TIMOTEOSORUN AOMANDEHOSHIKI AN KAMBI.

Chikoro un kashiobiukip ne Kamui ikashpaotte newa, gusu echipachipa ash Kiristo Yesu ankushkerai Kiristo Yesu koro Apostoro ne akara Pauros ku ne anak ne,

Ci=kor un kasiopiwkip ne Kamuy ikaspaotte newa, kusu ecipacipa as Kiristo Yesu an kuskeray Kiristo Yesu kor Apostoro ne a=kar Pawros ku ne anakne,

παυλος αποστολος χριστου ιησου κατ επιταγην θεου σωτηρος ημων και χριστου ιησου της ελπιδος ημων

Paul, an apostle of Christ Jesus according to the commandment of God our Saviour, and Christ Jesus our hope;

eishokor-i gusu son no an ku poho ne Timoteos otta kambi ku omande na: Michi ne Kamui newa chikoro Utarapa ne Kiristo Yesu orowa no irenga hemhem, rampoken hemhem, itomo hemhem echi kore an kuni akoramkon na.

eysokor hi kusu sonno an ku=poho ne Timoteos or ta kampi ku=omante na: Mici ne Kamuy newa ci=kor Utarpa ne Kiristo Yesu oro wano irenka hemhem, ranpoken hemhem, i=tom hemhem eci=kore an kuni a=koramkor na.

τιμοθεω γνησιω τεκνω εν πιστει χαρις ελεος ειρηνη απο θεου πατρος και χριστου ιησου του κυριου ημων

unto Timothy, my true child in faith: Grace, mercy, peace, from God the Father and Christ Jesus our Lord.

Etokota Makedonia moshirʼotta ku arapa ita eani anak ne Epesos kotan ta riya hine, okai an utara anak ne moshima an epakashi iteki epakashnu, samata, eishokor-i oma Kamui orowa no ashikkashimare ambe shomo ne no an,

Etoko ta Makedonia mosir or ta ku=arpa hi ta eani anakne Epesos kotan ta riya hine, okay an utar anakne mosma an epakasi iteki epakasnu, sama ta, eysokor hi oma Kamuy oro wano a=sikkasmare anpe somo ne no an,

καθως παρεκαλεσα σε προσμειναι εν εφεσω πορευομενος εις μακεδονιαν ινα παραγγειλης τισιν μη ετεροδιδασκαλειν

As I exhorted thee to tarry at Ephesus, when I was going into Macedonia, that thou mightest charge certain men not to teach a different doctrine,

koroka, makangane upahunara ambe hetukure uwepekere newa ainu ikiri reihei gusu an orushpe iteki ekotanu wa esanniyo kuni ne ku ikashpaotte ash korachi, tane ne yakka ku iki na.

korka, makankane upahunara anpe hetukure uwepeker newa aynu ikiri rehe kusu an oruspe iteki e=kotan wa esanniyo kuni ne ku=ikaspaotte as koraci, tane ne yakka ku=iki na.

μηδε προσεχειν μυθοις και γενεαλογιαις απεραντοις αιτινες εκζητησεις παρεχουσιν μαλλον η οικονομιαν θεου την εν πιστει

neither to give heed to fables and endless genealogies, the which minister questionings, rather than a dispensation of God which is in faith; [so do I now].

Koroka, nei ikashpaotte eramushinnere ambe anak turu-sak sambe wano omap-hi oashinge ambe hemhem, aotkeotke shomo ne an keutum korobe hemhem, kankapkapeka sak no an eishokor-i atte ambe hemhem ne ruwe ne:

Korka, ne ikaspaotte eramusinnere anpe anak tur-sak sanpe wano omap hi oasinke anpe hemhem, a=otkeotke somo ne an kewtum kor pe hemhem, kankapkapeka sak no an eysokor hi atte anpe hemhem ne ruwe ne:

το δε τελος της παραγγελιας εστιν αγαπη εκ καθαρας καρδιας και συνειδησεως αγαθης και πιστεως ανυποκριτου

But the end of the charge is love out of a pure heart and a good conscience and faith unfeigned:

tapan okaibe gusu sereke okai utara ihaita wa oha-itak eun eshirihoshi henoye nisa ruwe ne;

tapan okaype kusu serke okay utar ihayta wa oha-itak eun esirihosi henoye nisa ruwe ne;

ων τινες αστοχησαντες εξετραπησαν εις ματαιολογιαν

from which things some having swerved have turned aside unto vain talking;

nei utara anak ne yaikota sange itak hene shiyuppa no ye orushpe ikkeu hene erampeutek a yakka, tuitak epakashnu utara ne rusui ruwe ne.

ne utar anakne yaykota sanke itak hene siyuppa no ye oruspe ikkew hene eranpewtek a yakka, tuytak epakasnu utar ne rusuy ruwe ne.

θελοντες ειναι νομοδιδασκαλοι μη νοουντες μητε α λεγουσιν μητε περι τινων διαβεβαιουνται

desiring to be teachers of the law, though they understand neither what they say, nor whereof they confidently affirm.

Koroka, ainu anak ne oheuge sak no nei tuitak eiwange yakun, tuitak anak pirikap ne sekoro chi eraman;

Korka, aynu anakne ohewke sak no ne tuytak eywanke yakun, tuytak anak pirka p ne sekor ci eraman;

οιδαμεν δε οτι καλος ο νομος εαν τις αυτω νομιμως χρηται

But we know that the law is good, if a man use it lawfully,

tambe ka chi eraman, tuitak anak ne oupeka utara gusu akarape shomo ne, koroka, ihaita keutura koro utara newa itakkashi utara gusu Kamui kooripak shomoki utara newa chikokatpak utara gusu, turu-ush utara newa momok utara gusu, michihi raige utara newa unuhu raige utara gusu, keweuk utara gusu,

tanpe ka ci eraman, tuytak anakne owpeka utar kusu a=karpe somo ne, korka, ihayta kewtura kor utar newa itakkasi utar kusu Kamuy kooripak somo ki utar newa ci=kokatpak utar kusu, tur-us utar newa momok utar kusu, micihi rayke utar newa unuhu rayke utar kusu, keweuk utar kusu,

ειδως τουτο οτι δικαιω νομος ου κειται ανομοις δε και ανυποτακτοις ασεβεσιν και αμαρτωλοις ανοσιοις και βεβηλοις πατρολωαις και μητρολωαις ανδροφονοις

as knowing this, that law is not made for a righteous man, but for the lawless and unruly, for the ungodly and sinners, for the unholy and profane, for murderers of fathers and murderers of mothers, for manslayers,

hoiyo utara gusu, ukokateaikap utara gusu, ainu eikka utara gusu, shunge utara gusu, ikoshunge utara gusu, samata, nep ne yakka nisashnu epakashi kopakeat shomo ne ambe an chiki, nei ambe gusu tuitak akan na;

hoiyo utar kusu, ukokateaykap utar kusu, aynu eikka utar kusu, sunke utar kusu, ikosunke utar kusu, sama ta, nep ne yakka nisasnu epakasi kopakeat somo ne anpe an ciki, ne anpe kusu tuytak a=kar na;

πορνοις αρσενοκοιταις ανδραποδισταις ψευσταις επιορκοις και ει τι ετερον τη υγιαινουση διδασκαλια αντικειται

for fornicators, for abusers of themselves with men, for menstealers, for liars, for false swearers, and if there be any other thing contrary to the sound doctrine;

tambe anak en shikkashimare shinnunuke an Kamui arakuru gusu an pirika shongo nei no an ap ne ruwe ne na.

tanpe anak en=sikkasmare sinnunuke an Kamuy a=rakur kusu an pirka sonko néno an ap ne ruwe ne na.

