Tane, gusu echi nuye okere orushpe: Okkai-ainu anak ne mat-ainu shomo tomooshma ambe anak pirika ruwe ne:
Tane, kusu eci=nuye okere oruspe: Okkay-aynu anakne mat-aynu somo tomoosma anpe anak pirka ruwe ne:
περι δε ων εγραψατε καλον ανθρωπω γυναικος μη απτεσθαι
Now concerning the things whereof ye wrote: It is good for a man not to touch a woman.
koroka, hoiyop an gusu ainu pishno koro machi yaikota koro yan, shui, shiwentep pishno koro hoku yaikota koro yan.
korka, hoiyop an kusu aynu pisno kor maci yaykota kor yan, suy, siwentep pisno kor hoku yaykota kor yan.
δια δε τας πορνειας εκαστος την εαυτου γυναικα εχετω και εκαστη τον ιδιον ανδρα εχετω
But, because of fornications, let each man have his own wife, and let each woman have her own husband.
Akore kuni ambe hoku anak ne koro machi otta kore yan: shui, machi ne yakka koro hoku otta shem korachi ki yan.
A=kore kuni anpe hoku anakne kor maci or ta kore yan: suy, maci ne yakka kor hoku or ta semkoraci ki yan.
τη γυναικι ο ανηρ την οφειλην αποδιδοτω ομοιως δε και η γυνη τω ανδρι
Let the husband render unto the wife her due: and likewise also the wife unto the husband.
Machi anak ne yaikota kon netobake gusu mondum shomo koro, koroka, koro hoku kon ruwe ne: shui, hoku anak shem korachi yaikota kon netobake gusu mondum shomo koro, koroka, koro machi kon ruwe ne.
Maci anakne yaykota kor netopake kusu montum somo kor, korka, kor hoku kor ruwe ne: suy, hoku anak semkoraci yaykota kor netopake kusu montum somo kor, korka, kor maci kor ruwe ne.
η γυνη του ιδιου σωματος ουκ εξουσιαζει αλλα ο ανηρ ομοιως δε και ο ανηρ του ιδιου σωματος ουκ εξουσιαζει αλλα η γυνη
The wife hath not power over her own body, but the husband: and likewise also the husband hath not power over his own body, but the wife.
Ouse iruka an pakihi gusu inonno-itak gusu moshima iteki utashpa uwe ehunara yan, orowa, echi yai-yaishik-kashima eaikapbe gusu Satan anak ne iteki echi koramnukara gusu kanna-shui ukotura koan yan.
Owse iruka an pakihi kusu inonno-itak kusu mosma iteki utaspa ue ehunara yan, orowa, eci=yay-yaysik-kasma eaykap pe kusu Satan anakne iteki eci=koramnukar kusu kanna-suy ukotura koan yan.
μη αποστερειτε αλληλους ει μητι [αν] αν εκ συμφωνου προς καιρον ινα σχολασητε τη προσευχη και παλιν επι το αυτο ητε ινα μη πειραζη υμας ο σατανας δια την ακρασιαν [υμων] υμων
Defraud ye not one the other, except it be by consent for a season, that ye may give yourselves unto prayer, and may be together again, that Satan tempt you not because of your incontinency.
Koroka, tambe anak ku ikashpaotte wa aye-hi shomo ne, koroka, akoramuoshma gusu ku ye ruwe ne.
Korka, tanpe anak ku=ikaspaotte wa a=ye hi somo ne, korka, a=koramuosma kusu ku=ye ruwe ne.
τουτο δε λεγω κατα συγγνωμην ου κατ επιταγην
But this I say by way of permission, not of commandment.
Inambe gusu ne yakun, obitta no okai ainu utara en korachi poka an kuni ku kon rusui. Yakka, ainu pishno Kamui orowa no an aikrap koro, shinen nei no an ambe koro Shinen tapne an amire kon ruwe ne.
Inanpe kusu ne yakun, opittano okay aynu utar en=koraci poka an kuni ku=kor rusuy. Yakka, aynu pisno Kamuy oro wano an aikrap kor, sinen néno an anpe kor Sinen tapne an a=mire kor ruwe ne.
