19 Ik. leaf 702

Tap okaibe okaketa kando oshiketa an poro inne utara koro poro hawehe nepkorʼambe ku inu, aige, ene itak-hi :— Arrerouya; Kashiobiuki ambe hemhem, arakuru hemhem, kiroro hemhem, akoro Kamui korobe ne:

Tap okaype okake ta kanto oske ta an poro inne utar kor poro hawehe nepkor anpe ku=inu, ayke, ene itak hi :— Arrerowya; Kasiopiwki anpe hemhem, a=rakur hemhem, kiroro hemhem, a=kor Kamuy kor pe ne:

μετα ταυτα ηκουσα ως φωνην μεγαλην οχλου πολλου εν τω ουρανω λεγοντων αλληλουια η σωτηρια και η δοξα και η δυναμις του θεου ημων

After these things I heard as it were a great voice of a great multitude in heaven, saying, Hallelujah; Salvation, and glory, and power, belong to our God:

Shinuma esanniyop anak ne sonep newa oupeka ambe ne ruwe ne gusu ne na; inambe gusu ne yakun, koro hoiyop ani moshiri muninka nei poro hoiyo guru Kamui anak ne koipishi wa panakte nisa, samata, Shinuma usshiunere utara koro kemihi gusu nei shiwentep epeka ikemnu nisa ruwe ne gusu ne na.

Sinuma esanniyop anakne sonep newa owpeka anpe ne ruwe ne kusu ne na; inanpe kusu ne yakun, kor hoiyop ani mosir muninka ne poro hoiyo kur Kamuy anakne koypisi wa panakte nisa, sama ta, Sinuma ussiwnere utar kor kemihi kusu ne siwentep epeka ikemnu nisa ruwe ne kusu ne na.

οτι αληθιναι και δικαιαι αι κρισεις αυτου οτι εκρινεν την πορνην την μεγαλην ητις εφθειρεν την γην εν τη πορνεια αυτης και εξεδικησεν το αιμα των δουλων αυτου εκ χειρος αυτης

for true and righteous are his judgments; for he hath judged the great harlot, which did corrupt the earth with her fornication, and he hath avenged the blood of his servants at her hand.

Orowa, kanna-shui, Arrerouya ari nei utara ye. Aine, ramma-ramma otusashuishiri pakno nei shiwentep koro shupuya rikin ruwe ne Orowa,

Orowa, kanna-suy, Arrerowya ari ne utar ye. Ayne, ramma-ramma otu sasuysir pakno ne siwentep kor supuya rikin ruwe ne Orowa,

και δευτερον ειρηκαν αλληλουια και ο καπνος αυτης αναβαινει εις τους αιωνας των αιωνων

And a second time they say, Hallelujah. And her smoke goeth up for ever and ever.

nei inen ikashima hotne ekashi newa nei ine shiknu okaibe anak ne yaihachire wa nei amset kata rok Kamui koongami hine ene itak-hi;

ne inen ikasma hotne ekasi newa ne ine siknu okaype anakne yayhacire wa ne amset kata rok Kamuy koonkami hine ene itak hi;

και επεσαν οι πρεσβυτεροι οι εικοσι τεσσαρες και τα τεσσαρα ζωα και προσεκυνησαν τω θεω τω καθημενω επι τω θρονω λεγοντες αμην αλληλουια

And the four and twenty elders and the four living creatures fell down and worshipped God that sitteth on the throne, saying, Amen; Hallelujah.

