Son no rengaine an mondum ari an an ambe ani Kiristo anak ne un honnere nisa ruwe ne: tambe gusu, roshki wa iteki ausshiune an rekuchi orunbe gusu aeyausshiunere yan.
Sonno renkayne an montum ari an an anpe ani Kiristo anakne un honnere nisa ruwe ne: tanpe kusu, roski wa iteki aussiwne an rekuci orunpe kusu aeyaussiwnere yan.
τη ελευθερια ημας χριστος ηλευθερωσεν στηκετε ουν και μη παλιν ζυγω δουλειας ενεχεσθε
この自由を得させるために、キリストはわたしたちを自由の身にしてくださったのです。だから、しっかりしなさい。奴隷の軛に二度とつながれてはなりません。
Ingara yan, kuani, Pauros anak ne echi otta ku ye, echi utara okarituye buri akire chiki, Kiristo anak ne shomo echi pirikare kusu ne.
Inkar yan, kuani, Pawros anakne eci or ta ku=ye, eci utar okarituye puri a=kir ciki, Kiristo anakne somo eci=pirkare kusu ne.
ιδε εγω παυλος λεγω υμιν οτι εαν περιτεμνησθε χριστος υμας ουδεν ωφελησει
ここで、わたしパウロはあなたがたに断言します。もし割礼を受けるなら、あなたがたにとってキリストは何の役にも立たない方になります。
Ruwe ne wa, nen ne yakka okarituye buri akire pishno pishno an gurʼanak ne obitta no okai tuitak ki kunip ne sekoro ku ye ruwe ne.
Ruwe ne wa, nen ne yakka okarituye puri a=kir pisno pisno an kur anakne opittano okay tuytak ki kunip ne sekor ku=ye ruwe ne.
μαρτυρομαι δε παλιν παντι ανθρωπω περιτεμνομενω οτι οφειλετης εστιν ολον τον νομον ποιησαι
割礼を受ける人すべてに、もう一度はっきり言います。そういう人は律法全体を行う義務があるのです。
Tuitak gusu aoupekare kuni esanniyo echi utara anak ne Kiristo orowa no aemakap ne, Kamui irenga ehaitap ne ruwe ne na Inambe gusu ne yakun,
Tuytak kusu a=owpekare kuni esanniyo eci utar anakne Kiristo oro wano a=emakap ne, Kamuy irenka e=haytap ne ruwe ne na Inanpe kusu ne yakun,
κατηργηθητε απο χριστου οιτινες εν νομω δικαιουσθε της χαριτος εξεπεσατε
律法によって義とされようとするなら、あなたがたはだれであろうと、キリストとは縁もゆかりもない者とされ、いただいた恵みも失います。
chi utara anak ne chipachipa ki hine eishokor-i ani Ramat gusu oupeka ambe untere ruwe ne gusu ne na.
ci utar anakne cipacipa ki hine eysokor hi ani Ramat kusu owpeka anpe untere ruwe ne kusu ne na.
ημεις γαρ πνευματι εκ πιστεως ελπιδα δικαιοσυνης απεκδεχομεθα
わたしたちは、義とされた者の希望が実現することを、“霊”により、信仰に基づいて切に待ち望んでいるのです。
Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.
Kiristo Yesu oske ta okarituye puri a=kir hi hene, somo okarituye puri a=kir hi hene, e=pirkare somo ki: korka, omap iki wa eysokor hi patek e=pirkare ruwe ne.
εν γαρ χριστω [ιησου] ιησου ουτε περιτομη τι ισχυει ουτε ακροβυστια αλλα πιστις δι αγαπης ενεργουμενη
キリスト・イエスに結ばれていれば、割礼の有無は問題ではなく、愛の実践を伴う信仰こそ大切です。
Echi utara anak ne pirika no hoyuppa nisa, awa, son no ambe shomo echi ki kuni shinnetush guru nen ne ruwe?
Eci utar anakne pirkano hoyuppa nisa, awa, sonno anpe somo eci=ki kuni sinnetus kur nen ne ruwe?
