amkir wa renkayne or ta ikici nisa ruwe ne. Tanpe koraci Aynu Poho ne yakka ne utar oro wano aeramusitnere kusu ne, ari itak.
13 Orowa, Baptisma kore Yoannes epeka no Shinuma itak ruwe ne ani koikara utara eramu an wa an ruwe ne na.
Orowa, Baptisma kore Yoannes epeka no Sinuma itak ruwe ne ani koykar utar eramuan wa an ruwe ne na.
Markos 9.11-13 §89VI
11 Orowa, utara anak ne Shinuma otta, Ericha hoshiki no ek kusu ne, ani kambi-nuye utara ye ambe gusu uwepekennu.
Orowa, utar anakne Sinuma or ta, Erica hoskino ek kusu ne, ani kampi-nuye utar ye anpe kusu uwepekennu.
12 Orota, Shinuma ene itak-hi :— Son no ka un, Ericha hoshiki no ek wa nep ne yakka iki: orowa, Ainu Poho hemanda okaibe ani ayairamshitnere wa otta shomo yaikatanu aki katu chieshinnuye wa an a?
Oro ta, Sinuma ene itak hi :— Sonno ka un, Erica hoskino ek wa nep ne yakka iki: orowa, Aynu Poho hemanta okaype ani ayayramsitnere wa or ta somo yaykatanu aki katu ciesinnuye wa an a?
13 Koroka, echi otta Ku ye, Ericha ek okere, aige, gusu chieshinnuye wa an korachi utara anak ne rengaine nei guru gusu iki nisa ruwe ne na, ari itak.
Korka, eci or ta Ku=ye, Erica ek okere, ayke, kusu ciesinnuye wa an koraci utar anakne renkayne ne kur kusu iki nisa ruwe ne na, ari itak.
Markos 9.14-16 §90X
14 Orowa, koikara utara otta araki chiki nei okari poro inne utara newa kambi-nuye utara ko-uwepekennu shiri anukara.
Orowa, koykar utar or ta arki ciki ne okari poro inne utar newa kampi-nuye utar ko-uwepekennu siri a=nukar.
15 Awa, nani inne utara obitta Shinuma nukara chiki shiri kimatek wa orota hoyuppa hine ko-ongami nisa ruwe ne.
Awa, nani inne utar opitta Sinuma nukar ciki siri kimatek wa oro ta hoyuppa hine ko-onkami nisa ruwe ne.
16 Aige, orota nu wa Shinuma ene itak-hi :— Nei utara tura hemanda echi uwepekennu ruwe he an?
Ayke, oro ta nu wa Sinuma ene itak hi :— Ne utar tura hemanta eci=uwepekennu ruwe he an?
Mattaios 17.14-18 §174II
14 Orowa, inne utara orota araki chiki anak ne shine ainu Shinuma orota ek wa kokkaea hine ene itak-hi :—
Orowa, inne utar oro ta arki ciki anakne sine aynu Sinuma oro ta ek wa kokkaea hine ene itak hi :—
15 Utarapa, ku okkai poho erampokiwen wa en kore; shinuma nupitke tashum ki wa shi no aeramushitne ruwe ne, kanna-kanna abe otta hachiri, kanna-kanna wakka otta ne yakka hachin ruwe ne.
Utarpa, ku=okkay poho eranpokiwen wa en=kore; sinuma nupitke tasum ki wa sino a=eramusitne ruwe ne, kanna-kanna ape or ta hacir, kanna-kanna wakka or ta ne yakka hacir ruwe ne.
16 Aige, E koro koikara utara otta ku tura wa ek a koroka, iwangere
Ayke, E=kor koykar utar or ta ku tura wa ek a korka, iwankere
17 eaikap ruwe ne. Orowa, Yesu ese wa ene itak-hi :— Aa, eishokoro-i sak wa oheuge ikiri, hembara pakno echi tura no Ku an kusu ne ya? Hembara pakno echi eyaishiporore kusu ne ya? Nei guru En otta tura wa ek yan, ari itak.
eaykap ruwe ne. Orowa, Yesu ese wa ene itak hi :— Aa, eysokor hi sak wa ohewke ikiri, henpara pakno eci turano Ku=an kusu ne ya? Henpara pakno eci=eyaysiporore kusu ne ya? Ne kur En or ta tura wa ek yan, ari itak.
18 Orowa, Yesu sakayo itak ki; awa, nitne kamui oashin; aige, nei i orota nei heikachi aiwangere nisa ruwe ne na.
Orowa, Yesu sakayo itak ki; awa, nitne kamuy oasin; ayke, ne i oro ta ne hekaci aywankere nisa ruwe ne na.
