2 Ik. leaf 652

Ku goro nokair utara, echi utara anak ne iteki katpak ki kuni ne tap okaibe echi gusu ku nuye ruwe ne. Orowa, nen ne yakka katpak ki guru an chiki, Michi otta chi utara gusu eikotchanep an, oupeka Yesu Kiristo ne;

Ku=kor nokair utar, eci utar anakne iteki katpak ki kuni ne tap okaype eci kusu ku=nuye ruwe ne. Orowa, nen ne yakka katpak ki kur an ciki, Mici or ta ci utar kusu eykotcanep an, owpeka Yesu Kiristo ne;

τεκνια μου ταυτα γραφω υμιν ινα μη αμαρτητε και εαν τις αμαρτη παρακλητον εχομεν προς τον πατερα ιησουν χριστον δικαιον

My little children, these things write I unto you, that ye may not sin. And if any man sin, we have an Advocate with the Father, Jesus Christ the righteous:

Shinuma anak ne chikoro katpak gusu an imommuyep ne ruwe ne; ouse chikoro katpak gusu patek shomo ne, koroka, ingi-nroshiri gusu an ap gusu ne yakka ne ruwe ne na.

Sinuma anakne ci=kor katpak kusu an imommuyep ne ruwe ne; owse ci=kor katpak kusu patek somo ne, korka, inki-nrosiri kusu an ap kusu ne yakka ne ruwe ne na.

και αυτος ιλασμος εστιν περι των αμαρτιων ημων ου περι των ημετερων δε μονον αλλα και περι ολου του κοσμου

and he is the propitiation for our sins; and not for ours only, but also for the whole world.

Shinuma ki ikashpaotte shikkashima ash yakun, tata ani chi utara Shinuma eamkiri ruwe ne sekoro chi eraman.

Sinuma ki ikaspaotte sikkasima as yakun, tata ani ci utar Sinuma e=amkir ruwe ne sekor ci eraman.

και εν τουτω γινωσκομεν οτι εγνωκαμεν αυτον εαν τας εντολας αυτου τηρωμεν

And hereby know we that we know him, if we keep his commandments.

Shinuma ku eamkiri ari ye wa koro ikashpaotte shomo shikkashima gurʼanak ne, shunge itak ki gunʼne, aige,

Sinuma ku=e=amkir ari ye wa kor ikaspaotte somo sikkasima kur anakne, sunke itak ki kunne, ayke,

ο λεγων οτι εγνωκα αυτον και τας εντολας αυτου μη τηρων ψευστης εστιν και εν τουτω η αληθεια ουκ εστιν

He that saith, I know him, and keepeth not his commandments, is a liar, and the truth is not in him:

son no ambe nei guru onnaigeta isam ruwe ne: koroka, Shinuma ye itak shikkashima gurʼanak, son no poka, Shinuma onnaigeta Kamui omap-hi aeramushinne nisa ruwe ne na. Shinuma onnaigeta chi okai ruwe ne sekoro tambe ani chi eraman:

sonno anpe ne kur onnayke ta isam ruwe ne: korka, Sinuma ye itak sikkasima kur anak, sonno poka, Sinuma onnayke ta Kamuy omap hi a=eramusinne nisa ruwe ne na. Sinuma onnayke ta ci okay ruwe ne sekor tanpe ani ci eraman:

ος δ αν τηρη αυτου τον λογον αληθως εν τουτω η αγαπη του θεου τετελειωται εν τουτω γινωσκομεν οτι εν αυτω εσμεν

but whoso keepeth his word, in him verily hath the love of God been perfected. Hereby know we that we are in him:

Shinuma onnaigeta ku riya sekoro ye gurʼanak ne, Shinuma apkash nisa korachi nei guru poka yaikota apkash kunip ne ruwe tapan na.

Sinuma onnayke ta ku=riya sekor ye kur anakne, Sinuma apkas nisa koraci ne kur poka yaykota apkas kunip ne ruwe tapan na.

ο λεγων εν αυτω μενειν οφειλει καθως εκεινος περιεπατησεν και αυτος [ουτως] περιπατειν

he that saith he abideth in him ought himself also to walk even as he walked.

Aomap an utara, echi utara gusu ashiri ikashpaotte shomo ku nuye, koroka, atpake wano echi koro fushko ikashpaotte ku nuye na: nei fushko ikashpaotte anak ne echi nu okere itak ne ruwe ne.

