1 Ik. ページ 664

Yesu Kiristo koro usshiune guru ne Yakob koro iriwak Youdas anak ne, ahotuyekara wa okai, Michi ne Kamui otta aomap, Yesu Kiristo gusu ashikkashima wa okai utara otta kambi omande na:

Yesu Kiristo kor ussiw ne kur ne Yakob kor irwak Yowdas anakne, a=hotuyekar wa okay, Mici ne Kamuy or ta a=omap, Yesu Kiristo kusu a=sikkasma wa okay utar or ta kampi omante na:

ιουδας ιησου χριστου δουλος αδελφος δε ιακωβου τοις εν θεω πατρι ηγαπημενοις και ιησου χριστω τετηρημενοις κλητοις

イエス・キリストの僕で、ヤコブの兄弟であるユダから、父である神に愛され、イエス・キリストに守られている召された人たちへ。

echi utara gusu rampoken newa itomo newa omap ambe newa ainnere an na.

eci utar kusu ranpoken newa i=tom newa omap anpe newa ainnere an na.

ελεος υμιν και ειρηνη και αγαπη πληθυνθειη

憐れみと平和と愛が、あなたがたにますます豊かに与えられるように。

Aomap an utara, chi utara gusu an kashiobiuki ambe gusu echi otta ku nuye kuni irammakaka ku esanniyo ita, echi utara anak ne nei arashui no ashkanne utara otta akore aeishokor-i gusu shiarikiki no uwetushmak ki kuni nekon a ka echi onishnishi ash kusu ne sekoro ku yainu wa ku nuye nisa ruwe ne.

A=omap an utar, ci utar kusu an kasiopiwki anpe kusu eci or ta ku=nuye kuni irammakaka ku=esanniyo hi ta, eci utar anakne ne arsuy no askanne utar or ta a=kore a=eysokor hi kusu siarikiki no uwetusmak ki kuni nekona ka eci onisnisi as kusu ne sekor ku=yaynu wa ku=nuye nisa ruwe ne.

αγαπητοι πασαν σπουδην ποιουμενος γραφειν υμιν περι της κοινης ημων σωτηριας αναγκην εσχον γραψαι υμιν παρακαλων επαγωνιζεσθαι τη απαξ παραδοθειση τοις αγιοις πιστει

愛する人たち、わたしたちが共にあずかる救いについて書き送りたいと、ひたすら願っておりました。あなたがたに手紙を書いて、聖なる者たちに一度伝えられた信仰のために戦うことを、勧めなければならないと思ったからです。

Inambe gusu ne yakun, nuina no ahup utara okai; nei utara anak ne tap aesanniyo ambe gusu fushkotoi wano aashte utara ne, shomo Kamui ko-oripak, chikoro Kamui sange irenga ani ramupekere ne kara, patek chikoro Nishpa newa Utarapa ne Yesu Kiristo shikashke utara ne ruwe ne gusu ne na.

Inanpe kusu ne yakun, nuyna no ahup utar okay; ne utar anakne tap a=esanniyo anpe kusu huskotoy wano a=aste utar ne, somo Kamuy ko-oripak, ci=kor Kamuy sanke irenka ani ramupekere ne kar, patek ci=kor Nispa newa Utarpa ne Yesu Kiristo sikaske utar ne ruwe ne kusu ne na.

παρεισεδυησαν παρεισεδυσαν γαρ τινες ανθρωποι οι παλαι προγεγραμμενοι εις τουτο το κριμα ασεβεις την του θεου ημων χαριτα μετατιθεντες εις ασελγειαν και τον μονον δεσποτην και κυριον ημων ιησουν χριστον αρνουμενοι

なぜなら、ある者たち、つまり、次のような裁きを受けると昔から書かれている不信心な者たちが、ひそかに紛れ込んで来て、わたしたちの神の恵みをみだらな楽しみに変え、また、唯一の支配者であり、わたしたちの主であるイエス・キリストを否定しているからです。

Orowa, arashui no obitta no okaibe echi eraman a yakka, kuani echi eshkarunde ash rusui na; Utarapa anak ne Echipt moshiri wano utara kashiobas, awa, okaketa, eishokoro shomoki utara isamka nisa ruwe ne.

