3 Ik. leaf 649

Aomap an utara, tambe anak ne echi utara gusu tu ikinne an ku nuye kambi ne ruwe ne; orowa, nei tup otta echi eshkarunde wa echi koro so ne an keutum ku chiukopoyere na;

A=omap an utar, tanpe anakne eci utar kusu tu ikinne an ku=nuye kampi ne ruwe ne; orowa, ne tup or ta eci eskarunte wa eci=kor so ne an kewtum ku ciwkopoyere na;

ταυτην ηδη αγαπητοι δευτεραν υμιν γραφω επιστολην εν αις διεγειρω υμων εν υπομνησει την ειλικρινη διανοιαν

This is now, beloved, the second epistle that I write unto you; and in both of them I stir up your sincere mind by putting you in remembrance;

ashkanne uweingara utara etokota ye itak hene echi eshkarun, samata, echi koro Apostoro utara gusu an Utarapa newa Kashiobiukip sange ikashpaotte hene echi eshkarun kuni ambe ne:

askanne ueinkar utar etoko ta ye itak hene eci=eskarun, sama ta, eci=kor Apostoro utar kusu an Utarpa newa Kashiobiukip sanke ikaspaotte hene eci=eskarun kuni anpe ne:

μνησθηναι των προειρημενων ρηματων υπο των αγιων προφητων και της των αποστολων υμων εντολης του κυριου και σωτηρος

that ye should remember the words which were spoken before by the holy prophets, and the commandment of the Lord and Saviour through your apostles:

tambe hoshiki no uonnere yan, okese an toho ta eoya-itak ki utara araki, orowa, yaikota koro ibeporore an keutum nei no kara wa eoya-itak ki,

tanpe hoskino uonnere yan, okes an toho ta e=oya-itak ki utar arki, orowa, yaykota kor ipeporore an kewtum néno kar wa e=oya-itak ki,

τουτο πρωτον γινωσκοντες οτι ελευσονται επ εσχατων των ημερων εν [εν] εμπαιγμονη εμπαικται κατα τας ιδιας επιθυμιας αυτων πορευομενοι

knowing this first, that in the last days mockers shall come with mockery, walking after their own lusts,

aige, ene itak kusu ne-hi; — Shinuma ek kuni eitakamkire ambe hunakta an a? inambe gusu ne yakun, ekashi utara mokonnoye orowa no, moshiri akara heashi wano, nep ne yakka ramma-ramma an na,

ayke, ene itak kusu ne hi; — Sinuma ek kuni eytakamkire anpe hunak ta an a? inanpe kusu ne yakun, ekasi utar mokonnoye oro wano, mosir a=kar heasi wano, nep ne yakka ramma-ramma an na,

και λεγοντες που εστιν η επαγγελια της παρουσιας αυτου αφ ης γαρ οι πατερες εκοιμηθησαν παντα ουτως διαμενει απ αρχης κτισεως

and saying, Where is the promise of his coming? for, from the day that the fathers fell asleep, all things continue as they were from the beginning of the creation.

ari an itak ani itak kusu ne. Nei utara anak ne hokamginʼno tambe oira, Kamui itak an gusu, fushko wano kando an, orowa, wakka orowa no etuk, wakka oshiketa roshki toitoi ka an na;

ari an itak ani itak kusu ne. Ne utar anakne hokamkin no tanpe oyra, Kamuy itak an kusu, husko wano kanto an, orowa, wakka oro wano etuk, wakka oske ta roski toytoy ka an na;

λανθανει γαρ αυτους τουτο θελοντας οτι ουρανοι ησαν εκπαλαι και γη εξ υδατος και δι υδατος συνεστωσα τω του θεου λογω

For this they wilfully forget, that there were heavens from of old, and an earth compacted out of water and amidst water, by the word of God;

nei okaibe ari nei rapoketa an raoshiri anak ne wakka ani akamure wa aisamka:

ne okaype ari ne rapoketa an raosiri anakne wakka ani a=kamure wa a=ysamka:

δι ων ο τοτε κοσμος υδατι κατακλυσθεις απωλετο

by which means the world that then was, being overflowed with water, perished:

koroka, tane okai kando, toitoi tura kane, nei shinep ne an itak ari, akoipishi kuni toho, Kamui koatcha utara aisamka kuni toho pakno ashikkashima wa abe gusu aande wa an na

korka, tane okay kanto, toytoy tura kane, ne sinep ne an itak ari, akoypisi kuni toho, Kamuy koatca utar a=ysamka kuni toho pakno a=sikkasma wa ape kusu a=ante wa an na

οι δε νυν ουρανοι και η γη τω αυτω λογω τεθησαυρισμενοι εισιν πυρι τηρουμενοι εις ημεραν κρισεως και απωλειας των ασεβων ανθρωπων

but the heavens that now are, and the earth, by the same word have been stored up for fire, being reserved against the day of judgment and destruction of ungodly men.

