TITUSORUN AOMANDEPAUROS NUYE KAMBI.

Kamui koro usshiune guru ne, samata, Kamui koro anumge wa okai utara atte eishokor-i newa Kamui kooripak ambe nepkoro an sonep eramu ambe nei no an wa Yesu Kiristo koro Apostoro ne Pauros

Kamuy kor ussiw ne kur ne, sama ta, Kamuy kor a=numke wa okay utar atte eysokor hi newa Kamuy kooripak anpe nepkor an sonep eramu anpe néno an wa Yesu Kiristo kor Apostoro ne Pawros

παυλος δουλος θεου αποστολος δε ιησου χριστου κατα πιστιν εκλεκτων θεου και επιγνωσιν αληθειας της κατ ευσεβειαν

神の僕、イエス・キリストの使徒パウロから――わたしが使徒とされたのは、神に選ばれた人々の信仰を助け、彼らを信心に一致する真理の認識に導くためです。

ku ne anak ne shunge eaikap Kamui otusashuishiri wano an pakihi etokota eitakamkire otusashuishiri pakno an inotu echipachipa hine obitta no okai utara koro eishokor-i gusu ku poho ne Titus eun kambi ku omande na:

ku ne anakne sunke eaykap Kamuy otu sasuysir wano an pakihi etoko ta eytakamkire otu sasuysir pakno an inotu ecipacipa hine opittano okay utar kor eysokor hi kusu ku=poho ne Titus eun kampi ku=omante na:

επ ελπιδι ζωης αιωνιου ην επηγγειλατο ο αψευδης θεος προ χρονων αιωνιων

これは永遠の命の希望に基づくもので、偽ることのない神は、永遠の昔にこの命を約束してくださいました。

koroka, Shinuma anak ne koro pakihi ta nei shongo ani koro itak sarare, aige, chikoro un kashiobiukip ne Kamui kashpaotte nei no nei ambe a en shikkashimare nisa ruwe ne;

korka, Sinuma anakne kor pakihi ta ne sonko ani kor itak sarare, ayke, ci=kor un kasiopiwkip ne Kamuy kaspaotte néno ne anpe a en=sikkasmare nisa ruwe ne;

εφανερωσεν δε καιροις ιδιοις τον λογον αυτου εν κηρυγματι ο επιστευθην εγω κατ επιταγην του σωτηρος ημων θεου

神は、定められた時に、宣教を通して御言葉を明らかにされました。わたしたちの救い主である神の命令によって、わたしはその宣教をゆだねられたのです。――

Michi ne Kamui newa chikoro Utarapa ne Kiristo Yesu orowa no irenga newa itomo an kuni akoramkon na.

Mici ne Kamuy newa ci=kor Utarpa ne Kiristo Yesu oro wano irenka newa i=tom an kuni a=koramkor na.

τιτω γνησιω τεκνω κατα κοινην πιστιν χαρις και ειρηνη απο θεου πατρος και χριστου ιησου του σωτηρος ημων

信仰を共にするまことの子テトスへ。父である神とわたしたちの救い主キリスト・イエスからの恵みと平和とがあるように。

Tambe gusu, Krete kotan ta e ande ash nisa ruwe ne, eikohaye okaibe e shitchashnure hene ki, ku e kashpaotte ash korachi, pishno an machiya oshiketa ekashi atte hene e ki kuni ne e ande nisa;

Tanpe kusu, Krete kotan ta e ante as nisa ruwe ne, eykohaye okaype e sitcasnure hene ki, ku=e kaspaotte as koraci, pisno an maciya oske ta ekasi atte hene e ki kuni ne e ante nisa;

τουτου χαριν απελειπον απελιπον σε εν κρητη ινα τα λειποντα επιδιορθωση και καταστησης κατα πολιν πρεσβυτερους ως εγω σοι διεταξαμην

あなたをクレタに残してきたのは、わたしが指示しておいたように、残っている仕事を整理し、町ごとに長老たちを立ててもらうためです。

nenka wen-buri sak, shine mat koro, rurisama eyanasapbe shomo ne, itakkashi shomo ne okai eishokor-i atte poho koro yakun.

nen ka wen-puri sak, sine mat kor, rurisama eyanasappe somo ne, itakkasi somo ne okay eysokor hi atte poho kor yakun.

