11 Ik. leaf 469

Kuani anak ne Kiristo ikoisamba korachi echi utara ne yakka en ikoisamba yan.

Kuani anakne Kiristo ikoysanpa koraci eci utar ne yakka en=ikoysanpa yan.

μιμηται μου γινεσθε καθως καγω χριστου

Be ye imitators of me, even as I also am of Christ.

Echi utara anak ne nep ne yakka an a yakka en eshkarun gusu, samata, otta echi kore ash nei no nei oina echi shikkashima gusu ku iramye ash na.

Eci utar anakne nep ne yakka an a yakka en=eskarun kusu, sama ta, or ta eci=kore as néno ne oyna eci=sikkasima kusu ku=iramye as na.

επαινω δε υμας οτι παντα μου μεμνησθε και καθως παρεδωκα υμιν τας παραδοσεις κατεχετε

Now I praise you that ye remember me in all things, and hold fast the traditions, even as I delivered them to you.

Koroka, pishno an guru koro esapanep anak ne Kiristo ne sekoro echi eraman kuni ku kon rusui; mat-ainu esapanep anak ne okkai ainu ne; Kiristo esapanep anak ne Kamui ne ruwe ne.

Korka, pisno an kur kor e=sapanep anakne Kiristo ne sekor eci=eraman kuni ku=kor rusuy; mat-aynu e=sapanep anakne okkay aynu ne; Kiristo e=sapanep anakne Kamuy ne ruwe ne.

θελω δε υμας ειδεναι οτι παντος ανδρος η κεφαλη ο χριστος εστιν κεφαλη δε γυναικος ο ανηρ κεφαλη δε του χριστου ο θεος

But I would have you know, that the head of every man is Christ; and the head of the woman is the man; and the head of Christ is God.

Inan guru ne yakka inonno-itak hene ki uweingara hene ki ita sapa akamure chiki, koro sapa otta shomo yaikatanu ki ruwe ne.

Inan kur ne yakka inonno-itak hene ki ueinkar hene ki hi ta sapa a=kamure ciki, kor sapa or ta somo yaykatanu ki ruwe ne.

πας ανηρ προσευχομενος η προφητευων κατα κεφαλης εχων καταισχυνει την κεφαλην αυτου

Every man praying or prophesying, having his head covered, dishonoureth his head.

Koroka, inan mat-ainu ne yakka sapa akamure shomoki no inonno-itak hene ki uweingara hene ki chiki koro sapa otta shomo yaikatanu ki: inambe gusu ne yakun, nei no an wa iki chiki, otop amemke ukorachi ne ruwe ue na.

Korka, inan mat-aynu ne yakka sapa a=kamure somo ki no inonno-itak hene ki ueinkar hene ki ciki kor sapa or ta somo yaykatanu ki: inanpe kusu ne yakun, néno an wa iki ciki, otop a=memke ukoraci ne ruwe ue na.

πασα δε γυνη προσευχομενη η προφητευουσα ακατακαλυπτω τη κεφαλη καταισχυνει την κεφαλην αυτης εν γαρ εστιν και το αυτο τη εξυρημενη

But every woman praying or prophesying with her head unveiled dishonoureth her head: for it is one and the same thing as if she were shaven.

Mat-ainu anak ne sapa kamure shomoki yakun, otop aocha yak pirika: koroka, mat-ainu otop aocha hene amemke hene aeyainikoroshma ambe ne chiki, sapa kamure yak pirika ruwe ne.

Mat-aynu anakne sapa kamure somo ki yakun, otop aoca yak pirka: korka, mat-aynu otop aoca hene a=memke hene aeyaynikorosma anpe ne ciki, sapa kamure yak pirka ruwe ne.

ει γαρ ου κατακαλυπτεται γυνη και κειρασθω ει δε αισχρον γυναικι το κειρασθαι η ξυρασθαι κατακαλυπτεσθω

For if a woman is not veiled, let her also be shorn: but if it is a shame to a woman to be shorn or shaven, let her be veiled.

Ainu anak ne Kamui noka newa arakuru ne ruwe ne gusu, koro sapa akamure kunip shomo ne ruwe ne: koroka, mat-ainu anak okkai-ainu koro arakuru ne ruwe ne gusu ne na.