Markos 9.17-27 §91II
17 Orowa, inne utara oshiketa shiueu anak ne ese wa ene itak-hi :— Epakashnu guru, shomo itak ramat shikatkare ku poho e otta ku tura wa ek;
Orowa, inne utar oske ta siwew anakne ese wa ene itak hi :— Epakasnu kur, somo itak ramat sikatkare ku=poho e or ta ku tura wa ek;
18 awa, neita ne yakka ashikatkare yupke ita ayasa; orowa, koishum oashinge wa nimaki niyorokara, orowa, sattek ne ruwe ne: E koro koikara utara nei ramat oashinge gusu ku koramkoro, koroka,
awa, ney ta ne yakka asikatkare yupke hi ta a=yasa; orowa, koysum oasinke wa nimaki niyorkar, orowa, sattek ne ruwe ne: E=kor koykar utar ne ramat oasinke kusu ku=koramkor, korka,
19 eaikap ruwe ne, sekoro itak. Nei utara otta Shinuma ese wa ene itak-hi :— Aa eishokor-i sak ikiri, hembara pakno echi tura no Ku an kusu ne ya? Hembara pakno echi gusu Ku yaishiporore ya? En orota i ani wa ek yan, ari itak.
eaykap ruwe ne, sekor itak. Ne utar or ta Sinuma ese wa ene itak hi :— Aa eysokor hi sak ikiri, henpara pakno eci turano Ku=an kusu ne ya? Henpara pakno eci kusu Ku=yaysiporore ya? En oro ta i ani wa ek yan, ari itak.
20 Orowa, Shinuma otta atura wa araki: awa, nei guru Shinuma ingara chiki nani ramat anak ne, yupke no pitkere; aine, shiri kata hachiri wa teshke-teshke hine koishum oashinge nisa ruwe ne.
Orowa, Sinuma or ta a=tura wa arki: awa, ne kur Sinuma inkar ciki nani ramat anakne, yupke no pitkere; ayne, siri kata hacir wa teske-teske hine koysum oasinke nisa ruwe ne.
21 Orowa, hembara wano tan tashum ki ruwe, koro michi otta Shinuma inu. Ponram orowa no ani nei guru ye.
Orowa, henpara wano tan tasum ki ruwe, kor mici or ta Sinuma inu. Ponram oro wano ani ne kur ye.
22 Orowa, kanna-kanna shinuma raige kuni ne abe otta hene wakka oshiketa hene eyapkiri ruwe ne, koroka, Aokai nep ka ki eashkai chiki, un erampokiwen wa un kashiobiuki wa un kore, sekoro itak.
Orowa, kanna-kanna sinuma rayke kuni ne ape or ta hene wakka oske ta hene eyapkir ruwe ne, korka, Aokay nep ka ki easkay ciki, un eranpokiwen wa un kasiopiwki wa un kore, sekor itak.
23 Orota Yesu ene itak-hi :— Ki eashkai! Eishokoro guru otta anak ne nep ne yakka an eashkaibe ne.
Oro ta Yesu ene itak hi :— Ki easkay! Eysokor kur or ta anakne nep ne yakka an easkay pe ne.
24 Nani nei michi anak ne hawe ashte wa, ku eishokon ruwe ne, ku eishokor-i sakbe kashiobiuki wa en kore.
Nani ne mici anakne hawe aste wa, ku=eysokor ruwe ne, ku=eysokor hi sak pe kasiopiwki wa en=kore.
25 Orowa, inne utara hoyuppa wa uwekarapa shiri Yesu nukara chiki, Ichakkere ramat ko-sakayokara wa otta ene itak-hi :— Shomo-itak ashpa uwopuk ramat, nei guru wano oashin wa, kannashui iteki otta ahun yan, ari ku kashpaotte na.
Orowa, inne utar hoyuppa wa uekarpa siri Yesu nukar ciki, Icakkere ramat ko-sakayokar wa or ta ene itak hi :— Somo-itak aspa uwopuk ramat, ne kur wano oasin wa, kannasuy iteki or ta ahun yan, ari ku=kaspaotte na.
26 Orowa, hawe ashte koro shiri shinuma pitkere chiki oashin: awa, nei guru rai guru korachi ne: shinuma rai okere ari inne utara poro sereke ye pakno ne ruwe ne.
Orowa, hawe aste kor siri sinuma pitkere ciki oasin: awa, ne kur raykur koraci ne: sinuma ray okere ari inne utar poro serke ye pakno ne ruwe ne.
