5 Ik. ページ 105

Orowa, atui kushta Gerasene un utara koro moshir ta shirepa nisa ruwe ne.

Orowa, atuy kus ta Gerasene un utar kor mosir ta sirepa nisa ruwe ne.

και ηλθον εις το περαν της θαλασσης εις την χωραν των γερασηνων

一行は、湖の向こう岸にあるゲラサ人の地方に着いた。

Awa, chip yan koro, nan tushiri orowa no ek Ichakkere ramat shikatkari guru shinen Shinuma etunangara,

Awa, cip yan kor, nan tusiri oro wano ek Icakkere ramat sikatkari kur sinen Sinuma etunankar,

και εξελθοντος αυτου εκ του πλοιου [ευθυς] ευθυς υπηντησεν αυτω εκ των μνημειων ανθρωπος εν πνευματι ακαθαρτω

イエスが舟から上がられるとすぐに、汚れた霊に取りつかれた人が墓場からやって来た。

nei guru tushiri ani uni ne kon nisa ruwe ne: orowa, shinuma tupetupe eashkai guru isam, kani shinkop ani ka tupe eaikap ruwe ne;

ne kur tusiri ani uni ne kor nisa ruwe ne: orowa, sinuma tupetupe easkay kur isam, kani sinkop ani ka tupe eaykap ruwe ne;

ος την κατοικησιν ειχεν εν τοις μνημασιν και ουδε αλυσει ουκετι ουδεις εδυνατο αυτον δησαι

この人は墓場を住まいとしており、もはやだれも、鎖を用いてさえつなぎとめておくことはできなかった。

nei guru kanna-kanna chikiri eok shinkop newa kani shinkop ani atupetupe, yakka kani shinkop yasa chikiri eok shinkop kaye nisa ruwe ne gusu ne ne; samata, shinuma ratchire gusu eipak kiroro koro guru isam ruwe ne na.

ne kur kanna-kanna cikiri eok sinkop newa kani sinkop ani a=tupetupe, yakka kani sinkop yasa cikiri eok sinkop kaye nisa ruwe ne kusu ne ne; sama ta, sinuma ratcire kusu e=pak kiroro kor kur isam ruwe ne na.

δια το αυτον πολλακις πεδαις και αλυσεσιν δεδεσθαι και διεσπασθαι υπ αυτου τας αλυσεις και τας πεδας συντετριφθαι και ουδεις ισχυεν αυτον δαμασαι

これまでにも度々足枷や鎖で縛られたが、鎖は引きちぎり足枷は砕いてしまい、だれも彼を縛っておくことはできなかったのである。

Orowa, kunne-to ta hene, tokap-to ta hene shinuma ramma tushiri otta hene nup otta hene an wa hawe ashte hemhem ki shuma ani yai-tuye hemhem ki ruwe ne.

Orowa, kunne-to ta hene, tokap-to ta hene sinuma ramma tusiri or ta hene nup or ta hene an wa hawe aste hemhem ki suma ani yay-tuye hemhem ki ruwe ne.

και δια παντος νυκτος και ημερας εν τοις μνημασιν και εν τοις ορεσιν ην κραζων και κατακοπτων εαυτον λιθοις

彼は昼も夜も墓場や山で叫んだり、石で自分を打ちたたいたりしていた。

Nei guru tuima no an ushike wano Yesu nukara, awa, hoyupu hine orota ko-ongami;

Ne kur tuymano an usike wano Yesu nukar, awa, hoyupu hine oro ta ko-onkami;

και ιδων τον ιησουν απο μακροθεν εδραμεν και προσεκυνησεν αυτον αυτω

イエスを遠くから見ると、走り寄ってひれ伏し、

orowa, rui hau ani hawe ashte wa ene itak-hi :— Iyotta rik un Kamui Poho Yesu, E otta nep irengaʼku an a? Iteki Aokai en panakte kuni ne Kamui ani ku E ikashpaotte ash na, ari itak.

orowa, ruy haw ani hawe aste wa ene itak hi :— Iyotta rikun Kamuy Poho Yesu, E or ta nep irenka ku=an a? Iteki Aokay en=panakte kuni ne Kamuy ani ku E ikaspaotte as na, ari itak.

