25 Ik. leaf 77

Kando moshiri anak ne ratchako koro wa shine mat-ahupkara guru ekanok gusu paye wa niu ne hoku-sak shiwentep utara koheraye ruwe ne.

Kanto mosir anakne ratcako kor wa sine mat-ahupkar kur ekanok kusu paye wa niw ne hoku-sak siwentep utar koheraye ruwe ne.

τοτε ομοιωθησεται η βασιλεια των ουρανων δεκα παρθενοις αιτινες λαβουσαι τας λαμπαδας εαυτων εξηλθον εις υπαντησιν του νυμφιου

Then shall the kingdom of heaven be likened unto ten virgins, which took their lamps, and went forth to meet the bridegroom.

Ashikne niu anak ne wayashnu ne, ashiknen anak ne wayasap ruwe ne.

Asikne niw anakne wayasnu ne, asiknen anakne wayasap ruwe ne.

πεντε δε εξ αυτων ησαν μωραι και πεντε φρονιμοι

And five of them were foolish, and five were wise.

Inambe gusu ne yakun, wayasap utara anak ne ratchako koro wa paye ita, shum amba shomoki nisa ruwe ne:

Inanpe kusu ne yakun, wayasap utar anakne ratcako kor wa paye hi ta, sum anpa somo ki nisa ruwe ne:

αι γαρ μωραι λαβουσαι τας λαμπαδας [αυτων] αυτων ουκ ελαβον μεθ εαυτων ελαιον

For the foolish, when they took their lamps, took no oil with them:

koroka, wayashnu utara anak ratchako tura shum op amba ruwe ne.

korka, wayasnu utar anak ratcako tura sum op anpa ruwe ne.

αι δε φρονιμοι ελαβον ελαιον εν τοις αγγειοις μετα των λαμπαδων εαυτων

but the wise took oil in their vessels with their lamps.

Awa, mat-ahupkara guru moire wa gusu, nei utara obitta rubotke wa mokon ruwe ne.

Awa, mat-ahupkar kur moyre wa kusu, ne utar opitta rupotke wa mokor ruwe ne.

χρονιζοντος δε του νυμφιου ενυσταξαν πασαι και εκαθευδον

Now while the bridegroom tarried, they all slumbered and slept.

Aige, an noshike pakita, ingarʼan mat-ahupkara guru ek an na, hetak, hopumba wa ekanok gusu soyumba wa araki yan, ari an hawe anu ruwe ne.

Ayke, an noske pakita, inkar=an mat-ahupkar kur ek an na, hetak, hopunpa wa ekanok kusu soyunpa wa arki yan, ari an hawe anu ruwe ne.

μεσης δε νυκτος κραυγη γεγονεν ιδου ο νυμφιος εξερχεσθε εις απαντησιν [αυτου]

But at midnight there is a cry, Behold, the bridegroom! Come ye forth to meet him.

Tata otta, nei hoku-sak shiwentep utara obitta hopumba wa koro ratchako kan nisa ruwe ne.

Tata or ta, ne hoku-sak siwentep utar opitta hopunpa wa kor ratcako kan nisa ruwe ne.

τοτε ηγερθησαν πασαι αι παρθενοι εκειναι και εκοσμησαν τας λαμπαδας εαυτων

Then all those virgins arose, and trimmed their lamps.

Awa, wayasap utara anak ne wayashnu utara otta ene itak-hi :— Chi kon ratchako tane oraitek gusu, echi koro shum pon no un kore, ari itak.

Awa, wayasap utar anakne wayasnu utar or ta ene itak hi :— Ci kor ratcako tane oraytek kusu, eci=kor sum ponno un kore, ari itak.

αι δε μωραι ταις φρονιμοις ειπαν δοτε ημιν εκ του ελαιου υμων οτι αι λαμπαδες ημων σβεννυνται

And the foolish said unto the wise, Give us of your oil; for our lamps are going out.

Koroka, wayashnu utara ese wa ene itak-hi :— Echi paye wa echi eiwange kunip hok yan: ikineipeka echi okai hemhem chi okai hemhem eipak shomoki nangon na, sekoro itak.