27 Koroka, Yesu anak ne koro tekehe kishima wa punire, orowa, shinuma hopuni nisa ruwe ne.
Korka, Yesu anakne kor tekehe kisma wa punire, orowa, sinuma hopuni nisa ruwe ne.
Roukos 9.37-42 §99II
37 Orowa, nei shimge toho ta nupuri wano rap chiki, poro inne utara Shinuma etunangan nisa ruwe ne.
Orowa, ne simke toho ta nupuri wano rap ciki, poro inne utar Sinuma etunankar nisa ruwe ne.
38 Awa, ingarʼan, inne utara tumuge wano shine Ainu hawe ashte wa ene itak-hi :— Epakashnu guru, nekon ka newa ku poho nukan-nukara wa en kore; shinuma ku shinen ne poho ne ruwe ne:
Awa, inkar=an, inne utar tumuke wano sine Aynu hawe aste wa ene itak hi :— Epakasnu kur, nekon ka newa ku=poho nukan-nukar wa en=kore; sinuma ku=sinen ne poho ne ruwe ne:
39 orowa, ingarʼan, ramat anak ne shinuma turen wa ekushkonna hawe ashte; orowa, ramat shinuma yasa gusu koishum sange pakno ki ruwe ne, orowa, poron no piri o wa aine-aine orowa no oman ruwe ne.
orowa, inkar=an, ramat anakne sinuma turen wa ekuskonna hawe aste; orowa, ramat sinuma yasa kusu koysum sanke pakno ki ruwe ne, orowa, poronno piri o wa ayne-ayne oro wano oman ruwe ne.
40 Nei ambe oashingere kuni ne E koro koikara utara ku koramkoro, awa, eaikapbe, ari itak.
Ne anpe oasinkere kuni ne E=kor koykar utar ku=koramkor, awa, eaykap pe, ari itak.
41 Orowa, Yesu ese wa ene itak-hi :— Eishokorʼi sak, ehaita ainu ikiri, hembara pakno echi tura no Ku an wa eyaishiporore ya? E koro poho ani wa ek yan.
Orowa, Yesu ese wa ene itak hi :— Eysokor i sak, ehayta aynu ikiri, henpara pakno eci turano Ku=an wa eyaysiporore ya? E=kor poho ani wa ek yan.
42 Orowa, naa ek aine nitne kamui shinuma hokushte wa toiko machitke nisa ruwe ne. Koroka, Yesu anak ne nei Ichakkere ramat kosakayokara hine heikachi iwangere wa koro michi otta koropare nisa ruwe ne.
Orowa, naa ek ayne nitne kamuy sinuma hokuste wa toyko macitke nisa ruwe ne. Korka, Yesu anakne ne Icakkere ramat kosakayokar hine hekaci iwankere wa kor mici or ta korpare nisa ruwe ne.
Markos 9.28-29 §92X
28 Orowa, chisei orun ahun chiki koikara utara anak ne arorokishne no Shinuma otta,
Orowa, cise orun ahun ciki koykar utar anakne arorkisneno Sinuma or ta,
29 Chi utara nei ap oashinge eaikap ikkewehe nu ruwe ne. Aige, orota, nei okaibe anak ne moshima ambe gusu shomo ne, ouse inonno-itak an gusu oashinbe ne ruwe ne, ari itak.
Ci utar ne ap oasinke eaykap ikkewehe nu ruwe ne. Ayke, oro ta, ne okaype anakne mosma anpe kusu somo ne, owse inonno-itak an kusu oasinpe ne ruwe ne, ari itak.
Mattaios 17.22-23 §176II
22 Orowa, Gariraya moshiri ta okai rapoketa, nei utara otta Yesu ene itak-hi :— Ainu Poho anak ne utara teke otta aekoshi kusu ne; orowa utara orowa no araige, aige, rereko an ita hetopo-a-shiknure kusu ne,
Orowa, Gariraya mosir ta okay rapoketa, ne utar or ta Yesu ene itak hi :— Aynu Poho anakne utar teke or ta a=ekosi kusu ne; orowa utar oro wano arayke, ayke, rerko an hi ta hetopo-a-siknure kusu ne,
23 ari itak. Orowa, nei utara shi no oknatan nisa ruwe ne na.
ari itak. Orowa, ne utar sino oknatan nisa ruwe ne na.
Markos 9.30-32 §93II
30 Orowa, shinuma utara nei kotan wano paye wa Gariraya moshiri kush nisa ruwe ne; awa, nen ne yakka iteki nei ambe eramu an kuni Shinuma kon rusui ruwe ne.