Amen; Arrerouya. Orowa, nei amset orowa no shine hawe hetuku wa ene itak-hi :— Kamui orowa no ausshiunere obitta no okai echi utara, Shinuma kooripak echi utara, ponbe ne yakka porobe ne yakka,

Amen; Arrerowya. Orowa, ne amset oro wano sine hawe hetuku wa ene itak hi :— Kamuy oro wano aussiwnere opittano okay eci utar, Sinuma kooripak eci utar, ponpe ne yakka poro p ne yakka,

και φωνη απο του θρονου εξηλθεν λεγουσα αινειτε τω θεω ημων παντες οι δουλοι αυτου [και] οι φοβουμενοι αυτον οι μικροι και οι μεγαλοι

And a voice came forth from the throne, saying, Give praise to our God, all ye his servants, ye that fear him, the small and the great.

akoro Kamui koiramye yan. Orowa, poro inne utara ashte hau nei no an hawe korachi; inne wakka ashte hau nei no an hawe korachi, yupke kamui hum ashte hau nei no an hawe korachi an humi ku inu, awa, ene itak-hi :— Arrerouya: Obitta no okai kiroro koro chikoro Kamui ne Utarapa anak ne esapane korʼan ruwe ne gusu ne na.

a=kor Kamuy koyramye yan. Orowa, poro inne utar aste haw néno an hawe koraci; inne wakka aste haw néno an hawe koraci, yupke kamuy hum aste haw néno an hawe koraci an humi ku=inu, awa, ene itak hi :— Arrerowya: Opittano okay kiroro kor ci=kor Kamuy ne Utarpa anakne esapane kor an ruwe ne kusu ne na.

και ηκουσα ως φωνην οχλου πολλου και ως φωνην υδατων πολλων και ως φωνην βροντων ισχυρων λεγοντων αλληλουια οτι εβασιλευσεν κυριος ο θεος [ημων] ο παντοκρατωρ

And I heard as it were the voice of a great multitude, and as the voice of many waters, and as the voice of mighty thunders, saying, Hallelujah: for the Lord our God, the Almighty, reigneth.

Nupetne wa shiri yainuchattek yanro, Shinuma pasere yanro: nei Pon-hitsuji mat-akore kuni pakihi ek an wa akore kuni machihi yaietokooikire an ruwe ne gusu ne na.

Nupetne wa siri yaynucattek yanro, Sinuma pasere yanro: ne Pon-hitsuji mat a=kore kuni pakihi ek an wa a=kore kuni macihi yayetokooykire an ruwe ne kusu ne na.

χαιρωμεν και αγαλλιωμεν και δωσομεν δωσωμεν την δοξαν αυτω οτι ηλθεν ο γαμος του αρνιου και η γυνη αυτου ητοιμασεν εαυτην

Let us rejoice and be exceeding glad, and let us give the glory unto him: for the marriage of the Lamb is come, and his wife hath made herself ready.

Orowa, Shinuma anak ne ane senkaki, hereat wa turusak senkaki ani yaitomchiure kuni ne akore nisa: nei a ane senkaki anak ashkanne utara iki oupeka buri ne ruwe ne gusu ne na.

Orowa, Sinuma anakne an senkaki, hereat wa tursak senkaki ani yaytomciwre kuni ne a=kore nisa: ne a an senkaki anak askanne utar iki owpeka puri ne ruwe ne kusu ne na.

και εδοθη αυτη ινα περιβαληται βυσσινον λαμπρον καθαρον το γαρ βυσσινον τα δικαιωματα των αγιων εστιν

And it was given unto her that she should array herself in fine linen, bright [and ]pure: for the fine linen is the righteous acts of the saints.

Orowa, shinuma en orun ene itak-hi :— Nei a Pon-hitsuji mat-akore gusu an iwai otta iyahupte utara anak ne shinnunuke ne, ari nuye yan, sekoro itak. Orowa en orota ene itak-hi :— Tap itak anak ne Kamui sonep ne an itak ne ruwe ne.

Orowa, sinuma en=orun ene itak hi :— Ne a Pon-hitsuji mat a=kore kusu an iway or ta iyahupte utar anakne sinnunuke ne, ari nuye yan, sekor itak. Orowa en oro ta ene itak hi :— Tap itak anakne Kamuy sonep ne an itak ne ruwe ne.