A=omap an utar, eci utar kusu a=siri ikaspaotte somo ku=nuye, korka, atpake wano eci=kor husko ikaspaotte ku=nuye na: ne husko ikaspaotte anakne eci=nu okere itak ne ruwe ne.

αγαπητοι ουκ εντολην καινην γραφω υμιν αλλ εντολην παλαιαν ην ειχετε απ αρχης η εντολη η παλαια εστιν ο λογος ον ηκουσατε

Beloved, no new commandment write I unto you, but an old commandment which ye had from the beginning: the old commandment is the word which ye heard.

Shui, ashiri ikashpaotte echi gusu ku nuye na, nei ambe anak ne Shinuma oshiketa ne yakka echi oshiketa ne yakka son no ambe ne; inambe gusu ne yakun, kunne-i okere koran, orowa, son no pekere nupeki atte wa an ruwe ne gusu ne na.

Suy, a=siri ikaspaotte eci kusu ku=nuye na, ne anpe anakne Sinuma oske ta ne yakka eci=oske ta ne yakka sonno anpe ne; inanpe kusu ne yakun, kunne hi okere koran, orowa, sonno peker nupeki atte wa an ruwe ne kusu ne na.

παλιν εντολην καινην γραφω υμιν ο εστιν αληθες εν αυτω και εν υμιν οτι η σκοτια παραγεται και το φως το αληθινον ηδη φαινει

Again, a new commandment write I unto you, which thing is true in him and in you; because the darkness is passing away, and the true light already shineth.

Pekere otta an ani ye wa koro iriwak etunne gurʼanak ne tane pakno poka kunne-i otta an ruwe ne.

Peker or ta an ani ye wa kor irwak etunne kur anakne tane pakno poka kunne hi or ta an ruwe ne.

ο λεγων εν τω φωτι ειναι και τον αδελφον αυτου μισων εν τη σκοτια εστιν εως αρτι

He that saith he is in the light, and hateth his brother, is in the darkness even until now.

Koro iriwak omap gurʼanak ne pekere otta oshiroma, aige, Shinuma oshiketa ureepetchiure ika isam ruwe ne.

Kor irwak omap kur anakne peker or ta osiroma, ayke, Sinuma oske ta ureepetciwre ika isam ruwe ne.

ο αγαπων τον αδελφον αυτου εν τω φωτι μενει και σκανδαλον εν αυτω ουκ εστιν

He that loveth his brother abideth in the light, and there is none occasion of stumbling in him.

Koroka, koro iriwak etunne gurʼanak ne kunne-i oshiketa an wa kunne-i otta apkash, orowa, ine un oman a shinuma erampeutek, kunne-i anak ne shinuma koro shikihi shiknakte nisa ruwe ne gusu ne na.

Korka, kor irwak etunne kur anakne kunne hi oske ta an wa kunne hi or ta apkas, orowa, ine un oman a sinuma eranpewtek, kunne hi anakne sinuma kor sikihi siknakte nisa ruwe ne kusu ne na.

ο δε μισων τον αδελφον αυτου εν τη σκοτια εστιν και εν τη σκοτια περιπατει και ουκ οιδεν που υπαγει οτι η σκοτια ετυφλωσεν τους οφθαλμους αυτου

But he that hateth his brother is in the darkness, and walketh in the darkness, and knoweth not whither he goeth, because the darkness hath blinded his eyes.

Nokan utara, Shinuma kon reihei rengap gusu echi koro katpak atusare wa an, tambe gusu echi gusu

Nokan utar, Sinuma kor rehe renkap kusu eci=kor katpak atusare wa an, tanpe kusu eci kusu

γραφω υμιν τεκνια οτι αφεωνται υμιν αι αμαρτιαι δια το ονομα αυτου

I write unto you, [my ]little children, because your sins are forgiven you for his name’s sake.

kambi ku nuye na. Michi utara, atpake wano an guru echi eamkiri gusu, tambe gusu echi otta kambi ku nuye. Upen utara, wenbe echi annokara okere gusu, tambe gusu, echi otta kambi ku nuye. Nokan utara, Michi echi eamkiri gusu, tambe gusu,

kampi ku=nuye na. Mici utar, atpake wano an kur eci=e=amkir kusu, tanpe kusu eci or ta kampi ku=nuye. Upen utar, wenpe eci=annokar okere kusu, tanpe kusu, eci or ta kampi ku=nuye. Nokan utar, Mici eci=e=amkir kusu, tanpe kusu,