Aynu anakne Kamuy noka newa a=rakur ne ruwe ne kusu, kor sapa a=kamure kunip somo ne ruwe ne: korka, mat-aynu anak okkay-aynu kor a=rakur ne ruwe ne kusu ne na.

ανηρ μεν γαρ ουκ οφειλει κατακαλυπτεσθαι την κεφαλην εικων και δοξα θεου υπαρχων η γυνη δε δοξα ανδρος εστιν

For a man indeed ought not to have his head veiled, forasmuch as he is the image and glory of God: but the woman is the glory of the man.

Okkai ainu anak ne mat-ainu orowa no an ap shomo ne;

Okkay aynu anakne mat-aynu oro wano an ap somo ne;

ου γαρ εστιν ανηρ εκ γυναικος αλλα γυνη εξ ανδρος

For the man is not of the woman; but the woman of the man:

koroka, mat-ainu anak ne okkai-ainu orowa no an ap ne: shui, okkai-ainu anak ne mat-ainu gusu akarape shomo ne; koroka, mat ainu anak ne okkai-ainu gusu akan nisa ruwe ne:

korka, mat-aynu anakne okkay-aynu oro wano an ap ne: suy, okkay-aynu anakne mat-aynu kusu a=karpe somo ne; korka, mataynu anakne okkay-aynu kusu a=kar nisa ruwe ne:

και γαρ ουκ εκτισθη ανηρ δια την γυναικα αλλα γυνη δια τον ανδρα

for neither was the man created for the woman; but the woman for the man:

tambe gusu, Kamui hauturumbe an gusu, mat-ainu anak ne sapa kashike

tanpe kusu, Kamuy hawturunpe an kusu, mat-aynu anakne sapa kasike

δια τουτο οφειλει η γυνη εξουσιαν εχειν επι της κεφαλης δια τους αγγελους

for this cause ought the woman to have [a sign of ]authority on her head, because of the angels.

mondum akore kunip ne ruwe ne. Yakka, Utarapa oshiketa mat-ainu anak ne okkai-ainu sak no an ambe shomo ne, shui, okkai-ainu anak ne mat-ainu sak no an ambe shomo ne ruwe ne.

montum a=kore kunip ne ruwe ne. Yakka, Utarpa oske ta mat-aynu anakne okkay-aynu sak no an anpe somo ne, suy, okkay-aynu anakne mat-aynu sak no an anpe somo ne ruwe ne.

πλην ουτε γυνη χωρις ανδρος ουτε ανηρ χωρις γυναικος εν κυριω

Howbeit neither is the woman without the man, nor the man without the woman, in the Lord.

Inambe gusu ne yakun, mat-ainu anak ne okkai-ainu orowa no an ambe ne korachi, okkai-ainu anak ne mat-ainu ankushkerai an ambe ne; koroka, obitta no okaibe Kamui orowa no an ap ne ruwe ne.

Inanpe kusu ne yakun, mat-aynu anakne okkay-aynu oro wano an anpe ne koraci, okkay-aynu anakne mat-aynu an kuskeray an anpe ne; korka, opittano okaype Kamuy oro wano an ap ne ruwe ne.

ωσπερ γαρ η γυνη εκ του ανδρος ουτως και ο ανηρ δια της γυναικος τα δε παντα εκ του θεου

For as the woman is of the man, so is the man also by the woman; but all things are of God.

Echi utara yaitumta esanniyo yan: mat-ainu anak ne sapa akamure shomoki no Kamui otta inonno-itak ki ambe anak pirika ruwe he an?

Eci utar yaytumta esanniyo yan: mat-aynu anakne sapa a=kamure somo ki no Kamuy or ta inonno-itak ki anpe anak pirka ruwe he an?

εν υμιν αυτοις κρινατε πρεπον εστιν γυναικα ακατακαλυπτον τω θεω προσευχεσθαι

Judge ye in yourselves: is it seemly that a woman pray unto God unveiled?

Okkai-ainu anak ne tanne otop koro yakun, gusu ayainikoshma-hi rengaine echi aeramande shomoki ruwe he an?

Okkay-aynu anakne tanne otop kor yakun, kusu ayaynikosma hi renkayne eci=a=eramante somo ki ruwe he an?