Orowa, arsuy no opittano okaype eci=eraman a yakka, kuani eci eskarunte as rusuy na; Utarpa anakne Ecipt mosir wano utar kasiopas, awa, okake ta, eysokor somo ki utar isamka nisa ruwe ne.

υπομνησαι δε υμας βουλομαι ειδοτας απαξ παντα οτι κυριος [υμας] παντα οτι [ο] κυριος απαξ λαον εκ γης αιγυπτου σωσας το δευτερον τους μη πιστευσαντας απωλεσεν

あなたがたは万事心得ていますが、思い出してほしい。主は民を一度エジプトの地から救い出し、その後、信じなかった者たちを滅ぼされたのです。

Samata, yaikota koro esapane kuni ushike shomo shikkashima, koroka, okai kuni oshiroma-i ande uitek utara, Shinuma nei poro toho koipishi an-hi pakno kunne-i otta ramma pakno an tupep ani

Sama ta, yaykota kor esapane kuni usike somo sikkasima, korka, okay kuni osiroma hi ante uytek utar, Sinuma ne poro toho koypisi an hi pakno kunne hi or ta ramma pakno an tupep ani

αγγελους τε τους μη τηρησαντας την εαυτων αρχην αλλα απολιποντας το ιδιον οικητηριον εις κρισιν μεγαλης ημερας δεσμοις αιδιοις υπο ζοφον τετηρηκεν

一方、自分の領分を守らないで、その住まいを見捨ててしまった天使たちを、大いなる日の裁きのために、永遠の鎖で縛り、暗闇の中に閉じ込められました。

shikkashima nisa ruwe ne. Orowa, Sodom newa Gomorra, samata nei okari an machiya poka, nei ushike korachi yaikota hoiyo ki wa oya kam otta paye gusu, ramma okere shomoki abe ani apanakte wa okai wa epakashnup gusu aashte ne ruwe ne.

sikkasima nisa ruwe ne. Orowa, Sodom newa Gomorra, sama ta ne okari an maciya poka, ne usike koraci yaykota hoiyo ki wa oya kam or ta paye kusu, ramma okere somo ki ape ani a=panakte wa okay wa epakasnup kusu a=aste ne ruwe ne.

ως σοδομα και γομορρα και αι περι αυτας πολεις τον ομοιον τροπον τουτοις εκπορνευσασαι και απελθουσαι οπισω σαρκος ετερας προκεινται δειγμα πυρος αιωνιου δικην υπεχουσαι

ソドムやゴモラ、またその周辺の町は、この天使たちと同じく、みだらな行いにふけり、不自然な肉の欲の満足を追い求めたので、永遠の火の刑罰を受け、見せしめにされています。

Yakka, tan utara ne yakka nei no korachi wendarap ki wa kam turu-ushte, orowa, esapane ambe esapse hene ki, nupeki ambe koatcha hene ki ruwe ne.

Yakka, tan utar ne yakka néno koraci wentarap ki wa kam tur-uste, orowa, esapane anpe esapse hene ki, nupeki anpe koatca hene ki ruwe ne.

ομοιως μεντοι και ουτοι ενυπνιαζομενοι σαρκα μεν μιαινουσιν κυριοτητα δε αθετουσιν δοξας δε βλασφημουσιν

しかし、同じようにこの夢想家たちも、身を汚し、権威を認めようとはせず、栄光ある者たちをあざけるのです。

Koroka, sapane uitekbe ne Mikaeru anak ne nitne kamui tura upahunara iki ita koatcha koipishi itak sange shomoki no, Utarapa e kopao kusu ne ari an itak ani ye nisa ruwe ne.

Korka, sapane uytekpe ne Mikaeru anakne nitne kamuy tura upahunara iki hi ta koatca koypisi itak sanke somo ki no, Utarpa e kopao kusu ne ari an itak ani ye nisa ruwe ne.

