Tambe gusu ku poho ne aokai, Kiristo Yesu oshiketa an irenga otta yaitumashnure yan.
Tanpe kusu ku=poho ne aokay, Kiristo Yesu oske ta an irenka or ta yaytumasnure yan.
συ ουν τεκνον μου ενδυναμου εν τη χαριτι τη εν χριστω ιησου
Thou therefore, my child, be strengthened in the grace that is in Christ Jesus.
Orowa, inne paweteshu utara tumugeta en otta e nu okere okaibe, epakashnu eashkai sone an moshima utara otta ne yakka shikashimare yan.
Orowa, inne pawetesu utar tumke ta en or ta e nu okere okaype, epakasnu easkay sone an mosma utar or ta ne yakka sikasimare yan.
και α ηκουσας παρ εμου δια πολλων μαρτυρων ταυτα παραθου πιστοις ανθρωποις οιτινες ικανοι εσονται και ετερους διδαξαι
And the things which thou hast heard from me among many witnesses, the same commit thou to faithful men, who shall be able to teach others also.
Kiristo Yesu koro pirika tumikoro guru korachi uturu wenbe eyairamshitne yan.
Kiristo Yesu kor pirka tumikor kur koraci uturu wenpe eyayramsitne yan.
συγκακοπαθησον ως καλος στρατιωτης χριστου ιησου
Suffer hardship with [me], as a good soldier of Christ Jesus.
Nep tumi-koro gusu iki guru ne yakka tan moshiri ta ishu kuni gusu an okaibe gusu shomo yainishomapte ruwe ne; tambe anak ne tumi-koro guru gusu shinuma sapaha nuye guru nupetnere kuni gusu ne na.
Nep tumi-kor kusu iki kur ne yakka tan mosir ta i=su kuni kusu an okaype kusu somo yaynisomapte ruwe ne; tanpe anakne tumi-kor kur kusu sinuma sapaha nuye kur nupetnere kuni kusu ne na.
ουδεις στρατευομενος εμπλεκεται ταις του βιου πραγματειαις ινα τω στρατολογησαντι αρεση
No soldier on service entangleth himself in the affairs of [this ]life; that he may please him who enrolled him as a soldier.
Samata, nei shinot gusu ukirorowande guru an chiki, ikashpaotte nei no iki shomoki yakun,
Sama ta, ne sinot kusu ukirorowante kur an ciki, ikaspaotte néno iki somo ki yakun,
εαν δε και αθλη τις ου στεφανουται εαν μη νομιμως αθληση
And if also a man contend in the games, he is not crowned, except he have contended lawfully.
sapa-umbe shomo aunu ruwe ne Monraige wa etoita gurʼanak ne hoshiki no nei hetuku ibehe ibe kunip ne.
sapa-un pe somo a=wn ruwe ne Monrayke wa etoyta kur anakne hoskino ne hetuku ipehe ipe kunip ne.
τον κοπιωντα γεωργον δει πρωτον των καρπων μεταλαμβανειν
The husbandman that laboureth must be the first to partake of the fruits.
Ku ye itak esanniyo yan; nep ne yakka gusu Utarapa anak ne e eramande kusu ne gusu ne na.
Ku=ye itak esanniyo yan; nep ne yakka kusu Utarpa anakne e eramante kusu ne kusu ne na.
νοει ο λεγω δωσει γαρ σοι ο κυριος συνεσιν εν πασιν
Consider what I say; for the Lord shall give thee understanding in all things.
Ku iki shongo nei no an, Dabid sanikiri ne, rai-i orowa no hetopo-shiknu Yesu Kiristo eshkarun yan:
Ku=iki sonko néno an, Dabid sanikiri ne, ray hi oro wano hetopo-siknu Yesu Kiristo eskarun yan:
μνημονευε ιησουν χριστον εγηγερμενον εκ νεκρων εκ σπερματος δαυιδ κατα το ευαγγελιον μου
Remember Jesus Christ, risen from the dead, of the seed of David, according to my gospel:
nei shongo gusu wen-buri ki guru korachi a en tupetupe wenbe eyairamshitne wa an na; koroka, Kamui itak anak ne atupetupe shomoki ruwe ne.
ne sonko kusu wen-puri ki kur koraci a en=tupetupe wenpe eyayramsitne wa an na; korka, Kamuy itak anakne a=tupetupe somo ki ruwe ne.