κατα το ευαγγελιον της δοξης του μακαριου θεου ο επιστευθην εγω

according to the gospel of the glory of the blessed God, which was committed to my trust.

En eashkaire chikoro Utarapa ne Kiristo Yesu ku koyaiiraige na, Shinuma anak ne ikipniukesh guru ku ne sekoro esanniyo hine otta ku yaishieiwangere kuni ne en atte nisa ruwe ne gusu ne na;

En easkayre ci=kor Utarpa ne Kiristo Yesu ku=koyayirayke na, Sinuma anakne ikipniwkes kur ku ne sekor esanniyo hine or ta ku yaysieywankere kuni ne en=atte nisa ruwe ne kusu ne na;

χαριν εχω τω ενδυναμωσαντι με χριστω ιησου τω κυριω ημων οτι πιστον με ηγησατο θεμενος εις διακονιαν

I thank him that enabled me, [even ]Christ Jesus our Lord, for that he counted me faithful, appointing me to [his ]service;

etokota Kamui koatchap ku ne, keshke guru ku ne, shomo yaikatanu ki guru ku ne a yakka: aige, ku eumbipka wa erampeutek no nei no ku iki nisa ruwe ne gusu aerampokiwen wa a en kore an na;

etoko ta Kamuy koatcap ku ne, keske kur ku ne, somo yaykatanu ki kur ku ne a yakka: ayke, ku=eunpipka wa eranpewtek no néno ku=iki nisa ruwe ne kusu a=eranpokiwen wa a en=kore an na;

το προτερον οντα βλασφημον και διωκτην και υβριστην αλλα ηλεηθην οτι αγνοων εποιησα εν απιστια

though I was before a blasphemer, and a persecutor, and injurious: howbeit I obtained mercy, because I did it ignorantly in unbelief;

orowa, chikoro Utarapa korʼirenga anak Kiristo Yesu oshiketa an eishokor-i newa omap ambe tura shi no nuye an no an nisa ruwe ne na.

orowa, ci=kor Utarpa kor irenka anak Kiristo Yesu oske ta an eysokor hi newa omap anpe turasi no nuye an no an nisa ruwe ne na.

υπερεπλεονασεν δε η χαρις του κυριου ημων μετα πιστεως και αγαπης της εν χριστω ιησου

and the grace of our Lord abounded exceedingly with faith and love which is in Christ Jesus.

Kiristo Yesu anak ne katpak koro utara kashiobiuki gusu moshirʼotta ek nisa ruwe ne ari an itak anak ne son no ambe ne, utara shikkashima kuni an itak ne ruwe ne na; nei utara tumuge ta iyotta wenbe ku ne ruwe ne!

Kiristo Yesu anakne katpak kor utar kasiopiwki kusu mosir or ta ek nisa ruwe ne ari an itak anakne sonno anpe ne, utar sikkasima kuni an itak ne ruwe ne na; ne utar tumuke ta iyotta wenpe ku ne ruwe ne!

πιστος ο λογος και πασης αποδοχης αξιος οτι χριστος ιησους ηλθεν εις τον κοσμον αμαρτωλους σωσαι ων πρωτος ειμι εγω

Faithful is the saying, and worthy of all acceptation, that Christ Jesus came into the world to save sinners; of whom I am chief:

Yakka, tapan ikkewehe an gusu a en erampokiwen wa akore ruwe ne, tewa no shiokere shomoki inotu aoma kuni ne Shinuma eishokoro utara epeka shiroshi ne gusu iyotta wenbe ne en otta Yesu Kiristo anak ne obitta no okai koro ramushiporore ambe nukare kuni gusu ne na.

Yakka, tapan ikkewehe an kusu a en=eranpokiwen wa a=kore ruwe ne, tewano siokere somo ki inotu aoma kuni ne Sinuma eysokor utar epeka sirosi ne kusu iyotta wenpe ne en or ta Yesu Kiristo anakne opittano okay kor ramusiporore anpe nukare kuni kusu ne na.

αλλα δια τουτο ηλεηθην ινα εν εμοι πρωτω ενδειξηται χριστος ιησους την απασαν μακροθυμιαν προς υποτυπωσιν των μελλοντων πιστευειν επ αυτω εις ζωην αιωνιον

howbeit for this cause I obtained mercy, that in me as chief might Jesus Christ shew forth all his longsuffering, for an ensample of them which should hereafter believe on him unto eternal life.

Tane, otusashuishiri pakno an, munin shomoki, anukara eaikap, patek Kamui ne, Moshiri shikkashimap otta aeoripakbe newa arakuru newa ramma-ramma an na. Amen.

Tane, otu sasuysir pakno an, munin somo ki, a=nukar eaykap, patek Kamuy ne, Mosir sikkasimap or ta aeoripakpe newa a=rakur newa ramma-ramma an na. Amen.

τω δε βασιλει των αιωνων αφθαρτω αορατω μονω θεω τιμη και δοξα εις τους αιωνας των αιωνων αμην

Now unto the King eternal, incorruptible, invisible, the only God, [be ]honour and glory for ever and ever. Amen.

Ku poho ne Timoteos, ani pirika tumi e kotumikoro iki kuni ne, teeda e kashita etoko arapa uweingarape an korachi,

Ku=poho ne Timoteos, ani pirka tumi e kotumikor iki kuni ne, teeta e kasi ta etoko arpa uweinkarape an koraci,

ταυτην την παραγγελιαν παρατιθεμαι σοι τεκνον τιμοθεε κατα τας προαγουσας επι σε προφητειας ινα στρατευη εν αυταις την καλην στρατειαν

This charge I commit unto thee, my child Timothy, according to the prophecies which went before on thee, that by them thou mayest war the good warfare;

ku e ikashpaotte ash na; aotke-otke shomo ne an keutura ani korachi eishokor-i atte yan; sereke okai utara anak ne nei ambe epeka eyaikoemaka hine eishokor-i gusu mimam-awende okere ruwe ne:

ku=e ikaspaotte as na; a=otke-otke somo ne an kewtura ani koraci eysokor hi atte yan; serke okay utar anakne ne anpe epeka eyaykoemaka hine eysokor hi kusu mimam-awente okere ruwe ne:

εχων πιστιν και αγαθην συνειδησιν ην τινες απωσαμενοι περι την πιστιν εναυαγησαν

holding faith and a good conscience; which some having thrust from them made shipwreck concerning the faith:

nei utara tumugeta Humenaios newa Areksandros okai; aige, nei utara iteki Kamui koatcha kuni ne aepakashnu gusu, Satan otta ku arapare nisa ruwe ne na.

ne utar tumke ta Humenayos newa Areksandros okay; ayke, ne utar iteki Kamuy koatca kuni ne a=epakasnu kusu, Satan or ta ku=arpare nisa ruwe ne na.

ων εστιν υμεναιος και αλεξανδρος ους παρεδωκα τω σατανα ινα παιδευθωσιν μη βλασφημειν

of whom is Hymenaeus and Alexander; whom I delivered unto Satan, that they might be taught not to blaspheme.

