Abraham poho ne Dabid koro poho Yesu Kiristo ekashi shinrit ikiri anuye kambi.

Abraham poho ne Dabid kor poho Yesu Kiristo ekasi sinrit ikiri a=nuye kampi.

アブラハムの子ダビデの子、イエス・キリストの系図。

Abraham anak ne Isaak sangere; Isaak anak ne Yakob sangere; Yakob anak ne Yuda newa Yuda koro akutari sangere;

Abraham anakne Isaak sankere; Isaak anakne Yakob sankere; Yakob anakne Yuda ne wa Yuda kor akutari sankere;

アブラハムはイサクをもうけ、イサクはヤコブを、ヤコブはユダとその兄弟たちを、

Yuda anak ne Tamara tura Perez newa Zera sangere; Perez anak ne Ezrom sangere;

Yuda anakne Tamara tura Perez ne wa Zera sankere; Perez anakne Ezrom sankere;

ユダはタマルによってペレツとゼラを、ペレツはヘツロンを、ヘツロンはアラムを、

Ezrom auak ne Aram sangere; Aram anak ne Aminadab sangere; Aminadab anak ne Naasson sangere; Naasson anak ne Saramon sangere; Saramon anak ne Rakab tura Booz sangere;

Ezrom awak ne Aram sankere; Aram anakne Aminadab sankere; Aminadab anakne Naasson sankere; Naasson anakne Saramon sankere; Saramon anakne Rakab tura Booz sankere;

アラムはアミナダブを、アミナダブはナフションを、ナフションはサルモンを、

Booz anak ne Rut tura Obeed sangere; Obeed anak ne Yessai sangere;

Booz anakne Rut tura Obeed sankere; Obeed anakne Yessay sankere;

サルモンはラハブによってボアズを、ボアズはルツによってオベドを、オベドはエッサイを、

Yessai anak ne moshiri esapane guru Dabid sangere nisa ruwe ne. Dabid anak ne hoshiki no an Uria koro machi tura Soromon sangere;

Yessay anakne mosir esapane kur Dabid sankere nisa ruwe ne. Dabid anakne hoskino an Uria kor maci tura Soromon sankere;

エッサイはダビデ王をもうけた。ダビデはウリヤの妻によってソロモンをもうけ、

Soromon anak ne Roboam sangere; Roboam anak ne Abia sangere; Abia anak ne Asa sangere;

Soromon anakne Roboam sankere; Roboam anakne Abia sankere; Abia anakne Asa sankere;

ソロモンはレハブアムを、レハブアムはアビヤを、アビヤはアサを、

Asa anak ne Yosapat sangere; Yosapat anak ne Yoram sangere; Yoram anak ne Ozia sangere;

Asa anakne Yosapat sankere; Yosapat anakne Yoram sankere; Yoram anakne Ozia sankere;

アサはヨシャファトを、ヨシャファトはヨラムを、ヨラムはウジヤを、

Ozia anak ne Yoatam sangere; Yoatam anak ne Akaz sangere; Akaz anak ne Ezekia sangere;

Ozia anakne Yoatam sankere; Yoatam anakne Akaz sankere; Akaz anakne Ezekia sankere;

ウジヤはヨタムを、ヨタムはアハズを、アハズはヒゼキヤを、

Ezekia anak ne Manasse sangere; Manasse anak ne Amon sangere; Amon anak ne Yosia sangere;

Ezekia anakne Manasse sankere; Manasse anakne Amon sankere; Amon anakne Yosia sankere;

ヒゼキヤはマナセを、マナセはアモスを、アモスはヨシヤを、

Babironia moshiri orota teke apashte wa atura ita, Yosia anak ne Yekonia newa Yekonia koro akutari sangere nisa ruwe ne.

papironia mosir oro ta teke a=paste wa a=tura hi ta, Yosia anakne Yekonia ne wa Yekonia kor akutari sankere nisa ruwe ne.

ヨシヤは、バビロンへ移住させられたころ、エコンヤとその兄弟たちをもうけた。

Babironia moshirʼotta teke apashte wa atura okaketa, Yekonia anak ne Saratiru sangere; Saratiru anak ne Zorobaberu sangere;

papironia mosir or ta teke a=paste wa a=tura okake ta, Yekonia anakne Saratiru sankere; Saratiru anakne Zorobaberu sankere;

バビロンへ移住させられた後、エコンヤはシャルティエルをもうけ、シャルティエルはゼルバベルを、

Zorobaberu anak ne Abiod sangere; Abiod anak ne Eriakeim sangere;

Zorobaberu anakne Abiod sankere; Abiod anakne Eriakeym sankere;

ゼルバベルはアビウドを、アビウドはエリアキムを、エリアキムはアゾルを、

Eriakeim anak ne Azoro sangere; Azoro anak ne Sadok sangere; Sadok anak ne Akeim sangere;

Eriakeym anakne Azoro sankere; Azoro anakne Sadok sankere; Sadok anakne Akeym sankere;

アゾルはサドクを、サドクはアキムを、アキムはエリウドを、

Akeim anak ne Eriod sangere; Eriod anak ne Ereazar sangere; Ereazar anak ne Mattan sangere;

Akeym anakne Eriod sankere; Eriod anakne Ereazar sankere; Ereazar anakne Mattan sankere;

エリウドはエレアザルを、エレアザルはマタンを、マタンはヤコブを、

Mattan anak ne Yakob sangere; Yakob anak ne Maria koro hoku Yosep sangere; tan Maria orowa Yesu ani aye Kiristo hekatu nisa ruwe ne na.

Mattan anakne Yakob sankere; Yakob anakne Maria kor hoku Yosep sankere; tan Maria orowa Yesu ani aye Kiristo hekatu nisa ruwe ne na.

ヤコブはマリアの夫ヨセフをもうけた。このマリアからメシアと呼ばれるイエスがお生まれになった。

Tambe gusu, aukotama chiki Abraham orowa no Dabid pakno ine ainu ikiri ikashima wan ainu ikiri an; Dabid orowa no Babironia moshiri orota teke apashte wa atura pakno ne yakka ine ainu ikiri ikashima wan ainu ikiri an ruwe ne; shui, Babironia moshiri orota teke apashte wa atura orowa no Kiristo pakno ine ainu ikiri ikashima wan ainu ikiri an ruwe tapan na.

Tanpe kusu, awkotama ciki Abraham orowano Dabid pakno ine aynu ikiri ikasma wan aynu ikiri an; Dabid orowano Babironia mosir oro ta teke a=paste wa a=tura pakno ne yakka ine aynu ikiri ikasma wan aynu ikiri an ruwe ne; suy, Babironia mosir oro ta teke a=paste wa a=tura orowano Kiristo pakno ine aynu ikiri ikasma wan aynu ikiri an ruwe tapan na.

こうして、全部合わせると、アブラハムからダビデまで十四代、ダビデからバビロンへの移住まで十四代、バビロンへ移されてからキリストまでが十四代である。

Yesu Kiristo hekatu katuhu anak ne tapne ne ruwe ne: Koro habo Maria anak ne Yosep otta akopakashnu wa an rapoketa, naa shomo uorepa ita, Ashkanne Ramat gusu honkoro wa an-i anukan ruwe ne.

Yesu Kiristo hekatu katuhu anakne tapne ne ruwe ne: Kor hapo Maria anakne Yosep or ta akopakasnu wa an rapoketa, naa somo uorepa hi ta, Askanne Ramat kusu honkor wa an hi an=kan ruwe ne.

イエス・キリストの誕生の次第は次のようであった。母マリアはヨセフと婚約していたが、二人が一緒になる前に、聖霊によって身ごもっていることが明らかになった。

Koro hoku Yosep anak ne oupeka ainu ne, awa, moshima guru tek samata nei shiwentep yainikoroshmare niukesh, tambe gusu, nuina no uosuruba ani yainu nisa ruwe ne.

Kor hoku Yosep anakne owpeka aynu ne, awa, mosma kur teksama ta ne siwentep yaynikorosmare niwkes, tanpe kusu, nuyna no uosurpa ani yaynu nisa ruwe ne.

夫ヨセフは正しい人であったので、マリアのことを表ざたにするのを望まず、ひそかに縁を切ろうと決心した。

Aige, tap ambe eyaikoshiramse rapoketa heta, ingarʼan Utarapa uitekbe wendarap ani Yosep orota ek hine ene itak-hi; — Dabid sanike ne Yosep, e kon machi honkoro katuhu anak ne Ashkanne Ramat an ambe ne gusu, e koro machi koro kuni iteki ishitoma.

Ayke, tapanpe eyaykosiramse rapoketa heta, inkar an Utarpa uytekpe wentarap ani Yosep oro ta ek hine ene itak hi; — Dabid sanike ne Yosep, e kon maci honkor katuhu anakne Askanne Ramat an anpe ne kusu, e kor macikor kuni iteki isitoma.

このように考えていると、主の天使が夢に現れて言った。「ダビデの子ヨセフ、恐れず妻マリアを迎え入れなさい。マリアの胎の子は聖霊によって宿ったのである。

Nei shiwentep anak ne okkai po hekature kusu ne na; orowa, Shinuma anak ne koro utara koro katpak isamka kuni gusu ne aiai ne gusu, Yesu ani an reihei ani kore yan, sekoro itak.

Ne siwentep anakne okkaypo hekature kusu ne na; orowa, Sinuma anakne kor utar kor katpak isamka kuni kusu ne ayay ne kusu, Yesu ani an rehe ani kore yan, sekor itak.

マリアは男の子を産む。その子をイエスと名付けなさい。この子は自分の民を罪から救うからである。」

Tap ambe an katu anak ne, Okkai eramushkare shiwentep honkoro wa okkai aiai hekature, Reihei anak ne Immanueru sekon reihei ani areikore kusu ne, sekoro Utarapa orowa no uweingara guru aitakte hawehe auweomare kuni gusu an ambe ne ruwe ne;

Tapanpe an katu anakne, Okkay eramuskare siwentep honkor wa okkay ayay hekature, Rehe anakne Immanueru sekon rehe ani a=rekor kusu ne, sekor Utarpa orowano uweynkara kur aytakte hawehe awweomare kuni kusu an anpe ne ruwe ne;

このすべてのことが起こったのは、主が預言者を通して言われていたことが実現するためであった。

Immanueru sekoro an itak ibehe anak ne, Kamui un tura no an ruwe ne ani an itak ibehe ne ruwe ne.

Immanueru sekor an itak ipehe anakne, Kamuy un turano an ruwe ne ani an itak ipehe ne ruwe ne.

「見よ、おとめが身ごもって男の子を産む。その名はインマヌエルと呼ばれる。」この名は、「神は我々と共におられる」という意味である。

Orowa, Yosep mosh, aige, hopuni wa Utarapa uitekbe ikashpaotte nei no ki wa koro machi kon ruwe ne;

Orowa, Yosep mos, ayke, hopuni wa Utarpa uytekpe ikaspaotte ne no ki wa kor macikor ruwe ne;

ヨセフは眠りから覚めると、主の天使が命じたとおり、妻を迎え入れ、

awa, po koro pakno samata hotke shomoki ruwe ne: nei hekature poho YESU ani an reihei ani reikore nisa ruwe ne na.

awa, po kor pakno sama ta hotke somo ki ruwe ne: ne hekature poho YESU ani an rehe ani rekor nisa ruwe ne na.

男の子が生まれるまでマリアと関係することはなかった。そして、その子をイエスと名付けた。

Moshiri esapane guru Herod shiknu wa an rapoketa, Yesu Yudea moshiri ta an Betrehem kotan ta hekatu nisa ruwe ne; awa, ingarʼan, moshiripa wano pawetok koro utara Yerusarem kotan ta araki wa ene hawe okai-hi :—

Mosir esapane kur Herod siknu wa an rapoketa, Yesu Yudea mosir ta an Betrehem kotan ta hekatu nisa ruwe ne; awa, inkar an, mosirpa wano pawetok kor utar Yerusarem kotan ta arki wa ene hawe okay hi :—

イエスは、ヘロデ王の時代にユダヤのベツレヘムでお生まれになった。そのとき、占星術の学者たちが東の方からエルサレムに来て、

Yudea moshirʼun utara esapane gusu hekatu gurʼanak ne hunakta an ruwe he an? Moshiripa ta koro nochiu chi nukara, awa, ongami kuni gusu chi araki ash ruwe ne, sekoro itak.

Yudea mosir un utar esapane kusu hekatu kur anakne hunak ta an ruwe he an? Mosirpa ta kor nociw ci nukar, awa, onkami kuni kusu ci arki as ruwe ne, sekor itak.

言った。「ユダヤ人の王としてお生まれになった方は、どこにおられますか。わたしたちは東方でその方の星を見たので、拝みに来たのです。」

Moshiri esapane guru Herod anak ne tan orushpe nu ohiki, Yerusarem kotan ta okai utara tura shineikinne keutura chiukopoye nisa ruwe ne.

Mosir esapane kur Herod anakne tan oruspe nu ohiki, Yerusarem kotan ta okay utar tura sineykinne kewtura ciwkopoye nisa ruwe ne.

これを聞いて、ヘロデ王は不安を抱いた。エルサレムの人々も皆、同様であった。

Aige, Herod anak ne Kamui kora kenru esapane utara obitta, kambi-nuye utara tura uwekarire wa Kiristo hunakta an kotan ta hekatu kusu ne ya, sekoro shinuma uwepekennu nisa ruwe ne.

Ayke, Herod anakne Kamuy kor kenru esapane utar opitta, kampi-nuye utar tura uwekarire wa Kiristo hunak ta an kotan ta hekatu kusu ne ya, sekor sinuma uwepekennu nisa ruwe ne.

王は民の祭司長たちや律法学者たちを皆集めて、メシアはどこに生まれることになっているのかと問いただした。

Nei utara ese wa ene hawe okai-hi :— Yudea moshirʼun Betrehem kotan, Ku goro Israeru un utara epungine kuni gusu an ap Eani orowa no hekatu kusu ne gusu, Aokai anak ne Yudea un esapane guru tumugeta iyotta koshnep shomo e ne ruwe ne;

Ne utar ese wa ene hawe okay hi :— Yudea mosir un Betrehem kotan, Ku kor Israeru un utar epunkine kuni kusu an ap Eani orowano hekatu kusu ne kusu, Aokay anakne Yudea un esapane kur tumke ta iyotta kosne p somo e ne ruwe ne;

彼らは言った。「ユダヤのベツレヘムです。預言者がこう書いています。

sekorʼan itak uweingara guru nuye kambi-sosh kashiketa anuye wa an gusu, Yudea moshirʼun Betrehem kotan ta hekatu kusu ne, sekoro nei utara ese nisa ruwe ne na.

sekor an itak uweynkara kur nuye kampi-sos kasiketa a=nuye wa an kusu, Yudea mosir un Betrehem kotan ta hekatu kusu ne, sekor ne utar ese nisa ruwe ne na.