Orowa, sinuma utar ne kotan wano paye wa Gariraya mosir kus nisa ruwe ne; awa, nen ne yakka iteki ne anpe eramuan kuni Sinuma kor rusuy ruwe ne.
31 Orowa, Shinuma koikara utara epakashnu wa, ene itak-hi :— Ainu Poho anak ne utara teke otta aekoshi, aige, nei utara Shinuma raige kusu ne; araige okere chiki rereko orowa no hetopo-shiknu kusu ne, ari itak.
Orowa, Sinuma koykar utar epakasnu wa, ene itak hi :— Aynu Poho anakne utar teke or ta a=ekosi, ayke, ne utar Sinuma rayke kusu ne; arayke okere ciki rerko oro wano hetopo-siknu kusu ne, ari itak.
32 Koroka, utara anak ne nei itak ibehe erampeutek, samata, otta ibehe nu kuni ishitoma ruwe ne.
Korka, utar anakne ne itak ipehe eranpewtek, sama ta, or ta ipehe nu kuni isitoma ruwe ne.
Roukos 9.43B-45 §101II
43 Orowa, utara obitta Kamui poro pase ambe eiyokunnure ruwe ne. Koroka, utara obitta Shinuma ki ikip enushkari wa okai ita, koro koikara utara otta Shinuma ene itak-hi :—
Orowa, utar opitta Kamuy poro pase anpe e=iyokunnure ruwe ne. Korka, utar opitta Sinuma ki iki p enuskari wa okay hi ta, kor koykar utar or ta Sinuma ene itak hi :—
44 Tan okai itak echi kisara otta ahunge yan: inambe gusu ne yakun, Ainu Poho anak ne utara tekehe otta aekoshi kusu ne gusu ne na.
Tan okay itak eci=kisara or ta ahunke yan: inanpe kusu ne yakun, Aynu Poho anakne utar tekehe or ta a=ekosi kusu ne kusu ne na.
45 Koroka, nei utara tap itak erampeutek, nei ambe iteki aeram' an kuni ne anuina wa an kusu ne gusu ne na: orowa, tan itak gusu uwepekennu kuni ishitoma nisa ruwe ne.
Korka, ne utar tap itak eranpewtek, ne anpe iteki aeram' an kuni ne a=nuyna wa an kusu ne kusu ne na: orowa, tan itak kusu uwepekennu kuni isitoma nisa ruwe ne.
Markos 9.33 §94X
33 Orowa, Kapernaum kotan ta araki: awa, chisei ta okai koro, — Ru hontomota nepi echi eukoyupekere ya? ani Shinuma nu ruwe ne.
Orowa, Kapernaum kotan ta arki: awa, cise ta okay kor, — Ru hontom ta nep eci ewkoyupekere ya? ani Sinuma nu ruwe ne.
Mattaios 18.1-5 §178II
1 Nei ita anak ne koikara utara Yesu orota araki wa ene itak-hi :— Yakun, kando moshiri ta hunna iyotta pase guru ne ruwe he an? ani itak.
Ne hi ta anakne koykar utar Yesu oro ta arki wa ene itak hi :— Yakun, kanto mosir ta hunna iyotta pase kur ne ruwe he an? ani itak.
2 Orowa, Yesu shine pon guru shihekote hotuyekara wa nei utara noshiteta ande wa ene itak-hi :—
Orowa, Yesu sine pon kur sihekote hotuyekar wa ne utar nositeta ante wa ene itak hi :—
3 Son no echi otta Ku ye, echi utara hosari wa pon utara okai-i korachi ne shomoki yak anak ne, oara Kando moshiri ahup eaikap kusu ne.
Sonno eci or ta Ku=ye, eci utar hosari wa pon utar okay hi koraci ne somo ki yakanak ne, oar Kanto mosir ahup eaykap kusu ne.
4 Tambe gusu, nen ne yakka tan pon poho an i korachi yaieoripakka guru anak ne nei guru anak Kando moshiri ta iyotta pase guru ne ruwe ne.
Tanpe kusu, nen ne yakka tan pon poho an i koraci yayeoripakka kur anakne ne kur anak Kanto mosir ta iyotta pase kur ne ruwe ne.
5 Orowa, nen ne yakka Ku reihei ankushkerai gusu tap korachi an shine pon guru uk gurʼanak ne En uk ruwe ne:
Orowa, nen ne yakka Ku=rehe an kuskeray kusu tap koraci an sine pon kur uk kur anakne En=uk ruwe ne:
Markos 9.34-37A §95II
34 Koroka, nei utara nep ka ye shomoki inambe gusu ne yakun, iyotta pase guru nen ne ruwe he an sekorʼambe ani nei utara ru hontomota uwe-eukoyupekere nisa ruwe ne gusu ne na.