Obitta no okai utara gusu koramkoro itak hemhem, inonno-itak hemhem, Kamui anishuk itak hemhem, yaiiraige an ambe hemhem, hoshiki no aye kuni kuani e onishnishi ash na;

Opittano okay utar kusu koramkor itak hemhem, inonno-itak hemhem, Kamuy a=nisuk itak hemhem, yayirayke an anpe hemhem, hoskino a=ye kuni kuani e onisnisi as na;

παρακαλω ουν πρωτον παντων ποιεισθαι δεησεις προσευχας εντευξεις ευχαριστιας υπερ παντων ανθρωπων

I exhort therefore, first of all, that supplications, prayers, intercessions, thanksgivings, be made for all men;

Moshiri shikkashima utara newa pase mondum koro utara gusu ne yakka; tambe anak nekon a ka Kamui kooripak an no yaikatanu hine ratchitara wa itomo kon no oshiroma kuni gusu ne na.

Mosir sikkasima utar newa pase montum kor utar kusu ne yakka; tanpe anak nekona ka Kamuy kooripak an no yaykatanu hine ratcitara wa i=tom kor no osiroma kuni kusu ne na.

υπερ βασιλεων και παντων των εν υπεροχη οντων ινα ηρεμον και ησυχιον βιον διαγωμεν εν παση ευσεβεια και σεμνοτητι

for kings and all that are in high place; that we may lead a tranquil and quiet life in all godliness and gravity.

Nei no ikichi ambe anak ne un kashiobiukip ne Kamui tek-samata pirika newa nupetnere ambe ne;

Néno ikici anpe anakne un kasiopiwkip ne Kamuy tek-sama ta pirka newa nupetnere anpe ne;

τουτο καλον και αποδεκτον ενωπιον του σωτηρος ημων θεου

This is good and acceptable in the sight of God our Saviour;

obitta no okai utara kashiaobiuki wa sonep eraman kuni ambe anak ne Shinuma koro keutum ne ruwe ne.

opittano okay utar kasiaopiwki wa sonep eraman kuni anpe anakne Sinuma kor kewtum ne ruwe ne.

ος παντας ανθρωπους θελει σωθηναι και εις επιγνωσιν αληθειας ελθειν

who willeth that all men should be saved, and come to the knowledge of the truth.

Inambe gusu ne yakun, shine Kamui an, Kamui newa ainu uturu shine iyuturuoma guru an, ainu ne,

Inanpe kusu ne yakun, sine Kamuy an, Kamuy newa aynu uturu sine iyuturuoma kur an, aynu ne,

εις γαρ θεος εις και μεσιτης θεου και ανθρωπων ανθρωπος χριστος ιησους

For there is one God, one mediator also between God and men, [himself ]man, Christ Jesus,

Kiristo Yesu ne, Shinuma anak ne obitta no okai utara kikiraye gusu yaikota yaiyange nisa ruwe ne; aige, yaikota koro pakihi ta aepaweteshu an ambe ne na;

Kiristo Yesu ne, Sinuma anakne opittano okay utar kikiraye kusu yaykota yaiyanke nisa ruwe ne; ayke, yaykota kor pakihi ta aepawetesu an anpe ne na;

ο δους εαυτον αντιλυτρον υπερ παντων το μαρτυριον καιροις ιδιοις

who gave himself a ransom for all; the testimony [to be borne ]in its own times;

nei ambe assuru ashte guru newa Apostoro ne kuni gusu a en atte okere (sonep ku ye, ku shunge shomoki,) eishokor-i newa sonep Oya un utara epakashnu gusu a en atte an na.

ne anpe assuru aste kur newa Apostoro ne kuni kusu a en=atte okere (sonep ku=ye, ku=sunke somo ki,) eysokor hi newa sonep Oya un utar epakasnu kusu a en=atte an na.

εις ο ετεθην εγω κηρυξ και αποστολος αληθειαν λεγω ου ψευδομαι διδασκαλος εθνων εν πιστει και αληθεια

whereunto I was appointed a preacher and an apostle (I speak the truth, I lie not), a teacher of the Gentiles in faith and truth.

Tambe gusu nei ita ne yakka okai utara anak ne kimakara newa utumashi keutum isam no turu-sak tekehe puni hine inonno-itak ki kuni ku kon rusui ruwe ne.

Tanpe kusu ne hi ta ne yakka okay utar anakne kimakara newa utumasi kewtum isam no tur-sak tekehe puni hine inonno-itak ki kuni ku=kor rusuy ruwe ne.

βουλομαι ουν προσευχεσθαι τους ανδρας εν παντι τοπω επαιροντας οσιους χειρας χωρις οργης και διαλογισμων διαλογισμου

I desire therefore that the men pray in every place, lifting up holy hands, without wrath and disputing.

Tambe nei no shiwente utara oripak an hine yaikatanu wa pirikap kopakeat amip ani yaimire; otop oshke ambe ani hene kongani ani hene ikani ani hene ataye yupke amip ani hene iteki ki yak pirika; koroka,

Tanpe néno siwente utar oripak an hine yaykatanu wa pirka p kopakeat amip ani yaymire; otop oske anpe ani hene konkani ani hene i=kani ani hene ataye yupke amip ani hene iteki ki yak pirka; korka,

ωσαυτως [και] γυναικας εν καταστολη κοσμιω μετα αιδους και σωφροσυνης κοσμειν εαυτας μη εν πλεγμασιν και χρυσιω η μαργαριταις η ιματισμω πολυτελει

In like manner, that women adorn themselves in modest apparel, with shamefastness and sobriety; not with braided hair, and gold or pearls or costly raiment;

(Kamui kooripak sekoro ye shiwente utara kopakeat korachi) pirika ikip ani ki yan.

(Kamuy kooripak sekor ye siwente utar kopakeat koraci) pirka iki p ani ki yan.

αλλ ο πρεπει γυναιξιν επαγγελλομεναις θεοσεβειαν δι εργων αγαθων

but (which becometh women professing godliness) through good works.

Shiwente guru anak ne itaknu wa eyaihannokkara yak pirika.

Siwente kur anakne itak nu wa eyayhannokkara yak pirka.

γυνη εν ησυχια μανθανετω εν παση υποταγη

Let a woman learn in quietness with all subjection.

Koroka, shiwentep anak ne epakashnu wa okkai esapane ambe ku ramuoshma shomoki, koroka, mo no an yak pirika Inambe gusu ne yakun,

Korka, siwentep anakne epakasnu wa okkay esapane anpe ku=ramuosma somo ki, korka, mo no an yak pirka Inanpe kusu ne yakun,

διδασκειν δε γυναικι ουκ επιτρεπω ουδε αυθεντειν ανδρος αλλ ειναι εν ησυχια

But I permit not a woman to teach, nor to have dominion over a man, but to be in quietness.

Adam anak ne hoshiki no akara, okaketa Hefa; shui, Adam akokandama shomoki,

Adam anakne hoskino a=kar, okake ta Hefa; suy, Adam a=kokantama somo ki,

αδαμ γαρ πρωτος επλασθη ειτα ευα

For Adam was first formed, then Eve;

koroka, nei shiwentep akokandama wa chikokatpak ki okere ruwe ne:

korka, ne siwentep a=kokantama wa ci=kokatpak ki okere ruwe ne:

και αδαμ ουκ ηπατηθη η δε γυνη εξαπατηθεισα εν παραβασει γεγονεν

and Adam was not beguiled, but the woman being beguiled hath fallen into transgression:

koroka, nei utara yaikatanu ambe tura eishokor-i atte hemhem ki, omap ambe hemhem ki, aturu-saktep otta an hemhem iki yakun, poho shikore ita akaobiuki kusu ne na.

korka, ne utar yaykatanu anpe tura eysokor hi atte hemhem ki, omap anpe hemhem ki, a=tur-saktep or ta an hemhem iki yakun, poho sikore hi ta akaopiwki kusu ne na.