『ユダの地、ベツレヘムよ、お前はユダの指導者たちの中で決していちばん小さいものではない。お前から指導者が現れ、わたしの民イスラエルの牧者となるからである。』」

Orowa, Herod anak ne nuina no pawetok koro utara hotuyepakara wa nei nochiu hembarata anukarape an sekoro usa pishkani uwepekere nu.

Orowa, Herod anakne nuyna no pawetok kor utar hotuyepakara wa ne nociw henpara ta anukarape an sekor usa piskani uwepeker nu.

そこで、ヘロデは占星術の学者たちをひそかに呼び寄せ、星の現れた時期を確かめた。

Aige, Betrehem kotan orun payere wa ene itak-hi :— Echi paye wa pon aiai orushpe tomte no hunara wa nu yan. Aine, echi pa chiki kanna-shui hoshippa wa en nure wa en kore yan, orota kuani ne yakka ku oman wa ongami ku ki gusu ne na, sekoro itak.

Ayke, Betrehem kotan or un payere wa ene itak hi :— Eci paye wa pon ayay oruspe tomteno hunara wa nu yan. Ayne, eci pa ciki kanna-suy hosippa wa en nure wa en kore yan, oro ta kuani ne yakka ku oman wa onkami ku ki kusu ne na, sekor itak.

そして、「行って、その子のことを詳しく調べ、見つかったら知らせてくれ。わたしも行って拝もう」と言ってベツレヘムへ送り出した。

Orowa, nei utara moshiri esapane guru ye itak nu okere koro paye: aige, ingarʼan, moshiripa ta anukara nochiu shui anukara, awa, nei nochiu shinuma utara kotchaot oman hine aiai an

Orowa, ne utar mosir esapane kur ye itak nu okere kor paye: ayke, inkar an, mosirpa ta a=nukar nociw suy a=nukar, awa, ne nociw sinuma utar koccaot oman hine ayay an

彼らが王の言葉を聞いて出かけると、東方で見た星が先立って進み、ついに幼子のいる場所の上に止まった。

ushike kashikegeta an wa an pakno ki nisa ruwe ne.

uske kasikeketa an wa an pakno ki nisa ruwe ne.

学者たちはその星を見て喜びにあふれた。

Nei nochiu nukara chiki shi no ara enupetne ruwe ne. Orowa, chisei orun ahup wa aiai koro habo Maria tura no an wa nukara, aige, hepokichiu wa Shinuma ongami, samata, ikoro o shuop maka hine tongani, senko, motsuyaku sapte wa, orota yange nisa ruwe ne.

Ne nociw nukar ciki sino ar enupetne ruwe ne. Orowa, cise or un ahup wa ayay kor hapo Maria turano an wa nukar, ayke, hepokiciw wa Sinuma onkami, sama ta, i=kor o suop maka hine tonkani, senko, motsuyaku sapte wa, oro ta yanke nisa ruwe ne.

家に入ってみると、幼子は母マリアと共におられた。彼らはひれ伏して幼子を拝み、宝の箱を開けて、黄金、乳香、没薬を贈り物として献げた。

Koroka, iteki Herod otta hoshippa yan, sekoro wendarap ani akashpaotte wa gusu, nei utara oya ru kari koro kotan un hekomba nisa ruwe ne na.

Korka, iteki Herod or ta hosippa yan, sekor wentarap ani a=kaspaotte wa kusu, ne utar oya ru kari kor kotan un hekompa nisa ruwe ne na.

ところが、「ヘロデのところへ帰るな」と夢でお告げがあったので、別の道を通って自分たちの国へ帰って行った。

Nei utara paye wa isam okaketa, ingarʼan, Kamui uitekbe wendarap ani Yosep orota ek hine ene itak-hi :— Herod anak ne aiai raige kuni ne hunara kusu ne gusu, hopuni wa aiai unuhu tura Echipt moshirʼotta ekira, Kuani Ku yep e nure kuni pakno nei kotan ta okai yan, sekoro itak.

Ne utar paye wa isam okake ta, inkar an, Kamuy uytekpe wentarap ani Yosep oro ta ek hine ene itak hi :— Herod anakne ayay rayke kuni ne hunara kusu ne kusu, hopuni wa ayay unuhu tura Ecipt mosir or ta ekira, Kuani Ku yep e nure kuni pakno ne kotan ta okay yan, sekor itak.

占星術の学者たちが帰って行くと、主の天使が夢でヨセフに現れて言った。「起きて、子供とその母親を連れて、エジプトに逃げ、わたしが告げるまで、そこにとどまっていなさい。ヘロデが、この子を探し出して殺そうとしている。」

Orowa, Yosep hopuni wa, aiai unuhu tura wa anchikara ta Echipt

Orowa, Yosep hopuni wa, ayay unuhu tura wa ancikar ta Ecipt

ヨセフは起きて、夜のうちに幼子とその母を連れてエジプトへ去り、

moshiri orun paye ruwe ne; awa, Herod rai wa isam pakno nei moshirʼotta okai: tap ambe anak ne, Utarapa orowa no uweingara guru chiitakte hawe-he :— Echipt moshiri orowa Ku Poho Ku hotuyekara na, sekoro aye itak auweomare kuni gusu an okaibe ne ruwe ne.

mosir or un paye ruwe ne; awa, Herod ray wa isam pakno ne mosir or ta okay: tapanpe anakne, Utarpa orowano uweynkara kur ci=itakte hawe-he :— Ecipt mosir orowa Ku Poho Ku hotuyekar na, sekor aye itak awweomare kuni kusu an okay pe ne ruwe ne.

ヘロデが死ぬまでそこにいた。それは、「わたしは、エジプトからわたしの子を呼び出した」と、主が預言者を通して言われていたことが実現するためであった。

Pawetok koro utara orowa no akokandama a an sekoro Herod eramu an koro, shi no irushka, aige, nei pawetok koro utara otta usa pishkani anu pakihi esanniyo hine ipawetenge sange wa Betrehem kotan ebitta okari tu pa tukariketa an okkai aiai obitta ronnu yara nisa ruwe ne.

Pawetok kor utar orowano a=kokantama a an sekor Herod eramuan kor, sino iruska, ayke, ne pawetok kor utar or ta usa piskani anu pakihi esanniyo hine ipawetenke sanke wa Betrehem kotan epitta okari tu pa tukarike ta an okkay ayay opitta ronnu yar nisa ruwe ne.

さて、ヘロデは占星術の学者たちにだまされたと知って、大いに怒った。そして、人を送り、学者たちに確かめておいた時期に基づいて、ベツレヘムとその周辺一帯にいた二歳以下の男の子を、一人残らず殺させた。

Tambe gusu, uweingara guru Yerimia ye itak,

Tanpe kusu, uweynkara kur Yerimia ye itak,

こうして、預言者エレミヤを通して言われていたことが実現した。

Rama kotan ta hawe anu, Chish ambe newa poro yaituwashkarap an, Rakeru anak ne koro poho gusu chish; Aige isam wa gusu aratchire eaikap, — sekorʼan itak auweomare ruwe ne.

Ram kotan ta hawe anu, Cis anpe ne wa poro yaytuwaskarap an, Rakeru anakne kor poho kusu cis; Ayke isam wa kusu araccire eaykap, — sekor an itak awweomare ruwe ne.

「ラマで声が聞こえた。激しく嘆き悲しむ声だ。ラケルは子供たちのことで泣き、慰めてもらおうともしない、子供たちがもういないから。」

Herod rai wa isam chiki, ingarʼan, — Utarapa uitekbe Echipt moshirʼotta an Yosep orota wendarap ani ek hine ene itak-hi :—

Herod ray wa isam ciki, inkar an, — Utarpa uytekpe Ecipt mosir or ta an Yosep oro ta wentarap ani ek hine ene itak hi :—

ヘロデが死ぬと、主の天使がエジプトにいるヨセフに夢で現れて、

Aiai inotu ehunara utara rai wa okere gusu, hopuni wa aiai unuhu tura wa Israeru moshiri orun paye yan, sekoro itak.

Ayay inotu e=hunara utar ray wa okere kusu, hopuni wa ayay unuhu tura wa Israeru mosir or un paye yan, sekor itak.

言った。「起きて、子供とその母親を連れ、イスラエルの地に行きなさい。この子の命をねらっていた者どもは、死んでしまった。」

Orowa, shinuma hopuni wa aiai unuhu tura hine Israeru moshiri orun ek nisa ruwe ne.

Orowa, sinuma hopuni wa ayay unuhu tura hine Israeru mosir or un ek nisa ruwe ne.

そこで、ヨセフは起きて、幼子とその母を連れて、イスラエルの地へ帰って来た。

Koroka, onaha Herod shirihine Arukeraus anak ne moshiri shikkashima wa an shiri sekoro orushpe shinuma inu koro, nei moshiri orun paye kuni ishitoma ruwe ne: orowa, wendarap ani aeramande wa gusu Gariraya moshirʼotta hekomo,

Korka, onaha Herod sirihi ne Arukeraws anakne mosir sikkasma wa an siri sekor oruspe sinuma inu kor, ne mosir or un paye kuni isitoma ruwe ne: orowa, wentarap ani aeramante wa kusu Gariraya mosir or ta hekomo,

しかし、アルケラオが父ヘロデの跡を継いでユダヤを支配していると聞き、そこに行くことを恐れた。ところが、夢でお告げがあったので、ガリラヤ地方に引きこもり、

aige, Nazaret ani aporose machiya otta oshiroma nisa ruwe ne: tap ambe anak ne, Nazaret un guru ani areikore kusu ne sekoro uweingara utara ye itak auweomare kuni gusu an ruwe ne na.

ayke, Nazaret ani a=porse maciya or ta osiroma nisa ruwe ne: tapanpe anakne, Nazaret un kur ani a=rekor kusu ne sekor uweynkara utar ye itak awweomare kuni kusu an ruwe ne na.

ナザレという町に行って住んだ。「彼はナザレの人と呼ばれる」と、預言者たちを通して言われていたことが実現するためであった。

Nei toho ta Baptisma kore Yoannes anak ne Yudea moshirʼun nup otta ek wa upaskuma ki hine ene itak-hi :—

Ne toho ta Baptisma kore Yoannes anakne Yudea mosir un nup or ta ek wa upaskuma ki hine ene itak hi :—

そのころ、洗礼者ヨハネが現れて、ユダヤの荒れ野で宣べ伝え、

Echi yaikokatpak yan: kando moshiri ehange no an ruwe ne gusu ne na ani itak.

Eci yaykokatpak yan: kanto mosir ehanke no an ruwe ne kusu ne na ani itak.

「悔い改めよ。天の国は近づいた」と言った。

Tambe anak :— Nup otta ainu hawe anu, Utarapa ruhu etokooiki, Koro apkash ru kuwanno kara yan, sekoro uweingara guru Isaya itak hawe epeka gunʼne.

Tanpe anak :— Nup or ta aynu hawe anu, Utarpa ruhu etokooyki, Kor apkas ru kuwanno kar yan, sekor uweynkara kur Isaya itak hawe epeka kunne.

これは預言者イザヤによってこう言われている人である。「荒れ野で叫ぶ者の声がする。『主の道を整え、その道筋をまっすぐにせよ。』」

Yoannes yaikota koro raip anak ne Rakuda numaha ani akara amip ne, kut anak ne tonto kut ekut kon ruwe ne; aep anak omakirush newa kim un soyai ninge ne ruwe ne na.

Yoannes yaykota kor rayp anakne Rak ta numaha ani a=kar amip ne, kut anakne tonto kut e=kut kor ruwe ne; aep anak omakirus ne wa kimun soyay ninke ne ruwe ne na.

ヨハネは、らくだの毛衣を着、腰に革の帯を締め、いなごと野蜜を食べ物としていた。

Nei ita Yerusarem kotan un utara hemhem, Yudea moshirʼun utara hemhem, Yorodan pet ebitta shikapneka no okai utara hemhem

Ne hi ta Yerusarem kotan un utar hemhem, Yudea mosir un utar hemhem, Yorodan pet epitta sikapneka no okay utar hemhem

そこで、エルサレムとユダヤ全土から、また、ヨルダン川沿いの地方一帯から、人々がヨハネのもとに来て、

Yoannes orota paye, orowa koro wen-buri eyaipushi wa Yorodan pet otta baptisma akore nisa ruwe ne.

Yoannes oro ta paye, orowa kor wen-puri eyaypusi wa Yorodan pet or ta paptisma a=kor nisa ruwe ne.

罪を告白し、ヨルダン川で彼から洗礼を受けた。

Koroka, Baptisma akore kuni ne Parisee un utara newa Saddokai un utara inne no araki shiri nukara chiki, orota ene hawe okai-hi :— Raskuru tokkoni koro sanike ne echi utara, iyoshi no ek irushka ambe orowa no echi kira kuni, inan guru echi epakashnu ruwe he an?

Korka, Baptisma a=kor kuni ne Parisee un utar ne wa Saddokay un utar inne no arki siri nukar ciki, oro ta ene hawe okay hi :— Raskuru tokkoni kor sanike ne eci utar, iyosno ek iruska anpe orowano eci kira kuni, inan kur eci epakasnu ruwe he an?

ヨハネは、ファリサイ派やサドカイ派の人々が大勢、洗礼を受けに来たのを見て、こう言った。「蝮の子らよ、差し迫った神の怒りを免れると、だれが教えたのか。

Tambe gusu, yaikotatpak kopakeat buri echi ki yan:

Tanpe kusu, yaykotatpak kopakeat puri eciki yan:

悔い改めにふさわしい実を結べ。

orowa, chikoro michi anak ne Abraham ne sekoro, iteki echi keutum ta ye kuni ambe esanniyo yan; inambe gusu ne yakun, echi otta ku ye, Kamui anak ne tan shuma ani Abraham poho ne gusu hetukure eashkai ruwe ne gusu ne na.

orowa, ci=kor mici anakne Abraham ne sekor, iteki eci kewtum ta ye kuni anpe esanniyo yan; inanpe kusu ne yakun, eci or ta ku ye, Kamuy anakne tan suma ani Abraham poho ne kusu hetukure easkay ruwe ne kusu ne na.