θελω δε παντας ανθρωπους ειναι ως και εμαυτον αλλα εκαστος ιδιον εχει χαρισμα εκ θεου ο μεν ουτως ο δε ουτως
Yet I would that all men were even as I myself. Howbeit each man hath his own gift from God, one after this manner, and another after that.
Koroka, umurek guru ne a shomo ne utara newa shiyompiyara shiwentep otta tap ku ye, nei utara en korachi okai ambe anak ne nei utara gusu pirika ruwe ne.
Korka, umurek kur ne a somo ne utar newa siyonpiyar siwentep or ta tap ku=ye, ne utar en=koraci okay anpe anakne ne utar kusu pirka ruwe ne.
λεγω δε τοις αγαμοις και ταις χηραις καλον αυτοις εαν μεινωσιν ως καγω
But I say to the unmarried and to widows, It is good for them if they abide even as I.
Koroka, yaishikkashima eaikap chiki, umurek ne akara yan: inambe gusu ne yakun, paraparase kasu no an ambe anak ne uahupkara chiki pirika ruwe ne.
Korka, yaysikkasma eaykap ciki, umurek ne a=kar yan: inanpe kusu ne yakun, parparse kasuno an anpe anakne uahupkara ciki pirka ruwe ne.
ει δε ουκ εγκρατευονται γαμησατωσαν κρειττον γαρ εστιν γαμειν γαμησαι η πυρουσθαι
But if they have not continency, let them marry: for it is better to marry than to burn.
Koroka, uahupkara an utara otta ikashpaotte ku ki, ku ikip shomo ne, koroka, Utarapa ikip ne.
Korka, uahupkara an utar or ta ikaspaotte ku=ki, ku=iki p somo ne, korka, Utarpa iki p ne.
τοις δε γεγαμηκοσιν παραγγελλω ουκ εγω αλλα ο κυριος γυναικα απο ανδρος μη χωρισθηναι
But unto the married I give charge, [yea ]not I, but the Lord, That the wife depart not from her husband
Machi anak ne iteki koro hoku osurupa yan, (koroka, osurupa chiki, iteki kanna-shui hoku ahupkara, shomo ne yakun, koro hoku tura irenga usaraye wa okai yan), shui, hoku anak ne iteki koro machi osurupa yan.
Maci anakne iteki kor hoku osurpa yan, (korka, osurpa ciki, iteki kanna-suy hoku ahupkar, somo ne yakun, kor hoku tura irenka usaraye wa okay yan), suy, hoku anakne iteki kor maci osurpa yan.
εαν δε και χωρισθη μενετω αγαμος η τω ανδρι καταλλαγητω και ανδρα γυναικα μη αφιεναι
(but and if she depart, let her remain unmarried, or else be reconciled to her husband); and that the husband leave not his wife.
Koroka, moshimap gusu kuani yaikota ku ye, Utarapa shomo: Nep iriwak ne yakka shomo eishokoro machi koro chiki, aige, nei shiwentep
Korka, mosma p kusu kuani yaykota ku=ye, Utarpa somo: Nep irwak ne yakka somo eysokor maci kor ciki, ayke, ne siwentep
τοις δε λοιποις λεγω εγω ουχ ο κυριος ει τις αδελφος γυναικα εχει απιστον και αυτη συνευδοκει οικειν μετ αυτου μη αφιετω αυτην
But to the rest say I, not the Lord: If any brother hath an unbelieving wife, and she is content to dwell with him, let him not leave her.
shinuma tura no oshiroma kuni ambe konoburu yakun, nei ainu iteki shinuma osurupa yan. Shui, shiwentep anak ne shomo eishokoro hoku koro chiki, aige, nei ainu shinuma tura no oshiroma kuni ambe konoburu yakun, nei shiwentep iteki shinuma osurupa yan.
sinuma turano osiroma kuni anpe konopuru yakun, ne aynu iteki sinuma osurpa yan. Suy, siwentep anakne somo eysokor hoku kor ciki, ayke, ne aynu sinuma turano osiroma kuni anpe konopuru yakun, ne siwentep iteki sinuma osurpa yan.