σωθησεται δε δια της τεκνογονιας εαν μεινωσιν εν πιστει και αγαπη και αγιασμω μετα σωφροσυνης

but she shall be saved through the childbearing, if they continue in faith and love and sanctification with sobriety.

Nei itak ambe sonep ne. Nen ka episkopos moni gusu yaishieiwangere-hi hunara guru an chiki, shinuma pirika ambe kon rusui ruwe ne.

Ne itak anpe sonep ne. Nen ka episkopos moni kusu yaysieywankere hi hunara kur an ciki, sinuma pirka anpe kor rusuy ruwe ne.

πιστος ο λογος ει τις επισκοπης ορεγεται καλου εργου επιθυμει

Faithful is the saying, If a man seeketh the office of a bishop, he desireth a good work.

Tambe gusu episkopos anak ne aekot kuni ushike sak, ouse shine mat koro, yairamatte wayashnu keutum koro, irammakaka an, ikateomare ki, epakashnu eashkai, shomo iku-sakayo ki,

Tanpe kusu episkopos anakne a=ekot kuni usike sak, owse sine mat kor, yayramatte wayasnu kewtum kor, irammakaka an, i=kateomare ki, epakasnu easkay, somo iku-sakayo ki,

δει ουν τον επισκοπον ανεπιλημπτον ειναι μιας γυναικος ανδρα νηφαλιον σωφρονα κοσμιον φιλοξενον διδακτικον

The bishop therefore must be without reproach, the husband of one wife, temperate, soberminded, orderly, given to hospitality, apt to teach;

ainu kokik shomoki guru ne kunip ne; koroka, yaikatanu keutura koro, koiki kopan, aetunne kuni ani eyaiepirikare ambe shomo ko-omap guru ne kunip ne:

aynu kokik somo ki kur ne kunip ne; korka, yaykatanu kewtura kor, koyki kopan, a=etunne kuni ani eyayepirikare anpe somo ko-omap kur ne kunip ne:

μη παροινον μη πληκτην αλλα επιεικη αμαχον αφιλαργυρον

no brawler, no striker; but gentle, not contentious, no lover of money;

pirika no yaikota kot chisei epungine hine nep yaikatanu ambe tura koro poho itaknure;

pirkano yaykota kot cise epunkine hine nep yaykatanu anpe tura kor poho itaknure;

του ιδιου οικου καλως προισταμενον τεκνα εχοντα εν υποταγη μετα πασης σεμνοτητος

one that ruleth well his own house, having [his ]children in subjection with all gravity;

(koroka, ainu anak ne nekon a yaikota koro uni epungine ambe erampeutek chiki, hemanda iki wa Kamui karisia shikkashima eashkai ruwe he an? tanebo baptisma akore guru shomo ne,)

(korka, aynu anakne nekona yaykota kor uni epunkine anpe eranpewtek ciki, hemanta iki wa Kamuy karisia sikkasima easkay ruwe he an? tanepo paptisma a=kore kur somo ne,)

ει δε τις του ιδιου οικου προστηναι ουκ οιδεν πως εκκλησιας θεου επιμελησεται

(but if a man knoweth not how to rule his own house, how shall he take care of the church of God?)

ikineipeka shinuma pakesara wa nitne kamui nei no aesanniyo korachi aesanniyo kusu ne na.

ikineypeka sinuma pakesara wa nitne kamuy néno a=esanniyo koraci a=esanniyo kusu ne na.

μη νεοφυτον ινα μη τυφωθεις εις κριμα εμπεση του διαβολου

not a novice, lest being puffed up he fall into the condemnation of the devil.

Naa moshima, soita okai utara anak shinuma gusu pirika paweteshu ambe koro kunip ne; ikineipeka shinuma aesapse wa nitne kamui koro akbe oro-oshma kusu ne na.

Naa mosma, soy ta okay utar anak sinuma kusu pirka pawetesu anpe kor kunip ne; ikineypeka sinuma a=esapse wa nitne kamuy kor akpe oro-osma kusu ne na.

δει δε και μαρτυριαν καλην εχειν απο των εξωθεν ινα μη εις ονειδισμον εμπεση και παγιδα του διαβολου

Moreover he must have good testimony from them that are without; lest he fall into reproach and the snare of the devil.

Diakonos utara ne yakka yaikatanu kunip ne, iteki tu parumbe koro, iku rui shomoki, aetunne kuni ani yaiepirikare ambe kon rusui shomoki;

tiakonos utar ne yakka yaykatanu kunip ne, iteki tu parunpe kor, iku ruy somo ki, a=etunne kuni ani yayepirikare anpe kor rusuy somo ki;

διακονους ωσαυτως σεμνους μη διλογους μη οινω πολλω προσεχοντας μη αισχροκερδεις

Deacons in like manner [must be ]grave, not doubletongued, not given to much wine, not greedy of filthy lucre;

turu-sak keutum ani eishokor-i gusu an mukke ambe shikkashima.

tur-sak kewtum ani eysokor hi kusu an mukke anpe sikkasima.

εχοντας το μυστηριον της πιστεως εν καθαρα συνειδησει

holding the mystery of the faith in a pure conscience.

Tan utara hoshiki no aeshiruwande yara; orowa, wen-buri sak yakun, diakonos korachi yaishieiwangerere yan.

Tan utar hoskino aesiruwante yara; orowa, wen-puri sak yakun, tiakonos koraci yaysieywankerere yan.

και ουτοι δε δοκιμαζεσθωσαν πρωτον ειτα διακονειτωσαν ανεγκλητοι οντες

And let these also first be proved; then let them serve as deacons, if they be blameless.

Shiwente utara ne yakka yaikatanu kunip ne, shomo ohaigekara, yairamatte, nep ne yakka gusu son no ambe ki kunip ne ruwe ne.

Siwente utar ne yakka yaykatanu kunip ne, somo ohaykekar, yayramatte, nep ne yakka kusu sonno anpe ki kunip ne ruwe ne.

γυναικας ωσαυτως σεμνας μη διαβολους νηφαλιους πιστας εν πασιν

Women in like manner [must be ]grave, not slanderers, temperate, faithful in all things.

Diakonos utara anak ne ouse shine mat koro wa irammakaka yaikota koro uni newa poho utara epungine.

tiakonos utar anakne owse sine mat kor wa irammakaka yaykota kor uni newa poho utar epunkine.

διακονοι εστωσαν μιας γυναικος ανδρες τεκνων καλως προισταμενοι και των ιδιων οικων

Let deacons be husbands of one wife, ruling [their ]children and their own houses well.

Inambe gusu ne yakun, diakonos ki kuni moni epeka pirika no yashieiwangere okere utara anak ne yaikota gusu pirika assuru koro, samata, Kiristo Yesu otta an eishokor-i gusu shi no rametok kon no an kusu ne ruwe ne gusu ne na.