γραφω υμιν πατερες οτι εγνωκατε τον απ αρχης γραφω υμιν νεανισκοι οτι νενικηκατε τον πονηρον εγραψα υμιν παιδια οτι εγνωκατε τον πατερα

I write unto you, fathers, because ye know him which is from the beginning. I write unto you, young men, because ye have overcome the evil one. I have written unto you, little children, because ye know the Father.

echi otta kambi ku nuye. Michi utara, tambe gusu, atapake wano an guru echi eamkiri gusu, echi otta kambi ku nuye. Upen utara, echi utara okirashnu wa an, Kamui itak echi onnaigeta an, samata, echi utara anak ne wenbe annokara okere gusu, tambe gusu echi utara otta kambi ku nuye na.

eci or ta kampi ku=nuye. Mici utar, tanpe kusu, atpake wano an kur eci=e=amkir kusu, eci or ta kampi ku=nuye. Upen utar, eci utar okirasnu wa an, Kamuy itak eci=onnayke ta an, sama ta, eci utar anakne wenpe annokar okere kusu, tanpe kusu eci utar or ta kampi ku=nuye na.

εγραψα υμιν πατερες οτι εγνωκατε τον απ αρχης εγραψα υμιν νεανισκοι οτι ισχυροι εστε και ο λογος [του θεου] του θεου εν υμιν μενει και νενικηκατε τον πονηρον

I have written unto you, fathers, because ye know him which is from the beginning. I have written unto you, young men, because ye are strong, and the word of God abideth in you, and ye have overcome the evil one.

Moshiri hene moshirʼotta okaibe hene iteki omap yan, moshiri ko-omap guru an chiki Michi koro omap ambe anak ne shinuma oshiketa isam ruwe ne.

Mosir hene mosir or ta okaype hene iteki omap yan, mosir ko-omap kur an ciki Mici kor omap anpe anakne sinuma oske ta isam ruwe ne.

μη αγαπατε τον κοσμον μηδε τα εν τω κοσμω εαν τις αγαπα τον κοσμον ουκ εστιν η αγαπη του πατρος εν αυτω

Love not the world, neither the things that are in the world. If any man love the world, the love of the Father is not in him.

Inambe gusu ne yakun, moshirʼotta an obitta no okaibe, kam eikaunu ambe hene, shiki eikaunu ambe hene, ishu gusu pakesara ambe hene, Michi orowa no hetukup shomo ne, koroka, raoshiri orowa no an ambe ne ruwe ne gusu ne na.

Inanpe kusu ne yakun, mosir or ta an opittano okaype, kam e=kawnu anpe hene, siki e=kawnu anpe hene, i=su kusu pakesara anpe hene, Mici oro wano hetuku p somo ne, korka, raosiri oro wano an anpe ne ruwe ne kusu ne na.

οτι παν το εν τω κοσμω η επιθυμια της σαρκος και η επιθυμια των οφθαλμων και η αλαζονεια του βιου ουκ εστιν εκ του πατρος αλλα αλλ εκ του κοσμου εστιν

For all that is in the world, the lust of the flesh, and the lust of the eyes, and the vainglory of life, is not of the Father, but is of the world.

Orowa, raoshiri hene, moshiri gusu eikaunu ambe hene aokere kusu ne; koroka, Kamui irenga ki gurʼanak ne ramma pakno okai kusu ne na.

Orowa, raosiri hene, mosir kusu e=kawnu anpe hene a=okere kusu ne; korka, Kamuy irenka ki kur anakne ramma pakno okay kusu ne na.

και ο κοσμος παραγεται και η επιθυμια [αυτου] αυτου ο δε ποιων το θελημα του θεου μενει εις τον αιωνα

And the world passeth away, and the lust thereof: but he that doeth the will of God abideth for ever.

Nokair utara, tane anak keseke an pakihi ne: orowa, anti-kiristo ek kusu ne sekoro echi nu nisa, tane poka inne no okai anti-kiristo hetukba wa okai; tambe gusu, tane anak keseke an pakihi ne ari an ambe chi eraman ruwe ne.

nokair utar, tane anak keseke an pakihi ne: orowa, anti-kiristo ek kusu ne sekor eci=nu nisa, tane poka inne no okay anti-kiristo hetukpa wa okay; tanpe kusu, tane anak keseke an pakihi ne ari an anpe ci eraman ruwe ne.

