3 Ik. leaf 452

Orowa, iriwak utara, kuani anak ne ramat oma utara otta korachi echi otta ku ye eaikap, koroka, kam oma utara otta korachi Kiristo gusu aiai utara otta korachi ku ye nisa.

Orowa, irwak utar, kuani anakne ramat oma utar or ta koraci eci or ta ku=ye eaykap, korka, kam oma utar or ta koraci Kiristo kusu ayay utar or ta koraci ku=ye nisa.

καγω αδελφοι ουκ ηδυνηθην λαλησαι υμιν ως πνευματικοις αλλ ως σαρκινοις ως νηπιοις εν χριστω

And I, brethren, could not speak unto you as unto spiritual, but as unto carnal, as unto babes in Christ.

Kam ani shomo ne, koroka, tope ani kuani echi ere ash nisa; naa echi utara nei kam uk eaikap ruwe ne gusu ne na: ruwe un,

Kam ani somo ne, korka, tope ani kuani eci=ere as nisa; naa eci utar ne kam uk eaykap ruwe ne kusu ne na: ruwe un,

γαλα υμας εποτισα ου βρωμα ουπω γαρ εδυνασθε αλλ ουδε [ετι] ετι νυν δυνασθε

I fed you with milk, not with meat; for ye were not yet able [to bear it]: nay, not even now are ye able;

tane poka ne yakka echi uk eaikap ruwe ne; inambe gusu ne yakun, echi utara tane ne yakka kam oma utara echi ne: echi tumugeta eyaitunnap newa upaore ambe an chiki, kam echi oma wa ainu utara korachi shomo echi apkash ruwe he an?

tane poka ne yakka eci=uk eaykap ruwe ne; inanpe kusu ne yakun, eci utar tane ne yakka kam oma utar eci ne: eci=tumke ta eyaytunnap newa upaore anpe an ciki, kam eci=oma wa aynu utar koraci somo eci=apkas ruwe he an?

ετι γαρ σαρκικοι εστε οπου γαρ εν υμιν ζηλος και ερις ουχι σαρκικοι εστε και κατα ανθρωπον περιπατειτε

for ye are yet carnal: for whereas there is among you jealousy and strife, are ye not carnal, and walk after the manner of men?

Kuani anak ne Pauros otta an shinen ye; moshima an guru anak kuani Aporros otta an sekoro echi ye chiki, ainu utara shomo echi ne ruwe he an?

Kuani anakne Pawros or ta an sinen ye; mosma an kur anak kuani Aporros or ta an sekor eci=ye ciki, aynu utar somo eci ne ruwe he an?

οταν γαρ λεγη τις εγω μεν ειμι παυλου ετερος δε εγω απολλω ουκ ανθρωποι εστε

For when one saith, I am of Paul; and another, I am of Apollos; are ye not men?

Yakun, Aporros anak ne nep ta? Pauros nep ta ruwe he an? Ankushkerai echi eishokoro yaishieiwangere utara ne ruwe ne; pishno pishno Utarapa shinuma kore korachi ne ruwe ne na.

Yakun, Aporros anakne nep ta? Pawros nep ta ruwe he an? An kuskeray eci=eysokor yaysieywankere utar ne ruwe ne; pisno pisno Utarpa sinuma kore koraci ne ruwe ne na.

τι ουν εστιν απολλως τι δε εστιν παυλος διακονοι δι ων επιστευσατε και εκαστω ως ο κυριος εδωκεν

What then is Apollos? and what is Paul? Ministers through whom ye believed; and each as the Lord gave to him.

Kuani anak ne etoita, Aporros wakka chari; koroka, Kamui anak ne shipiraspare nisa ruwe ne.

Kuani anakne etoyta, Aporros wakka cari; korka, Kamuy anakne sipiraspare nisa ruwe ne.

εγω εφυτευσα απολλως εποτισεν αλλα ο θεος ηυξανεν

I planted, Apollos watered; but God gave the increase.

Tambe gusu, etoita guru ne yakka wakka chari guru ne yakka nep ne ka aramu kunip shomo ne, koroka, shipiraspare Kamui anak aramu kunip ne ruwe ne.

Tanpe kusu, etoyta kur ne yakka wakka cari kur ne yakka nep ne ka a=ramu kunip somo ne, korka, sipiraspare Kamuy anak a=ramu kunip ne ruwe ne.

ωστε ουτε ο φυτευων εστιν τι ουτε ο ποτιζων αλλ ο αυξανων θεος

So then neither is he that planteth anything, neither he that watereth; but God that giveth the increase.

Etoita guru newa wakka chari guru anak ne shinep ne: koroka, pishno pishno yaikota iki ikip an nei no yaikota koro pummaha akore kusu ne.

Etoyta kur newa wakka cari kur anakne sinep ne: korka, pisno pisno yaykota iki iki p an néno yaykota kor pummaha a=kore kusu ne.