Inanpe kusu ne yakun, tiakonos ki kuni moni epeka pirkano yasieywankere okere utar anakne yaykota kusu pirka assuru kor, sama ta, Kiristo Yesu or ta an eysokor hi kusu sino rametok kor no an kusu ne ruwe ne kusu ne na.

οι γαρ καλως διακονησαντες βαθμον εαυτοις καλον περιποιουνται και πολλην παρρησιαν εν πιστει τη εν χριστω ιησου

For they that have served well as deacons gain to themselves a good standing, and great boldness in the faith which is in Christ Jesus.

Naa pon no okaketa e orun ku oman kuni ku chipachipa wa tapan okaibe ku nuye ruwe ne;

Naa ponno okake ta e orun ku=oman kuni ku=cipacipa wa tapan okaype ku=nuye ruwe ne;

ταυτα σοι γραφω ελπιζων ελθειν [προς σε] προς σε εν ταχει

These things write I unto thee, hoping to come unto thee shortly;

koroka, ohon no uturuta shomo ku ek yakun, Kamui kora kenru ta ainu utara anak ne nekon a iki yak pirika ya e eraman kuni gusu ne na, nei ambe anak ne ishu Kamui koro karisia ne, sonep gusu an ikushpe newa asamaha ne ruwe ne.

korka, ohor no utur ta somo ku=ek yakun, Kamuy kor kenru ta aynu utar anakne nekona iki yak pirka ya e eraman kuni kusu ne na, ne anpe anakne i=su Kamuy kor karisia ne, sonep kusu an ikuspe newa asamaha ne ruwe ne.

εαν δε βραδυνω ινα ειδης πως δει εν οικω θεου αναστρεφεσθαι ητις εστιν εκκλησια θεου ζωντος στυλος και εδραιωμα της αληθειας

but if I tarry long, that thou mayest know how men ought to behave themselves in the house of God, which is the church of the living God, the pillar and ground of the truth.

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hauturumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

Orowa, somo a=ye a yakka, Kamuy kooripak kusu an mukke anpe anakne poro ruwe ne; Sinuma anakne kam oske ta a=nukar, ramat oske ta owpekap ne a=esanniyo, Kamuy hawturunpe oro wano a=nukar, mosir uyrup tumuke ta a=ewpaskuma, mosir kata a=eysokor an, a=rakur orun auk okere na.

και ομολογουμενως μεγα εστιν το της ευσεβειας μυστηριον ος εφανερωθη εν σαρκι εδικαιωθη εν πνευματι ωφθη αγγελοις εκηρυχθη εν εθνεσιν επιστευθη εν κοσμω ανελημφθη εν δοξη

And without controversy great is the mystery of godliness; He who was manifested in the flesh, justified in the spirit, seen of angels, preached among the nations, believed on in the world, received up in glory.

Koroka, okake an pakihi ta sereke okai utara anak ne kokandama ramat newa nitne kamui utara koro epakashi inu hine shunge itak ki utara kankapkapeka

Korka, okake an pakihi ta serke okay utar anakne kokantama ramat newa nitne kamuy utar kor epakasi inu hine sunke itak ki utar kankapkapeka

το δε πνευμα ρητως λεγει οτι εν υστεροις καιροις αποστησονται τινες της πιστεως προσεχοντες πνευμασιν πλανοις και διδασκαλιαις δαιμονιων

But the Spirit saith expressly, that in later times some shall fall away from the faith, giving heed to seducing spirits and doctrines of devils,

ambe ankushkerai seisek kani ani korachi koro keutura auhuyeka wa eishokor-i gusu eyaikoemaka kusu ne ari Ramat anak irammataka ye ruwe ne;

anpe an kuskeray sesek kani ani koraci kor kewtura awhuyeka wa eysokor hi kusu eyaykoemaka kusu ne ari Ramat anak irammataka ye ruwe ne;

εν υποκρισει ψευδολογων κεκαυστηριασμενων την ιδιαν συνειδησιν

through the hypocrisy of men that speak lies, branded in their own conscience as with a hot iron;

nei utara matakore ambe hattoki hemhem ki, sonep eishokoro wa eraman utara iyaiiraige koro auina kuni Kamui kara aep gusu shomo ramnu ki ambe kashpaotte hemhem ki ruwe ne.

ne utar matkore anpe hattoki hemhem ki, sonep eysokor wa eraman utar i=yayirayke kor awina kuni Kamuy kar aep kusu somo ramnu ki anpe kaspaotte hemhem ki ruwe ne.

κωλυοντων γαμειν απεχεσθαι βρωματων α ο θεος εκτισεν εις μεταλημψιν μετα ευχαριστιας τοις πιστοις και επεγνωκοσιν την αληθειαν

forbidding to marry, [and commanding ]to abstain from meats, which God created to be received with thanksgiving by them that believe and know the truth.

Kamui karape obitta pirika ruwe ne, aige, iyaiiraige an keutura ani auina yakun,

Kamuy kar pe opitta pirka ruwe ne, ayke, i=yayirayke an kewtura ani awina yakun,

οτι παν κτισμα θεου καλον και ουδεν αποβλητον μετα ευχαριστιας λαμβανομενον

For every creature of God is good, and nothing is to be rejected, if it be received with thanksgiving:

aemaka kuni ambe isam ruwe ne.

a=emaka kuni anpe isam ruwe ne.

αγιαζεται γαρ δια λογου θεου και εντευξεως

for it is sanctified through the word of God and prayer.

Eani anak ne tapan okaibe iriwak utara eshkarunde chiki, Kiristo Yesu koro pirika diakonos e ne wa, eishokor-i gusu an itak otta hemhem, e iki pirika epakashi otta hemhem areshpa guru e ne kusu ne na:

Eani anakne tapan okaype irwak utar eskarunte ciki, Kiristo Yesu kor pirka tiakonos e ne wa, eysokor hi kusu an itak or ta hemhem, e iki pirka epakasi or ta hemhem a=respa kur e ne kusu ne na:

ταυτα υποτιθεμενος τοις αδελφοις καλος εση διακονος χριστου ιησου εντρεφομενος τοις λογοις της πιστεως και της καλης διδασκαλιας η παρηκολουθηκας

If thou put the brethren in mind of these things, thou shalt be a good minister of Christ Jesus, nourished in the words of the faith, and of the good doctrine which thou hast followed [until now]:

koroka, momok uwepekere newa bakko ramkoro an uwepekere eshishi yan.

korka, momok uwepeker newa pakko ramkor an uwepeker esisi yan.

τους δε βεβηλους και γραωδεις μυθους παραιτου γυμναζε δε σεαυτον προς ευσεβειαν

but refuse profane and old wives’ fables. And exercise thyself unto godliness:

Orowa, Kamui kooripakbe ani yaikota yairiterite yan: inambe gusu ne yakun, netobake gusu an yairiterite ambe anak ne pon no ka epirikare kunip ne, koroka, Kamui kooripak ambe anak ne nep ne yakka gusu epirikare kunip ne, aige, tane an inotu gusu ne yakka, okaketa an inotu gusu ne yakka eitakamkire aeoma an ambe ne ruwe ne gusu ne na.

Orowa, Kamuy kooripakpe ani yaykota yayriterite yan: inanpe kusu ne yakun, netopake kusu an yayriterite anpe anakne ponno ka e=pirkare kunip ne, korka, Kamuy kooripak anpe anakne nep ne yakka kusu e=pirkare kunip ne, ayke, tane an inotu kusu ne yakka, okake ta an inotu kusu ne yakka eytakamkire a=eoma an anpe ne ruwe ne kusu ne na.