και γυνη ητις ει τις εχει ανδρα απιστον και ουτος συνευδοκει οικειν μετ αυτης μη αφιετω τον ανδρα
And the woman which hath an unbelieving husband, and he is content to dwell with her, let her not leave her husband.
Inambe gusu ne yakun, shomo eishokoro hoku anak ne koro machi gusu aashkannere, orowa, shomo eishokoro machi anak ne nei iriwak gusu aashkannere ruwe ne: shomo ne chiki echi koro poho utara turu-ushbe ne, koroka, tane ashkanne utara ne ruwe ne.
Inanpe kusu ne yakun, somo eysokor hoku anakne kor maci kusu aaskannere, orowa, somo eysokor maci anakne ne irwak kusu aaskannere ruwe ne: somo ne ciki eci=kor poho utar tur-uspe ne, korka, tane askanne utar ne ruwe ne.
ηγιασται γαρ ο ανηρ ο απιστος εν τη γυναικι και ηγιασται η γυνη η απιστος εν τω αδελφω επει αρα τα τεκνα υμων ακαθαρτα εστιν νυν δε αγια εστιν
For the unbelieving husband is sanctified in the wife, and the unbelieving wife is sanctified in the brother: else were your children unclean; but now are they holy.
Yakka, shomo eishokoro guru paye chiki, paye yak pirika: nei ainu-iriwak ne yakka mat-iriwak ne yakka nei no okaibe gusu ausshiunere ambe shomo ne: koroka, Kamui anak ne itomo an gusu un hotuyekara nisa ruwe ne na.
Yakka, somo eysokor kur paye ciki, paye yak pirka: ne aynu-irwak ne yakka mat-irwak ne yakka néno okaype kusu aussiwnere anpe somo ne: korka, Kamuy anakne i=tom an kusu un hotuyekar nisa ruwe ne na.
ει δε ο απιστος χωριζεται χωριζεσθω ου δεδουλωται ο αδελφος η η αδελφη εν τοις τοιουτοις εν δε ειρηνη κεκληκεν υμας ο θεος
Yet if the unbelieving departeth, let him depart: the brother or the sister is not under bondage in such [cases]: but God hath called us in peace.
Machihi, eani anak ne e koro hoku kashiobiuki kusu ne ya nekon a e eraman ya? Shui, hokuhu, eani anak ne e koro machi kashiobiuki kusu ne ya nekon a e eraman ruwe he an?
Macihi, eani anakne e=kor hoku kasiopiwki kusu ne ya nekona e eraman ya? Suy, hokuhu, eani anakne e=kor maci kasiopiwki kusu ne ya nekona e eraman ruwe he an?
τι γαρ οιδας γυναι ει τον ανδρα σωσεις η τι οιδας ανερ ει την γυναικα σωσεις
For how knowest thou, O wife, whether thou shalt save thy husband? or how knowest thou, O husband, whether thou shalt save thy wife?
Ouse, Utarapa anak ne pishno an ainu otta eimek nei no, Kamui anak ne pishno an guru hotuyekara nei no, ene korachi apkash yan. Obitta no okai karisia gusu nei no ku ipawetenge ruwe ne.
Owse, Utarpa anakne pisno an aynu or ta eymek néno, Kamuy anakne pisno an kur hotuyekar néno, ene koraci apkas yan. Opittano okay karisia kusunéno ku=ipawetenke ruwe ne.
ει μη εκαστω ως μεμερικεν εμερισεν ο κυριος εκαστον ως κεκληκεν ο θεος ουτως περιπατειτω και ουτως εν ταις εκκλησιαις πασαις διατασσομαι
Only, as the Lord hath distributed to each man, as God hath called each, so let him walk. And so ordain I in all the churches.