Korka, wayasnu utar ese wa ene itak hi :— Eci=paye wa eci=eywanke kunip hok yan: ikineypeka eci=okay hemhem ci okay hemhem e=pak somo ki nankor na, sekor itak.

απεκριθησαν δε αι φρονιμοι λεγουσαι μηποτε ου μη αρκεση ημιν και υμιν πορευεσθε μαλλον προς τους πωλουντας και αγορασατε εαυταις

But the wise answered, saying, Peradventure there will not be enough for us and you: go ye rather to them that sell, and buy for yourselves.

Orowa, nei utara shum hok gusu paye wa isam rapoketa, mat-ahupkara guru shirepa nisa ruwe ne; aige, iyetokooiki wa okai utara anak ne nei shuke iwai gusu mat-ahupkara guru tura ahup ruwe ne: orowa, apaushta aashi nisa ruwe ne.

Orowa, ne utar sum hok kusu paye wa isam rapoketa, mat-ahupkar kur sirepa nisa ruwe ne; ayke, iyetokoyki wa okay utar anakne ne suke iway kusu mat-ahupkar kur tura ahup ruwe ne: orowa, apausta a=asi nisa ruwe ne.

απερχομενων δε αυτων αγορασαι ηλθεν ο νυμφιος και αι ετοιμοι εισηλθον μετ αυτου εις τους γαμους και εκλεισθη η θυρα

And while they went away to buy, the bridegroom came; and they that were ready went in with him to the marriage feast: and the door was shut.

Okaketa moshima okai wayasap utara ne yakka araki wa ene itak-hi :— Utarapa, Utarapa, chi utara gusu apa maka wa un kore, ari itak.

Okake ta mosma okay wayasap utar ne yakka arki wa ene itak hi :— Utarpa, Utarpa, ci utar kusu apa maka wa un kore, ari itak.

υστερον δε ερχονται και αι λοιπαι παρθενοι λεγουσαι κυριε κυριε ανοιξον ημιν

Afterward come also the other virgins, saying, Lord, Lord, open to us.

Koroka, nei utara otta shinuma ese wa ene itak-hi :— Son no echi otta ku ye;

Korka, ne utar or ta sinuma ese wa ene itak hi :— Sonno eci or ta ku=ye;

ο δε αποκριθεις ειπεν αμην λεγω υμιν ουκ οιδα υμας

But he answered and said, Verily I say unto you, I know you not.

echi eramushkare ash na, ari itak. Tambe gusu shiruwande yan; inambe gusu ne yakun, tobo ne yakka pakihi ne yakka echi erampeutek ruwe ne gusu ne na.

eci=eramuskare as na, ari itak. Tanpe kusu siruwante yan; inanpe kusu ne yakun, topo ne yakka pakihi ne yakka eci=eranpewtek ruwe ne kusu ne na.

γρηγορειτε ουν οτι ουκ οιδατε την ημεραν ουδε την ωραν

Watch therefore, for ye know not the day nor the hour.

Shui, ene ani ne :— Shine ainu oya moshiri ta oman, aine, otta koro usshiune utara hotuyekara wa, yaikota korobe shikkashimare nisa ruwe ne.

Suy, ene ani ne :— Sine aynu oya mosir ta oman, ayne, or ta kor ussiw ne utar hotuyekar wa, yaykota kor pe sikkasmare nisa ruwe ne.

ωσπερ γαρ ανθρωπος αποδημων εκαλεσεν τους ιδιους δουλους και παρεδωκεν αυτοις τα υπαρχοντα αυτου

For [it is ]as [when ]a man, going into another country, called his own servants, and delivered unto them his goods.

Awa, shinen otta ashikne taranton kore, shinen otta tup kore, shinen otta shinep kore; nei utara pishno okai ki no an mondum ramepakari wa koropare nisa ruwe ne, orowa, payekai wa oman ruwe ne.

Awa, sinen or ta asikne taranton kore, sinen or ta tup kore, sinen or ta sinep kore; ne utar pisno okay ki no an montum ramepakari wa korpare nisa ruwe ne, orowa, payekay wa oman ruwe ne.

και ω μεν εδωκεν πεντε ταλαντα ω δε δυο ω δε εν εκαστω κατα την ιδιαν δυναμιν και απεδημησεν ευθεως

And unto one he gave five talents, to another two, to another one; to each according to his several ability; and he went on his journey.