και κραξας φωνη μεγαλη λεγει τι εμοι και σοι ιησου υιε του θεου του υψιστου ορκιζω σε τον θεον μη με βασανισης

大声で叫んだ。「いと高き神の子イエス、かまわないでくれ。後生だから、苦しめないでほしい。」

Inambe gusu ne yakun, — Ichakkere ramat, nei guru orowa no oashin yan, ani an itak ani Shinuma ye nisa ruwe ne gusu ne na.

Inanpe kusu ne yakun, — Icakkere ramat, ne kur oro wano oasin yan, ani an itak ani Sinuma ye nisa ruwe ne kusu ne na.

ελεγεν γαρ αυτω εξελθε το πνευμα το ακαθαρτον εκ του ανθρωπου

イエスが、「汚れた霊、この人から出て行け」と言われたからである。

Orowa, nekon a reihei e koro ya, ari Shinuma nu. Chi utara inne ne gusu, ku reihei anak ne Region ne ruwe ne, ari itak.

Orowa, nekona rehe e=kor ya, ari Sinuma nu. Ci utar inne ne kusu, ku=rehe anakne Region ne ruwe ne, ari itak.

και επηρωτα αυτον τι ονομα σοι και λεγει αυτω λεγιων ονομα μοι οτι πολλοι εσμεν

そこで、イエスが、「名は何というのか」とお尋ねになると、「名はレギオン。大勢だから」と言った。

Orowa, iteki nei moshiri wano shinuma utara aokeuba kuni gusu nei ainu poron no Shinuma koramkon nisa ruwe ne.

Orowa, iteki ne mosir wano sinuma utar a=okewpa kuni kusu ne aynu poronno Sinuma koramkor nisa ruwe ne.

και παρεκαλει αυτον πολλα ινα μη αυτα αποστειλη εξω της χωρας

そして、自分たちをこの地方から追い出さないようにと、イエスにしきりに願った。

Nei nupuri kotoro ta ibe wa okai poro buta topaha an ruwe ne.

Ne nupuri kotor ta ipe wa okay poro puta topaha an ruwe ne.

ην δε εκει προς τω ορει αγελη χοιρων μεγαλη βοσκομενη

ところで、その辺りの山で豚の大群がえさをあさっていた。

Ichakkere, ramat utara Shinuma koramkoro wa ene itak-hi :— Buta oshiketa chi ahup

Icakkere, ramat utar Sinuma koramkor wa ene itak hi :— Puta oske ta ci ahup

και παρεκαλεσαν αυτον λεγοντες πεμψον ημας εις τους χοιρους ινα εις αυτους εισελθωμεν

汚れた霊どもはイエスに、「豚の中に送り込み、乗り移らせてくれ」と願った。

ash kuni ne un payere wa un kore. Orowa, Shinuma ramu-oshma. Awa, Ichakkere ramat oaship hine buta oshiketa ahup: aige, buta topa range ushike rap wa atui orun ahup; nei pishki-hi anak ne wan shine wan hotne ehange ruwe ne; nei okaibe atui otta a-eteyeba nisa ruwe ne.

as kuni ne un payere wa un kore. Orowa, Sinuma ramu-osma. Awa, Icakkere ramat oasi p hine puta oske ta ahup: ayke, puta topa ranke usike rap wa atuy orun ahup; ne piski hi anakne wan sine wan hotne ehanke ruwe ne; ne okaype atuy or ta a-eteyepa nisa ruwe ne.