Korka, ne utar nep ka ye somo ki inanpe kusu ne yakun, iyotta pase kur nen ne ruwe he an sekor anpe ani ne utar ru hontom ta ue-ewkoyupekere nisa ruwe ne kusu ne na.
35 Orowa, Shinuma a, aige, orota nei tu niu ikashima wa niu hotuyekara wa ene itak-hi :— Sapane rusui guru an chiki, nei guru iyotta keseke un gun ne, obitta no okai utara koro uitek guru ne kusu ne na, sekoro itak.
Orowa, Sinuma a, ayke, oro ta ne tu niw ikasma wa niw hotuyekar wa ene itak hi :— Sapane rusuy kur an ciki, ne kur iyotta keseke un kunne, opittano okay utar kor uytek kur ne kusu ne na, sekor itak.
36 Orowa, Shinuma shine pon guru uk wa utara noshiketa ande: orowa, tek omare wa nei utara otta ene itak-hi :—
Orowa, Sinuma sine pon kur uk wa utar noske ta ante: orowa, tek omare wa ne utar or ta ene itak hi :—
37 Nen ne yakka Ku reihei rengap gusu tap korachi an pon guru uk gurʼanak ne En uk ruwe ne: orowa, nen ne yakka En uk gurʼanak ne En uk shomoki koroka En omandep uk ruwe ne, ari itak.
Nen ne yakka Ku=rehe renkap kusu tap koraci an pon kur uk kur anakne En=uk ruwe ne: orowa, nen ne yakka En=uk kur anakne En=uk somo ki korka En omantep uk ruwe ne, ari itak.
Roukos 9.46-48 §102II
46 Orowa, inan guru iyotta pase guru ne kusu ne ya sekorʼan upakoiki ambe anak ne nei utara tumta ahun nisa ruwe ne. Koroka,
Orowa, inan kur iyotta pase kur ne kusu ne ya sekor an upakoyki anpe anakne ne utar tum ta ahun nisa ruwe ne. Korka,
47 Yesu nei utara koro keutum ta upaore an ambe eraman koro, shine pon guru uk wa yaikota samata ande wa nei utara otta ene itak-hi :—
Yesu ne utar kor kewtum ta upaore an anpe eraman kor, sine pon kur uk wa yaykota sama ta ante wa ne utar or ta ene itak hi :—
48 Nen ne yakka Ku reihei rengap gusu tan pon guru uk guru anak ne En uk ruwe ne: samata, nen ne yakka En uk gurʼanak ne En omande guru uk ruwe ne: inambe gusu ne yakun, obitta no echi utara tumugeta an iyotta pon guru anak ne, nei guru anak pase ruwe ne, sekoro itak.
Nen ne yakka Ku=rehe renkap kusu tan pon kur uk kur anakne En=uk ruwe ne: sama ta, nen ne yakka En=uk kur anakne En=omante kur uk ruwe ne: inanpe kusu ne yakun, opittano eci utar tumke ta an iyotta pon kur anakne, ne kur anak pase ruwe ne, sekor itak.
Markos 9.37B §96I
37 Nen ne yakka Ku reihei rengap gusu tap korachi an pon guru uk gurʼanak ne En uk ruwe ne: orowa, nen ne yakka En uk gurʼanak ne En uk shomoki koroka En omandep uk ruwe ne, ari itak.
Nen ne yakka Ku=rehe renkap kusu tap koraci an pon kur uk kur anakne En=uk ruwe ne: orowa, nen ne yakka En=uk kur anakne En=uk somo ki korka En omantep uk ruwe ne, ari itak.
Roukos 10.16 §116I
16 Hedes pakno e range an kusu ne na. Echi nu guru anak ne En nu ruwe ne; orowa, echi emaka gurʼanak En emaka ruwe ne; orowa; En emaka guru anak ne En omande guru ne yakka emaka ruwe ne na.
Hedes pakno e ranke an kusu ne na. Eci=nu kur anakne En=nu ruwe ne; orowa, eci=emaka kur anak En=emaka ruwe ne; orowa; En=emaka kur anakne En=omante kur ne yakka emaka ruwe ne na.
Yoannes 5.23B §40I
23 Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.
Sonno sonno eci or ta Ku=ye, Ku=itak nu wa En omantep eysokor kur anakne ramma okere somo ki inotu kor, orowa, akoypisi somo ki, korka, ray hi oro wano paye wa inotu or ta ahun nisa ruwe ne.