παιδια εσχατη ωρα εστιν και καθως ηκουσατε οτι αντιχριστος ερχεται και νυν αντιχριστοι πολλοι γεγονασιν οθεν γινωσκομεν οτι εσχατη ωρα εστιν

Little children, it is the last hour: and as ye heard that antichrist cometh, even now have there arisen many antichrists; whereby we know that it is the last hour.

Nei utara anak ne un orowa no soyumba, koroka un tura no okai utara shomo ne; inambe gusu ne yakun, nei utara anak ne un tura no okai utara ne ruwe ne a chiki, un tura no ramma okai kusu ne gusu ne na: koroka, nei utara un tura no okai utara shomo ne sekoro aeraman kuni gusu an okaibe ne ruwe ne na.

Ne utar anakne un oro wano soyunpa, korka un turano okay utar somo ne; inanpe kusu ne yakun, ne utar anakne un turano okay utar ne ruwe ne a ciki, un turano ramma okay kusu ne kusu ne na: korka, ne utar un turano okay utar somo ne sekor aeraman kuni kusu an okaype ne ruwe ne na.

εξ ημων εξηλθαν αλλ ουκ ησαν εξ ημων ει γαρ εξ ημων ησαν μεμενηκεισαν αν μεθ ημων αλλ ινα φανερωθωσιν οτι ουκ εισιν παντες εξ ημων

They went out from us, but they were not of us; for if they had been of us, they would have continued with us: but [they went out], that they might be made manifest how that they all are not of us.

Echi utara anak ne Ashkannep orowa no kashiketa aota utara echi ne wa obitta no okai echi utara anak ne nep ne yakka eraman ruwe ne na.

Eci utar anakne Askannep oro wano kasike ta a=o ta utar eci ne wa opittano okay eci utar anakne nep ne yakka eraman ruwe ne na.

και υμεις χρισμα εχετε απο του αγιου και οιδατε παντες

And ye have an anointing from the Holy One, and ye know all things.

Echi utara son no ambe shomo eraman gusu ku nuye shomoki,, koroka, son no ambe echi eraman, samata, son no ambe orowa no hetuku shungep isam ruwe ne gusu ku nuye na.

Eci utar sonno anpe somo eraman kusu ku=nuye somo ki,, korka, sonno anpe eci=eraman, sama ta, sonno anpe oro wano hetuku sunkep isam ruwe ne kusu ku=nuye na.

ουκ εγραψα υμιν οτι ουκ οιδατε την αληθειαν αλλ οτι οιδατε αυτην και οτι παν ψευδος εκ της αληθειας ουκ εστιν

I have not written unto you because ye know not the truth, but because ye know it, and because no lie is of the truth.

Shunge guru nen ne ruwe? Yesu anak ne Kiristo ne sekorʼambe eshikashke guru shomo ne ya? Michi newa Poho kane eshikashke gurʼanak ne, shinuma anak anti-Kiristo ne ruwe ne.

Sunke kur nen ne ruwe? Yesu anakne Kiristo ne sekor anpe esikaske kur somo ne ya? Mici newa Poho kane esikaske kur anakne, sinuma anak anti-Kiristo ne ruwe ne.

τις εστιν ο ψευστης ει μη ο αρνουμενος οτι ιησους ουκ εστιν ο χριστος ουτος εστιν ο αντιχριστος ο αρνουμενος τον πατερα και τον υιον

Who is the liar but he that denieth that Jesus is the Christ? This is the antichrist, [even ]he that denieth the Father and the Son.

Nen ne yakka Poho eshikashke gurʼanak ne nei guru anak Michi shomo koro: Poho pushpusu guru anak ne Michi ne yakka kon ruwe ne.

Nen ne yakka Poho esikaske kur anakne ne kur anak Mici somo kor: Poho puspusu kur anakne Mici ne yakka kor ruwe ne.

πας ο αρνουμενος τον υιον ουδε τον πατερα εχει ο ομολογων τον υιον και τον πατερα εχει

Whosoever denieth the Son, the same hath not the Father: he that confesseth the Son hath the Father also.