και επετρεψεν αυτοις και εξελθοντα τα πνευματα τα ακαθαρτα εισηλθον εις τους χοιρους και ωρμησεν η αγελη κατα του κρημνου εις την θαλασσαν ως δισχιλιοι και επνιγοντο εν τη θαλασση

イエスがお許しになったので、汚れた霊どもは出て、豚の中に入った。すると、二千匹ほどの豚の群れが崖を下って湖になだれ込み、湖の中で次々とおぼれ死んだ。

Orowa, nei buta reshpa utara kira wa machiya otta hene kotan otta hene nei orushpe assuru ashte nisa ruwe ne. Orowa, nekon a orushpe hetuku nisa ruwe he an ingara gusu utara anak ne araki nisa ruwe ne.

Orowa, ne puta respa utar kira wa maciya or ta hene kotan or ta hene ne oruspe assuru aste nisa ruwe ne. Orowa, nekona oruspe hetuku nisa ruwe he an inkar kusu utar anakne arki nisa ruwe ne.

και οι βοσκοντες αυτους εφυγον και απηγγειλαν εις την πολιν και εις τους αγρους και ηλθον ιδειν τι εστιν το γεγονος

豚飼いたちは逃げ出し、町や村にこのことを知らせた。人々は何が起こったのかと見に来た。

Aige, Yesu otta araki wa nitne kamui shikatkari guru, hoshiki no nei Region koro guru a hine mi ambe ami wa keutum yai eashirikara wa an-i nukara: awa, ishitoma nisa ruwe ue.

Ayke, Yesu or ta arki wa nitne kamuy sikatkari kur, hoskino ne Region kor kur a hine mi anpe ami wa kewtum yay easirkar wa an hi nukar: awa, isitoma nisa ruwe ue.

και ερχονται προς τον ιησουν και θεωρουσιν τον δαιμονιζομενον καθημενον ιματισμενον και σωφρονουντα τον εσχηκοτα τον λεγιωνα και εφοβηθησαν

彼らはイエスのところに来ると、レギオンに取りつかれていた人が服を着、正気になって座っているのを見て、恐ろしくなった。

Orowa, nei okaibe nukara utara anak ne nitne kamui shikatkari guru orushpe hene, buta orushpe hene nure nisa ruwe ne.

Orowa, ne okaype nukar utar anakne nitne kamuy sikatkari kur oruspe hene, puta oruspe hene nure nisa ruwe ne.

και διηγησαντο αυτοις οι ιδοντες πως εγενετο τω δαιμονιζομενω και περι των χοιρων

成り行きを見ていた人たちは、悪霊に取りつかれた人の身に起こったことと豚のことを人々に語った。

Awa, koro kotan wano Yesu paye kuni ne nei utara koramkoro heashi.

Awa, kor kotan wano Yesu paye kuni ne ne utar koramkor heasi.

και ηρξαντο παρακαλειν αυτον απελθειν απο των οριων αυτων

そこで、人々はイエスにその地方から出て行ってもらいたいと言いだした。

Orowa, chip orun ahun korʼan ita hoshiki nitne kamui shikatkari guru Shinuma ukoiram no an-i koramkoro.

Orowa, cip orun ahun kor an hi ta hoski nitne kamuy sikatkari kur Sinuma ukoyram no an hi koramkor.

και εμβαινοντος αυτου εις το πλοιον παρεκαλει αυτον ο δαιμονισθεις ινα μετ αυτου η

イエスが舟に乗られると、悪霊に取りつかれていた人が、一緒に行きたいと願った。

Aige, ramu-oshma shomoki no orota ene itak-hi :— E uni un, e koro utara orun oman wa eani gusu Utarapa nekon a porobe ki ambe newa e erainpokiwen wa kore ambe nure yan, ari itak.

Ayke, ramu-osma somo ki no oro ta ene itak hi :— E uni un, e=kor utar orun oman wa eani kusu Utarpa nekona poro p ki anpe newa e erainpokiwen wa kore anpe nure yan, ari itak.