Koroka, aomap an utara, tan shine ambe iteki oira yan; Utarapa otta shine to anak ne ashikne shine wan hotne pa ukorachi ne, orowa, ashikne shine wan hotne pa anak shine to korachi ne ruwe ne.

Korka, a=omap an utar, tan sine anpe iteki oyra yan; Utarpa or ta sine to anakne asikne sine wan hotne pa ukoraci ne, orowa, asikne sine wan hotne pa anak sine to koraci ne ruwe ne.

εν δε τουτο μη λανθανετω υμας αγαπητοι οτι μια ημερα παρα κυριω ως χιλια ετη και χιλια ετη ως ημερα μια

But forget not this one thing, beloved, that one day is with the Lord as a thousand years, and a thousand years as one day.

Okai utara esanniyo korachi Utarapa anak ne koro eitakamkire gusu moire shomo ne; koroka, nen ne yakka aisamka kuni ambe Shinuma konoburu shomoki no, utara obitta yaikokatpak kuni ambe konoburu wa, echi utara gusu ramushiporore ruwe ne na.

Okay utar esanniyo koraci Utarpa anakne kor eytakamkire kusu moyre somo ne; korka, nen ne yakka a=ysamka kuni anpe Sinuma konopuru somo ki no, utar opitta yaykokatpak kuni anpe konopuru wa, eci utar kusu ramusiporore ruwe ne na.

ου βραδυνει κυριος της επαγγελιας ως τινες βραδυτητα ηγουνται αλλα μακροθυμει εις υμας μη βουλομενος τινας απολεσθαι αλλα παντας εις μετανοιαν χωρησαι

The Lord is not slack concerning his promise, as some count slackness; but is longsuffering to you-ward, not wishing that any should perish, but that all should come to repentance.

Koroka, Utarapa tobo anak ne ikka guru korachi ek kusu ne; nei ita kando anak ne poro humi ashte wa isama, orowa, kando orunbe shiri seisek wa nin, orowa, toitoi hene otta okai ikip hene auhuyeka wa aisamka kusu ne na.

Korka, Utarpa topo anakne ikka kur koraci ek kusu ne; ne hi ta kanto anakne poro humi aste wa isam, orowa, kanto orunpe siri sesek wa nin, orowa, toytoy hene or ta okay iki p hene awhuyeka wa a=ysamka kusu ne na.

ηξει δε ημερα κυριου ως κλεπτης εν η οι ουρανοι ροιζηδον παρελευσονται στοιχεια δε καυσουμενα λυθησεται και γη και τα εν αυτη εργα ευρεθησεται

But the day of the Lord will come as a thief; in the which the heavens shall pass away with a great noise, and the elements shall be dissolved with fervent heat, and the earth and the works that are therein shall be burned up.

Tap korachi tap okaibe nin wa aisamka kuni ambe ne sekoro chi eraman gusu, turu-sak no moshiri koishu hene ki,

Tap koraci tap okaype nin wa a=ysamka kuni anpe ne sekor ci eraman kusu, tur-sak no mosir koysu hene ki,

τουτων ουτως παντων λυομενων ποταπους δει υπαρχειν [υμας] εν αγιαις αναστροφαις και ευσεβειαις

Seeing that these things are thus all to be dissolved, what manner of persons ought ye to be in [all ]holy living and godliness,

Kamui ko-oripak hene ki, gusu kando uhuye wa nin, kando orunbe shiri seisek wa ru Kamui toho ek kuni ambe shi no chipachipa hine ehuye hene ki wa, nekon a okai utara chi ne kunip etokosh ruwe he an?

Kamuy ko-oripak hene ki, kusu kanto uhuy wa nin, kanto orunpe siri sesek wa ru Kamuy toho ek kuni anpe sino cipacipa hine ehuy hene ki wa, nekona okay utar ci ne kunip etokos ruwe he an?

προσδοκωντας και σπευδοντας την παρουσιαν της του θεου ημερας δι ην ουρανοι πυρουμενοι λυθησονται και στοιχεια καυσουμενα τηκεται

looking for and earnestly desiring the coming of the day of God, by reason of which the heavens being on fire shall be dissolved, and the elements shall melt with fervent heat?

Koroka, Shinuma ki eitakamkire ambe nei no, otta oupeka ambe oshiroma ashiri kando ashiri toitoi chi ehuye korʼan ruwe ne.

