2 Ik. leaf 451

Orowa, iriwak utara, echi otta ku ek ita anak ne pawetokkoro itak ani hene wayashnu itak ani hene Kamui nuinap echi orun eupaskuma shomoki nisa ruwe ne.

Orowa, irwak utar, eci or ta ku=ek hi ta anakne pawetokkor itak ani hene wayasnu itak ani hene Kamuy nuynap eci=orun ewpaskuma somo ki nisa ruwe ne.

καγω ελθων προς υμας αδελφοι ηλθον ου καθ υπεροχην λογου η σοφιας καταγγελλων υμιν το μυστηριον του θεου

And I, brethren, when I came unto you, came not with excellency of speech or of wisdom, proclaiming to you the mystery of God.

Inambe gusu ne yakun, Yesu Kiristo newa utasa chikuni otta akungi kokikkikbe moshima, echi tumugeta nep ne yakka ku erampeutek kuni ku ramuoshitchiu nisa ruwe ne.

Inanpe kusu ne yakun, Yesu Kiristo newa utasa cikuni or ta a=kunki kokikkikpe mosma, eci=tumke ta nep ne yakka ku=eranpewtek kuni ku ramuositciw nisa ruwe ne.

ου γαρ εκρινα τι ειδεναι εν υμιν ει μη ιησουν χριστον και τουτον εσταυρωμενον

For I determined not to know anything among you, save Jesus Christ, and him crucified.

Orowa, echi tura no ku an ita, katchak no, ishitomo wa shiri tusushke wa an ruwe ne.

Orowa, eci turano ku=an hi ta, katcak no, isitomo wa siri tususke wa an ruwe ne.

καγω εν ασθενεια και εν φοβω και εν τρομω πολλω εγενομην προς υμας

And I was with you in weakness, and in fear, and in much trembling.

Aige, echi koro eishokor-i anak ne utara koro wayashnu ambe ta an shomoki, koroka, Kamui kiroro ta an kuni ne,

Ayke, eci=kor eysokor hi anakne utar kor wayasnu anpe ta an somo ki, korka, Kamuy kiroro ta an kuni ne,

και ο λογος μου και το κηρυγμα μου ουκ εν πειθοις σοφιας λογοις πειθοις σοφιας [λογοις] αλλ εν αποδειξει πνευματος και δυναμεως

And my speech and my preaching were not in persuasive words of wisdom, but in demonstration of the Spirit and of power:

ku ye itak newa upaskuma anak wayashnu an onishnishi itak gusu an ambe ani shomo ne, koroka, Ramat newa kiroro gusu ashte kuni an itak ani ne ruwe ne.

ku=ye itak newa upaskuma anak wayasnu an onisnisi itak kusu an anpe ani somo ne, korka, Ramat newa kiroro kusu aste kuni an itak ani ne ruwe ne.

ινα η πιστις υμων μη η εν σοφια ανθρωπων αλλ εν δυναμει θεου

that your faith should not stand in the wisdom of men, but in the power of God.

Yakka aeramushinne okere utara tumugeta wayashnu ambe chi ye, aine, nei wayashnu-hi anak ne tan moshirʼun wayashnu ambe shomo ne, shui, isam kushki tan moshirʼun epungine utara korobe shomo ne ruwe ne:

Yakka a=eramusinne okere utar tumke ta wayasnu anpe ci ye, ayne, ne wayasnu hi anakne tan mosir un wayasnu anpe somo ne, suy, isam kuski tan mosir un epunkine utar kor pe somo ne ruwe ne:

σοφιαν δε λαλουμεν εν τοις τελειοις σοφιαν δε ου του αιωνος τουτου ουδε των αρχοντων του αιωνος τουτου των καταργουμενων