και ουκ αφηκεν αυτον αλλα λεγει αυτω υπαγε εις τον οικον σου προς τους σους και απαγγειλον αυτοις οσα ο κυριος σοι πεποιηκεν και ηλεησεν σε

イエスはそれを許さないで、こう言われた。「自分の家に帰りなさい。そして身内の人に、主があなたを憐れみ、あなたにしてくださったことをことごとく知らせなさい。」

Orowa, nei guru oman wa, Yesu shinuma gusu nekon a porobe ki-i, Dekaporis kotan ta assuru ashte heashi, orowa, utara obitta enushkari nisa ruwe ne na.

Orowa, ne kur oman wa, Yesu sinuma kusu nekona poro p ki hi, Dekaporis kotan ta assuru aste heasi, orowa, utar opitta enuskari nisa ruwe ne na.

και απηλθεν και ηρξατο κηρυσσειν εν τη δεκαπολει οσα εποιησεν αυτω ο ιησους και παντες εθαυμαζον

その人は立ち去り、イエスが自分にしてくださったことをことごとくデカポリス地方に言い広め始めた。人々は皆驚いた。

Orowa, Yesu chip o wa shui ikushun atui tomotuye chiki poro inne utara Shinuma otta uwekarapa: awa, Shinuma anak ne atui samta an ruwe ne.

Orowa, Yesu cip o wa suy i=kusun atuy tomotuye ciki poro inne utar Sinuma or ta uekarpa: awa, Sinuma anakne atuy sam ta an ruwe ne.

και διαπερασαντος του ιησου εν τω πλοιω [εν τω πλοιω] παλιν εις το περαν συνηχθη οχλος πολυς επ αυτον και ην παρα την θαλασσαν

イエスが舟に乗って再び向こう岸に渡られると、大勢の群衆がそばに集まって来た。イエスは湖のほとりにおられた。

Aige, Yairos ani an reihei koro, Uwekarapa chisei esapane shine ainu ek hine Yesu nukara koro, kema samaketa hachiri, aine, koramkoro wa ene itak-hi :—

Ayke, Yayros ani an rehe kor, Uekarpa cise esapane sine aynu ek hine Yesu nukar kor, kema samake ta hacir, ayne, koramkor wa ene itak hi :—

και ερχεται εις των αρχισυναγωγων ονοματι ιαιρος και ιδων αυτον πιπτει προς τους ποδας αυτου

会堂長の一人でヤイロという名の人が来て、イエスを見ると足もとにひれ伏して、

Ku pon matkachi rai ehange ruwe ne: shinuma kashi-a-obiuki wa ashiknure kuni gusu ek wa kashiketa tekehe ande wa en kore, ari itak.

Ku=pon matkaci ray ehanke ruwe ne: sinuma kasi-a-opiwki wa a=siknure kuni kusu ek wa kasike ta tekehe ante wa en=kore, ari itak.

και παρακαλει αυτον πολλα λεγων οτι το θυγατριον μου εσχατως εχει ινα ελθων επιθης τας χειρας αυτη ινα σωθη και ζηση

しきりに願った。「わたしの幼い娘が死にそうです。どうか、おいでになって手を置いてやってください。そうすれば、娘は助かり、生きるでしょう。」

Orowa, nei guru tura Shinuma oman; aige, inne utara nei osh paye wa Shinuma eukonumba nisa ruwe ne.

Orowa, ne kur tura Sinuma oman; ayke, inne utar ne os paye wa Sinuma ewkonunpa nisa ruwe ne.

και απηλθεν μετ αυτου και ηκολουθει αυτω οχλος πολυς και συνεθλιβον αυτον

そこで、イエスはヤイロと一緒に出かけて行かれた。大勢の群衆も、イエスに従い、押し迫って来た。

Orowa, tu pa ikashima wan pa kemnu tashum

Orowa, tu pa ikasma wan pa kemnu tasum

και γυνη ουσα εν ρυσει αιματος δωδεκα ετη

さて、ここに十二年間も出血の止まらない女がいた。

ki wa inne potara guru gusu poron no aiuninkare,

ki wa inne potara kur kusu poronno ayuninkare,

και πολλα παθουσα υπο πολλων ιατρων και δαπανησασα τα παρ αυτης παντα και μηδεν ωφεληθεισα αλλα μαλλον εις το χειρον ελθουσα