『我々の父はアブラハムだ』などと思ってもみるな。言っておくが、神はこんな石からでも、アブラハムの子たちを造り出すことがおできになる。

Tane poka mukara anak ne ni shinrit otta aande ruwe ne: tambe gusu, pirika ibehe shomo hetukure obitta no okai chikuni anak ne aotuiba wa abe oshiketa aosuruba kusu ne.

Tane poka mukar anakne ni sinrit or ta an=te ruwe ne: tanpe kusu, pirka ipehe somo hetukure opittano okay cikuni anakne a=otuypa wa ape oske ta a=osurpa kusu ne.

斧は既に木の根元に置かれている。良い実を結ばない木はみな、切り倒されて火に投げ込まれる。

Echi yaikokatpakte kuni gusu son no newa kuani wakka ani baptisma echi kore ash na: koroka, en osh ek guru anak ne en akkari kiroroashnu guru ne, Shinuma koro keirehe ku ani poka pakno an guru shomo ku ne ruwe ne: Shinuma anak Ashkanne Ramat newa abe ani baptisma echi kore kusu ne na:

Eci yaykokatpakte kuni kusu sonno ne wa kuani wakka ani paptisma eci kore as na: korka, en os ek kur anakne en akkari kiroroasnu kur ne, Sinuma kor keyrehe ku ani poka pakno an kur somo ku ne ruwe ne: Sinuma anak Askanne Ramat ne wa ape ani paptisma eci kore kusu ne na:

わたしは、悔い改めに導くために、あなたたちに水で洗礼を授けているが、わたしの後から来る方は、わたしよりも優れておられる。わたしは、その履物をお脱がせする値打ちもない。その方は、聖霊と火であなたたちに洗礼をお授けになる。

koro tekehe otta mui koro wa tomte no koro atuituye ushike ashkannere kusu ne: orowa, mungi uwe-karapare wa puhu otta omare; muruhu anak ne aushka eaikap abe ani uhuika kusu ne na.

kor tekehe or ta muy kor wa tomteno kor a=tuytuye uske askannere kusu ne: orowa, munki uwe-karapare wa puhu or ta omare; muruhu anakne awska eaykap ape ani uhuyka kusu ne na.

そして、手に箕を持って、脱穀場を隅々まできれいにし、麦を集めて倉に入れ、殻を消えることのない火で焼き払われる。」

Okake an koro, baptisma akore kuni gusu Yesu anak Gariraya moshiri orowa no Yorodan pet samata an Yoannes orota ek.

Okake an kor, paptisma a=kor kuni kusu Yesu anak Gariraya mosir orowano Yorodan pet sama ta an Yoannes oro ta ek.

そのとき、イエスが、ガリラヤからヨルダン川のヨハネのところへ来られた。彼から洗礼を受けるためである。

Koroka, Yoannes anak ne Yesu etokotuye kuni aramu hine ene itak-hi :— Aokai orowa no kuani baptisma a en kore kunip ne awa, en otta Aokai ek ya? sekoro itak.

Korka, Yoannes anakne Yesu etoko tuye kuni a=ramu hine ene itak hi :— Aokay orowano kuani paptisma a en kore kuni p ne awa, en or ta Aokay ek ya? sekor itak.

ところが、ヨハネは、それを思いとどまらせようとして言った。「わたしこそ、あなたから洗礼を受けるべきなのに、あなたが、わたしのところへ来られたのですか。」

Koroka orota Yesu ese hine ene itak-hi :— Chi utara anak ne tambe nei no obitta no okai oupeka buri ki kuni aesanniyop ne gusu, tane en ukte wa en kore. Orowa no akore nisa ruwe ne.

Korka oro ta Yesu ese hine ene itak hi :— Ci utar anakne tanpe ne no opittano okay owpeka puri ki kuni aesanniyop ne kusu, tane en ukte wa en kore. Orowano a=kor nisa ruwe ne.

しかし、イエスはお答えになった。「今は、止めないでほしい。正しいことをすべて行うのは、我々にふさわしいことです。」そこで、ヨハネはイエスの言われるとおりにした。

Orowa Yesu anak baptisma akore chiki, nani wakka orowa no yan; aige, ingarʼan, Shinuma gusu kando kotoro makke, awa, Kamui kon Ramat kusuwep katuhu nepkoro an wa ran hine Shinuma kashiketa reu shiri anukan ruwe ne;

Orowa Yesu anak paptisma a=kor ciki, nani wakka orowano yan; ayke, inkar an, Sinuma kusu kanto kotor makke, awa, Kamuy kon Ramat kusuwep katuhu nep kor an wa ran hine Sinuma kasiketa rew siri an=kan ruwe ne;

イエスは洗礼を受けると、すぐ水の中から上がられた。そのとき、天がイエスに向かって開いた。イエスは、神の霊が鳩のように御自分の上に降って来るのを御覧になった。

orowa, ingarʼan, kando orowa no hawe anu wa ene itak-hi :— Tambe anak, Ku omap, Shi no ku enupetne Poho ne ruwe ne, ari itak nisa ruwe ne na.

orowa, inkar an, kanto orowano hawe anu wa ene itak hi :— Tanpe anak, Ku omap, Sino ku enupetne Poho ne ruwe ne, ari itak nisa ruwe ne na.

そのとき、「これはわたしの愛する子、わたしの心に適う者」と言う声が、天から聞こえた。

Nei oro Yesu anak ne nitne kamui orowa no akoramnukara kuni ne Ramat ani nupuri orota atura nisa ruwe ne na.

Ne oro Yesu anakne nitne kamuy orowano akoramnukara kuni ne Ramat ani nupuri oro ta a=tura nisa ruwe ne na.

さて、イエスは悪魔から誘惑を受けるため、“霊”に導かれて荒れ野に行かれた。

Awa, kunne rereko tu hotne rereko, tokap rereko tu hotne rereko uturuta shomo ramnu ki, okaketa Shinuma sambe-tasaske nisa ruwe ne.

Awa, kunne rerko tu hotne rerko, tokap rerko tu hotne rerko utur ta somo ramnu ki, okake ta Sinuma sanpe-tasaske nisa ruwe ne.

そして四十日間、昼も夜も断食した後、空腹を覚えられた。

Aige ikoranmukarape Shinuma orota ek wa ene itakhi :— Aokai anak ne Kamui Poho E ne chiki, tan shuma aep ne akara kuni gusu kashpaotte yan, sekoro itak.

Ayke ikoranmukarape Sinuma oro ta ek wa ene itak hi :— Aokay anakne Kamuy Poho E ne ciki, tan suma aep ne a=kar kuni kusu kaspaotte yan, sekor itak.

すると、誘惑する者が来て、イエスに言った。「神の子なら、これらの石がパンになるように命じたらどうだ。」

Koroka, Shinuma ese wa :— Ainu anak ne ouse aep an gusu ashiknure shomoki, koroka, Kamui paroho wano san pishno okai itak an gusu shiknu kusu ne, sekorʼan itak anuye wa an ani an itak ari itak nisa ruwe ne.

Korka, Sinuma ese wa :— Aynu anakne owse aep an kusu a=siknure somo ki, korka, Kamuy paroho wano san pisno okay itak an kusu siknu kusu ne, sekor an itak a=nuye wa an ani an itak ari itak nisa ruwe ne.

イエスはお答えになった。「『人はパンだけで生きるものではない。神の口から出る一つ一つの言葉で生きる』と書いてある。」

Orowa no, nitne kamui anak ne Shinuma tura wa ashkanne machiya orun paye, aige, Kamui kora kenru kitaigeta ashte wa ene itak-hi :—

Orowano, nitne kamuy anakne Sinuma tura wa askanne maciya or un paye, ayke, Kamuy kor kenru kitayke ta aste wa ene itak hi :—

次に、悪魔はイエスを聖なる都に連れて行き、神殿の屋根の端に立たせて、

Aokai anak ne Kamui Poho E ne yakun, E kon netobake herashi osura: inambe gusu ne yakun, ene chieshinnuye wa an na :— Aokai gusu shinuma anak ne koro hautumnhe kashpaotte: E koro kemaha iteki shuma eokte kuni ne, Koro teke kata e punire kuni kusu ne na; sekoro itak.

Aokay anakne Kamuy Poho E ne yakun, E kor netopake herasi osura: inanpe kusu ne yakun, ene ciesinnuye wa an na :— Aokay kusu sinuma anakne kor hawtumnhe kaspaotte: E kor kemaha iteki suma eokte kuni ne, Kor teke ka ta e punire kuni kusu ne na; sekor itak.

言った。「神の子なら、飛び降りたらどうだ。『神があなたのために天使たちに命じると、あなたの足が石に打ち当たることのないように、天使たちは手であなたを支える』と書いてある。」

Orota Yesu :— E koro Utarapa ne Kamui iteki koramnukara yan sekorʼan itak ne yakka anuye wa an ruwe ne, ani ye nisa ruwe ne.

Oro ta Yesu :— E kor Utarpa ne Kamuy iteki koramnukar yan sekor an itak ne yakka a=nuye wa an ruwe ne, ani ye nisa ruwe ne.

イエスは、「『あなたの神である主を試してはならない』とも書いてある」と言われた。

Shui, nitne kamui anak ne Yesu tura wa shi no ri nupuri orota paye wa ingi moshirʼotta okai chitomtep obitta nukare wa ene itak-hi :—

Suy, nitne kamuy anakne Yesu tura wa sino ri nupuri oro ta paye wa inki mosir or ta okay citomtep opitta nukare wa ene itak hi :—

更に、悪魔はイエスを非常に高い山に連れて行き、世のすべての国々とその繁栄ぶりを見せて、

Aokai en orun kokkae-shirotke wa en ongami yak anak ne tan okaibe obitta e kore ash kusu ne, sekoro itak.

Aokay en or un kokkae-sirotke wa en onkami yakanak ne tan okay pe opitta e kore as kusu ne, sekor itak.

「もし、ひれ伏してわたしを拝むなら、これをみんな与えよう」と言った。

Orowa shinuma orun Yesu ene itak-hi :— Satan, oyakta oman, E koro Utarapa ne Kanrui otta ongami, ouse Shinuma otta patek yaishieiwangere e ki kusu ne na, sekorʼan itak anuye wa an ruwe ne gusu ne na, sekoro ye nisa ruwe ne.

Orowa sinuma or un Yesu ene itak hi :— Satan, oyakta oman, E kor Utarpa ne Kanruy or ta onkami, owse Sinuma or ta patek yaysieywankere e ki kusu ne na, sekor an itak a=nuye wa an ruwe ne kusu ne na, sekor ye nisa ruwe ne.

すると、イエスは言われた。「退け、サタン。『あなたの神である主を拝み、ただ主に仕えよ』と書いてある。」

Orowa no, nitne kamui Shinuma ekohopi, awa, Kamui hauturunbe araki wa Shinuma otta yaishieiwangere nisa ruwe ne na.

Orowano, nitne kamuy Sinuma ekohopi, awa, Kamuy hawturunpe arki wa Sinuma or ta yaysieywankere nisa ruwe ne na.

そこで、悪魔は離れ去った。すると、天使たちが来てイエスに仕えた。

Orowa, Yoannes anak ne upakashnu chisei otta aahunge wa an orushpe Yesu nu chiki Shinuma Gariraya moshiri orota oman nisa ruwe ne;

Orowa, Yoannes anakne upakasnu cise or ta a=ahunke wa an oruspe Yesu nu ciki Sinuma Gariraya mosir oro ta oman nisa ruwe ne;

イエスは、ヨハネが捕らえられたと聞き、ガリラヤに退かれた。

Nazaret kotan ekohopi wa Zeburon kotau newa Naptari kotan okari an atui samta okai Kapernaum kotan orota oman wa an nisa ruwe ne;

Nazaret kotan ekohopi wa Zeburon kotaw ne wa Naptari kotan okari an atuy sam ta okay Kapernawm kotan oro ta oman wa an nisa ruwe ne;

そして、ナザレを離れ、ゼブルンとナフタリの地方にある湖畔の町カファルナウムに来て住まわれた。

tambe anak ne Yorodan pet kushta, atui samta okai, Zeburon kotan hene, Naptari kotan hene, Oya moshirʼun guru koro Gariraya moshiri,

tanpe anakne Yorodan pet kus ta, atuy sam ta okay, Zeburon kotan hene, Naptari kotan hene, Oya mosir un kur kor Gariraya mosir,

それは、預言者イザヤを通して言われていたことが実現するためであった。

Kunne-i oshiketa rok utara Poro nupeki nukan nisa, Shui, rai kurihi an ushiketa rok utara otta,

Kunne hi oske ta rok utar Poro nupeki nukan nisa, Suy, ray kurihi an uske ta rok utar or ta,

「ゼブルンの地とナフタリの地、湖沿いの道、ヨルダン川のかなたの地、異邦人のガリラヤ、

Nei utara otta pekere hetuku nisa ruwe ne na, sekoro uweingara guru ne Isaya ye itak auweomare kuni gusu an ambe ne ruwe ne na.

Ne utar or ta peker hetuku nisa ruwe ne na, sekor uweynkara kur ne Isaya ye itak awweomare kuni kusu an anpe ne ruwe ne na.

暗闇に住む民は大きな光を見、死の陰の地に住む者に光が射し込んだ。」

Tande oro Yesu upaskuma ki kuni heashi wa ene itak-hi :— Echi yaikokatpak yan; kando moshiri ehange no an ruwe ne gusu ne na, ani itak.

Tan te oro Yesu upaskuma ki kuni heasi wa ene itak hi :— Eci yaykokatpak yan; kanto mosir ehanke no an ruwe ne kusu ne na, ani itak.