ει τις εστιν ανεγκλητος μιας γυναικος ανηρ τεκνα εχων πιστα μη εν κατηγορια ασωτιας η ανυποτακτα

長老は、非難される点がなく、一人の妻の夫であり、その子供たちも信者であって、放蕩を責められたり、不従順であったりしてはなりません。

Inambe gusu ne yakun, episkopos anak ne Kamui korobe ashikkashimare guru korachi wen-buri sak no okai kunip ne; yaikota koro keutum eikaunu shomoki, shomo nukoshne, shomo iku sakayo ki, ainu koiki shomoki, aetunne kuni ani eyaiepirikare ambe kon rusui shomoki;

Inanpe kusu ne yakun, episkopos anakne Kamuy kor pe a=sikkasmare kur koraci wen-puri sak no okay kunip ne; yaykota kor kewtum e=kawnu somo ki, somo nukosne, somo iku sakayo ki, aynu koyki somo ki, a=etunne kuni ani eyayepirikare anpe kor rusuy somo ki;

δει γαρ τον επισκοπον ανεγκλητον ειναι ως θεου οικονομον μη αυθαδη μη οργιλον μη παροινον μη πληκτην μη αισχροκερδη

監督は神から任命された管理者であるので、非難される点があってはならないのです。わがままでなく、すぐに怒らず、酒におぼれず、乱暴でなく、恥ずべき利益をむさぼらず、

koroka, ikateomare ki, pirikap koomap, yaikatanu wa an, oupeka, ashkanne keutum koro, yaishikkashima kunip ne; orowa, shinuma

korka, i=kateomare ki, pirka p koomap, yaykatanu wa an, owpeka, askanne kewtum kor, yaysikkasma kunip ne; orowa, sinuma

αλλα φιλοξενον φιλαγαθον σωφρονα δικαιον οσιον εγκρατη

かえって、客を親切にもてなし、善を愛し、分別があり、正しく、清く、自分を制し、

anak ne nei nisashnu an epakashi gusu onishnishi eashkai hemhem ki, eutastasa utara oitaksakka eashkai hemhem ki kuni ne, nei epakashi kopakeat no an sone an itak shikkashima kuni guru ne ruwe ne na.

anakne ne nisasnu an epakasi kusu onisnisi easkay hemhem ki, ewtastasa utar oytaksakka easkay hemhem ki kuni ne, ne epakasi kopakeat no an sone an itak sikkasima kuni kur ne ruwe ne na.

αντεχομενον του κατα την διδαχην πιστου λογου ινα δυνατος η και παρακαλειν εν τη διδασκαλια τη υγιαινουση και τους αντιλεγοντας ελεγχειν

教えに適う信頼すべき言葉をしっかり守る人でなければなりません。そうでないと、健全な教えに従って勧めたり、反対者の主張を論破したりすることもできないでしょう。

Inambe gusu ne yakun, inne no okai itakkashi utara, raka-sak itak sange wa kokandama ki utara okai, makangane okarituye-buri oma utara nei no okai,

Inanpe kusu ne yakun, inne no okay itakkasi utar, raka-sak itak sanke wa kokantama ki utar okay, makankane okarituye-puri oma utar néno okay,

εισιν γαρ πολλοι [και] ανυποτακτοι ματαιολογοι και φρεναπαται μαλιστα οι εκ της περιτομης

実は、不従順な者、無益な話をする者、人を惑わす者が多いのです。特に割礼を受けている人たちの中に、そういう者がいます。

aige, nei utara koro paro aseshke kunip ne; nei utara anak ne ramne an chisei hokushte utara ne wa aetunne kuni ani eyaiepirikare ambe gusu shomo epakashnu kunip epakashnu ruwe ne.

ayke, ne utar kor paro a=seske kunip ne; ne utar anakne ramne an cise hokuste utar ne wa a=etunne kuni ani eyayepirikare anpe kusu somo epakasnu kunip epakasnu ruwe ne.

