Koroka, tambe ku ye, eikeshkore kuni guru anak ne nokan rapoketa, nep ne yakka koro Nishpa ne a yakka usshiune guru echutko no an shomo ne:
Korka, tanpe ku=ye, eykeskore kuni kur anakne nokan rapoketa, nep ne yakka kor Nispa ne a yakka ussiw ne kur ecutko no an somo ne:
λεγω δε εφ οσον χρονον ο κληρονομος νηπιος εστιν ουδεν διαφερει δουλου κυριος παντων ων
But I say that so long as the heir is a child, he differeth nothing from a bondservant, though he is lord of all;
koroka, koro michi esanniyo paha epa pakno korobe shikkashimare guru newa epunginere guru orowa no aesapanere wa an ruwe ne.
korka, kor mici esanniyo paha epa pakno kor pe sikkasmare kur newa epunkinere kur oro wano aesapanere wa an ruwe ne.
αλλα υπο επιτροπους εστιν και οικονομους αχρι της προθεσμιας του πατρος
but is under guardians and stewards until the term appointed of the father.
Chi utara ne yakka pon rapoketa moshiri gusu an isaika epakashi otta akousshiune wa okai nisa ruwe ne: koroka, epa kuni paha epa chiki,
Ci utar ne yakka pon rapoketa mosir kusu an isayka epakasi or ta akoussiwne wa okay nisa ruwe ne: korka, epa kuni paha epa ciki,
ουτως και ημεις οτε ημεν νηπιοι υπο τα στοιχεια του κοσμου ημεθα δεδουλωμενοι
So we also, when we were children, were held in bondage under the rudiments of the world:
Kamui anak ne koro Poho sange; Shinuma shiwentep orowa no hekatu, tuitak otta hekatu;
Kamuy anakne kor Poho sanke; Sinuma siwentep oro wano hekatu, tuytak or ta hekatu;
οτε δε ηλθεν το πληρωμα του χρονου εξαπεστειλεν ο θεος τον υιον αυτου γενομενον εκ γυναικος γενομενον υπο νομον
but when the fulness of the time came, God sent forth his Son, born of a woman, born under the law,
tambe anak ne tuitak otta okai utara kikiraye kuni gusu an ambe ne, chi utara anak poho ne akara kuni gusu an ambe ne ruwe ne.
tanpe anakne tuytak or ta okay utar kikiraye kuni kusu an anpe ne, ci utar anak poho ne a=kar kuni kusu an anpe ne ruwe ne.
ινα τους υπο νομον εξαγοραση ινα την υιοθεσιαν απολαβωμεν
that he might redeem them which were under the law, that we might receive the adoption of sons.
Orowa, echi utara poho echi ne wa gusu, Kamui anak ne koro Poho kon Ramat chikoro keutura ta ahunge wa, Abba, Michihi, yere nisa ruwe ne.
Orowa, eci utar poho eci ne wa kusu, Kamuy anakne kor Poho kor Ramat ci=kor kewtura ta ahunke wa, Appa, Micihi, yere nisa ruwe ne.
οτι δε εστε υιοι εξαπεστειλεν ο θεος το πνευμα του υιου αυτου εις τας καρδιας ημων κραζον αββα ο πατηρ
And because ye are sons, God sent forth the Spirit of his Son into our hearts, crying, Abba, Father.
Tambe gusu, eani anak ne naa tane usshiune guru shomo ne, poho e ne ruwe ne: orowa, poho e ne chiki, Kamui gusu eikeshkore guru e ne ruwe ne.
Tanpe kusu, eani anakne naa tane ussiw ne kur somo ne, poho e ne ruwe ne: orowa, poho e ne ciki, Kamuy kusu eykeskore kur e ne ruwe ne.
ωστε ουκετι ει δουλος αλλα υιος ει δε υιος και κληρονομος δια θεου
So that thou art no longer a bondservant, but a son; and if a son, then an heir through God.
Koroka, nei ita anak ne echi utara Kamui eamkiri shomoki wa, shomo Kamui ne okaibe otta ausshiunere nisa ruwe ne:
Korka, ne hi ta anakne eci utar Kamuy e=amkir somo ki wa, somo Kamuy ne okaype or ta aussiwnere nisa ruwe ne:
αλλα τοτε μεν ουκ ειδοτες θεον εδουλευσατε τοις φυσει μη ουσιν θεοις
Howbeit at that time, not knowing God, ye were in bondage to them which by nature are no gods:
koroka, tane Kamui echi eamkiri, tane Kamui orowa no echi aeamkiri an hine, hemanda gusu, otta kanna-shui ausshiunere rusui katchak aepange an isaika ambe otta koshikiru ya?
korka, tane Kamuy eci=e=amkir, tane Kamuy oro wano eci aeamkiri an hine, hemanta kusu, or ta kanna-suy aussiwnere rusuy katcak aepanke an isayka anpe or ta kosikiru ya?