ο φυτευων δε και ο ποτιζων εν εισιν εκαστος δε τον ιδιον μισθον λημψεται κατα τον ιδιον κοπον

Now he that planteth and he that watereth are one: but each shall receive his own reward according to his own labour.

Inambe gusu ne yakun, chi utara anak ne Kamui tura no ikip iki utara chi ne: echi utara anak Kamui kara kot toi ne, Kamui aashtep ne ruwe ne.

Inanpe kusu ne yakun, ci utar anakne Kamuy turano iki p iki utar ci ne: eci utar anak Kamuy kar kot toy ne, Kamuy aastep ne ruwe ne.

θεου γαρ εσμεν συνεργοι θεου γεωργιον θεου οικοδομη εστε

For we are God’s fellow-workers: ye are God’s husbandry, God’s building.

En koropare an Kamui irenga nei no kuani anak ne wayashnu chisei kara esapane guru korachi asamaha ku ande nisa, aige, nei kashiketa moshima guru iki wa kan ruwe ne. Koroka, utara pishno hemanda nei kashiketa iki wa kara ya yairamatte yan.

En=korpare an Kamuy irenka néno kuani anakne wayasnu cise kar esapane kur koraci asamaha ku=ante nisa, ayke, ne kasike ta mosma kur iki wa kan ruwe ne. Korka, utar pisno hemanta ne kasike ta iki wa kar ya yayramatte yan.

κατα την χαριν του θεου την δοθεισαν μοι ως σοφος αρχιτεκτων θεμελιον εθηκα αλλος δε εποικοδομει εκαστος δε βλεπετω πως εποικοδομει

According to the grace of God which was given unto me, as a wise masterbuilder I laid a foundation; and another buildeth thereon. But let each man take heed how he buildeth thereon.

Inambe gusu ne yakun, aande okere asamaha moshima inan guru ne yakka asamaha ande eaikap ruwe ne gusu ne na; nei asamaha anak Yesu Kiristo ue ruwe ne.

Inanpe kusu ne yakun, a=ante okere asamaha mosma inan kur ne yakka asamaha ante eaykap ruwe ne kusu ne na; ne asamaha anak Yesu Kiristo ue ruwe ne.

θεμελιον γαρ αλλον ουδεις δυναται θειναι παρα τον κειμενον ος εστιν ιησους χριστος

For other foundation can no man lay than that which is laid, which is Jesus Christ.

Koroka, nei asamaha kata iki wa kongani hene, shirokani hene, oro an no shuma hene, chikuni hene, mun hene, kina hene ashte guru an chiki; pishno an guru iki ikip anukare kusu ne:

Korka, ne asamaha kata iki wa konkani hene, sirokani hene, oro an no suma hene, cikuni hene, mun hene, kina hene aste kur an ciki; pisno an kur iki iki p a=nukare kusu ne:

ει δε τις εποικοδομει επι τον θεμελιον χρυσιον αργυριον χρυσον αργυρον λιθους τιμιους ξυλα χορτον καλαμην

But if any man buildeth on the foundation gold, silver, costly stones, wood, hay, stubble;

inambe gusu ne yakun, nei toho anak nei ambe sarare, abe ani anukare kusu ne gusu ne na; orowa, abe yaikota anak ne pishno an guru iki ikip nekon a ambe ne ya anukara gusu uwande kusu ne na.

inanpe kusu ne yakun, ne toho anakne anpe sarare, ape ani a=nukare kusu ne kusu ne na; orowa, ape yaykota anakne pisno an kur iki iki p nekona anpe ne ya a=nukar kusu uwante kusu ne na.

εκαστου το εργον φανερον γενησεται η γαρ ημερα δηλωσει οτι εν πυρι αποκαλυπτεται και εκαστου το εργον οποιον εστιν το πυρ αυτο [αυτο] δοκιμασει

each man’s work shall be made manifest: for the day shall declare it, because it is revealed in fire; and the fire itself shall prove each man’s work of what sort it is.

Kashiketa akara inan ainu iki ikip ne yakka shiroma yakun, pummaha akore kusu ne.

Kasike ta a=kar inan aynu iki iki p ne yakka siroma yakun, pummaha a=kore kusu ne.

ει τινος το εργον μενει ο εποικοδομησεν μισθον λημψεται

If any man’s work shall abide which he built thereon, he shall receive a reward.

Ainu iki ikip inan korope ne yakka uhuye wa isam yakun, nei guru akoisamka kusu ne, a koroka, shinuma yaikota anak kashichiobiuki, yakka, abe orowa no an korachi nep.

Aynu iki iki p inan kor pe ne yakka uhuy wa isam yakun, ne kur akoysamka kusu ne, a korka, sinuma yaykota anak kasiciopiwki, yakka, ape oro wano an koraci nep.

ει τινος το εργον κατακαησεται ζημιωθησεται αυτος δε σωθησεται ουτως δε ως δια πυρος

If any man’s work shall be burned, he shall suffer loss: but he himself shall be saved; yet so as through fire.