Ashikne taranton akore gurʼanak ne nani nei ambe koro wa ani iraugetupa hine naa ashiknep epirika nisa ruwe ne.

Asikne taranton a=kore kur anakne nani ne anpe kor wa ani irawketupa hine naa asiknep e=pirka nisa ruwe ne.

πορευθεις ο τα πεντε ταλαντα λαβων ηργασατο εν αυτοις και εκερδησεν αλλα πεντε

Straightway he that received the five talents went and traded with them, and made other five talents.

Tup akore guru ne yakka oman wa naa tup epirika nisa ruwe ne.

Tup a=kore kur ne yakka oman wa naa tup e=pirka nisa ruwe ne.

ωσαυτως ο τα δυο εκερδησεν αλλα δυο

In like manner he also that [received ]the two gained other two.

Koroka, shine taranton akore gurʼanak ne oman wa toitoi ohori hine kon nishpa koro ichen nuina nisa ruwe ne na.

Korka, sine taranton a=kore kur anakne oman wa toytoy ohor hine kor nispa kor icen nuyna nisa ruwe ne na.

ο δε το εν λαβων απελθων ωρυξεν γην και εκρυψεν το αργυριον του κυριου αυτου

But he that received the one went away and digged in the earth, and hid his lord’s money.

Ohon no shirʼan ko anak ne nei ausshiunere utara kon nishpa ek wa tura no ukosanniyo nisa ruwe ne.

Ohor no siran ko anakne ne aussiwnere utar kor nispa ek wa turano ukosanniyo nisa ruwe ne.

μετα δε πολυν χρονον ερχεται ο κυριος των δουλων εκεινων και συναιρει λογον μετ αυτων

Now after a long time the lord of those servants cometh, and maketh a reckoning with them.

Awa, ashikne taranton akore gurʼanak ne naa moshima ashiknep koro wa ek wa ene itak-hi :— Nishpa, ashikne taranton e en kore, awa, naa moshima okai ashiknep ku epirika nisa ruwe ne na, sekoro itak.

Awa, asikne taranton a=kore kur anakne naa mosma asiknep kor wa ek wa ene itak hi :— Nispa, asikne taranton e en=kore, awa, naa mosma okay asiknep ku=e=pirka nisa ruwe ne na, sekor itak.

και προσελθων ο τα πεντε ταλαντα λαβων προσηνεγκεν αλλα πεντε ταλαντα λεγων κυριε πεντε ταλαντα μοι παρεδωκας ιδε αλλα πεντε ταλαντα εκερδησα

And he that received the five talents came and brought other five talents, saying, Lord, thou deliveredst unto me five talents: lo, I have gained other five talents.

Otta kon nishpa ene itak-hi :— Pirika, ikipniukesh wa pirika usshiune guru: pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak.

Or ta kor nispa ene itak hi :— Pirka, ikipniwkes wa pirka ussiw ne kur: ponno anpe kusu e ikipniwkes, awa, poronno anpe esapane kuni e kar as kusu ne: e=kor nispa kor nupetne hi or ta ahun, ari itak.

εφη αυτω ο κυριος αυτου ευ δουλε αγαθε και πιστε επι ολιγα ης πιστος επι πολλων σε καταστησω εισελθε εις την χαραν του κυριου σου

His lord said unto him, Well done, good and faithful servant: thou hast been faithful over a few things, I will set thee over many things: enter thou into the joy of thy lord.

Orowa, tup akore guru ne yakka ek wa ene itak-hi :— Utarapa, tu taranton e en kore, awa, naa tup ku epirika nisa ruwe ne.

Orowa, tup a=kore kur ne yakka ek wa ene itak hi :— Utarpa, tu taranton e en=kore, awa, naa tup ku=e=pirka nisa ruwe ne.

προσελθων [δε] και ο τα δυο ταλαντα ειπεν κυριε δυο ταλαντα μοι παρεδωκας ιδε αλλα δυο ταλαντα εκερδησα

And he also that [received ]the two talents came and said, Lord, thou deliveredst unto me two talents: lo, I have gained other two talents.