η γαρ σωματικη γυμνασια προς ολιγον εστιν ωφελιμος η δε ευσεβεια προς παντα ωφελιμος εστιν επαγγελιαν εχουσα ζωης της νυν και της μελλουσης

for bodily exercise is profitable for a little; but godliness is profitable for all things, having promise of the life which now is, and of that which is to come.

Nei itak ambe anak ne sonep ne, auk kuni oupak an ambe ne na.

Ne itak anpe anakne sonep ne, auk kuni owpak an anpe ne na.

πιστος ο λογος και πασης αποδοχης αξιος

Faithful is the saying, and worthy of all acceptation.

Tan ikkewehe an gusu chi utara anak ne monraige wa shiyuppa no iki, inambe gusu ne yakun, chi utara anak ne obitta no okai utara, makangane eishokor-i atte utara, koro kashiobiukip ne ishu Kamui gusu chipachipa ruwe ne na.

Tan ikkewehe an kusu ci utar anakne monrayke wa siyuppa no iki, inanpe kusu ne yakun, ci utar anakne opittano okay utar, makankane eysokor hi atte utar, kor kasiopiwkip ne i=su Kamuy kusu cipacipa ruwe ne na.

εις τουτο γαρ κοπιωμεν και αγωνιζομεθα οτι ηλπικαμεν επι θεω ζωντι ος εστιν σωτηρ παντων ανθρωπων μαλιστα πιστων

For to this end we labour and strive, because we have our hope set on the living God, who is the Saviour of all men, specially of them that believe.

Tap okaibe kashpaotte hemhem ki, epakashnu hemhem ki yan.

Tap okaype kaspaotte hemhem ki, epakasnu hemhem ki yan.

παραγγελλε ταυτα και διδασκε

These things command and teach.

Inan guru ne yakka iteki e paha ponbe esapse kuni ne ki yan; koroka, itak otta ne yakka, iki buri otta ne yakka, omap ambe otta ne yakka, eishokor-i otta ne yakka, turu-sakbe otta ne yakka, eishokoro wa okai utara gusu aekoikarabe ne yaikara yan.

Inan kur ne yakka iteki e paha ponpe esapse kuni ne ki yan; korka, itak or ta ne yakka, iki puri or ta ne yakka, omap anpe or ta ne yakka, eysokor hi or ta ne yakka, tur-sak pe or ta ne yakka, eysokor wa okay utar kusu aekoykarape ne yaykar yan.

μηδεις σου της νεοτητος καταφρονειτω αλλα τυπος γινου των πιστων εν λογω εν αναστροφη εν αγαπη εν πιστει εν αγνεια

Let no man despise thy youth; but be thou an ensample to them that believe, in word, in manner of life, in love, in faith, in purity.

Ku ek pakno, karabi-orooitak ambe, onishnishi ambe epakashnu ambe ki yan.

Ku=ek pakno, karap-oroytak anpe, onisnisi anpe epakasnu anpe ki yan.

εως ερχομαι προσεχε τη αναγνωσει τη παρακλησει τη διδασκαλια

Till I come, give heed to reading, to exhortation, to teaching.

Puresbuteros utara koro teke e kashiketa aande-hi tura uweingara ambe ani akore an eikrap iteki isaika no koro yan.

puresputeros utar kor teke e kasike ta a=ante hi tura ueinkar anpe ani a=kore an eikrap iteki isayka no kor yan.

μη αμελει του εν σοι χαρισματος ο εδοθη σοι δια προφητειας μετα επιθεσεως των χειρων του πρεσβυτεριου

Neglect not the gift that is in thee, which was given thee by prophecy, with the laying on of the hands of the presbytery.

Tap an okaibe gusu muchinashnu no iki yan; nei ambe orun ramne no yaikoropare yan; e ki ikip obitta no okai utara otta anukara kuni gusu ne na.

Tapan okaype kusu mucinasnu no iki yan; ne anpe orun ramne no yaykorpare yan; e ki iki p opittano okay utar or ta a=nukar kuni kusu ne na.

ταυτα μελετα εν τουτοις ισθι ινα σου η προκοπη φανερα η πασιν

Be diligent in these things; give thyself wholly to them; that thy progress may be manifest unto all.

Yaikota gusu ne yakka e iki epakashnu ambe gusu ne yakka yaitubare yan. Tap okaibe oshiketa riya yan; inambe gusu ne yakun, tap ambe e ki chiki, eani anak ne yaikota ne yakka e nu utara ne yakka e kashiobiuki kusu ne na.

Yaykota kusu ne yakka e iki epakasnu anpe kusu ne yakka yaytupare yan. Tap okaype oske ta riya yan; inanpe kusu ne yakun, tapanpe e ki ciki, eani anakne yaykota ne yakka e nu utar ne yakka e kasiopiwki kusu ne na.

επεχε σεαυτω και τη διδασκαλια επιμενε αυτοις τουτο γαρ ποιων και σεαυτον σωσεις και τους ακουοντας σου

Take heed to thyself, and to thy teaching. Continue in these things; for in doing this thou shalt save both thyself and them that hear thee.

Ekashi ne chiki iteki kopashirota, koroka, michi korachi onishnishi yan;

Ekasi ne ciki iteki kopasirota, korka, mici koraci onisnisi yan;

πρεσβυτερω μη επιπληξης αλλα παρακαλει ως πατερα νεωτερους ως αδελφους

Rebuke not an elder, but exhort him as a father; the younger men as brethren:

upen utara ne yakun; uiriwak utara korachi; rupne shiwentep utara ne yakun, habo korachi, upen mat ne yakun, nep turu-ushbe sak no, turesh korachi iki yan.

upen utar ne yakun; uyriwak utar koraci; rupne siwentep utar ne yakun, hapo koraci, upen mat ne yakun, nep tur-uspe sak no, tures koraci iki yan.

πρεσβυτερας ως μητερας νεωτερας ως αδελφας εν παση αγνεια

the elder women as mothers; the younger as sisters, in all purity.

Son no okai shiyompiyara shiwentep kooripak yan.

Sonno okay siyonpiyar siwentep kooripak yan.

χηρας τιμα τας οντως χηρας

Honour widows that are widows indeed.

Koroka, nei shiyompiyara shiwentep anak poho hene mitpo hene koro yakun, nei utara anak ne yaikota koro uni un utara epeka hoshiki no kooripak ki hene koro eshikop utara tasa kore kuni iki yak pirika; tambe anak ne Kamui nupetnerep ne ruwe ne gusu ne na.

Korka, ne siyonpiyar siwentep anak poho hene mitpo hene kor yakun, ne utar anakne yaykota kor uni un utar epeka hoskino kooripak ki hene kor esikop utar tasa kore kuni iki yak pirka; tanpe anakne Kamuy nupetnerep ne ruwe ne kusu ne na.

ει δε τις χηρα τεκνα η εκγονα εχει μανθανετωσαν πρωτον τον ιδιον οικον ευσεβειν και αμοιβας αποδιδοναι τοις προγονοις τουτο γαρ εστιν αποδεκτον ενωπιον του θεου

But if any widow hath children or grandchildren, let them learn first to shew piety towards their own family, and to requite their parents: for this is acceptable in the sight of God.

Koroka, son no newa shiyompiyara ne hine shinen ne po an shiwentep anak ne Kamui echipachipa, aige, kunne to ta ne yakka tokap to ta ne yakka ramma-kane Kamui koramkoro hemhem ki inonno-itak hemhem ki ruwe ne.