εν ω κακοπαθω μεχρι δεσμων ως κακουργος αλλα ο λογος του θεου ου δεδεται
wherein I suffer hardship unto bonds, as a malefactor; but the word of God is not bound.
Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.
Tanpe kusu, a=numke wa okay utar kusu opittano okaype ku=eyaysiporore ruwe ne, ne utar ne yakka Kiristo Yesu tura otu sasuysir pakno an a=rakur ne kasiopiwki anpe a=kore kuni kusu ne na.
δια τουτο παντα υπομενω δια τους εκλεκτους ινα και αυτοι σωτηριας τυχωσιν της εν χριστω ιησου μετα δοξης αιωνιου
Therefore I endure all things for the elect’s sake, that they also may obtain the salvation which is in Christ Jesus with eternal glory.
Nei aye itak ambe sonep ne: inambe gusu ne yakun, Shinuma tura no chi rai yakun, Shinuma tura no shiknu ash ne yakka ki kusu ne;
Ne a=ye itak anpe sonep ne: inanpe kusu ne yakun, Sinuma turano ci ray yakun, Sinuma turano siknu as ne yakka ki kusu ne;
πιστος ο λογος ει γαρ συναπεθανομεν και συζησομεν
Faithful is the saying: For if we died with him, we shall also live with him:
yaishiporore yakun, Shinuma tura no epungine kusu ne; Shinuma eshikashke ash yakun, Shinuma un eshikashke ne yakka ki kusu ne:
yaysiporore yakun, Sinuma turano epunkine kusu ne; Sinuma esikaske as yakun, Sinuma un esikaske ne yakka ki kusu ne:
ει υπομενομεν και συμβασιλευσομεν ει αρνησομεθα κακεινος αρνησεται ημας
if we endure, we shall also reign with him: if we shall deny him, he also will deny us:
chi utara anak ne sone ambe shomo ne a yakka, Shinuma ramma sonep ne; Shinuma yai-eshikashke eaikap ruwe ne gusu ne na.
ci utar anakne sone anpe somo ne a yakka, Sinuma ramma sonep ne; Sinuma yay-esikaske eaykap ruwe ne kusu ne na.
ει απιστουμεν εκεινος πιστος μενει αρνησασθαι γαρ εαυτον ου δυναται
if we are faithless, he abideth faithful; for he cannot deny himself.
Tapan okaibe gusu nei utara eshkarunde yan, aige, ani eyaiepirikare eaikapbe, nu utara oheugere kuni itak gusu upahunara ambe nei utara itek iki kuni ne Utarapa kotchaketa kashpaotte yan.
Tapan okaype kusu ne utar eskarunte yan, ayke, ani eyayepirikare eaykap pe, nu utar ohewkere kuni itak kusu upahunara anpe ne utar i=tek iki kuni ne Utarpa kotcake ta kaspaotte yan.
ταυτα υπομιμνησκε διαμαρτυρομενος ενωπιον του θεου μη λογομαχειν επ ουδεν χρησιμον επι καταστροφη των ακουοντων
Of these things put them in remembrance, charging [them ]in the sight of the Lord, that they strive not about words, to no profit, to the subverting of them that hear.
Oupeka no sone an itak koro, yainikoroshma kuni ika sak no an monraige guru nepkoro, Kamui iramye nei no an guru korachi yaikoropare kuni ne shiarikiki no iki yan.
Owpekano sone an itak kor, yaynikorosma kuni ika sak no an monrayke kur nepkor, Kamuy iramye néno an kur koraci yaykorpare kuni ne siarikiki no iki yan.