多くの医者にかかって、ひどく苦しめられ、全財産を使い果たしても何の役にも立たず、ますます悪くなるだけであった。

orowa, korobe obitta eiwangere, yakka, apirikare shomo ne no, koroka, naa tashum yupke shine shiwentep Yesu gusu an orushpe nu chiki Shinuma oshmaketa okai inne utara tumugeta ek hine koro amip tomooshma nisa ruwe ne.

orowa, kor pe opitta eywankere, yakka, a=pirkare somo ne no, korka, naa tasum yupke sine siwentep Yesu kusu an oruspe nu ciki Sinuma osmake ta okay inne utar tumke ta ek hine kor amip tomoosma nisa ruwe ne.

ακουσασα τα περι του ιησου ελθουσα εν τω οχλω οπισθεν ηψατο του ιματιου αυτου

イエスのことを聞いて、群衆の中に紛れ込み、後ろからイエスの服に触れた。

Inambe gusu ne yakun, Shinuma mipihi poka ku tomooshma katap ku iwange kusu ne, ari itak.

Inanpe kusu ne yakun, Sinuma mipihi poka ku=tomoosma katap ku=iwanke kusu ne, ari itak.

ελεγεν γαρ οτι εαν αψωμαι καν των ιματιων αυτου σωθησομαι

「この方の服にでも触れればいやしていただける」と思ったからである。

Aige, nani nei kem hetuku ushike sat nisa ruwe ne; orowa, nei shiyeye aisamka wa an kuni kon netobake ta eramʼan ruwe ne.

Ayke, nani ne kem hetuku usike sat nisa ruwe ne; orowa, ne siyeye a=ysamka wa an kuni kor netopake ta eraman ruwe ne.

και ευθυς εξηρανθη η πηγη του αιματος αυτης και εγνω τω σωματι οτι ιαται απο της μαστιγος

すると、すぐ出血が全く止まって病気がいやされたことを体に感じた。

Orowa, nani yaikota orowa no kiroro oashin ari an ambe, Yesu keutum ta eramʼan wa inne utara orun hosari hine, Ku mipi tomooshma guru anak inan guru ne ruwe he an, sekoro itak.

Orowa, nani yaykota oro wano kiroro oasin ari an anpe, Yesu kewtum ta eraman wa inne utar orun hosari hine, Ku=mipi tomoosma kur anak inan kur ne ruwe he an, sekor itak.

και ευθυς ο ιησους επιγνους εν εαυτω την εξ αυτου δυναμιν εξελθουσαν επιστραφεις εν τω οχλω ελεγεν τις μου ηψατο των ιματιων

イエスは、自分の内から力が出て行ったことに気づいて、群衆の中で振り返り、「わたしの服に触れたのはだれか」と言われた。

Orota, koikara utara anak ne inne utara E eukonumba katu E nukara, yakka, — En tomooshma guru nen ne ruwe he an ani E ye ya?

Oro ta, koykar utar anakne inne utar E ewkonunpa katu E nukar, yakka, — En=tomoosma kur nen ne ruwe he an ani E ye ya?

και ελεγον αυτω οι μαθηται αυτου βλεπεις τον οχλον συνθλιβοντα σε και λεγεις τις μου ηψατο

そこで、弟子たちは言った。「群衆があなたに押し迫っているのがお分かりでしょう。それなのに、『だれがわたしに触れたのか』とおっしゃるのですか。」

Orowa, nei ambe ki guru nukara gusu hosari wa inganʼnisa ruwe ne.

Orowa, ne anpe ki kur nukar kusu hosari wa inkar nisa ruwe ne.

