1 Ik. leaf 579

Kiristo Yesu oshiketa an inotu akore kuni eitakamkire an korachi Kamui irenga ankushkerai Kiristo Yesu koro Apostoro ne Pauros ku ne anak ne, ku omap an poho Timoteos otta kambi omande na:

Kiristo Yesu oske ta an inotu a=kore kuni eytakamkire an koraci Kamuy irenka an kuskeray Kiristo Yesu kor Apostoro ne Pawros ku ne anakne, ku=omap an poho Timoteos or ta kampi omante na:

παυλος αποστολος χριστου ιησου δια θεληματος θεου κατ επαγγελιαν ζωης της εν χριστω ιησου

Paul, an apostle of Christ Jesus by the will of God, according to the promise of the life which is in Christ Jesus,

irenga hemhem rampoken hemhem itomo hemhem Michi ne Kamui newa chikoro Utarapa ne Kiristo Yesu orowa no an kuni akoramkon na.

irenka hemhem ranpoken hemhem i=tom hemhem Mici ne Kamuy newa ci=kor Utarpa ne Kiristo Yesu oro wano an kuni a=koramkor na.

τιμοθεω αγαπητω τεκνω χαρις ελεος ειρηνη απο θεου πατρος και χριστου ιησου του κυριου ημων

to Timothy, my beloved child: Grace, mercy, peace, from God the Father and Christ Jesus our Lord.

Tokap ne yakka kunne ne yakka echi nukan rusui hine okere shomoki no ramma echi eshkarun wa ku inonno-itak, aige, ku goro ekashi utara wano aotke-otke shomo ne an keutum ani otta ku yaishieiwangere Kamui ku yaiiraige na,

Tokap ne yakka kunne ne yakka eci=nukar rusuy hine okere somo ki no ramma eci=eskarun wa ku=inonno-itak, ayke, ku=kor ekasi utar wano a=otke-otke somo ne an kewtum ani or ta ku yaysieywankere Kamuy ku=yayirayke na,

χαριν εχω τω θεω ω λατρευω απο προγονων εν καθαρα συνειδησει ως αδιαλειπτον εχω την περι σου μνειαν εν ταις δεησεσιν μου νυκτος και ημερας

I thank God, whom I serve from my forefathers in a pure conscience, how unceasing is my remembrance of thee in my supplications, night and day

echi nupe ku eshkarun wa shiri ku nupetne kuni ne nei no ku ki na;

eci=nupe ku=eskarun wa siri ku=nupetne kuni ne néno ku=ki na;

επιποθων σε ιδειν μεμνημενος σου των δακρυων ινα χαρας πληρωθω

longing to see thee, remembering thy tears, that I may be filled with joy;

orowa, e onnaigeta an kankapkapeka sak eishokor-i a en eshkarunde an; hoshiki no nei ambe anak ne e koro huchi Rois newa e koro habo Euneike oshiketa an; orowa, e onnaigeta ne yakka an sekoro ku eishokon ruwe ne.

orowa, e onnayke ta an kankapkapeka sak eysokor hi a en eskarunte an; hoskino ne anpe anakne e=kor huci Rois newa e=kor hapo Ewneyke oske ta an; orowa, e onnayke ta ne yakka an sekor ku=eysokor ruwe ne.

υπομνησιν λαβων της εν σοι ανυποκριτου πιστεως ητις ενωκησεν πρωτον εν τη μαμμη σου λωιδι και τη μητρι σου ευνικη πεπεισμαι δε οτι και εν σοι

having been reminded of the unfeigned faith that is in thee; which dwelt first in thy grandmother Lois, and thy mother Eunice; and, I am persuaded, in thee also.

Tapan ikkewehe an gusu, ku teke e kashita ku ande ankushkerai Kamui orowa akore ambe e paraparasere kuni ne e eshkarunde ash ruwe ne.

Tapan ikkewehe an kusu, ku=teke e kasi ta ku=ante an kuskeray Kamuy orowa a=kore anpe e paraparasere kuni ne e eskarunte as ruwe ne.

δι ην αιτιαν αναμιμνησκω σε αναζωπυρειν το χαρισμα του θεου ο εστιν εν σοι δια της επιθεσεως των χειρων μου

For the which cause I put thee in remembrance that thou stir up the gift of God, which is in thee through the laying on of my hands.