νυν δε γνοντες θεον μαλλον δε γνωσθεντες υπο θεου πως επιστρεφετε παλιν επι τα ασθενη και πτωχα στοιχεια οις παλιν ανωθεν δουλευσαι δουλευειν θελετε
but now that ye have come to know God, or rather to be known of God, how turn ye back again to the weak and beggarly rudiments, whereunto ye desire to be in bondage over again?
Echi utara anak ne toho enomi, chup enomi, un pa enomi, paha enomi ruwe ne.
Eci utar anakne toho enomi, cup enomi, un pa enomi, paha enomi ruwe ne.
ημερας παρατηρεισθε και μηνας και καιρους και ενιαυτους
Ye observe days, and months, and seasons, and years.
Ikineipeka kuani raka-sak no echi utara gusu ku iki sekorʼambe ku shitoma ruwe ne.
Ikineypeka kuani raka-sak no eci utar kusu ku=iki sekor anpe ku=sitoma ruwe ne.
φοβουμαι υμας μη πως εικη κεκοπιακα εις υμας
I am afraid of you, lest by any means I have bestowed labour upon you in vain.
Iriwak utara, echi utara en korachi okai kuni echi onishnishi ash, inambe gusu ne yakun, kuani anak ne echi utara korachi ku an ruwe ne:
Irwak utar, eci utar en=koraci okay kuni eci onisnisi as, inanpe kusu ne yakun, kuani anakne eci utar koraci ku=an ruwe ne:
γινεσθε ως εγω οτι καγω ως υμεις αδελφοι δεομαι υμων ουδεν με ηδικησατε
I beseech you, brethren, be as I [am], for I [am ]as ye [are]. Ye did me no wrong:
koroka, ku kara otta katchak ushike an gusu, atpaketa echi otta pirika shongo ku eupaskuma nisa ruwe ne sekoro echi eraman:
korka, ku=kar or ta katcak usike an kusu, atpake ta eci or ta pirka sonko ku=ewpaskuma nisa ruwe ne sekor eci=eraman:
οιδατε δε οτι δι ασθενειαν της σαρκος ευηγγελισαμην υμιν το προτερον
but ye know that because of an infirmity of the flesh I preached the gospel unto you the first time:
orowa, ku kam gusu echi koramnukara ambe anak shomo echi etunne, shomo echi emaka nisa ruwe ne; koroka, Kamui hauturumbe korachi, Kiristo Yesu korachi echi utara en uk nisa ruwe ne.
orowa, ku=kam kusu eci=koramnukar anpe anak somo eci=etunne, somo eci=emaka nisa ruwe ne; korka, Kamuy hawturunpe koraci, Kiristo Yesu koraci eci utar en=uk nisa ruwe ne.
και τον πειρασμον υμων εν τη σαρκι μου ουκ εξουθενησατε ουδε εξεπτυσατε αλλα ως αγγελον θεου εδεξασθε με ως χριστον ιησουν
and that which was a temptation to you in my flesh ye despised not, nor rejected; but ye received me as an angel of God, [even ]as Christ Jesus.
Yakun, echi gusu an shinnunuke ambe neita an ruwe he an? Inambe gusu ne yakun, tap ku paweteshu ku ki-hi, echi eashkai chiki, echi utara anak ne yaikota koro shikihi oashinge wa en kore kusu ne na.
Yakun, eci kusu an sinnunuke anpe ney ta an ruwe he an? Inanpe kusu ne yakun, tap ku pawetesu ku=ki hi, eci=easkay ciki, eci utar anakne yaykota kor sikihi oasinke wa en=kore kusu ne na.
που ουν ο μακαρισμος υμων μαρτυρω γαρ υμιν οτι ει δυνατον τους οφθαλμους υμων εξορυξαντες εδωκατε μοι
Where then is that gratulation of yourselves? for I bear you witness, that, if possible, ye would have plucked out your eyes and given them to me.
Son no ambe kuani echi nure ash gusu, echi epokba guru ku ne ruwe he an?
Sonno anpe kuani eci=nure as kusu, eci epokpa kur ku ne ruwe he an?
ωστε εχθρος υμων γεγονα αληθευων υμιν
So then am I become your enemy, because I tell you the truth?
Nei utara anak ne shiarikiki no echi hunara ruwe ne koroka pirikap gusu shomo ki; echi utara nei guru hunara kuni gusu, nei utara anak ne echi soita koapa shi rusui ruwe ne na.