Korka, sonno newa siyonpiyar ne hine sinen ne po an siwentep anakne Kamuy ecipacipa, ayke, kunne to ta ne yakka tokap to ta ne yakka ramma-kane Kamuy koramkor hemhem ki inonno-itak hemhem ki ruwe ne.

η δε οντως χηρα και μεμονωμενη ηλπικεν επι [τον] θεον και προσμενει ταις δεησεσιν και ταις προσευχαις νυκτος και ημερας

Now she that is a widow indeed, and desolate, hath her hope set on God, and continueth in supplications and prayers night and day.

Koroka, shiniwe patek gusu iki shiyompiyara shiwentep anak ne shiknu rapoketa rai wa an ruwe ne.

Korka, siniwe patek kusu iki siyonpiyar siwentep anakne siknu rapoketa ray wa an ruwe ne.

η δε σπαταλωσα ζωσα τεθνηκεν

But she that giveth herself to pleasure is dead while she liveth.

Nei utara anak ne aekot kuni ushike isam kuni ne tap okaibe ne yakka kashpaotte yan.

Ne utar anakne a=ekot kuni usike isam kuni ne tap okaype ne yakka kaspaotte yan.

και ταυτα παραγγελλε ινα ανεπιλημπτοι ωσιν

These things also command, that they may be without reproach.

Koroka, inan ainu ne yakka yaikota korobe gusu, makangane yaikota koro uni un utara gusu, etoko-oiki shomoki yakun, shinuma anak aeishokor-i eshikashke ruwe ne, aige, eishokoro shomoki guru kasu no wen guru ne ruwe ne na.

Korka, inan aynu ne yakka yaykota kor pe kusu, makankane yaykota kor uni un utar kusu, etoko-oyki somo ki yakun, sinuma anak a=eysokor hi esikaske ruwe ne, ayke, eysokor somo ki kur kasuno wenkur ne ruwe ne na.

ει δε τις των ιδιων και μαλιστα οικειων ου προνοει την πιστιν ηρνηται και εστιν απιστου χειρων

But if any provideth not for his own, and specially his own household, he hath denied the faith, and is worse than an unbeliever.

Ouse shine ainu kon machi ne, samata, pirika buri gusu pirika assuru koro hine hotne pa pokashnu pa an yakun, iteki shiyompiyara oma kambi kata sapa nuye yan,

Owse sine aynu kon maci ne, sama ta, pirka puri kusu pirka assuru kor hine hotne pa pokasnu pa an yakun, iteki siyonpiyar oma kampi kata sapa nuye yan,

χηρα καταλεγεσθω μη ελαττον ετων εξηκοντα γεγονυια ενος ανδρος γυνη

Let none be enrolled as a widow under threescore years old, [having been ]the wife of one man,

nei guru anak ne poho utara reshpa yakun, atchi un utara ayando kore yakun, ashkanne utara chikiri uraye yakun, yairamhekonro utara kaobiuki yakun, shiarikiki no obitta no okai pirika ikip nei no iki yakun, sapaha nuye yan.

ne kur anakne poho utar respa yakun, atci un utar a=yanto kore yakun, askanne utar cikiri uraye yakun, yayramhekonro utar kaopiwki yakun, siarikiki no opittano okay pirka iki p néno iki yakun, sapaha nuye yan.

εν εργοις καλοις μαρτυρουμενη ει ετεκνοτροφησεν ει εξενοδοχησεν ει αγιων ποδας ενιψεν ει θλιβομενοις επηρκεσεν ει παντι εργω αγαθω επηκολουθησεν

well reported of for good works; if she hath brought up children, if she hath used hospitality to strangers, if she hath washed the saints’ feet, if she hath relieved the afflicted, if she hath diligently followed every good work.

Koroka, upen shiyompiyara shiwentep gusu iteki sapaha nuye yan: inambe gusu ne yakun, nei utara Kiristo gusu keutum ehaita chiki,

Korka, upen siyonpiyar siwentep kusu iteki sapaha nuye yan: inanpe kusu ne yakun, ne utar Kiristo kusu kewtum ehayta ciki,

νεωτερας δε χηρας παραιτου οταν γαρ καταστρηνιασωσιν του χριστου γαμειν θελουσιν

But younger widows refuse: for when they have waxed wanton against Christ, they desire to marry;

shui soshipi rusui; aige, nei utara anak ne atpakta koro eishokor-i atte keutum eyaikoemaka gusu ekokatpakte ruwe ne na.

suy sosipi rusuy; ayke, ne utar anakne atpakta kor eysokor hi atte kewtum eyaykoemaka kusu ekokatpakte ruwe ne na.

εχουσαι κριμα οτι την πρωτην πιστιν ηθετησαν

having condemnation, because they have rejected their first faith.

Samata, nei no okai utara anak ne toranne iki wa chisei pishno shioyapkire apkash; toranne patek shomo ne koroka paro-rui ne yakka ki, moshima guru orushpe orun isaikako, aige, shomo aye kuni itak ye ruwe ne.

Sama ta, néno okay utar anakne toranne iki wa cise pisno sioyapkire apkas; toranne patek somo ne korka paro-ruy ne yakka ki, mosma kur oruspe orun isaykako, ayke, somo a=ye kuni itak ye ruwe ne.

αμα δε και αργαι μανθανουσιν περιερχομεναι τας οικιας ου μονον δε αργαι αλλα και φλυαροι και περιεργοι λαλουσαι τα μη δεοντα

And withal they learn also [to be ]idle, going about from house to house; and not only idle, but tattlers also and busybodies, speaking things which they ought not.

Tambe gusu, upen shiwentep utara anak ne hoku koro wa poho shikore, orowa, epokba guru oitakushi gusu an ika shomo kore hine koro uni shikkashima kuni ku kon rusui ruwe ne;

Tanpe kusu, upen siwentep utar anakne hoku kor wa poho sikore, orowa, epokpa kur oytakusi kusu an ika somo kore hine kor uni sikkasima kuni ku=kor rusuy ruwe ne;

βουλομαι ουν νεωτερας γαμειν τεκνογονειν οικοδεσποτειν μηδεμιαν αφορμην διδοναι τω αντικειμενω λοιδοριας χαριν

I desire therefore that the younger [widows ]marry, bear children, rule the household, give none occasion to the adversary for reviling:

inambe gusu ne yakun, sereke an utara anak ne tane ne yakka Satan orun henoye okere ruwe ne.

inanpe kusu ne yakun, serke an utar anakne tane ne yakka Satan orun henoye okere ruwe ne.

ηδη γαρ τινες εξετραπησαν οπισω του σατανα

for already some are turned aside after Satan.

Eishokoro iki shiyompiyara shiwentep koro shiwentep an chiki, shinuma nei utara kaobiuki yak pirika, aige, son no an shiyompiyara kaobiuki eashkai kuni ne iteki karisia seire yan.

Eysokor iki siyonpiyar siwentep kor siwentep an ciki, sinuma ne utar kaopiwki yak pirka, ayke, sonno an siyonpiyar kaopiwki easkay kuni ne iteki karisia sere yan.

ει τις πιστη εχει χηρας επαρκειτω αυταις και μη βαρεισθω η εκκλησια ινα ταις οντως χηραις επαρκεση

If any woman that believeth hath widows, let her relieve them, and let not the church be burdened; that it may relieve them that are widows indeed.