ετρεχετε καλως τις υμας ενεκοψεν [τη] αληθεια μη πειθεσθαι
あなたがたは、よく走っていました。それなのに、いったいだれが邪魔をして真理に従わないようにさせたのですか。
Tan onishnishi ambe anak ne echi hotuyekara ambe orowa no an ambe shomo ne.
Tan onisnisi anpe anakne eci=hotuyekar anpe oro wano an anpe somo ne.
η πεισμονη ουκ εκ του καλουντος υμας
このような誘いは、あなたがたを召し出しておられる方からのものではありません。
Pon no pandane anak ne nei epunepushbe obitta shipushkere ruwe ne.
Ponno pantane anakne ne epunepuspe opitta sipuskere ruwe ne.
μικρα ζυμη ολον το φυραμα ζυμοι
わずかなパン種が練り粉全体を膨らませるのです。
Echi utara anak ne shinnai no esanniyo shomoki kusu ne sekoro Utarapa gusu ku yainu ruwe ne; koroka, nen ne yakka echi chiukopoyere gurʼanak ne nei akoipishi ambe sei kusu ne na.
Eci utar anakne sinnayno esanniyo somo ki kusu ne sekor Utarpa kusu ku=yaynu ruwe ne; korka, nen ne yakka eci ciwkopoyere kur anakne ne akoypisi anpe sey kusu ne na.
εγω πεποιθα εις υμας εν κυριω οτι ουδεν αλλο φρονησετε ο δε ταρασσων υμας βαστασει το κριμα οστις εαν η
あなたがたが決して別な考えを持つことはないと、わたしは主をよりどころとしてあなたがたを信頼しています。あなたがたを惑わす者は、だれであろうと、裁きを受けます。
Koroka, iriwak utara, kuani anak ne okarituye orushpe eupaskuma yakun, nep gusu tane ne yakka, a en keshke wa an a? Yak anak ne utasa chikuni gusu an ureepetchiurep anak aisamka nisa ruwe ne na.
Korka, irwak utar, kuani anakne okarituye oruspe ewpaskuma yakun, nep kusu tane ne yakka, a en=keske wa an a? Yakanak ne utasa cikuni kusu an ureepetciwrep anak a=ysamka nisa ruwe ne na.
εγω δε αδελφοι ει περιτομην ετι κηρυσσω τι ετι διωκομαι αρα κατηργηται το σκανδαλον του σταυρου
兄弟たち、このわたしが、今なお割礼を宣べ伝えているとするならば、今なお迫害を受けているのは、なぜですか。そのようなことを宣べ伝えれば、十字架のつまずきもなくなっていたことでしょう。
Echi chiukopoyere utara anak ne echi orowa no paye kuni ku kon rusui ruwe ne.
Eci ciwkopoyere utar anakne eci=oro wano paye kuni ku=kor rusuy ruwe ne.
οφελον και αποκοψονται οι αναστατουντες υμας
あなたがたをかき乱す者たちは、いっそのこと自ら去勢してしまえばよい。
Iriwak utara, echi utara anak ne rengaine an mondum akore kuni ne ahotuyekan nisa ruwe ne; awa, kam irenga gusu iteki nei a echi akore rengaine an mondum eiwange yan, koroka, omap ki wa gusu uweutashpa uweyaiusshiunere yan.
Irwak utar, eci utar anakne renkayne an montum a=kore kuni ne a=hotuyekar nisa ruwe ne; awa, kam irenka kusu iteki ne a eci=a=kore renkayne an montum eywanke yan, korka, omap ki wa kusu uwewtaspa uweyayussiwnere yan.
υμεις γαρ επ ελευθερια εκληθητε αδελφοι μονον μη την ελευθεριαν εις αφορμην τη σαρκι αλλα δια της αγαπης δουλευετε αλληλοις
兄弟たち、あなたがたは、自由を得るために召し出されたのです。ただ、この自由を、肉に罪を犯させる機会とせずに、愛によって互いに仕えなさい。
Inambe gusu ne yakun, tuitak ebitta, shine itak ani auweomare ruwe ne, nei ambe anak ene ani ne; Eani yaikota yaiomap korachi aota un guru omap yan, sekorobe ne.