そのときから、イエスは、「悔い改めよ。天の国は近づいた」と言って、宣べ伝え始められた。

Yesu Gariraya moshiri atui samata apkash wa an ita iriwak ne utara tun nukan nisa ruwe ne, reihei anak ne Simon ani aye Petros newa koro iriwak ne Andreas ne ruwe ne: nei utara anak ne chep koiki utara ne wa gusu, koro ya atui otta turupa wa okai shiriki ruwe ne. Awa, orota Shinuma ene itak-hi :—

Yesu Gariraya mosir atuy sama ta apkas wa an hi ta irwak ne utar tun nukan nisa ruwe ne, rehe anakne Simon ani aye Petros ne wa kor irwak ne Andreas ne ruwe ne: ne utar anakne cep koyki utar ne wa kusu, kor ya atuy or ta turpa wa okay siriki ruwe ne. Awa, oro ta Sinuma ene itak hi :—

イエスは、ガリラヤ湖のほとりを歩いておられたとき、二人の兄弟、ペトロと呼ばれるシモンとその兄弟アンデレが、湖で網を打っているのを御覧になった。彼らは漁師だった。

En osh araki yan, ainu perai-kara utara echi ne kuni gusu echi kara ash na, ari itak.

En os arki yan, aynu peray-kar utar eci ne kuni kusu eci kar as na, ari itak.

イエスは、「わたしについて来なさい。人間をとる漁師にしよう」と言われた。

Orowa nani koro ya osurupa wa nei utara Yesu osh paye nisa ruwe ne.

Orowa nani kor ya osurpa wa ne utar Yesu os paye nisa ruwe ne.

二人はすぐに網を捨てて従った。

Imakaketa nei i wano arupa, aige, shui moshima okai tu iriwak ne utara Zebedee koro poho Yakob newa koro iriwak Yoannes newa nukan nisa: koro michi Zebedee tura no chip otta okai wa ya oske wa okai, awa, shinuma nei utara ne yakka hotuyekara.

Imakake ta ne i wano arpa, ayke, suy mosma okay tu irwak ne utar Zebedee kor poho Yakob ne wa kor irwak Yoannes ne wa nukan nisa: kor mici Zebedee turano cip or ta okay wa ya oske wa okay, awa, sinuma ne utar ne yakka hotuyekar.

そこから進んで、別の二人の兄弟、ゼベダイの子ヤコブとその兄弟ヨハネが、父親のゼベダイと一緒に、舟の中で網の手入れをしているのを御覧になると、彼らをお呼びになった。

Orowa, nani koro michi newa koro chip kane ande wa Shinuma osh paye nisa ruwe ne na.

Orowa, nani kor mici ne wa kor cip kane ante wa Sinuma os paye nisa ruwe ne na.

この二人もすぐに、舟と父親とを残してイエスに従った。

Orowa, Yesu anak ne Gariraya moshirʼebitta apkash wa Kamui kora kenru ta epakashnu hemhem ki, moshiri gusu an pirika shongo ye wa upaskuma hemhem ki: naa samata, ainu tumugeta okai usa tashum newa usa shiyeye iwangere nisa ruwe ne na.

Orowa, Yesu anakne Gariraya mosir epitta apkas wa Kamuy kor kenru ta epakasnu hemhem ki, mosir kusu an pirka sonko ye wa upaskuma hemhem ki: naa sama ta, aynu tumke ta okay usa tasum ne wa usa siyeye iwankere nisa ruwe ne na.

イエスはガリラヤ中を回って、諸会堂で教え、御国の福音を宣べ伝え、また、民衆のありとあらゆる病気や患いをいやされた。

Orowa, Siria moshirʼebitta Shinuma shiassuru ashte wa an, awa, usa okai tashum koro utara hemhem, usa okai iunin newa shiyeyepa utara hemhem, nitnep shikatkari utara hemhem nochi-iush utara hemhem, tushushke tashum ki utara hemhem, obitta atura wa Shinuma orota araki, aige, aiwangere nisa ruwe ne.

Orowa, Siria mosir epitta Sinuma siassuru aste wa an, awa, usa okay tasum kor utar hemhem, usa okay iwnin ne wa siyeyepa utar hemhem, nitnep sikatkari utar hemhem noci-iws utar hemhem, tususke tasum ki utar hemhem, opitta a=tura wa Sinuma oro ta arki, ayke, aywankere nisa ruwe ne.

そこで、イエスの評判がシリア中に広まった。人々がイエスのところへ、いろいろな病気や苦しみに悩む者、悪霊に取りつかれた者、てんかんの者、中風の者など、あらゆる病人を連れて来たので、これらの人々をいやされた。

Orowa no, Gariraya moshiri hemhem, Dekaporis moshiri hemhem, Yudea moshiri hemhem, orowa, Yorodan pet kushta okai utara hemhem, shi no inne no Shinuma osh paye nisa ruwe ne na.

Orowano, Gariraya mosir hemhem, Dekaporis mosir hemhem, Yudea mosir hemhem, orowa, Yorodan pet kus ta okay utar hemhem, sino inne no Sinuma os paye nisa ruwe ne na.

こうして、ガリラヤ、デカポリス、エルサレム、ユダヤ、ヨルダン川の向こう側から、大勢の群衆が来てイエスに従った。

Orowa, inne utara nukara wa Shinuma nupuri hemesu: aige, a wa an koro, orota koikara utara araki nisa ruwe ne:

Orowa, inne utar nukar wa Sinuma nupuri hemesu: ayke, a wa an kor, oro ta koykar utar arki nisa ruwe ne:

イエスはこの群衆を見て、山に登られた。腰を下ろされると、弟子たちが近くに寄って来た。

orowa Shinuma paro maka hine utara epakashnu, aige, ene itak-hi:

orowa Sinuma paro maka hine utar epakasnu, ayke, ene itak hi:

そこで、イエスは口を開き、教えられた。

Ramat gusu otek-sak utara anak ne anunuke ne; kando moshiri nei utara korope ne gusu ne na.

Ramat kusu otek-sak utar anakne a=nunuke ne; kanto mosir ne utar kor pe ne kusu ne na.

「心の貧しい人々は、幸いである、天の国はその人たちのものである。

Yaituwashkarap utara anak ne anunuke ne; nei utara aomaoma ruwe ne kusu ne gusu ne na.

yaytuwaskarap utar anakne a=nunuke ne; ne utar a=omaoma ruwe ne kusu ne kusu ne na.

悲しむ人々は、幸いである、その人たちは慰められる。

Ramu-rotcha utara anak ne anunuke ne; nei utara moshiri eikeshkoro ruwe ne kusu ne gusu ne na.

Ramu-rocca utar anakne a=nunuke ne; ne utar mosir eykeskoro ruwe ne kusu ne kusu ne na.

柔和な人々は、幸いである、その人たちは地を受け継ぐ。

Ibe rusui iku rusui korachi oupekap kon rusui utara anak ne anunuke ne; nei utara akironnure ruwe ne kusu ne gusu ne na.

Ipe rusuy iku rusuy koraci owpekap kor rusuy utar anakne a=nunuke ne; ne utar akironnure ruwe ne kusu ne kusu ne na.

義に飢え渇く人々は、幸いである、その人たちは満たされる。

Erampokiwen wa kore utara anak ne anunuke ne; nei utara aerampokiwen wa akore ruwe ne kusu ne gusu ne na.

Eranpokiwen wa kore utar anakne a=nunuke ne; ne utar aeranpokiwen wa a=kor ruwe ne kusu ne kusu ne na.

憐れみ深い人々は、幸いである、その人たちは憐れみを受ける。

Keutum turu-sak utara anak ne anunuke ne; nei utara Kamui nukan ruwe ne kusu ne gusu ne na.

Kewtum tur-sak utar anakne a=nunuke ne; ne utar Kamuy nukan ruwe ne kusu ne kusu ne na.

心の清い人々は、幸いである、その人たちは神を見る。

Itomo ashte utara anak ne anunuke ne; nei utara Kamui Poho utara ne ani areikore ruwe ne kusu ne gusu ne na.

I=tom aste utar anakne a=nunuke ne; ne utar Kamuy Poho utar ne ani a=rekor ruwe ne kusu ne kusu ne na.

平和を実現する人々は、幸いである、その人たちは神の子と呼ばれる。

Oupeka-ambe gusu aepokba utara anak ne anunuke ne: kando moshiri nei utara korope ne ruwe ne kusu ne gusu ne na.

Owpeka-anpe kusu aepokpa utar anakne a=nunuke ne: kanto mosir ne utar kor pe ne ruwe ne kusu ne kusu ne na.

義のために迫害される人々は、幸いである、天の国はその人たちのものである。

Ku ankushkerai gusu moshima guru orowa no echi ohaigeakara an, orowa, aekeshke an, samata, usa shunge itak sange wa echi wen no aye chiki, echi anunuke ne.

Ku an=kuskeray kusu mosma kur orowano eci ohaykeakara an, orowa, aekeske an, sama ta, usa sunke itak sanke wa eci wenno aye ciki, eci a=nunuke ne.

わたしのためにののしられ、迫害され、身に覚えのないことであらゆる悪口を浴びせられるとき、あなたがたは幸いである。

Nupetne yan, shi no yaikopuntek yan; kando oshiketa echi gusu an pummaha anak ne porope ne ruwe ne gusu ne na; orowa, echi etokota okai uweingara utara ne yakka tambe nei no aepokba nisa ruwe ne gusu ne na.

Nupetne yan, sino yaykopuntek yan; kanto oske ta eci kusu an pummaha anakne poro p ne ruwe ne kusu ne na; orowa, eci etoko ta okay uweynkara utar ne yakka tanpe ne no aepokpa nisa ruwe ne kusu ne na.

喜びなさい。大いに喜びなさい。天には大きな報いがある。あなたがたより前の預言者たちも、同じように迫害されたのである。」

Echi okai utara anak ne toitoi shippo ne ruwe ne: koroka, shippo anak ne koro mawehe turainu chiki hemanda ani tu shui nei mawehe aomare ruwe he an? nei no an shippo aeiwange ushike ka isam, soita aosura wa ainu orowa no aotereke kuni patek an raka an ruwe ne.

Eciokay utar anakne toytoy sippo ne ruwe ne: korka, sippo anakne kor mawehe turaynu ciki hemanta ani tu suy ne mawehe a=omare ruwe he an? ne no an sippo a=eywanke uske ka isam, soy ta a=osura wa aynu orowano a=oterke kuni patek an raka an ruwe ne.

「あなたがたは地の塩である。だが、塩に塩気がなくなれば、その塩は何によって塩味が付けられよう。もはや、何の役にも立たず、外に投げ捨てられ、人々に踏みつけられるだけである。

Echi utara anak ne moshiri pekere echi ne, nupuri kashiketa an machiya anak ne anuina eaikap ruwe ne.

Eci utar anakne mosir peker eci ne, nupuri kasiketa an maciya anakne an=uyna eaykap ruwe ne.

あなたがたは世の光である。山の上にある町は、隠れることができない。

Naa samata, ratchako uhuika wa chomba choropoketa ande guru ka isam, set kashiketa nei ambe ande, yakun, chisei ta obitta no okai utara otta nupeki at ruwe ne.

Naa sama ta, raccako uhuyka wa conpa corpoke ta ante kur ka isam, set kasiketa ne anpe ante, yakun, cise ta opittano okay utar or ta nupeki at ruwe ne.

また、ともし火をともして升の下に置く者はいない。燭台の上に置く。そうすれば、家の中のものすべてを照らすのである。

Tambe korachi, echi ki pirika ikip moshima guru nukara wa kando otta an echi koro Michi koiramye kuni gusu, echi koro pekere moshima utara kotchaketa atte yan.

Tanpe koraci, eciki pirka iki p mosma kur nukar wa kanto or ta an eci kor Mici koyramye kuni kusu, eci kor peker mosma utar koccaketa atte yan.

そのように、あなたがたの光を人々の前に輝かしなさい。人々が、あなたがたの立派な行いを見て、あなたがたの天の父をあがめるようになるためである。」

Tuitak hene uweingarape hene isamka kuni ne Ku ek shiri ani iteki yainu yan, isamka kuni gusu Ku ek shomoki, uweomare kuni gusu Ku ek nisa ruwe ne.

Tuytak hene uweynkarape hene isamka kuni ne Ku ek siri ani iteki yaynu yan, isamka kuni kusu Ku ek somo ki, uweomare kuni kusu Ku ek nisa ruwe ne.

「わたしが来たのは律法や預言者を廃止するためだ、と思ってはならない。廃止するためではなく、完成するためである。

Inambe gusu ne yakun, son no echi otta Ku ye, kando newa toitoi newa isam pakno nep ne yakka auweomare shomoki chiki, tuitak pon no hene amras pakno hene ne yakka aisamka shomoki kusu ne.

Inanpe kusu ne yakun, sonno eci or ta Ku ye, kanto ne wa toytoy ne wa isam pakno nep ne yakka awweomare somo ki ciki, tuytak ponno hene amras pakno hene ne yakka aysamka somo ki kusu ne.

はっきり言っておく。すべてのことが実現し、天地が消えうせるまで、律法の文字から一点一画も消え去ることはない。

Tambe gusu, nen ne yakka tap iyotta pon ikashpaotte otereke, orowa, moshima okai utara nei ambe otereke kuni epakashnu gurʼanak ne, kando moshirʼotta iyotta pon guru ani aye kusu ne: koroka, nen ne yakka nei tuitak nei no ki wa nei ambe moshima guru otta epakashnu gurʼanak ne, nei guru kando moshirʼotta pase guru ne ani aye kusu ne na.

Tanpe kusu, nen ne yakka tap iyotta pon ikaspaotte oterke, orowa, mosma okay utar ne anpe oterke kuni epakasnu kur anakne, kanto mosir or ta iyotta pon kur ani aye kusu ne: korka, nen ne yakka ne tuytak ne no ki wa ne anpe mosma kur or ta epakasnu kur anakne, ne kur kanto mosir or ta pase kur ne ani aye kusu ne na.

だから、これらの最も小さな掟を一つでも破り、そうするようにと人に教える者は、天の国で最も小さい者と呼ばれる。しかし、それを守り、そうするように教える者は、天の国で大いなる者と呼ばれる。

Echi koro oupeka-i anak ne Parisee un utara hene kambi nuye utara hene koro oupeka ambe eakkari shomoki chiki kando moshiri orun oara echi ahup eaikap ruwe ne sekoro echi otta Ku ye ruwe ne gusu ne na.

Eci kor owpeka hi anakne Parisee un utar hene kampi nuye utar hene kor owpeka anpe e=akkari somo ki ciki kanto mosir or un oar eci ahup eaykap ruwe ne sekor eci or ta Ku ye ruwe ne kusu ne na.