ο δε μιχαηλ ο αρχαγγελος οτε τω διαβολω διακρινομενος διελεγετο περι του μωυσεως σωματος ουκ ετολμησεν κρισιν επενεγκειν βλασφημιας αλλα ειπεν επιτιμησαι σοι κυριος

大天使ミカエルは、モーセの遺体のことで悪魔と言い争ったとき、あえてののしって相手を裁こうとはせず、「主がお前を懲らしめてくださるように」と言いました。

Koroka, tan utara anak ne yaikota eramushkare ambe gusu koatcha ki: orowa, ramu-sak no an okaibe rengaine eramanbe korachi, nei utara nei ambe eraman, tap okaibe gusu aisamka ruwe ne na.

Korka, tan utar anakne yaykota eramuskare anpe kusu koatca ki: orowa, ramu-sak no an okaype renkayne eraman pe koraci, ne utar ne anpe eraman, tap okaype kusu a=ysamka ruwe ne na.

ουτοι δε οσα μεν ουκ οιδασιν βλασφημουσιν οσα δε φυσικως ως τα αλογα ζωα επιστανται εν τουτοις φθειρονται

この夢想家たちは、知らないことをののしり、分別のない動物のように、本能的に知っている事柄によって自滅します。

Nei utara yaisambepokash humi! Kain koro michi kari apkash, pummaha gusu Baraam koro ohaitap gusu vaiemaka, Kora Ainu ki tasa itak gusu aisamka nisa ruwe ne.

Ne utar yaysanpepokas humi! Kain kor mici kari apkas, pummaha kusu Baraam kor ohaytap kusu vayemaka, Kor Aynu ki tasa itak kusu a=ysamka nisa ruwe ne.

ουαι αυτοις οτι τη οδω του καιν επορευθησαν και τη πλανη του βαλααμ μισθου εξεχυθησαν και τη αντιλογια του κορε απωλοντο

不幸な者たちです。彼らは「カインの道」をたどり、金もうけのために「バラムの迷い」に陥り、「コラの反逆」によって滅んでしまうのです。

Tan utara anak ne echi tura no marapto ki ita echi koro omap gusu an marapto oshiketa okai nuina no an watara ne, ishitoma shomoki yaiibere reshpa utara ne, rera pashte wakka sak nishkuru ne, ibe sak chukpa un chikuni, tu shui shumumge,

Tan utar anakne eci turano marapto ki hi ta eci=kor omap kusu an marapto oske ta okay nuyna no an watara ne, isitoma somo ki yayipere respa utar ne, rera paste wakka sak niskur ne, ipe sak cukpa un cikuni, tu suy sumumke,

ουτοι εισιν οι εν ταις αγαπαις υμων σπιλαδες συνευωχουμενοι αφοβως εαυτους ποιμαινοντες νεφελαι ανυδροι υπο ανεμων παραφερομεναι δενδρα φθινοπωρινα ακαρπα δις αποθανοντα εκριζωθεντα

こういう者たちは、厚かましく食事に割り込み、わが身を養い、あなたがたの親ぼくの食事を汚すしみ、風に追われて雨を降らさぬ雲、実らず根こぎにされて枯れ果ててしまった晩秋の木、

shinrit komesup ne ruwe ne: yaikota koro yainikoroshma kuni koishum sange atui un yupke riri ne, gusu shashuishiri wano kunne kurokokbe eumashnu wa okai ekeshne paye nochiu ne ruwe ne na.

sinrit komesup ne ruwe ne: yaykota kor yaynikorosma kuni koysum sanke atuy un yupke rir ne, kusu sasuysir wano kunne kurokokpe ewmasnu wa okay ekesne paye nociw ne ruwe ne na.