Yoannes 12.44-45 §111I
44 Orowa, Yesu hawe ashte wa ene itak-hi :— En eishokoro gurʼanak ne En eishokoro shomoki, koroka, En omandep eishokon ruwe ne.
Orowa, Yesu hawe aste wa ene itak hi :— En=eysokor kur anakne En=eysokor somo ki, korka, En omantep eysokor ruwe ne.
45 Samata, En nukara gurʼanak ne En omandep nukan ruwe ne.
Sama ta, En=nukar kur anakne En omantep nukar ruwe ne.
Yoannes 13.20 §120I
20 Son no, son no, echi otta Ku ye, nen ne yakka Ku omande guru uk gurʼanak ne En uk ruwe ne; orowa, En uk gurʼanak ne En omandep uk ruwe ne.
Sonno, sonno, eci or ta Ku=ye, nen ne yakka Ku=omante kur uk kur anakne En=uk ruwe ne; orowa, En=uk kur anakne En omantep uk ruwe ne.
Yoannes 14.21B §129I
21 Ku ikashpaotte koro wa nei ambe shikkashima gurʼanak ne En omap gunʼne: orowa, En omap guru anak ne Ku Michi orowa no aomap kusu ne, orowa, Kuani anak shinuma omap wa otta yaikota Ku yainukara kusu ne na.
Ku=ikaspaotte kor wa ne anpe sikkasima kur anakne En=omap kunne: orowa, En=omap kur anakne Ku Mici oro wano a=omap kusu ne, orowa, Kuani anak sinuma omap wa or ta yaykota Ku yaynukara kusu ne na.
Yoannes 14.24B-25 §131I
24 En omap shomoki guru anak ne Ku itak shikkashima shomoki ruwe ne: orowa, echi nu itak anak ne Ku korobe shomo ne, koroka, En omande Michi korobe ne ruwe ne.
En=omap somo ki kur anakne Ku=itak sikkasima somo ki ruwe ne: orowa, eci=nu itak anakne Ku=kor pe somo ne, korka, En=omante Mici kor pe ne ruwe ne.
25 Echi tura no Ku an rapoketa tap okaibe echi otta Ku ye nisa ruwe ne.
Eci turano Ku=an rapoketa tap okaype eci or ta Ku=ye nisa ruwe ne.
Markos 9.38-40 §97VIII
38 Yoannes anak ne Shinuma otta ene itak-hi :— Epakashnu guru, E reihei ankushtapne nitne kamui oashinge guru shinen chi nukara, awa, nei guru un osh ek shomoki gusu chi hattoki ash nisa ruwe ne, ari itak.
Yoannes anakne Sinuma or ta ene itak hi :— Epakasnu kur, E rehe ankustapne nitne kamuy oasinke kur sinen ci nukar, awa, ne kur un os ek somo ki kusu ci hattoki as nisa ruwe ne, ari itak.
39 Koroka, Yesu ene itak-hi :— Iteki hattoki yan: inambe gusu ne yakun, Ku reihei ankushtapne kiroro umbe ki wa tunashi no En ohaigekara guru isam ruwe ne gusu ne na.
Korka, Yesu ene itak hi :— Iteki hattoki yan: inanpe kusu ne yakun, Ku=rehe ankustapne kiroro un pe ki wa tunasno En=ohaykekar kur isam ruwe ne kusu ne na.
40 Un epokba shomoki gurʼanak ne un ramuoshma ruwe ne.
Un epokpa somo ki kur anakne un ramuosma ruwe ne.
Roukos 9.49-50 §103VIII
49 Yoannes ese wa ene itak-hi :— Nishpa, E reihei ani nitne kamui oashinge guru shinen chi nukara; awa, nei guru un tura no E osh ek shomoki gusu chi hattoki nisa ruwe ne.
Yoannes ese wa ene itak hi :— Nispa, E rehe ani nitne kamuy oasinke kur sinen ci nukar; awa, ne kur un turano E os ek somo ki kusu ci hattoki nisa ruwe ne.
50 Koroka, otta Yesu ene itak-hi :— Iteki hattoki yan, inambe gusu ne yakun, echi epokba shomoki guru anak ne echi tura no an ruwe ne gusu ne na, ari itak.
Korka, or ta Yesu ene itak hi :— Iteki hattoki yan, inanpe kusu ne yakun, eci epokpa somo ki kur anakne eci turano an ruwe ne kusu ne na, ari itak.