σπουδασον σεαυτον δοκιμον παραστησαι τω θεω εργατην ανεπαισχυντον ορθοτομουντα τον λογον της αληθειας
Give diligence to present thyself approved unto God, a workman that needeth not to be ashamed, handling aright the word of truth.
Koroka, momok an oha-hawe eshishi yan: inambe gusu ne yakun, nei okaibe anak ne shomo Kamui kooripakbe gusu naa iki kuni okaibe ne,
Korka, momok an oha-hawe esisi yan: inanpe kusu ne yakun, ne okaype anakne somo Kamuy kooripakpe kusu naa iki kuni okaype ne,
τας δε βεβηλους κενοφωνιας περιιστασο επι πλειον γαρ προκοψουσιν ασεβειας
But shun profane babblings: for they will proceed further in ungodliness,
orowa, koro itak anak ne nini shipirasa korachi shipiraspa ruwe ne:
orowa, kor itak anakne nini sipirasa koraci sipiraspa ruwe ne:
και ο λογος αυτων ως γαγγραινα νομην εξει ων εστιν υμεναιος και φιλητος
and their word will eat as doth a gangrene: of whom is Hymenaeus and Philetus;
nei utara tumugeta Humenaios newa Piritos okai ruwe ne; nei utara anak ne sonep gusu ohaita, aige, hetopo-a-shiknure ambe anak ne aokere ruwe ne sekoro ye hine sereke okai utara eishokor-i hokushte ruwe ne.
ne utar tumke ta Humenayos newa Piritos okay ruwe ne; ne utar anakne sonep kusu ohay ta, ayke, hetopo-a-siknure anpe anakne a=okere ruwe ne sekor ye hine serke okay utar eysokor hi hokuste ruwe ne.
οιτινες περι την αληθειαν ηστοχησαν λεγοντες [την] αναστασιν ηδη γεγονεναι και ανατρεπουσιν την τινων πιστιν
men who concerning the truth have erred, saying that the resurrection is past already, and overthrow the faith of some.
Yakka. Kamui koro nishuwamne asamaha aatte wa an, aige, tan han aomare an na; — Utarapa anak ne yaikota koro utara eraman; orowa, Utarapa reihei ye obitta no okai utara oupeka-sakbe orowa no shikiru yan.
Yakka. Kamuy kor nisuwamne asamaha aatte wa an, ayke, tan han a=omare an na; — Utarpa anakne yaykota kor utar eraman; orowa, Utarpa rehe ye opittano okay utar owpeka-sak pe oro wano sikiru yan.
ο μεντοι στερεος θεμελιος του θεου εστηκεν εχων την σφραγιδα ταυτην εγνω κυριος τους οντας αυτου και αποστητω απο αδικιας πας ο ονομαζων το ονομα κυριου
Howbeit the firm foundation of God standeth, having this seal, The Lord knoweth them that are his: and, Let every one that nameth the name of the Lord depart from unrighteousness.
Poro chisei onnaigeta ouse kongani op newa shirokani op patek okai shomo ne, koroka, chikuni op newa toitoi op ne yakka okai; samata, momokbe gusu aeiwange kunip okai, aeoripakbe gusu aeiwange kuni ambe okai ruwe ne.
Poro cise onnayke ta owse konkani op newa sirokani op patek okay somo ne, korka, cikuni op newa toytoy op ne yakka okay; sama ta, momokpe kusu aeywanke kunip okay, aeoripakpe kusu aeywanke kuni anpe okay ruwe ne.
εν μεγαλη δε οικια ουκ εστιν μονον σκευη χρυσα και αργυρα αλλα και ξυλινα και οστρακινα και α μεν εις τιμην α δε εις ατιμιαν
Now in a great house there are not only vessels of gold and of silver, but also of wood and of earth; and some unto honour, and some unto dishonour.
Tambe gusu, ainu anak ne nei okaibe gusu yaituru-sakte chiki, shinuma anak aeoripakbe kuni gusu an op ne, ashkannep ne, kon Nishpa orowa no aeiwange kuni oupakbe ne, nep pirika ikip gusu aetokooiki kunip ne akara kusu ne na.