Inambe gusu ne yakun, Kamui anak ne ishitoma kuni gusu an ramat un kore shomoki, koroka, kiroro newa omap ambe newa keutum yaieashirikara kuni ramat un kore nisa ruwe ne.

Inanpe kusu ne yakun, Kamuy anakne isitoma kuni kusu an ramat un kore somo ki, korka, kiroro newa omap anpe newa kewtum yayeasirkar kuni ramat un kore nisa ruwe ne.

ου γαρ εδωκεν ημιν ο θεος πνευμα δειλιας αλλα δυναμεως και αγαπης και σωφρονισμου

For God gave us not a spirit of fearfulness; but of power and love and discipline.

Tambe gusu chikoro Utarapa gusu an paweteshu ambe hene, Shinuma gusu upakashnu chisei ta an guru ne kuani gusu hene iteki yainikoroshma yan: koroka, Kamui kiroro nei no an pirika shongo tura wenbe gusu eyairamkoiki yan;

Tanpe kusu ci=kor Utarpa kusu an pawetesu anpe hene, Sinuma kusu upakasnu cise ta an kur ne kuani kusu hene iteki yaynikorosma yan: korka, Kamuy kiroro néno an pirka sonko tura wenpe kusu eyayramkoyki yan;

μη ουν επαισχυνθης το μαρτυριον του κυριου ημων μηδε εμε τον δεσμιον αυτου αλλα συγκακοπαθησον τω ευαγγελιω κατα δυναμιν θεου

Be not ashamed therefore of the testimony of our Lord, nor of me his prisoner: but suffer hardship with the gospel according to the power of God;

Shinuma anak ne un kashiobiuki nisa, ashkanne nushuk ambe ani un tak, iki ikip nei no an korachi shomo ne, koroka, otusashuishiri an pakihi etokota Kiristo Yesu oshiketa okai wa un kore Shinuma yaikota koro keutura newa irenga an korachi nep;

Sinuma anakne un kasiopiwki nisa, askanne nusuk anpe ani un tak, iki iki p néno an koraci somo ne, korka, otu sasuysir an pakihi etoko ta Kiristo Yesu oske ta okay wa un kore Sinuma yaykota kor kewtura newa irenka an koraci nep;

του σωσαντος ημας και καλεσαντος κλησει αγια ου κατα τα εργα ημων αλλα κατα ιδιαν προθεσιν και χαριν την δοθεισαν ημιν εν χριστω ιησου προ χρονων αιωνιων

who saved us, and called us with a holy calling, not according to our works, but according to his own purpose and grace, which was given us in Christ Jesus before times eternal,

aige, nei ambe anak ne chikoro un Kashiobiukip ne Kiristo Yesu ek-hi ani anukare nisa ruwe ne; Shinuma anak ne rai ambe isamka wa pirika shongo ankushkerai inotu newa shomo muninbe sarare nisa ruwe ne;

ayke, ne anpe anakne ci=kor un Kashiobiukip ne Kiristo Yesu ek hi ani a=nukare nisa ruwe ne; Sinuma anakne ray anpe isamka wa pirka sonko an kuskeray inotu newa somo muninpe sarare nisa ruwe ne;

φανερωθεισαν δε νυν δια της επιφανειας του σωτηρος ημων χριστου ιησου καταργησαντος μεν τον θανατον φωτισαντος δε ζωην και αφθαρσιαν δια του ευαγγελιου

but hath now been manifested by the appearing of our Saviour Christ Jesus, who abolished death, and brought life and incorruption to light through the gospel,

nei ambe gusu eupaskuma ki guru, Apostoro ne guru, epakashnu guru ne kuni akara ainu ku ne ruwe ne.

ne anpe kusu ewpaskuma ki kur, Apostoro ne kur, epakasnu kur ne kuni a=kar aynu ku ne ruwe ne.

εις ο ετεθην εγω κηρυξ και αποστολος και διδασκαλος

whereunto I was appointed a preacher, and an apostle, and a teacher.

Tap ambe gusu obitta no tan okaibe ku eramushitne wa an: yakka ku yainikoroshma shomoki ruwe ne; inambe gusu ne yakun, ku eishokoro okere guru ku eamkiri, orowa, ku shikkashima re okaibe Shinuma nei toho gusu epungine eashkaibe ne sekoro ku eishokon ruwe ne gusu ne na.