Echi utara anak ne Kamui kora kenru echi ne wa Kamui Ramat echi oshiketa oshiroma ambe echi erampeutek ruwe he an?

Eci utar anakne Kamuy kor kenru eci ne wa Kamuy Ramat eci=oske ta osiroma anpe eci=eranpewtek ruwe he an?

ουκ οιδατε οτι ναος θεου εστε και το πνευμα του θεου εν υμιν οικει οικει εν υμιν

Know ye not that ye are a temple of God, and [that ]the Spirit of God dwelleth in you?

Kamui kora kenru isamka inan guru ne yakka an chiki, Kamui anak shinuma isamka kusu ne; inambe gusu ne yakun, Kamui kora kenru anak ne ashkannep ne, nei ambe echi ne ruwe ne.

Kamuy kor kenru isamka inan kur ne yakka an ciki, Kamuy anak sinuma isamka kusu ne; inanpe kusu ne yakun, Kamuy kor kenru anakne askannep ne, ne anpe eci ne ruwe ne.

ει τις τον ναον του θεου φθειρει φθερει τουτον ο θεος ο γαρ ναος του θεου αγιος εστιν οιτινες εστε υμεις

If any man destroyeth the temple of God, him shall God destroy; for the temple of God is holy, which [temple ]ye are.

Inan guru ne yakka, iteki yaikota yaikokandama yan. Tan moshirʼotta echi tumugeta nen ka wayashnu ne sekoro yaikota gusu yai-yainu guru an chiki, wayashnu guru ne kuni ne, ramu-isambe ne kuni gusu yai-kara yan.

Inan kur ne yakka, iteki yaykota yaykokantama yan. Tan mosir or ta eci=tumke ta nen ka wayasnu ne sekor yaykota kusu yay-yaynu kur an ciki, wayasnu kur ne kuni ne, ramu-i=sanpe ne kuni kusu yay-kar yan.

μηδεις εαυτον εξαπατατω ει τις δοκει σοφος ειναι εν υμιν εν τω αιωνι τουτω μωρος γενεσθω ινα γενηται σοφος

Let no man deceive himself. If any man thinketh that he is wise among you in this world, let him become a fool, that he may become wise.

Inambe gusu ne yakun, tan moshirʼun wayashnu ambe anak ne Kamui kotchaketa ramu-isambe ne ruwe ne gusu ne na. Ene chieshinnuye wa an na :— Koro irarabe gusu Shinuma anak ne wayashnu utara kishima ruwe ne: orowa shui, —

Inanpe kusu ne yakun, tan mosir un wayasnu anpe anakne Kamuy kotcake ta ramu-i=sanpe ne ruwe ne kusu ne na. Ene ciesinnuye wa an na :— Kor irara p kusu Sinuma anakne wayasnu utar kisma ruwe ne: orowa suy, —

η γαρ σοφια του κοσμου τουτου μωρια παρα τω θεω εστιν γεγραπται γαρ ο δρασσομενος τους σοφους εν τη πανουργια αυτων

For the wisdom of this world is foolishness with God. For it is written, He that taketh the wise in their craftiness:

Wayashnu utara upaure ambe anak ne raka isambe ne sekoro Utarapa eraman ruwe ne.

Wayasnu utar upawre anpe anakne raka i=sanpe ne sekor Utarpa eraman ruwe ne.

και παλιν κυριος γινωσκει τους διαλογισμους των σοφων οτι εισιν ματαιοι

and again, The Lord knoweth the reasonings of the wise, that they are vain.

Tambe gusu inan guru ne yakka iteki ainu utara gusu yaiomonnure yan. Inambe gusu ne yakun, obitta no okaibe echi korobe ne;

Tanpe kusu inan kur ne yakka iteki aynu utar kusu yayomonnure yan. Inanpe kusu ne yakun, opittano okaype eci=kor pe ne;

ωστε μηδεις καυχασθω εν ανθρωποις παντα γαρ υμων εστιν

Wherefore let no one glory in men. For all things are yours;

Pauros hene, Aporros hene, Kepas hene, moshiri hene, inotu hene, rai ambe hene, tane an okaibe hene, ek kushki okaibe hene, obitta no okaibe echi korobe ne;

Pawros hene, Aporros hene, Kepas hene, mosir hene, inotu hene, ray anpe hene, tane an okaype hene, ek kuski okaype hene, opittano okaype eci=kor pe ne;

ειτε παυλος ειτε απολλως ειτε κηφας ειτε κοσμος ειτε ζωη ειτε θανατος ειτε ενεστωτα ειτε μελλοντα παντα υμων

whether Paul, or Apollos, or Cephas, or the world, or life, or death, or things present, or things to come; all are yours;

echi utara anak ne Kiristo korobe ne; Kiristo anak ne Kamui korobe ne ruwe ne na.

eci utar anakne Kiristo kor pe ne; Kiristo anakne Kamuy kor pe ne ruwe ne na.

υμεις δε χριστου χριστος δε θεου

and ye are Christ’s; and Christ is God’s.