Okarituye-buri akbe an no nenka ahotuyekara nisa ruwe he an? Yakun, iteki nei okarituye-buri ani shomo okarituye-buri ne kara yan. Okarituye-buri akire shomo ne an no nenka ahotuyekara ya? Yakun, iteki okarituye-buri akire yan.
okarituye-puri akpe an no nen ka a=hotuyekar nisa ruwe he an? Yakun, iteki ne okarituye-puri ani somo okarituye-puri ne kar yan. Okarituye-puri a=kir somo ne an no nen ka a=hotuyekar ya? Yakun, iteki okarituye-puri a=kir yan.
περιτετμημενος τις εκληθη μη επισπασθω εν ακροβυστια κεκληται τις μη περιτεμνεσθω
Was any man called being circumcised? let him not become uncircumcised. Hath any been called in uncircumcision? let him not be circumcised.
Okarituye-buri anak ne nepka shomo ne, shui, shomo okarituye-buri akire-hi ne yakka nep ka shomo ne; koroka, Kamui ikashpaotte shikkashima ambe anak ne nepka ne ruwe ne.
okarituye-puri anakne nep ka somo ne, suy, somo okarituye-puri a=kir hi ne yakka nep ka somo ne; korka, Kamuy ikaspaotte sikkasima anpe anakne nep ka ne ruwe ne.
η περιτομη ουδεν εστιν και η ακροβυστια ουδεν εστιν αλλα τηρησις εντολων θεου
Circumcision is nothing, and uncircumcision is nothing; but the keeping of the commandments of God.
Ani ahotuyekara an ap otta ainu pishno an yan.
Ani a=hotuyekar an ap or ta aynu pisno an yan.
εκαστος εν τη κλησει η εκληθη εν ταυτη μενετω
Let each man abide in that calling wherein he was called.
Ausshiune an guru an rapoketa e ahotuyekara an ruwe he an? Yakun, nei ambe nep ne ka shomo aramu yan: koroka, aehonnere eashkai chiki,
aussiwne an kur an rapoketa e a=hotuyekar an ruwe he an? Yakun, ne anpe nep ne ka somo a=ramu yan: korka, aehonnere easkay ciki,
δουλος εκληθης μη σοι μελετω αλλ ει και δυνασαι ελευθερος γενεσθαι μαλλον χρησαι
Wast thou called being a bondservant? care not for it: but if thou canst become free, use [it ]rather.
nei ambe eiwange yan. Inambe gusu ne yakun, ausshiunere wa an, aine, Utarapa gusu ahotuyekara gurʼanak ne, Utarapa koro ahonnere wa an gunʼne: nei no korachi, ahonnere wa an, aine, ahotuyekara gurʼanak ne Kiristo koro usshiune guru ne ruwe ne.
ne anpe eywanke yan. Inanpe kusu ne yakun, aussiwnere wa an, ayne, Utarpa kusu a=hotuyekar kur anakne, Utarpa kor a=honnere wa an kunne: néno koraci, a=honnere wa an, ayne, a=hotuyekar kur anakne Kiristo kor ussiw ne kur ne ruwe ne.
ο γαρ εν κυριω κληθεις δουλος απελευθερος κυριου εστιν ομοιως ο ελευθερος κληθεις δουλος εστιν χριστου
For he that was called in the Lord, being a bondservant, is the Lord’s freedman: likewise he that was called, being free, is Christ’s bondservant.
Oro an no echi utara ahok nisa; iteki moshima an guru gusu aeyausshiunere nei no akara yan.
Oro an no eci utar ahok nisa; iteki mosma an kur kusu aeyaussiwnere néno a=kar yan.
τιμης ηγορασθητε μη γινεσθε δουλοι ανθρωπων
Ye were bought with a price; become not bondservants of men.
Iriwak utara, otta aehotuyekara pishno an gurʼanak ne nei ambe otta oshiroma yan.
Irwak utar, or ta aehotuyekara pisno an kur anakne ne anpe or ta osiroma yan.
εκαστος εν ω εκληθη αδελφοι εν τουτω μενετω παρα θεω
Brethren, let each man, wherein he was called, therein abide with God.