ουδε η φυσις αυτη διδασκει υμας οτι ανηρ μεν εαν κομα ατιμια αυτω εστιν

Doth not even nature itself teach you, that, if a man have long hair, it is a dishonour to him?

Koroka, mat-ainu anak ne tanne otop koro yakun, gusu arakuru ne ruwe ne: inambe gusu ne yakun, shinuma akamure gusu otta akorep ne ruwe ne na.

Korka, mat-aynu anakne tanne otop kor yakun, kusu a=rakur ne ruwe ne: inanpe kusu ne yakun, sinuma a=kamure kusu or ta a=kore p ne ruwe ne na.

γυνη δε εαν κομα δοξα αυτη εστιν οτι η κομη αντι περιβολαιου δεδοται αυτη [αυτη]

But if a woman have long hair, it is a glory to her: for her hair is given her for a covering.

Koroka, nenka upaukoiki konoburu kuni anukara chiki, chi utara hene Kamui karisia hene nei no an buri shomo kon ruwe ne.

Korka, nen ka upawkoyki konopuru kuni a=nukar ciki, ci utar hene Kamuy karisia hene néno an puri somo kor ruwe ne.

ει δε τις δοκει φιλονεικος ειναι ημεις τοιαυτην συνηθειαν ουκ εχομεν ουδε αι εκκλησιαι του θεου

But if any man seemeth to be contentious, we have no such custom, neither the churches of God.

Koroka, tap ambe ani ikashpaotte ku ki wa echi ramye ash shomoki ruwe ne, pirikap gusu shomo ne no wenbe gusu echi uwekarapa ruwe ne gusu ne na.

Korka, tapanpe ani ikaspaotte ku=ki wa eci=ramye as somo ki ruwe ne, pirka p kusu somo ne no wenpe kusu eci=uekarpa ruwe ne kusu ne na.

τουτο δε παραγγελλων ουκ επαινω οτι ουκ εις το κρεισσον αλλα εις το ησσον συνερχεσθε

But in giving you this charge, I praise you not, that ye come together not for the better but for the worse.

Hoshiki no, karisia otta echi uwekarapa ita, echi tumugeta eukopi an sekoro ku nu: orowa, kuani pon no nei ambe ku eishokon ruwe ne.

Hoskino, karisia or ta eci=uekarpa hi ta, eci=tumke ta ewkopi an sekor ku=nu: orowa, kuani ponno ne anpe ku=eysokor ruwe ne.

πρωτον μεν γαρ συνερχομενων υμων εν εκκλησια ακουω σχισματα εν υμιν υπαρχειν και μερος τι πιστευω

For first of all, when ye come together in the church, I hear that divisions exist among you; and I partly believe it.

Inambe gusu ne yakun, echi tumugeta auwande wa okai utara anukara kuni ne echi tumugeta Kamui orushpe ohoge yainu ambe ne yakka an a ambe ne ruwe ne gusu ne na.

Inanpe kusu ne yakun, eci=tumke ta a=uwante wa okay utar a=nukar kuni ne eci=tumke ta Kamuy oruspe ohoke yaynu anpe ne yakka an a anpe ne ruwe ne kusu ne na.

δει γαρ και αιρεσεις εν υμιν ειναι ινα [και] οι δοκιμοι φανεροι γενωνται εν υμιν

For there must be also heresies among you, that they which are approved may be made manifest among you.

Tambe gusu, echi uwekarapa ita, Utarapa onumanibehe aki eaikapbe ne:

Tanpe kusu, eci=uekarpa hi ta, Utarpa onumanipehe aki eaykap pe ne:

συνερχομενων ουν υμων επι το αυτο ουκ εστιν κυριακον δειπνον φαγειν

When therefore ye assemble yourselves together, it is not possible to eat the Lord’s supper:

inambe gusu ne yakun, echi ibe gusu yaikota koro kunne-ibe pishno echi e; orowa, shinen anak ne sambe-chinoiba, moshima guru anak ihoshki ruwe ne gusu ne na.

inanpe kusu ne yakun, eci=ipe kusu yaykota kor kunne-ipe pisno eci=e; orowa, sinen anakne sanpe-cinoypa, mosma kur anak ihoski ruwe ne kusu ne na.