言っておくが、あなたがたの義が律法学者やファリサイ派の人々の義にまさっていなければ、あなたがたは決して天の国に入ることができない。」

Iteki keuk, nen ne yakka keuk gurʼanak ne ayaikikip no akoipishi tusu ne, ari an teeda itak ekashi otta aye hi sekoro echi nu wa okai:

Iteki kewk, nen ne yakka kewk kur anakne ayaykikip no akoypisi tusu ne, ari an teeta itak ekasi or ta aye hi sekor eci nu wa okay:

「あなたがたも聞いているとおり、昔の人は『殺すな。人を殺した者は裁きを受ける』と命じられている。

koroka, Kuani echi otta Ku ye, nen ne yakka koro iriwak gusu irushka gurʼanak ne aeyaikikip no akoipishi kusu ne: orowa, nen ne yakka toi o iriwak Raka ani porose gurʼanak ne ukoramkoro ki utara gusu aeyaikikip no an kusu ne ruwe ne: orowa, nen ne yakka More ani porose gurʼanak ne abe oma Gehenna gusu aeyaikikip no an ruwe ne kusu ne na.

korka, Kuani eci or ta Ku ye, nen ne yakka kor irwak kusu iruska kur anakne aeyaykikip no akoypisi kusu ne: orowa, nen ne yakka toy o irwak Raka ani porse kur anakne ukoramkor ki utar kusu aeyaykikip no an kusu ne ruwe ne: orowa, nen ne yakka More ani porse kur anakne ape oma Gehenna kusu aeyaykikip no an ruwe ne kusu ne na.

しかし、わたしは言っておく。兄弟に腹を立てる者はだれでも裁きを受ける。兄弟に『ばか』と言う者は、最高法院に引き渡され、『愚か者』と言う者は、火の地獄に投げ込まれる。

Tambe gusu, ayange kunip an, aige eani gusu koro iriwak irushka ika an ani eshkarun chiki, koro

Tanpe kusu, a=yanke kuni p an, ayke eani kusu kor irwak iruska ika an ani eskarun ciki, kor

だから、あなたが祭壇に供え物を献げようとし、兄弟が自分に反感を持っているのをそこで思い出したなら、

yange kunip yange-set kotchaketa ande hine hoshiki no iriwak otta oman wa irenga usaraye, orowa, okaketa ek wa ayange kunip yange yan.

yanke kuni p yanke-set koccaketa ante hine hoskino irwak or ta oman wa irenka usaraye, orowa, okake ta ek wa a=yanke kuni p yanke yan.

その供え物を祭壇の前に置き、まず行って兄弟と仲直りをし、それから帰って来て、供え物を献げなさい。

Iyepokba guru ru kashi tura no an chiki, tunashi no upakbare yan; ikineipeka nei iyepokba guru koipishi guru otta ekoshi, orowa, ikoipishi guru anak ne tutanu an guru otta e ekoshi wa ipakashnu chisei otta ika e ahunde an kuni gusu ne na.

iyepokpa kur ru kasi turano an ciki, tunasno upakpare yan; ikineypeka ne iyepokpa kur koypisi kur or ta ekosi, orowa, ikoypisi kur anakne tutanu an kur or ta e ekosi wa ipakasnu cise or ta ika e ahunte an kuni kusu ne na.

あなたを訴える人と一緒に道を行く場合、途中で早く和解しなさい。さもないと、その人はあなたを裁判官に引き渡し、裁判官は下役に引き渡し、あなたは牢に投げ込まれるにちがいない。

Son no e otta Ku ye, amras pakno an ambe ne yakka shomo e sange yak anak ne e soine eaikap kusu ne ruwe ne na.

Sonno e or ta Ku ye, amras pakno an anpe ne yakka somo e sanke yakanak ne e soyne eaykap kusu ne ruwe ne na.

はっきり言っておく。最後の一クァドランスを返すまで、決してそこから出ることはできない。」

Iteki omoinu, sekorʼan itak echi nu nisa; koroka echi otta Ku ye,

Iteki omoynu, sekor an itak eci nu nisa; korka eci or ta Ku ye,

「あなたがたも聞いているとおり、『姦淫するな』と命じられている。

nen ne yakka wen-buri ki kuni rusui gusu shiwentep orun nutara gurʼanak ne keutura ta nei shiwentep tura omoinu koro okere ruwe ne.

nen ne yakka wen-puri ki kuni rusuy kusu siwentep or un nutara kur anakne kewtura ta ne siwentep tura omoynu kor okere ruwe ne.

しかし、わたしは言っておく。みだらな思いで他人の妻を見る者はだれでも、既に心の中でその女を犯したのである。

Orowa, e shimon shikihi e epetchiure chiki, oashinge wa osura yan: kon netobake ebitta Gehenna otta aeyapkire kasu no netobake koro shine awehe aisamka ambe anak eani gusu naa pirika ruwe ne kusu ne gusu ne na.

Orowa, e simon sikihi e epecciwre ciki, oasinke wa osura yan: kor netopake epitta Gehenna or ta a=eyapkir kasuno netopake kor sine awehe aysamka anpe anak eani kusu naa pirka ruwe ne kusu ne kusu ne na.

もし、右の目があなたをつまずかせるなら、えぐり出して捨ててしまいなさい。体の一部がなくなっても、全身が地獄に投げ込まれない方がましである。

E shimon tekehe epetchiure chiki, otuye wa osura yan: netobake ebitta Gehenna otta aeyapkire shomoki no koro shine awehe aisamka-i anak, eani gusu pirika ruwe ne kusu ne gusu ne na.

E simon tekehe epecciwre ciki, otuye wa osura yan: netopake epitta Gehenna or ta a=eyapkir somo ki no kor sine awehe aysamka hi anak, eani kusu pirka ruwe ne kusu ne kusu ne na.

もし、右の手があなたをつまずかせるなら、切り取って捨ててしまいなさい。体の一部がなくなっても、全身が地獄に落ちない方がましである。」

Nen ne yakka koro machi osurupa chiki, aosurupa ruwe ne ani anuye kambi kore yan, sekorʼan itak ne yakka an nisa,

Nen ne yakka kor maci osurpa ciki, a=osurpa ruwe ne ani a=nuye kampi kore yan, sekor an itak ne yakka an nisa,

「『妻を離縁する者は、離縁状を渡せ』と命じられている。

koroka, echi otta Ku ye, hoiyo moshima ambe gusu koro machi osurupa gurʼanak ne, nei shiwentep ani omoinu koro guru ne kan ruwe ne; orowa nei aosurupa shiwentep koro guru ne yakka omoinu kon ruwe ne.

korka, eci or ta Ku ye, hoyyo mosma anpe kusu kor maci osurpa kur anakne, ne siwentep ani omoynu kor kur ne kan ruwe ne; orowa ne a=osurpa siwentep kor kur ne yakka omoynu kor ruwe ne.

しかし、わたしは言っておく。不法な結婚でもないのに妻を離縁する者はだれでも、その女に姦通の罪を犯させることになる。離縁された女を妻にする者も、姦通の罪を犯すことになる。」

Shui, iteki shunge no ekambakbe ki, koroka, Kamui gusu e ki ekambakbe kara yan, sekoro deeda an itak echi nu;

Suy, iteki sunke no ekanpakpe ki, korka, Kamuy kusu e ki ekanpakpe kar yan, sekor teeta an itak eci nu;

「また、あなたがたも聞いているとおり、昔の人は、『偽りの誓いを立てるな。主に対して誓ったことは、必ず果たせ』と命じられている。

koroka, echi otta Ku ye, iteki nep ka ko-ye no ekambakbe ki yan, kando anak ne Kamui araset ne wa gusu, kando ko-ye wa iteki ekambakbe ki yan.

korka, eci or ta Ku ye, iteki nep ka ko-ye no ekanpakpe ki yan, kanto anakne Kamuy araset ne wa kusu, kanto ko-ye wa iteki ekanpakpe ki yan.

しかし、わたしは言っておく。一切誓いを立ててはならない。天にかけて誓ってはならない。そこは神の玉座である。

Shui toitoi anak ne Kamui koro kemaha andep ne wa gusu, toitoi ko-ye wa iteki ekambakbe ki yan: Yerusarem kotan anak ne poro sapane guru koro machiya ne wa gusu, Yerusarem kotan ko-ye wa iteki ekambakbe ki yan. Shui echi

Suy toytoy anakne Kamuy kor kemaha antep ne wa kusu, toytoy ko-ye wa iteki ekanpakpe ki yan: Yerusarem kotan anakne poro sapanekur kor maciya ne wa kusu, Yerusarem kotan ko-ye wa iteki ekanpakpe ki yan. Suy eci

地にかけて誓ってはならない。そこは神の足台である。エルサレムにかけて誓ってはならない。そこは大王の都である。

utara shine otop tu retara hene kunne hene echi kara eaikap ruwe ne gusu, koro sapaha ko-ye we iteki ekambakbe ki.

utar sine otop tu retar hene kunne hene eci kar eaykap ruwe ne kusu, kor sapaha ko-ye we iteki ekanpakpe ki.

また、あなたの頭にかけて誓ってはならない。髪の毛一本すら、あなたは白くも黒くもできないからである。

Koroka, ruwe un anak ne ruwe un ani ye, shomo anak ne shomo ani ye, tapan itak kama itak ambe anak ne wenbe orowa no an ambe ne.

Korka, ruwe un anakne ruwe un ani ye, somo anakne somo ani ye, tapan itak kama itak anpe anakne wenpe orowano an anpe ne.

あなたがたは、『然り、然り』『否、否』と言いなさい。それ以上のことは、悪い者から出るのである。」

Orowa, shiki gusu shikihi, nimaki gusu nimakihi sekorʼan deeda itak echi nu okere,

Orowa, siki kusu sikihi, nimak kusu nimakihi sekor an teeta itak eci nu okere,

「あなたがたも聞いているとおり、『目には目を、歯には歯を』と命じられている。

koroka, echi otta Ku ye, iteki wenbe eumontashpa yan, koroka, nen ne yakka echi shimon notakam kokik guru an chiki moshima an notakam ne yakka akik kuni ne kohosari yan.

korka, eci or ta Ku ye, iteki wenpe ewmontaspa yan, korka, nen ne yakka eci simon notakam kokik kur an ciki mosma an notakam ne yakka a=kik kuni ne kohosari yan.

しかし、わたしは言っておく。悪人に手向かってはならない。だれかがあなたの右の頬を打つなら、左の頬をも向けなさい。

Orowa, charange wa echi horowashi amip uk rusui guru an chiki, hokannashi mipihi ne yakka kore yan.

Orowa, caranke wa eci horowasi amip uk rusuy kur an ciki, hokannasi mipihi ne yakka kore yan.

あなたを訴えて下着を取ろうとする者には、上着をも取らせなさい。

Echi tura wa shine tem arapare guru an chiki,

Eci tura wa sine tem arpare kur an ciki,

だれかが、一ミリオン行くように強いるなら、一緒に二ミリオン行きなさい。

tu tem pakno tura no oman yau. Echi orota koramkoro guru an chiki, kore, orowa, echi orowa etun rusui guru an chiki iteki shishipnoye yan.

tu tem pakno turano oman yaw. Eci oro ta koramkor kur an ciki, kore, orowa, eci orowa etun rusuy kur an ciki iteki sisipnoye yan.

求める者には与えなさい。あなたから借りようとする者に、背を向けてはならない。」

A-un guru omap wa, epokba guru etunne yan, sekorʼan itak echi nu okere,

A un kur omap wa, epokpa kur etunne yan, sekor an itak eci nu okere,

「あなたがたも聞いているとおり、『隣人を愛し、敵を憎め』と命じられている。

koroka, echi otta Ku ye, echi epokba utara omap yan, echi keshke utara rengap gusu inonno itak ki yan;

korka, eci or ta Ku ye, eci epokpa utar omap yan, eci keske utar renkap kusu inonno itak ki yan;

しかし、わたしは言っておく。敵を愛し、自分を迫害する者のために祈りなさい。

kando otta an echi koro Michi poho echi ne kuni gusu tambe nei no ki yan; inambe gusu ne yakun, Shinuma anak ne wen guru gusu ne yakka pirika guru gusu ne yakka koro tokap chup hetukure, orowa, keutum oupeka guru otta ne yakka keutum oheuge guru otta ne yakka apto ashte ruwe ne gusu ne na.

kanto or ta an eci kor Mici poho eci ne kuni kusu tanpe ne no ki yan; inanpe kusu ne yakun, Sinuma anakne wenkur kusu ne yakka pirka kur kusu ne yakka kor tokap cup hetukure, orowa, kewtum owpeka kur or ta ne yakka kewtum ohewke kur or ta ne yakka apto aste ruwe ne kusu ne na.

あなたがたの天の父の子となるためである。父は悪人にも善人にも太陽を昇らせ、正しい者にも正しくない者にも雨を降らせてくださるからである。

Echi omap utara echi koomap yakun, nep eyaiepirikarep echi koro ya?

Eci omap utar eci koomap yakun, nep eyayepirikarep eci kor ya?

自分を愛してくれる人を愛したところで、あなたがたにどんな報いがあろうか。徴税人でも、同じことをしているではないか。

Yaku etaye utara ka nei no ki shomoki ya? Echi koro iriwak utara otta patek echi rangarap yakun, nep moshima guru kasu no aki ya? Oya utara ne yakka nei no ki shomoki ya?

Yaku etaye utar ka ne no ki somo ki ya? Eci kor irwak utar or ta patek eci rankarap yakun, nep mosma kur kasuno aki ya? Oya utar ne yakka ne no ki somo ki ya?

自分の兄弟にだけ挨拶したところで、どんな優れたことをしたことになろうか。異邦人でさえ、同じことをしているではないか。

Tambe gusu, kando otta an echi koro Michi aeramushinne wa an korachi, echi utara ne yakka aeramushinne no okai yan.

Tanpe kusu, kanto or ta an eci kor Mici a=eramusinne wa an koraci, eci utar ne yakka a=eramusinne no okay yan.

だから、あなたがたの天の父が完全であられるように、あなたがたも完全な者となりなさい。」

Anukara kuni gusu moshima guru tek samata echi oupekap iteki kara yan, anukara kuni gusu oupekap echi ki yakun, kando otta an echi koro michi anak ne pummaha shomo kore ruwe ne.

A=nukar kuni kusu mosma kur teksama ta eci owpekap iteki kar yan, a=nukar kuni kusu owpekap eciki yakun, kanto or ta an eci kor mici anakne pummaha somo kore ruwe ne.