Ne utar anakne siarikiki no eci=hunara ruwe ne korka pirka p kusu somo ki; eci utar ne kur hunara kuni kusu, ne utar anakne eci=soy ta koapa si rusuy ruwe ne na.
ζηλουσιν υμας ου καλως αλλα εκκλεισαι υμας θελουσιν ινα αυτους ζηλουτε
They zealously seek you in no good way; nay, they desire to shut you out, that ye may seek them.
Ouse echi tura ku an ita patek shomo ne, koroka, ramma-kane pirikap gusu shiarikiki no hunara ambe anak ne pirika ruwe ne.
Owse eci tura ku=an hi ta patek somo ne, korka, ramma-kane pirka p kusu siarikiki no hunara anpe anakne pirka ruwe ne.
καλον δε ζηλουσθαι εν καλω παντοτε και μη μονον εν τω παρειναι με προς υμας
But it is good to be zealously sought in a good matter at all times, and not only when I am present with you.
Ku goro nokan utara, Kiristo anak ne echi oshiketa akara pakno, shui, echi utara gusu unuwap ku ki;
Ku=kor nokan utar, Kiristo anakne eci=oske ta a=kar pakno, suy, eci utar kusu unuwap ku=ki;
τεκνια τεκνα μου ους παλιν ωδινω μεχρι ου μορφωθη χριστος εν υμιν
My little children, of whom I am again in travail until Christ be formed in you,
ruwe un, tane echi tura no ku an wa ku hawe itasare rusui; echi utara gusu ku keutum utumashire ruwe ne gusu ne na.
ruwe un, tane eci turano ku=an wa ku hawe itasare rusuy; eci utar kusu ku=kewtum utumasire ruwe ne kusu ne na.
ηθελον δε παρειναι προς υμας αρτι και αλλαξαι την φωνην μου οτι απορουμαι εν υμιν
yea, I could wish to be present with you now, and to change my voice; for I am perplexed about you.
Tuitak choropoketa okai rusui utara tambe en nure
Tuytak corpoke ta okay rusuy utar tanpe en=nure
λεγετε μοι οι υπο νομον θελοντες ειναι τον νομον ουκ ακουετε
Tell me, ye that desire to be under the law, do ye not hear the law?
yan, nei tuitak echi nu shomoki ruwe he an? Inambe gusu ne yakun, Abraham anak ne tu po koro, shinen anak auitek-mat orowa no ashikore, shinen auitek shomo ne an mat orowa no ashikore nisa ruwe ne, sekorʼambe chieshinnuye wa an ruwe ne gusu ne na.
yan, ne tuytak eci=nu somo ki ruwe he an? Inanpe kusu ne yakun, Abraham anakne tu po kor, sinen anak awitek-mat oro wano a=sikore, sinen awitek somo ne an mat oro wano a=sikore nisa ruwe ne, sekor anpe ciesinnuye wa an ruwe ne kusu ne na.
γεγραπται γαρ οτι αβρααμ δυο υιους εσχεν ενα εκ της παιδισκης και ενα εκ της ελευθερας
For it is written, that Abraham had two sons, one by the handmaid, and one by the freewoman.
Koroka, auitek-mat orowa no ashikorep anak ne kam irenga gusu an ambe ne; nei shomo auitek an mat orowa no ashikorep anak eitakamkire an irenga gusu an ap ne ruwe ne.
Korka, awitek-mat oro wano a=sikore p anakne kam irenka kusu an anpe ne; ne somo awitek an mat oro wano a=sikore p anak eytakamkire an irenka kusu an ap ne ruwe ne.
αλλ ο [μεν] μεν εκ της παιδισκης κατα σαρκα γεγεννηται ο δε εκ της ελευθερας δι επαγγελιας
Howbeit the [son ]by the handmaid is born after the flesh; but the [son ]by the freewoman [is born ]through promise.
Tapan okaibe otta aki maukushte ikip an: inambe gusu ne yakun, nei shiwentep anak ne tu aeuitaknup ne; shinen anak ne Sinai nupuri wano an wa ausshiune kuni poho hekatu, nei ambe anak ne Hagar ne ruwe ne.
Tapan okaype or ta aki mawkuste iki p an: inanpe kusu ne yakun, ne siwentep anakne tu aewitaknup ne; sinen anakne Sinay nupuri wano an wa aussiwne kuni poho hekatu, ne anpe anakne Hagar ne ruwe ne.
ατινα εστιν αλληγορουμενα αυται γαρ εισιν δυο διαθηκαι μια μεν απο ορους σινα εις δουλειαν γεννωσα ητις εστιν αγαρ
Which things contain an allegory: for these [women ]are two covenants; one from mount Sinai, bearing children unto bondage, which is Hagar.