εκαστος γαρ το ιδιον δειπνον προλαμβανει εν τω φαγειν και ος μεν πεινα ος δε μεθυει

for in your eating each one taketh before [other ]his own supper; and one is hungry, and another is drunken.

Hemanda? otta echi ibe kuni echi iku kuni chisei echi sak ruwe he an? Samata, Kamui karisia etunne wa nep ka sak utara yainikoroshmare ruwe he an? Echi otta hemanda ku ye kusu ne ya? Tap okaibe gusu echi ramye ash kusu ne ya?

Hemanta? or ta eci=ipe kuni eci=iku kuni cise eci=sak ruwe he an? Sama ta, Kamuy karisia etunne wa nep ka sak utar yaynikorosmare ruwe he an? Eci or ta hemanta ku=ye kusu ne ya? Tap okaype kusu eci=ramye as kusu ne ya?

μη γαρ οικιας ουκ εχετε εις το εσθιειν και πινειν η της εκκλησιας του θεου καταφρονειτε και καταισχυνετε τους μη εχοντας τι ειπω υμιν επαινεσω υμας εν τουτω ουκ επαινω

What? have ye not houses to eat and to drink in? or despise ye the church of God, and put them to shame that have not? What shall I say to you? shall I praise you in this? I praise you not.

Shomo echi ramye ash na. Inambe gusu ne yakun, echi nure ash okaibe ka Utarapa orowa a en korep ne, — Utarapa ne Yesu anak ne aekoshi anchikara ta pan uk;

Somo eci=ramye as na. Inanpe kusu ne yakun, eci=nure as okaype ka Utarpa oro wa a en=kore p ne, — Utarpa ne Yesu anakne a=ekosi ancikar ta pan uk;

εγω γαρ παρελαβον απο του κυριου ο και παρεδωκα υμιν οτι ο κυριος ιησους εν τη νυκτι η παρεδιδετο ελαβεν αρτον

For I received of the Lord that which also I delivered unto you, how that the Lord Jesus in the night in which he was betrayed took bread;

orowa, yaiiraige ki okere chiki, meshpa, aige, ene itak-hi :— Tambe anak echi utara gusu an ku netobake ne, En eshkarun gusu tap korachi echi ki yan, ani itak.

orowa, yayirayke ki okere ciki, mespa, ayke, ene itak hi :— Tanpe anak eci utar kusu an ku=netopake ne, En=eskarun kusu tap koraci eci=ki yan, ani itak.

και ευχαριστησας εκλασεν και ειπεν τουτο μου εστιν το σωμα το υπερ υμων τουτο ποιειτε εις την εμην αναμνησιν

and when he had given thanks, he brake it, and said, This is my body, which is for you: this do in remembrance of me.

Nei no korachi ibe okere chiki tuki ne yakka koro wa ene itak-hi :— Tan tuki anak ne ashiri aeuitaknup gusu an ku kem ne: hembara ne yakka echi ku ita En eshkarun gusu tambe ki yan, ani itak.

Néno koraci ipe okere ciki tuki ne yakka kor wa ene itak hi :— Tan tuki anakne a=siri aewitaknup kusu an ku=kem ne: henpara ne yakka eci=ku hi ta En=eskarun kusu tanpe ki yan, ani itak.

ωσαυτως και το ποτηριον μετα το δειπνησαι λεγων τουτο το ποτηριον η καινη διαθηκη εστιν εν τω εμω αιματι τουτο ποιειτε οσακις εαν πινητε εις την εμην αναμνησιν

In like manner also the cup, after supper, saying, This cup is the new covenant in my blood: this do, as oft as ye drink [it], in remembrance of me.

Inambe gusu ne yakun, hembara ne yakka tan pan echi ibe henhem ki, tuki echi iku hemhem ki chiki, Utarapa ek pakno Shinuma rai ambe echi assuru ashte ruwe ne gusu ne na.

Inanpe kusu ne yakun, henpara ne yakka tan pan eci=ipe henhem ki, tuki eci=iku hemhem ki ciki, Utarpa ek pakno Sinuma ray anpe eci assuru aste ruwe ne kusu ne na.

οσακις γαρ εαν εσθιητε τον αρτον τουτον και το ποτηριον πινητε τον θανατον του κυριου καταγγελλετε αχρι ου ελθη

For as often as ye eat this bread, and drink the cup, ye proclaim the Lord’s death till he come.