Tapanpe kusu opittano tan okaype ku=eramusitne wa an: yakka ku=yaynikorosma somo ki ruwe ne; inanpe kusu ne yakun, ku=eysokor okere kur ku=e=amkir, orowa, ku=sikkasima re okaype Sinuma ne toho kusu epunkine easkay pe ne sekor ku=eysokor ruwe ne kusu ne na.

δι ην αιτιαν και ταυτα πασχω αλλ ουκ επαισχυνομαι οιδα γαρ ω πεπιστευκα και πεπεισμαι οτι δυνατος εστιν την παραθηκην μου φυλαξαι εις εκεινην την ημεραν

For the which cause I suffer also these things: yet I am not ashamed; for I know him whom I have believed, and I am persuaded that he is able to guard that which I have committed unto him against that day.

En orowa no e nu okere nisashnu an itak katuhu gusu anak, Kiristo Yesu oshiketa an eishokor-i atte ambe newa omap ambe ani shikkashima yan.

En=oro wano e nu okere nisasnu an itak katuhu kusu anak, Kiristo Yesu oske ta an eysokor hi atte anpe newa omap anpe ani sikkasima yan.

υποτυπωσιν εχε υγιαινοντων λογων ων παρ εμου ηκουσας εν πιστει και αγαπη τη εν χριστω ιησου

Hold the pattern of sound words which thou hast heard from me, in faith and love which is in Christ Jesus.

Aokai ashikkashimare okere pirika ambe gusu anak, e onnaigeta oshiroma wa an Ashkanne Ramat ankushkerai epungine yan.

Aokay a=sikkasmare okere pirka anpe kusu anak, e onnayke ta osiroma wa an Askanne Ramat an kuskeray epunkine yan.

την καλην παραθηκην φυλαξον δια πνευματος αγιου του ενοικουντος εν ημιν

That good thing which was committed unto [thee ]guard through the Holy Ghost which dwelleth in us.

Tambe e eraman, Asia moshiri ta okai utara obitta en orowa no hosari okere; nei utara tumugeta Pugeros newa Herraogones okai ruwe ne.

Tanpe e eraman, Asia mosir ta okay utar opitta en=oro wano hosari okere; ne utar tumke ta Pugeros newa Herraogones okay ruwe ne.

οιδας τουτο οτι απεστραφησαν με παντες οι εν τη ασια ων εστιν φυγελος και ερμογενης

This thou knowest, that all that are in Asia turned away from me; of whom are Phygelus and Hermogenes.

Onesiporos koro uni un utara Utarapa erampokiwen wa kore kuni ku koramkoro; inambe gusu ne yakun, shinuma anak ne kanna-kanna en sambe shiturire nisa, orowa,

Onesiporos kor uni un utar Utarpa eranpokiwen wa kore kuni ku=koramkor; inanpe kusu ne yakun, sinuma anakne kanna-kanna en=sanpe siturire nisa, orowa,

δωη ελεος ο κυριος τω ονησιφορου οικω οτι πολλακις με ανεψυξεν και την αλυσιν μου ουκ επαισχυνθη

The Lord grant mercy unto the house of Onesiphorus: for he oft refreshed me, and was not ashamed of my chain;

ku shinkop gusu shomo yainikoroshma ki; koroka, Roma kotan ta an ita irammakaka en hunara hine

ku=sinkop kusu somo yaynikorosma ki; korka, Roma kotan ta an hi ta irammakaka en=hunara hine

αλλα γενομενος εν ρωμη σπουδαιως εζητησεν με και ευρεν

but, when he was in Rome, he sought me diligently, and found me

en pa nisa ruwe ne (Utarapa toho ta Utarapa anak ne shinuma erampokiwen wa kore kuni ku koramkoro); samata, Epesos kotan ta hempak inne okaibe ani shinuma en gusu yaishieiwangere ambe aokai pirika no eraman ruwe ne na.

en=pa nisa ruwe ne (Utarpa toho ta Utarpa anakne sinuma eranpokiwen wa kore kuni ku=koramkor); sama ta, Epesos kotan ta henpak inne okaype ani sinuma en kusu yaysieywankere anpe aokay pirkano eraman ruwe ne na.

δωη αυτω ο κυριος ευρειν ελεος παρα κυριου εν εκεινη τη ημερα και οσα εν εφεσω διηκονησεν βελτιον συ γινωσκεις

(the Lord grant unto him to find mercy of the Lord in that day); and in how many things he ministered at Ephesus, thou knowest very well.