Echi utara gusu atpake wano echi nu orushpe echi oshiketa oshiromare yan. Atpake wano echi nu orushpe echi oshiketa oshiroma chiki, echi utara poka Poho oshiketa hemhem, Michi oshiketa hemhem oshiroma kusu ne.

Eci utar kusu atpake wano eci=nu oruspe eci=oske ta osiromare yan. Atpake wano eci=nu oruspe eci=oske ta osiroma ciki, eci utar poka Poho oske ta hemhem, Mici oske ta hemhem osiroma kusu ne.

υμεις ο ηκουσατε απ αρχης εν υμιν μενετω εαν εν υμιν μεινη ο απ αρχης ηκουσατε και υμεις εν τω υιω και [εν] εν τω πατρι μενειτε

As for you, let that abide in you which ye heard from the beginning. If that which ye heard from the beginning abide in you, ye also shall abide in the Son, and in the Father.

Un gusu Shinuma eitakamkire uitaknup anak ne shiokere shomoki inotu ne ruwe ne.

Un kusu Sinuma eytakamkire uytaknup anakne siokere somo ki inotu ne ruwe ne.

και αυτη εστιν η επαγγελια ην αυτος επηγγειλατο ημιν την ζωην την αιωνιον

And this is the promise which he promised us, [even ]the life eternal.

Echi shiren wa turainure utara gusu tap okaibe ku nuye nisa.

Eci=siren wa turaynure utar kusu tap okaype ku=nuye nisa.

ταυτα εγραψα υμιν περι των πλανωντων υμας

These things have I written unto you concerning them that would lead you astray.

Echi utara gusu Shinuma orowa no echi kore an kashiaota ambe anak ne echi oshiketa oshiroma chiki echi epakashnup isam yak pirika na; koroka, nep ne yakka Shinuma ki kashiota ambe echi epakashnu, aige, nei ambe son no ambe ne wa shunge shomo ne gusu, echi aepakashnu wa an korachi, Shinuma oshiketa echi oshiroma ruwe ne.

Eci utar kusu Sinuma oro wano eci=kore an kasiaota anpe anakne eci=oske ta osiroma ciki eci epakasnup isam yak pirka na; korka, nep ne yakka Sinuma ki kasi ota anpe eci=epakasnu, ayke, ne anpe sonno anpe ne wa sunke somo ne kusu, eci=a=epakasnu wa an koraci, Sinuma oske ta eci=osiroma ruwe ne.

και υμεις το χρισμα ο ελαβετε απ αυτου μενει εν υμιν και ου χρειαν εχετε ινα τις διδασκη υμας αλλ ως το αυτου χρισμα διδασκει υμας περι παντων και αληθες εστιν και ουκ εστιν ψευδος και καθως εδιδαξεν υμας μενετε εν αυτω

And as for you, the anointing which ye received of him abideth in you, and ye need not that any one teach you; but as his anointing teacheth you concerning all things, and is true, and is no lie, and even as it taught you, ye abide in him.

Orowa, tane nokan utara, Shinuma oshiketa oshiroma yan; Shinuma anukara chiki, chi utara rametok-koro, orowa, Shinuma ek ita chi utara shomo yainikoroshma kusu ne gusu okai yan.

Orowa, tane nokan utar, Sinuma oske ta osiroma yan; Sinuma a=nukar ciki, ci utar rametok-kor, orowa, Sinuma ek hi ta ci utar somo yaynikorosma kusu ne kusu okay yan.

και νυν τεκνια μενετε εν αυτω ινα εαν φανερωθη σχωμεν παρρησιαν και μη αισχυνθωμεν απ αυτου εν τη παρουσια αυτου

And now, [my ]little children, abide in him; that, if he shall be manifested, we may have boldness, and not be ashamed before him at his coming.

Orowa, Shinuma oupeka ambe ne sekoro echi eraman chiki, nen ne yakka oupekap ki guru anak ne Shinuma orowa no hetukurep poka onnere yan.

Orowa, Sinuma owpeka anpe ne sekor eci=eraman ciki, nen ne yakka owpekap ki kur anakne Sinuma oro wano hetukurep poka onnere yan.

εαν ειδητε οτι δικαιος εστιν γινωσκετε οτι και πας ο ποιων την δικαιοσυνην εξ αυτου γεγεννηται

If ye know that he is righteous, ye know that every one also that doeth righteousness is begotten of him.