ους δει επιστομιζειν οιτινες ολους οικους ανατρεπουσιν διδασκοντες α μη δει αισχρου κερδους χαριν

その者たちを沈黙させねばなりません。彼らは恥ずべき利益を得るために、教えてはならないことを教え、数々の家庭を覆しています。

Nei utara tumuge un shinen, nei utara yaikota koro shine uweingara guru ene itak-hi :— Krete kotan un utara anak ne ramma shunge utara ne, wen chikoikip, toranne ibekashpa utara ne ruwe ne, ari itak.

Ne utar tumuke un sinen, ne utar yaykota kor sine ueinkar kur ene itak hi :— Krete kotan un utar anakne ramma sunke utar ne, wen cikoykip, toranne ipekaspa utar ne ruwe ne, ari itak.

ειπεν τις εξ αυτων ιδιος αυτων προφητης κρητες αει ψευσται κακα θηρια γαστερες αργαι

彼らのうちの一人、預言者自身が次のように言いました。「クレタ人はいつもうそつき、悪い獣、怠惰な大食漢だ。」

Tan paweteshu ambe anak ne son no ambe ne. Tambe gusu shiyuppa no nei utara pakashnu yan; aige, nei utara eishokor-i gusu nisashnu no okai wa Yudea un utara koro

Tan pawetesu anpe anakne sonno anpe ne. Tanpe kusu siyuppa no ne utar pakasnu yan; ayke, ne utar eysokor hi kusu nisasnu no okay wa Yudea un utar kor

η μαρτυρια αυτη εστιν αληθης δι ην αιτιαν ελεγχε αυτους αποτομως ινα υγιαινωσιν [εν] εν τη πιστει

この言葉は当たっています。だから、彼らを厳しく戒めて、信仰を健全に保たせ、

uwepekere newa sonep wano ohaitare kuni ainu ki ikashpaotte newa iteki ekottanu yan.

uwepeker newa sonep wano ohaytare kuni aynu ki ikaspaotte newa iteki ekottanu yan.

μη προσεχοντες ιουδαικοις μυθοις και εντολαις ανθρωπων αποστρεφομενων την αληθειαν

ユダヤ人の作り話や、真理に背を向けている者の掟に心を奪われないようにさせなさい。

Turu-sak guru otta obitta no okaibe anak turu-sak ruwe ne: koroka, turu-ush wa eumbipka utara otta nep ne yakka shomo turu-sak ruwe ne; aige, koro sambe ne yakka keutum ne yakka turu-ushbe ne ruwe ne na.

Tur-sak kur or ta opittano okaype anak tur-sak ruwe ne: korka, tur-us wa eunpipka utar or ta nep ne yakka somo tur-sak ruwe ne; ayke, kor sanpe ne yakka kewtum ne yakka tur-uspe ne ruwe ne na.

παντα καθαρα τοις καθαροις τοις δε μεμιαμμενοις και απιστοις ουδεν καθαρον αλλα μεμιανται αυτων και ο νους και η συνειδησις

清い人には、すべてが清いのです。だが、汚れている者、信じない者には、何一つ清いものはなく、その知性も良心も汚れています。

Nei utara anak ne Kamui eamkiri ari itak; koroka, aetunnep ne, itakkashi utara ne, nep pirika ikip gusu ne yakka aemakbap ne wa gusu koro iki ikip ani Shinuma eshikeshke utara ne ruwe ne.

Ne utar anakne Kamuy e=amkir ari itak; korka, aetunnep ne, itakkasi utar ne, nep pirka iki p kusu ne yakka aemakpap ne wa kusu kor iki iki p ani Sinuma esikeske utar ne ruwe ne.