Otta kon nishpa ene itak-hi :— Pirika, ikipniukesh wa pirika usshiune guru; pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak.

Or ta kor nispa ene itak hi :— Pirka, ikipniwkes wa pirka ussiw ne kur; ponno anpe kusu e ikipniwkes, awa, poronno anpe esapane kuni e kar as kusu ne: e=kor nispa kor nupetne hi or ta ahun, ari itak.

εφη αυτω ο κυριος αυτου ευ δουλε αγαθε και πιστε επι ολιγα ης πιστος επι πολλων σε καταστησω εισελθε εις την χαραν του κυριου σου

His lord said unto him, Well done, good and faithful servant; thou hast been faithful over a few things, I will set thee over many things: enter thou into the joy of thy lord.

Orowa, shine taranton akore guru ne yakka ek wa ene itak-hi :— Utarapa, aokai anak ne keutum yupke guru a ne wa etoita shomoki ushike wa nange ruwe ne,

Orowa, sine taranton a=kore kur ne yakka ek wa ene itak hi :— Utarpa, aokay anakne kewtum yupke kur a ne wa etoyta somo ki usike wa nanke ruwe ne,

προσελθων δε και ο το εν ταλαντον ειληφως ειπεν κυριε εγνων σε οτι σκληρος ει ανθρωπος θεριζων οπου ουκ εσπειρας και συναγων οθεν ου διεσκορπισας

And he also that had received the one talent came and said, Lord, I knew thee that thou art a hard man, reaping where thou didst not sow, and gathering where thou didst not scatter:

e chari shomoki ushike wa umomare ruwe ne, sekoro ku eramu an, awa, ku ishitoma wa oman hine e koro taranton toi tumta ku nuina nisa ruwe ne; ingarʼan, e korope a koro an na, ari itak.

e cari somo ki usike wa umomare ruwe ne, sekor ku=eramu an, awa, ku=isitoma wa oman hine e=kor taranton toy tum ta ku=nuyna nisa ruwe ne; inkar=an, e=kor pe a kor an na, ari itak.

και φοβηθεις απελθων εκρυψα το ταλαντον σου εν τη γη ιδε εχεις το σον

and I was afraid, and went away and hid thy talent in the earth: lo, thou hast thine own.

Koroka, otta kon nishpa ese wa ene itak-hi :— Wen newa toranne usshiune guru, ku etoita shomoki ushike wa ku nange, orowa, ku chari shomoki ushike wa ku umomare sekoro e eramu an,

Korka, or ta kor nispa ese wa ene itak hi :— Wen newa toranne ussiw ne kur, ku=etoyta somo ki usike wa ku=nanke, orowa, ku=cari somo ki usike wa ku=umomare sekor e eramuan,

αποκριθεις δε ο κυριος αυτου ειπεν αυτω πονηρε δουλε και οκνηρε ηδεις οτι θεριζω οπου ουκ εσπειρα και συναγω οθεν ου διεσκορπισα

But his lord answered and said unto him, Thou wicked and slothful servant, thou knewest that I reap where I sowed not, and gather where I did not scatter;

awa, tambe gusu, ku goro ichen ginko otta e omare kunip ne, aige, ku ek ita ku korope risoku tura auk eashkai ruwe ne.

awa, tanpe kusu, ku=kor icen kinko or ta e omare kunip ne, ayke, ku=ek hi ta ku=kor pe risoku tura auk easkay ruwe ne.

εδει σε ουν βαλειν τα αργυρια μου τοις τραπεζιταις και ελθων εγω εκομισαμην αν το εμον συν τοκω

thou oughtest therefore to have put my money to the bankers, and at my coming I should have received back mine own with interest.

Tambe gusu, nei guru koro shine taranton uk wa, wanbe koro guru otta kore yan.

Tanpe kusu, ne kur kor sine taranton uk wa, wanpe kor kur or ta kore yan.

αρατε ουν απ αυτου το ταλαντον και δοτε τω εχοντι τα δεκα ταλαντα

Take ye away therefore the talent from him, and give it unto him that hath the ten talents.

Inambe gusu ne yakun, nen ne yakka koro guru otta akore kusu ne, aige, shinuma nuye an no koro: koroka, koro shomoki guru orowa no korobe poka auk kusu ne na.