και λεγει μοι γραψον μακαριοι οι εις το δειπνον του γαμου του αρνιου κεκλημενοι και λεγει μοι ουτοι οι λογοι αληθινοι του θεου εισιν

And he saith unto me, Write, Blessed are they which are bidden to the marriage supper of the Lamb. And he saith unto me, These are true words of God.

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.

Ayke, or ta koonkami kusu sinuma kotcake ta ku yayhacire nisa ruwe ne. Awa, en=orun sinuma ene itak hi :— Iteki en=koonkami yan: Kuani ne yakka Yesu pawetesu anpe kore turano ne yakka e=kor irwak utar turano ne yakka iki awitekpe ku ne ruwe ne: Kamuy koonkami yan: Yesu kusu an pawetesu anpe iki p anakne ueinkar ramat ne ruwe ne kusu ne na.

και επεσα εμπροσθεν των ποδων αυτου προσκυνησαι αυτω και λεγει μοι ορα μη συνδουλος σου ειμι και των αδελφων σου των εχοντων την μαρτυριαν ιησου τω θεω προσκυνησον η γαρ μαρτυρια ιησου εστιν το πνευμα της προφητειας

And I fell down before his feet to worship him. And he saith unto me, See thou do it not: I am a fellow-servant with thee and with thy brethren that hold the testimony of Jesus: worship God: for the testimony of Jesus is the spirit of prophecy.

Orowa, kando makke ambe ku nukara; awa, ingarʼan, shine retara umma an, aige, kata o guru anak ne Ikipniukesh newa Sonep ani aporose; orowa, shinuma oupeka no koipishi hemhem ki tumi hemhem kon ruwe ne.

Orowa, kanto makke anpe ku=nukar; awa, inkar=an, sine retar umma an, ayke, kata o kur anakne Ikipniukesh newa Sonep ani a=porse; orowa, sinuma owpekano koypisi hemhem ki tumi hemhem kor ruwe ne.

και ειδον τον ουρανον ηνεωγμενον και ιδου ιππος λευκος και ο καθημενος επ αυτον πιστος [καλουμενος] [καλουμενος] πιστος και αληθινος και εν δικαιοσυνη κρινει και πολεμει

And I saw the heaven opened; and behold, a white horse, and he that sat thereon, called Faithful and True; and in righteousness he doth judge and make war.

Shinuma koro shikihi anak ne abe-nui nepkorʼambe ne, koro sapa kata inne inaoru aunu; samata, yaikota moshima nen nen ne yakka erampeutek anuye reihei kon ruwe ne.

Sinuma kor sikihi anakne ape-nuy nepkor anpe ne, kor sapa kata inne inaoru a=wn; sama ta, yaykota mosma nen nen ne yakka eranpewtek a=nuye rehe kor ruwe ne.

οι δε οφθαλμοι αυτου [ως] φλοξ πυρος και επι την κεφαλην αυτου διαδηματα πολλα εχων ονομα γεγραμμενον ο ουδεις οιδεν ει μη αυτος

And his eyes [are ]a flame of fire, and upon his head [are ]many diadems; and he hath a name written, which no one knoweth but he himself.

Orowa, kemi otta aomare mipihi yaitomchiure: kon reihei anak — Kamui Itak — ani ayep ne ruwe ne.

Orowa, kemi or ta a=omare mipihi yaytomciwre: kor rehe anak — Kamuy Itak — ani a=ye p ne ruwe ne.

και περιβεβλημενος ιματιον ρεραντισμενον βεβαμμενον αιματι και κεκληται το ονομα αυτου ο λογος του θεου

And he [is ]arrayed in a garment sprinkled with blood: and his name is called The Word of God.

Orowa, kando oshiketa okai tumikoro utara ikiri anak ne ane senkaki, retara wa turu-sak senkaki aeyaimire wa retara umma kata o hine Shinuma oshi paye.