Orowa, tan Hagar anak ne Arabia moshiri ta an Sinai nupuri ne wa tane an Yerusarem epeka ruwe ne; shinuma anak ne poho tura ausshiune an ruwe ne gusu ne na.
Orowa, tan Hagar anakne Arabia mosir ta an Sinay nupuri ne wa tane an Yerusarem epeka ruwe ne; sinuma anakne poho tura aussiwne an ruwe ne kusu ne na.
το δε αγαρ σινα ορος εστιν εν τη αραβια συστοιχει δε τη νυν ιερουσαλημ δουλευει γαρ μετα των τεκνων αυτης
Now this Hagar is mount Sinai in Arabia, and answereth to the Jerusalem that now is: for she is in bondage with her children.
Koroka, rikta an Yerusarem anak ne ausshiune ambe shomo ne, shinuma anak chikoro unu ne ruwe ne.
Korka, rik ta an Yerusarem anakne aussiwne anpe somo ne, sinuma anak ci=kor unu ne ruwe ne.
η δε ανω ιερουσαλημ ελευθερα εστιν ητις εστιν μητηρ ημων
But the Jerusalem that is above is free, which is our mother.
Ene chieshinnuye wa an ruwe ne gusu ne na:— Po shikore shomoki po-sak guru nupetne yan; Nuwap shomoki guru hawe ashte yan; Inambe gusu ne yakun, yaikoan guru koro poho anak ne hoku koro guru koro poho kasu no naa inne ruwe ne gusu ne na.
Ene ciesinnuye wa an ruwe ne kusu ne na:— Po sikore somo ki po-sak kur nupetne yan; Nuwap somo ki kur hawe aste yan; Inanpe kusu ne yakun, yaykoan kur kor poho anakne hoku kor kur kor poho kasuno naa inne ruwe ne kusu ne na.
γεγραπται γαρ ευφρανθητι στειρα η ου τικτουσα ρηξον και βοησον η ουκ ωδινουσα οτι πολλα τα τεκνα της ερημου μαλλον η της εχουσης τον ανδρα
For it is written, Rejoice, thou barren that bearest not; Break forth and cry, thou that travailest not: For more are the children of the desolate than of her which hath the husband.
Hetak, iriwak utara, Isaak korachi chi utara ne yakka eitakamkire an irenga gusu an poho chi ne ruwe ne.
Hetak, irwak utar, Isaak koraci ci utar ne yakka eytakamkire an irenka kusu an poho ci ne ruwe ne.
ημεις υμεις δε αδελφοι κατα ισαακ επαγγελιας τεκνα εσμεν εστε
Now we, brethren, as Isaac was, are children of promise.
Koroka, nei ita kam irenga gusu hetuku poho anak ne Ramat irenga gusu betukup keshke korachi, tane ne yakka ene ani ne ruwe ne.
Korka, ne hi ta kam irenka kusu hetuku poho anakne Ramat irenka kusu petukup keske koraci, tane ne yakka ene ani ne ruwe ne.
αλλ ωσπερ τοτε ο κατα σαρκα γεννηθεις εδιωκεν τον κατα πνευμα ουτως και νυν
But as then he that was born after the flesh persecuted him [that was born ]after the Spirit, even so it is now.
Yakka, Kamui kambi-sosh hemanda ye ya? Nei uitek-mat poho tura emaka yan: inambe gusu ne yakun, uitek-mat koro poho anak ne shomo auitek an mat koro poho tura okaibe eikeshkore shomoki gusu ne na.
Yakka, Kamuy kampi-sos hemanta ye ya? Ne uytek-mat poho tura emaka yan: inanpe kusu ne yakun, uytek-mat kor poho anakne somo awitek an mat kor poho tura okaype eykeskore somo ki kusu ne na.
αλλα τι λεγει η γραφη εκβαλε την παιδισκην και τον υιον αυτης ου γαρ μη κληρονομησει ο υιος της παιδισκης μετα του υιου της ελευθερας
Howbeit what saith the scripture? Cast out the handmaid and her son: for the son of the handmaid shall not inherit with the son of the freewoman.
Tambe gusu, iriwak utara, chi utara anak ne nei uitek-mat koro poho shomo chi ne, koroka nei shomo auitek an mat koro poho chi ne ruwe ne na.
Tanpe kusu, irwak utar, ci utar anakne ne uytek-mat kor poho somo ci ne, korka ne somo awitek an mat kor poho ci ne ruwe ne na.
διο αδελφοι ουκ εσμεν παιδισκης τεκνα αλλα της ελευθερας
Wherefore, brethren, we are not children of a handmaid, but of the freewoman.