「見てもらおうとして、人の前で善行をしないように注意しなさい。さもないと、あなたがたの天の父のもとで報いをいただけないことになる。

Tambe gusu eungeraitep kore chiki, anun utara otta ramuaye kuni gusu kankapkapeka utara nei no uwekari chisei ta hene machiya otta bene iteki echi kotchaketa rappa arektere yan. Son no echi otta Ku ye, shinuma utara anak ne pummaha koro okere ruwe ne.

Tanpe kusu ewnkeraytep kore ciki, anun utar or ta ramuaye kuni kusu kankapkapeka utar ne no uwekari cise ta hene maciya or ta pe ne iteki eci koccaketa rappa arektere yan. Sonno eci or ta Ku ye, sinuma utar anakne pummaha kor okere ruwe ne.

だから、あなたは施しをするときには、偽善者たちが人からほめられようと会堂や街角でするように、自分の前でラッパを吹き鳴らしてはならない。はっきりあなたがたに言っておく。彼らは既に報いを受けている。

Koroka, eungeraitep echi kore chiki, nei akorep nuina no an kuni ne,

Korka, ewnkeraytep eci kore ciki, ne akorep nuyna no an kuni ne,

施しをするときは、右の手のすることを左の手に知らせてはならない。

shimon tek ani echi kip anak ne hariki tek otta iteki nukare yan; yakun, nuina otta nukara echi koro michi anak ne pummaha echi kore kusu ne.

simon tek ani eci kip anakne harki tek or ta iteki nukare yan; yakun, nuyna or ta nukar eci kor mici anakne pummaha eci kore kusu ne.

あなたの施しを人目につかせないためである。そうすれば、隠れたことを見ておられる父が、あなたに報いてくださる。」

Orowa inonno-itak echi ki chiki kankpakapeka utara nei no iteki ki yan: shinuma utara anak ne moshima utara orowa no anukara kuni ne, uwekarapa chisei ta hene machiya ututta hene roshki koro, inonno-itak ki-hi nupure ruwe ne. Son no echi orota Ku ye, nei utara anak ne pummaha koro okere ruwe ne.

Orowa inonno-itak eciki ciki kankpakapeka utar ne no iteki ki yan: sinuma utar anakne mosma utar orowano a=nukar kuni ne, uwekarpa cise ta hene maciya ututta hene roski kor, inonno-itak ki hi nupur ruwe ne. Sonno eci oro ta Ku ye, ne utar anakne pummaha kor okere ruwe ne.

「祈るときにも、あなたがたは偽善者のようであってはならない。偽善者たちは、人に見てもらおうと、会堂や大通りの角に立って祈りたがる。はっきり言っておく。彼らは既に報いを受けている。

Koroka, eani anak ne inonno-itak ki chiki, koro tumbu ta ahun, orowa, apa-ushta ashi chiki nuina no e koro Michi otta inonno-itak ki yan, yakun nuina otta nukara e koro Michi anak pummaha e kore kusu ne na.

Korka, eani anakne inonno-itak ki ciki, kor tumpu ta ahun, orowa, apa-us ta asi ciki nuyna no e kor Mici or ta inonno-itak ki yan, yakun nuyna or ta nukar e kor Mici anak pummaha e kore kusu ne na.

だから、あなたが祈るときは、奥まった自分の部屋に入って戸を閉め、隠れたところにおられるあなたの父に祈りなさい。そうすれば、隠れたことを見ておられるあなたの父が報いてくださる。

Orowa inonno-itak ki chiki oya utara korachi raka isam no an ramma shine itak iteki ki yan; nei utara poron no itak ki gusu anu kusu ne ani yainu ruwe ne.

Orowa inonno-itak ki ciki oya utar koraci raka isam no an ramma sine itak iteki ki yan; ne utar poronno itak ki kusu anu kusu ne ani yaynu ruwe ne.

また、あなたがたが祈るときは、異邦人のようにくどくどと述べてはならない。異邦人は、言葉数が多ければ、聞き入れられると思い込んでいる。

Tambe gusu iteki nei no okai yan: echi inonno-itak ki etokota echi kon rusuibe echi koro Michi eramu an wa an ruwe ne gusu ne na.

Tanpe kusu iteki ne no okay yan: eci inonno-itak ki etoko ta eci kor rusuy pe eci kor Mici eramuan wa an ruwe ne kusu ne na.

彼らのまねをしてはならない。あなたがたの父は、願う前から、あなたがたに必要なものをご存じなのだ。

Tambe gusu, tap korachi inonno-itak ki yan: Kando otta an chikoro Michi, E kon reihei orota aeoripak kuni ne ki wa un kore.

Tanpe kusu, tap koraci inonno-itak ki yan: Kanto or ta an ci=kor Mici, E kor rehe oro ta a=eoripak kuni ne ki wa un kore.

だから、こう祈りなさい。『天におられるわたしたちの父よ、御名が崇められますように。

E koro moshiri ekte wa un kore. E korʼirenga kando otta an korachi, moshirʼotta ne yakka une no aki kuni ne ki wa un kore.

E kor mosir ekte wa un kore. E kor irenka kanto or ta an koraci, mosir or ta ne yakka un no aki kuni ne ki wa un kore.

御国が来ますように。御心が行われますように、天におけるように地の上にも。

Kesto kesto chi e kunip tanto ne yakka un kore.

Kesto kesto ci e kuni p tanto ne yakka un kore.

わたしたちに必要な糧を今日与えてください。

Chi utara; anak ne chikoro ashosere utara tusare okere korachi, chikoro shosep ne yakka tusare wa un kore.

Ci utar; anakne ci=kor asosere utar tusare okere koraci, ci=kor sosep ne yakka tusare wa un kore.

わたしたちの負い目を赦してください、わたしたちも自分に負い目のある人を赦しましたように。

Chi utara anak ne iteki akoramnukara kuni ne ki wa un kore; koroka wenbe orowa no un ohaitare wa un kore.

Ci utar anakne iteki akoramnukara kuni ne ki wa un kore; korka wenpe orowano un ohaytare wa un kore.

わたしたちを誘惑に遭わせず、悪い者から救ってください。』

Inambe gusu ne yakun, moshima guru koro katpak echi tusare yakun, kando otta an echi koro michi ne yakka echi tusare kusu ne.

Inanpe kusu ne yakun, mosma kur kor katpak eci tusare yakun, kanto or ta an eci kor mici ne yakka eci tusare kusu ne.

もし人の過ちを赦すなら、あなたがたの天の父もあなたがたの過ちをお赦しになる。

Koroka, moshima guru koro katpak shomo echi tusare yak anak ne, echi koro Michihi ne yakka echi koro katpak shomo tusare kusu ne.

Korka, mosma kur kor katpak somo eci tusare yakanak ne, eci kor Michihi ne yakka eci kor katpak somo tusare kusu ne.

しかし、もし人を赦さないなら、あなたがたの父もあなたがたの過ちをお赦しにならない。」

Shui, shomo ramnu echi ki rapoketa kankapkapeka utara nei no iteki ok iporo oma yan, nei utara anak ne shomo ramnu ki sekoro moshima guru orowa no anukara kuni gusu yaiiporosakka ruwe ne. Son no echi otta Ku ye, nei utara anak ne pummaha koro okere ruwe ne.

Suy, somo ramnu eciki rapoketa kankapkapeka utar ne no iteki ok iporo oma yan, ne utar anakne somo ramnu ki sekor mosma kur orowano a=nukar kuni kusu yayiporosakka ruwe ne. Sonno eci or ta Ku ye, ne utar anakne pummaha kor okere ruwe ne.

「断食するときには、あなたがたは偽善者のように沈んだ顔つきをしてはならない。偽善者は、断食しているのを人に見てもらおうと、顔を見苦しくする。はっきり言っておく。彼らは既に報いを受けている。

Koroka, eani anak ne shomo ramnu ki ita sapaha karakara nanuhu furaye yan;

Korka, eani anakne somo ramnu ki hi ta sapaha karkar nanuhu huraye yan;

あなたは、断食するとき、頭に油をつけ、顔を洗いなさい。

aokai shomo ramnu ki sekoro moshima guru otta nukara shomoki no nuina wa, an e koro Michi orowa no anukara kuni gusu tambe nei no ki yan; yakun, nuina otta ingara e koro Michihi anak ne pummaha echi koropare kusu ne na.

aokay somo ramnu ki sekor mosma kur or ta nukar somo ki no nuyna wa, an e kor Mici orowano a=nukar kuni kusu tanpe ne no ki yan; yakun, nuyna or ta inkar e kor Michihi anakne pummaha eci korpare kusu ne na.

それは、あなたの断食が人に気づかれず、隠れたところにおられるあなたの父に見ていただくためである。そうすれば、隠れたことを見ておられるあなたの父が報いてくださる。」

Shish newa shikopopbe gusu aisamka, ikka guru opattekka wa ikka tan moshirʼotta iteki ikoro eumashnu yan:

sis ne wa sikopoppe kusu aysamka, ikka kur opattekka wa ikka tan mosir or ta iteki i=kor ewmasnu yan:

「あなたがたは地上に富を積んではならない。そこでは、虫が食ったり、さび付いたりするし、また、盗人が忍び込んで盗み出したりする。

koroka, shish ne yakka shikopopbe ne yakka isamka shomoki, ikka guru opattekka wa ikka shomoki kando otta ikoro eumashnu yan:

korka, sis ne yakka sikopoppe ne yakka isamka somo ki, ikka kur opattekka wa ikka somo ki kanto or ta i=kor ewmasnu yan:

富は、天に積みなさい。そこでは、虫が食うことも、さび付くこともなく、また、盗人が忍び込むことも盗み出すこともない。

inambe gusu ne yakun, echi ikoro an ushiketa echi keutum ne yakka an kusu ne gusu ne na.

inanpe kusu ne yakun, eci i=kor an uske ta eci kewtum ne yakka an kusu ne kusu ne na.

あなたの富のあるところに、あなたの心もあるのだ。」

Netobake gusu an ratchako anak ne shikihi ne ruwe ne: tambe gusu, echi shikihi pekashnu yakun netobake ebitta apekereka kusu ne.

Netopake kusu an raccako anakne sikihi ne ruwe ne: tanpe kusu, eci sikihi pekasnu yakun netopake epitta apekereka kusu ne.

「体のともし火は目である。目が澄んでいれば、あなたの全身が明るいが、

Koroka, echi shikihi anak ne wen yakun, kon netobake ebitta ekureok eshik kusu ne ruwe ne. Tambe gusu echi oshiketa an pekere ekureok ne chiki, nep poro ekureokbe humi!

Korka, eci sikihi anakne wen yakun, kor netopake epitta ekureok esik kusu ne ruwe ne. Tanpe kusu eci oske ta an peker ekureok ne ciki, nep poro ekureokpe humi!

濁っていれば、全身が暗い。だから、あなたの中にある光が消えれば、その暗さはどれほどであろう。」

Tu sapane guru orota yaishieiwangere eashkai guru isam: inambe gusu ne yakun, shinen kowen, shinen omap; shinen kopuri pirika, shinen kopuri wen nangoro; Echi okai utara Kamui newa ikoro newa tup ne kane orota yaishieiwangere eaikap ruwe ne.

Tu sapanekur oro ta yaysieywankere easkay kur isam: inanpe kusu ne yakun, sinen kowen, sinen omap; sinen kopuri pirka, sinen kopuri wen nankor; Eciokay utar Kamuy ne wa i=kor ne wa tup ne kane oro ta yaysieywankere eaykap ruwe ne.

「だれも、二人の主人に仕えることはできない。一方を憎んで他方を愛するか、一方に親しんで他方を軽んじるか、どちらかである。あなたがたは、神と富とに仕えることはできない。」

Tambe gusu, echi otta ku ye, echi ishu gusu hemanda echi e, hemanda echi ku, samata, netobake gusu hemanda echi rai, ari an ambe gusu iteki nishomap yan. Inotu anak ne aep kasu no pase ambe shomo ne ruwe he an? Netobake anak ne amip kasu no pase ambe shomo ne ya?

Tanpe kusu, eci or ta ku ye, eci i=su kusu hemanta eci e, hemanta eci ku, sama ta, netopake kusu hemanta eci ray, ari an anpe kusu iteki nisomap yan. Inotu anakne aep kasuno pase anpe somo ne ruwe he an? Netopake anakne amip kasuno pase anpe somo ne ya?

「だから、言っておく。自分の命のことで何を食べようか何を飲もうかと、また自分の体のことで何を着ようかと思い悩むな。命は食べ物よりも大切であり、体は衣服よりも大切ではないか。

Rik peka oman chikap ingara yan, nei okaibe toita shomoki, nanke ka shomoki, pu otta eumashnu ka shomoki, yakka kando otta an echi koro Michihi anak ne nei okaibe ibere ruwe ne. Echi utara nei chikap akkari pase ambe shomo ne ruwe he an?

Rik peka oman cikap inkar yan, ne okay pe toyta somo ki, nanke ka somo ki, pu or ta ewmasnu ka somo ki, yakka kanto or ta an eci kor Michihi anakne ne okay pe ipere ruwe ne. Eci utar ne cikap akkari pase anpe somo ne ruwe he an?

空の鳥をよく見なさい。種も蒔かず、刈り入れもせず、倉に納めもしない。だが、あなたがたの天の父は鳥を養ってくださる。あなたがたは、鳥よりも価値あるものではないか。

Echi tumugeta inan guru ka nishomap wa shine ik pakno hene yaikewe porore eashkai ya?

Eci tumke ta inan kur ka nisomap wa sine ik pakno hene yaykewe porore easkay ya?

あなたがたのうちだれが、思い悩んだからといって、寿命をわずかでも延ばすことができようか。

Hemanda gusu echi rai kunip enishomap ya? Nupuri kata an nonno nekon ne wa hetuku ya, sekoro esanniyo yan:

Hemanta kusu eci ray kuni p enisomap ya? Nupuri ka ta an nonno nekon ne wa hetuku ya, sekor esanniyo yan:

なぜ、衣服のことで思い悩むのか。野の花がどのように育つのか、注意して見なさい。働きもせず、紡ぎもしない。

monraige shomoki, ishitaige ka shomoki; yakka echi otta Ku ye, Soromon ne yakka iyotta tomte wa an ita anak ne tan nonno pakno eyaitomchiure shomoki ruwe tapan na.

monrayke somo ki, isitayke ka somo ki; yakka eci or ta Ku ye, Soromon ne yakka iyotta tomte wa an hi ta anakne tan nonno pakno eyaytomciwre somo ki ruwe tapan na.