Pirika no epungine puresbuteros utara eusamanu aainukoro kunip ne sekoro esanniyo yan, makangane nei itak gusu ne yakka epakashnu ambe gusu ne yakka monraige utara epeka nei no iki yan.

Pirkano epunkine puresputeros utar ewsamanu aynukor kunip ne sekor esanniyo yan, makankane ne itak kusu ne yakka epakasnu anpe kusu ne yakka monrayke utar epeka néno iki yan.

οι καλως προεστωτες πρεσβυτεροι διπλης τιμης αξιουσθωσαν μαλιστα οι κοπιωντες εν λογω και διδασκαλια

Let the elders that rule well be counted worthy of double honour, especially those who labour in the word and in teaching.

Inambe gusu ne yakun, amam ibehe oashinge beko otta iteki etukarip eunu yan, sekorʼambe Kamui kambi kata anuye wa an ruwe ne gusu ne na. Samata, monraige guru anak ne koro pummaha akore kunip ne ruwe ne na.

Inanpe kusu ne yakun, amam ipehe oasinke peko or ta iteki etukarip e=wn yan, sekor anpe Kamuy kampi kata a=nuye wa an ruwe ne kusu ne na. Sama ta, monrayke kur anakne kor pummaha a=kore kunip ne ruwe ne na.

λεγει γαρ η γραφη βουν αλοωντα ου φιμωσεις και αξιος ο εργατης του μισθου αυτου

For the scripture saith, Thou shalt not muzzle the ox when he treadeth out the corn. And, The labourer is worthy of his hire.

Tun ren paweteshu guru iki ambe shomo ne yakun, puresbuteros epeka eiyonnuppa ambe iteki uk yan.

Tun ren pawetesu kur iki anpe somo ne yakun, puresputeros epeka eiyonnuppa anpe iteki uk yan.

κατα πρεσβυτερου κατηγοριαν μη παραδεχου εκτος ει μη επι δυο η τριων μαρτυρων

Against an elder receive not an accusation, except at [the mouth of ]two or three witnesses.

Chikokatpak utara okai chiki, moshima okai utara ishitoma kuni ne obitta no okai utara shik-samata pakashnu yan.

Ci=kokatpak utar okay ciki, mosma okay utar isitoma kuni ne opittano okay utar sik-sama ta pakasnu yan.

τους [δε] αμαρτανοντας ενωπιον παντων ελεγχε ινα και οι λοιποι φοβον εχωσιν

Them that sin reprove in the sight of all, that the rest also may be in fear.

Oheuge sak no tap okaibe e iki, ainu kashiramu gusu shomo ki no nep ne yakka ki kuni ne Kamui tek-samata newa Kiristo Yesu teksamata newa anumge wa okai Kamui hauturumbe tek-samata newa e ikashpaotte ash na.

Ohewke sak no tap okaype e iki, aynu kasiramu kusu somo ki no nep ne yakka ki kuni ne Kamuy tek-sama ta newa Kiristo Yesu teksam ta newa a=numke wa okay Kamuy hawturunpe tek-sama ta newa e ikaspaotte as na.

διαμαρτυρομαι ενωπιον του θεου και χριστου ιησου και των εκλεκτων αγγελων ινα ταυτα φυλαξης χωρις προκριματος μηδεν ποιων κατα προσκλισιν

I charge [thee ]in the sight of God, and Christ Jesus, and the elect angels, that thou observe these things without prejudice, doing nothing by partiality.

Yaitunashka wa ainu kata iteki teke ande, shui, moshima guru tura iteki chikokatpak koro: yaituru-sak no e an kuni ki yan.

Yaytunaska wa aynu kata iteki teke ante, suy, mosma kur tura iteki ci=kokatpak kor: yayturu-sak no e an kuni ki yan.

χειρας ταχεως μηδενι επιτιθει μηδε κοινωνει αμαρτιαις αλλοτριαις σεαυτον αγνον τηρει

Lay hands hastily on no man, neither be partaker of other men’s sins: keep thyself pure.

Tewa no ouse wakka patek shomo iku, koroka, e honihi gusu hemhem kanna-kanna e etashumka ambe gusu tonoto pon no ka eiwange yan.

Tewano owse wakka patek somo iku, korka, e honihi kusu hemhem kanna-kanna e etasumka anpe kusu tonoto ponno ka eywanke yan.

μηκετι υδροποτει αλλα οινω ολιγω χρω δια τον στομαχον και τας πυκνας σου ασθενειας

Be no longer a drinker of water, but use a little wine for thy stomach’s sake and thine often infirmities.

Sereke okai utara koro chikokatpak anak ne etoko wano aeramanbe ne, aige, aesanniyo kuni ne hoshiki no arapa; orowa, sereke okai utara korobe gusu anak, nei ambe iyoshi no arapa ruwe ne.

Serke okay utar kor ci=kokatpak anakne etoko wano aeramanpe ne, ayke, a=esanniyo kuni ne hoskino arpa; orowa, serke okay utar kor pe kusu anak, ne anpe i=yos no arpa ruwe ne.

τινων ανθρωπων αι αμαρτιαι προδηλοι εισιν προαγουσαι εις κρισιν τισιν δε και επακολουθουσιν

Some men’s sins are evident, going before unto judgment; and some men also they follow after.

Tambe nei no ne yakka anukarape ne pirika ikip okai; orowa, pirika shomo ne ambe anak anuina eaikap ruwe ne.

Tanpe néno ne yakka anukarape ne pirka iki p okay; orowa, pirka somo ne anpe anak a=nuyna eaykap ruwe ne.

ωσαυτως και τα εργα τα καλα προδηλα και τα αλλως εχοντα κρυβηναι ου δυνανται

In like manner also there are good works that are evident; and such as are otherwise cannot be hid.

Rekut unbe pokta ausshiune wa okai utara yaikota koro nishpa aainukoro kunip ne sekoro esanniyo yak pirika, tambe anak ne Kamui reihei newa nei epakashi shomo akoatcha kuni gusu ne na.

Rekut un pe pok ta aussiwne wa okay utar yaykota kor nispa aynukor kunip ne sekor esanniyo yak pirka, tanpe anakne Kamuy rehe newa ne epakasi somo a=koatca kuni kusu ne na.

οσοι εισιν υπο ζυγον δουλοι τους ιδιους δεσποτας πασης τιμης αξιους ηγεισθωσαν ινα μη το ονομα του θεου και η διδασκαλια βλασφημηται

Let as many as are servants under the yoke count their own masters worthy of all honour, that the name of God and the doctrine be not blasphemed.

Orowa, eishokor-i atte nishpa utara koro utara anak ne, iteki nei utara pange yak pirika, iriwak utara ne ruwe ne gusu ne na; torota, makangane otta yaishieiwangere yak pirika, inambe gusu ne yakun, nei pirika ikip koro utara anak ne eishokoro utara ne, omap ki utara ne ruwe ne. Tap okaibe epakashnu wa onishnishi yan.

Orowa, eysokor hi atte nispa utar kor utar anakne, iteki ne utar panke yak pirka, irwak utar ne ruwe ne kusu ne na; tor ta, makankane or ta yaysieywankere yak pirka, inanpe kusu ne yakun, ne pirka iki p kor utar anakne eysokor utar ne, omap ki utar ne ruwe ne. Tap okaype epakasnu wa onisnisi yan.