Tane, umurek guru shomo ne utara gusu Utarapa orowa no an ikashpaotte shomo ku kon ruwe ne: koroka, ikipniukeshbe ne kuni gusu Utarapa orowa no akore rampoken koro guru korachi aesanniyop ku sange na.
Tane, umurek kur somo ne utar kusu Utarpa oro wano an ikaspaotte somo ku=kor ruwe ne: korka, ikipniwkespe ne kuni kusu Utarpa oro wano a=kore ranpoken kor kur koraci aesanniyop ku=sanke na.
περι δε των παρθενων επιταγην κυριου ουκ εχω γνωμην δε διδωμι ως ηλεημενος υπο κυριου πιστος ειναι
Now concerning virgins I have no commandment of the Lord: but I give my judgment, as one that hath obtained mercy of the Lord to be faithful.
Tane an shirikirap gusu ainu anak ne tane an korachi an kuni ambe shinuma gusu pirika ruwe ne sekoro ku yainu ruwe ne.
Tane an sirkirap kusu aynu anakne tane an koraci an kuni anpe sinuma kusu pirka ruwe ne sekor ku=yaynu ruwe ne.
νομιζω ουν τουτο καλον υπαρχειν δια την ενεστωσαν αναγκην οτι καλον ανθρωπω το ουτως ειναι
I think therefore that this is good by reason of the present distress, [namely], that it is good for a man to be as he is.
Machi gusu eani ahekote ya? Yakun, iteki ahonnere kuni hunara. Machi gusu e ahonnere an a? Yakun, iteki machi hunara yan.
Maci kusu eani a=hekote ya? Yakun, iteki a=honnere kuni hunara. Maci kusu e a=honnere an a? Yakun, iteki maci hunara yan.
δεδεσαι γυναικι μη ζητει λυσιν λελυσαι απο γυναικος μη ζητει γυναικα
Art thou bound unto a wife? seek not to be loosed. Art thou loosed from a wife? seek not a wife.
Koroka, mat e ahupkara yakka chikokatpak isam; shui, shiwentep hoku ahupkara yakka chikokatpak isam ruwe ne na Yakka, nei no okai utara anak ne kam gusu aeramchuptekka kusu ne; orowa, kuani echi shihopinupka ash ruwe ne.
Korka, mat e ahupkar yakka ci=kokatpak isam; suy, siwentep hoku ahupkar yakka ci=kokatpak isam ruwe ne na Yakka, néno okay utar anakne kam kusu aeramcuptekka kusu ne; orowa, kuani eci=sihopinupka as ruwe ne.
εαν δε και γαμησης ουχ ημαρτες και εαν γημη [η] η παρθενος ουχ ημαρτεν θλιψιν δε τη σαρκι εξουσιν οι τοιουτοι εγω δε υμων φειδομαι
But and if thou marry, thou hast not sinned; and if a virgin marry, she hath not sinned. Yet such shall have tribulation in the flesh: and I would spare you.
Koroka, tambe ku ye, iriwak utara, pakihi anak ne ataknere wa an, tambe gusu, tewa no machi koro utara anak ne mat sak korachi ne;
Korka, tanpe ku=ye, irwak utar, pakihi anakne a=taknere wa an, tanpe kusu, tewano maci kor utar anakne mat sak koraci ne;
τουτο δε φημι αδελφοι ο καιρος συνεσταλμενος εστιν το λοιπον ινα και οι εχοντες γυναικας ως μη εχοντες ωσιν
But this I say, brethren, the time is shortened, that henceforth both those that have wives may be as though they had none;
orowa, chish utara anak ne shomo chish korachi ne; nupetne utara anak shomo nupetne korachi ne;
orowa, cis utar anakne somo cis koraci ne; nupetne utar anak somo nupetne koraci ne;
και οι κλαιοντες ως μη κλαιοντες και οι χαιροντες ως μη χαιροντες και οι αγοραζοντες ως μη κατεχοντες
and those that weep, as though they wept not; and those that rejoice, as though they rejoiced not; and those that buy, as though they possessed not;
hok utara shomo koro korachi ne; orowa, moshiri eiwange mashkin korachi ne kuni gusu an ap ne: inambe gusu ne yakun, tan moshiri katuhu anak ne isam kusu ne gusu ne na.
hok utar somo kor koraci ne; orowa, mosir eywanke maskin koraci ne kuni kusu an ap ne: inanpe kusu ne yakun, tan mosir katuhu anakne isam kusu ne kusu ne na.