Inanpe kusu ne yakun, tuytak epitta, sine itak ani a=ueomare ruwe ne, ne anpe anak ene ani ne; Eani yaykota yayomap koraci a=o ta un kur omap yan, sekorope ne.
ο γαρ πας νομος εν ενι λογω πεπληρωται εν τω αγαπησεις τον πλησιον σου ως σεαυτον
律法全体は、「隣人を自分のように愛しなさい」という一句によって全うされるからです。
Koroka, echi utara anak ne, uweutashpa uwekuba hemhem ki, uweibe hemhem ki chiki, ikineipeka, echi utara shomo utashpa uweaisamka kuni ne yaitubare yan.
Korka, eci utar anakne, uwewtaspa uwekupa hemhem ki, uweype hemhem ki ciki, ikineypeka, eci utar somo utaspa uweaysamka kuni ne yaytupare yan.
ει δε αλληλους δακνετε και κατεσθιετε βλεπετε μη υπ αλληλων αναλωθητε
だが、互いにかみ合い、共食いしているのなら、互いに滅ぼされないように注意しなさい。
Koroka, ene ku ye-hi:— Ramat otta apkash yan; yakun, kam gusu ibeporore ambe shomo echi uweomare kusu ne.
Korka, ene ku=ye hi:— Ramat or ta apkas yan; yakun, kam kusu ipeporore anpe somo eci=ueomare kusu ne.
λεγω δε πνευματι περιπατειτε και επιθυμιαν σαρκος ου μη τελεσητε
わたしが言いたいのは、こういうことです。霊の導きに従って歩みなさい。そうすれば、決して肉の欲望を満足させるようなことはありません。
Inambe gusu ne yakun, kam anak ne ramat gusu ibeporore ki, orowa, ramat anak ne kam gusu ki ruwe ne gusu ne na; nei okaibe utashpa uweepokba ruwe ne gusu, echi ki rusuibe echi kara eaikap ruwe ne.
Inanpe kusu ne yakun, kam anakne ramat kusu ipeporore ki, orowa, ramat anakne kam kusu ki ruwe ne kusu ne na; ne okaype utaspa uwepokpa ruwe ne kusu, eci=ki rusuy pe eci=kar eaykap ruwe ne.
η γαρ σαρξ επιθυμει κατα του πνευματος το δε πνευμα κατα της σαρκος ταυτα γαρ αλληλοις αντικειται ινα μη α εαν θελητε ταυτα ποιητε
肉の望むところは、霊に反し、霊の望むところは、肉に反するからです。肉と霊とが対立し合っているので、あなたがたは、自分のしたいと思うことができないのです。
Koroka, echi utara anak ne Ramat ari aani yakun, tuitak choropoketa echi okai shomoki ruwe ne.
Korka, eci utar anakne Ramat ari an yakun, tuytak corpoke ta eci=okay somo ki ruwe ne.
ει δε πνευματι αγεσθε ουκ εστε υπο νομον
しかし、霊に導かれているなら、あなたがたは、律法の下にはいません。
Kam gusu iki ikip anak ne anukara wa an ruwe ne; aige, tapne an ruwe ne:— Hoiyop hene, ichakkere ambe hene, ramupekerep hene, potoki ko ongami ambe hene,
Kam kusu iki iki p anakne a=nukar wa an ruwe ne; ayke, tapne an ruwe ne:— Hoiyop hene, icakkere anpe hene, ramupekerep hene, potoki ko onkami anpe hene,
φανερα δε εστιν τα εργα της σαρκος ατινα εστιν πορνεια ακαθαρσια ασελγεια
肉の業は明らかです。それは、姦淫、わいせつ、好色、
aesaman ambe hene, epokbap hene, upaore hene, ikoitupap hene, kinrakarabe hene, sakayo karabe hene, uwekoppa an ambe hene, Kamui orushpe ohoge yainu ambe hene, eyaitunnap ki ambe hene, ihoshki ambe hene,
a=esaman anpe hene, epokpap hene, upaore hene, ikoytupa p hene, kinrakarape hene, sakayo kar pe hene, uwekoppa an anpe hene, Kamuy oruspe ohoke yaynu anpe hene, eyaytunnap ki anpe hene, ihoski anpe hene,
ειδωλολατρια φαρμακεια εχθραι ερις ζηλος θυμοι εριθειαι διχοστασιαι αιρεσεις
偶像礼拝、魔術、敵意、争い、そねみ、怒り、利己心、不和、仲間争い、
iku-sakayo hene, nei no okaibe anak kam gusu iki ikip ne ruwe ne: tap okaibe gusu etokota echi nure ash korachi, irammakaka echi nure na, nei okaibe iki utara anak ne Kamui moshiri eikeshkore shomoki kusu ne na.