και περιεβλεπετο ιδειν την τουτο ποιησασαν

しかし、イエスは、触れた者を見つけようと、辺りを見回しておられた。

Koroka, nei shiwentep ishitoma wa tusushke hine otta akarabe eramʼan, aige, ek wa Shinuma kotchaketa hachiri hine son no an okaibe obitta nure nisa ruwe ne.

Korka, ne siwentep isitoma wa tususke hine or ta a=karpe eraman, ayke, ek wa Sinuma kotcake ta hacir hine sonno an okaype opitta nure nisa ruwe ne.

η δε γυνη φοβηθεισα και τρεμουσα ειδυια ο γεγονεν αυτη ηλθεν και προσεπεσεν αυτω και ειπεν αυτω πασαν την αληθειαν

女は自分の身に起こったことを知って恐ろしくなり、震えながら進み出てひれ伏し、すべてをありのまま話した。

Orota Shinuma ene itak-hi :— Matne-po e koro eishokoro-i anak ne e kaobiuki nisa ruwe ne, ino no paye wa e ki shiyeye eshini yan, ari itak.

Oro ta Sinuma ene itak hi :— Matne-po e=kor eysokor hi anakne e kaopiwki nisa ruwe ne, i=no no paye wa e ki siyeye esini yan, ari itak.

ο δε ειπεν αυτη θυγατηρ η πιστις σου σεσωκεν σε υπαγε εις ειρηνην και ισθι υγιης απο της μαστιγος σου

イエスは言われた。「娘よ、あなたの信仰があなたを救った。安心して行きなさい。もうその病気にかからず、元気に暮らしなさい。」

Shinuma itak an aine Uwekarapa chisei esapane guru koro uni wano utara araki wa ene itak-hi :— E koro matne-po rai okere ruwe ne: nep gusu naa Epakashnu guru shingere ya?

Sinuma itak an ayne Uekarpa cise esapane kur kor uni wano utar arki wa ene itak hi :— E=kor matne-po ray okere ruwe ne: nep kusu naa Epakasnu kur sinkere ya?

ετι αυτου λαλουντος ερχονται απο του αρχισυναγωγου λεγοντες οτι η θυγατηρ σου απεθανεν τι ετι σκυλλεις τον διδασκαλον

イエスがまだ話しておられるときに、会堂長の家から人々が来て言った。「お嬢さんは亡くなりました。もう、先生を煩わすには及ばないでしょう。」

Koroka, Yesu anak ne nei ye itak shiramsamte wa nei esapane guru otta, Iteki ishitoma yan, eishokoro patek ki yak pirika na, ari itak.

Korka, Yesu anakne ne ye itak siramsamte wa ne esapane kur or ta, Iteki isitoma yan, eysokor patek ki yak pirka na, ari itak.

ο δε ιησους παρακουσας τον λογον λαλουμενον λεγει τω αρχισυναγωγω μη φοβου μονον πιστευε

イエスはその話をそばで聞いて、「恐れることはない。ただ信じなさい」と会堂長に言われた。

Orowa, Petros newa Yakob newa Yakob koro iriwak ne Yoannes moshima nen ne yakka tura no paye katu Shinuma etokotuye nisa ruwe ne.

Orowa, Petros newa Yakob newa Yakob kor irwak ne Yoannes mosma nen ne yakka turano paye katu Sinuma etoko tuye nisa ruwe ne.

και ουκ αφηκεν ουδενα μετ αυτου συνακολουθησαι ει μη τον πετρον και ιακωβον και ιωαννην τον αδελφον ιακωβου

そして、ペトロ、ヤコブ、またヤコブの兄弟ヨハネのほかは、だれもついて来ることをお許しにならなかった。

Awa, nei sapane guru koro chisei ta shirepa, aige, sakayo anukara, poron no chish an rai-chishkara hau an ruwe ne.

Awa, ne sapanekur kor cise ta sirepa, ayke, sakayo a=nukar, poronno cis an ray-ciskar hawan ruwe ne.