Mattaios 10.42 §100VI
42 Orowa, nen ne yakka En koikara guru ne gusu teda okai shine nokan guru otta nam wakka shine itangi patek poka kure gurʼanak ne, son no echi otta Ku ye, nei guru anak koro pummaha earikimre turainu shomoki kusu ne ruwe ne na.
Orowa, nen ne yakka En=koykar kur ne kusu teta okay sine nokan kur or ta nam wakka sine itanki patek poka kur kur anakne, sonno eci or ta Ku=ye, ne kur anak kor pummaha earikimre turaynu somo ki kusu ne ruwe ne na.
Markos 9.41 §98VI
41 Orowa, nen ne yakka echi utara anak Kiristo koro utara echi ne na gusu iku kuni wakka shine itangi echi kore gurʼanak ne, son no echi otta Ku ye, nei guru oara koro pummaha turainu shomoki kusu ne.
Orowa, nen ne yakka eci utar anak Kiristo kor utar eci ne na kusu iku kuni wakka sine itanki eci=kore kur anakne, sonno eci or ta Ku=ye, ne kur oar kor pummaha turaynu somo ki kusu ne.
Mattaios 18.6-7 §179II
6 koroka, En eishokoro wa an shine pon guru epetchiure guru an chiki, nei guru poro shuma-nishu rekuchi aunu wa ooho atui otta arende-i anak, nei guru gusu pirika ruwe ne.
korka, En=eysokor wa an sine pon kur epetciwre kur an ciki, ne kur poro suma-nisu rekuci a=wn wa ooho atuy or ta arente hi anak, ne kur kusu pirka ruwe ne.
7 Epetchiure-i an gusu moshiri yaisambepokash humi; inambe gusu ne yakun, epetchiure-i anak ne ek gusu ne ap ruwe ne; koroka, gusu epetchiure ambe hetuku guru yaisambepokash ruwe ne.
epetciwre hi an kusu mosir yaysanpepokas humi; inanpe kusu ne yakun, epetciwre hi anakne ek kusu ne ap ruwe ne; korka, kusu epetciwre anpe hetuku kur yaysanpepokas ruwe ne.
Markos 9.42 §99II
42 Orowa, nen ne yakka tap okai En eishokoro pon guru shinen ure-epetchiure gurʼanak ne, nei guru koro rekuchi otta poro shumanishu aunu wa atui otta aeyapkiri katu nei guru gusu kasu no pirika ruwe ne.
Orowa, nen ne yakka tap okay En=eysokor pon kur sinen ure-epetciwre kur anakne, ne kur kor rekuci or ta poro sumanisu a=wn wa atuy or ta a=eyapkir katu ne kur kusu kasuno pirka ruwe ne.
Roukos 17.1-2 §197II
1 Orowa, Shinuma anak ne koro koikara utara otta ene itak-hi :— Epetchiurep shomo ek katu anak ne aeaikapbe ne ruwe ne: koroka, nei ambe ekte guru anak ne aeyaisambepokash humi!
Orowa, Sinuma anakne kor koykar utar or ta ene itak hi :— Epetchiurep somo ek katu anakne aeaykappe ne ruwe ne: korka, ne anpe ekte kur anakne aeyaysanpepokas humi!
2 Nei guru anak teda okai nokan utara un shinen epetchiure kasu no, shinuma rekuchi otta shuma-nishu aunu hine atui otta aeyapkiri-i anak nei guru gusu naa pirika ruwe ne.
Ne kur anak teta okay nokan utar un sinen epetciwre kasuno, sinuma rekuci or ta suma-nisu a=wn hine atuy or ta a=eyapkir hi anakne kur kusu naa pirka ruwe ne.
Mattaios 18.8-9 §180VI
8 Orowa, e teke hene e chikiri hene e epetchiure yak anak ne oattuye wa osura yan: inambe gusu ne yakun, tu teke hene tu chikiri hene koro wa hembara pakno ne yakka ush shomoki abe otta aeyapkiri ambe kasu no hera hene yaiewen hene ne wa ishu-i otta ahun katu eani gusu naa pirika ruwe ne.
Orowa, e teke hene e cikiri hene e epetciwre yakanak ne oattuye wa osura yan: inanpe kusu ne yakun, tu teke hene tu cikiri hene kor wa henpara pakno ne yakka us somo ki ape or ta a=eyapkir anpe kasuno her hene yayewen hene ne wa i=su hi or ta ahun katu eani kusu naa pirka ruwe ne.
9 Orowa, e shikihi e epetchiure yak anak ne oashinge wa osura yan: inambe gusu ne yakun, tu shikihi koro wa Gehenna un abe otta aeyapkiri ambe kasu no shine shiki koro wa ishu-i otta ahun katu eani gusu naa pirika ruwe ne.