iku-sakayo hene, néno okaype anak kam kusu iki iki p ne ruwe ne: tap okaype kusu etoko ta eci=nure as koraci, irammakaka eci=nure na, ne okaype iki utar anakne Kamuy mosir eykeskore somo ki kusu ne na.
φθονοι μεθαι κωμοι και τα ομοια τουτοις α προλεγω υμιν καθως προειπον οτι οι τα τοιαυτα πρασσοντες βασιλειαν θεου ου κληρονομησουσιν
ねたみ、泥酔、酒宴、その他このたぐいのものです。以前言っておいたように、ここでも前もって言いますが、このようなことを行う者は、神の国を受け継ぐことはできません。
Koroka, Ramat hetukure ibehe anak ne tambe ne ruwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,
Korka, Ramat hetukure ipehe anakne tanpe ne ruwe ne; — Onrap hi hene, a=kopuntek anpe hene, i=tom hene, ramusiporore anpe hene, ramuhawke hi hene, pirka hi hene, eysokor hi atte anpe hene,
ο δε καρπος του πνευματος εστιν αγαπη χαρα ειρηνη μακροθυμια χρηστοτης αγαθωσυνη πιστις
これに対して、霊の結ぶ実は愛であり、喜び、平和、寛容、親切、善意、誠実、
ramushiroma ambe hene, yaishikkashima ambe hene ne ruwe ne: nei okaibe epokba tuitak isam ruwe ne.
ramusiroma anpe hene, yaysikkasma anpe hene ne ruwe ne: ne okaype epokpa tuytak isam ruwe ne.
πραυτης εγκρατεια κατα των τοιουτων ουκ εστιν νομος
柔和、節制です。これらを禁じる掟はありません。
Orowa, Kiristo Yesu kore utara anak ne kam hene, kara gusu an ayairamshitnere ambe newa ibeporore ambe tura utasa chikuni otta kotukka nisa ruwe ne na.
Orowa, Kiristo Yesu kore utar anakne kam hene, kar kusu an ayayramsitnere anpe newa ipeporore anpe tura utasa cikuni or ta kotukka nisa ruwe ne na.
οι δε του χριστου ιησου [ιησου] την σαρκα εσταυρωσαν συν τοις παθημασιν και ταις επιθυμιαις
キリスト・イエスのものとなった人たちは、肉を欲情や欲望もろとも十字架につけてしまったのです。
Chi utara Ramat gusu ishu chiki, Ramat gusu apkash ne yakka ki yanro.
Ci utar Ramat kusu i=su ciki, Ramat kusu apkas ne yakka ki yanro.
ει ζωμεν πνευματι πνευματι και στοιχωμεν
わたしたちは、霊の導きに従って生きているなら、霊の導きに従ってまた前進しましょう。
Chi utara iteki yaiomonnure ki wa utashpa uweirushkare uweeyairamikashure ki yanro.
Ci utar iteki yayomonnure ki wa utaspa uweyruskare uweeyayramikasure ki yanro.
μη γινωμεθα κενοδοξοι αλληλους προκαλουμενοι αλληλοις φθονουντες
うぬぼれて、互いに挑み合ったり、ねたみ合ったりするのはやめましょう。