Orowa, kanto oske ta okay tumikor utar ikiri anakne an senkaki, retar wa tur-sak senkaki aeyaymire wa retar umma kata o hine Sinuma osi paye.

και τα στρατευματα τα [τα] εν τω ουρανω ηκολουθει αυτω εφ ιπποις λευκοις ενδεδυμενοι βυσσινον λευκον καθαρον

And the armies which are in heaven followed him upon white horses, clothed in fine linen, white [and ]pure.

Aige, ani Shinuma anak ne moshiri uirup shirikik kuni ne Shinuma paroho wano een rangetam oashin ruwe ne: orowa, Shinuma anak yaiyan-kani kanni ani nei utara epungine kusu ne na: samata, Shinuma obitta no okai kiroro koro Kamui irushka ambe oma kinrakara tonoto nishu otereke ruwe ne.

Ayke, ani Sinuma anakne mosir uyrup sirkik kuni ne Sinuma paroho wano een ranke tam oasin ruwe ne: orowa, Sinuma anak yaiyan-kani kanni ani ne utar epunkine kusu ne na: sama ta, Sinuma opittano okay kiroro kor Kamuy iruska anpe oma kinrakar tonoto nisu oterke ruwe ne.

και εκ του στοματος αυτου εκπορευεται ρομφαια οξεια ινα εν αυτη παταξη τα εθνη και αυτος ποιμανει αυτους εν ραβδω σιδηρα και αυτος πατει την ληνον του οινου του θυμου της οργης του θεου του παντοκρατορος

And out of his mouth proceedeth a sharp sword, that with it he should smite the nations: and he shall rule them with a rod of iron: and he treadeth the winepress of the fierceness of the wrath of Almighty God.

Koro mipihi newa koro om kata shine reihei chieshinnuye wa an, — moshiri shikkashima utara koro shikkashima guru, utarapa utara koro Utarapa, ne ruwe ne.

Kor mipihi newa kor om kata sine rehe ciesinnuye wa an, — mosir sikkasima utar kor sikkasima kur, utarpa utar kor Utarpa, ne ruwe ne.

και εχει επι το ιματιον και επι τον μηρον αυτου ονομα γεγραμμενον βασιλευς βασιλεων και κυριος κυριων

And he hath on his garment and on his thigh a name written, KING OF KINGS, AND LORD OF LORDS.

Orowa, tokap-chup onnaigeta ash wa an shine hauturumbe ku nukara; aige, shinuma rui hawe ani hawe ashte wa kando kotoro noshke hopumba obitta no okai chikap otta ene itak-hi :— Kamui etokooiki

Orowa, tokap-cup onnayke ta as wa an sine hawturunpe ku=nukar; ayke, sinuma ruy hawe ani hawe aste wa kanto kotor noske hopunpa opittano okay cikap or ta ene itak hi :— Kamuy etokooyki

και ειδον ενα αγγελον εστωτα εν τω ηλιω και εκραξεν [εν] φωνη μεγαλη λεγων πασιν τοις ορνεοις τοις πετομενοις εν μεσουρανηματι δευτε συναχθητε εις το δειπνον το μεγα του θεου

And I saw an angel standing in the sun; and he cried with a loud voice, saying to all the birds that fly in mid heaven, Come [and ]be gathered together unto the great supper of God;

poro marapto orun yaiuwekarapare yan; yakun, moshiri shikkashima utara koro kam hemhem, tumi-koro utara esapane utara koro kam hemhem kiroro-ashnu utara koro kam hemhem, umma newa umma opa utara koro kam hemhem, obitta no okai utara, rengaine an mondum koro utara ne yakka ausshiunere utara ne yakka, ponbe ne yakka porobe ne yakka koro kam echi ibe kusu ne na.

poro marapto orun yayuwekarapare yan; yakun, mosir sikkasima utar kor kam hemhem, tumi-kor utar esapane utar kor kam hemhem kiroro-asnu utar kor kam hemhem, umma newa umma op utar kor kam hemhem, opittano okay utar, renkayne an montum kor utar ne yakka aussiwnere utar ne yakka, ponpe ne yakka poro p ne yakka kor kam eci=ipe kusu ne na.