Korka, Sinuma ki eytakamkire anpe néno, or ta owpeka anpe osiroma a=siri kanto a=siri toytoy ci ehuy kor an ruwe ne.

καινους δε ουρανους και γην καινην κατα το επαγγελμα αυτου προσδοκωμεν εν οις δικαιοσυνη κατοικει

But, according to his promise, we look for new heavens and a new earth, wherein dwelleth righteousness.

Tambe gusu, aomap an utara, tap okaibe echi ehuye wa okai gusu, echi utara anak ne Shinuma tek-samata echi sak no, piri isam no, itomo an no anukara kuni ne shiarikiki no kara yan.

Tanpe kusu, a=omap an utar, tap okaype eci=ehuy wa okay kusu, eci utar anakne Sinuma tek-sama ta eci=sak no, piri isam no, i=tom an no a=nukar kuni ne siarikiki no kar yan.

διο αγαπητοι ταυτα προσδοκωντες σπουδασατε ασπιλοι και αμωμητοι αυτω ευρεθηναι εν ειρηνη

Wherefore, beloved, seeing that ye look for these things, give diligence that ye may be found in peace, without spot and blameless in his sight.

Orowa, chikoro Utarapa ramu-shiporore-hi anak ne kashiobiuki ambe ne sekoro esanniyo yan; chikoro omap an iriwak ne Pauros ne yakka orota akore wayashnu-i korachi echi gusu nuye nei no ki yan; Shinuma anak ne obitta nuye kambi kata poka tap okaibe gusu ye na;

Orowa, ci=kor Utarpa ramu-siporore hi anakne kasiopiwki anpe ne sekor esanniyo yan; ci=kor omap an irwak ne Pawros ne yakka oro ta a=kore wayasnu hi koraci eci kusu nuye néno ki yan; Sinuma anakne opitta nuye kampi kata poka tap okaype kusu ye na;

και την του κυριου ημων μακροθυμιαν σωτηριαν ηγεισθε καθως και ο αγαπητος ημων αδελφος παυλος κατα την δοθεισαν αυτω σοφιαν εγραψεν υμιν

And account that the longsuffering of our Lord is salvation; even as our beloved brother Paul also, according to the wisdom given to him, wrote unto you;

nei oshiketa eramuhokamba orushpe okai, aine, erampeutek wa utumashire utara anak ne yaikota isamka gusu moshima okai Kamui kambi poka oheugere korachi, nei ambe ne yakka oheugere ruwe ne.

ne oske ta eramuhokanpa oruspe okay, ayne, eranpewtek wa utumasire utar anakne yaykota isamka kusu mosma okay Kamuy kampi poka ohewkere koraci, ne anpe ne yakka ohewkere ruwe ne.

ως και εν πασαις επιστολαις λαλων εν αυταις περι τουτων εν αις εστιν δυσνοητα τινα α οι αμαθεις και αστηρικτοι στρεβλουσιν ως και τας λοιπας γραφας προς την ιδιαν αυτων απωλειαν

as also in all [his ]epistles, speaking in them of these things; wherein are some things hard to be understood, which the ignorant and unstedfast wrest, as [they do ]also the other scriptures, unto their own destruction.

Tambe gusu, aomap an utara, echi utara anak ne etoko wano eraman gusu, ikineipeka, katpak koro utara koro ohaitap ani aekira wa, yaikota koro utumashi shomoki ambe iteki autumashire kuni ne yaitubare yan.

Tanpe kusu, a=omap an utar, eci utar anakne etoko wano eraman kusu, ikineypeka, katpak kor utar kor ohaytap ani a=ekira wa, yaykota kor utumasi somo ki anpe iteki awtumasire kuni ne yaytupare yan.

υμεις ουν αγαπητοι προγινωσκοντες φυλασσεσθε ινα μη τη των αθεσμων πλανη συναπαχθεντες εκπεσητε του ιδιου στηριγμου

Ye therefore, beloved, knowing [these things ]beforehand, beware lest, being carried away with the error of the wicked, ye fall from your own stedfastness.

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.

Korka, ci=kor Utarpa newa un Kashiobiukip ne Yesu Kiristo kusu an irenka newa eramuspe oske ta sukup yan. Sinuma oro ta tane ne yakka otu sasuysir pakno ne yakka nupeki an na. Amen.

αυξανετε δε εν χαριτι και γνωσει του κυριου ημων και σωτηρος ιησου χριστου αυτω η δοξα και νυν και εις ημεραν αιωνος [αμην]

But grow in the grace and knowledge of our Lord and Saviour Jesus Christ. To him [be ]the glory both now and for ever. Amen.