και οι χρωμενοι τον κοσμον ως μη καταχρωμενοι παραγει γαρ το σχημα του κοσμου τουτου
and those that use the world, as not abusing it: for the fashion of this world passeth away.
Koroka, echi utara gusu aenishomap ambe isam kuni ku kon rusui. Mat sak guru anak
Korka, eci utar kusu a=enisomap anpe isam kuni ku=kor rusuy. Mat sak kur anak
θελω δε υμας αμεριμνους ειναι ο αγαμος μεριμνα τα του κυριου πως αρεση τω κυριω
But I would have you to be free from cares. He that is unmarried is careful for the things of the Lord, how he may please the Lord:
ne Utarapa nupetnere kuni ne Utarapa korope gusu nishomap ruwe ne, mat koro guru anak ne kon machi nupetnere kuni ne tan moshirʼunbe gusu nishomap ruwe ne.
ne Utarpa nupetnere kuni ne Utarpa kor pe kusu nisomap ruwe ne, mat kor kur anakne kon maci nupetnere kuni ne tan mosir un pe kusu nisomap ruwe ne.
ο δε γαμησας μεριμνα τα του κοσμου πως αρεση τη γυναικι
but he that is married is careful for the things of the world, how he may please his wife.
Shui, hoku koro shiwentep newa hoku sak shiwentep uturu uwechutko no an ushike an. Hoku sak shiwentep anak ne netobake gusu ne yakka ramat gusu ne yakka ashkanne kuni ne Utarapa korope gusu nishomap ruwe ne: koroka, hoku koro guru anak ne koro hoku nupetnere kuni ne tan moshirʼunbe gusu nishomap ruwe ne.
Suy, hoku kor siwentep newa hoku sak siwentep uturu uwecutko no an usike an. Hoku sak siwentep anakne netopake kusu ne yakka ramat kusu ne yakka askanne kuni ne Utarpa kor pe kusu nisomap ruwe ne: korka, hoku kor kur anakne kor hoku nupetnere kuni ne tan mosir un pe kusu nisomap ruwe ne.
και μεμερισται και η γυνη η αγαμος και η παρθενος μεριμνα τα του κυριου ινα η αγια [και] και τω σωματι και τω πνευματι η δε γαμησασα μεριμνα τα του κοσμου πως αρεση τω ανδρι
And there is a difference also between the wife and the virgin. She that is unmarried is careful for the things of the Lord, that she may be holy both in body and in spirit: but she that is married is careful for the things of the world, how she may please her husband.
Orowa, echi aeyaiepirikare kuni ne tambe ku ye; echi utara kata tupep ku omare gusu shomo ne, koroka, echi aeoripak kuni, echi akokurusere keutum isam no Utarapa otta pirika no yaishieiwangere kuni gusu, ku iki ruwe ne na.
Orowa, eci aeyayepirikare kuni ne tanpe ku=ye; eci utar kata tupep ku=omare kusu somo ne, korka, eci=a=eoripak kuni, eci akokurusere kewtum isam no Utarpa or ta pirkano yaysieywankere kuni kusu, ku=iki ruwe ne na.
τουτο δε προς το υμων αυτων συμφορον λεγω ουχ ινα βροχον υμιν επιβαλω αλλα προς το ευσχημον και ευπαρεδρον τω κυριω απερισπαστως
And this I say for your own profit; not that I may cast a snare upon you, but for that which is seemly, and that ye may attend upon the Lord without distraction.