Howbeit we speak wisdom among the perfect: yet a wisdom not of this world, nor of the rulers of this world, which are coming to nought:

koroka, anuina no an ambe ani Kamui wayashnu ambe chi ye, nei ambe anak ne anuina wa an, awa, chikoro nupeki gusu moshiri etoko wano aesanniyo okerep ne:

korka, a=nuyna no an anpe ani Kamuy wayasnu anpe ci ye, ne anpe anakne a=nuyna wa an, awa, ci=kor nupeki kusu mosir etoko wano a=esanniyo okere p ne:

αλλα λαλουμεν θεου σοφιαν εν μυστηριω την αποκεκρυμμενην ην προωρισεν ο θεος προ των αιωνων εις δοξαν ημων

but we speak God’s wisdom in a mystery, [even ]the [wisdom ]that hath been hidden, which God foreordained before the worlds unto our glory:

tan moshiri epungine utara obitta erampeutek ruwe ne: inambe gusu ne yakun, nei utara eraman chiki, nupeki koro Utarapa utasa chikuni otta kungi kokikkik shomoki a nangon na:

tan mosir epunkine utar opitta eranpewtek ruwe ne: inanpe kusu ne yakun, ne utar eraman ciki, nupeki kor Utarpa utasa cikuni or ta kunki kokikkik somo ki a nankor na:

ην ουδεις των αρχοντων του αιωνος τουτου εγνωκεν ει γαρ εγνωσαν ουκ αν τον κυριον της δοξης εσταυρωσαν

which none of the rulers of this world knoweth: for had they known it, they would not have crucified the Lord of glory:

koroka, chieshinnuye wa an korachi, Shikihi shomo nukara, kisaraha shomo nu, Ainu keutum ta shomo ahunbe anak, I-omap utara gusu nep ne yakka Kamui etokooiki okaibe ne.

korka, ciesinnuye wa an koraci, Sikihi somo nukar, kisaraha somo nu, Aynu kewtum ta somo a=hunpe anak, I-omap utar kusu nep ne yakka Kamuy etokooyki okaype ne.

αλλα καθως γεγραπται α οφθαλμος ουκ ειδεν και ους ουκ ηκουσεν και επι καρδιαν ανθρωπου ουκ ανεβη οσα α ητοιμασεν ο θεος τοις αγαπωσιν αυτον

but as it is written, Things which eye saw not, and ear heard not, And [which ]entered not into the heart of man, Whatsoever things God prepared for them that love him.

Koroka, Kamui anak ne Ramat ankushkeraipo nei okaibe un eramande nisa: inambe gusu ne yakun, Ramat anak ne obitta no okaibe chimichimi, ruwe un,

Korka, Kamuy anakne Ramat an kuskeraypo ne okaype un eramante nisa: inanpe kusu ne yakun, Ramat anakne opittano okaype cimicimi, ruwe un,

ημιν γαρ δε απεκαλυψεν ο θεος δια του πνευματος το γαρ πνευμα παντα εραυνα και τα βαθη του θεου

But unto us God revealed [them ]through the Spirit: for the Spirit searcheth all things, yea, the deep things of God.

Kamui ooho-i chimichimi ruwe ne gusu ne na. Inambe gusu ne yakun, utara tumugeta, ainu oshiketa an ainu ramat moshima, ainu gusu an orushpe eraman guru inambe ne ruwe he an? Tap korachi Kamui Ramat moshima Kamui gusu an orushpe eraman guru oara isam ruwe ne.

Kamuy ooho hi cimicimi ruwe ne kusu ne na. Inanpe kusu ne yakun, utar tumke ta, aynu oske ta an aynu ramat mosma, aynu kusu an oruspe eraman kur inanpe ne ruwe he an? Tap koraci Kamuy Ramat mosma Kamuy kusu an oruspe eraman kur oar isam ruwe ne.

τις γαρ οιδεν ανθρωπων τα του ανθρωπου ει μη το πνευμα του ανθρωπου το εν αυτω ουτως και τα του θεου ουδεις εγνωκεν ει μη το πνευμα του θεου

For who among men knoweth the things of a man, save the spirit of the man, which is in him? even so the things of God none knoweth, save the Spirit of God.