θεον ομολογουσιν ειδεναι τοις δε εργοις αρνουνται βδελυκτοι οντες και απειθεις και προς παν εργον αγαθον αδοκιμοι

こういう者たちは、神を知っていると公言しながら、行いではそれを否定しているのです。嫌悪すべき人間で、反抗的で、一切の善い業については失格者です。

Koroka, eani anak ne nei nisashnu an epakashi kopakeatbe ye yan:

Korka, eani anakne ne nisasnu an epakasi kopakeatpe ye yan:

συ δε λαλει α πρεπει τη υγιαινουση διδασκαλια

しかし、あなたは、健全な教えに適うことを語りなさい。

onne utara yairamatte, yaikatanu keutum yaieashirikara, eishokor-i gusu nisashnu, omap ki,

onne utar yayramatte, yaykatanu kewtum yayeasirkar, eysokor hi kusu nisasnu, omap ki,

πρεσβυτας νηφαλιους ειναι σεμνους σωφρονας υγιαινοντας τη πιστει τη αγαπη τη υπομονη

年老いた男には、節制し、品位を保ち、分別があり、信仰と愛と忍耐の点で健全であるように勧めなさい。

yaiyupupu no okai kuni kara yan: orowa, huchi utara ne yakka oripak an katu koro, ohaigekara shomoki, tonoto gusu yaiusshiunere shomoki, pirika orushpe epakashnu kuni kara yan;

yaiyupupu no okay kuni kar yan: orowa, huci utar ne yakka oripak an katu kor, ohaykekar somo ki, tonoto kusu yayussiwnere somo ki, pirka oruspe epakasnu kuni kar yan;

πρεσβυτιδας ωσαυτως εν καταστηματι ιεροπρεπεις μη διαβολους μηδε μη οινω πολλω δεδουλωμενας καλοδιδασκαλους

同じように、年老いた女には、聖なる務めを果たす者にふさわしくふるまい、中傷せず、大酒のとりこにならず、善いことを教える者となるように勧めなさい。

upen shiwentep anak ne aeyaieashirikara hine koro hoku koomap,

upen siwentep anakne aeyayeasirikara hine kor hoku koomap,

ινα σωφρονιζωσιν τας νεας φιλανδρους ειναι φιλοτεκνους

そうすれば、彼女たちは若い女を諭して、夫を愛し、子供を愛し、

koro poho utara koomap kuni ne kara yan, shui, keutum yaieashirikara, turu-sak, koro uni ta monraige, ramu-hauge, Kamui itak iteki akoatcha kuni ne yaikota koro hoku koitaknu kuni kara yan:

kor poho utar koomap kuni ne kar yan, suy, kewtum yayeasirkar, tur-sak, kor uni ta monrayke, ramu-hawke, Kamuy itak iteki a=koatca kuni ne yaykota kor hoku koytaknu kuni kar yan:

σωφρονας αγνας οικουργους αγαθας υποτασσομενας τοις ιδιοις ανδρασιν ινα μη ο λογος του θεου βλασφημηται

分別があり、貞潔で、家事にいそしみ、善良で、夫に従うようにさせることができます。これは、神の言葉が汚されないためです。

upen ainu ne yakka keutum yaieashirikara kuni kara yan:

upen aynu ne yakka kewtum yayeasirkar kuni kar yan:

τους νεωτερους ωσαυτως παρακαλει σωφρονειν

同じように、万事につけ若い男には、思慮深くふるまうように勧めなさい。あなた自身、良い行いの模範となりなさい。教えるときには、清廉で品位を保ち、

nep ne yakka gusu eani anak ne pirika ikip epeka yaikota y aekoikarabe ne yai kara yan; epakashi gusu oheuge sak,

nep ne yakka kusu eani anakne pirka iki p epeka yaykota y aekoykarape ne yaykar yan; epakasi kusu ohewke sak,

περι παντα σεαυτον παρεχομενος τυπον καλων εργων εν τη διδασκαλια αφθοριαν σεμνοτητα