Koroka, ainu anak ne koro matnep epeka oupeka ambe shomo ki korʼan ari yainu chiki, aige, nei matnep paha epa okere yakun, samata, koro shomoki chiki wen yakun, shinuma keutum rengaine ki yak pirika; chikokatpak isam; ahupkara yak pirika ruwe ne.
Korka, aynu anakne kor matnep epeka owpeka anpe somo ki kor an ari yaynu ciki, ayke, ne matnep paha epa okere yakun, sama ta, kor somo ki ciki wen yakun, sinuma kewtum renkayne ki yak pirka; ci=kokatpak isam; ahupkar yak pirka ruwe ne.
ει δε τις ασχημονειν επι την παρθενον αυτου νομιζει εαν η υπερακμος και ουτως οφειλει γινεσθαι ο θελει ποιειτω ουχ αμαρτανει γαμειτωσαν
But if any man thinketh that he behaveth himself unseemly toward his virgin [daughter], if she be past the flower of her age, and if need so requireth, let him do what he will; he sinneth not; let them marry.
Koroka, koro kuni ika isam wa gusu koro keutum atte hine, yaikota koro rengaine an mondum gusu kiroro koro wa koro matnep shikkashima kusu ne ari an ambe koro sambe ta oshitchiu yakun, pirika ruwe ne.
Korka, kor kuni ika isam wa kusu kor kewtum atte hine, yaykota kor renkayne an montum kusu kiroro kor wa kor matnep sikkasima kusu ne ari an anpe kor sanpe ta ositciw yakun, pirka ruwe ne.
ος δε εστηκεν εν τη καρδια αυτου εδραιος μη εχων αναγκην εξουσιαν δε εχει περι του ιδιου θεληματος και τουτο κεκρικεν εν τη ιδια καρδια τηρειν την εαυτου παρθενον καλως ποιησει
But he that standeth stedfast in his heart, having no necessity, but hath power as touching his own will, and hath determined this in his own heart, to keep his own virgin [daughter], shall do well.
Tambe gusu, aahupkara kuni gusu koro matnep kore gurʼanak ne pirikap ki; orowa, aahupkara kuni ne shomo kore gurʼanak ne naa kasu no pirikap ki ruwe ne na.
Tanpe kusu, ahupkar kuni kusu kor matnep kore kur anakne pirka p ki; orowa, ahupkar kuni ne somo kore kur anakne naa kasuno pirka p ki ruwe ne na.
ωστε και ο γαμιζων την εαυτου παρθενον καλως ποιει και ο μη γαμιζων κρεισσον ποιησει
So then both he that giveth his own virgin [daughter ]in marriage doeth well; and he that giveth her not in marriage shall do better.
Koro hoku shiknu wa an pakno machihi anak ne ahekote an na; koroka, koro hoku rai chiki, rengaine shui hoku ahupkara yak pirika; ouse Utarapa oshiketa korachi ruwe ne.
Kor hoku siknu wa an pakno macihi anakne a=hekote an na; korka, kor hoku ray ciki, renkayne suy hoku ahupkar yak pirka; owse Utarpa oske ta koraci ruwe ne.
γυνη δεδεται εφ οσον χρονον ζη ο ανηρ αυτης εαν δε κοιμηθη ο ανηρ ελευθερα εστιν ω θελει γαμηθηναι μονον εν κυριω
A wife is bound for so long time as her husband liveth; but if the husband be dead, she is free to be married to whom she will; only in the Lord.
Koroka, an korachi an yakun naa irammakaka an kusu ne ari ku esanniyo; aine, kuani ne yakka Kamui Ramat kon ruwe ne ari ku yainu.
Korka, an koraci an yakun naa irammakaka an kusu ne ari ku=esanniyo; ayne, kuani ne yakka Kamuy Ramat kor ruwe ne ari ku=yaynu.
μακαριωτερα δε εστιν εαν ουτως μεινη κατα την εμην γνωμην δοκω γαρ δε καγω πνευμα θεου εχειν
But she is happier if she abide as she is, after my judgment: and I think that I also have the Spirit of God.