しかし、言っておく。栄華を極めたソロモンでさえ、この花の一つほどにも着飾ってはいなかった。

Koroka, Kamui anak ne tan to nup otta okai wa, nishatta auhuika mun nei no tomte no kan ruwe ne chiki nei akkari echi okai utara okai gusu shomoki ya?

Korka, Kamuy anakne tanto nup or ta okay wa, nisatta awhuyka mun ne no tomteno kan ruwe ne ciki ne akkari eciokay utar okay kusu somo ki ya?

今日は生えていて、明日は炉に投げ込まれる野の草でさえ、神はこのように装ってくださる。まして、あなたがたにはなおさらのことではないか、信仰の薄い者たちよ。

aa eishokor-i pon utara humi! tambe gusu, hemanda chi e, hemanda chi ku, shui, nekon a amip ani ayaimire ya? sekoro ye hine iteki nishomap yan;

aa eysokor hi pon utar humi! tanpe kusu, hemanta ci e, hemanta ci ku, suy, nekona amip ani ayaymire ya? sekor ye hine iteki nisomap yan;

だから、『何を食べようか』『何を飲もうか』『何を着ようか』と言って、思い悩むな。

obitta tan okaibe anak ne oya guru hunarape ne ruwe ne: koroka, kando otta an echi koro Michi anak ne obitta tan okaibe echi koro kunip ne sekoro eraman wa an ruwe tapan na.

opitta tan okay pe anakne oya kur hunarape ne ruwe ne: korka, kanto or ta an eci kor Mici anakne opitta tan okay pe eci kor kuni p ne sekor eraman wa an ruwe tapan na.

それはみな、異邦人が切に求めているものだ。あなたがたの天の父は、これらのものがみなあなたがたに必要なことをご存じである。

Koroka iyotta hoshiki no Shinuma moshiri hemhem, Shinuma oupeka-i hemhem hunara yan: yakun, tapan okaibe obitta echi akore kusu ne.

Korka iyotta hoskino Sinuma mosir hemhem, Sinuma owpeka hi hemhem hunara yan: yakun, tapan okay pe opitta eci a=kor kusu ne.

何よりもまず、神の国と神の義を求めなさい。そうすれば、これらのものはみな加えて与えられる。

Tambe gusu, nishatta gusu iteki nishomap yan: nishatta anak ne yaikota gusu nishomap kusu ne. Toho korʼewenbe anak nei toho gusu pakno ne ruwe ne na.

Tanpe kusu, nisatta kusu iteki nisomap yan: nisatta anakne yaykota kusu nisomap kusu ne. Toho kor e=wenpe anakne toho kusu pakno ne ruwe ne na.

だから、明日のことまで思い悩むな。明日のことは明日自らが思い悩む。その日の苦労は、その日だけで十分である。」

Echi utara shomo akoipishi kuni ne, iteki koipishi yan.

Eci utar somo akoypisi kuni ne, iteki koypisi yan.

「人を裁くな。あなたがたも裁かれないようにするためである。

Inambe gusu ne yakun, koipishi wa esanniyo nei no, echi akoipishi wa aesanniyo kusu ne: orowa, pakari wa echi kore korachi, echi gusu ne yakka apakari wa akore kusu ne.

Inanpe kusu ne yakun, koypisi wa esanniyo ne no, eci akoypisi wa a=esanniyo kusu ne: orowa, pakari wa eci kore koraci, eci kusu ne yakka apa kari wa a=kor kusu ne.

あなたがたは、自分の裁く裁きで裁かれ、自分の量る秤で量り与えられる。

Orowa, nep gusu yaikota koro shikihi oshiketa an umanki-ni shomo nukara wa, iriwak shikihi otta an pana numi esanniyo ya?

Orowa, nep kusu yaykota kor sikihi oske ta an umanki-ni somo nukar wa, irwak sikihi or ta an pana numi esanniyo ya?

あなたは、兄弟の目にあるおが屑は見えるのに、なぜ自分の目の中の丸太に気づかないのか。

Samata, yaikota koro shikihi oshiketa umanki-ni an, aige, nekon ne wa koro iriwak otta, e koro shikihi oshiketa an pana numi en ukte yan, ani itak ya?

Sama ta, yaykota kor sikihi oske ta umanki-ni an, ayke, nekon ne wa kor irwak or ta, e kor sikihi oske ta an pana numi en ukte yan, ani itak ya?

兄弟に向かって、『あなたの目からおが屑を取らせてください』と、どうして言えようか。自分の目に丸太があるではないか。

Kankapkapeka guru, yaikota koro shikihi otta an umanki-ni hoshiki no oashinge, yakun, iriwak shikihi oshiketa an pana numi oashinge kuni gusu nukara eashkai nangon na.

kankapkapeka kur, yaykota kor sikihi or ta an umanki-ni hoskino oasinke, yakun, irwak sikihi oske ta an pana numi oasinke kuni kusu nukar easkay nankon na.

偽善者よ、まず自分の目から丸太を取り除け。そうすれば、はっきり見えるようになって、兄弟の目からおが屑を取り除くことができる。

Ashkanne okaibe iteki seta kore, orowa, buta kotchaketa echi koro shinju iteki osura yan, ika ikineipeka buta anak ne kema ani shinju otereke, orowa, hosari wa echi kubaba nangon na.

Askanne okay pe iteki seta kore, orowa, puta koccaketa eci kor sinju iteki osura yan, ika ikineypeka puta anakne kema ani sinju oterke, orowa, hosari wa eci kupapa nankon na.

神聖なものを犬に与えてはならず、また、真珠を豚に投げてはならない。それを足で踏みにじり、向き直ってあなたがたにかみついてくるだろう。」

Koramkoro yan, yakun echi akore kusu ne; humara yan, yakun, echi pa; apa ushta shirikik yan,

Koramkor yan, yakun eci a=kor kusu ne; humara yan, yakun, eci pa; apa us ta sirkik yan,

「求めなさい。そうすれば、与えられる。探しなさい。そうすれば、見つかる。門をたたきなさい。そうすれば、開かれる。

yakun, echi gusu amaka kusu ne na; inambe gusu ne yakun, nen ne yakka koramkoro chiki akore: hunara guru pa; apa ushta shirikik guru otta amaka kusu ne na.

yakun, eci kusu a=mak kusu ne na; inanpe kusu ne yakun, nen ne yakka koramkor ciki a=kor: hunara kur pa; apa us ta sirkik kur or ta a=mak kusu ne na.

だれでも、求める者は受け、探す者は見つけ、門をたたく者には開かれる。

Koro poho shi to koramkoro yak anak ne, otta shuma kore guru echi tumuta okai ya?

Kor poho si to koramkor yakanak ne, or ta suma kore kur eci tum ta okay ya?

あなたがたのだれが、パンを欲しがる自分の子供に、石を与えるだろうか。

Chep koramkoro chiki okokko kore guru an ruwe he an?

Cep koramkor ciki okokko kore kur an ruwe he an?

魚を欲しがるのに、蛇を与えるだろうか。

Wen buri koro echi utara ne yakka pirika eikrap koro poho otta koropare katu aramu yakun, kasu no kando otta an echi koro michihi anak ne koramkoro guru otta pirikap shomo koropare ruwe he an?

Wen puri kor eci utar ne yakka pirka eykrap kor poho or ta korpare katu a=ramu yakun, kasuno kanto or ta an eci kor micihi anakne koramkor kur or ta pirka p somo korpare ruwe he an?

このように、あなたがたは悪い者でありながらも、自分の子供には良い物を与えることを知っている。まして、あなたがたの天の父は、求める者に良い物をくださるにちがいない。

Tambe gusu, moshima guru orowa no nep ki ambe echi kon rusui nei no, shinuma otta ne yakka ki yan: tambe anak ne Kamui ikashpaotte newa uweingarape ne ruwe ne na.

Tanpe kusu, mosma kur orowano nepki anpe eci kor rusuy ne no, sinuma or ta ne yakka ki yan: tanpe anakne Kamuy ikaspaotte ne wa uweynkarape ne ruwe ne na.

だから、人にしてもらいたいと思うことは何でも、あなたがたも人にしなさい。これこそ律法と預言者である。」

Hutne apa kari ahup yan: aisamka an i orun arapa ru anak ne sep, orowa apa poro, te oro ahup utara inne ruwe ne gusu ne na.

Hutne apa kari ahup yan: aysamka an i or un arpa ru anakne sep, orowa apa poro, te oro ahup utar inne ruwe ne kusu ne na.

「狭い門から入りなさい。滅びに通じる門は広く、その道も広々として、そこから入る者が多い。

Inotu an i otta oman ru anak ne hutne, apa ushta pon, tan ru kari ahup utara anak ne moyo ruwe ne gusu ne na.

Inotu an i or ta oman ru anakne hutne, apa us ta pon, tan ru kari ahup utar anakne moyo ruwe ne kusu ne na.

しかし、命に通じる門はなんと狭く、その道も細いことか。それを見いだす者は少ない。」

Shunge uweingara utara yaitubare yan; nei utara hitsuji rush yaimire wa araki, koroka, keutum anak niwen horokeu korachi ne ruwe ne.

Sunke uweynkara utar yaytupare yan; ne utar hitsuji rus yaymire wa arki, korka, kewtum anak niwen horkew koraci ne ruwe ne.

「偽預言者を警戒しなさい。彼らは羊の皮を身にまとってあなたがたのところに来るが、その内側は貪欲な狼である。

Nei utara ene iki ikip ani aeramu an kusu ne. Ainu anak ne emauri ni orowa no hat uk ya?

Ne utar ene iki iki p ani a=ermu an kusu ne. Aynu anakne emawri ni orowano hat uk ya?

あなたがたは、その実で彼らを見分ける。茨からぶどうが、あざみからいちじくが採れるだろうか。

Anzami orowa no ichijiku uk ruwe he an? Tap ne korachi, nep pirika chikuni ne yakka pirika ibehe koro, koroka, wen chikuni anak ne wen ibehe hetukbare ruwe ne.

Ancami orowano icijiku uk ruwe he an? Tapne koraci, nep pirka cikuni ne yakka pirka ipehe kor, korka, wen cikuni anakne wen ipehe hetukpare ruwe ne.

すべて良い木は良い実を結び、悪い木は悪い実を結ぶ。

Pirika chikuni wen ibehe koro eaikap, wen chikuni pirika ibehe koro eaikap ruwe ne.

Pirka cikuni wen ipehe kor eaykap, wen cikuni pirka ipehe kor eaykap ruwe ne.

良い木が悪い実を結ぶことはなく、また、悪い木が良い実を結ぶこともできない。

Nep chikuni ne yakka pirika ibehe hetukure shomoki chiki, aotuye wa abe orota aomare ruwe ne.

Nep cikuni ne yakka pirka ipehe hetukure somo ki ciki, a=otuye wa ape oro ta a=omare ruwe ne.

良い実を結ばない木はみな、切り倒されて火に投げ込まれる。

Tambe gusu, nei utara ene ikihi ani aeramu an ruwe tap an na.

Tanpe kusu, ne utar ene iki hi ani a=ermu an ruwe tapan na.

このように、あなたがたはその実で彼らを見分ける。」

En otta Utarapa, Utarapa, ani ye guru anak ne pishno kando moshirʼotta ahup shomoki; ouse kando otta an Ku goro Michi irenga nei no ki guru patek ahun kusu ne na.

En or ta Utarpa, Utarpa, ani ye kur anakne pisno kanto mosir or ta ahup somo ki; owse kanto or ta an Ku kor Mici irenka ne no ki kur patek ahun kusu ne na.

「わたしに向かって、『主よ、主よ』と言う者が皆、天の国に入るわけではない。わたしの天の父の御心を行う者だけが入るのである。

Nei tobo ta inne utara En otta ene ye-hi :— Utarapa, Utarapa, E reihei rengap gusu uweingara shomo chi ki ya? E reihei rengap gusu nitne kamui oashinge shomo chi ki ya? E reihei rengap gusu usa kiroro an ikip shomo chi ki ruwe he an? — sekoro itak kusu ne.

Ne top ta inne utar En or ta ene ye hi :— Utarpa, Utarpa, E rehe renkap kusu uweynkara somo ci ki ya? E rehe renkap kusu nitne kamuy oasinke somo ci ki ya? E rehe renkap kusu usa kiror an iki p somo ci ki ruwe he an? — sekor itak kusu ne.

かの日には、大勢の者がわたしに、『主よ、主よ、わたしたちは御名によって預言し、御名によって悪霊を追い出し、御名によって奇跡をいろいろ行ったではありませんか』と言うであろう。

Nei ita Kuani ene ese itak-hi :— Kuani echi eramushkare, wen buri ki utara, oyakta paye yan, ari Ku ye kusu ne.

Ne hi ta Kuani ene ese itak hi :— Kuani eci eramuskare, wen puri ki utar, oyakta paye yan, ari Ku ye kusu ne.

そのとき、わたしはきっぱりとこう言おう。『あなたたちのことは全然知らない。不法を働く者ども、わたしから離れ去れ。』」

Tambe gusu, tap Ku ye itak nu wa nei no ki utara anak ne, watara kata koro chisei kara wayashnu guru ukoheraye ruwe ne:

Tanpe kusu, tap Ku ye itak nu wa ne no ki utar anakne, watara ka ta kor cise kar wayasnu kur ukoheraye ruwe ne:

「そこで、わたしのこれらの言葉を聞いて行う者は皆、岩の上に自分の家を建てた賢い人に似ている。

apto ran, okimumbe san, rera rui wa nei chisei epeka yakka, horak shomoki ruwe ne: watara kata asama aande

apto ran, okimunpe san, rera ruy wa ne cise epeka yakka, horak somo ki ruwe ne: watara ka ta asama an=te

雨が降り、川があふれ、風が吹いてその家を襲っても、倒れなかった。岩を土台としていたからである。

wa an ruwe ne gusu ne na. Orowa, tap Ku ye itak nu wa nei no ki shomoki utara anak ne ota kata chisei kara ramu isam guru ukoheraye ruwe ne.

wa an ruwe ne kusu ne na. Orowa, tap Ku ye itak nu wa ne no ki somo ki utar anakne ota ka ta cise kar ramu isam kur ukoheraye ruwe ne.

わたしのこれらの言葉を聞くだけで行わない者は皆、砂の上に家を建てた愚かな人に似ている。

Apto ran, okimumbe san, rera rui wa nei chisei epeka gusu horak; nei horak ambe anak ne poro ruwe tapan na.