非難の余地のない健全な言葉を語りなさい。そうすれば、敵対者は、わたしたちについて何の悪口も言うことができず、恥じ入るでしょう。

yaikatanu, pakekoshne eaikap nisashnu itak sange yan; tambe anak un epeka shomoki utara, un gusu sange wen itak isam no, yainikoroshma kuni gusu nep ne na.

yaykatanu, pakekosne eaykap nisasnu itak sanke yan; tanpe anakun epeka somo ki utar, un kusu sanke wen itak isam no, yaynikorosma kuni kusu nep ne na.

λογον υγιη ακαταγνωστον ινα ο εξ εναντιας εντραπη μηδεν εχων λεγειν περι ημων φαυλον

奴隷には、あらゆる点で自分の主人に服従して、喜ばれるようにし、反抗したり、

Ausshiune okai utara anak ne yaikota kon nishpa koitaknu hine nep ne yakka gusu nupetnere kuni ne kara yan; iteki tasa itak ki; iteki eameokte,

aussiwne okay utar anakne yaykota kor nispa koytaknu hine nep ne yakka kusu nupetnere kuni ne kar yan; iteki tasa itak ki; iteki eameokte,

δουλους ιδιοις δεσποταις υποτασσεσθαι εν πασιν ευαρεστους ειναι μη αντιλεγοντας

盗んだりせず、常に忠実で善良であることを示すように勧めなさい。そうすれば、わたしたちの救い主である神の教えを、あらゆる点で輝かすことになります。

koroka, ikipniukesh no okai; tambe anak ne nei utara nep ne yakka gusu chikoro un kashiobiuki Kamui koro epakashi tomtere kuni ne iki ambe ne ruwe ne.

korka, ikipniwkes no okay; tanpe anakne ne utar nep ne yakka kusu ci=kor un kasiopiwki Kamuy kor epakasi tomtere kuni ne iki anpe ne ruwe ne.

μη νοσφιζομενους αλλα πασαν πιστιν ενδεικνυμενους αγαθην ινα την διδασκαλιαν την του σωτηρος ημων θεου κοσμωσιν εν πασιν

実に、すべての人々に救いをもたらす神の恵みが現れました。

Inambe gusu ne yakun, Kamui irenga hetuku an wa obitta no okai utara eun kashichiobiuki ambe kore ruwe ne,

Inanpe kusu ne yakun, Kamuy irenka hetuku an wa opittano okay utar eun kasiciopiwki anpe kore ruwe ne,

επεφανη γαρ η χαρις του θεου σωτηριος πασιν ανθρωποις

その恵みは、わたしたちが不信心と現世的な欲望を捨てて、この世で、思慮深く、正しく、信心深く生活するように教え、

aige, shomo Kamui kooripakbe newa kanna moshiri gusu an wenbe kon rusui keutum newa emaka wa keutum yaieashirikara hine, oupeka no, Kamui kooripak an no tam moshiri koapkash kuni gusu un epakashnu ruwe ne;

ayke, somo Kamuy kooripakpe newa kanna mosir kusu an wenpe kor rusuy kewtum newa emaka wa kewtum yayeasirkar hine, owpekano, Kamuy kooripak an no tam mosir koapkas kuni kusu un epakasnu ruwe ne;

παιδευουσα ημας ινα αρνησαμενοι την ασεβειαν και τας κοσμικας επιθυμιας σωφρονως και δικαιως και ευσεβως ζησωμεν εν τω νυν αιωνι

また、祝福に満ちた希望、すなわち偉大なる神であり、わたしたちの救い主であるイエス・キリストの栄光の現れを待ち望むように教えています。

orowa, nei a shinnunuke an aechipachipa ambe newa chikoro pase Kamui newa un kashiobiukip ne Yesu Kiristo koro arakuru hetuku ambe ehuye ash ruwe ne;

orowa, ne a sinnunuke an a=ecipacipa anpe newa ci=kor pase Kamuy newa un kasiopiwkip ne Yesu Kiristo kor a=rakur hetuku anpe ehuy as ruwe ne;