Inanpe kusu ne yakun, nen ne yakka kor kur or ta a=kore kusu ne, ayke, sinuma nuye an no kor: korka, kor somo ki kur oro wano kor pe poka auk kusu ne na.

τω γαρ εχοντι παντι δοθησεται και περισσευθησεται του δε μη εχοντος και ο εχει αρθησεται απ αυτου

For unto every one that hath shall be given, and he shall have abundance: but from him that hath not, even that which he hath shall be taken away.

Tan raka isam usshiune guru kishima wa soita an kunne ushike un eyapkiri yan: nei ita anak ne chish hemhem niyorokara hemhem an kusu ne na.

Tan raka isam ussiw ne kur kisma wa soy ta an kunne usike un eyapkir yan: ne hi ta anakne cis hemhem niyorkar hemhem an kusu ne na.

και τον αχρειον δουλον εκβαλετε εις το σκοτος το εξωτερον εκει εσται ο κλαυθμος και ο βρυγμος των οδοντων

And cast ye out the unprofitable servant into the outer darkness: there shall be the weeping and gnashing of teeth.

Koroka, Ainu Poho anak ne koro arakuru newa Kamui hauturunbe obitta tura no ek ita anak ne, nei ita Shinuma arakuru oma amset kata a kusu ne:

Korka, Aynu Poho anakne kor a=rakur newa Kamuy hawturunpe opitta turano ek hi ta anakne, ne hi ta Sinuma a=rakur oma amset kata a kusu ne:

οταν δε ελθη ο υιος του ανθρωπου εν τη δοξη αυτου και παντες οι αγγελοι μετ αυτου τοτε καθισει επι θρονου δοξης αυτου

But when the Son of man shall come in his glory, and all the angels with him, then shall he sit on the throne of his glory:

orowa, moshiri uirup obitta Shinuma kotchaketa uweakarapare kusu ne: orowa, hitsuji chikoikip pungi anak ne yangi chikoikip tumuge wano hitsuji usaare korachi, nei utara ne yakka ausaare kusu ne:

orowa, mosir uyrup opitta Sinuma kotcake ta uweakarapare kusu ne: orowa, hitsuji cikoykip punki anakne yanki cikoykip tumuke wano hitsuji usar koraci, ne utar ne yakka awsaare kusu ne:

και συναχθησονται εμπροσθεν αυτου παντα τα εθνη και αφορισει αυτους απ αλληλων ωσπερ ο ποιμην αφοριζει τα προβατα απο των εριφων

and before him shall be gathered all the nations: and he shall separate them one from another, as the shepherd separateth the sheep from the goats:

orowa, oshimon samta hitsuji are, koroka, ohariki samta yangi are kusu ne.

orowa, osimon sam ta hitsuji are, korka, ohariki sam ta yanki are kusu ne.

και στησει τα μεν προβατα εκ δεξιων αυτου τα δε εριφια εξ ευωνυμων

and he shall set the sheep on his right hand, but the goats on the left.

Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Ne hi ta anakne osimon sam ta okay utar or ta Mosir Sikkasima kur ene itak hi :— Ku Mici oro wano a=nunuke utar, arki wa mosir asamaha a=ante pakihi wano eci utar kusu a=etokoyki mosir eykeskoro yan:

τοτε ερει ο βασιλευς τοις εκ δεξιων αυτου δευτε οι ευλογημενοι του πατρος μου κληρονομησατε την ητοιμασμενην υμιν βασιλειαν απο καταβολης κοσμου

Then shall the King say unto them on his right hand, Come, ye blessed of my Father, inherit the kingdom prepared for you from the foundation of the world:

inambe gusu ne yakun, Ku ibe rusui, awa, echi En ibere: Ku iku rusui, awa, echi En ikure:

inanpe kusu ne yakun, Ku=ipe rusuy, awa, eci En=ipere: Ku=iku rusuy, awa, eci En=ikure:

επεινασα γαρ και εδωκατε μοι φαγειν εδιψησα και εποτισατε με ξενος ημην και συνηγαγετε με

for I was an hungred, and ye gave me meat: I was thirsty, and ye gave me drink: I was a stranger, and ye took me in;

oya guru Ku ne, awa, echi kot chisei ta En ahunde; Ku atusa, awa, echi En mire: tashum Ku ki, awa, echi En hotanukara: ipakashnu chisei ta Ku

oya kur Ku ne, awa, eci=kot cise ta En=ahunte; Ku=atusa, awa, eci En=mire: tasum Ku=ki, awa, eci En=hotanukar: ipakasnu cise ta Ku

γυμνος και περιεβαλετε με ησθενησα και επεσκεψασθε με εν φυλακη ημην και ηλθατε προς με

naked, and ye clothed me: I was sick, and ye visited me: I was in prison, and ye came unto me.

an, awa, En orota echi araki nisa ruwe ne na. Nei ita anak ne oupeka utara ese wa ene itak kusu ne-hi :— Utarapa, hembara Aokai ibe rusui ruwe chi nukara wa E ibere ash ya? Hembara E iku rusui ruwe chi nukara wa E ikure ash ya?

an, awa, En oro ta eci=arki nisa ruwe ne na. Ne hi ta anakne owpeka utar ese wa ene itak kusu ne hi :— Utarpa, henpara Aokay ipe rusuy ruwe ci nukar wa E ipere as ya? Henpara E iku rusuy ruwe ci nukar wa E ikure as ya?

τοτε αποκριθησονται αυτω οι δικαιοι λεγοντες κυριε ποτε σε ειδαμεν ειδομεν πεινωντα και εθρεψαμεν η διψωντα και εποτισαμεν

Then shall the righteous answer him, saying, Lord, when saw we thee an hungred, and fed thee? or athirst, and gave thee drink?

Orowa, hembara, Aokai anak ne oya guru a kopa ash wa chisei otta E ahunde ya? Shui, hembara E atusa ruwe chi nukara wa E imire ya?

Orowa, henpara, Aokay anakne oya kur a kopa as wa cise or ta E ahunte ya? Suy, henpara E atusa ruwe ci nukar wa E imire ya?

ποτε δε σε ειδαμεν ειδομεν ξενον και συνηγαγομεν η γυμνον και περιεβαλομεν

And when saw we thee a stranger, and took thee in? or naked, and clothed thee?

Orowa, hembara E tashum ruwe hene, ipakashnu chisei otta E an wa hotanu kara gusu araki ash ya?

Orowa, henpara E tasum ruwe hene, ipakasnu cise or ta E an wa hotanukar kusu arki as ya?

ποτε δε σε ειδομεν ασθενουντα η εν φυλακη και ηλθομεν προς σε

And when saw we thee sick, or in prison, and came unto thee?

Moshiri Shikkashima guru nei utara otta ese wa ene itak kusu ne-hi :— Son no echi otta Ku ye, tan Ku iriwak ne utara tumuge un shinen otta, iyotta ponbe poka echi ki nisa ruwe ne gusu, En otta aki nisa ruwe ne na.

Mosir Sikkasima kur ne utar or ta ese wa ene itak kusu ne hi :— Sonno eci or ta Ku=ye, tan Ku=irwak ne utar tumuke un sinen or ta, iyotta ponpe poka eci=ki nisa ruwe ne kusu, En or ta aki nisa ruwe ne na.

και αποκριθεις ο βασιλευς ερει αυτοις αμην λεγω υμιν εφ οσον εποιησατε ενι τουτων των αδελφων μου των ελαχιστων εμοι εποιησατε

And the King shall answer and say unto them, Verily I say unto you, Inasmuch as ye did it unto one of these my brethren, [even ]these least, ye did it unto me.

Nei ita anak ne ohariki samta okai utara otta ka ene itak kusu ne-hi :— Aiyoitakushi echi utara, En orowa no paye wa Nitnep newa koro hauturunbe gusu etokooiki wa an hembara pakno ne yakka ush shomoki abe otta ahup yan:

Ne hi ta anakne ohariki sam ta okay utar or ta ka ene itak kusu ne hi :— A=iyoytakus eci utar, En=oro wano paye wa Nitnep newa kor hawturunpe kusu etokooyki wa an henpara pakno ne yakka us somo ki ape or ta ahup yan:

τοτε ερει και τοις εξ ευωνυμων πορευεσθε απ εμου [οι] κατηραμενοι εις το πυρ το αιωνιον το ητοιμασμενον τω διαβολω και τοις αγγελοις αυτου

Then shall he say also unto them on the left hand, Depart from me, ye cursed, into the eternal fire which is prepared for the devil and his angels:

inambe gusu ne yakun, Ku ibe rusui, awa, echi En ibere shomoki: Ku iku rusui, awa, echi En ikure shomoki:

inanpe kusu ne yakun, Ku=ipe rusuy, awa, eci En=ipere somo ki: Ku=iku rusuy, awa, eci En=ikure somo ki:

επεινασα γαρ και ουκ εδωκατε μοι φαγειν [και] εδιψησα και ουκ εποτισατε με

for I was an hungred, and ye gave me no meat: I was thirsty, and ye gave me no drink:

oya guru Ku ne, awa, echi kot chisei orun En ahunde shomoki: atusa, awa, echi En mire shomoki: Ku tashum hene ki, ipakashnu chisei ta Ku an, awa, echi En hotanukara gusu araki shomoki nisa ruwe ne gusu ne na.

oya kur Ku ne, awa, eci=kot cise orun En=ahunte somo ki: atusa, awa, eci En=mire somo ki: Ku=tasum hene ki, ipakasnu cise ta Ku=an, awa, eci En=hotanukar kusu arki somo ki nisa ruwe ne kusu ne na.

ξενος ημην και ου συνηγαγετε με γυμνος και ου περιεβαλετε με ασθενης και εν φυλακη και ουκ επεσκεψασθε με

I was a stranger, and ye took me not in; naked, and ye clothed me not; sick, and in prison, and ye visited me not.

Orowa no, nei utara ese wa ene itak kusu ne-hi :— Utarapa, E ibe rusui hemhem ki, E iku rusui hemhem ki, E oya guru ne hemhem, E atusa hemhem, E tashum hemhem, ipakashnu chisei ta E an-i hemhem, hembara chi nukara wa E otta yaishieiwangere shomoki nisa ruwe he an?

Orowano, ne utar ese wa ene itak kusu ne hi :— Utarpa, E ipe rusuy hemhem ki, E iku rusuy hemhem ki, E oya kur ne hemhem, E atusa hemhem, E tasum hemhem, ipakasnu cise ta E an hi hemhem, henpara ci nukar wa E or ta yaysieywankere somo ki nisa ruwe he an?

τοτε αποκριθησονται και αυτοι λεγοντες κυριε ποτε σε ειδομεν πεινωντα η διψωντα η ξενον η γυμνον η ασθενη η εν φυλακη και ου διηκονησαμεν σοι

Then shall they also answer, saying, Lord, when saw we thee an hungred, or athirst, or a stranger, or naked, or sick, or in prison, and did not minister unto thee?

Tata otta Shinuma ese wa ene itak kusu ne-hi :— Tan okai utara tumuge un iyotta pon guru otta shomo echi ki nisa ruwe ne gusu, En otta echi iki shomoki nisa ruwe ne, sekoro itak.

Tata or ta Sinuma ese wa ene itak kusu ne hi :— Tan okay utar tumuke un iyotta pon kur or ta somo eci=ki nisa ruwe ne kusu, En or ta eci=iki somo ki nisa ruwe ne, sekor itak.

τοτε αποκριθησεται αυτοις λεγων αμην λεγω υμιν εφ οσον ουκ εποιησατε ενι τουτων των ελαχιστων ουδε εμοι εποιησατε

Then shall he answer them, saying, Verily I say unto you, Inasmuch as ye did it not unto one of these least, ye did it not unto me.

Orowa, tan utara anak ne hembara pakno ne yakka okere shomoki apanakte i orun paye: koroka, oupeka utara anak hembara pakno ne yakka inotu ani orun ahup kusu ne na.

Orowa, tan utar anakne henpara pakno ne yakka okere somo ki a=panakte i orun paye: korka, owpeka utar anak henpara pakno ne yakka inotu ani orun ahup kusu ne na.

και απελευσονται ουτοι εις κολασιν αιωνιον οι δε δικαιοι εις ζωην αιωνιον

And these shall go away into eternal punishment: but the righteous into eternal life.