Apto ran, okimunpe san, rera ruy wa ne cise epeka kusu horak; ne horak anpe anakne poro ruwe tapan na.

雨が降り、川があふれ、風が吹いてその家に襲いかかると、倒れて、その倒れ方がひどかった。」

Yesu tan okai itak ye okere chiki, nei inne utara anak ne nei epakashi gusu iyokunnure ruwe ne;

Yesu tan okay itak ye okere ciki, ne inne utar anakne ne epakasi kusu iyokunnure ruwe ne;

イエスがこれらの言葉を語り終えられると、群衆はその教えに非常に驚いた。

inambe gusu ne yakun, kambi-nuye utara nei no epakashnu shomoki, mondum nei no an korachi epakashnu nisa ruwe ne gusu ne na.

inanpe kusu ne yakun, kampi-nuye utar ne no epakasnu somo ki, montum ne no an koraci epakasnu nisa ruwe ne kusu ne na.

彼らの律法学者のようにではなく、権威ある者としてお教えになったからである。

Shinuma nupuri orowa no ran chiki inne utara nei osh paye nisa ruwe ne na.

Sinuma nupuri orowano ran ciki inne utar ne os paye nisa ruwe ne na.

イエスが山を下りられると、大勢の群衆が従った。

Orowa, munin tashum ki guru shinen Yesu orota ek wa ongami hine ene itak-hi :— Utarapa, Aokai eramuoshma yakun, ku kon netobake ashkannere eashkai ruwe ne sekoro itak.

Orowa, munin tasum ki kur sinen Yesu oro ta ek wa onkami hine ene itak hi :— Utarpa, Aokay e=ramuosma yakun, ku kor netopake askannere easkay ruwe ne sekor itak.

すると、一人の重い皮膚病を患っている人がイエスに近寄り、ひれ伏して、「主よ、御心ならば、わたしを清くすることがおできになります」と言った。

Orowa Yesu tekehe tun wa nei guru tomoshma hine ene itak-hi :— Ku ramuoshma na, e ashkannere ash na — sekoro itak: orowa, munin tashum anak ne nani isam nisa ruwe ne na.

Orowa Yesu tekehe tun wa ne kur tomosma hine ene itak hi :— Ku ramuosma na, e askannere as na — sekor itak: orowa, munin tasum anakne nani isam nisa ruwe ne na.

イエスが手を差し伸べてその人に触れ、「よろしい。清くなれ」と言われると、たちまち、重い皮膚病は清くなった。

Orowa, nei guru otta Yesu ene ye-hi :— Nen ne yakka otta iteki tan orushpe nure; Kamui kora kenru esapane guru otta oman wa yainukare, samata, paweteshu ne gusu Mose kashpaotte ayangep yange yan, sekoro Yesu itak nisa ruwe ne na.

Orowa, ne kur or ta Yesu ene ye hi :— Nen ne yakka or ta iteki tan oruspe nure; Kamuy kor kenru esapane kur or ta oman wa yaynukare, sama ta, pawetesu ne kusu Mose kaspaotte ayankep yanke yan, sekor Yesu itak nisa ruwe ne na.

イエスはその人に言われた。「だれにも話さないように気をつけなさい。ただ、行って祭司に体を見せ、モーセが定めた供え物を献げて、人々に証明しなさい。」

Orowa, Shinuma Kapernaum kotan ta shirepa chi-ki, ashikne hotne tumi-koro utara esapane guru ko-ramkoro wa Shinuma otta ek hine ene itak-hi :—

Orowa, Sinuma Kapernawm kotan ta sirepa ci-ki, asikne hotne tumi-kor utar esapane kur ko-ramkor wa Sinuma or ta ek hine ene itak hi :—

さて、イエスがカファルナウムに入られると、一人の百人隊長が近づいて来て懇願し、

Utarapa, Ku uni ta shine heikachi tusushke tashum shi no yupke hike ki wa hotke wa an, ani itak.

Utarpa, Ku uni ta sine hekaci tususke tasum sino yupke hike ki wa hotke wa an, ani itak.

「主よ、わたしの僕が中風で家に寝込んで、ひどく苦しんでいます」と言った。

Orota Shinuma ene ye-hi :—

Oro ta Sinuma ene ye hi :—

そこでイエスは、「わたしが行って、いやしてあげよう」と言われた。

Ku ek wa iwangere kusu ne — sekoro itak. Utarapa, ku kotʼchisei kitai choropoketa ahun-i shi no ku oripak an, ouse itak ye wa en kore, yakun, ku goro heikachi aiwangere kusu ne.

Ku ek wa iwankere kusu ne — sekor itak. Utarpa, ku kot cise kitay corpoke ta ahun hi sino ku oripak an, owse itak ye wa en kore, yakun, ku kor hekaci aywankere kusu ne.

すると、百人隊長は答えた。「主よ、わたしはあなたを自分の屋根の下にお迎えできるような者ではありません。ただ、ひと言おっしゃってください。そうすれば、わたしの僕はいやされます。

Kuani ne yakka nrondum korope ku ne ruwe ne, en tutanu tumi-koro utara okai: shinen otta, oman ani ku itak chiki, oman; shui ek ani moshima guru otta ku ye koro, ek: orowa, ku usshiune guru otta tambe kara yan sekoro ku ye yakun, kan ruwe ne gusu ne na — sekoro nei tumi-koro utara esapane guru ye ruwe ne.

Kuani ne yakka nrontum kor pe ku ne ruwe ne, en tutanu tumi-kor utar okay: sinen or ta, oman ani ku itak ciki, oman; suy ek ani mosma kur or ta ku ye kor, ek: orowa, ku ussiw ne kur or ta tanpe kar yan sekor ku ye yakun, kan ruwe ne kusu ne na — sekor ne tumi-kor utar esapane kur ye ruwe ne.

わたしも権威の下にある者ですが、わたしの下には兵隊がおり、一人に『行け』と言えば行きますし、他の一人に『来い』と言えば来ます。また、部下に『これをしろ』と言えば、そのとおりにします。」

Orowa, Yesu tan itak nu chiki iyokunnure, aige, osh araki utara otta ene itak-hi :— Son no echi otta Ku ye, Israeru un utara tumugeta ne yakka naa shomo tap korachi an poro eishokor-i Ku nukara eramushkare.

Orowa, Yesu tan itak nu ciki iyokunnure, ayke, os arki utar or ta ene itak hi :— Sonno eci or ta Ku ye, Israeru un utar tumke ta ne yakka naa somo tap koraci an poro eysokor hi Ku nukar eramuskare.

イエスはこれを聞いて感心し、従っていた人々に言われた。「はっきり言っておく。イスラエルの中でさえ、わたしはこれほどの信仰を見たことがない。

Orowa echi otta Ku ye, chupka wano hene chuppok wano hene inne utara araki wa Abraham hemhem Isaak hemhem Yakob hemhem tura shine ikinne Kando moshirʼotta rok ruwe ne;

Orowa eci or ta Ku ye, cupka wano hene cuppok wano hene inne utar arki wa Abraham hemhem Isaak hemhem Yakob hemhem tura sine ikinne Kanto mosir or ta rok ruwe ne;

言っておくが、いつか、東や西から大勢の人が来て、天の国でアブラハム、イサク、ヤコブと共に宴会の席に着く。

koroka, moshiri poho utara anak ne iyotta kunne ushike orun aokeuba kusu ne, nei ushiketa chish ambe newa niyorokara ambe an ruwe ne kusu ne na.

korka, mosir poho utar anakne iyotta kunne uske or un a=okewpa kusu ne, ne uske ta cis anpe ne wa niyorkar anpe an ruwe ne kusu ne na.

だが、御国の子らは、外の暗闇に追い出される。そこで泣きわめいて歯ぎしりするだろう。」

Orowa, nei sapane guru otta Yesu ene itak-hi :— Oman, eani eishokor-i an nei no eani gusu aki ruwe ne, ani itak. Orowa, nei pakihi wano nei a tashum ki heikachi iwange no an ruwe ne na.

Orowa, ne sapanekur or ta Yesu ene itak hi :— Oman, eani eysokor hi an ne no eani kusu aki ruwe ne, ani itak. Orowa, ne pakihi wano ne a tasum ki hekaci iwanke no an ruwe ne na.

そして、百人隊長に言われた。「帰りなさい。あなたが信じたとおりになるように。」ちょうどそのとき、僕の病気はいやされた。

Orowa, Yesu anak ne Petros koro chisei ta ahun chiki, koro shuito-habo seisekmau tashum ki wa hotke wa an shiri nukara.

Orowa, Yesu anakne Petros kor cise ta ahun ciki, kor suyto-hapo seysekmaw tasum ki wa hotke wa an siri nukar.

イエスはペトロの家に行き、そのしゅうとめが熱を出して寝込んでいるのを御覧になった。

Orowa, Shinuma nei shiwentep koro tekehe tomooshma, aige, seisekmau tashum kohoppa; orowa, shinuma hopuni wa otta yaishieiwangere nisa ruwe ne.

Orowa, Sinuma ne siwentep kor tekehe tomoosma, ayke, seysekmaw tasum kohoppa; orowa, sinuma hopuni wa or ta yaysieywankere nisa ruwe ne.

イエスがその手に触れられると、熱は去り、しゅうとめは起き上がってイエスをもてなした。

Orowa shiri-onuman an koro, utara anak ne nitne kamui shikatkari utara poron no tura wa araki: aine, itak ani Shinuma nitne kamui soyumbare, orowa, tashum ki utara obitta iwangere nisa ruwe ne na:

Orowa siri-onuman an kor, utar anakne nitne kamuy sikatkari utar poronno tura wa arki: ayne, itak ani Sinuma nitne kamuy soyunpare, orowa, tasum ki utar opitta iwankere nisa ruwe ne na:

夕方になると、人々は悪霊に取りつかれた者を大勢連れて来た。イエスは言葉で悪霊を追い出し、病人を皆いやされた。

tambe anak ne, — Nei guru yaikota chikoro katchakbe uina hemhem ki; chikoro tashum sei hemhem ki ruwe ne — sekorʼan uweingara guru Isaya ye itak ambe auweomare kuni gusu an ambe ne ruwe ne na.

tanpe anakne, — Ne kur yaykota ci=kor kaccakpe uyna hemhem ki; ci=kor tasum sey hemhem ki ruwe ne — sekor an uweynkara kur Isaya ye itak anpe awweomare kuni kusu an anpe ne ruwe ne na.

それは、預言者イザヤを通して言われていたことが実現するためであった。「彼はわたしたちの患いを負い、わたしたちの病を担った。」

Yesu yai shirokari ta inne utara okai ruwe nukara chiki ikush un paye kuni kashpaotte nisa ruwe ne na.

Yesu yay sirkar ta inne utar okay ruwe nukar ciki ikus un paye kuni kaspaotte nisa ruwe ne na.

イエスは、自分を取り囲んでいる群衆を見て、弟子たちに向こう岸に行くように命じられた。

Orowa, shine kambi-nuye guru ek wa Shinuma otta ene itak-hi :— Epakashnu guru, neun E oman yakka ku itura kusu ne, ari itak.

Orowa, sine kampi-nuye kur ek wa Sinuma or ta ene itak hi :— Epakasnu kur, newn E oman yakka ku itura kusu ne, ari itak.

そのとき、ある律法学者が近づいて、「先生、あなたがおいでになる所なら、どこへでも従って参ります」と言った。

Yesu nei guru otta ene itak-hi :— Chironnup anak ne shui koro, rik peka oman chikap anak ne reushi ushi an, koroka, Ainu Poho anak ne sapa eninui ushike ka sak ruwe ne.

Yesu ne kur or ta ene itak hi :— Cironnup anakne suy kor, rik peka oman cikap anakne rewsi usi an, korka, Aynu Poho anakne sapa eninuy uske ka sak ruwe ne.

イエスは言われた。「狐には穴があり、空の鳥には巣がある。だが、人の子には枕する所もない。」

Orowa, moshima an Shinuma koikara guru naa shinen ek wa ene itak-hi :— Utarapa, kuani hoshiki no oman wa ku michi iyurui otta ku omare kuni ramuoshma wa en kore, ani itak.

Orowa, mosma an Sinuma koykar kur naa sinen ek wa ene itak hi :— Utarpa, kuani hoskino oman wa ku mici iyuruy or ta ku omare kuni ramuosma wa en kore, ani itak.

ほかに、弟子の一人がイエスに、「主よ、まず、父を葬りに行かせてください」と言った。

Koroka, Yesu nei guru otta ene itak-hi :— En osh ek yan; rai guru anak ne koro rai guru iyurui otta omarere yan, sekoro itak.

Korka, Yesu ne kur or ta ene itak hi :— En os ek yan; raykur anakne kor raykur iyuruy or ta omarere yan, sekor itak.

イエスは言われた。「わたしに従いなさい。死んでいる者たちに、自分たちの死者を葬らせなさい。」

Orowa Shinuma chip o, awa, koikara utara ne

Orowa Sinuma cip o, awa, koykar utar ne

イエスが舟に乗り込まれると、弟子たちも従った。

yakka tura no o ruwe ne. Orowa, ingarʼan, atui noshiketa rui mau shiroshma wa chip maanihungo akamure pakno riri poro ruwe ne:

yakka turano o ruwe ne. Orowa, inkar an, atuy noske ta ruy maw sirosma wa cip maanihunko a=kamure pakno rir poro ruwe ne:

そのとき、湖に激しい嵐が起こり、舟は波にのまれそうになった。イエスは眠っておられた。

koroka, Shinuma anak ne mokoro wa an ruwe ne. Koikara utara shinuma otta araki wa mososo hine ene itak-hi :— Utarapa, un kashiobiuki wa un kore, tane aisamka ange shiriki na, sekoro itak.

korka, Sinuma anakne mokor wa an ruwe ne. Koykar utar sinuma or ta arki wa mososo hine ene itak hi :— Utarpa, un kasiopiwki wa un kore, tane aysamka anke siriki na, sekor itak.

弟子たちは近寄って起こし、「主よ、助けてください。おぼれそうです」と言った。

Nei utara otta Shinuma ene itak-hi :— Eishokor-i aahak utara hemanda gusu echi ishitoma ya? sekoro itak. Orowa, Shinuma hopuni wa rera newa atui kopao; orowa, eashka ratchi neto an na.