Orowa, e sikihi e epetciwre yakanak ne oasinke wa osura yan: inanpe kusu ne yakun, tu sikihi kor wa Gehenna un ape or ta a=eyapkir anpe kasuno sine siki kor wa i=su hi or ta ahun katu eani kusu naa pirka ruwe ne.
Markos 9.43-47 §100VI
43 E koro tekehe e epetchiure yakun, oattuye yan: inambe gusu ne yakun, tu teke e koro wa Gehenna un, aushka eaikap abe un, oman kasu no eani hera wa ishu-i otta ahun katu anak ne eani gusu naa pirika ruwe ne gusu ne na.
E=kor tekehe e epetciwre yakun, oattuye yan: inanpe kusu ne yakun, tu teke e=kor wa Gehenna un, a=uska eaykap ape un, oman kasuno eani her wa i=su hi or ta ahun katu anakne eani kusu naa pirka ruwe ne kusu ne na.
44 Orowa, e chikiri e epetchiure yakun, oattuye yan: inambe gusu ne yakun, e koro tu chikiri koro wa Gehenna otta aeyapkiri kasu no yaiewen wa ishu-i otta ahun katu anak ne eani gusu naa pirika ruwe ne gusu ne na.
Orowa, e cikiri e epetciwre yakun, oattuye yan: inanpe kusu ne yakun, e=kor tu cikiri kor wa Gehenna or ta a=eyapkir kasuno yayewen wa i=su hi or ta ahun katu anakne eani kusu naa pirka ruwe ne kusu ne na.
45 Orowa, e shikihi e epetchiure yakun, oashinge yan; tu shikihi koro wa Gehenna otta aeyapkiri kasu no, shine shik koro wa Kamui moshiri orun ahun katu eani gusu naa pirika ruwe ne gusu ne na;
Orowa, e sikihi e epetciwre yakun, oasinke yan; tu sikihi kor wa Gehenna or ta a=eyapkir kasuno, sine sik kor wa Kamuy mosir orun ahun katu eani kusu naa pirka ruwe ne kusu ne na;
46 nei ushiketa koro mososhpe rai shomoki, samata, abe anak ne shomo aushka ruwe ne.
ne uske ta kor mosospe ray somo ki, sama ta, ape anakne somo a=uska ruwe ne.
47 Nen ne yakka, obitta abe ani shippo aushte kusu ne gusu ne na.
Nen ne yakka, opitta ape ani sippo a=uste kusu ne kusu ne na.
Markos 9.48-49 §101X
48 Shippo anak ne pirika ruwe ne: koroka, nei shippo anak koro runnu mawe turainu chiki, nep ani nei mawehe aomare ya? Echi utara yaikota oshiketa shippo koro wa utashpa itomo an no okai yan.
Sippo anakne pirka ruwe ne: korka, ne sippo anak kor runnu mawe turaynu ciki, nep ani ne mawehe a=omare ya? Eci utar yaykota oske ta sippo kor wa utaspa i=tom an no okay yan.
Mattaios 5.13 §31II
13 Echi okai utara anak ne toitoi shippo ne ruwe ne: koroka, shippo anak ne koro mawehe turainu chiki hemanda ani tu shui nei mawehe aomare ruwe he an? nei no an shippo aeiwange ushike ka isam, soita aosura wa ainu orowa no aotereke kuni patek an raka an ruwe ne.
Eci=okay utar anakne toytoy sippo ne ruwe ne: korka, sippo anakne kor mawehe turaynu ciki hemanta ani tu suy ne mawehe a=omare ruwe he an? néno an sippo aeywanke usike ka isam, soy ta a=osura wa aynu oro wano a=oterke kuni patek an raka an ruwe ne.
Markos 9.50 §102II
Roukos 14.34-35 §185II
34 Tambe gusu, shippo anak ne pirika ruwe ne: koroka, shippo ne yakka pan ne chiki nepi ani
Tanpe kusu, sippo anakne pirka ruwe ne: korka, sippo ne yakka pan ne ciki nep ani
35 mawehe aomare ya? Toi gusu ne yakka tuimamindara gusu ne yakka raka isambe ne ruwe ne: nei ambe soita osura ruwe ne. Nu kuni kisara koro guru nu yan.
mawehe a=omare ya? Toy kusu ne yakka tuymamintara kusu ne yakka raka i=sanpe ne ruwe ne: ne anpe soy ta osura ruwe ne. Nu kuni kisara kor kur nu yan.