και ερχονται εις τον οικον του αρχισυναγωγου και θεωρει θορυβον και κλαιοντας και αλαλαζοντας πολλα

一行は会堂長の家に着いた。イエスは人々が大声で泣きわめいて騒いでいるのを見て、

Orowa, Shinuma ahun chiki utara orota ene itak-hi :— Hemanda gusu sakayo hemhem ki, chish hemhem echi ki ya? Pon guru anak ne rai an ka shomo ne, mokon ruwe ne, ari itak.

Orowa, Sinuma ahun ciki utar oro ta ene itak hi :— Hemanta kusu sakayo hemhem ki, cis hemhem eci=ki ya? Pon kur anakne ray an ka somo ne, mokor ruwe ne, ari itak.

και εισελθων λεγει αυτοις τι θορυβεισθε και κλαιετε το παιδιον ουκ απεθανεν αλλα καθευδει

家の中に入り、人々に言われた。「なぜ、泣き騒ぐのか。子供は死んだのではない。眠っているのだ。」

Okai utara Shinuma emina esapse nisa ruwe ne. Koroka, Shinuma nei utara obitta soyumbare okere chiki poho ona newa unu tura no okai utara ani wa poho an ushike un ahun.

Okay utar Sinuma emina esapse nisa ruwe ne. Korka, Sinuma ne utar opitta soyunpare okere ciki poho ona newa unu turano okay utar ani wa poho an usike un ahun.

και κατεγελων αυτου αυτος δε εκβαλων παντας παραλαμβανει τον πατερα του παιδιου και την μητερα και τους μετ αυτου και εισπορευεται οπου ην το παιδιον

人々はイエスをあざ笑った。しかし、イエスは皆を外に出し、子供の両親と三人の弟子だけを連れて、子供のいる所へ入って行かれた。

Orowa, pon guru tekehe kishima wa orota, Tarita kumi, ari an itak an itak: tan itak ibehe anak ne, Matkachi, hopuni ani ku itak, sekorʼan itak ibehe ne ruwe ne.

Orowa, pon kur tekehe kisma wa oro ta, Tarita kumi, ari an itak an itak: tan itak ipehe anakne, Matkaci, hopuni ani ku=itak, sekor an itak ipehe ne ruwe ne.

και κρατησας της χειρος του παιδιου λεγει αυτη ταλιθα κουμ ο εστιν μεθερμηνευομενον το κορασιον σοι λεγω εγειρε

そして、子供の手を取って、「タリタ、クム」と言われた。これは、「少女よ、わたしはあなたに言う。起きなさい」という意味である。

Orowa, nani nei matkachi hopuni wa apkash: shinuma tu pa ikashima wan pa pakno epa matkachi ne ruwe ne gusu ne na. Aige, utara anak ne nani poro aeoyamoktep ani oyamokte nisa ruwe ne.

Orowa, nani ne matkaci hopuni wa apkas: sinuma tu pa ikasma wan pa pakno epa matkaci ne ruwe ne kusu ne na. Ayke, utar anakne nani poro aeoyamoktep ani oyamokte nisa ruwe ne.

και ευθυς ανεστη το κορασιον και περιεπατει ην γαρ ετων δωδεκα και εξεστησαν ευθυς [ευθυς] εκστασει μεγαλη

少女はすぐに起き上がって、歩きだした。もう十二歳になっていたからである。それを見るや、人々は驚きのあまり我を忘れた。

Orowa, iteki moshima utara otta tan orushpe nure kuni ne Shinuma yupke no ikashpaotte nisa ruwe ne: samata, aep iere gusu ye nisa ruwe ne na.

Orowa, iteki mosma utar or ta tan oruspe nure kuni ne Sinuma yupke no ikaspaotte nisa ruwe ne: sama ta, aep i=ere kusu ye nisa ruwe ne na.

και διεστειλατο αυτοις πολλα ινα μηδεις γνοι τουτο και ειπεν δοθηναι αυτη φαγειν

イエスはこのことをだれにも知らせないようにと厳しく命じ、また、食べ物を少女に与えるようにと言われた。