κυματα αγρια θαλασσης επαφριζοντα τας εαυτων αισχυνας αστερες πλανηται οις ο ζοφος του σκοτους εις αιωνα τετηρηται

わが身の恥を泡に吹き出す海の荒波、永遠に暗闇が待ちもうける迷い星です。

Tan utara gusu, Adam orowa no arawan ikinne an ainu ne Enok anak ne uweingara ki wa ene itakhi:— Ingara yan, Utarapa anak ne koro turu-sak inne topaha tura wa ek hine,

Tan utar kusu, Adam oro wano arwan ikinne an aynu ne Enok anakne ueinkar ki wa ene itak hi:— Inkar yan, Utarpa anakne kor tur-sak inne topaha tura wa ek hine,

επροφητευσεν προεφητευσεν δε και τουτοις εβδομος απο αδαμ ενωχ λεγων ιδου ηλθεν κυριος εν αγιαις μυριασιν αυτου

アダムから数えて七代目に当たるエノクも、彼らについてこう預言しました。「見よ、主は数知れない聖なる者たちを引き連れて来られる。

obitta no okai utara koipishi, Kamui koatcha obitta no okai utara koatcha an wa obitta no okai koatcha ki ikip gusu hemhem, Shinuma ohaigekara wa koatcha wen-buri koro utara ye hokamba itak gusu hemhem ki kusu ne na.

opittano okay utar koypisi, Kamuy koatca opittano okay utar koatca an wa opittano okay koatca ki iki p kusu hemhem, Sinuma ohaykekar wa koatca wen-puri kor utar ye hokanpa itak kusu hemhem ki kusu ne na.

ποιησαι κρισιν κατα παντων και ελεγξαι παντας τους ασεβεις πασαν ψυχην περι παντων των εργων ασεβειας αυτων ων ησεβησαν και περι παντων των σκληρων ων ελαλησαν κατ αυτου αμαρτωλοι ασεβεις

それは、すべての人を裁くため、また不信心な生き方をした者たちのすべての不信心な行い、および、不信心な罪人が主に対して口にしたすべての暴言について皆を責めるためである。」

Tan utara anak ne oromam ki utara ne, iyaishirikara utara ne, koro hoiyo keutum nei no eshipa ki (paroho an poro yaiomonnure itak ye) ani yaiepirikare gusu an utara panore ruwe ne.

Tan utar anakne oromam ki utar ne, iyaysirikara utar ne, kor hoiyo kewtum néno esipa ki (paroho an poro yayomonnure itak ye) ani yayepirikare kusu an utar panore ruwe ne.

ουτοι εισιν γογγυσται μεμψιμοιροι κατα τας επιθυμιας αυτων εαυτων πορευομενοι και το στομα αυτων λαλει υπερογκα θαυμαζοντες προσωπα ωφελειας χαριν

こういう者たちは、自分の運命について不平不満を鳴らし、欲望のままにふるまい、大言壮語し、利益のために人にこびへつらいます。

Koroka, aomap an echi utara, chikoro Utarapa ne Yesu Kiristo koro Apostoro utara ye okere itak eshkarun yan;

Korka, a=omap an eci utar, ci=kor Utarpa ne Yesu Kiristo kor Apostoro utar ye okere itak eskarun yan;

υμεις δε αγαπητοι μνησθητε των ρηματων των προειρημενων υπο των αποστολων του κυριου ημων ιησου χριστου

愛する人たち、わたしたちの主イエス・キリストの使徒たちが前もって語った言葉を思い出しなさい。

okese an paki ita yaikota koro Kamui koatcha an hoiyo keutum nei no apkash wa eoyaitak ki utara araki kusu ne, ari an itak ani echi epakashnu

okes an paki hi ta yaykota kor Kamuy koatca an hoiyo kewtum néno apkas wa eoyaytak ki utar arki kusu ne, ari an itak ani eci=epakasnu

οτι ελεγον υμιν επ εσχατου [οτι] επ εσχατου [του] χρονου εσονται εμπαικται κατα τας εαυτων επιθυμιας πορευομενοι των ασεβειων

彼らはあなたがたにこう言いました。「終わりの時には、あざける者どもが現れ、不信心な欲望のままにふるまう。」

gusu ye nisa ruwe ne. Nei utara anak ne uwekopi ki utara ne, Ramat koro shomoki no rengaine an keutum koro utara ne ruwe ne.

kusu ye nisa ruwe ne. Ne utar anakne uwekopi ki utar ne, Ramat kor somo ki no renkayne an kewtum kor utar ne ruwe ne.