Tambe gusu, nen ne yakka oripak shomoki no nei pan ibe hene ki, Utarapa koro tuki iku hene ki guru anak ne, Utarapa kon netobake newa koro kem gusu katpak ki ruwe ne.

Tanpe kusu, nen ne yakka oripak somo ki no ne pan ipe hene ki, Utarpa kor tuki iku hene ki kur anakne, Utarpa kor netopake newa kor kem kusu katpak ki ruwe ne.

ωστε ος αν εσθιη τον αρτον η πινη το ποτηριον του κυριου αναξιως ενοχος εσται του σωματος και του αιματος του κυριου

Wherefore whosoever shall eat the bread or drink the cup of the Lord unworthily, shall be guilty of the body and the blood of the Lord.

Koroka, ainu anak ne yaikota eyaiuwande, orowa no nei pan ibe hemhem ki, nei tuki iku hemhem ki yan.

Korka, aynu anakne yaykota eyayuwante, orowano ne pan ipe hemhem ki, ne tuki iku hemhem ki yan.

δοκιμαζετω δε ανθρωπος εαυτον και ουτως εκ του αρτου εσθιετω και εκ του ποτηριου πινετω

But let a man prove himself, and so let him eat of the bread, and drink of the cup.

Inambe gusu ne yakun, ibe hemhem ki, iku hemhem ki guru anak ne nei netobake esanniyo shomoki chiki, yaikota gusu akokatpakte an ambe ibe hene ki, iku hene ki ruwe ne gusu ne na.

Inanpe kusu ne yakun, ipe hemhem ki, iku hemhem ki kur anakne ne netopake esanniyo somo ki ciki, yaykota kusu akokatpakte an anpe ipe hene ki, iku hene ki ruwe ne kusu ne na.

ο γαρ εσθιων και πινων κριμα εαυτω εσθιει και πινει μη διακρινων το σωμα

For he that eateth and drinketh, eateth and drinketh judgment unto himself, if he discern not the body.

Tap ambe gusu, echi tumugeta okai inne utara turasak wa tashum ki, orowa, mokoro utara shomo moyo ruwe ne.

Tapanpe kusu, eci=tumke ta okay inne utar tursak wa tasum ki, orowa, mokor utar somo moyo ruwe ne.

δια τουτο εν υμιν πολλοι ασθενεις και αρρωστοι και κοιμωνται ικανοι

For this cause many among you are weak and sickly, and not a few sleep.

Koroka, chi utara anak ne yaikota yaiesanniyo chiki shomo akoipishi ruwe ne.

Korka, ci utar anakne yaykota yayesanniyo ciki somo akoypisi ruwe ne.

ει δε εαυτους διεκρινομεν ουκ αν εκρινομεθα

But if we discerned ourselves, we should not be judged.

Koroka, akoipishi ita moshiri tura no iteki akokatpakte kuni ne Utarapa orowa no apakashnu ruwe ne.

Korka, akoypisi hi ta mosir turano iteki akokatpakte kuni ne Utarpa oro wano a=pakasnu ruwe ne.

κρινομενοι δε υπο του [του] κυριου παιδευομεθα ινα μη συν τω κοσμω κατακριθωμεν

But when we are judged, we are chastened of the Lord, that we may not be condemned with the world.

Tambe gusu, ku iriwak utara, ibe gusu echi uwekarapa ita, uweuntere yan. Echi uwekarapa ambe anak ne iteki akokatpakte an kuni ne sambe-chinoiba guru an chiki koro chisei taibe yan. Shui, moshimap anak ne ku ek ita ku oupekare kusu ne na.

Tanpe kusu, ku=irwak utar, ipe kusu eci=uekarpa hi ta, uweuntere yan. Eci=uekarpa anpe anakne iteki akokatpakte an kuni ne sanpe-cinoypa kur an ciki kor cise taype yan. Suy, mosma p anakne ku=ek hi ta ku=owpekare kusu ne na.

ωστε αδελφοι μου συνερχομενοι εις το φαγειν αλληλους εκδεχεσθε

Wherefore, my brethren, when ye come together to eat, wait one for another.