Koroka, chi utara anak ne moshiri kon ramat shomo uina, koroka, Kamui orowa no an ramat a un kore an; nei ambe anak Kamui orowa no a un eungeraite ambe chi eraman kuni gusu ne na.

Korka, ci utar anakne mosir kor ramat somo uyna, korka, Kamuy oro wano an ramat a un kore an; ne anpe anak Kamuy oro wano a un eunkerayte anpe ci eraman kuni kusu ne na.

ημεις δε ου το πνευμα του κοσμου ελαβομεν αλλα το πνευμα το εκ του θεου ινα ειδωμεν τα υπο του θεου χαρισθεντα ημιν

But we received, not the spirit of the world, but the spirit which is of God; that we might know the things that are freely given to us by God.

Nei okaibe ka chi ye, ainu wayashnu ambe epakashnu itak ani shomo ne, koroka, Ramat epakashnup ani ye ruwe ne; ramat oma okaibe ani ramat oma okaibe ukonukara wa iki ruwe ne na.

Ne okaype ka ci ye, aynu wayasnu anpe epakasnu itak ani somo ne, korka, Ramat epakasnup ani ye ruwe ne; ramat oma okaype ani ramat oma okaype ukonukara wa iki ruwe ne na.

α και λαλουμεν ουκ εν διδακτοις ανθρωπινης σοφιας λογοις αλλ εν διδακτοις πνευματος πνευματικοις πνευματικα συγκρινοντες

Which things also we speak, not in words which man’s wisdom teacheth, but which the Spirit teacheth; comparing spiritual things with spiritual.

Rengaine an ainu anak ne Kamui Ramat gusu an okaibe shomo uk ruwe ne: shinuma gusu nei okaibe ramusakbe ne ruwe ne gusu ne na; shui, shinuma nei ambe eraman eaikap, ramat ani koipishi kuni gusu an okaibe ne ruwe ne gusu ne na.

Renkayne an aynu anakne Kamuy Ramat kusu an okaype somo uk ruwe ne: sinuma kusu ne okaype ramusakpe ne ruwe ne kusu ne na; suy, sinuma ne anpe eraman eaykap, ramat ani koypisi kuni kusu an okaype ne ruwe ne kusu ne na.

ψυχικος δε ανθρωπος ου δεχεται τα του πνευματος του θεου μωρια γαρ αυτω εστιν και ου δυναται γνωναι οτι πνευματικως ανακρινεται

Now the natural man receiveth not the things of the Spirit of God: for they are foolishness unto him; and he cannot know them, because they are spiritually judged.

Koroka, ramat, oma gurʼanak ne obitta no okaibe koipishi; aige, shinuma yaikota inan guru orowa no ne yakka akoipishi shomoki ruwe ne.

Korka, ramat, oma kur anakne opittano okaype koypisi; ayke, sinuma yaykota inan kur oro wano ne yakka akoypisi somo ki ruwe ne.

ο δε πνευματικος ανακρινει μεν [τα] παντα αυτος δε υπ ουδενος ανακρινεται

But he that is spiritual judgeth all things, and he himself is judged of no man.

Inambe gusu ne yakun, Utarapa epakashnu kuni gusu Shinuma koro keutum eraman guru nen ne ruwe? Koroka, chi utara anak ne Kiristo koro keutum kon ruwe ne.

Inanpe kusu ne yakun, Utarpa epakasnu kuni kusu Sinuma kor kewtum eraman kur nen ne ruwe? Korka, ci utar anakne Kiristo kor kewtum kor ruwe ne.

τις γαρ εγνω νουν κυριου ος συμβιβασει αυτον ημεις δε νουν χριστου εχομεν

For who hath known the mind of the Lord, that he should instruct him? But we have the mind of Christ.