ουτοι εισιν οι αποδιοριζοντες ψυχικοι πνευμα μη εχοντες

この者たちは、分裂を引き起こし、この世の命のままに生き、霊を持たない者です。

Koroka, aomap an utara echi utara anak ne Ashkanne Ramat oshiketa inonno-itak ki,

Korka, a=omap an utar eci utar anakne Askanne Ramat oske ta inonno-itak ki,

υμεις δε αγαπητοι εποικοδομουντες εαυτους τη αγιωτατη υμων πιστει εν πνευματι αγιω προσευχομενοι

しかし、愛する人たち、あなたがたは最も聖なる信仰をよりどころとして生活しなさい。聖霊の導きの下に祈りなさい。

Kamui omap-i otta yaishikkashima, shiokere shomoki inotu gusu an chikoro Utarapa ne Yesu Kiristo koro rampoken etere hine, echi koro iyotta turu-sak an eiskokorope kata yaiashtere yan.

Kamuy omap hi or ta yaysikkasma, siokere somo ki inotu kusu an ci=kor Utarpa ne Yesu Kiristo kor ranpoken e=tere hine, eci=kor iyotta tur-sak an eiskokorope kata yayastere yan.

εαυτους εν αγαπη θεου τηρησατε προσδεχομενοι το ελεος του κυριου ημων ιησου χριστου εις ζωην αιωνιον

神の愛によって自分を守り、永遠の命へ導いてくださる、わたしたちの主イエス・キリストの憐れみを待ち望みなさい。

Orowa, echi epeka upahunara utara erampokiwen wa kore; an utara abe orowa no yange wa kashiobas;

Orowa, eci=epeka upahunara utar eranpokiwen wa kore; an utar ape oro wano yanke wa kasiopas;

και ους μεν ελεατε διακρινομενους σωζετε εκ πυρος αρπαζοντες

疑いを抱いている人たちを憐れみなさい。

ishitoma ki wa an utara erampokiwen wa kore: samata, kam gusu chikosamtek anrip poka etunne yan.

isitoma ki wa an utar eranpokiwen wa kore: sama ta, kam kusu cikosamtek anrip poka etunne yan.

ους δε σωζετε εκ πυρος αρπαζοντες ους δε ελεατε εν φοβω μισουντες και τον απο της σαρκος εσπιλωμενον χιτωνα

ほかの人たちを火の中から引き出して助けなさい。また、ほかの人たちを用心しながら憐れみなさい。肉によって汚れてしまった彼らの下着さえも忌み嫌いなさい。

Orowa shui, iteki echi ureepetchiu kuni ne echi shikkashima, orowa, turu-sak no shi no nupetne no koro kotchaketa echi ashte eashkaibe orota,

Orowa suy, iteki eci ureepetciw kuni ne eci=sikkasima, orowa, tur-sak no sino nupetne no kor kotcake ta eci=aste easkay pe oro ta,

τω δε δυναμενω φυλαξαι υμας απταιστους και στησαι κατενωπιον της δοξης αυτου αμωμους εν αγαλλιασει

あなたがたを罪に陥らないように守り、また、喜びにあふれて非のうちどころのない者として、栄光に輝く御前に立たせることができる方、

chikoro Utarapa ne Yesu Kiristo gusu patek chikoro un kashiobiuki Kamui orota nupeki newa, pase ambe newa, kiroro newa, mondum kane, paki-i etoko ne yakka, tane ne yakka, shashuishiri pakno ne yakka an kuni akoramkon na. Amen.

ci=kor Utarpa ne Yesu Kiristo kusu patek ci=kor un kasiopiwki Kamuy oro ta nupeki newa, pase anpe newa, kiroro newa, montum kane, paki hi etoko ne yakka, tane ne yakka, sasuysir pakno ne yakka an kuni a=koramkor na. Amen.

μονω θεω σωτηρι ημων δια ιησου χριστου του κυριου ημων δοξα μεγαλωσυνη κρατος και εξουσια προ παντος του αιωνος και νυν και εις παντας τους αιωνας αμην

わたしたちの救い主である唯一の神に、わたしたちの主イエス・キリストを通して、栄光、威厳、力、権威が永遠の昔から、今も、永遠にいつまでもありますように、アーメン。