προσδεχομενοι την μακαριαν ελπιδα και επιφανειαν της δοξης του μεγαλου θεου και σωτηρος ημων χριστου ιησου ιησου χριστου

キリストがわたしたちのために御自身を献げられたのは、わたしたちをあらゆる不法から贖い出し、良い行いに熱心な民を御自分のものとして清めるためだったのです。

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na. Ikashpaotte an korachi tap okaibe ye hemhem ki, onishnishi hemhem ki, pakashnu hemhem ki yan. Inan guru ne yakka iteki e pange kuni ne ki yan.

Sinuma anakne opittano okay ikaspaotte oterke anpe oro wano un kikiraye hemhem ki, pirka iki p siarikiki no iki yaykota kor pe ne kusu utar tur-sakte hemhem ki kuni ne yaiyanke nisa ruwe ne na. Ikaspaotte an koraci tap okaype ye hemhem ki, onisnisi hemhem ki, pakasnu hemhem ki yan. Inan kur ne yakka iteki e panke kuni ne ki yan.

ος εδωκεν εαυτον υπερ ημων ινα λυτρωσηται ημας απο πασης ανομιας και καθαριση εαυτω λαον περιουσιον ζηλωτην καλων εργων

十分な権威をもってこれらのことを語り、勧め、戒めなさい。だれにも侮られてはなりません。

Nei utara anak ne esapane utara newa mondum koro utara kotpoketa yairapokekara wa koitaknu kuni ye yan, samata, nep pirika ikip gusu ne yakka yaietokooikire,

Ne utar anakne esapane utar newa montum kor utar kotpokta yayrapokekara wa koytaknu kuni ye yan, sama ta, nep pirka iki p kusu ne yakka yayetokooykire,

υπομιμνησκε αυτους αρχαις εξουσιαις υποτασσεσθαι πειθαρχειν προς παν εργον αγαθον ετοιμους ειναι

人々に、次のことを思い起こさせなさい。支配者や権威者に服し、これに従い、すべての善い業を行う用意がなければならないこと、

iteki nen ne yakka ohaigekara, iteki ukoiki, rotcha keutum koro, obitta no okai utara epeka ramu-hauge no okai kuni ye yan.

iteki nen ne yakka ohaykekar, iteki ukoyki, rotca kewtum kor, opittano okay utar epeka ramu-hawke no okay kuni ye yan.

μηδενα βλασφημειν αμαχους ειναι επιεικεις πασαν ενδεικνυμενους πραυτητα προς παντας ανθρωπους

また、だれをもそしらず、争いを好まず、寛容で、すべての人に心から優しく接しなければならないことを。

Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

Inanpe kusu ne yakun, ci utar ne yakka, etokoko wano ramu-sak utar ci ne, itakkasi, a=kokantama an, usa okay wenpe kor rusuy kewtum kor wa yaysiniwpare, wenpe newa eyaytunnap ikici, a=etunne, ue-enupitara ci ne nisa.

ημεν γαρ ποτε και ημεις ανοητοι απειθεις πλανωμενοι δουλευοντες επιθυμιαις και ηδοναις ποικιλαις εν κακια και φθονω διαγοντες στυγητοι μισουντες αλληλους

わたしたち自身もかつては、無分別で、不従順で、道に迷い、種々の情欲と快楽のとりことなり、悪意とねたみを抱いて暮らし、忌み嫌われ、憎み合っていたのです。

Koroka, un kashiobiukip ne Kamui ramu-hauge ambe newa ainu epeka no an omap ambe hetuku an chiki,

Korka, un kasiopiwkip ne Kamuy ramu-hawke anpe newa aynu epeka no an omap anpe hetuku an ciki,