ινα φαγητε σαρκας βασιλεων και σαρκας χιλιαρχων και σαρκας ισχυρων και σαρκας ιππων και των καθημενων επ αυτους αυτων και σαρκας παντων ελευθερων τε και δουλων και μικρων και μεγαλων

that ye may eat the flesh of kings, and the flesh of captains, and the flesh of mighty men, and the flesh of horses and of them that sit thereon, and the flesh of all men, both free and bond, and small and great.

Orowa, ku ingarʼnike, nei a chikoikip hemhem, moshiri shikkashima utara hemhem, koro tumi-koro utara tura, nei umma kata o guru newa Shinuma koro tumi-koro utara epeka kotumi-koro kuni gusu uwekarapa ambe ku nukara.

Orowa, ku=inkar nike, ne a cikoykip hemhem, mosir sikkasima utar hemhem, kor tumi-kor utar tura, ne umma kata o kur newa Sinuma kor tumi-kor utar epeka kotumi-kor kuni kusu uekarpa anpe ku=nukar.

και ειδον το θηριον και τους βασιλεις της γης και τα στρατευματα αυτων συνηγμενα ποιησαι τον πολεμον μετα του καθημενου επι του ιππου και μετα του στρατευματος αυτου

And I saw the beast, and the kings of the earth, and their armies, gathered together to make war against him that sat upon the horse, and against his army.

Orowa, nei a chikoikip akishima, samata, ani nei chikoikip koro shirosh aomare utara newa shinuma koro nokaha koongami utara kokandama shinuma shik-samata shirosh iki shunge uweingara guru nei chikoikip tura no akishima nisa ruwe ne: tan tun anak ne shiknu wa an wa iwau ani paraparase abe oma to orun aeyapkiri nisa ruwe ne:

Orowa, ne a cikoykip a=kisma, sama ta, ani ne cikoykip kor siros a=omare utar newa sinuma kor nokaha koonkami utar kokantama sinuma sik-sama ta siros iki sunke ueinkar kur ne cikoykip turano a=kisma nisa ruwe ne: tan tun anakne siknu wa an wa iwaw ani parparse ape oma to orun a=eyapkir nisa ruwe ne:

και επιασθη το θηριον και μετ αυτου ο ψευδοπροφητης ο ποιησας τα σημεια ενωπιον αυτου εν οις επλανησεν τους λαβοντας το χαραγμα του θηριου και τους προσκυνουντας τη εικονι αυτου ζωντες εβληθησαν οι δυο εις την λιμνην του πυρος της καιομενης εν θειω

And the beast was taken, and with him the false prophet that wrought the signs in his sight, wherewith he deceived them that had received the mark of the beast, and them that worshipped his image: they twain were cast alive into the lake of fire that burneth with brimstone:

orowa, nei umma kata o guru paroho wano oashin rangetam ani moshima okai utara anak aronnu nisa: aige, obitta no okai chikap anak ne nei utara koro kam gusu aeyai-kironnure nisa ruwe ne na.

orowa, ne umma kata o kur paroho wano oasin ranke tam ani mosma okay utar anak a=ronnu nisa: ayke, opittano okay cikap anakne ne utar kor kam kusu a=eyay-kironnure nisa ruwe ne na.

και οι λοιποι απεκτανθησαν εν τη ρομφαια του καθημενου επι του ιππου τη εξελθουση εκ του στοματος αυτου και παντα τα ορνεα εχορτασθησαν εκ των σαρκων αυτων

and the rest were killed with the sword of him that sat upon the horse, [even the sword ]which came forth out of his mouth: and all the birds were filled with their flesh.