Tanpe kusu, aynu anakne ne okaype kusu yayturu-sakte ciki, sinuma anak aeoripakpe kuni kusu an op ne, askannep ne, kor Nispa oro wano aeywanke kuni owpakpe ne, nep pirka iki p kusu a=etokoyki kunip ne a=kar kusu ne na.
εαν ουν τις εκκαθαρη εαυτον απο τουτων εσται σκευος εις τιμην ηγιασμενον ευχρηστον τω δεσποτη εις παν εργον αγαθον ητοιμασμενον
If a man therefore purge himself from these, he shall be a vessel unto honour, sanctified, meet for the master’s use, prepared unto every good work.
Koroka, upen guru iki rusui wen-buri eshishi hine turu-sak sambe wano Utarapa konishuk utara tura, oupeka ambe hemhem, eishokor-i hemhem, omap ambe hemhem, itomo irenga hemhem keseamba yan.
Korka, upen kur iki rusuy wen-puri esisi hine tur-sak sanpe wano Utarpa konisuk utar tura, owpeka anpe hemhem, eysokor hi hemhem, omap anpe hemhem, i=tom irenka hemhem keseanpa yan.
τας δε νεωτερικας επιθυμιας φευγε διωκε δε δικαιοσυνην πιστιν αγαπην ειρηνην μετα των επικαλουμενων τον κυριον εκ καθαρας καρδιας
But flee youthful lusts, and follow after righteousness, faith, love, peace, with them that call on the Lord out of a pure heart.
Koroka, ramu-sak, aerampeutekbe an upahunara ambe eshishi yan, e eraman korachi, nei okaibe anak ne ukoiki ambe hopunire ruwe ne na.
Korka, ramu-sak, aeranpewtekpe an upahunara anpe esisi yan, e eraman koraci, ne okaype anakne ukoyki anpe hopunire ruwe ne na.
τας δε μωρας και απαιδευτους ζητησεις παραιτου ειδως οτι γεννωσιν μαχας
But foolish and ignorant questionings refuse, knowing that they gender strifes.
Orowa, Utarapa koro usshiune guru anak ne ukoiki kunip shomo ne, koroka, obitta no okai utara epeka rotcha wa an, epakashnu eashkai no an, wenbe gusu eyaishiporore wa an,
Orowa, Utarpa kor ussiw ne kur anakne ukoyki kunip somo ne, korka, opittano okay utar epeka rotca wa an, epakasnu easkay no an, wenpe kusu eyaysiporore wa an,
δουλον δε κυριου ου δει μαχεσθαι αλλα ηπιον ειναι προς παντας διδακτικον ανεξικακον
And the Lord’s servant must not strive, but be gentle towards all, apt to teach, forbearing,
ramu-shiroma no yaiatte wa epokba utara pakashnu kuni an guru ne kunip ne ruwe ne; Kamui anak ne nei utara yaikokatpakte wa sonep eramande, orowa,
ramu-siroma no yayatte wa epokpa utar pakasnu kuni an kur ne kunip ne ruwe ne; Kamuy anakne ne utar yaykokatpakte wa sonep eramante, orowa,
εν πραυτητι παιδευοντα τους αντιδιατιθεμενους μηποτεδωη δωη αυτοις ο θεος μετανοιαν εις επιγνωσιν αληθειας
in meekness correcting them that oppose themselves; if peradventure God may give them repentance unto the knowledge of the truth,
nei utara yaieashirikara hine nitne Kamui atte akbe aohaitare, aine, Kamui irenga ankushkerai shinuma ani auk kuni gusu ne na.
ne utar yayeasirkar hine nitne Kamuy atte akpe aohaytare, ayne, Kamuy irenka an kuskeray sinuma ani auk kuni kusu ne na.
και ανανηψωσιν εκ της του διαβολου παγιδος εζωγρημενοι υπ αυτου εις το εκεινου θελημα
and they may recover themselves out of the snare of the devil, having been taken captive by the Lord’s servant unto the will of God.