οτε δε η χρηστοτης και η φιλανθρωπια επεφανη του σωτηρος ημων θεου

しかし、わたしたちの救い主である神の慈しみと、人間に対する愛とが現れたときに、

yaikota chi iki oupeka an ikip ankushkerai shomo ne, koroka, kanna-shikore furaye ambe newa Ashkanne Ramat ashin no kara ambe ankushkerai hetukup ne,

yaykota ci iki owpeka an iki p an kuskeray somo ne, korka, kanna-sikore huraye anpe newa Askanne Ramat asinno kar anpe an kuskeray hetuku p ne,

ουκ εξ εργων των εν δικαιοσυνη α εποιησαμεν ημεις αλλα κατα το αυτου ελεος εσωσεν ημας δια λουτρου παλιγγενεσιας και ανακαινωσεως πνευματος αγιου

神は、わたしたちが行った義の業によってではなく、御自分の憐れみによって、わたしたちを救ってくださいました。この救いは、聖霊によって新しく生まれさせ、新たに造りかえる洗いを通して実現したのです。

Shinuma anak ne chikoro un kashiobiukip ne Yesu Kiristo ankushkerai nuye an no nei ambe un kashita echikiki nisa ruwe ne;

Sinuma anakne ci=kor un kasiopiwkip ne Yesu Kiristo an kuskeray nuye an no ne anpe un kasi ta ecikiki nisa ruwe ne;

ου εξεχεεν εφ ημας πλουσιως δια ιησου χριστου του σωτηρος ημων

神は、わたしたちの救い主イエス・キリストを通して、この聖霊をわたしたちに豊かに注いでくださいました。

tambe anak ne chi utara Shinuma koro irenga gusu aoupekare wa otusashuishiri pakno an inotu echipachipa ambe an korachi eikeshkoro utara ne akara kuni gusu an ambe ne ruwe ne.

tanpe anakne ci utar Sinuma kor irenka kusu a=owpekare wa otu sasuysir pakno an inotu ecipacipa anpe an koraci eykeskoro utar ne a=kar kuni kusu an anpe ne ruwe ne.

ινα δικαιωθεντες τη εκεινου χαριτι κληρονομοι γενηθωμεν κατ ελπιδα ζωης αιωνιου

こうしてわたしたちは、キリストの恵みによって義とされ、希望どおり永遠の命を受け継ぐ者とされたのです。

Nei itak ambe sonep ne, orowa, tap okaibe gusu anak, Kamui eishokoro okere utara anak ne esanniyo hine pirika moni iki kuni ne, yupke no e ye kuni ku kon rusui ruwe ne. Tapan okaibe anak ne ainu utara gusu pirika newa pirikare ambe ne: koroka,

Ne itak anpe sonep ne, orowa, tap okaype kusu anak, Kamuy eysokor okere utar anakne esanniyo hine pirka moni iki kuni ne, yupke no e ye kuni ku=kor rusuy ruwe ne. Tapan okaype anakne aynu utar kusu pirka newa pirkare anpe ne: korka,

πιστος ο λογος και περι τουτων βουλομαι σε διαβεβαιουσθαι ινα φροντιζωσιν καλων εργων προιστασθαι οι πεπιστευκοτες θεω ταυτα εστιν καλα και ωφελιμα τοις ανθρωποις

この言葉は真実です。あなたがこれらのことを力強く主張するように、わたしは望みます。そうすれば、神を信じるようになった人々が、良い行いに励もうと心がけるようになります。これらは良いことであり、人々に有益です。

ramu-isam upa-hunara ambe hene, ainu ekashi ikiri hene, upaore ambe hene, ukoiki ambe hene, tuitak gusu upaukoiki ambe hene eshishi yan; nei okaibe anak ne pirikare ambe shomo ne wa raka-sakbe ne ruwe ne gusu ne na.

ramu-isam upa-hunara anpe hene, aynu ekasi ikiri hene, upaore anpe hene, ukoyki anpe hene, tuytak kusu upawkoyki anpe hene esisi yan; ne okaype anakne pirkare anpe somo ne wa raka-sak pe ne ruwe ne kusu ne na.

μωρας δε ζητησεις και γενεαλογιας και εριν ερεις και μαχας νομικας περιιστασο εισιν γαρ ανωφελεις και ματαιοι

愚かな議論、系図の詮索、争い、律法についての論議を避けなさい。それは無益で、むなしいものだからです。

Kamui orushpe ohoge yainu gurʼanak ne ara-shui tu-shui epakashnu okake eshishi yan;

Kamuy oruspe ohoke yaynu kur anakne ar-suy tu-suy epakasnu okake esisi yan;

αιρετικον ανθρωπον μετα μιαν και δευτεραν νουθεσιαν παραιτου

分裂を引き起こす人には一、二度訓戒し、従わなければ、かかわりを持たないようにしなさい。

nei no an guru oheuge wa chikokatpak an hine aeyaiesanniyo okere ruwe ne ari eraman yan.

néno an kur ohewke wa ci=kokatpak an hine aeyayesanniyo okere ruwe ne ari eraman yan.

ειδως οτι εξεστραπται ο τοιουτος και αμαρτανει ων αυτοκατακριτος

あなたも知っているとおり、このような人は心がすっかりゆがんでいて、自ら悪いと知りつつ罪を犯しているのです。

Artemas hene Tikikos hene e orun ku arapare chiki, Nikaporis kotan ta en otta e ek kuni irammakaka iki yan: nei kotan ta ku mata-riya kuni ku esanniyo okere ruwe ne gusu ne na.

artemas hene Tikikos hene e orun ku=arpare ciki, Nikaporis kotan ta en or ta e ek kuni irammakaka iki yan: ne kotan ta ku=mata-riya kuni ku=esanniyo okere ruwe ne kusu ne na.

οταν πεμψω αρτεμαν προς σε η τυχικον σπουδασον ελθειν προς με εις νικοπολιν εκει γαρ κεκρικα παραχειμασαι

アルテマスかティキコをあなたのもとへ遣わしたら、急いで、ニコポリスにいるわたしのところへ来てください。わたしはそこで冬を越すことにしたからです。

Nep eikohayep isam kuni ne ipawetenge pita guru ne Zenas newa Aporros irammakaka ette yan.

Nep eykohayep isam kuni ne ipawetenke pita kur ne Zenas newa Aporros irammakaka e=tte yan.

ζηναν τον νομικον και απολλων σπουδαιως προπεμψον ινα μηδεν αυτοις λειπη

法律家ゼナスとアポロとを、何も不自由しないように、よく世話をして、送り出してください。

Koro kuni eishiramne ambe chikoro utara ne yakka uina kuni ne pirika moni iki ambe eyaihannokara kara yak pirika, iteki ibehe sak kuni gusu ne na.

Kor kuni eysiramne anpe ci=kor utar ne yakka uyna kuni ne pirka moni iki anpe eyayhannokara kar yak pirka, iteki ipehe sak kuni kusu ne na.

μανθανετωσαν δε και οι ημετεροι καλων εργων προιστασθαι εις τας αναγκαιας χρειας ινα μη ωσιν ακαρποι

わたしたちの仲間も、実際に必要な物を賄うために、良い行いに励むことを学ばねばなりません。実を結ばない者とならないためです。

En tura no obitta no okai utara anak ne e orun ekap na. Eishokor-i oshiketa un omap utara ekap wa en kore. Irenga obitta no okai echi utara tura no an kuni ku koramkon na.

En turano opittano okay utar anakne e orun ekap na. Eysokor hi oske ta un omap utar ekap wa en=kore. Irenka opittano okay eci utar turano an kuni ku=koramkor na.

ασπαζονται σε οι μετ εμου παντες ασπασαι τους φιλουντας ημας εν πιστει η χαρις μετα παντων υμων

わたしと一緒にいる者たちが皆、あなたによろしくと言っています。わたしたちを愛している信仰の友人たちによろしく伝えてください。恵みがあなたがた一同と共にあるように。